ក្រុមហ៊ុន អង្គរ ជេនេរ៉ល អុិនសួរេន និង ក្រុមហ៊ុន NSPENG ចាប់ដៃគូសហការក្នុងគោលបំណងការពារសុវត្ថិភាពរបស់អតិថិជនប្រើប្រាស់រថយន្ត X-PENG ក្នុងប្រទេសកម្ពុជា ក្រោមប្រធានបទ «ពិភពលោក និងការការពារសម្រាប់មនុស្សសម័យថ្មី»

ភ្នំពេញ, ព្រះរាជាណាចក្រកម្ពុជា – ថ្ងៃទី៦ ខែមិថុនា ឆ្នាំ២០២៦

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

កាលពីរសៀល ថ្ងៃសៅរ៌ ទី៦ ខែមិថុនាកន្លងទៅ មានការផ្លាស់ប្តូរ និងចាប់ផ្តើមថ្មីមួយបានកើតឡើងនៅក្នុងទីផ្សារឧស្សាហកម្មយានយន្ត និងវិស័យហិរញ្ញវត្ថុនៅកម្ពុជា។ ក្រុមហ៊ុន អង្គរ ជេនេរ៉ល អុិនសួរេន (Angkor General Insurance) និងក្រុមហ៊ុន NSPENG ជាក្រុមហ៊ុនចែកចាយផ្លូវការរបស់រថយន្តទំនើបម៉ាក X-Peng ដែលជាម៉ាកសញ្ញារថយន្តបច្ចេកវិទ្យាបញ្ញាសិប្បនិម្មិត (AI) បានចុះហត្ថលេខាលើអនុស្សរណៈនៃការយោគយល់គ្នា (MOU) ក្រោមចក្ខុវិស័យប្រកបដោយសក្តានុពលគឺ៖ «ពិភពលោក និងការការពារសម្រាប់មនុស្សសម័យថ្មី» (Intelligent World, Intelligent Protection)។

ប្រទេសកម្ពុជា កំពុងបោះជំហានយ៉ាងខ្លាំងក្លាឆ្ពោះទៅកាន់អនាគត តាមរយៈការប្រើប្រាស់បច្ចេកវិទ្យាទំនើបៗ និងការកើនឡើងយ៉ាងឆាប់រហ័សនៃការប្រើប្រាស់រថយន្តអគ្គិសនី (EV)។ កិច្ចសហប្រតិបត្តិការជាយុទ្ធសាស្ត្រនេះ នឹងក្លាយជាស្ពានភ្ជាប់ដ៏សំខាន់រវាងបច្ចេកវិទ្យាកម្រិតសកល និងទំនុកចិត្តនៃទីផ្សារក្នុងស្រុក។ ប្រសិនបើ X-PENG គឺជាចលករជំរុញបដិវត្តន៍ផ្នែករថយន្តឆ្លាតវៃនៅកម្ពុជា នោះក្រុមហ៊ុន អង្គរ ជេនេរ៉ល អុិនសួរេន គឺជាអាវក្រោះដ៏រឹងមាំដែលចូលមកធានាសុវត្ថិភាពខ្ពស់បំផុតជូនដល់អតិថិជនរាល់ពេលធ្វើដំណើរ។

ការរួមបញ្ចូលគ្នានៃចក្ខុវិស័យ៖ បច្ចេកវិទ្យាថ្មី និងការធ្វើដំណើរដ៏វៃឆ្លាត

កិច្ចសហការនេះ កើតឡើងដោយសារក្រុមហ៊ុនទាំងពីរមានគោលដៅ និងតម្លៃស្នូលដូចគ្នា គឺការផ្តល់សេវាកម្មដ៏ល្អឥតខ្ចោះ និងការចាត់ទុកអតិថិជនជាធំ។ ស្របតាមបេសកកម្មរបស់ X-PENG ដែលចង់ផ្តល់នូវការធ្វើដំណើរដ៏ឆ្លាតវៃតាមរយៈបច្ចេកវិទ្យា AI ជំនាន់ថ្មី ក្រោមប្រធានបទ «ពិភពលោក និងការការពារសម្រាប់មនុស្សសម័យថ្មី» (Intelligent World, Intelligent Protection) លោក ឆាយ ឆីនឈឹង អគ្គនាយក និងជាតំណាងដ៏ខ្ពង់ខ្ពស់ អ្នកឧកញ៉ា លី សុភ័ក្ត ប្រធានក្រុមប្រឹក្សាភិបាលនៃក្រុមហ៊ុន អង្គរ ជេនេរ៉ល អុិនសួរេន ក៏បានបង្ហាញពីមោទនភាពយ៉ាងជ្រាលជ្រៅ ប្រកបដោយចក្ខុវិស័យថា៖ «ថ្ងៃនេះ យើងបានឃើញនូវការរួមបញ្ចូលគ្នាយ៉ាងអស្ចារ្យ រវាងអត្តសញ្ញាណរបស់កម្ពុជា និងបច្ចេកវិទ្យាអនាគតលំដាប់ពិភពលោក។ ចក្ខុវិស័យរួមរបស់យើងគឺសាមញ្ញ ប៉ុន្តែមានអត្ថន័យជ្រាលជ្រៅគឺ យើងកំពុងបង្ហាញថា អាជីវកម្មក្នុងស្រុករបស់កម្ពុជា មានចក្ខុវិស័យ មានភាពរឹងមាំ និងមានសមត្ថភាពគ្រប់គ្រាន់ក្នុងការចាប់ដៃគូជាមួយម៉ាកសញ្ញារថយន្តលំដាប់ពិភពលោកផងដែរ »។

លោក Zhao Peng នាយកប្រតិបត្តិការអាជីវកម្ម (COO) នៃក្រុមហ៊ុន NSPENG បានមានប្រសាសន៍សង្កត់ធ្ងន់ថា៖ «ការច្នៃប្រឌិតពិតប្រាកដ គឺមិនមែនវាស់វែងត្រឹមតែនវានុវត្តន៌នៃបច្ចេកវិទ្យានោះទេ ប៉ុន្តែវាត្រូវបានវាស់វែងដោយរបៀបដែលបច្ចេកវិទ្យានោះ អាចការពារអតិថិជនដែលប្រើប្រាស់យានយន្តនោះផ្ទាល់។ តាមរយៈកិច្ចសហប្រតិបត្តិការជាយុទ្ធសាស្ត្រនេះ យើងចង់ឲ្យម្ចាស់រថយន្ត X-PENG ទទួលបានទាំងការធ្វើដំណើរដ៏វៃឆ្លាត និងការការពារដ៏រឹងមាំ ដើរទន្ទឹមគ្នា ដើម្បីផ្តល់ជូននូវសន្តិភាពផ្លូវចិត្តយ៉ាងពិតប្រាកដ។»

ការកំណត់និយមន័យថ្មីនៃការគាំពារកម្រិតខ្ពស់ប្រកបដោយឧត្តមភាព

ដើម្បីឱ្យស្របទៅនឹងកម្រិតស្តង់ដារខ្ពស់នៃរថយន្តដែលប្រើប្រាស់បច្ចេកវិទ្យាបញ្ញាសិប្បនិម្មិត (AI) របស់ X-PENG
ក្រុមហ៊ុន អង្គរ ជេនេរ៉ល អុិនសួរេន រៀបចំខ្លួនយ៉ាងរួចរាល់ដើម្បីផ្តល់ជូននូវសេវាកម្មកម្រិតពិភពលោក ដែលងាយស្រួល រហ័ស និងផ្អែកលើគុណតម្លៃស្នូលគឺ ធានាពិត សេវាកម្មពិត និងសន្តិភាពផ្លូវចិត្តយ៉ាងពិតប្រាកដ។

ភាពជាដៃគូនេះបានណែនាំនូវសសរស្តម្ភនៃសេវាកម្មថែទាំដ៏ល្អឥតខ្ចោះ រួមមាន៖

កញ្ចប់ធានារ៉ាប់រងរថយន្តពិសេស ផ្តល់ជូនកម្រិតមិនធ្វើសំណងសូន្យភាគរយ (0% Deductible)
មជ្ឈមណ្ឌលដោះស្រាយសំណង២៤ម៉ោងលើ៧ថ្ងៃ៖ លុបបំបាត់រាល់ឧបសគ្គចំពោះសេវាដោះស្រាយសំណង ដោយធានាថាក្រុមជំនាញជួយសង្គ្រោះនៅក្បែរអ្នកជានិច្ច មិនថាម៉ោងណា ឬនៅទីកន្លែងណានោះទេ។
ខ្សែទូរស័ព្ទដោះស្រាយសំណងឥតគិតថ្លៃ 1800 20 24 24 (Toll-Free): ហៅចូលបានពីគ្រប់ប្រព័ន្ធដោយឥតគិតថ្លៃ ភ្នាក់ងារដោះស្រាយសំណងបម្រើការ ២៤ម៉ោង។
ក្រុមការងារគាំទ្រពហុភាសាកម្រិតខ្ពស់៖ ត្រៀមខ្លួនផ្តល់ជំនួយភ្លាមៗប្រកបដោយវិជ្ជាជីវៈជា ភាសាខ្មែរ អង់គ្លេស និងចិន ដើម្បីឆ្លើយតបទៅនឹងតម្រូវការអតិថិជនជាតិ និងអន្តរជាតិ។

ការបើកបរឆ្ពោះទៅកាន់អនាគត

អនុស្សរណៈនៃការយោគយល់គ្នា (MOU) ដ៏មានសារៈសំខាន់នេះ គឺជាការចាប់ផ្តើមប្រព័ន្ធថ្មីមួយ ដែលជួយឲ្យអ្នកប្រើប្រាស់រថយន្តនៅកម្ពុជា អាចកាត់បន្ថយការព្រួយបារម្ភ និងមានពេលរីករាយច្រើនជាងមុនរាល់ពេលធ្វើដំណើរ។ នេះជាសក្ខីកម្មដ៏ពិសេសមួយ បង្ហាញពីអ្វីលទ្ធផលនៃការច្នៃប្រឌិតថ្មី និងការគាំពារដ៏រឹងមាំ។

ផលិតផលធានារ៉ាប់រងយានយន្តរបស់ ក្រុមហ៊ុន អង្គរ ជេនេរ៉ល អុិនសួរេន ត្រូវបានបង្កើតឡើងដោយផ្អែកលើចំណុចលេចធ្លោសំខាន់ៗចំនួន ៨ ដែលផ្តោតលើការធានាពិត សេវាកម្មពិត និងសន្តិភាពផ្លូវចិត្តរបស់អតិថិជនជាចម្បង៖

ធានារ៉ាប់រងយានយន្តដែលគ្មានកម្រិតមិនធ្វើសំណង
ប្តេជ្ញាអនុវត្ត “គោលការណ៍គ្មានកម្រៃក្រៅផ្លូវការ” គ្រប់ដំណាក់កាលនៃសេវាកម្ម
ផ្តល់សេវាដោះស្រាយសំណង២៤ម៉ោងក្នុង១ថ្ងៃ ៧ថ្ងៃក្នុងសប្តាហ៍ និង៣៦៥ថ្ងៃក្នុង១ឆ្នាំ
សេវាកម្មបាញ់ថ្នាំរហ័ស គាំទ្ររហូតដល់ ២ផ្នែក និងធានាដោះស្រាយជូនលឿនបំផុតក្នុងពេល ២ថ្ងៃ
ផ្តល់ជូនការត្រួតពិនិត្យយានយន្ត១០ចំណុចដោយឥតគិតថ្លៃនៅមជ្ឈមណ្ឌលយានយន្ត អង្គរ អូតូ ឃែរ
អតិថិជនអាចយកយានយន្តទៅជួសជុលដោយមិនតម្រូវឲ្យបង់ប្រាក់ជាមុន និងទទួលសេវាកម្មរហ័សពី
មជ្ឈមណ្ឌលយានយន្ត អង្គរ អូតូ ឃែរ
ផ្តល់ជូនសេវាសណ្តោងយានយន្តនៅក្នុងទីក្រុងភ្នំពេញដោយឥតគិតថ្លៃ
ផ្តល់ជូនសេវាជួយទិញប្រេងសាំង ឬកូវអាគុយរថយន្ត ឬផ្លាស់ប្តូរកង់សាគួរនៅក្នុងទីក្រុងភ្នំពេញដោយឥតគិតថ្លៃ

សារចម្បងដែលយើងចង់ផ្ញើជូនប្រជាជនកម្ពុជាគឺច្បាស់លាស់ និងពោរពេញដោយការលើកទឹកចិត្ត៖ អនាគតគឺនៅទីនេះ អនាគតដ៏វៃឆ្លាត ត្រូវការការពារដែលវៃឆ្លាត ។

អំពីក្រុមហ៊ុន អង្គរ ជេនេរ៉ល អុិនសួរេន៖ គឺជាក្រុមហ៊ុនធានារ៉ាប់រងទូទៅជំនាន់ថ្មីដែលមានភាគទុនិកជាកូន
ខ្មែរ កសាងឡើងដោយទំនុកចិត្ត និងការប្តេជ្ញាចិត្តក្នុងការអភិវឌ្ឍសេដ្ឋកិច្ច ក៏ដូចជាលើកកម្ពស់ជីវភាពរស់នៅរបស់ប្រជាជនកម្ពុជាយ៉ាងពិតប្រាកដ។

សម្រាប់ព័ត៌មានបន្ថែម៖

ឈ្មោះក្រុមហ៊ុន: ក្រុមហ៊ុន អង្គរ ជេនេរ៉ល អុិនសួរេន ម.ក (Angkor General Insurance PLC.)
ទីស្នាក់ការកណ្តាល: ផ្លូវលេខ ១៦៩ សង្កាត់វាលវង់ ខណ្ឌ៧មករា រាជធានីភ្នំពេញ។
លេខទូរស័ព្ទដោះស្រាយសំណង ២៤/៧: 1800 20 24 24 (ឥតគិតថ្លៃ)
ព័ត៌មានទូទៅ: +855 78 24 24 24 / +855 87 24 24 24
អុីម៉ែល: [email protected]

តាមដានពួកយើងតាមរយៈបណ្តាញសង្គម៖