លោក Colin Huang ដែលជាស្ថាបនិកក្រុមហ៊ុនផ្សារអនឡាញខ្នាតយក្សរបស់ចិន PDD Holdings ត្រូវបានគេរាយការណ៍ថា បានថយចុះទ្រព្យសម្បត្តិអស់ប្រមាណ ៥,៧ពាន់លានដុល្លារ ក្នុងពេលត្រឹមតែមួយយប់ប៉ុណ្ណោះ បន្ទាប់ពីភាគហ៊ុនរបស់ក្រុមហ៊ុន ធ្លាក់ចុះខ្លាំង។
យោងតាមការចុះផ្សាយពីសារព័ត៌មាន Forbes បានបង្ហាញឲ្យដឹងថា ទ្រព្យសម្បត្តិសរុបរបស់បុរសវ័យ ៤៥ឆ្នាំរូបនេះ បានធ្លាក់ចុះមកនៅត្រឹមតែ ៣៦,៣ពាន់លានដុល្លារប៉ុណ្ណោះ ខណ:ប្រភពចំណូលធំរបស់លោក គឺទទួលបានពីភាគហ៊ុនភាគច្រើននៅក្នុងក្រុមសហ៊ុន PDD Holdings ។
យ៉ាងណាមិញ ជុំវិញការថយចុះទ្រព្យសម្បត្តិដ៏ច្រើននេះ បានធ្វើឲ្យលោក Huang ធ្លាក់មកនៅចំណាត់ថ្នាក់លេខ០៦ នាមជាមហាសេដ្ឋីមានបំផុតរបស់ប្រទេសចិន បន្ទាប់ពីលោកធ្លាក់ឈរនៅចំណាត់ថ្នាក់កំពូល នៅក្នុងខែសីហា ឆ្នាំ២០២៤។
ជម្រាបជូនថា PDD Holdings ដែលជាក្រុមហ៊ុនមេរបស់វេទិកាលក់ទំនិញអនឡាញ Pinduoduo បានមើញភាគហ៊ុនរបស់ខ្លួន ធ្លាក់ចុះអស់ ១៣,៦% នៅក្នុងទីផ្សារហ៊ុនរបស់សហរដ្ឋអាមេរិក កាលពីថ្ងៃអង្គារ បន្ទាប់ពីបានរាយការណ៍ពីប្រាក់ចំណូលប្រចាំត្រីមាសមិនសូវល្អ៕
