ផ្ទេរតំណែងទៅកាន់ខណ្ឌសែនសុខភ្លាម លោក ​ចេង មុនីរ៉ា សហការចុះអ៊ុតគំនូសចរាចរណ៍ទាំងយប់

នៅយប់ថ្ងៃទី១៩ ខែវិច្ឆិកា ឆ្នាំ២០២៥ លោក ចេង មុនីរ៉ា អភិបាល   នៃគណៈអភិបាលខណ្ឌសែនសុខ សហការជាមួយមន្ទីរសាធារណការ និងដឹកជញ្ជូនរាជធានីភ្នំពេញ អ៊ុតគំនូសចរាចរណ៍ នៅលើកំណាត់មហាវិថីលេខ១០១៩ (ភ្នំពេញ-ហាណូយ) ក្នុងសង្កាត់ភ្នំពេញថ្មី និងសង្កាត់គោកឃ្លាង ខណ្ឌសែនសុខ  ដើម្បីបង្កលក្ខណៈងាយស្រួលជូនដល់ប្រជាពលរដ្ឋធ្វើដំណើរ។

សូមបញ្ជាក់ថា លោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅ ត្រូវបានរាជរដ្ឋាភិបាលចេត្តអនុក្រឹត្យផ្ទេរភារកិច្ចមកជាអភិបាលនៃគណៈអភិបាលខណ្ឌសែនសុខ ចំណែកឯលោក ម៉ូវ ម៉ានិត អភិបាលនៃគណៈអភិបាលខណ្ឌសែនសុខ មកជាអភិបាលនៃគណៈអភិបាលខណ្ឌច្បារអំពៅវិញ។ នេះបើយោងតាមអនុក្រឹត្យ ស្តីពីការផ្ទេរភារកិច្ចមន្រ្តីរាជការ ចុះហត្ថលេខាដោយសម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នៅថ្ងៃទី១៤ ខែតុលា ឆ្នាំ២០២៥៕