គួរឱ្យដឹងថា គម្រោងនេះគឺជាគំនិតផ្តួចផ្តើមប្រកបដោយចក្ខុវិស័យវែងឆ្ងាយរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក្នុងគោលដៅជំរុញការអភិវឌ្ឍសេដ្ឋកិច្ច កាត់បន្ថយការកកស្ទះចរាចរណ៍ និងពង្រឹងការតភ្ជាប់ផ្លួវ ស្ពានប្រទាក់ក្រឡាស្របតាមយុទ្ធសាស្ត្របញ្ចកោណ-ដំណាក់កាលទី១។ លោក ប៉េង ពោធិ៍នា បានស្នើដល់ក្រុមហ៊ុនសាងសង់ និងក្រុមហ៊ុនទីប្រឹក្សាបច្ចេកទេស ឱ្យយកចិត្តទុកដាក់ខ្ពស់លើសុវត្ថិភាព គុណភាពសំណង់ និងការអនុវត្តការងារប្រកបដោយឯករាជ្យ និងសុចរិតភាព ព្រមទាំងជំរុញការចែករំលែកចំណេះដឹងដល់វិស្វករកម្ពុជា ដើម្បីធានាបាននូវភាពជោគជ័យនៃគម្រោងនេះ។

គួរបញ្ជាក់ថា គម្រោងស្ពានឆ្លងកាត់ទន្លេមេគង្គ តភ្ជាប់ពីតំបន់អភិវឌ្ឍន៍ទីក្រុងរណប មេគង្គឃី ទៅកាន់ទីក្រុងរណប កោះនរា នេះនឹងជួយជម្រុញការតភ្ជាប់រវាងភាគខាងកើត និងភាគខាងលិចនៃរាជធានីភ្នំពេញ ជួយកាត់បន្ថយការកកស្ទះចរាចរណ៍នៅក្នុងទីក្រុង ជាពិសេសនៅលើគម្រោងស្ពានមិត្តភាពកម្ពុជា-កូរ៉េ និងជួយពង្រីកការអភិវឌ្ឍន៍ និងផ្តល់ប្រយោជន៍សេដ្ឋកិច្ចដល់ប្រជាជនរស់នៅភាគខាងកើតរាជធានីភ្នំពេញ និងក្នុងខេត្តកណ្តាល៕

The post គម្រោងសាងសង់ស្ពានឆ្លងកាត់ទន្លេមេគង្គតភ្ជាប់ទីក្រុងរណបកោះនរា-មេគង្គឃី នឹងចាប់ផ្តើមនៅដើមឆ្នាំ២០២៧ appeared first on .

• ទទួលបានប្រូម៉ូសិនកញ្ចប់ហ្រ្វីដេគ័រពិសេស

• ទទួលបានការបញ្ចុះតម្លៃរហូតដល់ 16%

• គោលការណ៍បង់ប្រាក់ងាយស្រួល

• ទទួលបានកម្ចីរយៈពេលវែងដល់ទៅ 30ឆ្នាំ

• ទទួលបានឱកាសឈ្នះរង្វាន់រថយន្តទំនើប ROLLS ROYCE និង រង្វាន់រថយន្ដទំនើប ២គ្រឿងបន្ថែមទៀត

ក្រៅពីការផ្តល់ជូនដ៏ពិសេសខាងលើនៃកម្មវិធី Gala Dinner នេះក៏ត្រូវបានរៀបចំឡើងក្នុងបរិយាកាសបែបប្រណិតភាព ដើម្បីផ្តល់ជូនភ្ញៀវកិត្តិយសនូវរាត្រីដ៏រីករាយ និងបទពិសោធពិសេសជាមួយ បុរី មេគង្គ លែនដោយកម្មវិធីចាប់ផ្ដើមពីម៉ោង ៥:០០ ល្ងាច ដល់ ៩:០០ យប់ ភ្ញៀវកិត្ដិយសនឹងទទួលបានការស្វាគមន៍យ៉ាងកក់ក្តៅពីក្រុមការងារ រីករាយទទួលទានអាហារបែបប្រណិត និងភេសជ្ជៈជាច្រើនមុខ អមដោយការប្រគំតន្ត្រីបែបស្រទន់ និងមានឱកាសឈ្នះរង្វាន់ជាច្រើនភ្លាមៗពីកម្មវិធី។

ក្នុងកម្មវិធីនេះផងដែរ ភ្ញៀវកិត្តិយសក៏នឹងបានស្វែងយល់បន្ថែមអំពី បុរី មេគង្គ លែន និងគម្រោង «មេគង្គ ស៊ីធី» ទាំងគុណតម្លៃនៃគម្រោង ចំណុចពិសេសនៃគេហដ្ឋាន ការសំណេះសំណាលជាមួយអតិថិជន អំពីបទពិសោធនៃការជ្រើសរើសគេហដ្ឋាននៅ បុរី មេគង្គ លែន និងទទួលបានការប្រឹក្សាជាលក្ខណៈឯកជនជាមួយក្រុមការងាររបស់បុរីផ្ទាល់ ដើម្បីស្វែងយល់ពីប្រភេទគេហដ្ឋាន តម្លៃ គោលការណ៍បង់ប្រាក់ និងជម្រើសហិរញ្ញប្បទានដែលសមស្របទៅតាមតម្រូវការរបស់អតិថិជន។

សម្រាប់លោកអ្នកដែលកំពុងអានព័ត៌មាននេះ ក៏នឹងមានឱកាសក្លាយជាភ្ញៀវពិសេសក្នុងកម្មវិធី Gala Dinner នេះផងដែរ!

បុរី មេគង្គ លែន បើកឱកាសសម្រាប់តែ ១០នាក់ដំបូងប៉ុណ្ណោះ សម្រាប់ការចូលរួមកម្មវិធី។ កុំឱ្យឱកាសដ៏ពិសេសនេះកន្លងផុតទៅ! លោកអ្នកគ្រាន់តែទំនាក់ទំនងមកកាន់ក្រុមការងារ បុរី មេគង្គ លែន ឥលូវនេះ ឬចុះឈ្មោះចូលរួមកម្មវិធីតាមរយៈតំណ Link នៅទីនេះ៖https://forms.gle/8wQnDYp85dj9svkC6

ជួបគ្នានៅក្នុងគម្រោង «មេគង្គ ស៊ីធី» នៅថ្ងៃទី២៧ ខែកញ្ញា ឆ្នាំ២០២៦ខាងមុខនេះ ចាប់ពីម៉ោង ៥ល្ងាច ដល់ម៉ោង ៩យប់!

បុរី មេគង្គ លែន ផ្តើមជីវិតរីករាយ និងជោគជ័យនៅទីនេះ! 

សម្រាប់ព័ត៌មានលំអិតបន្ថែម៖ 061 955 999, Telegram: t.me/mekongland, ឆាតសួរព័ត៌មាន: t.me/MekongLand_Hotline    

ផែនទីទៅការិយាល័យផ្នែកលក់របស់គម្រោង «មេគង្គ ស៊ីធី»៖ https://maps.app.goo.gl/wjN9iapG6JXNtrUA7

The post រាត្រីដែលអ្នកមិនគួររំលង! កម្មវិធី Gala Dinner ពី បុរី មេគង្គ លែន សល់តែ ៣ថ្ងៃទៀតប៉ុណ្ណោះ! appeared first on .

កម្មវិធីសិក្សានេះមានរយៈពេល ២ឆ្នាំពេញ ដោយសិក្សាផ្ទាល់នៅក្នុងប្រទេសកម្ពុជា។ និស្សិតនឹងទទួលបានការបណ្តុះបណ្តាលយ៉ាងស៊ីជម្រៅពីសំណាក់សាស្ត្រាចារ្យជំនាញៗ ទាំងលើទ្រឹស្តីគ្រប់គ្រងអាជីវកម្មកម្រិតអន្តរជាតិ និងការអនុវត្តជាក់ស្តែងលើប្រព័ន្ធពាណិជ្ជកម្មអេឡិចត្រូនិកឆ្លងដែន ដែលជាទិន្នន័យគន្លឹះក្នុងការជម្រុញអាជីវកម្មឱ្យជោគជ័យលើឆាកអន្តរជាតិ។

ចំពោះលក្ខណៈពិសេសថ្នាក់បរិញ្ញាបត្រជាន់ខ្ពស់៖
១) ចំពោះថ្នាក់បរិញ្ញាបត្រជាន់ខ្ពស់ ជំនាន់ទី២ នឹងបើកវគ្គបង្រៀន ថ្ងៃសៅរ៍-អាទិត្យ
សម្រាប់បេក្ខជននិស្សិត
២) សាស្រ្តាចារ្យ មកពីសាកលវិទ្យាល័យហិរញ្ញវត្ថុ និងសេដ្ឋកិច្ចជាំងស៊ី
៣) ការសិក្សាជាភាសាចិន និងឯកសារមេរៀនជាភាសាចិននិងអង់គ្លេស
៤) ចុះកម្មសិក្សារយៈពេល ២សប្តាហ៍ និស្សិតមានឱកាសចុះអនុវត្តន៍ផ្ទាល់ជាមួយសាស្ត្រាចារ្យជំនាញមកពី ក្រុមហ៊ុន Amazon និង Alibaba ប្រទេសចិន
៥) និស្សិត នឹងត្រូវមកការពារគម្រោងលម្អិតនៅ សកលវិទ្យាល័យហិរញ្ញវត្ថុ និងសេដ្ឋកិច្ចជាំងសុី នៃទីក្រុងណាឆាង ប្រទេសចិន។

សម្រាប់លក្ខខណ្ឌចុះឈ្មោះ៖
១) សញ្ញាបត្រកម្រិតបរិញ្ញាបត្រ ជំនាញ៖ វិទ្យាសាស្ត្រសេដ្ឋកិច្ច, គ្រប់គ្រងធុរកិច្ច, គ្រប់គ្រងសហគ្រាស គណនេយ្យនិងហិរញ្ញរវត្ថុ និងពាណិជ្ជកម្មអន្តរជាតិ, (Great Point Average-GPA 3.0)
២) ឯកសារភ្ជាប់ ព្រឹត្តិបត្រពិន្ទុ លខិតឧទ្ទេសនាម និងទម្រង់ពាក្យសុំចូលរៀនពី ( Jiangxi University of Finance and Economics-JUFE)

ថ្លៃសិក្សា និងអាហារូបករណ៍
១) ថ្លៃសិក្សា ២០០០ ដុល្លាក្នុង ១ឆ្នាំ និង ១០៥០ ដុល្លា មួយឆមាស
២) និស្សិតនឹងចុះកម្មសិក្សានៅទីក្រុងចំនួន ពីរ ១,ទីក្រុងណានឆាង ២, ទីក្រុងធានជីង ប្រទេសចិន
៣) នៅពេលបញ្ចប់ការសិក្សា និស្សិតទទួលបានសញ្ញាបត្រចំនួន២ ដោយទទួលស្គាល់ទាំងក្រសួងអប់រំចិន និងរាជបណ្ឌិតសភាកម្ពុជា

៤) ផ្នែកអាហារូបករណ៍ បេក្ខជននិស្សិតត្រូវប្រលងតេស្ត្ត ជាមួយសាស្ត្រាចារ្យជំនាញៗ ដើម្បីទទួលបានអាហារូបករណ៍រួមមាន៖ ១០០% , ៥០%, ៣០%

ទីតាំង៖ រាជបណ្ឌិត្យសភាកម្ពុជា អគារឥន្ទ្រទេវី
https://maps.app.goo.gl/KHEkyVQh1JFbNjj57

សម្រាប់ព័ត៌មានបន្ថែមសុំទាក់ទង៖
លោកបណ្ឌិត គី សេរីវឌ្ឍន៍ និងលោក អ៊ាង ប៉េងហួត
០១៦ ២៤៤ ៤៤៦ (តេឡេក្រាម)
០១២ ៧៤០ ៩២១ (តេឡេក្រាម)
០១៦ ៦២៤ ៨៨៩ (តេឡេក្រាម)

Email: penghuoteang@gmail.com

The post រាជបណ្ឌិត្យសភាកម្ពុជា បើកវគ្គសិក្សាថ្នាក់បរិញ្ញាបត្រជាន់ខ្ពស់ ជំនាញធុរកិច្ចអន្តរជាតិ ឯកទេសពាណិជ្ជកម្មអេឡិចត្រូនិកឆ្លងដែន ផ្ដល់អាហារូបករណ៍ ចាប់ពី៣០% រហូតដល់ ១០០% appeared first on .

អនុស្សរណៈនៃការយោគយល់គ្នានេះ ត្រូវបានចុះហត្ថលេខាដោយ អ្នកឧកញ៉ា សៀ ឬទ្ធី ប្រធានក្រុមប្រឹក្សាភិបាលនៃក្រុមហ៊ុន WorldBridge និងលោក Julien Bert នាយក ប្រតិបត្តិនៃក្រុមហ៊ុន Cambodia Airports ដោយបង្កើតជាក្របខណ្ឌមួយដើម្បីឲ្យក្រុមហ៊ុន ទាំងពីរសិក្សាពីរបៀបដែលមជ្ឈមណ្ឌលដឹកជញ្ជូនទំនិញតាមផ្លូវអាកាស ឃ្លាំង និងទីតាំង ឡូជីស្ទិក អាចត្រូវបានអភិវឌ្ឍនៅលើដីព្រលានយន្តហោះ ព្រមទាំងពិនិត្យមើលលើលទ្ធភាពនៃអ្វីដែលអាចក្លាយជាច្រករបៀងដឹកជញ្ជូនពហុមធ្យោបាយផ្លូវទឹក និងផ្លូវអាកាសដ៏ ពិតប្រាកដមួយសម្រាប់ព្រះរាជាណាចក្រកម្ពុជា ដែលតភ្ជាប់រវាងកំពង់ផែទឹកជ្រៅក្រុងព្រះសីហនុ និងអាកាសយានដ្ឋានអន្តរជាតិ។

អ្នកឧកញ៉ា សៀ ឬទ្ធី ប្រធានក្រុមប្រឹក្សាភិបាលនៃក្រុមហ៊ុន WorldBridge បានមាន ប្រសាសន៍ថា៖ «នេះមិនមែនជាការបញ្ចប់ការងារធ្វើកិច្ចព្រមព្រៀងនោះទេ ប៉ុន្តែវាគឺជាការ ចាប់ផ្តើមនៃកិច្ចសន្ទនា។ ក្រុងព្រះសីហនុគឺជាចំណុចប្រសព្វដ៏កម្រមួយ ដែលកំពង់ផែទឹក ជ្រៅរបស់ប្រទេសកម្ពុជាតភ្ជាប់នឹងអាកាសយានដ្ឋានអន្តរជាតិ ហើយពួកយើងជឿជាក់ថាវាអាចក្លាយជាច្រករបៀងដឹកជញ្ជូនពហុមធ្យោបាយផ្លូវទឹក និងផ្លូវអាកាសដ៏ពិតប្រាកដ មួយសម្រាប់ព្រះរាជាណាចក្រកម្ពុជា។ ក្រុមហ៊ុន VINCI Airports នាំមកនូវជំនាញជាស កលក្នុងប្រតិបត្តិការ និងការអភិវឌ្ឍអាកាសយានដ្ឋាន ហើយនៅពេលដែលផ្គូផ្គងជាមួយ ចំណេះដឹងក្នុងស្រុករបស់ក្រុមហ៊ុន WorldBridge យើងមានមូលដ្ឋានត្រឹមត្រូវក្នុងការវាយ តម្លៃឱកាសនេះ»។

លោក Julien Bert បានមានប្រសាសន៍ថា៖ «ពួកយើងមានគោលបំណងពង្រីក សមត្ថភាពដឹកជញ្ជូនទំនិញតាមយន្តហោះ ពង្រឹងសមត្ថភាពគ្រប់គ្រងទំនិញដឹកតាមយន្ត ហោះ ផ្តល់នូវភាពបត់បែន និងប្រសិទ្ធភាពដែលតម្រូវឱ្យមាន ដើម្បីភាពរីកចម្រើនជាបន្ត បន្ទាប់នៃការដឹកជញ្ជូនទំនិញតាមផ្លូវអាកាស។ ខ្ញុំមានទំនុកចិត្តថា ភាពជាដៃគូដែលទើប នឹងបង្កើតឡើងរវាង WorldBridge និង Cambodia Airports នឹងបង្កើតតម្លៃយូរអង្វែង សម្រាប់ស្ថាប័នទាំងពីរ ព្រមទាំងពង្រឹងជំហររបស់ប្រទេសកម្ពុជា ជាមជ្ឈមណ្ឌលឡូជីស្ទិក និងពាណិជ្ជកម្មក្នុងតំបន់»។

ក្នុងរយៈពេលប៉ុន្មានខែខាងមុខនេះ ក្រុមការងាររបស់ក្រុមហ៊ុនទាំងពីរនឹងសិក្សាឱ កាសនេះរួមគ្នា និងអភិវឌ្ឍចក្ខុវិស័យគម្រោងមេរួមគ្នា។ ភាពជាដៃគូនេះគឺដើរស្របតាម គោលដៅរបស់រាជរដ្ឋាភិបាល ដែលចង់ឲ្យមានហេដ្ឋារចនាសម្ព័ន្ធឡូជីស្ទិកកាន់តែរឹងមាំ ជាអាទិភាពសម្រាប់ការទាក់ទាញការវិនិយោគ ការគាំទ្រដល់ក្រុមហ៊ុននាំចេញ និងការ បង្កើតការងារ៕

The post ក្រុមហ៊ុន WorldBridge និងក្រុមហ៊ុន Cambodia Airports បានចុះហត្ថលេខាលើអនុស្សរណៈនៃការយោគយល់គ្នា ដើម្បីសិក្សាបង្កើតមជ្ឈមណ្ឌលដឹកជញ្ជូនទំនិញតាមផ្លូវអាកាស (Cargo Logistics Hub) នៅអាកាសយានដ្ឋានអន្តរជាតិក្រុងព្រះសីហនុ appeared first on .

មន្ទីរពេទ្យអន្តរជាតិ អរៀនដា មានមោទនភាពក្នុងការផ្តល់សេវា វះកាត់ទូទៅដោយបច្ចេកវិទ្យាទំនើប ដែលជួយឱ្យអ្នកជំងឺមានការឈឺចាប់តិច ស្នាមវះតូច ជាសះស្បើយឆាប់ និងអាចសម្រាកនៅមន្ទីរពេទ្យរយៈពេលខ្លី ជាមួយនឹងការចំណាយសមស្រប និងប្រសិទ្ធភាពខ្ពស់ក្នុងការព្យាបាល។សេវាវះកាត់ទូទៅនេះត្រូវបានដឹកនាំដោយ លោកវេជ្ជបណ្ឌិត Dr. ANTHONY ALVAREZ MORALES អ្នកឯកទេសវះកាត់ទូទៅ ដែលមានបទពិសោធន៍ជាង ១៥ ឆ្នាំ ក្នុងការព្យាបាលករណីស្មុគស្មាញ និងករណីបន្ទាន់ជាច្រើនប្រភេទ។

សេវាវះកាត់សំខាន់ៗរួមមាន៖

1. វះកាត់មហារីក (Oncologic Surgery)

• មហារីកសុដន់

• មហារីកប្រព័ន្ធរំលាយអាហារ និងក្រពះពោះវៀន

• មហារីកប្រភេទផ្សេងៗទៀតដែលត្រូវការការវះកាត់

2. វះកាត់ក្រពេញ និងសរីរាង្គសំខាន់ៗ

• ក្រពេញទីរ៉ូអ៊ីត និងក្រពេញក

• វះកាត់បំពង់ក និងជំងឺពាក់ព័ន្ធ

• ករណីរោគស្ត្រីមួយចំនួនដែលត្រូវការវះកាត់

3. វះកាត់ថ្លើម ថង់ទឹកប្រមាត់ និងលំពែង

• ជំងឺថង់ទឹកប្រមាត់

• បញ្ហាថ្លើម និងលំពែង ដែលត្រូវការវះកាត់ ឬការព្យាបាលស្មុគស្មាញ

4. វះកាត់ក្លន និងពោះ (Hernia & Abdominal Surgery)

• ក្លនលូន (Hernia repair) 

• ពោះស្រួចស្រាវ និងជំងឺពោះដែលត្រូវការវះកាត់បន្ទាន់

5. វះកាត់សង្គ្រោះបន្ទាន់ និងករណីស្មុគស្មាញ

• ការវះកាត់ថ្គាម និងរបួសបន្ទាន់

• ការវះកាត់ថ្គាម និងរបួសបន្ទាន់ 

បច្ចេកវិទ្យាវះកាត់ចោះ ដែលប្រើនៅមន្ទីរពេទ្យអន្តរជាតិ អរៀនដា អនុញ្ញាតឱ្យវេជ្ជបណ្ឌិតអនុវត្តការវះកាត់តាមរយៈស្នាមវះតូចៗ ដោយប្រើកាមេរ៉ាខ្នាតតូច និងឧបករណ៍វះកាត់ទំនើប ដែលជួយបន្ថយការឈឺចាប់ កាត់បន្ថយហានិភ័យ និងធ្វើឱ្យអ្នកជំងឺអាចវិលត្រឡប់ទៅជីវិតប្រចាំថ្ងៃបានឆាប់រហ័ស។

មន្ទីរពេទ្យអន្តរជាតិ អរៀនដា ជឿជាក់ថា ការរួមបញ្ចូលរវាង ជំនាញវេជ្ជបណ្ឌិតឯកទេស បច្ចេកវិទ្យាវះកាត់ទំនើប និងស្តង់ដារថែទាំអន្តរជាតិគឺជាគន្លឹះសំខាន់ក្នុងការផ្តល់លទ្ធផលព្យាបាលល្អបំផុតសម្រាប់អ្នកជំងឺ។

អរៀនដា បន្តប្តេជ្ញាផ្តល់សេវាវះកាត់ទូទៅប្រកបដោយសុវត្ថិភាព ទំនើប និងមានប្រសិទ្ធភាពខ្ពស់ ដើម្បីធ្វើឱ្យការព្យាបាលមានភាពងាយស្រួល សម្រាកខ្លី និងជួយអ្នកជំងឺទទួលបានគុណភាពជីវិតល្អប្រសើរឡើងវិញ។

សូមទាក់ទងមកមន្ទីរពេទ្យអន្តរជាតិ អរៀនដា តាមរយៈទូរសព្ទ ឬផេកផ្លូវការក្នុងបណ្តាញសង្គម៖

សាខាដួងងៀប៖

Facebook Page: Orienda International Hospital

081 811 789 / 078 233 789 / 096 6233 789

Telegram: 078 233 789

ទីតាំងនៅអគារលេខ 66 ផ្លូវ ដួងងៀប២ ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ

The post មន្ទីរពេទ្យសម្រាប់ការវះកាត់ ចំណាយតិច សម្រាកពេទ្យរយៈពេលខ្លី និងបច្ចេកវិទ្យាទំនើប appeared first on .

• អាយុ និងភេទ៖ ប្រភេទដុំសាច់ខុសគ្នា វិវត្តទៅតាមវ័យ (ក្មេង ឬចាស់) និងមានអត្រាកើតខុសគ្នារវាងបុរស និងស្ត្រី (ឧទាហរណ៍៖ ស្ត្រីងាយកើតដុំសាច់ស្រោមខួរក្បាលជាងបុរស)។

• ហ្សែន និងប្រវត្តិគ្រួសារ៖ បុគ្គលដែលមានសមាជិកគ្រួសារធ្លាប់កើត ឬមានរោគសញ្ញាតំណពូជ មានអត្រាហានិភ័យខ្ពស់ជាងគេ។

• ការប៉ះពាល់វិទ្យុសកម្ម និងសារធាតុគីមី៖ ការធ្លាប់ឆ្លងកាត់ការព្យាបាលដោយកាំរស្មីអុិច/អុីយ៉ូដ ឬការប៉ះពាល់ផ្ទាល់ជាមួយសារធាតុគីមីគ្រោះថ្នាក់។

• ប្រព័ន្ធស៊ាំចុះខ្សោយ៖ អ្នកដែលប្រើប្រាស់ថ្នាំពន្យារភាពស៊ាំ ឬអ្នកផ្ទុកមេរោគអេដស៍/អេដស៍ (HIV/AIDS) ងាយរងគ្រោះជាងមនុស្សទូទៅ។

ជាការក្រោនរំលឹកជូនដល់សាធារណជនឱ្យយកចិត្តទុកដាក់ចំពោះសុខភាពខួរក្បាល។  មន្ទីរពេទ្យអន្តរជាតិ អរៀនដា ក៏បានរៀបចំជា  កញ្ចប់ពិនិត្យសុខភាពខួរក្បាល និង កញ្ចប់តេស្តអង្គចងចាំ ដែលរួមមាន៖

• ការត្រួតពិនិត្យ និងប្រឹក្សាដោយផ្ទាល់ដោយវេជ្ជបណ្ឌិតឯកទេសជំនាញដែលមានបទពិសោធន៍ខ្ពស់

• ការថតដោយម៉ាស៊ីន CT Scan – រកឃើញដុំសាច់ ការហូរឈាម ឬការរងរបួសក្នុងខួរក្បាល

• ការថតដោយម៉ាស៊ីន MRI – ផ្តល់រូបភាពលម្អិត និងច្បាស់លាស់លើរចនាសម្ព័ន្ធខួរក្បាល

• ការពិនិត្យតេស្តឈាម និងការពិនិត្យផ្សេងៗជាច្រើនទៀត។

កញ្ចប់នេះមានគោលបំណងអោយប្រជាជនខ្មែរទូទៅ ទទួលបានការរកឃើញបញ្ហាខួរក្បាលជាមុន និងអាចការពារការចុះខ្សោយនៃប្រព័ន្ធប្រសាទក្នុងពេលអនាគត ដោយលទ្ធផលវាយតម្លៃប្រព័ន្ធប្រសាទនេះគឺ ពេញលេញ ព្រមទាំងមានត្រឹមត្រូវហើយច្បាស់លាស់។

សូមទាក់ទងមកមន្ទីរពេទ្យអន្តរជាតិ អរៀនដា តាមរយៈទូរសព្ទ ឬផេកផ្លូវការក្នុងបណ្តាញសង្គម៖

សាខាដួងងៀប៖

Facebook Page: Orienda International Hospital link: https://www.facebook.com/share/17wLQM52NS/

081 811 789 / 078 233 789 / 096 6233 789

Telegram: 078 233 789

ទីតាំងនៅអគារលេខ 66 ផ្លូវ ដួងងៀប២ ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ

The post កត្តាហានិភ័យពីជំងឺដុំសាច់ខួរក្បាល appeared first on .

ការវះកាត់យកដុំសាច់ដ៏កម្រ​នេះ ​ត្រូវបាន​បានវះកាត់លើក្មេងស្រីអាយុ ១៥ ឆ្នាំម្នាក់ ដែលបានបង្ហាញពីរបៀបដែលបច្ចេកវិទ្យាមនុស្សយន្តកំពុងក្លាយ ជាផ្នែកបន្ថែមដ៏អស្ចារ្យនៃដៃ ដោយជួយគ្រូពេទ្យវះកាត់ឱ្យចូលទៅក្នុងតំបន់តូចចង្អៀត និងជ្រៅបំផុតនៅក្នុងខ្លួនរបស់អ្នកជំងឺ។

* ​​ដុំសាច់មួយត្រូវបានរកឃើញនៅក្នុងទីតាំងដែលពិបាកទៅដល់នៅក្នុងតំបន់ទ្រូង

នៅខែមីនា ឆ្នាំ២០២៦ យុវ​តី L.S.C ​អាយុ ១៥ឆ្នាំ មកពីទីក្រុងហូជីមិញ​​ត្រូវបានក្រុមគ្រួសារ​នាំមកមន្ទីរពេទ្យ FV ដើម្បីពិនិត្យសុខភាព បន្ទាប់ពីជួបប្រទះរោគសញ្ញាដែលហាក់ដូចជាគ្មានគ្រោះថ្នាក់ ដូចជា អស់កម្លាំង និងដង្ហើមខ្លីអំឡុងពេលហាត់ប្រាណ។ គួរឱ្យភ្ញាក់ផ្អើលពេលលទ្ធផលនៃការថតរូបភាពបានបង្ហាញពីដុំសាច់មួយដែលមានទីតាំងនៅក្នុងបំពង់បង្ហូរឈាមទ្រូង ​ គឺនៅ​តំបន់ដែលក និងទ្រូងជួបគ្នា។

លោកបណ្ឌិតវេជ្ជបណ្ឌិតឯកទេស២ ដាំងឌីញមិញថាញ់ ប្រធានផ្នែកវះកាត់ទ្រូង និងជា​ប្រធានមជ្ឈមណ្ឌលវះកាត់មនុស្សយន្ត FV da Vinci បានពន្យល់ថា៖ «នេះគឺជាដុំសាច់ មេឌីអាស្ទីនដ៏កម្រមួយ ដែលនៅពេលវាលូតលាស់ វាអាចបង្ហាប់សរីរាង្គជុំវិញដូចជាផ្លូវដង្ហើម បណ្តាលឱ្យពិបាកដកដង្ហើម និងបំពង់រំលាយអាហារ បណ្តាលឱ្យពិបាកលេប បង្ហាប់សរសៃឈាម និងសរសៃប្រសាទប៉ះពាល់ដល់ចលនា និងអារម្មណ៍ ជាពិសេសនៅដៃស្តាំ។ លើសពីនេះ ដុំសាច់មេឌីអាស្ទីនដែលមានលក្ខណៈនៃករណីនេះជាធម្មតាមានលក្ខណៈស្រាល ទោះបីជាភាគរយតិចតួចអាចក្លាយជាសាហាវក៏ដោយ ដូច្នេះ អ្នកជំងឺត្រូវការវះកាត់ឱ្យបានឆាប់តាមដែលអាចធ្វើទៅបាន»។

អ្វីគួរឱ្យកត់សម្គាល់ ដុំសាច់នេះមានទីតាំងស្ថិតនៅក្នុងទីតាំងចម្លែកមួយ ដែលវាអាចត្រូវបានប្រដូចទៅនឹង «ដំបូល» នៃប្រហោងទ្រូង។ នេះគឺជាចន្លោះតូចចង្អៀតខ្លាំង ដែលមានរចនាសម្ព័ន្ធសំខាន់ៗមួយចំនួនដូចជាសរសៃឈាមអាកទែក្រោមឆ្អឹងដងកាំបិត សរសៃប្រសាទ​ដៃ និង​ប្រព័ន្ធ​សរសៃប្រសាទ​ស៊ីមផាថេទិច។ ស្មុគស្មាញ​ជាង ផ្នែកខ្លះនៃដុំសាច់មានទីតាំងស្ថិតនៅជ្រៅនៅក្នុងប្រហោងទ្រូង ខណៈពេលដែលផ្នែកដែលនៅសល់លៀនចូលទៅក្នុងតំបន់ក ​ទីតាំងដែលគ្រូពេទ្យវះកាត់ជាច្រើនត្រូវតែពិចារណាដោយប្រុងប្រយ័ត្នមុនពេលសម្រេចចិត្តធ្វើអន្តរាគមន៍។

ទោះបីជាវាមានទំហំមិនធំ (៤ x ៥.៥ x ៦ ម.ម) ដុំសាច់នេះមានទីតាំងស្ថិតនៅជិតរចនាសម្ព័ន្ធសំខាន់ៗ ​ពោលគឺ​សូម្បីតែកំហុសតូចតាចអំឡុងពេលវះកាត់ក៏អាចនាំឱ្យមានផលវិបាកធ្ងន់ធ្ងរដូចជាការហូរឈាមច្រើន ឬមុខងារអវយវៈខាងលើចុះខ្សោយ។ ក្រៅពីនេះ កត្តាហានិភ័យមួយទៀតគឺរោគសញ្ញា Horner ក៏ត្រូវបានពិចារណា ​ដែលជាផលវិបាកមួយដែលអាចបណ្តាលឱ្យត្របកភ្នែកយារធ្លាក់ និងមុខងារអូគូឡូម៉ូទ័រមិនប្រក្រតី ប្រសិនបើសរសៃប្រសាទស៊ីម៉ាថេទិកនៅក្នុងតំបន់កំពូលនៃសួតត្រូវបានខូចខាត។

​* ការវះកាត់ដោយមនុស្សយន្ត៖ បំបែកព្រំដែ​ននៃការចូលទៅកាន់តំបន់កាយវិភាគសាស្ត្រដែលពិបាកទៅដល់

មានទីតាំងនៅ «កំពូល» នៃប្រហោងទ្រូងក្នុងចន្លោះតូចចង្អៀតខ្លាំង ដុំសាច់នេះស្ទើរតែប្រឆាំងនឹងឧបករណ៍អង់ដូស្កុបប្រពៃណីទាំងអស់។ វិធីសាស្ត្រប្រពៃណីគឺការវះកាត់បើកចំហដែលមានស្នាមវះធំមួយដែលលាតសន្ធឹងពីកញ្ចឹងកចុះដល់ទ្រូង។នេះ​ជាការវះកាត់ធំមួយដែលមិនត្រឹមតែឈឺចាប់ប៉ុណ្ណោះទេ ថែមទាំងបន្សល់ទុកស្លាកស្នាមវែងទៀតផង ដែលអាចធ្វើឱ្យអ្នកជំងឺបាត់បង់ទំនុកចិត្តនៅពេលក្រោយ។

«នេះគឺជាតំបន់ប្រសព្វដ៏រសើបមួយ ដោយសារតែការវះកាត់ផ្តោតលើសរសៃឈាម និងសរសៃប្រសាទសំខាន់ៗ ស្ទើរតែគ្មានកន្លែងសម្រាប់កំហុសឆ្គងនោះទេ។ ដូច្នេះហើយ យើងបានសម្រេចចិត្តប្រើប្រាស់មនុស្សយន្ត ដើម្បីផ្តល់អន្តរាគមន៍ដ៏ច្បាស់លាស់ និងទន់ភ្លន់បំផុតសម្រាប់អ្នកជំងឺកុមារ» លោកបណ្ឌិតវេជ្ជបណ្ឌិតឯកទេស២ ដាំងឌីញមិញថាញ់ បានចែករំលែក។

ជាមួយនឹងសមត្ថភាពក្នុងការពង្រីក-បត់-បង្វិលបាន ៥៤០ដឺក្រេយ៉ាងបត់បែន ប្រព័ន្ធដៃមនុស្សយន្ត da Vinci Xi ធ្វើចលនាយ៉ាងអស្ចារ្យចូលទៅក្នុងជ្រុងជ្រៅបំផុត និងមានទិសដៅច្រើនបំផុត អ្វីមួយដែលដៃមនុស្ស ឬឧបករណ៍អង់ដូស្កុបធម្មតាស្ទើរតែមិនអាចទៅដល់បាន។

ការវះកាត់ទាំងមូលត្រូវបានអនុវត្តតាមរយៈជញ្ជាំងទ្រូង មិនប៉ះតំបន់កជាដាច់ខាត។ វិធីនេះមិនត្រឹមតែបានយកដុំសាច់ចេញប៉ុណ្ណោះទេ ថែមទាំងធានាបាននូវលទ្ធផលសោភ័ណភាពល្អសម្រាប់ប្អូន S.C. បន្ទាប់ពីការព្យាបាលផងដែរ។ ដុំសាច់ត្រូវបានយកចេញដោយប្រុងប្រយ័ត្នដោយមិនប៉ះពាល់ដល់រចនាសម្ព័ន្ធសំខាន់ៗជុំវិញ៕

The post វេជ្ជបណ្ឌិត FV ​ប្រើ​មនុស្សយន្ត ​da Vinci ​​វះ​កាត់យកដុំសាច់ដ៏កម្រមួយ​នៅ«ផ្នែកខាងលើនៃទ្រូង»​ចេញពី​ក្មេងស្រីម្នាក់ appeared first on .

១. អនុស្សរណៈនៃការយោគយល់គ្នា ស្ដីពីកិច្ចសហប្រតិបត្តិការលើវិស័យចត្តាឡីស័កដំណាំ និងបសុសត្វ និងការនាំចេញ-នាំចូលចំណីអាហារដែលមានសុវត្ថិភាព។

២. ពិធីសារ ស្ដីពីលក្ខខណ្ឌតម្រូវភូតគាមអនាម័យ សម្រាប់ការនាំចេញផ្លែខ្នុរស្រស់ពីកម្ពុជាទៅកាន់ប្រទេសចិន។

ក្រសួងកសិកម្មបានឱ្យដឹងថា នេះគឺជាសមិទ្ធផលថ្មីមួយទៀត ដែលឆ្លុះបញ្ចាំងពីកិច្ចខិតខំប្រឹងប្រែងយ៉ាងសកម្មរបស់រាជរដ្ឋាភិបាលកម្ពុជា ក្នុងការចរចាបើកទីផ្សារអន្តរជាតិ និងកសាងទំនុកចិត្តលើគុណភាពកសិផលខ្មែរ។ ពិធីសារភូតគាមអនាម័យ (SPS) នេះ បានកំណត់យ៉ាងច្បាស់នូវលក្ខខណ្ឌបច្ចេកទេស ចាប់តាំងពីដំណាក់កាលថែទាំ ប្រមូលផល សម្អាត កែច្នៃ វេចខ្ចប់ រហូតដល់ការដឹកជញ្ជូន។

គោលដៅចម្បង គឺដើម្បីធានាថាគ្រប់កសិផលដែលនាំចេញ គ្មានផ្ទុកមេរោគ សារធាតុគីមី សត្វល្អិតចង្រៃ ឬជំងឺឆ្លង ដែលអាចបង្កហានិភ័យដល់សុខភាពមនុស្ស សត្វ និងដំណាំឡើយ។

ទន្ទឹមនឹងនោះ ដើម្បីធានាបាននូវការនាំចេញដោយជោគជ័យ និងរក្សាបាននូវកេរ្តិ៍ឈ្មោះកសិផលកម្ពុជា ក្រសួងសូមអំពាវនាវដល់អ្នកផលិត និងអ្នកនាំចេញទាំងអស់ ឱ្យយកចិត្តទុកដាក់ខ្ពស់ក្នុងការ រៀបចំខ្សែច្រវាក់ផលិតកម្មរបស់ខ្លួនឱ្យបានល្អ និងអនុវត្តតាមស្តង់ដារអនាម័យ ព្រមទាំងតម្រូវការភូតគាមអនាម័យរបស់ប្រទេសចិនឱ្យបានម៉ឺងម៉ាត់ជាទីបំផុត៕

The post ចិនបើកភ្លើងខៀវ! កម្ពុជាអាចនាំចេញផ្លែខ្នុរស្រស់ទៅកាន់ទីផ្សារចិនបានជាផ្លូវការ appeared first on .

ទិន្នន័យខាងលើ បានឱ្យដឹងថា សហរដ្ឋអាម៉េរិក គឺជាទីផ្សារនាំចេញធំបំផុតរបស់កម្ពុជា នាពេលបច្ចុប្បន្ន។ ការនាំចេញសំខាន់ៗរបស់កម្ពុជាទៅកាន់សហរដ្ឋអាម៉េរិក រួមមាន សម្លៀកបំពាក់ ស្បែកជើង កាបូបធ្វើដំណើរ ឧបករណ៍ទេសចរណ៍ ផលិតផលកសិកម្ម គ្រឿងបន្លាស់អគ្គិសនី និងទំនិញទាក់ទងនឹងការកម្សាន្ត។

ផ្ទុយទៅវិញ ការនាំចូលសំខាន់ៗរបស់កម្ពុជា ពីសហរដ្ឋអាម៉េរិកភាគច្រើន មានដូចជា រថយន្ត គ្រឿងចក្រ គ្រឿងអេឡិចត្រូនិច ឱសថ និងឧបករណ៍វេជ្ជសាស្ត្រ៕

The post ការនាំចេញរបស់កម្ពុជា ទៅសហរដ្ឋអាម៉េរិក មានទឹកប្រាក់ ៣.៣៥៨លានដុល្លារ កើនឡើង ៣៨,៤% appeared first on .

ថ្មីៗនេះ លោក ត្រាំ បានអំពាវនាវឱ្យអឺរ៉ុប និងមហាអំណាចពិភពលោក រួមមាន ចិន បារាំង ជប៉ុន កូរ៉េខាងត្បូង និងអង់គ្លេស បញ្ជូននាវាចម្បាំងទៅកាន់តំបន់មជ្ឈិមបូព៌ា​ ដើម្បីការពារនាវាដឹកជញ្ជូនប្រេង នៅច្រកសមុទ្រហ័រមូស។

ក្នុងចំណោមប្រទេសទាំងនោះ រដ្ឋមន្ត្រីការពារជាតិជប៉ុន លោក ស៊ីនជីរ៉ូ កូអ៊ីហ្សូមី (Shinjiro Koizumi) បានលើកឡើងថា ការបញ្ជូនកម្លាំងស្វ័យការពារទៅក្រៅប្រទេស គឺជាបញ្ហានយោបាយដ៏រសើបបំផុតសម្រាប់ប្រទេសជប៉ុនដែលប្រកាន់យកគោលការណ៍សន្តិភាពនិយម។

លោកបានសង្កត់ធ្ងន់ថា ជប៉ុនមានសមត្ថភាពយោធា មាននាវាចម្បាំង និងមានបច្ចេកវិទ្យាគ្រប់គ្រាន់ដើម្បីបញ្ជូនទៅជួយអាម៉េរិក ប្រសិនបើចង់ធ្វើ តែ«លទ្ធភាពផ្នែកបច្ចេកទេស» និងការសម្រេចចិត្តថាតើ«គួរធ្វើឬមិនគួរ» ក្រោមស្ថានភាពបច្ចុប្បន្ន គឺជារឿងពីរដាច់ដោយឡែកពីគ្នា។

ស្របពេលជាមួយគ្នានេះ រដ្ឋមន្ត្រីក្រសួងដឹកជញ្ជូនអូស្ត្រាលី អ្នកស្រី កាធើរីន ឃីង (Catherine King) ក៏បានបញ្ជាក់ ដែរថា អូស្ត្រាលីនឹងមិនបញ្ជូននាវាទៅកាន់ច្រកសមុទ្រ Hormuz នោះទេ ដោយលោកស្រីយល់ឃើញថា វាមិនមែនជាកិច្ចការដែលអូស្ត្រាលីត្រូវចូលរួមចំណែកក្នុងពេលនេះឡើយ។

គួរបញ្ជាក់ថា ការបដិសេធមិនចូលរួមប្រតិបត្តិការយោធារបស់ប្រទេសទាំងពីរ បានធ្វើឱ្យរដ្ឋបាលលោក ត្រាំ កាន់តែឯកោ។ ជំហរនេះបង្ហាញពីភាពរកាំរកូសក្នុងសម្ព័ន្ធភាព និងការព្រួយបារម្ភថាការប្រើកម្លាំងបាយនឹងធ្វើឱ្យសង្គ្រាមមជ្ឈិមបូព៌ាកាន់តែរីករាលដាលខ្លាំង៕

The post ជប៉ុន និងអូស្ត្រាលី បដិសេធបញ្ជូននាវាចម្បាំងទៅកាន់ច្រកសមុទ្រ Hormuz តាមការស្នើរបស់លោក ត្រាំ appeared first on .