នៅថ្ងៃទី៩ ខែមិថុនា រដ្ឋបាលគយទូទៅរបស់ចិន បានប្រកាសថា ការនាំចេញសរុបនៅខែឧសភា បានកើនឡើង ១៩,៤% និងការនាំចូលកើនឡើងជាង ២៧% បើធៀបទៅនឹងរយៈពេលដូចគ្នា កាលពីឆ្នាំមុន។

សម្រាប់ទីផ្សារសហរដ្ឋអាមេរិក ការនាំចេញបានកើនឡើង ៣៥,៤% កាលពីខែមុន ដែលនេះជាអត្រាខ្ពស់បំផុត គិតចាប់តាំងពីខែមីនា ឆ្នាំ២០២១ មក។នេះបើយោងតាមក្រុមហ៊ុនស្រាវជ្រាវ Wind Information។ ពាណិជ្ជកម្មរវាងសហរដ្ឋអាមេរិក និងចិននៅតែងើបឡើងវិញ បន្ទាប់ពីធ្លាក់ចុះយ៉ាងខ្លាំងកាលពីឆ្នាំមុន ដោយសារតែសម្ពាធពន្ធគយនាំចូលខ្ពស់របស់ប្រធានាធិបតីអាមេរិក លោក ដូណាល់ ត្រាំ។

យ៉ាងណាមិញ​ ជុំវិញការកើនឡើងនេះ អ្នកជំនាញជឿជាក់ថា ការបន្ធូរបន្ថយភាពតានតឹងពាណិជ្ជកម្មរវាងប្រទេសទាំងពីរ បន្ទាប់ពីដំណើរទស្សនកិច្ចរបស់ប្រធានាធិបតីអាមេរិក ដូណាល់ ត្រាំ មកកាន់ប្រទេសចិននៅពាក់កណ្តាលខែឧសភា អាចកាត់បន្ថយភាពមិនប្រាកដប្រជាសម្រាប់ការនាំចេញរបស់ទីក្រុងប៉េកាំង ក៏ដូចជាសម្រាប់អាជីវកម្មអាមេរិកផងដែរ។

គួរជម្រាបជូនផងដែរថា ពន្ធនាំចូលរបស់សហរដ្ឋអាមេរិកលើទំនិញចិនបច្ចុប្បន្នស្ថិតក្នុងអត្រាទូទៅ ១០% បន្ទាប់ពីតុលាការកំពូលបានបដិសេធពន្ធដែលប្រធានាធិបតី ដូណាល់ ត្រាំ បានដាក់ក្រោមច្បាប់អំណាចសេដ្ឋកិច្ចបន្ទាន់អន្តរជាតិ (IEEPA) នៅចុងខែកុម្ភៈ។ ទោះជាយ៉ាងណាក៏ដោយ ពន្ធដែលដាក់ក្រោមបទប្បញ្ញត្តិផ្សេងទៀតលើវិស័យជាក់លាក់ដូចជា អាលុយមីញ៉ូម ដែកថែប និងរថយន្តនៅតែមិនផ្លាស់ប្តូរនៅចន្លោះពី ១០-៥០%៕​

The post ការនាំចេញទំនិញរបស់ចិនទៅអាមេរិកបានកើនឡើងច្រើនជាលើកដំបូង ក្នុងរយៈពេលប្រាំឆ្នាំចុងក្រោយ appeared first on .

យោងតាមគយរបស់ចិន បានបង្ហាញឲ្យដឹងទៀតថា ការនាំចេញរបស់ខ្លួន បានធ្លាក់ចុះអស់ ១,១% នៅក្នុងខែតុលា បើធៀបទៅនឹងរយៈពេលដូចគ្នា កាលពីឆ្នាំមុន ដែលជាការធ្លាក់ចុះលើកដំបូងមិនធ្លាប់មាន គិតចាប់តាំងពីខែមីនា ឆ្នាំ២០២៤ មក។

យ៉ាងណាមិញ បើតាមសម្តីរបស់លោក Zhiwei Zhang ប្រធានសេដ្ឋវិទូនៅ Pinpoint Asset Management បាននិយាយថា ជុំវិញមូលហេតុដែលធ្វើឲ្យការនាំចេញរបស់ចិនធ្លាក់ចុះបែបនេះ គឺដោយសារតែឥទ្ធិពលនៃរលកនៃការនាំចេញដំបូងៗ ដើម្បីចៀសវាងពន្ធគយ។ ប៉ុន្តែទោះជាយ៉ាងណាក៏ដោយ លោក បានព្យាករថាស្ថានភាពអាចនឹងវិលត្រលប់មកធម្មតាវិញ ខណៈពេលដែលចិន និងសហរដ្ឋអាមេរិក បានព្រមព្រៀងពន្យារពេលរឹតបន្តឹងពាណិជ្ជកម្មរវាងគ្នា រយៈពេលមួយឆ្នាំ។

លើសពីនេះ ហេតុផលមួយទៀតសម្រាប់ការធ្លាក់ចុះនៃការនាំចេញពីប្រទេសដែលមានសេដ្ឋកិច្ចធំទីពីររបស់ពិភពលោក គឺដោយដសារតែមូលដ្ឋានខ្ពស់ពីឆ្នាំមុន។ នៅក្នុងខែតុលា ឆ្នាំ២០២៤ គឺជាខែដែលការនាំចេញរបស់ប្រទេសចិន បានកើនឡើងខ្ពស់បំផុតក្នុងរយៈពេលជាងពីរឆ្នាំចុងក្រោយ។

ជម្រាបជូនផងដែរថា ស្ថានភាពពាណិជ្ជកម្មរវាងចិន និងសហរដ្ឋអាមេរិក ហាក់មានភាពធូរស្រាលច្រើនវិញហើយ បន្ទាប់ពីប្រធានាធិបតី​ លោក ដូណាល់ ត្រាំ និងប្រធានាធិបតី ស៊ី ជីនពីង បានជួបគ្នានៅប្រទេសកូរ៉េខាងត្បូង កាលពីពេលថ្មីៗកន្លងទៅនេះ។ ភាគីទាំងពីរបានព្រមព្រៀងគ្នាលើបញ្ហាជាច្រើន រាប់ចាប់ពីការកាត់បន្ថយពន្ធគយ រហូតដល់ការកើនឡើងនៃការទិញផលិតផលកសិកម្ម និងការបន្ធូរបន្ថយការគ្រប់គ្រងការនាំចេញ ផងដែរ៕

The post ការនាំចេញរបស់ចិន ធ្លាក់ចុះជាលើកដំបូងក្នុងរយៈពេលជិត ២ឆ្នាំចុងក្រោយ appeared first on .

យោងតាមទិន្នន័យពីគយចិន បង្ហាញនៅថ្ងៃទី៩ ខែមិថុនានេះថា ការនាំចេញសរុបរបស់ចិន នៅក្នុងខែឧសភា បានកើនឡើង ៤,៨% បើធៀបទៅនឹងរយ:ពេលដូចគ្នា កាលពីឆ្នាំមុន ប៉ុន្តែចំពោះការនាំចូលវិញវិញ បានធ្លាក់ចុះអស់ ៣,៤% ខណ:ពេលដែលអតិរេកពាណិជ្ជកម្ម បានកើនឡើងដល់ ១០៣,២ពាន់លានដុល្លារ បើធៀបទៅនឹងចំនួន ៩៦ពាន់លានដុល្លារ កាលពីខែមេសា។

ប៉ុន្តែទោះជាយ៉ាងណាក៏ដោយ សម្រាប់ទីផ្សារអាមេរិកតែមួយ ការនាំចេញរបស់ចិន ក្នុងខែឧសភា ទៅកាន់ប្រទេសនេះ បានធ្លាក់ចុះ ៣៤,៥% បើធៀបទៅនឹងពេលដូចគ្នាកាលពីឆ្នាំមុន។ នេះគឺជាអត្រាធ្លាក់ចុះខ្លាំងបំផុតមិនធ្លាប់មាន រាប់ចាប់តាំងពិខែកុម្ភ: ឆ្នាំ២០២០ មក នៅពេលដែលការផ្ទុះឡើងនៃជំងឺកូវីដ-១៩ បានរំខានដល់ពាណិជ្ជកម្មពិភពលោកយ៉ាងខ្លាំង។

ទន្ទឹមនឹងនេះ លោក Xu Tianchen សេដ្ឋវិទូជាន់ខ្ពស់នៅប្រចាំនៅស្ថាប័ន Economist Intelligence Unit បាននិយាយថា ជុំវិញការថយចុះយ៉ាង​គំហុក​នៃការនាំចេញនេះ បានកើតឡើង នៅពេលរដ្ឋាភិបាលរបស់ប្រទេសចិន បានចាប់ផ្តើមរឹតបន្តឹងការត្រួតពិនិត្យគយ។ ក្រោយការដាក់ចេញវិធានការនេះ ការនាំចេញធនធានរ៉ែកម្ររបស់ប្រទេស បានធ្លាក់ចុះអស់ ៥០% កាលពីខែមុន ស្របពេលការ​នាំ​ចេញ​គ្រឿង​ម៉ាស៊ីន​អគ្គិសនី​ ក៏​ធ្លាក់​ចុះ​គួរ​ឲ្យកត់​សម្គាល់ផងដែរ៕

The post ការនាំចេញរបស់ចិន ទៅអាមេរិកធ្លាក់ចុះខ្លាំងបំផុតមិនធ្លាប់មាន រយ:ពេល ៥ឆ្នាំចុងក្រោយ appeared first on .

ក្នុងចំណោមទំនិញទាំងអស់ ដែកថែបគឺជាប់នៅកំពូលតារាង ដោយមានការនាំចេញរហូតដល់ជិត ៧០០លានដុល្លារ កើនឡើងពីឆ្នាំមុន ១៦៦% ខណៈគ្រឿងសមុទ្រមានកំណើននាំចេញ ១០៥% សម្រេចបានដល់ ១១៧លានដុល្លារ។

គួររំលឹកបន្តិចថា គ្រឿងសមុទ្រនាំចូលពីប្រទេសវៀតណាម គឺជាចំណូលចិត្តរបស់ប្រជាជនរុស្ស៊ី ជាពិសេសគឺសាច់ត្រីធូណា ខណៈប្រទេសវៀតណាមគឺជាអ្នកនាំចេញសាច់ត្រីធំបំផុតទី២ របស់រុស្ស៊ី បន្ទាប់ពីប្រទេសអាហ្សង់ទីន។

ជម្រាបបន្ថែមថា រយៈពេល ៧ខែដំបូងនៃឆ្នាំ២០២៤ ការធ្វើពាណិជ្ជកម្មទ្វេភាគីរវាងវៀតណាម និងរុស្ស៊ី សម្រេចបានរហូតដល់ ២,៧ពាន់លានដុល្លារ កើនឡើង ៤៥% បើសិនធៀបនឹងឆ្នាំមុន៕

The post វៀតណាមទទួលចំណូលជាង ១ពាន់លានដុល្លារ ពីការនាំចេញទំនិញទៅប្រទេសរុស្ស៊ី appeared first on .

សារព័ត៌មាន Reuters បានដកស្រង់ទិន្នន័យបឋមរបស់សេវាគយកូរ៉េ ដែលបានបង្ហាញឲ្យដឹងថា នៅខែមិថុនា ការលក់នៅក្រៅប្រទេសបានកើនឡើងដល់ទៅចំនួន ៥៧,០៧ពាន់លានដុល្លារ ឬស្មើរនឹង៥,១% បើធៀបទៅនឹងឆ្នាំមុន រីឯការនាំចូលនៅខែមិថុនាដូចគ្នាវិញ បានថយចុះដល់ទៅ៧,៥% មកនៅត្រឹម ៤៩,០៧ពាន់លានដុល្លារប៉ុណ្ណោះ។

បន្ទះឈីបដែលជាផលិតផលដ៏មានតម្រូវការបំផុតរបស់ពិភពលោកនាពេលសព្វថ្ងៃ កូរ៉េខាងត្បូងបានកើនឡើងនៃការនាំចេញដល់ទៅចំនួន៥២,២% ឯណោះបើធៀបទៅនឹងឆ្នាំមុន ស្របពេលដែលការនាំចេញរថយន្តក៏មានការកើនឡើងដូចគ្នាពោលមានចំនួន៣,៨% ផងដែរ។

គួរបញ្ជាក់ដែរថា នៅអំឡុងខែមិថុនា ចំណោមគោលដៅនាំចេញទំនិញសំខាន់ៗចំនួនប្រាំបួនរបស់កូរ៉េខាងត្បូង ក្នុងនោះមានប្រាំមួយទៅហើយដែលការនាំចេញមានការកើនឡើង តួយ៉ាងទំនិញទៅកាន់សហរដ្ឋអាមេរិកកើនឡើង១៦,៨% ខណៈឯទំនិញនាំចេញទៅចិនកើនឡើង៥,៤% ពីមួយឆ្នាំទៅមួយឆ្នាំ៕

The post ការនាំចេញទំនិញកូរ៉េខាងត្បូងទៅកាន់ទីផ្សារក្រៅប្រទេស បន្តកើនឡើងរយៈពេល ៩ខែជាប់ៗគ្នា appeared first on .

សារព័ត៌មាន The Nations បានចុះផ្សាយទៀតថា ប្រទេសចិននៅតែជាគោលដៅនាំចេញគ្រឿងសម្អាងធំជាងគេរបស់កូរ៉េខាងត្បូង ពោលមានចំនួនរហូតដល់ទៅ ៦១០លានដុល្លារ តាមពីក្រោយដោយសហរដ្ឋអាមេរិកដែលមានចំនួន ៣៨០លានដុល្លារ ស្របពេលប្រទេសជប៉ុនក៏មានចំនួន ២៤០លានដុល្លារ រីឯប្រទេសវៀតណាមវិញក៏មានចំនួនរហូតដល់ទៅ ១៥០លានដុល្លារផងដែរ។

គួរជម្រាបបន្ថែមថា កាលពីក្នុងឆ្នាំ២០២១ ការនាំចេញគ្រឿងសម្អាងរបស់ប្រទេសកូរ៉េខាងត្បូង បានកើនឡើងរហូតដល់ទៅចំនួន ៩,២២ពាន់លានដុល្លារ ប៉ុន្តែវាបានធ្លាក់ចុះមកនៅត្រឹម ៧,៩៨ពាន់លានដុល្លារ ដោយហេតុថាតម្រូវការពីប្រទេសចិនមានការធ្លាក់ចុះ ខណៈនៅឆ្នាំ២០២៣ ការនាំចេញក៏បានស្ទុះងើបឡើងវិញដល់ចំនួន ៨,៤៩ពាន់លានដុល្លារ ហើយត្រូវបានគេព្យាករណ៍ទៀតថា នឹងអាចបន្តនិន្នាការនៃការកើនឡើងនៅឆ្នាំនេះថែមទៀត៕

The post បីខែដើមឆ្នាំថ្មី គ្រឿងសម្អាងកូរ៉េខាងត្បូងនាំចេញទៅទីផ្សារក្រៅប្រទេសមានទំហំជាង ២ពាន់លានដុល្លារ appeared first on .

ដោយគិតត្រឹមតែខែមីនាមួយប៉ុណ្ណោះ ទាំងប្រភេទរថយន្តអគ្គិសនីគ្រប់ម៉ូឌែល ក៏ដូចជាប្រភេទរថយន្ត Plug-in hybrids ត្រូវបានលក់ចេញរហូតដល់ទៅ៤១,៥% ឬស្មើនឹងចំនួន ១,៧១លានគ្រឿង ។

ក្នុងខែមីនាដដែលនោះ ការនាំចេញរថយន្តសរុបរបស់ប្រទេសចិនបានកើនឡើង៣៩% ដល់ចំនួនជាង ៤០៦ ០០០គ្រឿងកើនឡើង១៨% បើធៀបទៅនឹងខែកុម្ភៈ ស្របពេលក្រុមហ៊ុន Tesla ក៏បានធ្វើការនាំចេញរថយន្ត ដែលផលិតនៅប្រទេសចិនបានចំនួនជាង ២៦ ៦០០គ្រឿងផងដែរ។

គួរជម្រាបដែរថា ការកើនឡើងដូច្នេះក៏អាចដោយសារតែអជ្ញាធរបានសហការជាមួយក្រុមហ៊ុន ដើម្បីធ្វើការបញ្ចុះបញ្ចូលអ្នកប្រើប្រាស់ឲ្យជួយទិញរថយន្ត ក្នុងគោលបំណងស្តារសេដ្ឋកិច្ចដែលកំពុងធ្លាក់ចុះ ជាមួយនឹងការកែសម្រួលប្រាក់កម្ចី រួមទាំងលុបចោលការបង់ការប្រាក់ទាបបំផុត ដែលកំណត់ដោយរដ្ឋាភិបាលសម្រាប់ការទិញរថយន្តថ្មីជាដើម៕

The post ត្រីមាសទីមួយ ចិនលក់រថយន្តអគ្គិសនីបានចំនួនជាងមួយលានគ្រឿង appeared first on .

ប្រធានសហព័ន្ធលក់ដុំ ពាណិជ្ជកម្ម និងសេវាកម្មបរទេសរបស់អាល្លឺម៉ង់លោក Dirk Jandura បាននិយាយនៅក្នុងសេចក្តីថ្លែងការណ៍មួយថា បើទោះបីជានាពេលបច្ចុបន្នប្រទេសកំពុងមានសញ្ញាណវិជ្ជមានក៏ដោយ តែពាណិជ្ជកម្មបរទេសរបស់អាល្លឺម៉ង់នៅតែស្ថិតនៅក្រោមសម្ពាធដដែល។

លោកបានបន្ថែមថា ការថយចុះសមត្ថភាពប្រកួតប្រជែង ការបង្កើនរបាំងពាណិជ្ជកម្ម ការគាំពារនិយម និងតម្រូវការវិញ្ញាបនប័ត្រក្នុងស្រុក នៅតែបន្តដាក់បន្ទុកដល់អ្នកនាំចេញរបស់ប្រទេសអាល្លឺម៉ង់ និងពាណិជ្ជករបរទេស។

គួរបញ្ជាក់បន្ថែមថា ដោយគិតត្រឹមតែខែកុម្ភៈ អតិថិជនដែលទិញផលិតផលរបស់អាល្លឺម៉ង់ច្រើនជាងគេគឺសហរដ្ឋអាមេរិក ដែលមានចំនួន ១៣,៨ពាន់លានអឺរ៉ូ ស្របពេលប្រទេសចិនវិញគឺជាអ្នកនាំចូលទៅកាន់អាល្លឺម៉ង់ច្រើនជាងគេផងដែរ ពោលមានប្រមាណជាជាង ១២,១ពាន់លានអឺរ៉ូក្រោមការនាំចូលសរុប ១១១,៥ពាន់លានអឺរ៉ូ៕

The post នៅខែកុម្ភៈ ការនាំចេញរបស់អាល្លឺម៉ង់សម្រេចបានត្រឹម ១៤៣ពាន់លានដុល្លារ appeared first on .

សារព័ត៌មាន VN Express បានចុះផ្សាយថា បើសង្កេតទៅតាមទិន្នន័យ ការនាំចេញផលិតផលផ្លែទុរេនរបស់វៀតណាម ទៅកាន់ប្រទេសចិនបានកើនឡើង ២,៤ដងបើធៀបនឹងឆ្នាំមុន ស្របពេលការនាំចេញរបស់ប្រទេសថៃវិញ មានការធ្លាក់ចុះដល់ទៅពាក់កណ្តាល ពោលមកនៅត្រឹម ១៩ ០០០តោនតែប៉ុណ្ណោះ។

តែយ៉ាងណា បើទោះបីជាការនាំចេញរបស់ថៃចាញ់ប្រៀបវៀតណាមក៏ពិតមែន តែតម្លៃនៃការនាំចេញទុរេនវៀតណាមមានទាបជាងថៃដល់ទៅជិត២០% ដោយមួយកុងតឺន័រមានតម្លៃជិត ៥០០០ដុល្លារតែប៉ុណ្ណោះ។

គួរជម្រាបថា ការនាំចេញទុរេនរបស់វៀតណាមនៅឆ្នាំ២០២៤ នេះត្រូវបានគេរំពឹងថា នឹងអាចទាញចំណូលចូលសេដ្ឋកិច្ចរបស់ខ្លួនបានចំនួន ៣,៥ពាន់លានដុល្លារកើនឡើង៦៦% បើធៀបនឹងឆ្នាំមុន៕

The post វៀតណាមនាំមុខថៃ ជាប្រទេសនាំចេញផ្លែទុរេនទៅចិនច្រើនជាងគេបំផុត appeared first on .

ជុំវិញទិន្នន័យដែលបង្ហាញដោយ Bangko Sentral ng Pilipinas (BSP) ដែលជាធនាគារកណ្តាលរបស់ប្រទេសនេះ លេខាធិការ DTI លោក Alfredo Pascual បាននិយាយថា ដោយសារតែមានការអនុវត្តដ៏រឹងមាំនៃវិស័យបច្ចេកវិទ្យាព័ត៌មាន ការគ្រប់គ្រងដំណើរការអាជីវកម្ម និងការបង្វែរចំណូលពីវិស័យទេសចរណ៍ បានជំរុញឲ្យមានកំណើននៃការនាំចេញ។

គួរឲ្យដឹងថា ដោយសារតែមានការពង្រឹងទៅលើការតភ្ជាប់ការធ្វើដំណើរ និងកិច្ចខិតខំប្រឹងប្រែងផ្សព្វផ្សាយ ហ្វីលីពីនបានកត់ត្រាអតិរេកនៃប្រាក់ចំណូលពីវិស័យទេសចរណ៍ជាលើកដំបូង ក្នុងរយៈពេល ១៥ឆ្នាំចុងក្រោយ ដោយឈានដល់ចំនួន ៩,១ពាន់លានដុល្លារ ក្នុងឆ្នាំ២០២៣ ដែលច្រើនជាងទ្វេដងពីកម្រិតឆ្នាំ២០២២កន្លងទៅ។

ទន្ទឹមនឹងនេះ យោងតាម DTI បានបង្ហាញឲ្យដឹងទៀតថាកំណើននៃការនាំចេញភាគច្រើន ត្រូវបានជំរុញដោយការពង្រីកដ៏សំខាន់នៃសេវាកម្មនាំចេញរបស់ប្រទេស ខណ:ពេលដែលការនាំចេញសរុបបានរួមចំណែកដល់ទៅ ២៧% នៃផលិតផលក្នុងស្រុកសរុប របស់ប្រទេសក្នុងឆ្នាំ២០២៣៕

The post ការនាំចេញរបស់ហ្វីលីពីន​ កើនឡើងលើស ១០០ពាន់លានដុល្លារជាលើកដំបូង appeared first on .