កាលពីដើមសប្ដាហ៍នេះ ប្រទេសតួកគី និងស៊ីរី បានជួបគ្រោះធម្មជាតិរញ្ជួយដីដ៏ធំសំបើម និងមានកម្រិតរហូតដល់ ៧,៨ វ៉ិចទ័រ បង្កឲ្យប្រទេសទាំង ២ ទទួលរងការខូចខាតជាខ្លាំង និងធ្វើឲ្យប្រជាជនរាប់ម៉ឹននាក់បានបាត់បង់ជីវិត។
ក្នុងចំណោមប្រទេសជាច្រើនដែលកំពុងខ្នះខ្នែងជួយដល់តួកគី និងស៊ីរី ម៉ាឡេស៊ីគឺជាប្រទេសនៅតំបន់អាស៊ានតែមួយគត់ ដែលបានផ្ដល់ជំនួយ ដោយបញ្ជូនក្រុមសង្គ្រោះ និងសន្យាផ្ដល់ជំនួយប្រមាណ ២លានដុល្លារបន្ថែមទៀត។ នេះបើតាមការចុះផ្សាយពី Malaysianow។
នាយករដ្ឋមន្ត្រី Anwar Ibrahim បានបង្ហើបថា រដ្ឋសភាយល់ព្រមឧបត្ថម្ភទឹកប្រាក់ ១លានដុល្លារសម្រាប់បញ្ហាមួយនេះ ខណៈ ១លានដុល្លារទៀតជាការឧបត្ថម្ភពីស្ដេច Sultan of Johor សម្ដេច Sultan Ibrahim Sultan Iskandar។
សូមជម្រាបដែរថា គិតមកទល់ពេលនេះ ម៉ាឡេស៊ីបានបញ្ជូនក្រុមសង្គ្រោះទៅកាន់ប្រទេសទាំង ២ ប្រមាណ ៧០ នាក់ ដើម្បីជួយដល់ការរុករកមនុស្សដែលកំពុងជាប់គាំងក្នុងអគារ ដែលបានបាក់បែក៕
