ក្នុងឱកាសចុះជួបសំណេះសំណាល និងពិនិត្យវឌ្ឍនភាព​ការងារ​អភិវឌ្ឍ ជាមួយថ្នាក់ដឹកនាំសហគមន៍កសិកម្ម ចំនួន៥ ដែលអនុវត្ត​ខ្សែ​ច្រវាក់តម្លៃផលិតកម្មដំណាំពោតក្រហម នៅសហគមន៍កសិកម្មចម្រុះស្ទឹង​កាច់​ជឿនលឿន ស្ថិតនៅភូមិអូរបេង ឃុំស្ទឹងកាច់ ស្រុកសាលាក្រៅ ខេត្តប៉ៃលិន កាលពីថ្ងៃទី៤ ខែកញ្ញា ឆ្នាំ២០២៦ លោក  គី ច័ន្ទរំដួល ក៏បានលើកឡើងថា ការចងក្រង​សហគមន៍​កសិកម្ម​ទៅជាសហគមន៍កសិកម្មទំនើប គឺជាយន្តការសំខាន់មួយ​ក្នុងការកាត់បន្ថយ​ថ្លៃដើមផលិតកម្ម បង្កើនស្ថិរភាពតម្លៃកសិផល ធានាការ​ផ្គត់ផ្គង់​ធាតុ​ចូលក្នុង​តម្លៃ​សមរម្យ និងពង្រឹងសមត្ថភាពប្រកួតប្រជែង​របស់​កសិករ។

ក្នុងន័យនេះ លោកក៏បានជំរុញសហគមន៍កសិកម្មត្រូវពង្រឹងការចងក្រងគ្នាឆ្ពោះទៅជា «សហគមន៍​កសិកម្ម​ទំនើប» ដើម្បីកាត់បន្ថយថ្លៃ​ដើម​ផលិតកម្ម ធានាស្ថិរភាពទីផ្សារ និងទទួលបានធាតុចូលក្នុងតម្លៃសមរម្យ ស្របតាមគោលនយោបាយអាទិភាពទី៦ របស់រាជរដ្ឋា​ភិបាល​នីតិកាលទី៧ នៃរដ្ឋសភា​ ដែលដាក់ចេញនូវការដាក់ពង្រាយ​មន្ត្រីកសិកម្ម​ឃុំ និងការកសាងសហគមន៍កសិកម្មទំនើប ទទួលបានកម្ចីទុនអំណោយផល ការទិញធាតុចូលក្នុងតម្លៃដុំ អំណាចចរចា និងកិច្ចសន្យាទិញ-លក់ច្បាស់លាស់ (Contract Farming) ការប្រើប្រាស់បច្ចេកទេស គ្រឿងយន្តទំនើប និងគ្រប់​គ្រង​តាមបែបអាជីវកម្ម។

គួរបញ្ជាក់ថា ថ្នាក់ដឹកនាំសហគមន៍កសិកម្មទាំង៥ ដែលរួមមាន៖ សហគមន៍​កសិកម្មចម្រុះស្ទឹងកាច់ជឿនលឿន សហគមន៍កសិកម្ម​ប៉ៃលិន​ពន្លឺថ្មី សហគមន៍​កសិកម្មសាមគ្គីភូមិថ្មីភ្នំខៀវ សហគមន៍កសិកម្មទួលល្វាសាមគ្គីអមតៈ សហគមន៍កសិកម្មពោតក្រហមទឹកផុសសាមគ្គី បានបង្ហាញការគាំទ្រ និងប្តេជ្ញា​ផ្សព្វផ្សាយអត្ថប្រយោជន៍នៃសហគមន៍កសិកម្មទំនើបដល់សមាជិក ព្រមទាំង​ស្រង់​ឈ្មោះកសិករដែលស្ម័គ្រចិត្តចូលរួម ដើម្បីរួមគ្នាពង្រឹងខ្សែច្រវាក់​តម្លៃផលិតកម្ម និងលើកកម្ពស់ប្រាក់ចំណូលកសិករ។ សហគមន៍ទាំង ៥ នេះ មានផ្ទៃដី​ផលិតកម្មពោតក្រហមសរុប ៧៤៦ ហិកតា និងដំឡូងមី ៥១៧ ហិកតា។ ក្នុងជំនួបនោះ ថ្នាក់ដឹកនាំសហគមន៍ ក៏បាន​លើកឡើងពីបញ្ហាប្រឈមសំខាន់ៗ រួមមាន៖ ថ្លៃដើមផលិតកម្មខ្ពស់ និងការ​ប្រែប្រួលតម្លៃកសិផលនៅលើទីផ្សារ ព្រមទាំងស្នើសុំការសម្របសម្រួល​ក្នុងការចុះកិច្ចសន្យាទិញ-លក់កសិផលជាមួយក្រុមហ៊ុនកែច្នៃចំណីសត្វក្នុង​ស្រុកឱ្យបានច្បាស់លាស់ផងដែរ៕

The post លោក គី ច័ន្ទរំដួល៖ «ការចងក្រងជា សហគមន៍កសិកម្មទំនើប គឺជាគន្លឹះកាត់បន្ថយថ្លៃដើម ធានាតម្លៃធាតុចូល និងស្ថិរភាពទីផ្សារ» appeared first on .

កិច្ចប្រជុំនេះ បានធ្វើឡើងនៅថ្ងៃទី៤ ខែកញ្ញា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោកឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និង ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម។

ក្នុងកិច្ចប្រជុំត្រី-វិស័យថ្នាក់រដ្ឋមន្ដ្រីលើកទី៧នេះ មានគោលបំណងចម្បងចំនួន ២ គឺ៖ ទី១. ពិនិត្យលើវឌ្ឍនភាព និងលទ្ធផលការងារសម្រេចបានចុងក្រោយនៅតាមបណ្ដាសហគមន៍ ជាពិសេសនៅតាមបណ្តាសហគមន៍ទាំង ១០ ដែលបានជ្រើសរើសសម្រាប់កិច្ចអន្តរាគមន៍រួមគ្នា និងទី២. ពិនិត្យ ពិភាក្សា និងសម្រេចជាគោលការណ៍ លើសមាសភាពសហគមន៍ដែលត្រូវជ្រើសរើសបន្ថែមសម្រាប់កិច្ចអន្តរាគមន៍ត្រី-វិស័យនៅក្នុងឆ្នាំ២០២៦-២០២៧ និង២០២៨ ។

គួរជម្រាបដែរថា ដើម្បីចូលរួមឱ្យសម្រេចជោគជ័យនូវយុទ្ធសាស្ដ្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា និងចក្ខុវិស័យរបស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា ក្រសួងកសិកម្ម រុក្ខាប្រមាញ់ និងនេសាទ ក្រសួងធនធានទឹកនិងឧតុនិយម និងក្រសួងអភិវឌ្ឍន៍ជនបទ បានសហការគ្នាជាសហថាមពល ក្រោមអភិក្រម “ជវភាពនៃប្រព័ន្ធតួអង្គតែមួយ” ដោយបង្កើតជាក្រុមការងារយន្តការត្រី-វិស័យ កសិកម្ម ទឹក ជនបទ ដើម្បីសម្របសម្រួលការអនុវត្តកម្មវិធីនយោបាយ និងសកម្មភាពអភិវឌ្ឍន៍ជនបទនានាពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ ក្នុងគោលដៅធ្វើការឆ្លើយតបទៅនឹងតម្រូវការនៃការអភិវឌ្ឍដោយផ្ទាល់នៅតំបន់ជនបទ សម្រាប់ការលើកកម្ពស់និងកែលម្អជីវភាពរស់នៅរបស់ប្រជាជននៅតាមសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ ឱ្យមានប្រសិទ្ធភាព ប្រសិទ្ធផលខ្ពស់ និងមានចីរភាព៕ អត្ថបទ៖ហ្សាលីន

The post រដ្ឋមន្រ្តី៣រូប រួមគ្នាជំរុញកម្មវិធីនយោបាយគាំទ្រសហគមន៍កសិកម្មទំនើប កសិករប្រើប្រាស់ទឹក និងភូមិគំរូ appeared first on .

ក្នុងស្មារតីនៃចំណងមិត្តភាពជាប្រពៃណី និងកិច្ចសហប្រតិបត្តិការត្បូងពេជ្រកម្ពុជា-ចិន លោក គី ច័ន្ទរំដួល បានសម្តែងនូវការស្វាគមន៍យ៉ាងកក់ក្តៅចំពោះគណៈប្រតិភូចិន ដែលបានប្តេជ្ញាចិត្តស្វែងរកឱកាសអភិវឌ្ឍន៍វិស័យកសិ-ឧស្សាហកម្មនៅកម្ពុជា។ លោកថា ការជំរុញខ្សែច្រវាក់ផលិតកម្មកែច្នៃ និងការបង្កើនការនាំចេញកសិផលកម្ពុជាដែលមានសក្តានុពលទៅកាន់ទីផ្សារដ៏ធំរបស់ចិន គឺជាកាតាលីករដ៏សំខាន់ដែលឆ្លើយតបទាំងស្រុងទៅនឹង យុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា ក្នុងការធានាសន្តិសុខស្បៀង បង្កើតការងារ កាត់បន្ថយភាពក្រីក្រ និងលើកកម្ពស់ជីវភាពប្រជាកសិករ ព្រមទាំងផ្តល់នូវតម្លៃបន្ថែមខ្ពស់ដល់សេដ្ឋកិច្ចជាតិ។

លោកក៏បានបញ្ជាក់អំពីការគាំទ្រយ៉ាងមុតមាំពីរាជរដ្ឋាភិបាល តាមរយៈច្បាប់ស្តីពីការវិនិយោគថ្មី និងគោលនយោបាយលើកទឹកចិត្តគម្រោងវិនិយោគមានលក្ខណៈសម្បត្តិគ្រប់គ្រាន់ (QIP) ដែលជាឆ្អឹងខ្នងគតិយុត្តដ៏រឹងមាំ ប្រកបដោយតម្លាភាព ក្នុងការធានាដល់សិទ្ធិ និងផ្តល់ផលប្រយោជន៍ជាអតិបរមាដល់វិនិយោគិនបរទេសគ្រប់រូបនៅកម្ពុជា។

ក្នុងឱកាសនោះ លោកក៏បានជំរុញឱ្យភាគីក្រុមហ៊ុនចិនពន្លឿនការសិក្សាសមិទ្ធិលទ្ធភាព ដើម្បីប្រែក្លាយឱកាសនេះឱ្យទៅជាគម្រោងវិនិយោគជាក់ស្តែង ដែលផ្តល់ផលប្រយោជន៍ទៅវិញទៅមកដោយឈរលើស្មារតី “ឈ្នះ-ឈ្នះ”។ លោកក៏បានលើកទឹកចិត្តឱ្យមានការផ្សារភ្ជាប់កិច្ចសហប្រតិបត្តិការយ៉ាងជិតស្និទ្ធជាមួយបណ្ឌិត្យសភាវិទ្យាសាស្ត្រកសិកម្មកម្ពុជា (CASA) ដើម្បីជំរុញការស្រាវជ្រាវ នវានុវត្តន៍ និងការផ្ទេរបច្ចេកវិទ្យាទំនើប ដែលជាចលករជួយជំរុញកម្ពុជាឆ្ពោះទៅសម្រេចបាននូវចក្ខុវិស័យជាប្រទេសចំណូលមធ្យមកម្រិតខ្ពស់ និងជាប្រទេសចំណូលខ្ពស់នាពេលអនាគតដ៏ខ្លីខាងមុខ៕

The post គណៈប្រតិភូចិន ប្តេជ្ញាចិត្តស្វែងរកឱកាសអភិវឌ្ឍន៍វិស័យកសិ-ឧស្សាហកម្មនៅកម្ពុជា appeared first on .

គួរឱ្យដឹងថា កិច្ចប្រជុំនេះ មានគោលបំណងសំខាន់ ១) ជម្រាបអំពីគោលបំណង និងកម្មវិធីការងាររបស់បេសកកម្ម ២) ពិនិត្យ និងពិភាក្សាអំពីវឌ្ឍនភាពនៃការអនុវត្តសកម្មភាពដែលបានព្រមព្រៀងគ្នា (Agreed Actions) នៅក្នុងបេសក កម្មលើកមុន និង ៣) ពិភាក្សា និងកំណត់សកម្មភាពដែលត្រូវអនុវត្តបន្ត នៅក្នុងឆ្នាំ ២០២៦ ។ បេសកកម្មនេះដែលមានរយៈពេល ១២ ថ្ងៃនេះ នឹងផ្តោតជាពិសេសលើលទ្ធផល ឬ ផ្លែផ្កានៃការអនុវត្តសកម្មភាពរបស់កម្មវិធី និងគម្រោងខាងលើ ដើម្បីគាំទ្រកសិករ សហគមន៍កសិកម្ម និងក្រុមហ៊ុនកសិកម្ម ក្នុងការបង្កើនផលិតភាព គុណភាព ការកែច្នៃ និងការលក់ផលិតផលកសិកម្ម ទាំងសម្រាប់ទីផ្សារក្នុងស្រុក និងទីផ្សារអន្តរជាតិ ។

គួរបញ្ជាក់ថាកម្មវិធី ASPIRE-AT និងគម្រោង CREA កំពុងត្រូវបានគ្រប់គ្រង និងដឹកនាំការអនុវត្តដោយក្រសួងកសិកម្ម រុក្ខាប្រមាញ់ និងនេសាទ ដោយប្រើប្រាស់ការគាំទ្របច្ចេកទេស និងថវិកាដែលរាជរដ្ឋាភិបាលកម្ពុជាបានខ្ចី និងទទួលជាជំនួយពីមូលនិធិអន្តរជាតិសម្រាប់អភិវឌ្ឍន៍កសិកម្ម (IFAD) សហភាពអឺរ៉ុប (EU) ធនាគារវិនិយោគអឺរ៉ុប (EIB) មូលនិធិបរិស្ថានសាកល (GEF) និងអង្គការសហប្រតិបត្តិការត្រីកោណ ត្បូង-ត្បូង (SSTC)៕

The post កិច្ចប្រជុំកំពូល រវាងក្រសួងកសិកម្ម និងដៃគូអន្តរជាតិ (IFAD, EU, EIB) នឹងជំរុញខ្សែច្រវាក់តម្លៃកសិកម្ម និងភាពធន់នឹងអាកាសធាតុបន្ថែមទៀត នៅកម្ពុជា appeared first on .

យោងតាមរបាយការណ៍របស់ក្រសួងកសិកម្ម បានបញ្ជាក់ថា ក្នុងចំណោមផ្ទៃដីដាំដុះដំណាំស្រូវសរុបជាង ២៥ ម៉ឺនហិកតា ដែលបានរងផលប៉ះពាល់ពីគ្រោះរាំងស្ងួតក្នុងពេលកន្លងមកនេះ មានផ្ទៃដីចំនួន ១២,៥០០ ហិកតា ត្រូវបានខូចខាតទាំងស្រុង។ ទោះជាយ៉ាងណាក៏ដោយ តាមរយៈកិច្ចខិតខំប្រឹងប្រែងរួមគ្នា ផ្ទៃដីដែលនៅសេសសល់ក្នុងកម្រិត ៩៥% ត្រូវបានស្តារឡើងវិញទាំងស្រុង ដើម្បីធានាបាននូវទិន្នផលស្រូវសម្រាប់បងប្អូនកសិករ។

ទន្ទឹមនឹងលទ្ធផលដ៏ល្អប្រសើរនេះ ក្រសួងកសិកម្ម រុក្ខាប្រមាញ់ និងនេសាទ ក៏បានសម្តែងនូវការថ្លែងអំណរគុណយ៉ាងជ្រាលជ្រៅបំផុតចំពោះគ្រប់ស្ថាប័ន អាជ្ញាធរពាក់ព័ន្ធ និងកងកម្លាំងទាំងអស់ ដែលបានរួមកម្លាំងគ្នាយ៉ាងសកម្ម និងទាន់ពេលវេលា ក្នុងការចុះជួយអន្តរាគមន៍ បូមទឹកសង្គ្រោះ និងដោះស្រាយបញ្ហាប្រឈមនានាជូនបងប្អូនប្រជាកសិករ ក្នុងដំណាក់កាលដ៏លំបាកនៃគ្រោះធម្មជាតិនេះ។

The post ដីស្រែរងគ្រោះដោយរាំងស្ងួតជាង ៩៥% ត្រូវបានជួយសង្គ្រោះ និងស្តារឡើងវិញទាន់ពេលវេលា appeared first on .

នាឱកាសនោះ លោករដ្ឋមន្រ្តី ឌិត ទីណា បានលើកឡើងពីសារសំខាន់របស់មន្រ្តីកសិកម្មឃុំ ក្នុងការអនុវត្តកម្មវិធីគោលនយោបាយអាទិភាពទី៥ និងទី៦ របស់រាជរដ្ឋាភិបាលនីតិកាលទី៧ ដើម្បីជួយគាំទ្រប្រជាកសិករក្នុងការវិភាគសេដ្ឋកិច្ច គណនាថ្លៃដើមផលិត បច្ចេកទេសផលិត និងការតភ្ជាប់ទីផ្សារ ស្របតាមទស្សនទាន “មានហូប មានប្រើ មានបាន និងមានរហូត”។

ទាក់ទិនការលើកឡើងខាងលើនេះ លោក ទូច គង្គា អភិបាលរងខេត្តស្ទឹងត្រែង បានលើកឡើងថា ក្នុងនាមរដ្ឋបាលខេត្តពិតជាមានគាំទ្រចំពោះគោលនិយោបាយរបស់រាជរដ្ឋាភិបាលនីតិកាលទី៧ ដើម្បីជួយដល់ប្រជាពលរដ្ឋក្នុងការតម្រង់ទិសវិស័យកសិកម្មនេះដោយស្របតាមលក្ខណៈបទដ្ឋានបច្ចេកទេស ដើម្បីទទួលបានទាំងគុណភាព និងបរិមាណខ្ពស់លើគ្រប់វិស័យកសិកម្មទាំងអស់ក្នុងខេត្ត។

ជាមួយគ្នានេះ លោកក៏​លើកឡើងពីសារសំខាន់របស់មន្រ្តីកសិកម្មឃុំ​ ក្នុងការអនុវត្តកម្មវិធីគោលនយោបាយអាទិភាពទី៥​ និងទី៦​ របស់រាជរដ្ឋាភិបាល​នីតិកាលទី៧​ ដើម្បីជួយគាំទ្រប្រជាកសិករក្នុងការវិភាគ​សេដ្ឋកិច្ច​ គណនាថ្លៃដើមផលិត បច្ចេកទេស​ផលិត និងការតភ្ជាប់ទីផ្សារ​ ស្របតាមទស្សនទាន​ “មានហូប​ មានប្រើ​ មានបាន​ និងមានរហូត”។

បើតាមក្រសួងកសិកម្ម បានបញ្ជាក់ដែរថា មន្រ្តីកសិកម្មឃុំ-សង្កាត់ គឺជាប្រព័ន្ធប្រសាទ និងជាតួអង្គសំខាន់របស់ក្រសួងកសិកម្ម ក្នុងការប្រមូលនូវទិន្នន័យ ព័ត៌មាននៅតាមមូលដ្ឋាន ដើម្បីអនុញ្ញាតឱ្យក្រសួងកសិកម្ម មានទិន្នន័យគ្រប់ជ្រុងជ្រោយក្នុងការបម្រើការងារបច្ចេកទេសដល់កសិករចំគោលដៅ ជំរុញកសិករផ្សារភ្ជាប់នឹងសហគមន៍កសិកម្មទំនើប មានផលចំណេញសេដ្ឋកិច្ច និងលើកកម្ពស់ជីវភាព សំដៅប្រែក្លាយកម្ពុជាទៅជាប្រទេសចំណូលខ្ពស់នៅឆ្នាំ២០៥០៕អត្ថបទ៖ហ្សាលីន

The post រដ្ឋមន្រ្តី ជំរុញឱ្យមន្ត្រីកសិកម្មឃុំទាំងអស់ បន្តជួយកសិករកាត់បន្ថយចំណាយលើថ្លៃដើមផលិត​ appeared first on .

នៅក្នុងដំណើរទស្សនកិច្ចសិក្សាស្រាវជ្រាវនេះ ក្រុមអ្នកជំនាញអន្តរជាតិបានសម្តែងការកោតសរសើរយ៉ាងជ្រាលជ្រៅ ចំពោះសម្បូរបែបនៃជីវៈចម្រុះ និងប្រព័ន្ធអេកូឡូហ្ស៊ីដ៏មានជីជាតិរបស់ទន្លេមេគង្គក្នុងទឹកដីកម្ពុជា។ ពួកែគេបានគូសបញ្ជាក់ថា ប្រព័ន្ធអេកូឡូហ្ស៊ីនៅតំបន់នោះមានលក្ខណៈល្អប្រសើរខ្លាំង ដែលអាចផ្តល់ជាជម្រកដ៏សុខសាន្ត និងមានសុវត្ថិភាពខ្ពស់ សម្រាប់ថនិកសត្វទឹកសាបដ៏កម្រ និងកំពុងរងគ្រោះជិតផុតពូជបំផុតនៅលើពិភពលោកមួយប្រភេទនេះ។

ការស្ងើចសរសើរពីសំណាក់ក្រុមអ្នកស្រាវជ្រាវជាន់ខ្ពស់ទាំងនេះ មិនត្រឹមតែបង្ហាញពីតម្លៃជាសកលនៃសត្វផ្សោតទន្លេមេគង្គកម្ពុជានោះទេ ប៉ុន្តែវាក៏ជាសក្ខីកម្មឆ្លុះបញ្ចាំងពីកិច្ចខិតខំប្រឹងប្រែងរបស់កម្ពុជា ក្នុងការអភិរក្សធនធានធម្មជាតិ និងការការពារពូជសត្វដ៏កម្រនេះឱ្យនៅគង់វង្សសម្រាប់មនុស្សជំនាន់ក្រោយផងដែរ។

សូមបញ្ជាក់ដែរថា កាលពីថ្ងៃទី១១ ខែសីហា ឆ្នាំ២០២៦ អគ្គនាយកដ្ឋានជលផល នៃ​ក្រសួង​កសិកម្ម រុក្ខាប្រមាញ់ និងនេសាទ បានទទួលអ្នកជំនាញមកពី ៥ប្រទេស ចូលរួមសិក្ខាសាលា​ពិគ្រោះ​​យោបល់ ស្ដីពី «ការរៀបចំគោលការណ៍ណែនាំថ្នាក់​តំបន់ ដើម្បីពង្រឹងការគ្រប់គ្រង និងអភិរក្សជីវចម្រុះជលផល​ទន្លេមេគង្គ»។

លោកស្រី អ៊ឹម រចនា អនុរដ្ឋលេខាធិការក្រសួងកសិកម្ម បានគូស​បញ្ជាក់ថា អាងទន្លេមេគង្គ និងបឹងទន្លេសាប គឺជាប្រព័ន្ធអេកូ​ឡូស៊ីទឹកសាបដ៏មានឥទ្ធិពល និងជាប្រភពអាហាររូបត្ថម្ភ​យ៉ាង​សំខាន់ ដែលទ្រទ្រង់ជីវភាពប្រជាជនរាប់លាននាក់។ ទោះជា​យ៉ាង​ណាក៏ដោយ ធនធានទាំងនេះកំពុងរងសម្ពាធយ៉ាងខ្លាំង​ពីការនេសាទហួសកម្រិត ការបាត់បង់ជម្រកពងកូន និងការប្រែ​ប្រួលអាកាសធាតុ។ មន្រ្តីជាន់ខ្ពស់ក្រសួងកសិកម្មថា បញ្ហានេះពុំអាចដោះ​ស្រាយ​ដោយប្រទេសណាមួយតែឯកឯងបានឡើយ ពោលគឺត្រូវ​តែមានយន្តការ និងគោលការណ៍ណែនាំថ្នាក់តំបន់រួមមួយ ដែល​ឆ្លើយ​តបទៅនឹងបញ្ហាជាក់ស្តែង។

The post ក្រុមអ្នកស្រាវជ្រាវមកពីបណ្តាប្រទេសក្នុងតំបន់ទន្លេមេគង្គ លាន់មាត់សរសើរមិនដាច់ពីមាត់ ក្រោយឃើញវត្តមានសត្វផ្សោតមេគង្គកម្ពុជា នៅខេត្តក្រចេះ appeared first on .

កិច្ចប្រជុំបានពិនិត្យវឌ្ឍនភាពគម្រោងក្នុងតំបន់គោលដៅស្រុកជាំក្សាន្ត និងផ្សព្វផ្សាយអំពីគោលបំណង វិសាលភាព និងការរៀបចំ​អនុវត្ត​កម្មវិធី CERC។ កម្មវិធីនេះនឹងគាំទ្រសកម្មភាពសំខាន់ៗ ដូចជា ផលិតកម្មបន្លែសុវត្ថិភាព ការដាំផ្សិត ការចិញ្ចឹមមាន់ កង្កែប ប្រព័ន្ធស្រោចស្រពដោយថាមពលព្រះអាទិត្យ និងវារីវប្ប​កម្ម។ CERC ផ្តោតលើការពង្រឹងកសិកម្មឆ្លាតវៃធន់នឹង​អាកាស​ធាតុ ការតភ្ជាប់ទីផ្សារ ការពង្រឹងជីវភាពគ្រួសារងាយរងគ្រោះ និងសមត្ថភាពក្រុមកសិករ។ នៅក្នុងស្រុកជាំក្សាន្ត ខេត្តព្រះវិហារ ត្រូវបានកំណត់ជាតំបន់គោលដៅដោយមានអ្នកទទួលផលប៉ាន់ស្មានប្រមាណ ៥០០គ្រួសារ។

លើសពីនេះ ក្រុមការងារបានបន្តចុះពិនិត្យវឌ្ឍនភាពការ​អនុវត្ត​គម្រោង ACSEP នៅខេត្តព្រះវិហារ និងខេត្តកំពង់ធំ ដោយមាន​ការចូលរួមពីប្រធានគម្រោង មន្ត្រីជំនាញពាក់ព័ន្ធ និងអាជ្ញាធរ​មូលដ្ឋាន។ ក្រុមការងារបានចុះពិនិត្យសរុប ៥ទីតាំង រួមមាន៖១. សហគមន៍កសិកម្មជាំក្សាន្តជាយដែនមានជ័យ ពិនិត្យឃ្លាំងស្តុក និងការប្រមូលរក្សាទុកកសិផល។ ២. សហគមន៍កសិករទទួល​ឥណទានពីគម្រោង សម្រាប់ដាំ និងថែទាំដំណាំស្វាយចន្ទី នៅស្រុកត្បែងមានជ័យ។ ៣. សហគមន៍រម្យទមសាមគ្គីមានជ័យ ពិនិត្យវឌ្ឍនភាពផលិតកម្ម និងការចូលរួមរបស់សមាជិក។ ៤. សហគមន៍បន្លែសុវត្ថិភាពបស្សម្កាក់ ស្រុកកំពង់ស្វាយ ខេត្ត​កំពង់ធំ ពិនិត្យការអនុវត្តផលិតកម្មតាមស្តង់ដារ CamGAP។ ៥. កសិដ្ឋានបង្កាត់ពូជមាន់ នៅស្រុកប្រាសាទបល័ង្ក ពិនិត្យវឌ្ឍន​ភាពផលិតកម្ម និងលទ្ធផលនៃការគាំទ្រពីគម្រោង។

ក្នុងឱកាសនោះ អ្នកចូលរួមបានចូលរួមពិភាក្សា លើកឡើងពី​សំណូម​ពរ បញ្ហាប្រឈម និងតម្រូវការជាក់ស្តែងពាក់ព័ន្ធនឹង​ការអនុវត្តគម្រោង និងកម្មវិធី CERC ដើម្បីស្វែងរកដំណោះ​ស្រាយសមស្រប និងធានាឱ្យការគាំទ្រឆ្លើយតបទៅ​នឹងតម្រូវ​ការរបស់សហគមន៍ និងគ្រួសារទទួលផលប្រកប​ដោយប្រសិទ្ធ​ភាព។

លោក ហ៊ាន វណ្ណហន ក៏បានណែនាំ​ឱ្យក្រុមការងារ និងអាជ្ញាធរមូលដ្ឋាន បន្តពង្រឹងកិច្ចសហការគ្នា ត្រៀមលក្ខណៈសម្រាប់ការអនុវត្តសកម្មភាពឱ្យបានរលូន និង​មានប្រសិទ្ធភាព ព្រមទាំងធានាឱ្យការជ្រើសរើសអ្នក​ទទួល​ផលអនុវត្តតាមគោលការណ៍ និងនីតិវិធីដែលបានកំណត់ ដោយ​ផ្តោតលើគ្រួសារ និងកសិករដែលមានតម្រូវការ សក្តានុពល និងការប្តេជ្ញាចិត្តពិតប្រាកដ៕

The post កម្មវិធី CERC ជំរុញកសិកម្មឆ្លាតវៃធន់នឹងអាកាសធាតុ ពង្រឹងការតភ្ជាប់ទីផ្សារ លើកកម្ពស់ជីវភាពកសិករ appeared first on .

លើសពីនេះ ក៏ជាការបង្កើនការយល់ដឹងអំពីបញ្ហាប្រឈមសំខាន់ៗនៅក្នុងការដាំដុះ ការប្រមូលទិញ ការកែច្នៃ និងការនាំចេញមៀនប៉ៃលិន រួមគ្នាកំណត់រកដំណោះស្រាយសមស្របផងដែរ ដោយមានការចូលរួមពី លោក តូច ប៊ុនហួរ និង លោក មាស ពិសិដ្ឋ រដ្ឋលេខាធិការ មន្ត្រី និងទីប្រឹក្សានៃកម្មវិធីគាំទ្រសេដ្ឋកិច្ចជនបទ និងពាណិជ្ជកម្មផលិតផលកសិកម្ម។

វេទិកានេះបានផ្តល់ឱកាសជូនអ្នកចូលរួម ដែលជាមន្ត្រី និងទីប្រឹក្សារបស់ក្រសួងកសិកម្ម រុក្ខាប្រមាញ់ និងនេសាទ មន្ត្រីធនាគារអភិវឌ្ឍន៍ជនបទ និងកសិកម្ម (ARDB) ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង តំណាងសហគមន៍កសិកម្ម និងក្រុមហ៊ុនកែច្នៃមៀនប៉ៃលិន សរុបចំនួន ៤១ នាក់ ក្នុងនោះមានស្ត្រី ៤ នាក់ ដើម្បីស្តាប់ការបកស្រាយបទបង្ហាញ ពិភាក្សា និងចុះហត្ថលេខាលើកិច្ចព្រមព្រៀងភាពជាដៃគូពាណិជ្ជកម្ម រវាងក្រុមហ៊ុន និងសហគមន៍កសិកម្ម ។

អង្គវេទិកាបានផ្តោតលើប្រធានបទសំខាន់ៗ រួមមាន៖ គោលនយោបាយកសិកម្មរបស់រាជរដ្ឋាភិបាល យុទ្ធសាស្ត្រ និងវិធានការអន្តរាគមន៍របស់ក្រសួងកសិកម្ម រុក្ខាប្រមាញ់ និងនេសាទ លក្ខខណ្ឌតម្រូវផ្នែកអនាម័យ និងភូតគាមអនាម័យសម្រាប់ទីផ្សារនាំចេញ និងការអនុវត្តល្អ នៅក្នុងពេលថែទាំ ប្រមូលផល ហាលសម្ងួត ទុកដាក់ កែច្នៃ និងវេចខ្ចប់ ។ល។ សំដៅធ្វើឱ្យអាចលក់មៀនប៉ៃលិនបានកាន់តែច្រើន ទាំងនៅក្នុងស្រុក និងទៅបរទេស ហើយទទួលបានប្រាក់ចំណូលខ្ពស់ ។

គួរបញ្ជាក់ថាកម្មវិធី ASPIRE-AT កំពុងត្រូវបានគ្រប់គ្រង និងដឹកនាំការអនុវត្តដោយក្រសួងកសិកម្ម រុក្ខាប្រមាញ់ និងនេសាទ ដោយប្រើប្រាស់ការគាំទ្របច្ចេកទេស និងថវិកាដែលរាជរដ្ឋាភិបាលកម្ពុជាបានខ្ចី និងទទួលជាជំនួយពីមូលនិធិអន្តរជាតិសម្រាប់អភិវឌ្ឍន៍កសិកម្ម (IFAD) សហភាពអឺរ៉ុប (EU) ធនាគារវិនិយោគអឺរ៉ុប (EIB) មូលនិធិបរិស្ថានសាកល (GEF) និងអង្គការសហប្រតិបត្តិការត្រីកោណ ត្បូង-ត្បូង (SSTC)៕

The post ក្រសួងកសិកម្ម បើកវេទិកាធំនៅបាត់ដំបង ដើម្បីដោះស្រាយបញ្ហាទីផ្សារ និងជំរុញការនាំចេញ «មៀនប៉ៃលិន» appeared first on .

ពិធីនេះបានប្រព្រឹត្តទៅនាថ្ងៃទី១ ខែសីហា ឆ្នាំ២០២៦ នៅសួនអាស៊ាន-កូរ៉េ (សួនក្រញ៉ូង) ក្រោមអធិបតីភាពដ៏​ខ្ពង់ខ្ពស់របស់ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ និងឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដោយមានការចូលរួមពីអភិបាលខេត្តសៀមរាប ព្រមទាំងថ្នាក់ដឹកនាំ និងមន្ត្រីរាជការនៃ​ក្រសួងទាំងពីរប្រមាណ ៦០ រូប។

កិច្ចសហប្រតិបត្តិការជាប្រវត្តិសាស្ត្ររវាងក្រសួងទាំងពីរនេះ ធ្វើឡើងស្របតាមអនុសាសន៍ណែនាំ​នៃវេទិកា​រាជរដ្ឋាភិបាល-ផ្នែកឯកជន លើកទី១៩ ក្នុងគោលបំណងចម្បងគឺកាត់បន្ថយ «ការលេចធ្លាយសេដ្ឋកិច្ច (Economic Leakage)» ក្នុងវិស័យទេសចរណ៍ តាមរយៈការកាត់បន្ថយការនាំចូលបន្លែ ត្រី សាច់ និងអាហារ​ពីបរទេស ហើយងាកមកពង្រឹងខ្សែច្រវាក់ផលិតកម្មក្នុងស្រុកវិញ។ យុទ្ធសាស្ត្រនេះនឹងជួយឱ្យលំហូរ​ទឹកប្រាក់​ពីវិស័យទេសចរណ៍បានធ្លាក់ទៅដល់ដៃកសិករក្នុងស្រុកដោយផ្ទាល់ និងពង្រឹងសេដ្ឋកិច្ចមូលដ្ឋានឱ្យកាន់តែរឹងមាំ។

តាមរយៈអនុស្សរណៈនៃការយោគយល់គ្នានេះ ភាគីទាំងពីរបានកំណត់នូវគោលបំណងយុទ្ធសាស្ត្រ​សំខាន់ៗ​ចំនួនបួន រួមមានការបង្កើនប្រសិទ្ធភាពកិច្ចសហប្រតិបត្តិការក្នុងការអនុវត្តវិធានការបង្កើតខ្សែក្រវាត់បៃតង និងការផ្លាស់ប្តូរព័ត៌មានរវាងតម្រូវការរបស់អាជីវកម្មទេសចរណ៍ និងការផ្គត់ផ្គង់របស់កសិករឱ្យបាន​ទាន់ពេល​វេលា។ ទន្ទឹមនឹងនោះ ក្រសួងទាំងពីរក៏នឹងរៀបចំផែនការសកម្មភាព​ជាក់ស្តែងដើម្បីជំរុញការប្រើប្រាស់​ផលិតផល​កសិកម្មក្នុងស្រុកឱ្យអស់លទ្ធភាព ព្រមទាំងរួមគ្នាអភិវឌ្ឍតំបន់កសិ-ទេសចរណ៍ និងអេកូទេសចរណ៍ ស្ថិតក្រោម​ដែនសមត្ថកិច្ចរបស់ក្រសួងកសិកម្ម ដើម្បីទាក់ទាញភ្ញៀវទេសចរបន្ថែមទៀត។

ក្នុងឱកាសនោះ ឯកឧត្តម ហួត ហាក់ បានគូសបញ្ជាក់ថា វិស័យទេសចរណ៍ និងកសិកម្មគឺជាសសរស្តម្ភ​សេដ្ឋកិច្ចដែលមិនអាចខ្វះគ្នាបាន ដោយការអភិវឌ្ឍកសិកម្មមិនត្រឹមតែជួយលើកកម្ពស់ជីវភាពកសិករ និងផ្តល់​អាហារមានសុវត្ថិភាពប៉ុណ្ណោះទេ ប៉ុន្តែថែមទាំងជួយលើកស្ទួយអត្តសញ្ញាណម្ហូបអាហារខ្មែរ​ទៅកាន់ពិភពលោក​ផងដែរ។ ឯកឧត្តមបានបន្ថែមថា កំណើនភ្ញៀវទេសចរនឹងក្លាយជាកាតាលីករ​ដ៏សំខាន់ក្នុងការបង្កើតទីផ្សារ​ដ៏ធំទូលាយសម្រាប់ផលិតផលកសិកម្មខ្មែរ ដែលជាការបោះជំហានដ៏មានសារៈសំខាន់ ក្នុងការជំរុញឱ្យផលិតផល​ពីចម្ការកសិករទៅដល់តុអាហាររបស់ភ្ញៀវទេសចរប្រកបដោយមោទនភាព៕

The post ក្រសួងទេសចរណ៍ និងក្រសួងកសិកម្ម ចុះ MOU ដើម្បីប្រែក្លាយកម្ពុជាឱ្យទៅជាគោលដៅទេសចរណ៍​ដែលផ្តល់នូវអាហារស្រស់ៗ និងមានសុវត្ថិភាពពីចម្ការកសិករផ្ទាល់ appeared first on .