ក្រុមហ៊ុន ខ្មែរ ប៊ែវើរីជីស ទទួលបានពានរង្វាន់ពិភពលោកពីស្ថាប័ននៅសហគមន៍អឺរ៉ុប EFESO Consulting

អាជីវកម្ម
2.1K Shares

ខ្មែរ ប៊ែវើរីជីស ​ជា​ក្រុមហ៊ុន​ផលិត​ស្រាបៀរ​ និង​ភេសជ្ជៈ​ដំបូង​​គេ​នៅ​​​កម្ពុជា​​ ដែល​ទទួល​បាន​ពាន​រង្វាន់​គ្រប់គ្រ​ងប្រតិបត្តិការ​​អាជីវកម្ម​​ល្អ​លំដាប់​​ពិភព​លោក​ (World Class Operation Management) ពីស្ថាប័ន​ដ៏​ល្បី​​នៅ​​សហគមន៍​អឺរ៉ុប​​​ EFESO Consulting។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

EFESO Consulting ប្រគល់​ពាន​រង្វាន់​ដល់​ ខ្មែរ ប៊ែវើរីជីស ដោយសារ​ ខ្មែរ ប៊ែវើរីជីស ផលិត​ស្រាបៀរ ភេសជ្ជៈ និង​​ប្រតិបត្ត​ការ​​អាជីវកម្មទូទៅ​ ដោយ​​ផ្តោត​លើ​​សសរស្ដម្ភ​៨​​​ធំ​​ៗ​​រួ​ម​​មាន៖ សុខភាព​ សុវត្ថិភាព​​ និង​បរិស្ថាន​, កំណែប្រែ​ឲ្យ​​កាន់​តែ​ប្រសើរ, ការគ្រប់គ្រងស្វ័យប្រវត្តិ​, ផែនការ​តម្ហែទាំ, ផែនការគ្រប់គ្រងគុណភាព, ការអភិវឌ្ឍបុគ្គលិក, ការ​កែ​លម្អ​ឃ្លាំង​ និងផែនការបំពេញតម្រូវការ។ គោល​ការណ៍​ចម្បង​ៗ​ទាំង​នេះ​​​​មិន​ត្រឹម​តែ​ផ្តោត​លើ​ការ​ផលិតផលិតផល​មាន​​គុណភាពខ្ពស់ប៉ុណ្ណោះ​ ប៉ុន្តែ​ជួយសំន្សំសំចៃ​ធនធានធម្មជាតិ បណ្តុះ​ធនធាន​មនុស្ស និង​នាំយក​មក​នូវ​បច្ចេកវិទ្យាថ្មី​​ៗ​ ដើម្បី​​ចូលរួម​លើក​កម្ពស់​បុគ្គលិក​ ក្រុមហ៊ុន និងសង្គមឲ្យ​កាន់តែ​ប្រសើរ​។

លោក​ឧកញ៉ា លាង ពៅ (ភីធើរ) អគ្គនាយកក្រុមហ៊ុន ខ្មែរ ប៊ែវើរីជីស មានប្រសាសន៍ថា៖ «ការទទួលបានពានរង្វាន់​ពិភព​លោក​នេះ ​ឆ្លុះ​​បញ្ចាំង​ឲ្យ​ឃើញ​​ពី​ការ​ប្តេជ្ញាចិត្តរបស់​​​​ក្រុម​​ការងារ និង​ថ្នាក់​​ដឹកនាំ​​ទាំង​អស់​របស់​ក្រុមហ៊ុន ខ្មែរ ប៊ែវើរីជីស ក្នុង​ការ​សហការគ្នា​​ឆ្ពោះ​ទៅ​សម្រេច​​ការ​ធ្វើ​​អាជីវកម្ម​ប្រកប​​ដោយ​​និរន្តរភាព»។

លោកបណ្ឌិត Zvonimir NEMET នាយកផ្នែកបច្ចេកទេស ក្រុមហ៊ុន ខ្មែរ ប៊ែវើរីជីស ថ្លែង​ថា «​យើង​​នឹង​បន្ត​​ប្តេជ្ញា និង​ប្រើប្រាស់​ឲ្យ​អស់​ថាមពល​ ក្នុង​ការ​ធ្វើ​ប្រតិបត្តិ​អាជីវកម្ម​របស់​យើង​​ឲ្យ​កាន់តែប្រសើរ​ជានិច្ច ដើម្បី​ឆ្ពោះ​​ទៅដល់ដំណាក់កាលដ៏ល្អប្រសើរមួយកម្រិតទៀត»។

ក្រុមហ៊ុន ខ្មែរ​ ប៊ែវើរីជីស ត្រូវបានបង្កើត​ឡើងក្នុងឆ្នាំ​២០០៩ ហើយ​បាន​ក្លាយ​ជា​ក្រុមហ៊ុនផលិត​ស្រាបៀរ និង​ភេសជ្ជៈ​ឈានមុខគេនៅក្នុង​​ប្រទេសកម្ពុជា។ ក្រុមហ៊ុន ខ្មែរ ប៊ែវើរីជីស គ្រប់គ្រងដោយ​​វិនិយោគិន​ខ្មែរ​១០០%។​

សូមបញ្ជាក់ថា ក្រុមហ៊ុនផលិតស្រាបៀរនិងភេសជ្ជៈមួយនេះជាបុត្រសម្ព័ន្ធរបស់ក្រុមហ៊ុន ជីបម៉ុង គ្រុប ខណៈដែលក្រុមហ៊ុនដឹកនាំនិងគ្រប់គ្រងដោយផ្ទាល់ពីក្រុមគ្រួសារតែមួយ គឺអ្នកឧកញ៉ា ភាព ហៀក ជាមាតា រួមជាមួយនឹងកូនប្រុសច្រើនរូបទៀត ដូចជា អ្នកឧកញ៉ា លាង ឃុន អ្នកឧកញ៉ា លាង ម៉េង ឧកញ៉ា លាង ពៅ ជាដើម៕

May be an image of outdoors and text that says 'KHMER BEVERAGES www.khmerbeverages.com'
2.1K Shares