ក្រុមហ៊ុន Samsung Electronics បានប៉ាន់ប្រមាណថាប្រាក់ចំណេញប្រតិបត្តិការរបស់ខ្លួន បានកើនឡើងប្រហែល ១៨ដង ដល់កម្រិតខ្ពស់បំផុតមួយផ្សេងទៀត នៅក្នុងត្រីមាសទីពីរឆ្នាំនេះ ខណៈពេលដែលកំណើនបច្ចេកវិទ្យា AI បន្តធ្វើឱ្យការផ្គត់ផ្គង់ និងតម្លៃបន្ទះឈីបអង្គចងចាំហក់ឡើងខ្លាំង។ នេះបើតាមការចុះផ្សាយពីសារព័ត៌មាន Reuters។
កាលពីពេលថ្មីៗនេះ Samsung ដែលជាក្រុមហ៊ុនផលិតបន្ទះឈីបអង្គចងចាំធំជាងគេបំផុតរបស់ពិភពលោក បានព្យាករថាប្រាក់ចំណេញប្រតិបត្តិការរបស់ខ្លួននឹងមានចំនួន ៨៦ទ្រីលានវ៉ុន (៥៦,៣៥ពាន់លានដុល្លារ) សម្រាប់ត្រីមាសដែលគិតពីខែមេសាដល់ខែមិថុនា ឆ្នាំនេះ។
ជុំវិញតួលេខប៉ាន់ស្មានចុងក្រោយនេះ គឺជាចំនួនកើនឡើងយ៉ាងខ្លាំង ប្រធៀបទៅនឹងប្រាក់ចំណេញចំនួន ៤,៧ទ្រីលានដុល្លារ នៅក្នុងត្រីមាសដូចគ្នា កាលពីឆ្នាំមុន ខណៈពេលដែលអ្នកវិភាគរំពឹងថាទីផ្សារបន្ទះឈីបអង្គចងចាំនឹងនៅតែផ្គត់ផ្គង់មិនទាន់តម្រូវការ រហូតដល់ឆ្នាំក្រោយ។
គួរជម្រាបជូនផងដែរថា ក្រុមហ៊ុន Samsung គឺជាអ្នកផ្គត់ផ្គង់បន្ទះឈីបអង្គចងចាំដ៏សំខាន់ដល់ក្រុមហ៊ុនបច្ចេកវិទ្យាធំៗ របស់ពិភពលោក រួមទាំង Nvidia , Google និង Apple ផងដែរ៕
