នាថ្ងៃទី១២ ខែកុម្ភៈ ឆ្នាំ២០២៦ អ្នកឧកញ៉ា គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបតិ្ត នៃក្រុមហ៊ុន ម៉េងលី ជេ. គួច អេឌ្យូខេសិន អនុញ្ញាតឱ្យគណៈគ្រប់គ្រង លោកគ្រូ អ្នកគ្រូ និងបុគ្គលិកនៃក្រុមហ៊ុន ម៉េងលី ជេ. គួច អេឌ្យូខេសិន មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង ចូលជួបសម្តែងការគួរសម និងគោរពជូនពរក្នុងឱកាសទិវានៃក្តីស្រឡាញ់ និងបុណ្យចូលឆ្នាំថ្មីប្រពៃណីចិន។
ក្នុងឱកាសទិវានៃក្តីស្រឡាញ់ និងបុណ្យចូលឆ្នាំថ្មីប្រពៃណីចិន ឆ្នាំ២០២៦នេះដែរ អ្នកឧកញ៉ា ក៏បានផ្ញើសារជូនពរដល់ គណៈគ្រប់គ្រង លោកគ្រូ អ្នកគ្រូ និងបុគ្គលិក ព្រមទាំងប្រជាជនខ្មែរទាំងអស់ សូមជួបប្រទះតែសេចក្តីសុខសុភមង្គល សុខភាពល្អបរិបូរ និងជោគជ័យគ្រប់ភារកិច្ចទាំងអស់។ សូមរីករាយថ្ងៃឈប់សម្រាក និងសូមឱ្យការធ្វើដំណើរប្រកបដោយសុខសុវត្ថិភាព។
សូមជម្រាបថា ទិវានៃក្តីស្រឡាញ់ ត្រូវបានប្រព្រឹត្តឡើងរៀងរាល់ឆ្នាំ នៅថ្ងៃទី១៤ ខែកុម្ភៈ។ បុណ្យនេះគឺជាថ្ងៃដែលបញ្ជាក់អំពីសេចក្ដីស្រឡាញ់ជាទូទៅ ដោយមិនចាំបាច់សម្រាប់តែគូស្នេហ៍នោះទេ។ រីឯបុណ្យចូលឆ្នាំថ្មីប្រពៃណីចិន ឆ្នាំ២០២៦នេះ នឹងប្រារព្វឡើងរយៈពេល ៤ថ្ងៃ ចាប់ពីថ្ងៃទី១៦ ដល់ថ្ងៃទី១៩ ខែកុម្ភៈ។ បុណ្យចូលឆ្នាំថ្មីប្រពៃណីចិន ឬបុណ្យរដូវផ្ការីក គឺជាពិធីបុណ្យដ៏ធំបំផុតរបស់ជនជាតិចិន។ ពិធីនេះផ្តោតលើការជួបជុំគ្រួសារ ការសែនព្រេនដូនតា ការតុបតែងផ្ទះពណ៌ក្រហម និងការផ្លាស់ប្តូរអាំងប៉ាវ ដើម្បីនាំសិរីសួស្តី និងលាភសំណាងសម្រាប់ឆ្នាំថ្មី។
