អ្នកឧកញ៉ា ម៉ម វណ្ណឌី អនុប្រធានសមាគមអតីតយុទ្ធជន និងនិវត្តជនកម្ពុជា ទទួលបន្ទុកធុរកិច្ច និងការងារវិនិយោគរបស់សមាគម នារសៀលថ្ងៃទី២៧ ខែមករា ឆ្នាំ ២០២៦នេះ បានដឹកនាំប្រតិភូទៅបំពេញទស្សនកិច្ចនៅប្រទេសម៉ាឡេស៊ី។
សមាគមអតីតយុទ្ធជន និងនិវត្តជនកម្ពុជា បានឱ្យដឹងថា ដំណើរបំពេញទស្សនកិច្ចនេះ គឺដើម្បីផ្លាស់ប្ដូរបទពិសោធន៍ការងាររវាងសមាគមអតីតយុទ្ធជន និងនិវត្តជនកម្ពុជា និងសមាគមអតីតយុទ្ធជនកងកម្លាំងម៉ាឡេស៊ី នៅទីក្រុងកូឡាឡាំពួរ ប្រទេសម៉ាឡេស៊ី។ ដំណើរទស្សនកិច្ចនេះ ធ្វើឡើងតបតាមការអញ្ជើញរបស់ លោកអនុសេនីយ៍ត្រី DATUK SHARUDDIN BIN HJ OMAR ប្រធានសមាគមអតីតយុទ្ធជនកងកម្លាំងម៉ាឡេស៊ី។
សូមជម្រាបថា នៅដើមឆ្នាំ២០២៦នេះ អ្នកឧកញ៉ា ម៉ម វណ្ណឌី បានដឹកនាំប្រតិភូសមាគមអតីតយុទ្ធជន និងនិវត្តជនកម្ពុជា ទៅបំពេញទស្សនកិច្ចក្រៅប្រទេសជាបន្តបន្ទាប់។ ជាក់ស្តែង កាលថ្ងៃទី១០ ខែមករា អ្នកឧកញ៉ា ក៏បានដឹកនាំក្រុមការងារទៅទស្សនកិច្ចនៅតាមបណ្ដាកសិដ្ឋានចិញ្ចឹមគោយកទឹកដោះ និងទីតាំងក្រុមហ៊ុនមួយចំនួន នៅទីក្រុងហាណូយ ប្រទេសវៀតណាម ផងដែរ៕
