មហាសេដ្ឋីលំដាប់របស់អាមេរិក លោក Bill Gate បាននិយាយកាលពីពេលថ្មីៗនេះថា មូលនិធី Gates Foundation របស់លោក និងក្រុមហ៊ុន OpenAI កំពុងចាប់ដៃសហការគ្នា វិនិយោគទឹកប្រាក់ចំនួន ៥០លានដុល្លារ ដើម្បីជួយប្រទេសអាហ្រ្វិកជាច្រើន ប្រើប្រាស់បច្ចេកវិទ្យា AI ដើម្បីកែលម្អប្រព័ន្ធសុខាភិបាលរបស់ពួកគេ។ នេះបើតាមការចុះផ្សាយពីសារព័ត៌មាន Reuters។
តាមរយៈភាពជាដៃគូនេះ ត្រូវបានឲ្យឈ្មោះថា Horizon1000 ដែលមានគម្រោងធ្វើការជាមួយមដឹកនាំរបស់ប្រទេសនៅអាហ្រ្វិកជាច្រើន ដើម្បីកំណត់ពីរបៀបប្រើប្រាស់បច្ចេកវិទ្យា AI នេះឲ្យបានល្អបំផុត និងត្រូវចាប់ផ្តើមដំបូងគេជាមួយប្រទេស Rwanda។
មិនតែប៉ុណ្ណោះ លោក Bill Gates បាននិយាយនៅក្នុងសេចក្តីថ្លែងការណ៍មួយថា៖” នៅក្នុងប្រទេសក្រីក្រ ដែលមានកង្វះខាតបុគ្គលិកសុខាភិបាលយ៉ាងច្រើន និងខ្វះហេដ្ឋារចនាសម្ព័ន្ធប្រព័ន្ធសុខាភិបាល បញ្ញាសិប្បនិម្មិតអាចជាកត្តាផ្លាស់ប្តូរ ក្នុងការពង្រីកការទទួលបានការថែទាំងសុខភាពដែឡមានគុណភាពខ្ពស់”។
មិនតែប៉ុណ្ណោះ ស្ថាបនិកក្រុមហ៊ុន Microsoft រូបនេះថែមទាំងបាននិយាយទៀតថា គម្រោង Horizon1000 នេះ មានគោលបំណងទៅដល់គ្លីនិកសុខភាពបឋមចំនួន ១ ០០០ និងសហគមន៍ជុំវិញនៅទូទាំងប្រទេសជាច្រើននៅឆ្នាំ២០២៨៕
