ព្រឹត្តិការណ៍ប្រកួតដណ្ដើមពានរង្វាន់បាល់ទាត់ពិភពលោក World Cup 2022 ដែលកំពុងធ្វើឡើងនៅប្រទេសកាតា បានបង្កភាពភ្ញាក់ផ្អើលមិនចេះចប់ដល់ទស្សនិកជន តួយ៉ាងដូចជា ជ័យជំនះដែលក្រុមអារ៉ាប៊ីសាអូឌីត បានយកឈ្មោះក្រុមអាហ្សង់ទីនជាដើម។
![](https://www.oknha.news/wp-content/uploads/2022/11/315679855_626382802547673_3757200649695680478_n.jpg)
ជាមួយនឹងជោគជ័យ ២-១ នៅក្នុងការប្រកួតកន្លងទៅ មានចចាមអារ៉ាមថា ព្រះអង្គម្ចាស់ Mohammed bin Salman នឹងប្រទានកាដូពិសេសដល់កីឡាករជម្រើសជាតិគ្រប់ៗគ្នា។ នេះបើតាមការចុះផ្សាយពីសារព័ត៌មានឥណ្ឌូណេស៊ី Postsen។
![](https://www.oknha.news/wp-content/uploads/2022/11/316277298_626380572547896_2935946457896312473_n.jpg)
កាដូដែលនឹងធ្វើឲ្យគ្រប់គ្នាភ្ញាក់ផ្អើលគឺ រថយន្តប្រណីត Rolls Royce Phantom ដែលមានតម្លៃប្រហែលពី ៤៦០ ០០០ ដល់ ៥៥០ ០០០ ដុល្លារក្នុងមួយគ្រឿង។
![](https://www.oknha.news/wp-content/uploads/2022/11/maxresdefault-1024x576.jpg)
ទន្ទឹមនឹងនោះ ក៏មានប្រភពគួរឲ្យទុកចិត្តផ្សេងទៀតដូចជា អ្នកជំនួញឥណ្ឌា Suhel Seth ក៏បានបង្ហោះព័ត៌មានខាងលើនៅតាមបណ្ដាញសង្គម Twitter ទៀតផង។
យ៉ាងណា គិតមកទល់នឹងពេលនេះ ព្រះអង្គម្ចាស់អារ៉ាប៊ីសាអូឌីតនៅមិនទាន់ចេញបំភ្លឺចចាមអារ៉ាមមួយនេះ ច្បាស់លាស់នៅឡើយទេ៕