លោកជំទាវអ្នកឧកញ៉ា ម៉ៅ ចំណាន គិតម៉េង កាលពីរសៀលថ្ងៃទី២២ ខែតុលា ឆ្នាំ២០២៥ នៅទីស្នាក់សមាគមសិល្បករខ្មែរ បានបន្តរៀបចំកិច្ចប្រជុំពិសេសមួយជាមួយនឹងថ្នាក់ដឹកនាំសមាគម និងក្រុមការងារផ្សេងទៀត ដោយបូករួមជាមួយនឹង Call Conference ផងដែរ ដើម្បីជជែកពិភាក្សាលម្អិតលើកវឌ្ឍនភាពផែនការការងារ និងគម្រោងនៃការរៀបចំព្រឹត្តិការណ៍ដ៏ពិសេសមួយ នាចុងឆ្នាំ២០២៥នេះ។
នេះជាលើកទី២ហើយ ដែលលោកជំទាវអ្នកឧកញ៉ា ម៉ៅ ចំណាន គិតម៉េង បានដឹកនាំកិច្ចប្រជុំ ដើម្បីជជែកពិភាក្សាលម្អិតលើកវឌ្ឍនភាពផែនការការងារ និងគម្រោងនៃការរៀបចំព្រឹត្តិការណ៍ដ៏ពិសេសមួយ នាចុងឆ្នាំ២០២៥ បន្ទាប់ពីកាលពីរសៀលថ្ងៃទី១៧ ខែតុលា ឆ្នាំ២០២៥ នៅទីស្នាក់សមាគមសិល្បករខ្មែរ បានរៀបចំកិច្ចប្រជុំពិសេសមួយជាមួយនឹងថ្នាក់ដឹកនាំសមាគម អំពីការរៀបចំព្រឹត្តិការណ៍មួយនេះផងដែរ។
យ៉ាងណាក្តី សមាគមសិល្បករខ្មែរ ពុំទាន់បានបង្ហាញឱ្យដឹងពីព្រឹត្តិការណ៍ពិសេសចុងឆ្នាំ២០២៥នេះ ឱ្យបានដឹងច្បាស់នៅឡើយទេ។ ទោះយ៉ាងណា សមាគមបញ្ជាក់ថា ព័ត៌មានលម្អិតនៃគម្រោងរៀបចំព្រឹត្តិការណ៍ដ៏ពិសេសនេះ នឹងត្រូវលើកយកមកបង្ហាញជាផ្លូវការ នៅក្នុងរយៈពេលដ៏ខ្លីខាងមុខនេះ៕
