កាលពីម្សិលមិញនេះ មហាសេដ្ឋីអាមេរិក Elon Musk បានបង្ហោះសារមួយថា ការវាយគ្នាជាមួយមេធំ Facebook នឹងធ្វើការផ្សាយបន្តផ្ទាល់នៅលើប្រព័ន្ធបណ្ដាញសង្គម X ដែលទើបនឹងប្រែឈ្មោះពី Twitter។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ក្រោយការបង្ហោះសារនោះមិនបានប៉ុន្មានម៉ោងផង មហាសេដ្ឋី Mark Zuckerberg បានតបតវិញថា បើសិន Elon Musk ហ៊ានមែន ណាត់គ្នាវាយនាថ្ងៃទី ២៦ ខែសីហាតែម្ដង កុំរង់ចាំយូរទៀត។ នេះបើតាមការចុះផ្សាយពីគេហទំព័រ TheVerge។
បន្ថែមពីនោះ មេធំ Facebook ហាក់មិនពេញចិត្តឡើយ បើសិនជាការវាយគ្នានឹងផ្សាយផ្ទាល់លើ X ដ្បិតលោកបានលើកឡើងថា បើសិនជាមានការផ្សាយបន្តផ្ទាល់មែន គួរតែរើសយកប្រព័ន្ធផ្សព្វផ្សាយណា ដែលអាចរៃអង្គាសប្រាក់ពីការប្រកួតនោះ យកទៅធ្វើសប្បុរសធម៌ល្អជាង។
សូមជម្រាបដែរថា ភាគីម្ខាងទៀតគឺ Elon Musk នៅមិនទាន់ឆ្លើយតបជាមួយ Mark Zuckerberg ឡើយ អំពីការណាត់វាគ្នានាថ្ងៃទី ២៦ ខែសីហាទេ៕
