ទូរទស្សន៍រដ្ឋរុស្ស៊ី៖ បើ​អាមេរិក​នៅ​តែ​លូក​ដៃ សង្គ្រាម​នឹង​រីក​រាលដាល​ដល់​ប្រទេស​ទី ៣ នៅ​អឹរ៉ុប

អន្តរជាតិ

សង្គ្រាម​រវាង​រុស្ស៊ី និង​អ៊ុយក្រែន​នៅ​តែ​បន្ត​អូសបន្លាយ​អស់​រយៈពេល​ជា​យូរ ពោល​ចាប់តាំង​ពី​ចុងខែ​កុម្ភៈ​ មកទល់​ពេល​បច្ចុប្បន្ន ស្របពេល​សហរដ្ឋអាមេរិក​នៅតែ​បញ្ជូន​សព្វាវុធ និង​អំណោយ​មនុស្សធម៌​ទៅ​កាន់​ប្រទេស​អ៊ុយក្រែន។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ទន្ទឹម​នឹង​នោះ ទូរទស្សន៍​ជាតិ​របស់​រុស្ស៊ី​បាន​ទម្លាយ​ឲ្យ​ដឹង​ថា សង្គ្រាម​អាច​នឹង​បន្ត​រីក​រាលដាល​ដល់​ប្រទេស​ទី ៣ នៅ​សហភាព​អឺរ៉ុប ប្រសិន​បើ​អាមេរិក​នៅ​តែ​បន្ត​លូកដៃ​ឥតឈប់ឈរ​ចំពោះ​បញ្ហា​មួយ​នេះ។

យោង​តាម​ការ​ចុះផ្សាយ​ពី Newsweek បាន​ឲ្យ​ដឹង​ថា ពិធីការនី​នៃ​ប៉ុស្តិ៍ Russia Channel 1’s “60 minutes” គឺ​អ្នកស្រី Olga Skabeyeva បាន​ព្រមាន​ថា បើសិន​លោក​ខាងលិច​នៅ​តែ​បញ្ជូន​សព្វាវុធ​មក​អ៊ុយក្រែន បញ្ហា​សង្គ្រាម​នឹង​កើត​មាន​កាន់តែ​ធំ។

ពិធីការនី​ខាងលើ​គឺ​បាន​សំដៅ​ទៅលើ​កាំជ្រួច​មីស៊ីល​ដែល​អាច​បាញ់​បាន​ប្រមាណ ៣០០ គីឡូម៉ែត្រ ដែល​អាមេរិក​ទើប​នឹង​បញ្ជូន​ទៅ​ឲ្យ​អ៊ុយក្រែន​កាលពី​ប៉ុន្មាន​សប្ដាហ៍​មុន ខណៈ​អ្នកស្រី​បាន​និយាយ​ថា ប្រទេស​ទី ៣ ដែល​អាច​នឹង​ទាញចូល​ក្នុង​សង្គ្រាម​គឺ ប៉ូឡូញ។ នេះ​បើតាម​ការ​ចុះផ្សាយ​ពី​ Nypost៕