លោកអ្នកឧកញ៉ា អ្នកឧកញ៉ា ឧកញ៉ារូបណាខ្លះ អញ្ជើញចូលរួមពិធីសិរីមង្គលភ្ជាប់ពាក្យកូនប្រុស បណ្ឌិត ហេង វុទ្ធី ទីប្រឹក្សាជាន់ខ្ពស់សភាពាណិជ្ជកម្មកម្ពុជា

បណ្ឌិត ហេង វុទ្ធី ប្រធានសមាគមអ្នកវិនិយោគចិននៅកម្ពុជា និងជាទីប្រឹក្សាជាន់ខ្ពស់សភាពាណិជ្ជកម្មកម្ពុជា និងលោកជំទាវ បានរៀបចំពិធីសិរីមង្គលភ្ជាប់ពាក្យកូនប្រុស ក្នុងភូមិគ្រឹះមួយ នៅកណ្តាលរាជធានីភ្នំពេញ កាលពីថ្ងៃទី០៩ ខែមិថុនា ឆ្នាំ២០២៥ ម្សិលមិញនេះ។

សិរីមង្គលពិធីភ្ជាប់ពាក្យនេះ កូនប្រុសនាម ហេង ឧត្តម ត្រូវជាកូនប្រុសរបស់ ឯកឧត្តមបណ្ឌិត ហេង វុទ្ធី និងកូនស្រីនាម សាផុន សិទ្ធិគុណ។ ពិធីនេះធ្វើឡើងក្រោមវត្តមានលោកមេប៉ាតូចធំត្រកូលរាមច្បងទាំងសងខាងយ៉ាងឱឡារិកតាមទំនៀមទម្លាប់ខ្មែរ ដោយរៀបចំគ្រឿងភស្តុភាបណ្ណាការ ព្រមទាំងការផ្កាភ្ញីស្រស់ៗជាច្រើនរយទង រំលេចដោយពណ៌ស្វាយលាយជាមួយពណ៌ផ្កាឈូកយ៉ាងប្រណិត។

ក្នុងការអបអរសាទរពិធីភ្ជាប់ពាក្យកូនប្រុសស្រីខាងលើ គេឃើញមានការអញ្ជើញចូលរួមជាកិត្តិយសពីថ្នាក់ដឹកនាំ និងលោកអ្នកឧកញ៉ា អ្នកឧកញ៉ា និងឧកញ៉ាៗមួយចំនួន រួមមាន៖ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍, លោកអ្នកឧកញ៉ា លាង ឃុន សហស្ថាបនិកក្រុមហ៊ុន ជីប ម៉ុង, អ្នកឧកញ៉ា សៀ ឬទ្ធី ប្រធានក្រុមប្រឹក្សាភិបាលក្រុមហ៊ុន វើលដ៍ប៊្រីដ គ្រុប , អ្នកឧកញ៉ា ប៊ុន ហៃ អគ្គនាយកនៃក្រុមហ៊ុនបុរីភ្នំពេញថ្មី និង ឧកញ៉ា ហៀង ប៊ុន ប៉េង សហស្ថាបនិក និងជាអនុប្រធានក្រុមប្រឹក្សាភិបាល ក្រុមហ៊ុន ប៉េង ហួត គ្រុប ផងដែរ៕

រូបភាព៖ The Ring