ប្រធានាធិបតីហ្វីលីពីន៖ សង្គ្រាមស៊ីវិលនៅមីយ៉ាន់ម៉ា ជាបញ្ហាចាក់ស្រែះសម្រាប់អាស៊ាន

សង្គ្រាមស៊ីវិលដែលកំពុងផ្ទុះនៅមីយ៉ាន់ម៉ា គឺជាបញ្ហាដ៏ចំបងសម្រាប់សមាគមប្រជាជាតិអាស៊ីអាគ្នេយ៍ ហៅកាត់អាស៊ាន ក្នុងការរកដំណោះស្រាយដ៏សមប្រកបមួយ។ នេះបើតាមការស្រង់សម្ដី របស់ប្រធានាធិបតីហ្វីលីពីន លោក Ferdinand Marcos Jr ពីបណ្ដាញសារព័ត៌មាន CNA។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ថ្លែងនៅលើវេទិកាមួយនៅកោះហាវៃ លោក Marcos បាននិយាយថា អាស៊ានមានឆន្ទៈក្នុងការដោះស្រាយបញ្ហានៅមីយ៉ាន់ម៉ា ប៉ុន្តែបញ្ហាមួយនេះមានភាពចាក់ស្រែះខ្លាំង ដែលសូម្បីតែការបញ្ជូនជំនួយមនុស្សធម៌ ក៏មានភាពរអាក់រអួលផងដែរ។

គួររំលឹកបន្តិចថា តាំងពីមានការធ្វើរដ្ឋប្រហារ កាលពីឆ្នាំ២០២១ ប្រជាជនមីយ៉ាន់ម៉ាច្រើនជាង ១លាននាក់ បានរត់ភៀសខ្លួន ផ្លាស់ប្ដូរទីជម្រក ខណៈប្រទេសមួយនេះក៏ត្រូវបានគ្រប់គ្រងដោយរបបយោធាវិញ។

ប៉ុន្តែកាលពីខែមុន កងទ័ពជនជាតិភាគតិច បានងើបឡើងបះបោរជាមួយរបបយោធាមីយ៉ាន់ម៉ា ដែលធ្វើឲ្យស្ថានការណ៍នៅក្នុងប្រទេស កាន់តែយ៉ាប់យ៉ឺន ខណៈមេដឹកនាំហ្វីលីពីនបង្ហើបថា រដ្ឋាភិបាលមីយ៉ាន់ម៉ា ហាក់លែងទទួលបានការគាំទ្រពីរបបយោធារបស់ខ្លួនហើយ៕

អត្ថបទទាក់ទង

Hongkong Land ចេញមុខច្រានចោល រឿងចង់លក់អគារតម្លៃជាង ២ពាន់លានដុល្លារ

ណែនាំឲ្យស្គាល់កំពូលស្ត្រីមានទ្រព្យសម្បត្តិច្រើនបំផុតទាំង៥ នៅប្រទេសថៃ

ចិនដាក់គោលដៅប្រមូលផលគ្រាប់ធញ្ញជាតិឲ្យបានជាង ៦៥០ពាន់លានគីឡូក្រាមនៅឆ្នាំក្រោយ