(វៀតណាម)៖ មន្ទីរពេទ្យ FVទើបអនុវត្តដោយជោគជ័យពីរករណីអន្តរាគមន៍សរសៃឈាមបេះដូងលើកដំបូងនៅប្រទេសវៀតណាមដោយប្រើបច្ចេកវិទ្យាបំបែកកាល់ស្យូមក្នុងសរសៃឈាម ដោយរលកឆក់អ៊ុលត្រាសោន (Intravascular Lithotripsy – IVL) ។
នេះជាបច្ចេកទេសជឿនលឿនមួយ ដែលបង្កើតឱ្យមានរបកគំហើញក្នុងការព្យាបាលកំណកកាល់ស្យូមធ្ងន់ធ្ងរក្នុងសរសៃឈាម ដែលមិនអាចព្យាបាលបានតាមវិធីបុរាណ។
តាមរយៈការអនុវត្តបច្ចេកវិទ្យា IVL ក្នុងការបំបែកកាល់ស្យូមក្នុងសរសៃឈាម វេជ្ជបណ្ឌិតនៅនាយកដ្ឋានសរសៃឈាមបេះដូង និងអន្តរាគមន៍សរសៃឈាមបេះដូង មន្ទីរពេទ្យ FV អាចព្យាបាលករណីជំងឺសរសៃឈាមបេះដូងដែលមានជាតិកាល់ស្យូមធ្ងន់ធ្ងរ ដែលពីមុនត្រូវការវះកាត់បើកចំហ ឬមានហានិភ័យនៃការស្ទះឡើងវិញក្រោយអន្តរាគមន៍។
*ការប្រើប្រាស់បច្ចេកវិទ្យា IVL បានព្យាបាលអ្នកជំងឺ ២ នាក់ដោយជោគជ័យនៃជំងឺកំណកកាល់ស្យូមសរសៃឈាមធ្ងន់ធ្ងរ
ករណីទី១ គឺជាអ្នកជំងឺស្រី (អាយុ ៦៧ឆ្នាំ) ដែលមានប្រវត្តិដាក់ stent បេះដូងប៉ុន្មានឆ្នាំមុននៅមន្ទីរពេទ្យមួយទៀតក្នុងទីក្រុងហូជីមិញ។ ប៉ុន្តែ ដោយសារតែសរសៃឈាមមានកំណកជាតិកាល់ស្យូមធ្ងន់ធ្ងរ stent មិនអាចពង្រីកបានពេញលេញ ដែលនាំឱ្យមានការស្ទះសរសៃឈាមឡើងវិញ។ អ្នកជំងឺបានទទួលការអន្តរាគមន៍ជាច្រើនដោយប្រើប៉េងប៉ោងពង្រីក និងសូម្បីតែបច្ចេកទេស RotaPro (ឧបករណ៍ខួង) ប៉ុន្តែលទ្ធផលមិនមានប្រសិទ្ធភាពច្បាស់លាស់។
លោកបណ្ឌិតវេជ្ជបណ្ឌិត ហូមិញទ្វឹង ប្រធានផ្នែកសរសៃឈាមបេះដូង និងអន្តរាគមន៍សរសៃឈាមបេះដូងនៃមន្ទីរពេទ្យ FV បានសម្រេចចិត្តប្រើប៉េងប៉ោង IVL ដែលជាប្រភេទប៉េងប៉ោងអាចបញ្ចេញរលកឆក់អ៊ុលត្រាសោន ដើម្បីបំបែកបន្ទះដែលមានជាតិកាល់ស្យូម។ បន្ទាប់ពី ៦ វដ្តនៃរលក ដំបៅត្រូវបានបើកទាំងស្រុង stent ពង្រីកបានល្អបំផុត និងឈាមចរាចរបានល្អ។
លោកបណ្ឌិតវេជ្ជបណ្ឌិត ហូ មិញទ្វឹង បានពន្យល់យ៉ាងដូច្នេះថា«ភ្លាមៗបន្ទាប់ពីនីតិវិធី អ្នកជំងឺលែងឈឺទ្រូង និងលែងពិបាកដកដង្ហើម។ លទ្ធផលនៃការថតរូបក៏បានបង្ហាញផងដែរថាលំហូរឈាមទៅបេះដូងបានជាសះស្បើយយ៉ាងពេញលេញ»។
ករណីទី២ មានភាពស្មុគស្មាញជាងមុនមុន។ អ្នកជំងឺជាស្ត្រី វ័យ ៨៩ឆ្នាំ ម្នាក់ដែលអាការៈស្ទះសរសៃឈាមបេះដូងខាងឆ្វេងមានសភាពធ្ងន់ធ្ងរ កន្លែងចិញ្ចឹម ៧០% នៃម៉ាសបេះដូង។ កំណកកាល់ស្យូមធ្ងន់ធ្ងរ មានហានិភ័យខ្ពស់នៃការស្លាប់ប្រសិនបើមិនបានព្យាបាលទាន់ពេល។ លើកនេះ ក្រុមវេជ្ជបណ្ឌិតនៅមន្ទីរពេទ្យ FV បានប្រើប្រាស់រួមគ្នាបច្ចេកវិទ្យា RotaPro ដើម្បីបំបែកស្រទាប់កាល់ស្យូមលើផ្ទៃ បន្ទាប់មកប្រើបច្ចេកវិទ្យា IVL ដើម្បីបំបែកស្រទាប់កាល់ស្យូមជ្រៅនៅក្រោមស្រទាប់សរសៃឈាមខាងក្នុង។ រូបភាពការពិនិត្យបានបង្ហាញថា សរសៃឈាមបាន “ទូលាយ” មិនមានកាល់ស្យូមដែលនៅសល់។ នៅពេលនោះ គ្រូពេទ្យបានដាក់ stent សរសៃឈាមបេះដូង ហើយពិនិត្យដោយរូបភាពអុបទិកក្នុងសរសៃឈាម OCT ។ ជាលទ្ធផលអ្នកជំងឺបានជាសះស្បើយឡើងវិញបន្ទាប់ពីនីតិវិធី។
*បច្ចេកវិទ្យាបំបែកកាល់ស្យូមក្នុងសរសៃឈាម IVL៖ បច្ចេកទេសរបកគំហើញក្នុងអន្តរាគមន៍សរសៃឈាមបេះដូង
យោងតាមលោកបណ្ឌិតវេជ្ជបណ្ឌិត ហូមិញទ្វឹង បច្ចេកទេស IVL មិនត្រឹមតែបង្កើតវឌ្ឍនភាពបច្ចេកទេសក្នុងអន្តរាគមន៍សរសៃឈាមបេះដូងក្នុងប្រទេសវៀតណាមប៉ុណ្ណោះទេ ថែមទាំងធ្វើឱ្យប្រសើរឡើងយ៉ាងខ្លាំងនូវសុវត្ថិភាពអ្នកជំងឺផងដែរ។ បើប្រៀបធៀបជាមួយនឹងវិធីសាស្រ្តបែបបុរាណដូចជាប៉េងប៉ោងពង្រីកឬខួងពេជ្រ RotaPro, IVL បង្ហាញពីសមត្ថភាពក្នុងការព្យាបាលបន្ទះកាល់ស្យូម «រឹងរូស» ប្រកបដោយប្រសិទ្ធភាពដោយមិនធ្វើឱ្យខូចជាលិកាដែលមានសុខភាពល្អ កាត់បន្ថយផលវិបាកអំឡុងពេល និងក្រោយអនុវត្តវិធីសាស្រ្តព្យាបាល។
គុណសម្បត្តិដ៏លេចធ្លោមួយរបស់ IVL គឺសមត្ថភាពក្នុងការបំបែកបន្ទះកាល់ស្យូម សូម្បីតែនៅក្នុងទីតាំងចង្អៀតជ្រៅ ដែលធ្លាប់ជា«ការភ័យខ្លាច» របស់អ្នកបច្ចេកទេសក្នុងការធ្វើអន្តរាគមន៍ផ្នែកសរសៃឈាមបេះដូង។ រលកឆក់អ៊ុលត្រាសោនដែលបញ្ចេញចេញពីប៉េងប៉ោង IVL ប៉ះពាល់ដោយផ្ទាល់នូវរចនាសម្ព័ន្ធកាល់ស្យូម ជួយពង្រីកសរសៃឈាម បង្កើតលក្ខខណ្ឌសម្រាប់ stent ពង្រីកបានល្អបំផុត ស្របពេលវិធីសាស្រ្តផ្សេងទៀតមិនអាចសម្រេចបាន។ លទ្ធផលនេះមិនត្រឹមតែធ្វើឱ្យប្រសើរឡើងនូវរោគសញ្ញានៃការតឹងទ្រូង និងដង្ហើមខ្លីប៉ុណ្ណោះទេ ថែមទាំងជួយពន្យារគុណភាពជីវិតរបស់អ្នកជំងឺក្នុងរយៈពេលយូរផងដែរ។
បច្ចេកទេស បំបែកកាល់ស្យូមក្នុងសរសៃឈាមដោយរលកឆក់អ៊ុលត្រាសោន (IVL) ត្រូវបានដាក់បញ្ចូលទៅក្នុងនីតិវិធីអន្តរាគមន៍សរសៃឈាមទំនើប ដែលគាំទ្រដោយឧបករណ៍ធ្វើរោគវិនិច្ឆ័យ និងរុករកច្បាស់លាស់ដូចជា IVUS (អ៊ុលត្រាសោនក្នុងសរសៃឈាម) និង OCT (ការថតចំលងអុបទិក)។ ដោយសាររូបភាពដែលច្បាស់លាស់នៅខាងក្នុងសរសៃឈាម វេជ្ជបណ្ឌិតអាចធ្វើការសម្រេចចិត្តព្យាបាលសមរម្យសម្រាប់ប្រភេទជំងឺនីមួយៗ ដោយហេតុនេះបង្កើនប្រសិទ្ធភាពនៃការព្យាបាល។
លើសពីនេះទៀត ជម្រើសរវាង IVL និង RotaPro ក៏មានលក្ខណៈបុគ្គលអាស្រ័យលើលក្ខណៈនៃជំងឺ។ ករណីដែលសរសៃឈាមនៅតែធំទូលាយគ្រប់គ្រាន់ និងកាល់ស្យូមរាលជ្រៅចូលទៅក្នុងជញ្ជាំងសរសៃឈាមមានលក្ខណៈសមរម្យសម្រាប់ IVL ខណៈពេលដែលកំណកធ្ងន់ធ្ងរជាងជាមួយនឹងកាល់ស្យូមរាក់ ប៉ុន្តែសរសៃឈាមរួមតូចនឹងតម្រូវឱ្យប្រើ RotaPro ជាមុនសិន។
ការរួមបញ្ចូលគ្នាដែលអាចបត់បែនបាននៃបច្ចេកវិទ្យាទំនើបបំផុតនាពេលបច្ចុប្បន្ននេះជួយឱ្យដំណើរការអន្តរាគមន៍កាន់តែច្បាស់លាស់ និងមានសុវត្ថិភាពជាងមុនសម្រាប់អ្នកជំងឺម្នាក់ៗ។
បណ្ឌិតវេជ្ជបណ្ឌិត ហូមិញទ្វឹង មានប្រសាសន៍ថា«IVL នឹងដើរតួនាទីយ៉ាងសំខាន់ក្នុងបរិបទនៃចំនួនប្រជាជនដែលមានវ័យចំណាស់យ៉ាងឆាប់រហ័ស របស់វៀតណាម នៅពេលដែលកើតមានជំងឺរ៉ាំរ៉ៃដូចជាជំងឺទឹកនោមផ្អែម និងជំងឺលើសឈាម ជំងឺលើសខ្លាញ់ក្នុងឈាម ជំងឺតម្រងនោមរ៉ាំរ៉ៃកំពុងកើនឡើង។ កត្តាទាំងនេះធ្វើឱ្យការខូចខាតសរសៃឈាមបេះដូងកាន់តែស្មុគស្មាញ ហើយជំងឺសរសៃរឈាមកាន់តែធ្ងន់ធ្ងរ។ បំបែកកាល់ស្យូមក្នុងសរសៃឈាមដោយរលកឆក់អ៊ុលត្រាសោន (IVL) គឺជាដំណោះស្រាយដ៏មានប្រសិទ្ធភាពមួយ ក្នុងការព្យាបាលករណីដែលពីមុនត្រូវប្តូរទៅការវះកាត់បើកចំហ ឬទទួលយកហានិភ័យនៃការសម្រាកក្រោយពេលធ្វើអន្តរាគមន៍»។
នាយកដ្ឋានសរសៃឈាមបេះដូង និងអន្តរាគមន៍សរសៃឈាមបេះដូង មន្ទីរពេទ្យ FV តែងតែត្រួសត្រាយក្នុងការអនុវត្តបច្ចេកទេសទំនើបក្នុងតំបន់ ដើម្បីព្យាបាលជំងឺសរសៃឈាមបេះដូង ដូចជា ជំងឺដាច់សរសៃឈាមបេះដូង ចង្វាក់បេះដូងលោតមិនប្រក្រតី ខ្សោយបេះដូងជាដើម ផ្តល់ឱកាសព្យាបាលអ្នកជំងឺវៀតណាមដោយចំណាយត្រឹមតែពាក់កណ្តាលនៃថ្លៃព្យាបាលនៅក្រៅប្រទេស។
ដើម្បីធ្វើការណាត់ជួបពិនិត្យ និងព្យាបាល សូមទាក់ទងការិយាល័យតំណាងមន្ទីរពេទ្យ FV នៅទីក្រុងភ្នំពេញ ប្រទេសកម្ពុជា តាមរយៈ (+855) 23 211 777 ឬ ខ្សែទូរស័ព្ទ (+855) 89 999 345៕
