លោកអនុនាវីទោ កែវចាន់ប៊ីលី សិក្ខាកាមនាយនាវីនៃកងទ័ពជើងទឹកកម្ពុជា បានបញ្ចប់ការសិក្សា «វគ្គនាយនាវីប្រយុទ្ធលើលម្ហសមុទ្រ» (Maritime Warfare Officer Course) ជំនាន់ទី១៨ ពីមូលដ្ឋានកងនាវាចរណ៍ភូមិន្ទអូស្រ្តាលី HMAS WATSON នៅទីក្រុងស៊ីដនី យ៉ាងជោគជ័យ កាលពីថ្ងៃទី២៤ ខែមិថុនា ឆ្នាំ២០២៦។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ក្នុងឱកាសដ៏រំភើបនេះ ក្រុមនាយទាហានកងយោធពលខេមរភូមិន្ទរៀមច្បងដែលបញ្ចប់ការសិក្សាពីបណ្ឌិត្យសភាយោធាអូស្រ្តាលី បានចូលរួមអបអរសាទរ និងជូនពរដល់លោកអនុនាវីទោ កែវ ចាន់ប៊ីលី ឱ្យទទួលបានជោគជ័យបន្ថែមទៀតក្នុងភារកិច្ចបម្រើជាតិមាតុភូមិ។
សូមជម្រាបជូនថា វគ្គបណ្តុះបណ្តាលរយៈពេល ១ឆ្នាំនេះ មានសិក្ខាកាមសរុប ៣២នាក់ ក្នុងនោះមាននាយនាវីអន្តរជាតិត្រឹមតែ ៥រូបប៉ុណ្ណោះ ដែលរួមមានលោកអនុនាវីទោ កែវ ចាន់ប៊ីលី ជានាយនាវីតំណាងដ៏ឆ្នើមរបស់កម្ពុជា៕
