ពលរដ្ឋវៀតណាម ចាយលុយជាង ៥,៦ពាន់លានដុល្លារ ទម្លាក់លេខ ទីតាំងលើទំនិញអនឡាញ ក្នុងត្រីមាសទី១

អ្នកប្រើប្រាស់វៀតណាម បានចំណាយទឹកប្រាក់អស់ប្រមាណ ១៤៨,៦ទ្រីលានដុង (៥,៦៤ពាន់លានដុល្លារ) ទិញទំនិញអនឡាញ នៅក្នុងត្រីមាស១ ដែលជាការកើនឡើង ៤៧% បើធៀបទៅនឹងពេលដូចគ្នាកាលពីឆ្នាំមុន។

យោងតាមការចុះផ្សាយពីសារព័ត៌មាន VN Express បានបង្ហាញឲ្យដឹងថា ទំនិញចំនួនប្រមាណ ១,១៤ពាន់លាន ត្រូវបានដាក់លើនៅលើវេទិកាអនឡាញ Shopee , TikTok Shop , Lazada និង Tiki ដែលជាកើនឡើង ២០% នៃបរិមាណ។ នេះបើយោងតាមរបាយការណ៍ចេញផ្សាយដោយវេទិកាទិន្នន័យ Metric។

យ៉ាងណាមិញ នេះមានន័យថា ជនជាតិវៀតណាមបានចំណាយជាមធ្យមជិត ១,៧ទ្រីលានដុល្លារក្នុងមួយថ្ងៃដើម្បីទិញផលិតផលជិត ១៣ លាននៅលើវេទិកាសំខាន់ៗទាំងនេះ ដោយការចំណាយភាគច្រើនផ្តោតលើផលិតផលថែរក្សាសម្ផស្ស ម៉ូដសម្លៀកបំពាក់របស់ស្ត្រី ទំនិញប្រើប្រាស់ក្នុងផ្ទះ សម្ភារៈប្រើប្រាស់ប្រចាំថ្ងៃ គ្រឿងទេស និងអាហារ។

ផ្ទុយទៅវិញ ផលិតផលទាក់ទងនឹងសុខភាពបានមើលឃើញការធ្លាក់ចុះទាំងប្រាក់ចំណូល និងបរិមាណ ដោយសារតែបទប្បញ្ញត្តិកាន់តែតឹងរ៉ឹងលើគុណភាព ការផ្សាយពាណិជ្ជកម្ម និងប្រភពដើមនៃការផលិត និងនាំចូល។

ប៉ុន្តែទោះជាយ៉ាងណាក៏ដោយ Metric បានព្យាករថា តម្លៃនៃការទិទំនិញអនឡាញសរុប នៅក្នុងត្រីមាសទី២ នៅទូទាំងទីផ្សារអនឡាញធំៗទាំងបួន អាចនឹងមានការធ្លាក់ចុះវិញប្រហែល ៤,៣% មកនៅត្រឹម ១៤២,២ទ្រីលានដុង បើធៀបទៅនឹងរយៈពេលបីខែដំបូងនៃឆ្នាំ២០២៦ នេះ៕​

មិនតែប៉ុណ្ណោះវេទិកានេះ បានណែនាំឱ្យអ្នកលក់មានភាពច្នៃប្រឌិតចំពោះការផ្តល់ជូនផលិតផលរបស់ពួកគេដើម្បីបំពេញតម្រូវការអ្នកប្រើប្រាស់ចម្រុះ ដោយផ្តល់អាទិភាពដល់ភាពជាក់ស្តែង ការរចនាស្របតាមនិន្នាការ និងភាពបត់បែននៃការប្រើប្រាស់៕​