សហរដ្ឋអាមេរិក ជាប់ចំណាត់ថ្នាក់លើគេ ដែលមានក្រុមហ៊ុន បន្តឈរជើងរកស៊ី នៅក្នុងប្រទេសរុស្ស៊ី

ក្រុមហ៊ុនបរទេសជាង ៤០០ នៅក្នុងប្រទេសរុស្ស៊ី ដែលភាគច្រើនមកពីប្រទេសនៅលោកខាងលិច បានផ្អាកសកម្មភាពអាជីវកម្ម ឬឈានដល់ការប្រកាសដកខ្លួនចេញទាំងស្រុង ចាប់តាំងពីមានការឈ្លានពានរបស់កងទ័ពរុស្ស៊ី ទៅលើប្រទេសអ៊ុយក្រែន ។ តែទោះជាយ៉ាងណាក៏ដោយ នៅតែមានក្រុមហ៊ុនបរទេសចំនួន ៤១ ដែលបន្តបើកដំណើរការនៅក្នុងប្រទេសរុស្ស៊ី ។

គួរឱ្យដឹងថា បើទោះបីជាក្រុមហ៊ុនបរទេស ដែលបានប្រកាសដកខ្លួនចេញពីប្រទេសរុស្ស៊ី មានការកើនឡើងជារៀងរាល់ថ្ងៃក៏ដោយ ក៏នៅតែមានក្រុមហ៊ុនចំនួន ដែលកាន់កាប់ដោយម្ចាស់ពហុជាតិសាសន៍ នៅតែបន្តមានភាពស្ងៀមស្ងាត់ចំពោះបញ្ហានេះ និងបន្តបើកការរកស៊ីរបស់ពួកគេ នៅរុស្ស៊ីដដែល ហើយមិនបានចាត់វិធានការ ដើម្បីធ្វើពិហិការ ឬដកខ្លួនចេញពីទីផ្សារប្រទេសមួយនេះឡើយ ។

ជាក់ស្តែងក្រុមហ៊ុន ដែលនៅប្រកាន់ជំហររបស់ពួកគេ មិនព្រមដកខ្លួនចេញនោះ គឺភាគច្រើនមកពីប្រទេសលោកខាងលិច​ ខណ:សហរដ្ឋអាមេរិក និងបារាំង ឈរនៅលើគេ ស្របពេលក្រុមហ៊ុនដែលនៅសល់ គឺ​ស្ទើរ​តែទាំងស្រុងមកពីអាស៊ីបូព៌ា ជាពិសេសចិន តៃវ៉ាន់ និងហុងកុងជាដើម ។

យ៉ាងណា ខាងក្រោមននេះ គឺជាក្រុមហ៊ុនចំនួនន ៤១ ដែលមិនបានដកខ្លួនចេញពីប្រទេសរុស្ស៊ី ខណ:នេះបើយោងទៅតាមការចុះផ្សាយដោយ Yale School កាលពីថ្ងៃទី ២៥ ខែមីនាកន្លងទៅ ។

ក្រុមហ៊ុនរបស់សហរដ្ឋអាមេរិក

• Ball Corporation
• Cloudflare
• doTerra
• FM Global
• Grief
• International Paper
• IPG Photonics
• Koch Industries
• Manitowoc
• SC Johnson
• Titan International
• Young Living

ក្រុមហ៊ុនរបស់បារាំង

• Auchan-Retail
• Carrefour
• Decathlon
• ID Logistics
• Leroy Merlin
• Societe Generale

ក្រុមហ៊ុនរបស់ចិន

• Alibaba
• Didi
• Huawei
• Tencent
• Xiaomi

ក្រុមហ៊ុនរបស់តៃវ៉ាន់

• Acer
• Asus
• MSI

ក្រុមហ៊ុនរបស់ចក្រភពអង់គ្លេស

• AstraZeneca
• Metro

ក្រុមហ៊ុនរបស់ប៉ូឡូញ និង ស្វីស

• Cersanit
• Polpharma
• Switzerland
• Credit Suisse
• Glencore

ក្រុមហ៊ុនមកពីប្រទេសដទៃទៀត

• Calfrac Well Services (កាណាដា)
• Gruma (ម៉ិចសិកូ)
• Knauf (អាល្លឺម៉ង់)
• Lenovo (ហុង កុង)
• Liebrecht & Wood (ប៊ែលហ្ស៊ិក)
• MOLGroup (ហុងគ្រី)
• Naspers (អាហ្វ្រិក ខាងត្បូង)
• Raiffeisen Bank International (អូទ្រីស)
• Turkish Airlines (តួកគី)

ប្រភព: Investmentmonitor