ឯកឧត្តម ស៊ុន ចាន់ថុល ថ្លែងដូច្នេះ នៅក្នុងឱកាសបានអញ្ជើញចូលរួមជាតំណាង សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្នុងវេទិកាលំដាប់អន្តរជាតិ Nikkei Forum លើកទី៣១ ស្តីពី «អនាគតរបស់អាស៊ី» (The Future of Asia) ក្រោមមូលបទ «ការរួមគ្នាកសាងអាស៊ីមួយដែលមានភាពធន់ និងវិបុលភាពជាងមុន» កាលថ្ងៃទី១១ ខែមិថុនា ឆ្នាំ២០២៦នៅទីក្រុងតូក្យូ ប្រទេសជប៉ុន។

នៅក្នុងឱកាសនោះ ឯកឧត្តម ស៊ុន ចាន់ថុល បានសម្តែងនូវការដឹងគុណយ៉ាងជ្រាលជ្រៅបំផុតចំពោះរដ្ឋាភិបាល និងប្រជាជនជប៉ុន ដែលជាដៃគូដ៏ស្មោះត្រង់ រួមចំណែកយ៉ាងធំធេងដល់ការអភិវឌ្ឍស្ទើរតែគ្រប់វិស័យនៅកម្ពុជា។

ជាមួយគ្នានេះ ឯកឧត្តមបញ្ជាក់ថា ចំពោះទំនាក់ទំនងពាណិជ្ជកម្មទ្វេភាគី កម្ពុជា-ជប៉ុន ក្នុងត្រីមាសទី១ ឆ្នាំ២០២៦ នេះ សម្រេចបានជាង ៧៥០ លានដុល្លារអាមេរិក (កើនឡើងជិត ១៥% ធៀបនឹងឆ្នាំមុន) ដែលឆ្លុះបញ្ចាំងពីតម្លៃនៃគុណភាព និងការប្តេជ្ញាចិត្តរយៈពេលវែងរបស់ក្រុមហ៊ុនជប៉ុននៅកម្ពុជា។

បច្ចុប្បន្ន កម្ពុជាកំពុងវិវឌ្ឍខ្លួនយ៉ាងលឿនទៅរកឧស្សាហកម្មដែលមានតម្លៃបន្ថែមខ្ពស់ ដូចជា ការផលិតសំបកកង់រថយន្ត និងគ្រឿងបង្គុំរថយន្ត (ដែលក្នុងត្រីមាសទី១ ឆ្នាំ២០២៦ ការនាំចេញក្នុងវិស័យនេះ សម្រេចបានដល់ ៥៨០ លានដុល្លារអាមេរិក ដោយគ្រឿងបង្គុំរថយន្ត កើនឡើងជាង ៣០ភាគរយ បើធៀបឆ្នាំ២០២៥៕ នេះបើតាមការបញ្ជាក់បន្ថែមពីឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.)៕ អត្ថបទ៖ហ្សាលីន

The post ទំនាក់ទំនងពាណិជ្ជកម្មកម្ពុជា-ជប៉ុន ឈានដល់ជាង ៧៥០ លានដុល្លារ ក្នុងរយៈពេល៣ខែ ឆ្នាំនេះ appeared first on .

ការប្តេជ្ញានេះ បានធ្វើឡើងក្នុងជំនួបរវាងឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.) ជាមួយលោក NISHIMURA Yasutoshi សមាជិករដ្ឋសភា និងជាអតីតរដ្ឋមន្ត្រីក្រសួងសេដ្ឋកិច្ច ពាណិជ្ជកម្ម និងឧស្សាហកម្ម (METI) នៃប្រទេសជប៉ុន កាលថ្ងៃទី១១ ខែមិថុនា ឆ្នាំ២០២៦។

នាឱកាសនោះ ឯកឧត្តម ស៊ុន ចាន់ថុល បានយកឱកាសនេះគូសរំលេចអំពីបច្ចុប្បន្នភាពនៃការអភិវឌ្ឍសង្គម-សេដ្ឋកិច្ច ការកែលម្អប្រព័ន្ធហេដ្ឋារចនាសម្ព័ន្ធដឹកជញ្ជូន និងវិស័យភស្តុភារកម្ម ព្រមទាំងការយកចិត្តទុកដាក់ខ្ពស់របស់រដ្ឋាភិបាលក្នុងការលើកកម្ពស់បរិយាកាសធុរកិច្ចឱ្យកាន់តែមានភាពអនុគ្រោះ និងបើកចំហ ក្រោមច្បាប់ស្តីពីវិនិយោគថ្មី ដើម្បីផ្តល់នូវកិច្ចសម្របសម្រួល និងការថែទាំគាំទ្រដ៏កក់ក្តៅដល់រាល់គ្រប់គម្រោងវិនិយោគរបស់ជប៉ុន។

ជាការឆ្លើយតប លោកNISHIMURA Yasutoshi បានកត់សម្គាល់ដោយក្តីសរសើរចំពោះការអភិវឌ្ឍសង្គម សេដ្ឋកិច្ច និងការពង្រឹងស្ថិរភាពនយោបាយរបស់កម្ពុជា។ ក្នុងនាមជាសមាជិករដ្ឋសភាជប៉ុន លោកបង្ហាញក្នុងការបន្តដើរតួនាទីយ៉ាងសកម្ម ដើម្បីជំរុញចំណងមិត្តភាព និងកិច្ចសហប្រតិបត្តិការរវាងរដ្ឋាភិបាល កម្ពុជា-ជប៉ុន ព្រមទាំងការផ្សារភ្ជាប់ទំនាក់ទំនងរវាងវិស័យឯកជននៃប្រទេសទាំងពីរឱ្យកាន់តែជិតស្និទ្ធបន្ថែមមួយកម្រិតទៀត។

សូមជម្រាបដែរថា នៅក្នុងជំនួបនោះ កម្ពុជា-ជប៉ុន​ បានចាត់ទុកថា កិច្ចពិភាក្សាការងារនេះ មិនត្រឹមតែជាការឆ្លុះបញ្ចាំងពីមិត្តភាព​ និងទំនុកចិត្តផ្នែកនយោបាយ រវាងថ្នាក់ដឹកនាំនៃប្រទេសទាំងពីរប៉ុណ្ណោះទេ ប៉ុន្តែវាក៏ជាប្តេជ្ញាក្នុងការពង្រឹង និងពង្រីកកិច្ចសហប្រតិបត្តិការលើគ្រប់វិស័យឱ្យកាន់តែមានភាពស៊ីជម្រៅ ស្របតាមស្មារតីនៃ «ភាពជាដៃគូយុទ្ធសាស្ត្រគ្រប់ជ្រុងជ្រោយ» រវាងកម្ពុជា និងជប៉ុន ប្រកបដោយភាពប្រទាក់ក្រឡានិងរស់រវើក ដើម្បីជាឧត្តមប្រយោជន៍និងវិបុលភាពរួមសម្រាប់ប្រជាជាតិទាំងពីរ៕ អត្ថបទ៖ហ្សាលីន

The post កម្ពុជា-ជប៉ុន ប្តេជ្ញាពង្រីកកិច្ចសហប្រតិបត្តិការលើគ្រប់វិស័យឱ្យកាន់តែមានភាពស៊ីជម្រៅ appeared first on .

លោក ឈៀង ពេជ្រ អនុរដ្ឋលេខាធិការ និងជាប្រធានឧត្តមមន្ត្រីដឹកជញ្ជូនកម្ពុជា (STOM) បានអញ្ជើញចូលរួម សន្និសីទឧត្តមមន្ត្រីដឹកជញ្ជូនអាស៊ាន-ជប៉ុន លើកទី២៤។សន្និសីទនេះ ក៏មានការចូលរួមពីថ្នាក់ដឹកនាំឧត្តមមន្ត្រីដឹកជញ្ជូននៃបណ្ដាប្រទេសសមាជិកអាស៊ាន លេខាធិការដ្ឋានអាស៊ាន និងប្រទេសជប៉ុន ដោយមានប្រទេសជប៉ុន និងប្រទេសហ្វីលីពីន ជាសហប្រធានកិច្ចប្រជុំ។

សូមជម្រាបដែរថា សន្និសីទខាងលើ គឺបានផ្ដោតលើការពិនិត្យ និងពិភាក្សាលើវឌ្ឍនភាពនៃការអនុវត្តគម្រោង និងសកម្មភាពក្រោម ភាពជាដៃគូដឹកជញ្ជូនអាស៊ាន-ជប៉ុន (ASEAN-Japan Transport Partnership: AJTP) រួមទាំងការកំណត់ទិសដៅ និងផែនការសកម្មភាពសម្រាប់ឆមាសទី២ ឆ្នាំ២០២៦។ ជាមួយគ្នានេះ អសន្និសីទនេះដែរ ក៏បានពិនិត្យលើសមិទ្ធផលគម្រោងចំនួន ៤ និងគំនិតផ្តួចផ្តើមថ្មីចំនួន ១ ដែលស្នើឡើងដោយប្រទេសជប៉ុន សម្រាប់ដាក់ជូនកិច្ចប្រជុំរដ្ឋមន្ត្រីដឹកជញ្ជូនអាស៊ាន-ជប៉ុន លើកទី២៤ (24th ATM+Japan) ដើម្បីអនុម័តនាពេលខាងមុខ៕  អត្ថបទ៖ហ្សាលីន

The post ប្រតិភូកម្ពុជា ចូលរួមសន្និសីទឧត្តមមន្ត្រីដឹកជញ្ជូនអាស៊ាន-ជប៉ុន លើកទី២៤  នៅទីក្រុងតូក្យូ appeared first on .

ការប្តេជ្ញានេះ បានធ្វើឡើងនៅក្នុងជំនួបទទួលទានអាហារពេលកាលថ្ងៃ ទី១០ ខែមិថុនា ឆ្នាំ២០២៦  នៃការបំពេញបេសកកម្មគោះទ្វារទាក់ទាញនិងជំរុញវិនិយោគនៅលើទឹកដីនៃប្រទេសជប៉ុន ដឹកនាំដោយ លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.) និងជួបលោក Ken Matsuzawa ប្រធានក្រុមប្រឹក្សាផ្លាស់ប្តូរមិត្តភាពអន្តរជាតិ (FEC)។

ជំនួបនេះ ក៏មានការចូលរួម ឯកអគ្គរាជទូតវិសាមញ្ញ និងពេញសមត្ថភាពកម្ពុជា ប្រចាំប្រទេសជប៉ុន, ថ្នាក់ដឹកនាំនិងមន្ត្រីពាក់ព័ន្ធពី ក.អ.ក. និង​ក្រសួងពាណិជ្ជកម្ម ព្រមទាំងវិស័យឯកជនពីប្រទេសកម្ពុជារួមមាន តំណាងសមាគមឧកញ៉ាកម្ពុជា និងតំណាងសភាពាណិជ្ជកម្មកម្ពុជាផងដែរ។

ពិធីជួបជុំនេះដែរ ត្រូវបានប្រារព្ធឡើងក្នុងបរិយាកាសដ៏ស្និទ្ធស្នាល និងពោរពេញដោយស្មារតីមិត្តភាពអន្តរជាតិ ឆ្លុះបញ្ចាំងពីទំនាក់ទំនងដ៏រឹងមាំ និងកិច្ចសហប្រតិបត្តិការដ៏ជិតស្និទ្ធរវាងស្ថាប័នរាជរដ្ឋាភិបាលកម្ពុជា និង FEC ដែលជាស្ថាប័នប្រមូលផ្តុំដោយធុរជនធំៗរបស់ជប៉ុន និងឥស្សរជននយោបាយ។ កម្មវិធីនេះ មិនត្រឹមតែជាការចាប់ផ្តើមដ៏វិជ្ជមានសម្រាប់របៀបវារៈការងារ នាថ្ងៃទីពីរនៃបេសកកម្មប៉ុណ្ណោះទេ ប៉ុន្តែថែមទាំងបានបើកឱកាសដ៏ទូលំទូលាយក្នុងការកសាងបណ្តាញទំនាក់ទំនង បង្កើនទំនុកចិត្ត និងពង្រឹងស្មារតីសហប្រតិបត្តិការជិតស្និទ្ធ រវាងភាគីទាំងពីរ កម្ពុជា-ជប៉ុន ឱ្យកាន់តែប្រសើរឡើងថែមមួយកម្រិតទៀត។

តាមរយៈពិធីខាងលើនេះ តំណាងវិស័យឯកជននៃប្រទេសជប៉ុន និងតំណាងវិស័យឯកជនពីកម្ពុជា ក៏បានផ្លាស់ប្តូរព័ត៌មាន ស្វែងយល់ពីសក្តានុពលវិនិយោគទៅវិញទៅមក ក៏ដូចជាការស្វែងរកកាលានុវត្តភាពក្នុងគោលដៅជំរុញការចាប់ដៃគូសហការធុរកិច្ចរួមគ្នា សំដៅពង្រីកទំហំពាណិជ្ជកម្ម និងការវិនិយោគឯកជនរវាងប្រទេសទាំងពីរឱ្យកាន់តែរីកចម្រើនខ្លាំងក្លាបន្ថែមទៀត៕ អត្ថបទ៖ហ្សាលីន

The post កម្ពុជា-ជប៉ុន ប្តេជ្ញារួមគ្នាពង្រីកទំហំពាណិជ្ជកម្ម និងការវិនិយោគឯកជនរវាងប្រទេសទាំងពីរបន្ថែមទៀត appeared first on .

នេះបើយោងតាមជំនួបពិភាក្សានៅ ទី៩ ខែមិថុនា ឆ្នាំ២០២៦ រវាងលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ជាមួយ ជាមួយលោក Norihiko ISHIGURO ប្រធាន និងជានាយកប្រតិបត្តិ នៃអង្គការពាណិជ្ជកម្មក្រៅប្រទេសជប៉ុន (JETRO) នៅទីស្នាក់ការកណ្តាលរបស់ JETRO នាទីក្រុងតូក្យូ។

ក្នុងជំនួបនោះ ភាគីទាំងពីរបានផ្លាស់ប្តូរទស្សនៈ និងពិភាក្សាយ៉ាងស៊ីជម្រៅលើទិដ្ឋភាពសំខាន់ៗជាច្រើនដូចជាការបង្កើតក្រុមការងារសហបង្កើតធុរកិច្ច (BCT) ដែលផ្តោតលើការលើកកម្ពស់បរិយាកាសវិនិយោគ ការស្វែងរកកាលានុវត្តភាពធុរកិច្ចថ្មីៗ និងការទាក់ទាញក្រុមហ៊ុនសាជីវកម្មធំៗ ក៏ដូចជាសហគ្រាសធុនតូច និងមធ្យម (SMEs) របស់ជប៉ុន ឱ្យមកបណ្តាក់ទុននៅកម្ពុជា។

ក្នុងស្មារតីនេះ ភាគីទាំងពីរបានឯកភាពគ្នាយ៉ាងមុតមាំ ក្នុងការប្តេជ្ញាពង្រឹងសកម្មភាពការងាររួមគ្នាឱ្យកាន់តែសកម្ម និងមុតស្រួចថែមទៀត ជាពិសេសគឺការយកចិត្តទុកដាក់ខ្ពស់ក្នុងការសម្របសម្រួល និងដោះស្រាយរាល់បញ្ហាប្រឈម ឬកង្វល់នានារបស់វិនិយោគិនជប៉ុន ផ្អែកលើការផ្តល់អនុសាសន៍ណែនាំ និងកញ្ចប់ដំណោះស្រាយប្រកបដោយយន្តការយុទ្ធសាស្ត្រពីរាជរដ្ឋាភិបាលកម្ពុជា។

សូមជម្រាបដែរថា ការប្តេជ្ញាចិត្តរួមគ្នាក្នុងការដោះស្រាយបញ្ហានេះ គឺដើម្បីធានាឱ្យបាននូវសេវាគាំទ្រវិនិយោគមួយប្រកបដោយភាពកក់ក្តៅ តម្លាភាព និងមានប្រសិទ្ធភាពខ្ពស់ ដែលជាគន្លឹះដ៏សំខាន់ក្នុងការរក្សាវិនិយោគិនចាស់ និងទាក់ទាញវិនិយោគិនថ្មីៗបន្ថែមទៀតពីជប៉ុន៕អត្ថបទ៖ហ្សាលីន

The post CDC និងអង្គការជប៉ុន ប្តេជ្ញាពង្រឹងការសម្របសម្រួល និងដោះស្រាយកង្វល់នានារបស់វិនិយោគិនជប៉ុន appeared first on .

ក្នុងឱកាសជំនួបនោះ មានការទទួលដោយ លោកស្រី CHUMA Ai អ្នកឯកទេសជាន់ខ្ពស់ផ្នែកសហប្រតិបត្តិការអភិវឌ្ឍន៍កិច្ចការអន្តរជាតិ តំណាងក្រសួងអប់រំ វប្បធម៌ កីឡា​ វិទ្យាសាស្រ្ត និងបច្ចេកវិទ្យា (MEXT) នៃប្រទេសជប៉ុន។​

គួរឱ្យដឹងថា ទស្សនកិច្ចសិក្សា និងពិភាក្សាការងារនេះត្រូវបានរៀបចំឡើងក្នុងផ្ដោតលើគោលបំណងសំខាន់ៗ រួមមាន៖

១) បង្ហាញអំពីទិដ្ឋភាពទូទៅនៃប្រព័ន្ធអប់រំប្រទេសជប៉ុន

២) ពិភាក្សាអំពីប្រឈមនៃកំណែទម្រង់វិស័យអប់រំ

៣) ការបង្ហាញអំពីបទពិសោធន៍នៃការផ្ដល់សេវាអប់រំ (Japanese Style Education Tokkatsu) ។​

លោកអគ្គលេខាធិការក្រសួងអប់រំ បានពិភាក្សាអំពីការអនុវត្ដជាក់ស្ដែងរបស់ប្រព័ន្ធអប់រំក្នុងប្រទេសជប៉ុនដើម្បីជម្រុញការអភិវឌ្ឍកម្មវិធីសិក្សាដើម្បីស្របតាមការវិវត្ដនៃបរិបទបច្ចុប្បន្ន ការពង្រឹង Reskilling និង Upskilling។ លោកបានលើកឡើងពីការពង្រឹងកម្មវិធីសិក្សានៅកម្ពុជា ដើម្បីឆ្លើយតបទៅនឹងតេស្ដរង្វាយតម្លៃអន្តរជាតិPISA និងការបំប៉នបន្ថែមសមត្ថភាពគ្រូបង្រៀន ព្រមទាំងបញ្ហាប្រឈមនានា។

លោកបន្តថា កិច្ចសហប្រតិបត្តិការរវាងប្រទេសកម្ពុជា និងប្រទេសជប៉ុនបាន និងកំពុងបន្តរីកចម្រើនកាន់តែខ្លាំងឡើងដោយផ្អែកលើការជឿទុកចិត្តគ្នា ការគោរពគ្នាទៅវិញទៅមក និងការប្តេជ្ញាចិត្តរួមគ្នា ក្នុងការអភិវឌ្ឍយុវជនជំនាន់ក្រោយ។

ទន្ទឹមនឹងនេះ លោកក៏បានកោតសរសើរចំពោះការគាំទ្រជាបន្តបន្ទាប់របស់ប្រទេសជប៉ុនតាមរយៈ ក្រសួងអប់រំ វប្បធម៌ កីឡា​ វិទ្យាសាស្រ្ត និងបច្ចេកវិទ្យា (MEXT) និងស្ថាប័ននានា ព្រមទាំងភ្នាក់ងារជប៉ុនជាច្រើន ក្នុងការលើកកម្ពស់វិស័យអប់រំនៅប្រទេសកម្ពុជា។ កម្មវិធីអាហារូបករណ៍ MEXT បានដើរតួនាទីយ៉ាងសំខាន់ក្នុងការអភិវឌ្ឍធនធានមនុស្សរបស់ប្រទេសកម្ពុជា ដោយបានផ្តល់ឱកាសសម្រាប់និស្សិត និងមន្ត្រីរាជការនៃព្រះរាជាណាចក្រកម្ពុជាក្នុងការបន្តការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងការបណ្តុះបណ្តាលជំនាញផ្សេងៗនៅប្រទេសជប៉ុន៕

The post គណៈប្រតិភូក្រសួងអប់រំ ធ្វើទស្សនកិច្ចសិក្សានៅជប៉ុន ដើម្បីជម្រុញការអភិវឌ្ឍកម្មវិធីសិក្សា ស្របតាមការវិវត្ដនៃបរិបទបច្ចុប្បន្ន appeared first on .

តាមការបញ្ជាក់ពីក្រសួងការបរទេស បានឱ្យដឹងថា កិច្ចព្រមព្រៀងហិរញ្ញប្បទានឥតសំណងនេះ ធ្វើឡើងក្នុងទំហំទឹកប្រាក់ចំនួន ១,១៨៩,០០០,០០០ យ៉េន (ប្រមាណ៨ លានដុល្លារអាម៉េរិក)៕

The post កម្ពុជា-ជប៉ុន ចុះហត្ថលេខាលើកិច្ចព្រមព្រៀងហិរញ្ញប្បទានឥតសំណងប្រមាណ ៨ លានដុល្លារ បង្កើតវិទ្យាស្ថានគរុកោសល្យនៅខេត្តកំពង់ចាម appeared first on .

កិច្ចប្រជុំនេះ បានរៀបចំឡើងនាថ្ងៃទី២៧ ខែមេសា ឆ្នាំ២០២៦ ដឹកនាំដោយ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ក្រុមប្រឹក្សាអភិវឌ្ឍន៍កម្ពុជា រួមជាមួយ លោក Akira Yoshimoto ប្រធានសមាគមធុរកិច្ចជប៉ុនប្រចាំនៅកម្ពុជា (JBAC) ដោយមានការចូលរួមពីអ្នកតំណាងក្រសួង-ស្ថាប័នពាក់ព័ន្ធ និងតំណាងក្រុមហ៊ុនជប៉ុនដែលមានប្រតិបត្តិការវិនិយោគនៅកម្ពុជាជាច្រើនរូបផងដែរ។

គោលបំណងនៃកិច្ចប្រជុំនេះ គឺដើម្បីស្តាប់នូវមតិយោបល់ថ្មីៗរបស់ផ្នែកឯកជន និងពិនិត្យលើការគាំទ្រផ្សេងៗសំដៅបន្តលើកកម្ពស់ប្រសិទ្ធភាពនៃប្រតិបត្តិការរបស់ក្រុមហ៊ុនដែលបានបណ្តាក់ទុនវិនិយោគនៅក្នុងប្រទេសកម្ពុជា។

នាឱកាសនោះ ឯកឧត្តមឧបនាយករដ្ឋមន្ត្រី បានស្វាគមន៍យ៉ាងកក់ក្តៅជូនចំពោះ វត្តមានរបស់ លោកប្រធានសមាគម តំណាងក្រសួង-ស្ថាប័ន សមាគម និងវិស័យឯកជនជប៉ុនដែលបានអញ្ជើញចូលរួមយ៉ាងកុះករនាឱកាសនេះ និងបានថ្លែងអំណរគុណជូនចំពោះវិនិយោគិនជប៉ុនទាំងអស់ដែលបានសម្រេចចិត្តដាក់ទុនវិនិយោគនៅកម្ពុជា និងពង្រីកប្រតិបត្តិការធុរកិច្ច ក៏ដូចជាទំហំវិនិយោគរបស់ខ្លួនជាបន្តបន្ទាប់។

ជាមួយគ្នានេះ លោកប្រធានសមាគម បានសម្តែងនូវការថ្លែងអំណរគុណជូនដល់រាជរដ្ឋាភិបាលកម្ពុជា ដែលតែងតែទទួលស្តាប់នូវការលើកឡើងរបស់ផ្នែកឯកជន និងផ្តល់ការគាំទ្ររហូតមក។ សមាគមជប៉ុនបានបញ្ជាក់ផងដែរថា តាមរយៈ ការយកចិត្តទុកដាក់របស់ប្រមុខរាជរដ្ឋាភិបាលតាមរយៈយន្តការផ្សេងៗ ក៏ដូចជាក្រសួង ស្ថាប័នពាក់ព័ន្ធគ្រប់កម្រិត បានធ្វើឱ្យសមាជិករបស់ខ្លួនកាន់តែមានសុទិដ្ឋិនិយមខ្ពស់ និងទំនុកចិត្តជាមួយនឹងការបណ្តាក់ទុនវិនិយោគរបស់ខ្លួននៅកម្ពុជា។

សូមជម្រាបដែរថា ក្រុមប្រឹក្សាអភិវឌ្ឍន៍កម្ពុជា (CDC) បានឱ្យដឹងថា ក្នុងត្រីមាសទី១ ឆ្នាំ២០២៦ គម្រោងវិនិយោគសរុបដែលត្រូវបានចុះបញ្ជីនៅកម្ពុជា ទាំងការចុះបញ្ជី ដោយក្រុមប្រឹក្សាអភិវឌ្ឍន៍កម្ពុជា (ក.អ.ក.) ទាំងការចុះបញ្ជីដោយអនុគណៈកម្មាធិការវិនិយោគរាជធានី ខេត្ត (អ.គ.វ.រ.ខ.) មានចំនួន ១៤៦គម្រោង ក្នុងទំហំទុនវិនិយោគសរុបប្រមាណ ២,៥ប៊ីលានដុល្លារអាម៉េរិក និងអាចបង្កើតការងារបានប្រមាណ ៨២ពាន់កន្លែង។

ក្នុងចំណោមគម្រោងវិនិយោគទាំង ១៤៦នេះ មាន គម្រោងចំនួន ៩៥ ត្រូវបានចុះបញ្ជីដោយ ក.អ.ក. (ក្រៅតំបន់សេដ្ឋកិច្ចពិសេសចំនួន ៦០គម្រោង និងក្នុង តំបន់សេដ្ឋកិច្ចពិសេសចំនួន ៣៥គម្រោង) និងគម្រោងចំនួន ៥១ ត្រូវបានចុះបញ្ជីដោយ អ.គ.វ.រ.ខ.៕ អត្ថបទ៖ហ្សាលីន

The post ស្ថាប័នកម្ពុជា ជួបពិភាក្សាគ្នាជាមួយសមាគមធុរកិច្ចជប៉ុន ដើម្បីជំរុញការវិនិយោគ appeared first on .

យោងតាមសេចក្ដីប្រកាសព័ត៌មានរបស់ក្រសួងការបរទេស នៅថ្ងៃទី២៣ ខែមេសា ឆ្នាំ២០២៦ បានឱ្យដឹងថា ពិធីចុះហត្ថលេខាលើលិខិតប្តូរសារ និងឯកសារពាក់ព័ន្ធស្តីពី ការផ្តល់ឥណទានសម្បទានប្រាក់យ៉េនរបស់រដ្ឋាភិបាលជប៉ុន បានធ្វើឡើងនៅថ្ងៃទី២៣ ខែមេសា រវាងលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និង សហប្រតិបត្តិការអន្តរជាតិ នៃព្រះរាជាណាចក្រកម្ពុជា និងលោក UENO Atsushi ឯកអគ្គរាជទូតវិសាមញ្ញ និងពេញសមត្ថភាព នៃប្រទេសជប៉ុនប្រចាំកម្ពុជា។

គម្រោងនេះ ដែលបានចុះហត្ថលេខានៅ ក្រសួងការបរទេស និងសហប្រតិបត្តិការអន្តរជាតិ នាថ្ងៃនេះ មានទឹកប្រាក់ចំនួន ៦.៩០៨.០០០.០០០ យ៉េន (ប្រមាណ ៤៦.០០០.០០០ ដុល្លារអាមេរិក)។

គម្រោងនេះនឹងបង្កើនភាពធន់នៃហេដ្ឋារចនាសម្ព័ន្ធនៅរាជធានីភ្នំពេញប្រឆាំងនឹងការជន់លិច ដោយ បង្ការផលប៉ះពាល់អវិជ្ជមានលើជីវភាពប្រចាំថ្ងៃ និងសកម្មភាពសេដ្ឋកិច្ច។ ការបន្តផ្តល់ជំនួយហិរញ្ញវត្ថុនេះ ឆ្លុះ បញ្ចាំងពីការប្តេជ្ញាចិត្តឥតងាករេរបស់ជប៉ុន ក្នុងការលើកកម្ពស់ការអភិវឌ្ឍសង្គម-សេដ្ឋកិច្ចរបស់កម្ពុជា និងភាព ជាដៃគូយុទ្ធសាស្ត្រគ្រប់ជ្រុងជ្រោយកម្ពុជា-ជប៉ុន៕

The post ជប៉ុន សម្រេចផ្ដល់ឥណទានសម្បទាន ៤៦លានដុល្លារដល់កម្ពុជា សម្រាប់គម្រោងការពារទឹកជំនន់ appeared first on .

កិច្ចពិភាក្សាខាងលើ ក៏មានការចូលរួមពីវិស័យឯកជនកម្ពុជា ដឹកនាំដោយ លោកលីម តារារិទ្ធ ទីប្រឹក្សាផ្ទាល់សម្ដេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងជាតំណាងអគ្គនាយកក្រុមហ៊ុន AZ Group និងមានការចូលរួមដោយ លោក ISHIKAWA OSAMU ប្រធានក្រុមហ៊ុន SV Construction Co., Ltd, លោកស្រី SAKAKI ANERA ប្រធានក្រុមហ៊ុន TENSHI CO., LTD, លោក JESSE MCCAUL នាយកផ្នែកអភិវឌ្ឍន៍អាជីវកម្ម នៃក្រុមហ៊ុន AZ Group និងសមាជិកក្រុមហ៊ុន និងតំណាងវិស័យឯកជនកម្ពុជាមួយចំនួនទៀត។

សូមបញ្ជាក់ដឬរថា តាមរយៈជំនួបនេះ កម្ពុជា-ជប៉ុន បានផ្ដោតសំខាន់ទៅលើការពង្រឹងទំនាក់ទំនងការទូត និងការតភ្ជាប់កិច្ចសហប្រតិបត្តិការនានារវាងប្រទេសកម្ពុជា និងជប៉ុន ជាពិសេសការលើកកម្ពស់វិស័យសេដ្ឋកិច្ច ពាណិជ្ជកម្ម និងទេសចរណ៍ រវាងខេត្តតូឈិហ្គិ និងប្រទេសកម្ពុជា។

ជាលទ្ធផល ភាគីទាំងពីរ បានឯកភាពគ្នា រៀបចំសិក្ខាសាលាវិនិយោគ និងកម្មវិធីផ្គូផ្គងពាណិជ្ជកម្មរវាងវិស័យឯកជនកម្ពុជា-ជប៉ុន នាពេលខាងមុខ ដើម្បីជំរុញកិច្ចសហប្រតិបត្តិការរវាងប្រទេសទាំងពីរ ជាមួយនឹងគោលដៅសំខាន់ៗ រួមមាន៖ ទី១- ជំរុញការវិនិយោគលើវិស័យកសិកម្ម ការងារ អប់រំ បច្ចេកវិទ្យា និងដឹកជញ្ជូន ទី២- ជំរុញទេសចរណ៍ទ្វេភាគី រវាងខេត្តតូឈិហ្គិ និងកម្ពុជា ទី៣- ជំរុញការអភិវឌ្ឍន៍ធនធានមនុស្សរបស់កម្ពុជា និងលើកទឹកចិត្តការជ្រើសរើសពលករកម្ពុជា មកធ្វើការនៅខេត្តតូឈិហ្គិ និងទី៤- ពង្រឹងការផ្ទេរបច្ចេកវិទ្យាកសិកម្មទៅកម្ពុជា៕ អត្ថបទ៖ហ្សាលីន

The post កម្ពុជា-ជប៉ុន បើកកិច្ចពិភាក្សាពង្រឹងទំនាក់ទំនងការទូត និងការតភ្ជាប់កិច្ចសហប្រតិបត្តិការនានា appeared first on .