ទាំងអនុប្រធានាធិបតី លោកស្រី Kamala Harris និងអតីតប្រធានាធិបតី លោក ដូណាល់ ត្រាំ ម្តងហើយម្តងទៀតបានធ្វើទស្សនកិច្ចទៅកាន់រដ្ឋសំខាន់ៗទាំងនេះ ដើម្បីធ្វើយុទ្ធនាការរបស់ខ្លួន ក្នុងគោលបំណងទាក់ទាញចំណាប់អារម្មណ៍កាន់តែច្រើន ដោយសង្ឃឹមថានឹងធ្វើឲ្យពួកគេប្រមូលយ៉ាងហោចណាស់អង្គបោះឆ្នោត ២៧០ សម្លេង ដើម្បីគ្រប់គ្រាន់ក្នុងការយកឈ្នះ ការបោះឆ្នោតនេះ។

គួរឲ្យដឹងថារដ្ឋសមរភូមិ ឬហៅថា Swing states គឺជាពាក្យដែលត្រូវបានប្រើឡើងទៅលើរដ្ឋដែលមិនមានការគាំទ្រភាគច្រើន ច្បាស់លាស់ ឬជាប់លាប់ សម្រាប់បេក្ខជនរបស់គណបក្សប្រជាធិបតេយ្យ ឬសាធារណរដ្ឋនោះឡើយ។

តាមការចុះផ្សាយពីសារព័ត៌មាន CBS News រដ្ឋសំខាន់ៗដែលត្រូវបានចាត់ទុកជាសមរភូមិដ៏ក្តៅគគុក នៅក្នុងការបោះឆ្នោតប្រធានាធិបតីឆ្នាំ២០២៤​ នេះ មានដូចជា Georgia, North Carolina, Arizona, Michigan, Nevada, Pennsylvania និងរដ្ឋ Wisconsin។

រដ្ឋទាំងនេះ ជាធម្មតាត្រូវបានកំណត់គោលដៅដោយយុទ្ធនាការរបស់គណបក្សធំៗទាំងពីរ ជាពិសេសនៅក្នុងការបោះឆ្នោតដែលមានការប្រកួតប្រជែងខ្លាំង ខណ:ការគាំទ្រដែលរំពឹងអាចទាញយកបានពីអ្នកបោះឆ្នោតនៅក្នុងរដ្ឋទាំងនោះ គឺមានភាពពិបាកខ្លាំង បើធៀបទៅនឹងរដ្ឋផ្សេងៗទៀត។

​ដោយសារតែ swing states មានសារៈសំខាន់បែបនេះហើយ ទើបបេក្ខជនប្រធានាធិបតីអាមេរិកតែងតែផ្ដោត និងចំណាយពេលច្រើនលើសលុបក្នុងការធ្វើយុទ្ធនាការឃោសនាបោះឆ្នោតនៅតាមរដ្ឋទាំងនេះ បើទោះជាការធ្វើដូច្នេះហាក់បង្ហាញពីការមិនអើពើជាមួយនឹងបណ្ដារដ្ឋផ្សេងទៀតដែល គាំទ្រពួកគេក៏ដោយ៕

The post រដ្ឋសំខាន់ៗទំាងនេះ នឹងកំណត់ជោគវាសនាចុងក្រោយរបស់បេក្ខជនប្រធានាធិបតីអាមេរិក appeared first on .

ក្នុងនោះ គេឃើញមានលោក Josep Borrell អ្នកតំណាង​ជាន់ខ្ពស់​ទទួលបន្ទុក​កិច្ចការបរទេស ​និង​គោលនយោបាយ​សន្តិសុខរ​បស់​សហភាព​អឺរ៉ុប បានចេញមុខច្រានចោលលទ្ធផលបោះឆ្នោតនៅរុស្ស៊ីទាំងស្រុងថា ជារឿងដ៏សែនអាម៉ាសមួយបំផុត ស្របពេលរដ្ឋមន្ត្រីការបរទេសអាឡឺម៉ង់លោកស្រី Annalena Baerbock បានធ្វើការរិះគន់ចំៗថា វាគ្រាន់តែជាការបោះឆ្នោតដែលគ្មានជម្រើស ខណៈឯក្រសួងការបរទេសបារាំងឯណោះវិញ បាននិយាយផងដែរថា វាមិនមែនជាលក្ខណ្ឌសម្រាប់ការបោះឆ្នោតដោយសេរី ពហុនិយម និងបែបប្រជាធិបតេ្យនោះទេ។

ជាមួយគ្នា រដ្ឋមន្ត្រីការបរទេសអង់គ្លេសលោក David Cameron បានបញ្ចេញមតិបែបនេះថា លទ្ធផលនៃការបោះឆ្នោតនៅរុស្ស៊ីអាចគូសបញ្ជាក់ថា វាមានការគាបសង្កត់ជម្រៅណានៅក្នុងប្រទេសរុស្ស៊ី។ លោក ពូទីន បានដកគូប្រជែងនយោបាយ គ្រប់គ្រងប្រព័ន្ធផ្សព្វផ្សាយ ហើយបន្ទាប់មកជ្រើសយកខ្លួនឯងជាអ្នកឈ្នះ នេះមិនមែនជាប្រជាធិបតេយ្យនោះទេ។

ដូចគ្នាទៅនឹងបណ្តាប្រទេសមួយចំនួននៅលោកខាងលិចដែរ ប្រធានាធិបតីអ៊ុយក្រែនលោក Volodymyr Zelenskiy បានលើកឡើងថា ការបោះឆ្នោតរបស់រុស្ស៊ីមិនមានភាពស្របច្បាប់ទេ វាច្បាស់ណាស់សម្រាប់មនុស្សគ្រប់គ្នានៅក្នុងពិភពលោក ថាគាត់ធ្វើអញ្ចឹងដើម្បីបានអំណាច​ ហើយកំពុងធ្វើអ្វីគ្រប់បែបយ៉ាង ដើម្បីគ្រប់គ្រងអំណាចរបស់ខ្លួនជាងរៀងរហូត។ យ៉ាងណា ប្រធានាធិបតីអាមេរិកលោក Joe Biden នៅមិនទាន់ឮលោករិះគន់អ្វីឡើយ ប៉ុន្តែអ្នកនាំពាក្យសេតវិមានកាលពីថ្ងៃ១៧ ខែមីនាបាននិយាយផងដែរថា ជាក់ស្តែងការបោះឆ្នោតរបស់រុស្ស៊ីគឺមិនសេរី និងគ្មានយុត្តិធម៌នោះឡើយ។

សូមជម្រាបបន្ថែមថា បើទោះបីជាបណ្តាប្រទេសលោកខាងលិច បានធ្វើការរិះគន់យ៉ាងចាស់ដៃដូច្នេះក៏ដោយ សម្ព័ន្ធមិត្តធំៗមួយចំនួនដូចជាចិន ឥណ្ឌា និងកូរ៉េខាងជើង បានអបអរសាទរទៅកាន់មេដឹកនាំរុស្ស៊ីលោក វ្ល៉ាឌីមៀ ពូទីន ដែលនឹងត្រូវបន្តតំណែងបានមួយអាណត្តិទៀតក្នុងនាមជាប្រធានាធិបតី ព្រមទាំងបានធ្វើការប្តេជ្ញាចិត្តពង្រឹងចំណងមិត្តភាពរបស់ប្រទេស ឲ្យកាន់តែរឹងមាំជាងមុនថែមទៀត៕

The post លោកខាងលិចរិះគន់យ៉ាងចាស់ដៃ ចំពោះលទ្ធផលឈ្នះឆ្នោតរបស់បុរសខ្លាឃុំទឹកកក appeared first on .

ផ្អែកតាមការស្ទង់មតិចេញផ្សាយដោយអ្នកស្ទង់មតិសាធារណៈ (FOM) បានឲ្យដឹងថា លោកពូទីន បានទទួលសំឡេងគាំទ្រចំនួ៨៧,៨% ដែលជាលទ្ធផលមួយមិនធ្លាប់មាននៅក្នុងប្រវត្តិសាស្ត្រក្រោយសម័យសូវៀតរបស់រុស្ស៊ី។ ជាមួយគ្នានោះ បេក្ខភាពមកពីគណបក្សកុម្មុយនិស្តលោក Nikolai Kharitonov ស្ថិតនៅលេខរៀងទី២ ដែលមានសន្លឹកឆ្នោតតិចជាង៤% ខណៈអ្នកនយោបាយជើងថ្មីលោក Vladislav Davankov មកពីគណបក្សប្រជាជនថ្មីស្ថិតនៅលេខរៀងទីបី ហើយចំណែកអ្នកនយោបាយមកពីគណបក្សប្រជាធិបតីសេរីលោក Leonid Slutsky វិញទទួលបានសន្លឹកឆ្នោតតិចជាងគេ។

គួរជម្រាបថា ចំនួនពលរដ្ឋរុស្ស៊ីទៅបោះឆ្នោតនៅទូទាំងប្រទេសមានចំនួន៧៤,២២% ខណៈដែលវាលើសពីកម្រិតកាលពីក្នុងឆ្នាំ២០១៨ ដែលមានត្រឹមចំនួន៦៧,៥% នេះបើតាមមន្ត្រីបោះឆ្នោតរុស្ស៊ីបានធ្វើការលើកឡើង។

មិនត្រឹមតែប៉ុណ្ណោះ គណៈកម្មាធិការរៀបចំការបោះឆ្នោតកណ្តាលរបស់រុស្ស៊ី នឹងបញ្ជាក់លទ្ធផលបោះឆ្នោតជាផ្លូវការមិនឲ្យលើសពីថ្ងៃទី២៨ ខែមីនា ហើយនឹងប្រកាសលទ្ធផលក្នុងរយៈពេលបីថ្ងៃ បន្ទាប់ពីក្រោយការបញ្ជាក់៕

The post បុរសខ្លាឃ្មុំទឹកកក សង្ឃឹមរក្សាតំណែងប្រធានាធិបតីរុស្ស៊ី ក្រោយទទួលសម្លេងគាំទ្រខ្លាំងមិនធ្លាប់មាន appeared first on .

លោក វ្លាឌីមៀ ពូទីន ធ្លាប់ត្រូវបានគេតែងតាំងឲ្យកាន់តួនាទីជាន់ខ្ពស់នៅក្នុងជួររដ្ឋាភិបាលជាច្រើនកន្លែង ហើយក៏ផ្លាស់ទីខ្លួនឡើងធ្វើជានាយករដ្ឋមន្ត្រី និងបានកាន់តំណែងជាប្រធានាធិបតីរុស្ស៊ីបានពីអណត្តិផងដែរ កាលពីអំឡុងឆ្នាំ២០០០ ដល់ឆ្នាំ២០០៨ ខណៈនៅឆ្នាំ២០០៨ ដល់ឆ្នាំ២០១២ តំណែងជាប្រធានាធិបតីក៏បានធ្លាក់ទៅដល់ដៃលោក Dmitry Medvedev វិញ តែទោះជាយ៉ាងណាក៏ដោយចុះចាប់តាំងពីឆ្នាំ២០១២ រហូតមកទល់សព្វថ្ងៃ លោកពូទីនបានឆក់យកតួនាទីដែលខ្លួនធ្លាប់មានមកវិញ និងបានកាន់តំណែងជាប្រធានាធិបតីរហូតមក។

គួរជម្រាបថា ប្រទេសរុស្ស៊ីនាពេលបច្ចុបន្នកំពុងតែធ្វើការបោះឆ្នោតជ្រើសរើសប្រធានាធិបតីសម្រាប់អណត្តិថ្មី ដែលធ្វើឡើងពីថ្ងៃទី១៥ ដល់ថ្ងៃទី១៧ ខែមីនា ហើយក្នុងនោះក៏មានលោក វ្ល៉ាឌីមៀ ពូទីន រួមជាមួយអ្នកនយោបាយចំនួនបីរូបផ្សេងទៀតដូចជា លោក Vladislav Davankov លោក Leonid Slutsky និងលោក Nikolai Kharitonov ខណៈអ្នកទាំងបីត្រូវបានគេរំពឹងថា នឹងមិនអាចប្រជែងសន្លឹកឆ្នោត ជាមួយអ្នកនយោបាយចាស់វស្សាលោក វ្ល៉ាឌីមៀ ពូទីន បានទេ៕

The post តើលោកពូទីន កាន់តំណែងជាប្រធានាធិបតីរុស្ស៊ីបានយូរប៉ុណ្ណាហើយ? appeared first on .

ក្នុងនោះបេក្ខភាពដែលឈរឈ្មោះប្រជែងតំណែងគឺមានដូចជាលោក Vladimir Putin ដែលជាប្រធានាធិបតីកំពុងតែកាន់អំណាចនាពេលបច្ចុបន្ន លោក Leonid Slutsky ដែលមកពីគណបក្សប្រជាធិបតេយ្យសេរី លោក Nikolai Kharitonov មកពីគណបក្សកុម្មុយនិស្តរុស្ស៊ី និងលោក Vladislav Davankov មកពីគណបក្សប្រជាជនថ្មី។

ដោយយោងតាមទិន្នន័យដែលចេញផ្សាយដោយ គណៈកម្មាធិការរៀបចំការបោះឆ្នោតកណ្តាលរបស់រុស្ស៊ីបានលើកឡើងថា ពលរដ្ឋរុស្ស៊ីប្រហែល ១១០លាននាក់សុទ្ធសឹងតែមានសិទ្ធិបោះឆ្នោត។ ជាមួយគ្នានោះ គណៈកម្មាធិការនឹងបញ្ជាក់លទ្ធផលបោះឆ្នោតមិនឲ្យលើសពីថ្ងៃទី២៨ ខែមីនា ហើយនឹងប្រកាសលទ្ធផលក្នុងរយៈពេលបីថ្ងៃ បន្ទាប់ពីក្រោយការបញ្ជាក់។

គួរជម្រាបបន្ថែមថា នៅក្រោមបទប្បញ្ញត្តិនៃការបោះឆ្នោតជ្រើសរើសប្រធានាធិបតីរុស្ស៊ី បេក្ខជនដែលទទួលបានសម្លេងឆ្នោតលើសពី៥០% នឹងទទួលបានជ័យជម្នះ ក៏ប៉ុន្តែប្រសិនបើក្នុងករណីដែលមានបេក្ខជនលើសពីពីរនាក់ ហើយគ្មាននរណាម្នាក់ទទួលបានសម្លេង៥០% នៃសន្លឹកឆ្នោតទនោះ គណៈកម្មាធិការកណ្តាលរៀបចំការបោះឆ្នោតនឹងប្រកាសការបោះឆ្នោតនៅជុំទីពីរ ហើយបេក្ខជនណាមួយដែលមានសម្លេងគាំទ្រច្រើនជាងគេនៅក្នុងជុំទីពីរ នឹងត្រូវជាប់ឆ្នោតជាប្រធានាធិបតី៕

The post ការបោះឆ្នោតជ្រើសរើសប្រធានាធិបតីរុស្ស៊ីថ្មី កំពុងចាប់ផ្តើមហើយ appeared first on .

កាលពីថ្ងៃទី១៥ ខែកុម្ភៈ អ្នកនាំពាក្យក្រុមប្រឹក្សាសន្តិសុខជាតិរបស់សេតវិមានលោក John Kirby បាននិយាយក្នុងសន្និសីទសារព័ត៌មានមួយថា៖ លោកពូទីនដឹងយ៉ាងច្បាស់នូវអ្វី ដែលរដ្ឋបាលសហរដ្ឋអាមេរិកកំពុងធ្វើ ដើម្បីទប់ទល់នឹងឥទ្ធិពលដ៏អាក្រក់របស់រុស្ស៊ីនៅជុំវិញពិភពលោក និងជាអ្វីដែលរុស្ស៊ីកំពុងប្រព្រិត្តនៅក្នុងប្រទេសអ៊ុយក្រែន។

អ្នកនាំពាក្យរូបនេះបានបន្ថែមទៀតថា៖ ពួកយើងបានបង្ហាញម្តងហើយម្តងទៀត អំពីឆន្ទៈដែលយើងមាន ក្នុងការជំរុញទៅលើអ្វីដែលរុស្ស៊ីកំពុងតែធ្វើ ជាពិសេសនៅអ៊ុយក្រែន មួយវិញទៀតលោកពូទីន គ្រាន់តែនៅឲ្យឆ្ងាយពីការបោះឆ្នោតរបស់យើងទៅបា​នហើយ។

គួរជម្រាបបន្ថែមថា ពាក់ព័ន្ធនឹងការលើកឡើងដូច្នេះ កើតឡើងក៏ដោយសារតែមានកិច្ចសម្ភាសន៍ំមួយជាមួយនឹងលោក ពូទីន កាលពីថ្ងៃទី១៤ ខែកុម្ភៈ ដោយអំឡុងពេលនោះ លោក ពូទីន ត្រូវបានគេចោទសួរថា តើបុគ្គលរូបណាដែលរុស្ស៊ីយល់ថា សាកសមបំផុតក្នុងការដឹកនាំសហរដ្ឋអាមេរិក? លោក ពូទីន ឆ្លើយថា៖ បៃដិនជាអ្នកសាកសម ព្រោះគាត់មានបទពិសោធន៍ជាង ងាយស្រួលក្នុងការធ្វើការជាមួយ ហើយគាត់គឺជាអ្នកនយោបាយជើងចាស់មួយរូប តែយ៉ាងណារុស្ស៊ីនឹងនៅតែបន្តកិច្ចសហប្រតិបត្តិការយ៉ាងរីករាយ ជាមួយមេដឹកនាំអាមេរិកគ្រប់រូប ដែលប្រជាជនអាមេរិកបោះឆ្នោតជូន៕

The post អាមេរិកព្រមានលោក ពូទីន៖ គួរតែឈរនៅឲ្យឆ្ងាយពីការបោះឆ្នោតប្រធានាធិបតីសហរដ្ឋអាមេរិក appeared first on .

បើតាមការចុះផ្សាយពីសារព័ត៌មាន Reuters បានបង្ហាញថា លទ្ធផលនៃការរាប់សន្លឹកឆ្នោតក្រៅផ្លូវការ នៅក្នុងការបោះឆ្នោតជ្រើសរើសអនាគតប្រធានាធិបតីឥណ្ឌូនេស៊ីបានបង្ហាញថា សម្លេងឆ្នោតនាំមុខគេចំនួន៥៧,៨៩% បានទៅលើរដ្ឋមន្ត្រីការពារជាតិនិងក៏ធ្លាប់ជាអតីតមេបញ្ជាការកុម្ម៉ង់ដូរពិសេសឥណ្ឌូណេស៊ីលោក Prabowo Subianto ចំណែកឯអតីតអភិបាលក្រុងហ្សាកាតាលោក Anies Baswedan វិញទទួលបានសន្លឹកឆ្នោតចំនួន២៥,៤២% ខណៈអតីតអភិបាលខេត្ត Central Java លោក Ganjar Pranowo បានទទួលសន្លឹកឆ្នោតចំនួន ១៦,៦៨% ។

គួរជម្រាបផងដែរថា ចំពោះការស្បថចូលកាន់តំណែងជាប្រធានាធិបតីឥណ្ឌូនេស៊ីថ្មី នឹងត្រូវប្រារព្ធធ្វើឡើងនៅខែតុលា ឆ្នាំ២០២៤ខាងមុខ៕

The post លោក Prabowo Subianto កំពុងដើរលើវិថីឆ្ពោះទៅកាន់តំណែងប្រធានាធិបតីឥណ្ឌូនេស៊ី appeared first on .

មេដឹកនាំប្រទេសមហាអំណាចអាវុធនុយក្លេអ៊ែរលោក វ្លាឌីមៀ ពូទីន ដែលត្រូវបានគេស្គាល់ថាជាបុរសខ្លាឃ្មុំទឹកកក ធ្លាប់ត្រូវបានគេតែងតាំងឲ្យកាន់តួនាទីជាន់ខ្ពស់នៅក្នុងជួររដ្ឋាភិបាលជាច្រើនកន្លែង ហើយក៏ផ្លាស់ទីខ្លួនឡើងធ្វើជានាយករដ្ឋមន្ត្រី និងបានកាន់តំណែងជាប្រធានាធិបតីរុស្ស៊ីចាប់តាំងពីឆ្នាំ២០០០ ដល់ឆ្នាំ២០០៨ និងពីឆ្នាំ២០១២ រហូតមកទល់នឹងបច្ចុបន្ននេះ។

ចុះតើបេក្ខភាពប្រជែងតំណែងចំនួនបីរូបផ្សេងទៀត ដែលរួមមានលោក Vladislav Davankov លោក Leonid Slutsky និងលោក Nikolai Kharitonov ជានរណា? តទៅនេះយើងខ្ញុំនឹងរំលេចអំពីប្រវត្តិសង្ខេបក្នុងឆាកនយោបាយរបស់បេក្ខភាពឈរឈ្មោះប្រជែងតំណែងអនាគតប្រធានាធិបតីរុស្ស៊ី។

លោក Vladislav Davankov​​ ចាប់កំណើតនៅថ្ងៃទី២៥ ខែកុម្ភៈ ឆ្នាំ១៩៨៤ នាទីក្រុង Smolensk ហើយក្រោយមកទៀតលោកបានផ្លាស់ទីលំនៅទៅរស់នៅក្នុងទីក្រុងមូស្គូវិញ ព្រមទាំងបានបញ្ចប់ការសិក្សាពីសាកលវិទ្យាល័យរដ្ឋមូស្គូផងដែរ។ បន្ទាប់ពីបញ្ចប់ការសិក្សារូបលោកបានចាប់ផ្តើមធ្វើការនៅក្រុមហ៊ុនលក់គ្រឿងសំអាងមួយឈ្មោះថា Faberlic រហូតបានឡើងតំណែងជាអនុប្រធានក្រុមហ៊ុន ក្រោមការគ្រប់គ្រងពីសហគ្រិន និងជាអ្នកនយោបាយលោក Alexey Nechayev ។

នៅឆ្នាំ២០២០ លោក Nechayev បានបង្កើតគណបក្សនយោបាយសេរីមួយឈ្មោះថា ប្រជាជនថ្មី (New People Party) ។ មួយឆ្នាំបន្ទាប់ពោលគឺនៅអំឡុងឆ្នាំ២០២១ លោក Davankov បានដឹកនាំយុទ្ធនាការបោះឆ្នោតរបស់គណបក្ស ហើយនៅឆ្នាំនោះដូចគ្នាលោកក៏ជាអនុប្រធានរដ្ឋឌូម៉ា នៃសហព័ន្ធរុស្ស៊ីថែមទៀត។ មិនត្រឹមតែប៉ុណ្ណោះ នៅថ្ងៃទី១២ ខែកក្កដា គណៈកម្មាធិការរៀបចំការបោះឆ្នោតទីក្រុងមូស្គូបានចុះឈ្មោះលោក Vladislav Davankov ជាបេក្ខភាពសម្រាប់ប្រជែងតំណែងអភិបាលក្រុង ដែលកាលនោះលោកទទួលបានសម្លេងសន្លឹកឆ្នោត៥,៣៤%​ ខណៈបច្ចុបន្ននេះលោកក៏ត្រូវត្រៀមខ្លួនឈរឈ្មោះបោះឆ្នោតប្រជែងតំណែងប្រធានាធិបតីរុស្ស៊ី ដែលនឹងត្រូវធ្វើឡើងនាខែមីនាខាងមុខថែមទៀត។

ក្រឡេកមកស្គាល់អំពីបេក្ខភាពប្រជែងតំណែងប្រធានាធិបតីម្នាក់ទៀតវិញគឺមានឈ្មោះថា លោក Leonid Slutsky កើតនៅថ្ងៃទី៤ ខែមករា ឆ្នាំ១៩៦៨ ។ លោកគឺជាអនុប្រធានទីមួយនៃគណៈកម្មាធិការរដ្ឋ Duma ស្តីពីកិច្ចការអន្តរជាតិ ហើយបានក្លាយជាប្រធានគណៈកម្មាធិការទទួលបន្ទុកកិច្ចការអន្តរជាតិនៅក្នុងរដ្ឋ Duma ទី៧។ ម្យ៉ាងវិញទៀត លោកគឺជាព្រឹទ្ធបុរសនៃមហាវិទ្យាល័យទំនាក់ទំនងអន្តរជាតិនៃសកលវិទ្យាល័យរដ្ឋមូស្គូ ហើយក៏ធ្លាប់កាន់តំណែងជាន់ខ្ពស់ផ្នែកធនាគារ និងជាទីប្រឹក្សារបស់អភិបាលក្រុងមូស្គូទៀតផង។

ជាងនេះទៅទៀត នៅថ្ងៃទី១៧ ខែមីនា ឆ្នាំ២០១៤ ពោលមួយថ្ងៃបន្ទាប់ពីការធ្វើប្រជាមតិលើស្ថានភាព Crimea លោក Slutsky បានក្លាយជាមនុស្សម្នាក់ក្នុងចំណោមមនុស្ស ៧នាក់ផ្សេងទៀត ដែលត្រូវបានដាក់ទណ្ឌកម្មដោយរដ្ឋបាលប្រធានាធិបតីអូបាម៉ា ហើយថែមទាំងត្រូវបានដាក់ចូលក្នុងបញ្ជីទណ្ឌកម្មរបស់ប្រទេសកាណាដា និងសហភាពអឺរ៉ុបថែមទៀត។ យ៉ាងណាក៏ដោយ នៅក្នុងឆ្នាំនេះវិញ លោក Slutsky គឺជាបេក្ខភាពដែលនឹងត្រូវទៅប្រជែងតំណែងប្រធានាធិបតីរុស្ស៊ីបន្ទាប់។

ជាមួយគ្នានោះ បេក្ខភាពប្រជែងតំណែងប្រធានាធិបតីរុស្ស៊ីម្នាក់ទៀតនោះគឺលោក Nikolai Kharitonov កើតនៅថ្ងៃទី៣០ ខែតុលា ឆ្នាំ១៩៤៨ ។ លោកគឺជាអ្នកនយោបាយកុម្មុយនិស្តរុស្ស៊ី ដែលបម្រើការនៅក្នុងរដ្ឋ Duma តាំងពីឆ្នាំ១៩៩៤ ហើយក៏ជាប្រធានគណៈកម្មាធិការអភិវឌ្ឍន៍តំបន់ Far East និងតំបន់ Far North តាំងពីឆ្នាំ២០១១ មក។

គួរជម្រាបថាដើមឡើយលោក Nikolai គឺជាសមាជិកគណបក្សកសិកម្មនៃប្រទេសរុស្ស៊ី ហើយនៅអំឡុងការបោះឆ្នោតឆ្នាំ២០០៤ លោកក៏ធ្លាប់បានឈរឈ្មោះប្រជែងតំណែងប្រធានាធិបតីម្តងរួចមកហើយដែរ តែក្រោយមកលោកក៏បានចូលរួមជីវភាព ជាមួយគណបក្សកុម្មុនិស្តសហព័ន្ធរុស្ស៊ីវិញ និងត្រូវបានគណៈកម្មាធិការរៀបចំការបោះឆ្នោតទីក្រុងមូស្គូ ចុះឈ្មោះលោកជាបេក្ខភាពមួយរូបក្នុងចំណោមបេក្ខភាពបីរូបផ្សេងទៀតប្រជែងតំណែងជាប្រធានាធិបតីរុស្ស៊ីថ្មី៕

The post មកស្គាល់បេក្ខភាពប្រជែងកៅអីប្រធានាធិបតីរុស្ស៊ីចំនួន៣រូប ក្រៅពីបុរសរហស្សនាម «ខ្លាឃ្មុំទឹកកក» appeared first on .