សូមទេវតាឆ្នាំថ្មីព្រះនាម មហោទរាទេវី តាមថែរក្សា អ្នកឧកញ៉ា ឧកញ៉ា និងលោជំទាវ ព្រមទាំងក្រុមគ្រួសារ សូមជួបតែសេចក្ដីសុខ ចម្រុងចម្រើន ប្រកបដោយសុភមង្គល និងជោគជ័យគ្រប់ភារកិច្ច និងមានសុវត្ថិភាពក្នុងការធ្វើដំណើរគ្រប់ទិសទី។

The post ឧកញ៉ា តែ តាំងប៉ និងលោកជំទាវ ផ្ញើសារជូនពរអ្នកឧកញ៉ា ឧកញ៉ាជាថ្នាក់ដឹកនាំ និងសមាជិកនៃសមាគមមូលនិធិសម្ដេចតេជោ និង FASMEC ក្នុងឱកាសបុណ្យចូលឆ្នាំថ្មីប្រពៃណីខ្មែរ appeared first on .

អ្នកឧកញ៉ា ឧកញ៉ា ចំនួន ១០រូប ដែលអមដំណើរសម្តេចតេជោចុះទស្សនកិច្ចទីក្រុងអវកាសអន្តរជាតិ កាលថ្ងៃទី២៧ ខែមីនា ឆ្នាំ២០២៤ រួមមាន៖ ១)អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា, ២)អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា, ៣)អ្នកឧកញ៉ា លី ឃុនថៃ អនុប្រធានសភាពាណិជ្ជកម្មកម្ពុជា, ៤)អ្នកឧកញ៉ា វិញ ហួរ អនុប្រធានសភាពាណិជ្ជកម្មកម្ពុជា, ៥)អ្នកឧកញ៉ា ឡាវ កាង អនុប្រធានសភាពាណិជ្ជកម្មកម្ពុជា, ៦)អ្នកឧកញ៉ា លាង ឃុន សមាជិកសភាពាណិជ្ជកម្មកម្ពុជា, ៧)អ្នកឧកញ៉ា ជាម ឃុនណាត សមាជិកសភាពាណិជ្ជកម្មកម្ពុជា, ៨)លោកស្រីអ្នកឧកញ៉ា អ៊ាន អេឡែន សមាជិកសភាពាណិជ្ជកម្មកម្ពុជា, ៩)ឧកញ៉ា ថៃ វ៉ាន់ សមាជិកសភាពាណិជ្ជកម្មកម្ពុជា និង ១០)លោកស្រីឧកញ៉ា នួន ពេជ្រសុផល អគ្គនាយករងជាន់ខ្ពស់សភាពាណិជ្ជកម្មកម្ពុជា ព្រមទាំងមានវត្តមាន លោក ហ៊ន សុភ័ក្រ ទីប្រឹក្សាក្រសួងព័ត៌មាន។

ក្នុងឪកាសនេះ សម្ដេចតេជោ ហ៊ុន សែន បានថ្លែងអំណរគុណជូនចំពោះថ្នាក់ដឹកនាំ នៃបណ្ឌិតសភាវិទ្យាស្ថានកសិកម្មត្រូពិច និងទីក្រុងអវកាសអន្តរជាតិ (Wenchang International Aerospace City) ដែលបានអនុញ្ញាតឲ្យរូបសម្តេចនិងប្រតិភូជាន់ខ្ពស់ បានចូលទស្សនកិច្ចសិក្សាស្វែងយល់ ពីសក្តានុពលនិងភាពរីកចំរើនដ៏ អស្ចារ្យនៃផ្នែកកសិកម្ម និងទីក្រុងអវកាសរបស់ខេត្តហៃណាន់។

សូមជម្រាបថា ទីក្រុងអវកាសអន្តរជាតិ ជាមូលដ្ឋានបាញ់បង្ហោះតាមឆ្នេរ សមុទ្រដំបូងគេបង្អស់របស់ប្រទេសចិន។ បច្ចុប្បន្នការជំរុញការវិនិយោគរបស់ទីក្រុងអវកាស រួមមាន៖ ការអភិវឌ្ឍន៍ផ្កាយរណប ការអភិវឌ្ឍក្កិត ការអភិវឌ្ឍន៍ ឧបករណ៍ក្នុងលំហអាកាស វិទ្យាសាស្ត្រអវកាស និងការរកឃើញ កម្មវិធីផ្កាយរណប ព័ត៌មានអេឡិចត្រូនិក ឧបករណ៍ កម្រិតខ្ពស់ សម្ភារៈថ្មី ថាមពលថ្មី កិច្ចសហប្រតិបត្តិការអន្តរជាតិ និងការផ្លាស់ប្តូរអវកាស ហិរញ្ញវត្ថុអវកាស។

នៅពេលអនាគត ទីក្រុងអវកាសនេះ នឹងផ្ដោតលើ ការអភិវឌ្ឍការបើកដំណើរការអវកាស និងឧស្សាហកម្មសេវាកម្មគាំទ្រ ផលិតផលអវកាសកម្រិតខ្ពស់ – R&D និង ឧស្សាហកម្មផលិត ព្រមទាំងបន្តជំរុញការអភិវឌ្ឍន៍ទិន្នន័យ និងកម្មវិធីធំៗលើលំហ ការអភិវឌ្ឍន៍រុំក្អែត ឧបករណ៍ ធ្វើតេស្តដី និងការធ្វើតេស្តការផ្គុំចុងក្រោយ វិទ្យាសាស្ត្រអវកាស និងការអប់រំបច្ចេកវិជ្ជា ទេសចរណ៍វប្បធម៌ ការអប់រំ និងបណ្តុះបណ្តាលកិច្ចសហប្រតិបត្តិការអន្តរជាតិលើលំហអាកាស។ល៕

The post អ្នកឧកញ៉ា ឧកញ៉ា គណៈប្រតិភូសភាពាណិជ្ជកម្ម ១០រូប អមដំណើរសម្តេចតេជោ ហ៊ុន សែន ទស្សនកិច្ចទៅកាន់ទីក្រុងអវកាសអន្តរជាតិនៅចិន appeared first on .

សម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ មានប្រសាសន៍ថា «ការសង្កត់ធ្ងន់លើនវានុវត្តន៍បច្ចេកវិទ្យា និងឧស្សាហកម្ម ជាពិសេសតាមរយៈការអភិវឌ្ឍន៍ នៃកម្លាំងផលិតភាពថ្មី ក៏ដូចជាការផ្ដល់សារៈសំខាន់លើបរិបទ និងនិរន្តរភាព គឺសុទ្ធតែបានបង្ហាញ ថាចិនព្យាយាមផ្ដោតសំខាន់លើកត្តាគុណភាព ជាងការសម្រេចកំណើនដាច់ខាត»។

សម្ដេចតេជោបន្តថា សម្រាប់តំបន់ និងពិភពលោក យើងមានសេចក្តីរីករាយនៅពេលមានចិនបន្តអនុវត្តគោលនយោបាយសេដ្ឋកិច្ច និងពាណិជ្ជកម្មបើកចំហ និងបង្ហាញការផ្ដាជ្ញាយ៉ាងមុតមាំ ក្នុងការកសាងសហគមន៍ ជោគវាសនារួម សម្រាប់មនុស្សជាតិ តាមរយៈការលើកម្ពស់សាកលភាវូបនីយកម្ម ដែលផ្ដល់ផលប្រយោជន៍ដល់ការអភិវឌ្ឍន៍ រួមសម្រាប់ទាំងអស់គ្នា។ បច្ចុប្បន្ននេះតំបន់ជាច្រើន នៃពិភពលោកមិនទាន់បានធូរស្បើយពីសង្គ្រាម និងផលប៉ះពាល់ដ៏ធ្ងន់ធ្ងរដែលបានកើតឡើង ទៅលើជនស្លូតត្រង់ ក៏ដូចជាលើសេដ្ឋកិច្ច និងពាណិជ្ជកម្មអន្តរជាតិនោះទេ។ សង្គ្រាមនៅអ៊ុយក្រែន បានឈានចូលដល់ឆ្នាំទី៣ ហើយជាអកុសល យើងមិនទាន់បានឃើញពន្លឺនៃ សន្តិភាពនោះឡើយ។ ឯសង្គ្រាមរវាងអ៊ីស្រាអែល និងក្រុមហាម៉ាស ក៏នៅបន្តឲ្យមានអ្នកស្លាប់ និងរបួសជាច្រើន។

ជាមួយគ្នានេះ សម្ដេចតេជោពិតជាមានសេចក្តីរីករាយ ចំពោះសកម្មភាពសម្រុះសម្រួលឆ្លងប្រទេសយ៉ាងសកម្មរបស់ចិន ដើម្បីស្វែងរកបទឈប់បាញ់នៅអ៊ុយក្រែន ដោយសម្ដេចជឿជាក់ថាសកម្មភាពបែបនេះ នឹងក្លាយជាគំរូដ៏ល្អសម្រាប់តួអង្គដែលមានការទទួលខុសត្រូវ ផ្សេងទៀត នៃសហគមន៍អន្តរជាតិ ក្នុងការពន្លឿនការចរចា និងឈានទៅសម្រេចបទឈប់បាញ់ នៅអ៊ុយក្រែន ក៏ដូចជាតំបន់ផ្សេងទៀត នៃពិភពលោក ដែលត្រូវបំភ្លេចបំផ្លាញដោយសង្គ្រាមនោះ។

សម្ដេចតេជោ ហ៊ុន សែន បានសង្កត់ធ្ងន់ថា ការបន្តទទួលខុសត្រូវរបស់យើងទាំងអស់គ្នា នៅក្នុងតំបន់អាស៊ី គឺការរក្សាស្ថេរភាពនិងសន្តិភាព នៅក្នុងតំបន់ ដើម្បីធានាថា លទ្ធផលនៃការកាត់បន្ថយភាពក្រីក្រ និងមិនវិលត្រឡប់ថយក្រោយ និងការធានាជំរុញឲ្យ កាន់តែប្រសើរឡើងនូវការអភិវឌ្ឍន៍ អនាគតដើម្បី វិបុលភាពរួមគ្នា ។ អាស៊ីបានបន្តអភិវឌ្ឍន៍យ៉ាងខ្លាំង ហើយបានដើរតួនាទីជាក្បាលម៉ាស៊ីនដឹកនាំ កំណើនជាពិសេស ក្នុងអំឡុងពេលដល់លំបាកមួយ ដែលសេដ្ឋកិច្ចពិភពលោកធ្លាក់ចុះដល់ចំណុចខ្សោយ ធៀបជាមួយក្នុងរយៈពេល៣ទសវត្សរ៍កន្លងមកនេះ ។

សម្ដេចមានប្រសាសន៍បន្តទៀតថា «ចុងក្រោយកំណើនសេដ្ឋកិច្ចរឹងមាំរបស់អាស៊ី និងឋានៈជាមជ្ឈមណ្ឌល ផលិតកម្ម និងពាណិជ្ជកម្មរបស់ពិភពលោក បានផ្ដល់ឲ្យអាស៊ីនូវតួនាទីសកល ដ៏សំខាន់ ទោះបីជាពិភពលោកមានកំណើនទាប នឹងត្រូវប្រឈមដោយការសើរើ រចនាសម្ព័ន្ធខ្សែច្រវ៉ាក់ផ្គត់ផ្គង់ នាពេលថ្មីៗនេះ ក៏សេដ្ឋកិច្ចអាស៊ី នៅរំពឹងថានឹងអាច រួមចំណែកដល់ 60% នៃកំណើន ផលិតផលក្នុងស្រុកសរុប ជាក់ស្ដែងរបស់ពិភពលោក នៅក្នុងឆ្នាំខាងមុខនេះ។ ក្នុងន័យនេះ តំបន់របស់យើងមានភាពចាំបាច់ ត្រូវធ្វើការរួមគ្នា ដើម្បីរក្សាឲ្យបាននូវសន្ទុះវិជ្ជមាន សកម្មភាពរបស់យើងត្រូវតែដឹកនាំសកម្មភាពពហុភាគីនិយម ដោយផ្អែកលើវិធានច្បាប់ ដែលបម្រើឲ្យយើងទាំងអស់គ្នា មិនមែនសម្រាប់ក្រុមប្រទេសណាមួយនោះទេ»៕

The post ក្នុងវេទិកាបូអាវសម្រាប់អាស៊ី សម្តេចតេជោ ហ៊ុន សែន បញ្ជាក់ពីតួនាទីមហាយក្សចិនក្នុងការកសាងសហគមន៍ជោគវាសនារួមសម្រាប់មនុស្សជាតិ appeared first on .

អញ្ជើញទទួលព្រះរាជដំណើរព្រះអង្គទាំងទ្វេយាងនិវត្តន៍ទីក្រុងប៉េកាំងពីថ្នាក់ដឹកនាំឧត្តមប្រឹក្សាផ្ទាល់ព្រះមហាក្សត្រ, ប្រធានព្រឹទ្ធសភា, ប្រធានរដ្ឋសភា, នាយករដ្ឋមន្រ្តី និងប្រតិភូរាជរដ្ឋាភិបាលកម្ពុជាជាច្រើនរូបនៅអាកាសយានដ្ឋានអន្តរជាតិភ្នំពេញ។

សូមជម្រាបជូនថា ព្រះករុណាព្រះមហាក្សត្រ និងសម្តេចព្រះមហាក្សត្រី ព្រះអង្គយាងពីរាជធានីភ្នំពេញ ទៅកាន់រដ្ឋធានីប៉េកាំងនៅព្រឹកថ្ងៃចន្ទ ទី២៦ ខែកុម្ភៈ ឆ្នាំ២០២៤ ដើម្បីពិនិត្យព្រះរាជសុខភាពរបស់ព្រះអង្គទាំងទ្វេ។ ព្រះករុណាព្រះមហាក្សត្រ និងសម្តេចម៉ែ តែងសព្វព្រះរាជហឫទ័យស្តេចយាងទៅពិនិត្យព្រះរាជសុខភាពនៅប្រទេសចិនចំនួន២ ដងក្នុងមួយឆ្នាំ គឺនៅដើមឆ្នាំ និងនៅចុងឆ្នាំ ដោយព្រះអង្គទាំងទ្វេសព្វព្រះរាជហឫទ័យគង់ប្រថាប់រង្វង់ពីមួយខែ ឬពីរ ខែជាដើម។

គួររំលឹកថា អំឡុងពេលអង្គព្រះមហាក្សត្រយាងពិនិត្យព្រះរាជសុខភាពនៅរដ្ឋធានីប៉េងកាំង ព្រះរាជកិច្ចរបស់ព្រះអង្គប្រគល់ជូនសម្តេចវិបុលសេនាភក្តី សាយ ឈុំ ម្រមុខរដ្ឋស្តីទី៕

The post ព្រះមហាក្សត្រ និងហ្លួងម៉ែ យាងនិវត្តន៍ពីទីក្រុងប៉េកាំង appeared first on .

ក្រុមហ៊ុន China Communication Contruction Corporation (CCCC) គឺជាក្រុមហ៊ុនមេរបស់ក្រុមហ៊ុន China Road and Bridge ដែលជាក្រុមហ៊ុនសាងសង់ផ្លូវល្បឿនលឿនភ្នំពេញទៅកាន់ក្រុងព្រះសីហនុ កំពុងការកសាងផ្លូវល្បឿនលឿនពីភ្នំពេញទៅបាវិត និងសិក្សាផ្លូវល្បឿនលឿនពីភ្នំពេញទៅខេត្តសៀមរាប ពីសៀមរាបទៅប៉ោយប៉ែត ហើយនិងសិក្សាគម្រោងព្រៃជីកហ្វូណតេជោ។

ក្នុងជំនោះដដែលនោះ សម្តេចតេជោបានលើកឡើងថា គម្រោងព្រែកជីកហ្វូណនតេជោ ដែលជាគម្រោងដ៏សំខាន់សំរាប់កម្ពុជា។ ទន្ទឹមនឹងនេះ ប្រតិភក្រុមហ៊ុនបានជំរាបសម្ដេចតេជោថា ក្រុមហ៊ុនបានយល់ពីសារសំខាន់គម្រោងប្រវត្តិសាស្រ្តនេះរបស់កម្ពុជា។ ក្រុមហ៊ុន CCCC បន្តថា ក្រុមហ៊ុននឹងខិតខំប្រឹងប្រែងឲ្យគម្រោងព្រែកជីកហ្វូណនតេជោបានចេញជារូបរាងតាមអនុសាសន៍ណែនាំរបស់សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត នាយករដ្ឋមន្រ្តី។

គម្រោងផ្លូវនាវាចរណ៍ និងប្រព័ន្ធភស្ដុភារកម្មទន្លេបាសាក់ ដែលត្រូវបានប្រសិទ្ធនាមថាគម្រោង «ព្រែកជីកហ្វូណនតេជោ» នឹងក្លាយជាគម្រោងព្រែកជីកជាប្រវត្តិសាស្ត្រនៅកម្ពុជា គ្រោងរៀបចំពិធីបើកការដ្ឋានសាងសង់ ក្នុងអំឡុងត្រីមាសទី៤ ឆ្នាំ២០២៤ ខាងមុខនេះ។ នេះបើតាមក្រសួងសាធារណការ និងដឹកជញ្ជូន។

ក្រសួងសាធារណការ បានឲ្យដឹងថា គម្រោង «ព្រែកជីកហ្វូណនតេជោ» មានប្រវែង១៨០គីឡូម៉ែត្រ ចាប់ពីព្រែកតាកែវនៃទន្លេមេគង្គ ឆ្លងកាត់តាមព្រែកតាឯកនៃទន្លេបាសាក់ រួចចូលតាមព្រែកតាហ៊ីង នៃទន្លេបាសាក់ ស្រុកកោះធំ និងបន្តរហូតដល់សមុទ្រខេត្តកែប ដោយឆ្លងកាត់ខេត្តចំនួន៤ រួមមាន៖ ខេត្តកណ្តាល ខេត្តតាកែវ ខេត្តកំពត និងខេត្តកែប។ ការសាងសង់គម្រោងផ្លូវទឹកថ្មីនេះ ត្រូវបានប៉ាន់ស្មានថា នឹងចំណាយទុនវិនិយោគ ១,៧០០លានដុល្លារ និងរយៈពេលសាងសង់ប្រមាណ ៤ឆ្នាំ។

សូមជម្រាបជូនថា សម្តេចធិបតី ហ៊ុន ម៉ាណែត នាយករដ្ឋមន្រ្តី ធ្លាប់បានគូសបញ្ជាក់ថា ការធ្វើព្រែកជីកហ្វូណន-តេជោ គ្មានអាថ៌កំបាំងអ្វីនោះទេ គឺដើម្បីពង្រីកសេដ្ឋកិច្ច និងពាណិជ្ជកម្មជាតិ ហើយការធ្វើព្រែកជីកដើម្បីភ្ជាប់ទន្លេជាមួយសមុទ្រនេះ ក៏ដូចជាការអភិវឌ្ឍកំពង់ផែក្រុងព្រះសីហនុ ពុំមានអ្វីជាអាថ៌កំបាំងនោះទេ គឺដើម្បីពង្រីកសក្តានុពលសេដ្ឋកិច្ចកម្ពុជា ជួយឱ្យសេដ្ឋកិច្ចកម្ពុជាកាន់តែរីកចម្រើន និងធ្វើឱ្យប្រជាជនកម្ពុជា កាន់តែរីកចម្រើនមានជីវភាពកាន់តែធូរធាផងដែរ៕

The post ក្រុមហ៊ុនមេ CCCC សន្យាមុខសម្តេចតេជោ ហ៊ុន សែន ថានឹងខំប្រឹងប្រែងឲ្យគម្រោងព្រែកជីកហ្វូណនតេជោចេញជារូបរាង appeared first on .

នៅលើបណ្តាញសង្គមផ្លូវការរបស់នាយករដ្ឋមន្រ្តី បានឲ្យដឹងថា កូរ៉េ គឺជាទីផ្សារធំមួយរបស់កម្ពុជា ដោយក្នុងឆ្នាំ២០២៣ កម្ពុជាបាននាំចេញផលិតផលទៅកាន់ទីផ្សារកូរ៉េ ក្រោមកិច្ចព្រមព្រៀង CKFTA ក្នុងទំហំ ២៦,២១ លានដុល្លារអាមេរិក ដែលមានកំណើនរហូត ២០៤៨% បើធៀបទៅនឹងឆ្នាំ២០២២ ដែលមានទំហំត្រឹម ១,២២ លានដុល្លារអាមេរិក។ រីឯរយៈពេល២ខែ (មករា-កុម្ភៈ) នៃឆ្នាំ២០២៤នេះ ការនាំចេញរបស់កម្ពុជាទៅកាន់ទីផ្សារកូរ៉េ ក្រោមកិច្ចព្រមព្រៀង CKFTA មានទំហំ ៨,៥៣ លានដុល្លារអាមេរិក ដែលមានកំណើនរហូតដល់ ២៨៦,៩% បើធៀបទៅនឹងរយៈពេល២ខែ (មករា-កុម្ភៈ) នៃឆ្នាំ២០២៣ ដែលមានទំហំ ២,២១ លានដុល្លារអាមេរិក។

ដើម្បីស្វែងរកឪកាសវិនិយោគបន្ថែមនៅកម្ពុជា នារសៀលថ្ងៃពុធ ទី២៧ ខែមីនានេះ ក្រុមវិនិយោគិនធំៗរបស់កូរ៉េជាច្រើនដែលកំពុងបំពេញទស្សនកិច្ចនៅកម្ពុជា បានចូលរួមជួបសម្តែងការគួរសម និងពិភាក្សាការងារជាមួយសម្តេចធិបតី ហ៊ុន ម៉ាណែត នាយករដ្ឋមន្រ្តី នៅវិមានសន្តិភាព ដែលមានក្រុមហ៊ុន Maekyung Media Group, ក្រុមហ៊ុន Samsung Electronics, ក្រុមហ៊ុន Booyoung ក្រុមហ៊ុន LS Group និងក្រុមហ៊ុន LX International ។

សូមជម្រាបជូនថា ក្រុមហ៊ុនធំៗខាងលើសុទ្ធតែកំពុងបណ្តាក់ទុនវិនិយោគនៅកម្ពុជា ខណៈក្រុមហ៊ុន Maekyung Media Group ជាក្រុមហ៊ុនបណ្តាញផ្សព្វផ្សាយដ៏ធំមួយរបស់កូរ៉េដែលមានប្រតិបត្តិការលើគ្រប់រូបភាពនៃការផ្សព្វផ្សាយ គឺនៅពុំទាន់មានសកម្មភាពវិនិយោគនៅប្រទេសកម្ពុជានៅឡើយ៕

The post ត្រឹមពេល២ខែតំបូងឆ្នាំនេះកម្ពុជានាំផលិតផលទៅកាន់ទីផ្សារកូរ៉េ មានទំហំ ៨,៥៣ លានដុល្លារអាមេរិក appeared first on .

របាយការណ៍ដដែលឲ្យដឹងថា ទំហំពាណិជ្ជកម្មដែលសម្រេចបានចំនួន ៦២៨លានដុល្លារអាម៉េរិកគឺមានការកើនឡើង ៣៨.៣% បើប្រៀបធៀបនឹងរយៈពេលដូចគ្នានាឆ្នាំ២០២៣កន្លងទៅ។ ក្នុងរយៈពេល២ខែដើមឆ្នាំនេះ តំបន់សេដ្ឋកិច្ចពិសេសក្រុងព្រះសីហនុក៏បានទាក់ទាញសហគ្រាសថ្មីបន្ថែមចំនួន ៨សហគ្រាស ខណៈសហគ្រាសកំពុងវិនិយោគសរុបមានចំនួន ១៨៨ មកពីបណ្ដាប្រទេសជុំវិញពិភពលោក។

បើតាមក្រុមប្រឹក្សាអភិវឌ្ឍន៍កម្ពុជាពេលកន្លងទៅថ្មីៗនេះ តំបន់សេដ្ឋកិច្ចពិសេសក្រុងព្រះសីហនុ កំពុងផ្ដល់ការងារជូនដល់កម្មករនិយោជិតប្រមាណ ២៥.៦០០នាក់ ក្នុងទុនវិនិយោគគម្រោងក្នុងតំបន់សេដ្ឋកិច្ចពិសេសប្រមាណ ១.៥៤២លានដុល្លារ ហើយមានគម្រោងវិនិយោគសរុបប្រមាណ ២៣១គម្រោង (ដំណើរការសកម្មភាពចំនួន ១០៤គម្រោង) លើផ្ទៃដីទំហំ ១១១៣ហិកតា ស្ថិតក្នុងភូមិពូធឿង ឃុំបិតត្រាង និងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ

ក្រុមប្រឹក្សាអភិវឌ្ឍន៍កម្ពុជាបានឲ្យដឹងថា មុខសញ្ញាវិនិយោគមានដូចជា៖ សំបកកង់រថយន្ត បន្ទះសូឡា ក្តារបន្ទះ សម្ភារៈអេឡិចត្រូនិក ខ្សែបង្គុំអគ្គិសនី គ្រឿងបន្លាស់រថយន្ត ស៊ុមទូរទស្សន៍ គ្រឿងចក្រលើកដាក់ទំនិញ ដែកទីប បរិក្ខារពេទ្យ ក្តារប៉ាកេ គ្រឿងសង្ហារឹម សម្ភារៈបរិក្ខារសម្រាប់កីឡាប្រណាំងសេះ ចំណីសត្វ សម្ភារៈការិយាល័យ វត្ថុអនុស្សាវរីយ៍ សម្ភារៈការពាររាងកាយ សម្ភារៈបរិក្ខារកីឡា សម្ភារៈប្រើប្រាស់ក្នុងផ្ទះ ស្រោមពូក សម្ភារៈការពារអគ្គីភ័យ សម្លៀកបំពាក់ ស្បែកជើង កាបូប វ៉ាលី សំបកវេចខ្ចប់ កាវ និងទឹកថ្នាំជាដើម។

សូមជម្រាបជូនថា​ ត្រឹម២ខែដំបូងដើមឆ្នាំ២០២៤នេះ ទំហំពាណិជ្ជកម្មទូទាំងប្រទេសកម្ពុជាជាមួយប្រទេសសំខាន់ៗ មានទំហំប្រមាណជាង ៨ពាន់លានដុល្លារ ដែលចំនួននេះបានកើនឡើងជិត ២០% បើធៀបនឹងរយៈពេលដូចគ្នាក្នុងឆ្នាំ២០២៣។ បើតាមរបាយការណ៍អគ្គនាយកដ្ឋានគយ និងរដ្ឋាករកម្ពុជា៕

The post ២ខែដើមឆ្នាំ២០២៤តំបន់សេដ្ឋកិច្ចពិសេសក្រុងព្រះសីហនុមានទំហំពាណិជ្ជកម្មនាំចេញនាំចូលសរុប ៦២៨លានដុល្លារអាម៉េរិក appeared first on .

ក្នុងជំនួបនោះអ្នកឧកញ៉ា លី យ៉ុងផាត់ បានថ្លែងស្វាគមន៍លោកអគ្គរដ្ឋទូត ព្រមទាំងសហការី ក្នុងជំនួបដ៏មានសារៈសំខាន់ដើម្បីពិភាក្សាលម្អិតលើរបៀបវារៈដែលបានស្នើឡើង ជាពិសេសកិច្ចសហការក្នុងការរៀបចំវេទិកាកម្ពុជា-បារាំង នាពេលខាងមុខនេះ។ 

ជាមួយគ្នានេះ អ្នកឧកញ៉ា ហ៊ុន ឡាក់ អគ្គលេខាធិការសមាគមឧកញ៉ាកម្ពុជា ក៏បានធ្វើបទបង្ហាញសង្ខេបអំពីប្រវត្តិសមាគម តួនាទី និងភារកិច្ចស្នូលសំខាន់ៗនៃសមាគមឧកញ៉ាកម្ពុជា ជូនដល់អគ្គរដ្ឋទូត និងសហការីដើម្បីជ្រាបអំពីសមាគម ព្រមទាំងបានផ្តល់វេទិកាជូនដល់អង្គប្រជុំទាំងមូលដើម្បីពិភាក្សា និងផ្តល់ធាតុចូលឱ្យបានស៊ីជម្រៅទៅតាមរបៀបវារៈនីមួយៗ។

ជាការឆ្លើយតប លោក Jacques Pellet ឯកអគ្គរដ្ឋទូតបារាំងប្រចាំកម្ពុជា បានថ្លែងកោតសរសើរ អ្នកឧកញ៉ា លី យ៉ុងផាត់ និង ថ្នាក់ដឹកនាំ ដែលបានរៀបចំឱ្យមានជំនួបដ៏សំខាន់នៅថ្ងៃនេះ ជាពិសេស លោកបានបង្ហាញពីសុទិដ្ឋិនិយម ក្នុងកិច្ចសហការគ្នារវាងសមាគមឧកញ៉ាកម្ពុជា និងសភាពាណិជ្ជកម្មបារាំងប្រចាំនៅកម្ពុជា ដើម្បីរៀបចំវេទិកាធុរកិច្ចកម្ពុជា-បារាំង តាមរយៈការជួយគាំទ្រពីស្ថានទូតផ្ទាល់ និងចាប់ផ្តើមការងារបន្ទាប់ពីកិច្ចប្រជុំតទៅ។

បើតាមសមាគមឧកញ៉ាកម្ពុជា ជំនួបទ្វេភាគីនេះបានជជែកពិភាក្សា និងផ្តល់ធាតុចូលលើខ្លឹមសារនៃរបៀបវារៈទាំងនោះយ៉ាងផុសផុល ប្រកបដោយឆន្ទៈមោះមុតជាពិសេសភាគីទាំងសងខាងបានលើក និងទទួលយកនូវសំណើ ទាំងអស់ដើម្បីធ្វើយ៉ាងណាជំរុញឱ្យកិច្ចប្រជុំនៅថ្ងៃនេះទទួលបានលទ្ធផលផ្លែផ្កា និងបង្កើតឱ្យមានយន្តការក្រុមការងារ សម្រាប់រៀបចំកិច្ចការបន្ត៕

The post ចំពោះមុខអ្នកឧកញ៉ា លី យ៉ុងផាត់ ទូតបារាំងបង្ហាញពីសុទិដ្ឋិនិយម ក្នុងកិច្ចសហការរៀបចំវេទិកាធុរកិច្ចកម្ពុជា-បារាំងនាពេលខាងមុខ appeared first on .

ដើម្បីស្វាគមន៍វត្តមានតារាចម្រៀងវ័យក្មេង សុវត្ថិ សិរីវុឌ្ឍ មកកាន់គ្រួសារ Galaxy Navatra ផលិតកម្មបានរៀបចំពិធីស្វាគមន៍យ៉ាងអធិកអធមក្រោមវត្តមានអ្នកឧកញ៉ា ឡេង ប្រុស តំណាងដ៏ខ្ពង់ខ្ពស់អ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន ហ្គាឡាក់ស៊ីណាវ៉ាត្រា គ្រុប ព្រមទាំងមានការចូលរួមពីឧកញ៉ា ឯកឧត្តម លោកជំទាវ លោក លោកស្រី ភ្ញៀវកិត្តិយស និងសិល្បៈករសិល្បការិនី អ្នកនិពន្ធ តន្រ្តីករជាច្រើនរូបនៅសណ្ឋាគារលំដាប់ផ្កាយ ៥ ហៃយ៉ាត់ រីជេស៊ី។

ដំណើរចូលរួមជាមួយផលិតកម្មកម្សាន្តដ៏ធំនៅពេលនេះ តារាចម្រៀងវ័យក្មេង សុវត្ថិ សិរីវុឌ្ឍ បានបង្ហាញរំភើបរីករាយដែលទទួលបានការសាទរពិធីស្វាគមន៍ចូល Galaxy Navatra ដោយមានការយល់ព្រមពីអ្នកឧកញ៉ា ឡេង ណាវ៉ាត្រា។ លោកថ្លែងថា «ជាជំហានថ្មីមួយទៀត សម្រាប់ខ្ញុំដែលបានចូលរួមក្នុងផលិតកម្មដ៏ធំសម្បើមកម្រិតស្តង់ដារអន្តរជាតិដែលភាពល្បីល្បាញជាច្រើនបង្ហាញកន្លងមកហើយដោយកំពូលតារាចម្រៀងជាច្រើនរបស់ប្រទេសកម្ពុជាយើងលើទីផ្សារតន្រ្តីសកលតាមបណ្តាញសង្គមនានាលើឆាកអន្តរជាតិ»។

ទទួលបានឱកាសដ៏កម្រនេះ លោក សិរីវុឌ្ឍ ប្តេជ្ញាចិត្តនឹងយកទេពកោសល្យដែលលោកមានទាំងអស់មកចូលរួមជាមួយផលិតកម្ម Galaxy Navatra ដោយការប្រឹងប្រែងខ្ពស់បំផុតដើម្បចូលរួមលើកស្ទួយវិស័យចម្រៀងខ្មែរឲ្យកាន់តែល្បីល្បាញថែមទៀត។

អ្នកឧកញ៉ា ឡេង ប្រុស តំណាងដ៏ខ្ពង់ខ្ពស់អ្នកឧកញ៉ា ឡេង ណាវ៉ាត្រា មានប្រសាសន៍សម្តែងនូវសេចក្តីសោមនស្សរីករាយយ៉ាងក្រៃលែងក្នុងឱកាសនៃពិធីស្វាគមន៍តារាចម្រៀងដ៏ល្បីលោក សុវត្ថិ សិរីវុឌ្ឍ មកកាន់គ្រួសារ Galaxy Navatra នាវេលានេះ ដែលជាសក្ខីភាពបង្ហាញយ៉ាងច្បាស់ពីឧត្តមភាព និងការឈានឡើងកាន់តែខ្ពស់របស់ផលិតកម្ម Galaxy ជានិច្ចកាលតែងទទួលបានការគាំទ្រស្រឡាញ់ពេញចិត្តពីសំណាក់មហាជនគ្រប់ស្រទាប់វណ្ណៈ។

អ្នកឧកញ៉ាថ្លែងថា «ផលិតកម្ម Galaxy Navatra បាននឹងកំពុងធ្វើសកម្មភាពយ៉ាងសកម្មរស់វើកដើម្បីចូលរួមលើកស្ទួយថែរក្សា ការពារ វប្បធម៌ ប្រពៃណីក្នុងវិស័យសិល្បៈ ជីវភាពអ្នកសិល្បៈ និងក្រុមគ្រួសារ ជាពិសេសបានផ្តល់ឪកាសការងារជាច្រើនកន្លែងជូនដល់បងប្អូនសិល្បៈ និងអ្នកធ្វើការពាក់ព័ន្ធនឹងវិស័យសិល្បៈដោយគោរពអនុឡោមតាមលក្ខខណ្ឌ ក្រមសីលធម៌របស់ក្រសួងវប្បធម៌ និងវិចិត្រដើរស្របនឹងគាំទ្រគោលនយោបាយរបស់រាជរដ្ឋាភិបាលកម្ពុជាក្រោមម្លប់សន្តិភាពនិងការអភិវឌ្ឍន៍»។

អ្នកឧកញ៉ាថ្លែងបន្តថា សមិទ្ធផលនិងភាពជោគជ័យរបស់ផលិតកម្ម Galaxy Navatra មកដល់ត្រឹមពេលនេះគឺគ្រាន់តែជាចំណុចចាប់ផ្តើម និងជាចំណុចរបត់ថ្មីៗជាបន្តបន្ទាប់របស់ផលិតកម្ម ដើម្បីឈានចាប់យកឱកាស និងមហិច្ឆតាថ្មីៗបន្ថែទៀតក្នុងវិស័យកម្សាន្តនៅកម្ពុជា ព្រមទាំងចក្ខុវិស័យការសម្លឹងមើលឱកាសកិច្ចសហប្រតិបត្តិការថ្មីជាមួយវិនិយោគិនជាតិ និងអន្តរជាតិទាំងក្នុងប្រទេស និងក្រៅប្រទេស ដើម្បីអាចពាំនាំយកសក្តានុពល និងភាពល្អឥតចខ្ចោះនៃសិល្បៈវប្បធម៌ខ្មែរទៅបង្ហាញដល់កម្រិតតំបន់ និងអន្តរជាតិផងដែរ។

អ្នកឧកញ៉ាបន្ថែមទៀតថា ក្នុងគោលបំណងសម្រេចឲ្យបាននូវចក្ខុវិស័យ និងមហិច្ឆតាធំៗទាំងនេះ លោក សុវត្ថិ សិរីវុឌ្ឍ នឹងក្លាយទៅជាតួអង្គសំខាន់ និងថ្មីបន្ថែមទៀតក្នុងចំណោមកំពូលតារាចម្រៀង អ្នកនិពន្ធ ផលិតករ និងបុគ្គលិកទាំងអស់របស់ផលិតកម្ម Galaxy Navatra ដើម្បីរួមចំណែកធ្វើឲ្យផលិតកម្មកាន់តែទទួលបានភាបជោគជ័យ និងទទួលបានការគាំទ្រស្រឡាញ់ចូលចិត្តពីសំណាក់នាក់គាំទ្រ សាធារណជនទាំងជាតិ និងអន្តរជាតិនាពេលខាងមុខ។

សូមជម្រាបជូនថា ផលិតកម្ម Galaxy Navatra គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន ហ្គាឡាក់ស៊ី ណាវាត្រា គ្រុប ឯ.ក និងត្រូវបានបង្កើតឡើងតាំងពីឆ្នាំ ២០១៨ ដែលគិតមកដល់ពេលនេះ មានអាយុទើបតែជិត៦ឆ្នាំប៉ុណ្ណោះ។ យ៉ាងណាមិញ ដូចដែលយើងបានដឹងទាំងអស់គ្នាថ្វីត្បិតតែនៅវ័យក្មេងក៏ពិតមែន តែក្រោមចក្ខុវិស័យដឹកនាំរបស់អ្នកឧកញ៉ា ឡេង ណាវាត្រា ផលិតកម្ម Galaxy Navatra បានក្លាយទៅជាផលិតកម្មចម្រៀង ដែលទទួលបានភាពជោគជ័យគួរឱ្យកោតស្ញប់ស្ញែង និងមានកេរ្តិ៍ឈ្មោះល្បីរន្ទឺទាំងនៅក្នុងទីផ្សារកម្សាន្តក្នុងស្រុកផ្ទាល់ និងក្នុងទីផ្សារអន្តរជាតិយ៉ាងទូលំទូលាយ៕

The post កូនប្រុសពៅឧកញ៉ា ព្រាប សុវត្ថិ សម្រេចចុះកុងត្រាផ្លូវការជាមួយផលិតកម្ម Galaxy Navatra appeared first on .

ក្នុងជំនួបនេះ លោកស្រី ផេថងថាន ស៊ីណាវ៉ាត់ត្រា បានអបអរសាទរចំពោះសម្ដេចធិបតី ដែលត្រូវបានរដ្ឋសភាបោះឆ្នោតជ្រើសតាំងជានាយករដ្ឋមន្រ្តី នីតិកាលទី៧។ លោកស្រីក៏បានអបអរសាទរផងដែរចំពោះជោគជ័យនៃការបោះឆ្នោតព្រឹទ្ធសភាកាលពីថ្ងៃទី២៥ ខែកុម្ភៈកន្លងទៅ។ ទន្ទឹមនឹងនេះ លោកស្រីបានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការដ៏ល្អរវាងប្រទេសទាំងពីរ ដែលបានផ្ដល់ផលប្រយោជន៍ទៅវិញទៅមកចំពោះប្រជាជន និងប្រទេសទាំងពីរ។

ជាមួយគ្នានេះ លោកស្រីក៏បានសម្តែងអំណរគុណជូនចំពោះសម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាប្រធានគណបក្សប្រជាជនកម្ពុជា ដែលបានអញ្ជើញលោកស្រីមកបំពេញទស្សនកិច្ចនៅកម្ពុជា។ លោកស្រីបានបង្ហាញនូវក្តីសង្ឃឹមយ៉ាងមុតមាំថា ទំនាក់ទំនង និងកិច្ចសហប្រតិបត្តិការនៃប្រទេសទាំងពីរ នឹងកាន់តែរឹងមាំបន្ថែមទៀត និងត្រូវបានពង្រីកលើវិស័យសំខាន់ផ្សេងៗទៀត រួមទាំង ការលើកកម្ពស់តួនាទីរបស់ស្រ្តី ។

ក្នុងនៅជំនួបនាពេលនេះ សម្តេចធិបតី បានស្វាគមន៍ចំពោះលោកស្រី ផេថងថាន ស៊ីណាវ៉ាត់ត្រា និងគណៈប្រតិភូ ដែលបានមកបំពេញទស្សនកិច្ចនៅកម្ពុជា និងបានអបអរសាទរជូនលោកស្រីដែលត្រូវបានតែងតាំងជាប្រធានគណបក្សភឿថៃ ព្រមទាំងបានផ្តាំផ្ញើសាកសួរសុខទុក្ខជូនចំពោះលោក ថាក់ស៊ីន ស៊ីណាវ៉ាត់ត្រា ផងដែរ។

សម្ដេចធិបតី ក៏បានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ និងបានជម្រាបជូនអំពីលទ្ធផលប្រកបដោយផ្លែផ្កានៃដំណើរទស្សនកិច្ចផ្លូវការរបស់សម្ដេចធិបតីទៅកាន់ព្រះរាជាណាចក្រថៃ កាលពីខែកុម្ភៈ កន្លងទៅ ដែលបានរួមចំណែកពង្រឹង និងពង្រីកទំនាក់ទំនងរវាងប្រទេសទាំងពីរលើវិស័យជាច្រើនរួមទាំង វិស័យសេដ្ឋកិច្ច ពាណិជ្ជកម្ម ទេសចរណ៍ ការងារ ជាដើម៕

The post តើសម្តេចធិបតី ហ៊ុន ម៉ាណែត និងកូនស្រីលោក ថាក់ស៊ីន ស៊ីណាវ៉ាត្រា ជជែករឿងអ្វីខ្លះ? appeared first on .