សម្រាប់អាល់ប៊ុមថ្មីដែលគ្រោងនឹងចេញនេះ លោក ខាន់ ជែមស៍ បានបញ្ជាក់ប្រាប់ គេហទំព័រ ឧកញ៉ាញូស៍ថា «អាល់ប៊ុមចម្រៀងថ្មីនេះ មិនមែនរៀបចំតាក់តែងឡើងគ្រាន់តែជាការកម្សាន្តប៉ុណ្ណោះទេ ប៉ុន្តែជាការបង្ហាញពីទស្សនៈ និងបំណងប្រាថ្នាចង់ឱ្យតន្ត្រីក្លាយជាថាមពលវិជ្ជមាន ជ្រាបចូលដល់បេះដូងអ្នកស្តាប់ និងជួយជំរុញឱ្យមនុស្សយល់ចិត្តគ្នាកាន់តែច្រើន។»

លោក បន្ថែមថា «បទចម្រៀងទាំង ១០ បទនេះ ត្រូវបានរៀបចំជារឿងរ៉ាវភ្ជាប់គ្នា ដោយចាប់ផ្តើមពីការយល់ពីអារម្មណ៍របស់គ្នា ការសុំទោស ការមិនបោះបង់គ្នា ការផ្តល់តម្លៃដល់គ្រួសារ និងការចែករំលែកភាពល្អទៅកាន់អ្នកដទៃ។ រាល់បទសុទ្ធតែមានគោលបំណងបន្សល់ទុកសារដ៏មានអត្ថន័យ ដើម្បីឱ្យអ្នកស្តាប់អាចយកទៅអនុវត្តក្នុងជីវិតប្រចាំថ្ងៃ។»

លោក ខាន់ ជែមស៍ សង្កត់ធ្ងន់ថា «ខ្ញុំមិនចង់ឱ្យបទចម្រៀងរបស់ខ្ញុំមានតែបទភ្លេងពិរោះប៉ុណ្ណោះទេ។ ខ្ញុំចង់ឱ្យវាក្លាយជាសារមួយ ដែលអាចធ្វើឱ្យមនុស្សស្តាប់ហើយគិត ស្រឡាញ់គ្នា យល់ចិត្តគ្នា និងឱ្យតម្លៃចំពោះគ្រួសារ និងអ្នកនៅជុំវិញខ្លួន។»

អាល់ប៊ុម «ជម្រៅចិត្ត» ត្រូវបានរំពឹងថា នឹងនាំមកនូវបទពិសោធន៍ថ្មីមួយសម្រាប់អ្នកស្រឡាញ់តន្ត្រីខ្មែរ ដោយសារតែវាមានទាំងគុណភាពនៃការផលិត និងខ្លឹមសារដែលមានតម្លៃ។ នេះជាការបង្ហាញពីការប្តេជ្ញាចិត្តរបស់ ខាន់ ជែមស៍ ក្នុងការបង្កើតស្នាដៃចម្រៀង បន្ទាប់ពីលោកទទួលបានការគាំទ្រខ្លាំងពីទស្សនិកជន។

កុំភ្លេចរងចាំស្ដាប់ទាំងអស់គ្នា! តាមដានការចេញផ្សាយជាបន្តបន្ទាប់នៃបទចម្រៀងទាំង ១០ បទ ហើយចូលរួមគាំទ្រស្នាដៃថ្មីនេះ ដើម្បីឱ្យសារវិជ្ជមានដែលមាននៅក្នុងអាល់ប៊ុម «ជម្រៅចិត្ត» អាចឈានទៅដល់អ្នកស្តាប់កាន់តែច្រើនទូទាំងប្រទេស៕

The post តារាចម្រៀង លោក ខាន់ ជែមស៍ ប្រកាសចេញអាល់ប៊ុមថ្មី «ជម្រៅចិត្ត» ផ្ទុកសារអប់រំចាក់ដោតដល់ទៅ ១០ បទ appeared first on .

កញ្ញា ធីតា ដាវីកា គឺជាតារាចម្រៀងស្រីវ័យក្មេងប្រកបដោយទេពកោលស្យប្រចាំនៅក្នុងផលិតកម្ម ហ្គាឡាក់ស៊ី ណាវ៉ាត្រា បទចម្រៀងរបស់នាងជាច្រើនបានធ្វើឱ្យអ្នកគាំទ្រស្រឡាញ់ពេញចិត្ត ជាពិសេសគឺបទចម្រៀងមនោរសញ្ចេតនាស្នេហា ព្រាត់ប្រាស់ ខូចចិត្តជាច្រើនដូចជា៖ យើងត្រូវគ្នាវិញបានទេ? ចង់មានសង្សារដែរ និង បទ អ៊ុតហាងឆេងមាស ជាថើម ។

សម្រាប់ពាក់កណ្តាលឆ្នាំ២០២៦នេះ កញ្ញា ធីតា ដាវីកា ក៏មានកាដូថ្មីសម្រាប់ជូនអ្នកគាំទ្ររបស់ខ្លួនផងដែរ ធានាថា មិនធ្វើឱ្យទស្សនិកជន ខកបំណងឡើយ ជាក់ស្តែងនៅថ្ងៃទី ២២ ខែ មិថុនា ឆ្នាំ ២០២៦ នេះផលិតកម្ម ហ្គាឡាក់ស៊ី ណាវ៉ាត្រា ក៏បានប្រកាសថា តារាចម្រៀង ធីតា ដាវីកា ត្រៀមនឹងចេញ PAINFUL SOLO ALBUM ចម្រៀងថ្មីរហូតដល់ទៅចំនួន៥បទផងដែរ ដោយក្នុងនោះ បទចម្រៀងទី១មានបទចម្រៀង « អូននៅតែចង់ត្រូវគ្នា » ដែលនឹងចេញជាផ្លូវការនៅថ្ងៃទី ២៣ ខែ មិថុនា ឆ្នាំ ២០២៦ ។

ចំណែកបទទី២ គឺមានចំណងជើងថា « ដោះលែងឱ្យគេដើរផ្លូវគេ » នឹងចេញនៅថ្ងៃទី ២៤ ខែ មិថុនា ឆ្នាំ ២០២៦ ។ រីឯបទទី៣មានចំណងជើងថា « ឈឺម្តងទៀត » នឹងចេញនៅថ្ងៃទី ២៥ ខែ មិថុនា ឆ្នាំ ២០២៦ ។ បទទី៤ មានចំណងជើងថា « លែងខ្វល់ហើយ » នឹងចេញនៅថ្ងៃទី ២៦ ខែ មិថុនា ឆ្នាំ ២០២៦ និងបទទី៥ មានចំណងជើងថា « រកអ្នកផ្សេងជំនួសគេទៅ » នឹងចេញនៅថ្ងៃទី ២៧ ខែ មិថុនា ឆ្នាំ ២០២៦ ។

កញ្ញា ធីតា ដាវីកា ថែមទាំងបាននិយាយថា « មកលើកនេះមកបបួល Sad តែម្តង » ។

កុំភ្លេចចូលរួមទស្សនា PAINFUL SOLO ALBUM ចម្រៀងដែលសេដខ្លាំងហៅលែងឮរបស់តារាចម្រៀង ធីតា ដាវីកា នៅក្នុងផលិតកម្ម ហ្គាឡាក់ស៊ី ណាវ៉ាត្រា ទាំងអស់គ្នា ដើម្បីទទួលបាននូវអារម្មណ៍ថ្មី ប្លែក មិនធ្លាប់មានពីមុនមក… ៕

The post មិនមែន១ ហើយក៏មិនមែន២ ! តារាចម្រៀង ធីតា ដាវីកា លេងឈុតធំប្រកាសចេញ PAINFUL SOLO ALBUM ចម្រៀងថ្មីចាក់ដោតអារម្មណ៍អ្នកគាំទ្រ appeared first on .

តាមរយៈសំឡេងដ៏ស្រទន់ និងពោរពេញដោយមនោសញ្ចេតនាជ្រាលជ្រៅ កញ្ញា ខាត់ សួស្តី ធ្វើឱ្យអ្នកស្តាប់កោតសរសើរមិនដាច់ពីមាត់ពីទឹកចិត្តដ៏អស្ចារ្យរបស់ភរិយា។ នាងបង្ហាញថា ទោះបីជាស្វាមីត្រូវធ្វើការឆ្ងាយរាប់សិបគីឡូម៉ែត្រ ប្រឈមមុខនឹងភាពនឿយហត់យ៉ាងណាក៏ដោយ ក៏ប្រពន្ធនៅតែជាជំហរដ៏រឹងមាំ ចាំផ្តល់ស្នាមញញឹម និងពាក្យលើកទឹកចិត្តជានិច្ច។

ឆ្លើយតបមកវិញ លោក រាជ ប្រាថ្នា ជាមួយនឹងទឹកដមសំឡេងដ៏មោះមុត រឹងមាំ ប៉ុន្តែបង្កប់ដោយភាពកក់ក្តៅ បានបង្ហាញពីស្មារតីទទួលខុសត្រូវខ្ពស់របស់បុរសជាប្តី។ លោកបានប្តេជ្ញាថា ទោះបីជាផ្លូវជីវិតត្រូវដើរទៅមុខរាប់ពាន់គីឡូម៉ែត្រទៀត និងជួបឧបសគ្គបែបណាក៏ដោយ ក៏លោកនៅតែដឹងគុណ និងស៊ូរែកពន់ការលំបាកទាំងឡាយ ដើម្បីគ្រួសារ។

សមត្ថភាពច្រៀងដ៏ប៉ិនប្រសប់របស់តារាទាំងពីរដួង រួមនឹងពាក្យពេចន៍សាមញ្ញៗ បានផ្តល់មេរៀនជីវិតដ៏មានតម្លៃថា ស្នេហាពិត និងការតស៊ូ មិនមែនវាស់វែងដោយចម្ងាយផ្លូវគីឡូម៉ែត្រនោះទេ គឺវាស់ដោយការរួមសុខរួមទុក្ខ និងការចាប់ដៃគ្នាមិនព្រមលែងនៅក្នុងថ្ងៃដ៏លំបាកបំផុត៕

The post ខាត់សួស្តីនិងរាជប្រាថ្នាចាប់ដៃគ្នាមិនលែងក្នុងគ្រាលំបាក ក្នុងសាច់រឿងចម្រៀងថ្មី! appeared first on .

ដូចដែលមហាជនបានឃើញស្រាប់ហើយថា ថ្មីៗនេះមានតារាចម្រៀងល្បីៗជាច្រើនបាននាំគ្នាមកច្រៀងនៅតាមផាប់ និងហាងផ្សេងៗ ដើម្បីពង្រឹងកេរ្តិ៍ឈ្មោះផង ក៏ដូចជាដើម្បីប្រាក់ចំណូលផង ពីព្រោះឈានចូលរដូវវស្សានេះ ការងារខនសឺតតាមខេត្តនានា ក៏ដល់ពេលសម្រាកផងដែរ ។

ចំពោះតារាចម្រៀង ខេម វិញ ក៏មិនធម្មតាដែរ ក្រោយចប់ខនសឺតតាមខេត្ត ពេលនេះលោកត្រូវបានក្រុមហ៊ុនផ្សេងៗទាក់ទងច្រៀងតាមផាប់ តាមហាង និងតាមកម្មវិធីផ្សេងៗដើម្បីរក្សាប្រជាប្រិយភាព និងកេរ្តិ៍ឈ្មោះឱ្យនៅរឹងមាំ ។

សម្រាប់ចុងសប្តាហ៍នេះតារាមច្រៀង ខេម ត្រៀមនឹងជួបជាមួយបងប្អូននៅ Traino បឹងកក់ ដើម្បីចែករំលែកនូវភាពរីករាយទៅកាន់បងប្អូននាចុងសប្តាហ៍ ។ លោក ខេម ថែមទាំងបាននិយាយថា ជួបគ្នាណា បទចាស់បទថ្មី និងផ្តល់ជូនបងប្អូននៅរាត្រីថ្ងៃទី ១២ ខែ មិថុនា ឆ្នាំ ២០២៦ ។

ជាមួយនិងការទទួលការងារច្រៀងតាមផាប់ តារាចម្រៀង ខេម ក៏នៅតែបន្តចេញបទចម្រៀងថ្មីៗរបស់ខ្លួននៅក្នុងផលិតកម្មចម្រៀង ហ្គាឡាក់ស៊ី ណាវ៉ាត្រា ជាបន្តបន្ទាប់ផងដែរ ជាក់ស្តែងថ្មីៗនេះលោកបានចេញបទចម្រៀងបែបកម្សត់មនោសញ្ចេតនាសេដបំផុតដើម្បីជាចំណងដៃដល់បងប្អូន ជាពិសេសបទចម្រៀងដែលមានចំណងជើងថា « ភពបិសាច » គឺជាបទចម្រៀងដែលសេដ ស្តាប់ហើយចង់ស្រក់ទឹកចិត្តភ្នែកតាម ៕

The post ទោះបីចូលរដូវវស្សាក៏កំពូលតារាចម្រៀង ខេម នៅតែមានទីផ្សារការងារតាមPub appeared first on .

បងប្អូនអ្នកខេត្ត សៀមរាប ចាំទទួលផង ! ការប្រគំតន្រ្តី DAZZ CHARITY CONCERT នឹងជួបបងប្អូនជាថ្មីម្តងទៀតហើយ ។ ដោយក្តីនឹករលឹកទោះបីជាទៅប៉ុន្មានដងក៏មិនចេះជិនណាយដែរ ។

នៅថ្ងៃទី ៣០ ខែ ឧសភា ឆ្នាំ ២០២៦ ជួបជាមួយកំពូលតារាចម្រៀង ខេមរៈ សិរីមន្ត , ខេម , គូម៉ា , កញ្ញា ហ៊ិន លីដា និងតារាចម្រៀងវ័យក្មេងជាច្រើនរូបទៀត ។ ដោយឡែកនៅថ្ងៃទី ៣១ ខែ ឧសភា ឆ្នាំ ២០២៦ ជួបជាមួយកំពូលតារាចម្រៀង ព្រាប សុវត្ថិ , ខាន់ ជេមស៌ , Tempo , វង្ស ថាណាន់ , កញ្ញា អេមមី និងតារាចម្រៀងផ្សេងៗទៀត ។

កំពូលតារាចម្រៀងល្បីៗដែលត្រៀមជួបជាមួយបងប្អូននៅទឹកដីខេត្ត សៀមរាប នៅចុងសប្តាហ៍នេះ បានអំពាវនាវឱ្យបងប្អូនទាំងអស់ចូលរួមគាំទ្រឱ្យបានច្រើនកុះករ ពីព្រោះ DAZZ CHARITY CONCERT មានអ្វីថ្មី ប្លែក ចែករំលែកភាពរីករាយទៅកាន់បងប្អូនមិនឱ្យខកបំណងឡើយ ។

កុំភ្លេចណាត់ជួបគ្នា នៅក្នុងព្រឹត្តិការណ៍ប្រគំតន្រ្តី DAZZ CHARITY CONCERT នៅភូមិកំពង់ក្តី២ ឃុំកំពង់ក្តី ស្រុកជីក្រែង ខេត្តសៀមរាប នៅចុងសប្តាហ៍នេះ ។ តន្រ្តី១ពាន់លានរៀលដើម្បីសប្បុរសធម៌ ថាមពលនៃសម្លេងខ្មែរតែមួយ ៕

The post នៅតែនឹកនៅតែចង់ជួប ! DAZZ CHARITY CONCERT នឹងជួបបងប្អូនអ្នកខេត្តសៀមរាបជាថ្មីបន្តភាពរីករាយបង្កើនភាពស្និទ្ធស្នាល appeared first on .

ជាមួយនឹងភាពជោគជ័យរបស់កូនប្រុសជាទីស្រឡាញ់, ក្នុងដំណើរឡើងឆាកតន្រ្ដីនៃប្រទេសខាងត្បូងនេះ លោកឧកញ៉ា ព្រាប សុវត្ថិ ក៏បានជូនកូនដោយផ្ទាល់ទៅច្រៀងផងដែរ។

សូមជម្រាបជូនថា N.John (មុន្នីនាគ) កូនប្រុសតារាចម្រៀង ឧកញ៉ា ព្រាប សុវត្ថិ កំពុងតែមានកេរ្តិ៍បោះសម្លេងនៅក្រៅប្រទេស ឆាប់ៗនេះ លោកនឹងបង្ហាញខ្លួនក្នុងនាមជាតារាចម្រៀងសញ្ជាតិខ្មែរ បែប Pop នៅក្នុងកម្មវិធីមួយនៅទីក្រុងសេអ៊ូល ប្រទេសកូរ៉េខាងត្បូង។

ទន្ទឹមនឹងនោះ ក៏មានវត្តមានតារាចម្រៀងកូរ៉េ និងតារាបរទេសជាច្រើននាក់ទៀតផងដែរ។ កុំភ្លេចរងចាំមើលទាំងអស់គ្នាណា៕

The post ឧកញ៉ា ព្រាប សុវត្ថិ ជូនកូនប្រុសឡើងច្រៀងនៅលើឆាកតន្ដ្រីលំដាប់ពិភពលោកនៅកូរ៉េ appeared first on .

ពីមួយសប្តាហ៍ទៅមួយសប្តាហ៍ការប្រគំតន្រ្តី DAZZ CHARITY CONCERT តែងតែធ្វើដំណើរជុំវិញខេត្តក្រុង ដើម្បីរិះរកអ្វីដែលថ្មី ប្លែក ចែករំលែកជូនពុកម៉ែបងប្អូនទស្សនាកម្សាន្តអារម្មណ៍នាចុងសប្តាហ៍ ជាក់ស្តែងកាលពីចុងសប្តាហ៍កន្លងផុតទៅ DAZZ CHARITY CONCERT  បានធ្វើឱ្យបងប្អូនសប្បាយរីករាយស្ទើរតែមិនអាចបំភ្លេចបាន ។ សម្រាប់ចុងសប្តាហ៍នេះកាន់តែពិសេសជាងមុនទៅទៀត ពីព្រោះការប្រគំតន្រ្តី DAZZ CHARITY CONCERT បានធ្វើដំណើរទៅដល់ភូមិតាបឹប សង្កាត់បាវិត ក្រុងបាវិត ខេត្ត ស្វាយរៀង ហើយ ដូច្នេះ ត្រៀម ត្រៀមបងប្អូន ។

នៅថ្ងៃទី ២៣ ខែ ឧសភា ឆ្នាំ ២០២៦ ជួបជាមួយកំពូលតារាចម្រៀង ព្រាប សុវត្ថិ , តន់ ចន្ទសីម៉ា, សុវត្ថិ មុនីវណ្ណ , សុវត្ថិ សិរីវុឌ្ឍ និងតារាចម្រៀងវ័យក្មេងជាច្រើនរូបទៀត ។ នៅថ្ងៃទី ២៤ ខែ ឧសភា ឆ្នាំ ២០២៦ ឯណោះវិញ ជួបជាមួយកំពូលតារាចម្រៀង ខេមរៈ សិរីមន្ត , ខាន់ ជេមស៌ Tempo , ខាត់ សួស្តី និងតារាចម្រៀងផ្សេងៗទៀត ដែលត្រៀមនឹងទៅអង្រួញឆាកតន្រ្តី DAZZ CHARITY CONCERT ឱ្យកក្រើមេឃ រញ្ជួយដីនៅលើទឹកដីខេត្ត ស្វាយរៀង ។

រីករាយជាមួយការប្រគំតន្រ្តី DAZZ CHARITY CONCERT នៅលើទឹកដីខេត្ត ស្វាយរៀង តន្រ្តី១ពាន់លានរៀលដើម្បីសប្បុរសធម៌ ថាមពលនៃសម្លេងខ្មែរតែមួយ ។ កុំភ្លេចអនុញាតិឱ្យខ្លួនឯងរីករាយកម្សាន្តសប្បាយជាមួយព្រឹត្តិការណ៍ប្រគំតន្រ្តី DAZZ CHARITY CONCERT២ថ្ងៃជាប់គ្នានៅចុងសប្តាហ៍នេះ ដោយជួបសុទ្ធតែកំពូលតារាចម្រៀងល្បីនៅក្នុងដួងចិត្ត ។ ចូលរួមការប្រគំតន្រ្តី DAZZ CHARITY CONCERT ដោយឥតគិតថ្លៃ ៕

The post បងប្អូនអ្នកក្រុងបាវិត ! កុំភ្លេចអនុញ្ញាតឱ្យខ្លួនឯងរីករាយកម្សាន្តសប្បាយជាមួយព្រឹត្តិការណ៍ប្រគំតន្រ្តី DAZZ CHARITY CONCERT ២ថ្ងៃជាប់គ្នា appeared first on .

បើតាមប្រភពព័ត៌មានពីអ្នករៀបចំកម្មវិធី DAZZ CHARITY CONCERT បានបង្ហើបប្រាប់ថា ការប្រគំតន្រ្តី DAZZ CHARITY CONCERT ដែលត្រៀមនឹងរៀបចំឡើងនៅលើទឹកដីស្រុក គីរីវង់ ខេត្ត តាកែវ នៅចុងសប្តាហ៍នេះ នឹងមានការតម្លើងឆាកដ៏ធំសម្បើម ដើម្បីត្រៀម សម្តែងជូនបងប្អូនទស្សនា និងរាំលេងកម្សាន្តយ៉ាងសប្បាយរីករាយ និងបានជួបជាមួយកំពូលតារាចម្រៀងល្បីៗប្រចាំនៅក្នុងផលិតកម្ម ហ្គាឡាក់ស៊ី ណាវ៉ាត្រា រយៈពេល២ថ្ងៃជាប់គ្នា ។

នៅថ្ងៃទី ១៦ ខែ ឧសភា ឆ្នាំ ២០២៦ ជួបជាមួយកំពូលតារាចម្រៀង ព្រាប សុវត្ថិ , សុវត្ថិ មុនីវណ្ណ , សុវត្ថិ សិរីវុឌ្ឍ កញ្ញា តន់ ចន្ទសីម៉ា , ហ៊ិន លីដា និងតារាចម្រៀងជាច្រើនរូប ។ ដោយឡែកនៅថ្ងៃទី ១៧ ខែ ឧសភា ឆ្នាំ ២០២៦ ជួបជាមួយកំពូលតារាចម្រៀង ខេមរៈ សិរីមន្ត , ខាន់ ជេមស៌ , គូម៉ា , ជុំ លីណូ និងតារាចម្រៀងវ័យក្មេងសម្លេងពិរោះជាច្រើនរូបទៀត ។

នេះជាបេសសកម្មលើកដំបូងរបស់ DAZZ CHARITY CONCERT ដែលបានធ្វើដំណើរទៅកាន់ភូមិកំពង់ ឃុំព្រះបាទជាន់ជុំ ស្រុក គីរីវង់ ខេត្ត តាកែវ ដូច្នេះហ្វេនហ្វេន DAZZ CHARITY CONCERT ទាំងអស់កុំភ្លេចត្រៀមសម្លេង ដើម្បីស្រែកហ៊ោកញ្ជ្រៀវនៅឆាកដ៏ធំសម្បើម និងជួបជាមួយកំពូលតារាចម្រៀងល្បីៗនៅក្នុងក្នុងដួងចិត្តដោយផ្ទាល់ ។ តន្រ្តី១ពាន់លានរៀលដើម្បីសប្បុរសធម៌ ថាមពលនៃសំឡេងខ្មែរតែមួយ ៕

The post ត្រៀមសំឡេងហ្វេនហ្វេន ! DAZZ CHARITY CONCERT នឹងផ្តល់នូវភាពរីករាយជូនបងប្អូនស្រុកគីរីវង់ ខេត្តតាកែវ ជាលើកដំបូង appeared first on .

សម្រាប់ការប្រគំតន្រ្តី EXPREZ CHARITY CONCERT នៅលើទឹកដីក្រុងសិរីសោភ័ណ គឺជាគោលដៅថ្មីមួយទៀតរបស់យើង ដំណើរឆ្ពោះទៅកាទិសខាងលិចនេះ គឺដើម្បីផ្តល់នូវភាពរីករាយ អារម្មណ៍រំភើបញាប់ញ័រ ជួនពុកម៉ែបងប្អូន រាំលេងកម្សាន្តជុំគ្នានៅក្នុងការប្រគំតន្រ្តី EXPREZ CHARITY CONCERT ។

នៅថ្ងៃទី ១៦ ខែ ឧសភា ឆ្នាំ ២០២៦ ជួបជាមួយកំពូលតារាចម្រៀង ខេមរៈ សិរីមន្ត , ខាន់ ជេមស៌ , គូម៉ា , កញ្ញា អ៊ុក សុវណ្ណារី និងតារាចម្រៀងវ័យក្មេងផ្សេងៗទៀត ។ ចំណែកនៅថ្ងៃទី ១៧ ខែ ឧសភា ឆ្នាំ ២០២៦ ឯណោះវិញ កាន់តែអស្ចារ្យ កាន់តែរំភើប កំពូលតារាចម្រៀង ព្រាប សុវត្ថិម , ខេម , Tempo , និងតារាចម្រៀងស្រីប្រុស វ័យក្មេងជាច្រើនរូបទៀត នឹងទៅអង្រួញឆាកតន្រ្តី EXPREZ CHARITY CONCERT ឱ្យកក្រើកតែម្តង ។

ព្រឹត្តិការណ៍ប្រគំតន្រ្តី EXPREZ CHARITY CONCERT ធ្វើឡើងដើម្បីគាំទ្រយុទ្ធនាការ១ពាន់លានរៀលដើម្បីសប្បុរធម៌ ។ សម្រាប់ចុងសប្តាហ៍នេះ EXPREZ CHARITY CONCERT នឹងជួបបង្អូននៅទីតាំងដី ឧកញ៉ា ហង្ស សុីផា ភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្ត បន្ទាយមានជ័យ ។ កុំភ្លេចចូលរួមទស្សនាការប្រគំតន្រ្តី EXPREZ CHARITY CONCERT ឱ្យបានច្រើនកុះករ ដើម្បីជាកម្លាំងចិត្តដល់សិល្បករផង និង ដើម្បីសប្បាយជុំគ្នាផង ជាពិសេស EXPREZ CHARITY CONCERT មិនឱ្យបងប្អូនអ្នកខេត្ត បន្ទាយមានជ័យ អផ្សុក និងឯកោរនោះទេ ៕

The post មិនឱ្យបងប្អូនអ្នកក្រុងសិរីសោភ័ណស្ងាត់និងឯកោទេ ! ព្រឹត្តិការណ៍ប្រគំតន្រ្តី EXPREZ CHARITY CONCERT និងជួបបងប្អូន២ថ្ងៃជាប់គ្នា appeared first on .

ដូចដែលទស្សនិកជនបានដឹងស្រាប់ហើយថា ព្រឹត្តិការណ៍ប្រគំតន្រ្តី EXPREZ CHARITY CONCERT តែងតែចែករំលែកនូវភាពរីករាយជូនពុកម៉ែបងប្អូនតាមបណ្តាខេត្តក្រុងនានាមិនដែលខាន ។ សម្រាប់ចុងសប្តាហ៍នេះបងប្អូនអ្នកខេត្ត បាត់ដំបង បានត្រៀមខ្លួនរួចហើយឬនៅ? ព្រឹត្តិការណ៍ប្រគំតន្រ្តី EXPREZ CHARITY CONCERT នឹងជួបបងប្អូនអ្នកខេត្ត បាត់ដំបង ហើយ ។ កំពូលតារាចម្រៀងល្បីៗប្រចាំនៅក្នុងផលិតកម្ម ហ្គាឡាក់ស៊ី ណាវ៉ាត្រា បានត្រៀមខ្លួនរួចរាល់ហើយ ដើម្បីចែករំលែកភាពសប្បាយរីករាយជូបបងប្អូនទស្សនិកជនទាំងអស់ ។
នៅថ្ងៃទី ០៩ ខែ ឧសភា ឆ្នាំ ២០២៦ ជួបជាមួយកំពូលតារាចម្រៀង ព្រាប សុវត្ថិ , ខាន់ ជេមស៌ , សុវត្ថិ មុនីវណ្ណ , និងតារាចម្រៀងវ័យក្មេងជាច្រើនរូប ។ ដោយឡែកនៅថ្ងៃទី ១០ ខែ ឧសភា ឆ្នាំ ២០២៦ឯណោះវិញជួបជាមួយកំពូលតារាចម្រៀង ខេមរៈ សិរីមន្ត , ខេម , Tempo និងតារាចម្រៀងជាច្រើនរូបទៀត រយៈពេល២ថ្ងៃនោះកំពូលតារាចម្រៀងល្បីៗមានកាដូពិសេសជាច្រើនដើម្បីចែកជូនអ្នកគាំទ្រ ។

កុំភ្លេចណាត់ជួបគ្នានៅទីលាន់បាល់ទាត់វាលបែកចាន សង្កាត់រតនៈ ក្រុងបាត់ដំបង ខេត្តបាត់ដំបង ។ ជួបជាមួយ Idol ផ្ទាល់ និងរាំលេងកម្សាន្តជុំគ្នាក្នុងឱកាសដ៏ល្អនេះ ។ សម្រាប់អ្នកដែលចង់ចូលរួមទស្សនា គឺងាយៗ ដោយគ្រាន់តែណាត់ជួបគ្នានិងចូលរួមដោយឥតគិតថ្លៃ ៕

The post កុំខកខាន ឱកាសល្អមានម្តង ! កំពូលតារាចម្រៀងល្បីៗនឹងទៅអង្រួនឆាក EXPREZ CHARITY CONCERT ចំនួន២ថ្ងៃជាប់គ្នានៅទឹកដី បាត់ដំបង appeared first on .