យោងតាមឯកឧត្តម ឃឹម ហ្វីណង់ អ្នកនាំពាក្យនៃក្រសួងកសិកម្ម បានឱ្យដឹងនៅថ្ងៃទី១៥ ខែមីនានេះថា វិធានការអន្តរាគមន៍បន្ទាន់មាន៖

ទី១. ពាក់ព័ន្ធនឹងបញ្ហាប្រេងនិងឧស្ម័នឥន្ធនៈ៖ ឯកឧត្តមរដ្ឋមន្ត្រី បានពិភាក្សាជាមួយឯកឧត្តមរដ្ឋមន្ត្រីក្រសួងរ៉ែ និងថាមពល និងលោកជំទាវរដ្ឋមន្ត្រីក្រសួងពាណិជ្ជកម្ម ដើម្បីរួមគ្នាជួយធានាការផ្គត់ផ្គង់ប្រេងគាំទ្រដល់វិស័យកសិកម្ម។ ក្រសួងកសិកម្ម ក៏បានចេញសេចក្តីណែនាំដល់មន្ទីរកសិកម្មគ្រប់ខេត្តក្រុងទាំងអស់ ឱ្យតាមដានយកចិត្តទុកដាក់លើស្ថានភាពជាក់ស្តែងនៅក្នុងភូមិសាស្ត្ររបស់ខ្លួន និងសហការជាមួយមន្ទីររ៉ែនិងថាមពល ក៏ដូចជាមន្ទីរពាណិជ្ជកម្ម ដើម្បីផ្តល់ការអន្តរាគមន៍ភ្លាមៗ បើមានការឡើងថ្លៃខុសប្រក្រតី ឬក៏មានការខ្វះខាតការផ្គត់ផ្គង់។

ទី២. ពាក់ព័ន្ធនឹងបញ្ហាជីកសិកម្ម៖ ក្រសួងបានជួបប្រជុំវាយតម្លៃជាមួយក្រុមហ៊ុននាំចូលនិងចែកចាយជីកសិកម្មធំៗមួយចំនួន ដែលដឹកនាំផ្ទាល់ដោយឯកឧត្តមរដ្ឋមន្ត្រី និងបានវាយតម្លៃជាបឋមថា កម្ពុជានឹងមិនបញ្ហាខ្វះខាតជីកសិកម្មទេ ជាពិសេសសម្រាប់ប្រភេទជីអ៊ុយរ៉េដែលរងផលប៉ះពាល់ខ្លាំងជាងគេ តែអាចនឹងប្រឈមនឹងការកើនឡើងនៃថ្លៃបណ្តាលមកពីសម្ពាធទីផ្សារសកល។

ទោះបីជាយ៉ាងណាក៏ដោយ ក្រសួងបានទទូចស្នើសុំឱ្យក្រុមហ៊ុនរក្សាតម្លៃក្នុងកម្រិតសមរម្យមួយ ដែលអាចទទួលយកបានសម្រាប់បងប្អូនប្រជាកសិករនារដូវដាំដុះខាងមុខនេះ៕

The post ក្រសួងកសិកម្ម ចាត់វិធានការបន្ទាន់ចំនួន២ ដើម្បីឆ្លើយតបនឹងក្តីកង្វល់របស់ប្រជាកសិករ ដោយសារផលប៉ះពាល់សង្គ្រាមនៅតំបន់មជ្ឈឹមបូព៌ា appeared first on .

ទន្ទឹមនឹងនេះ លោក ឌិត ទីណា ក៏បានគូសបញ្ជាក់អំពីគោលនយោបាយកសិកម្មក្នុងការជំរុញសហគមន៍កសិកម្មទំនើប និងការដាក់ពង្រាយមន្ត្រីផ្សព្វផ្សាយកសិកម្មតាមភូមិឃុំ ដែលទើបរៀបចំការប្រលងជ្រើសរើសជំហានដំបូងឆ្នាំ២០២៣ ចំនួន ២៥០នាក់ ដើម្បីជួយកសិករលើបច្ចេកទេស ទីផ្សារ និងបញ្ហាប្រឈមផ្សេងៗឱ្យបានទាន់ពេលវេលា និងមានប្រសិទ្ធភាព ក្នុងផលិតកម្ម និងខ្សែច្រវាក់តម្លៃ ដើម្បីឱ្យចំណាយថ្លៃដើមទាប ទទួលតម្លៃបន្ថែមខ្ពស់ និងចំណេញច្រើន។

លោករដ្ឋមន្ត្រីថ្លែងថា៖ «ក្រសួងត្រូវការដៃគូណា ដែលអាចផ្តល់កម្ចីដែលមានអត្រាការប្រាក់ទាប ជួយដល់សហគមន៍កសិកម្មអាចវិនិយោគឈានទៅរកភាពរឹងមាំ និងនិរន្តរភាពសេដ្ឋកិច្ចពិតប្រាកដ លើមុខដំណាំសំខាន់ៗដូចជាអង្ករ ស្វាយចន្ទី និងបន្លែ ព្រមទាំងផលិតផលមានសក្តានុពលដទៃទៀត»។

គួររំលឹកថា កន្លងទៅ រដ្ឋមន្ត្រីក្រសួង​ក​សិ​កម្ម រុក្ខាប្រមាញ់ និង​នេសាទ ក៏ធ្លាប់បានឲ្យដឹងដែរថា ក្នុង​ឆ្នាំ​ ២០២៣ នេះ ក្រសួង​សង្ឃឹមថា ទំហំ​ឥណទាន​ការ​​ប្រា​ក់ទាបនឹង​កើនឡើង ហើយ​ផ្តល់​ចំ​គោលដៅ​អាទិភាព​ដែល​បានកំណត់ នៅក្នុង​វិស័យ​កសិកម្ម​។​

លោកថ្លែងថា​៖ «​ឥណទាន​ការប្រាក់​ទាប​នឹងត្រូវ​បាន​ប្រើ​ប្រាស់​ជា​មធ្យោបាយ​ក្នុងការ​លើកទឹកចិត្ត និង​តម្រង់ទិស​តួអង្គ ទាំងឡាយ​ដល់​ការអនុវត្ត​ការ​ច្រង​ក្រង​ជា​បណ្ដាញ​ពី​កសិករ​ដល់ទី​ផ្សារ និង​ការអនុវត្ត​ផលិតកម្ម​តាម​កិច្ចសន្យា​។ ពាក់ព័ន្ធ​នឹង​ការផ្តល់​ឥណទាន​ការប្រាក់​ទាប ធនាគារ​អភិ​វឌ្ឍន៍​ជនបទ និង​កសិកម្ម​បានផ្តល់​ឥណទាន​ប្រមាណ ​៣៨០ ​លាន​ដុល្លារ​អាមេរិក​រួចហើយ​ដល់​កសិករ និង​អ្នក​កែច្នៃ​ផលិត​ផល​កសិកម្ម​ដល់​ជាង ៦០ ​ភាគ​​រយ នៃ​ឥណទាន​នេះ ដែលមាន​អត្រា​ការប្រាក់​ប្រចាំឆ្នាំ​ក្នុង​រង្វង់​ត្រឹម​ ៥ ទៅ​ ៥,៥​ ភាគរយ​ប៉ុណ្ណោះ​»​។

សូមជម្រាបជូនថា ដោយ​ទទួល​បានការ​គាំទ្រ​ពី​រាជរដ្ឋាភិបាល តាមរយៈ​ក្រសួង​សេដ្ឋកិច្ច និង​ហិរញ្ញវត្ថុ ដែលជា​អាណា​ព្យា​បាល ធនាគារ ARDB បាន​ពង្រីក​បណ្តាញ​ប្រតិបត្តិការ​ជា​ការិយាល័យ​ចល័ត​ចំនួន ១៥ នៅតាម​បណ្តា​ខេត្ត ដើម្បី​ផ្តល់​សេវា​ធនាគារ​ជូន​ប្រជាកសិករ សហគមន៍​កសិកម្ម រោង​ម៉ាស៊ីន​កិនស្រូវ សហគ្រាស​ធុន​តូច​និង​មធ្យម ក្នុង​វិស័យ​កសិកម្ម និង​ក​សិ​​ឧស្សាហកម្ម ឱ្យទទួល​​បាន​កម្ចី​ដែលមាន​អត្រា​ការ​ប្រា​ក់ទាប ដើម្បី​ជំរុញ​ការ​អភិ​​វ​ឌ្ឍ​វិស័យ​កសិកម្ម​ឱ្យមាន​ភាព​​រីកចម្រើន​៕

The post ក្រសួងកសិកម្ម​ត្រូវការដៃគូផ្តល់កម្ចី​មានអត្រាការប្រាក់ទាបជួយដល់សហគមន៍កសិកម្ម appeared first on .

ក្នុងឱកាសនៃជំនួបនេះ នាយកប្រតិបត្តិមូលនិធិសូឌីសម្រាប់ការអភិវឌ្ឍ បានបង្ហាញបំណងក្នុងការផ្តល់ហិរញ្ញប្បទានដល់ប្រទេសកម្ពុជា ខណៈដែលមូលនិធិនេះ តែងបានចូលរួមគាំទ្រដល់ការជំរុញឱ្យមានកំណើនប្រកបដោយចីរភាពរបស់បណ្តាប្រទេសកំពុងអភិវឌ្ឍនានា ជាពិសេស នៅក្នុងវិស័យមួយចំនួន ដូចជា វិស័យអប់រំ និងកីទ្បា, សុខាភិបាល, និងគមនាគមន៍ ជាដើម ។

ថ្លែងក្នុងជំនោះ សម្តេចធិបតីបានថ្លែងអំណរគុណចំពោះបំណងក្នុងការភ្ជាប់ទំនាក់ទំនង និងការផ្តល់ហិរញ្ញប្បទានដល់រាជរដ្ឋាភិបាលកម្ពុជា ។ ទន្ទឹមនឹងនេះ សម្តេចធិបតី ក៏បានលើកឡើងផងដែរ អំពីសក្តានុពលនៃកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរាជរដ្ឋាភិបាលអារ៉ាប៊ីសាអូឌីត ពាក់ព័ន្ធនឹងវិស័យវិនិយោគ, ទេសចរណ៍ និងថាមពលកកើតឡើងវិញ ជាពិសេស វិស័យកសិកម្ម ។

ជារួម សម្តេចធិបតី និងនាយកប្រតិបត្តិមូលនិធិសូឌីសម្រាប់ការអភិវឌ្ឍ បានគាំទ្រចំពោះ គម្រោងនៃការផ្តល់ហិរញ្ញប្បទានដល់រាជរដ្ឋាភិបាលកម្ពុជា ជាពិសេសសម្រាប់បម្រើឱ្យការអភិវឌ្ឍវិស័យកសិកម្ម និងការកសាងហេដ្ឋារចនាសម្ព័ន្ធរូបវ័ន្ត ដោយ សម្តេចធិបតី បានអញ្ជើញថ្នាក់ដឹកនាំមូលនិធិសូឌីសម្រាប់ការអភិវឌ្ឍ មកបំពេញទស្សនកិច្ចនៅប្រទេសកម្ពុជា ដើម្បីបន្តពិភាក្សាអំពីកិច្ចការនេះ ជាមួយនឹងបណ្តាក្រសួង-ស្ថាប័នពាក់ព័ន្ធរបស់កម្ពុជា៕

The post មូលនិធិ SFD អារ៉ាប៊ីសាអូឌីត គ្រោងផ្តល់ហិរញ្ញប្បទានដល់កម្ពុជាអភិវឌ្ឍវិស័យកសិកម្ម និងកសាងហេដ្ឋារចនាសម្ព័ន្ធរូបវ័ន្ត appeared first on .

ឯកឧត្តមបណ្ឌិត ហ៊ុន ម៉ាណែត មានប្រសាសន៍ថា គម្រោងដាក់ពង្រាយមន្ត្រីកសិកម្មនៅគ្រប់ឃុំទូទំាងប្រទេសដែលមានអាទិភាពទៅលើជំនាញវិស័យកសិកម្ម។យើងពង្រាយមន្ត្រីកសិកម្មនៅតាមឃុំដែលមានតម្រូវការ ព្រោះប្រជាពលរដ្ឋត្រូវការជួយ។ដូចនេះដាក់បញ្ជូនមន្ត្រីកសិកម្មទៅធ្វើការជាមួយគាត់តែម្តង។

ឯកឧត្តមសង្កត់ធ្ងន់ថា «ខ្ញុំសុំឱ្យធ្វើការជ្រើសរើសឱ្យច្បាស់ កុំឱ្យរើសមន្ត្រីកសិកម្មប្រយ័ត្នបានមកវិស្វរករសំណង់។យកអ្នកជំនាញកសិកម្ម ឱ្យអាទិភាពទៅលើអ្នកដែលមានមូលដ្ឋានចំណេះដឹងកសិកម្ម។ យើងប្រឡងជ្រើសរើសឱ្យមានតម្លាភាព យុត្តិធម៌សម្រាប់អ្នកប្រកួតប្រជែង ព្រោះកំណែទម្រង់មុខងារសាធារណៈគឺជាអាទិភាពចំាបាច់ដែលយើងត្រូវធ្វើ»។

ឯកឧត្តមបន្តថា និស្សិតខ្លះគាត់អត់មានមូលដ្ឋាន គាត់ប្រឡងចូល ត្រូវមានកម្មវិធីបណ្តុះបណ្តាលពួកគាត់មុនបញ្ជូនទៅធ្វើការជាមួយកសិករ។ខ្ញុំសុំកុំពង្រាយមន្ត្រីកសិកម្មចំនួន៥០០នាក់បានត្រឹមតែ៦ខែអស់៣០០នាក់សុំធ្វើការគ្រប់គ្រងឱ្យច្បាស់។

ឯកឧត្តមបណ្ឌិត ហ៊ុន ម៉ាណែត នាយករដ្ឋមន្ត្រីមានប្រសាសន៍សង្កត់ធ្ងន់ថា«ដូចនេះការពង្រឹងមន្ត្រីកសិកម្មទៅតាមឃុំនៅទូទំាងប្រទេសសូមរើសឱ្យបានត្រូវ តម្លាភាព យុត្តិធម៌ ឱ្យត្រូវចំជំនាញ ហើយការពង្រាយត្រូវមានផែនការច្បាស់លាស់ និងត្រូវធានាឱ្យបាននូវប្រសិទ្ធភាពការងារឱ្យបងប្អូន ធានាក្របខណ្ឌថវិកាដើម្បីជួយដល់ជំនាញបន្តទៀត»៕ អត្ថបទ៖សារេត

The post នាយករដ្ឋមន្ត្រីចង់ឃើញការដាក់ពង្រាយមន្ត្រីកសិកម្មនៅតាមឃុំមានការជ្រើសរើសចំជំនាញ តម្លភាពនិងយុត្តិធម៌ appeared first on .

រូបភាព៖ភ្នំពេញបុស្តិ៍

សេចក្តីប្រកាសព័ត៌មានរបស់ក្រសួងកសិកម្ម រុក្ខាប្រមាញ់និងនេសាទ កាលថ្មីៗនេះបញ្ជាក់ថា «ក្រៅតែពីថ្លៃស្រូវមានស្ថានភាពល្អប្រសើរ តម្លៃជីកសិកម្មចាប់តាំងពីខែមករា ឆ្នាំ២០២៣ រហូតមកទល់ពេលនេះ មានការធ្លាក់ចុះជាបន្តបន្ទាប់ ក្នុងនោះ ជីអ៊ុយរ៉េ ធ្លាក់ថ្លៃពី ៣៥ដុល្លារក្នុង១បាវ មកនៅត្រឹម២៣,៥ដុល្លារក្នុង១បាវ ខណៈជីដេអាប៉េ ធ្លាក់ថ្លៃពី ៤២ដុល្លារក្នុង១បាវ មកនៅត្រឹម ៣៦ដុល្លារក្នុង១បាវ។ លើសពីនេះទៀត តម្លៃថ្នាំកសិកម្មមួយចំនួនក៏ថយចុះផងដែរ ដូចជាថ្នាំកម្ចាត់ស្មៅឈ្មោះ Atrazine 80% WPបានថយចុះ ៣៥% ថ្នាំកម្ចាត់ស្មៅឈ្មោះ Glyphosate 48% SL និង 2,4, D 72% SL បានថយចុះក្នុងកម្រិតពី ២១% ដល់ ២៣% ថ្នាំកម្ចាត់ជំងឺឈ្មោះ Mancozeb 80% WP បានថយចុះ ១៤% ថ្នាំសម្លាប់សត្វល្អិត ឈ្មោះ Acephate បានថយចុះប្រមាណ ៦% ខណៈពេលដែលប្រភេទថ្នាំកសិកម្មផ្សេងទៀតមានការប្រែប្រួលតម្លៃតិចតួច»។

លោក ស៊ាន សម្បត្តិ កសិករនៅខាងខេត្តត្បូងឃ្មុំ បានឱ្យដឹងថា នៅឆមាសទី២ឆ្នំា២០២៣នេះ លោកសង្កេតឃើញថាតម្លៃជីនិងថ្នំាកសិកម្មមានការធ្លាក់ចុះតិចតួច ហើយកសិករនៅពេលឃើញតម្លៃជីនិងថ្នំាកសិកម្មមានការធ្លាក់ចុះបែបនេះពួកគាត់មានការសប្បាយចិត្ត ធ្វើឱ្យការចំណាយរបស់គាត់ធ្លាក់ចុះ អីចឹងពួកគាត់បន់ឱ្យតែថ្លៃជីនិងថ្នំាធ្លាក់ចុះទេសម្រាប់កសិករ។

លោក ស៊ាន សម្បត្តិ លើកឡើងថា «នៅពេលជីនិងថ្នាំកសិកម្មមានតម្លៃនៅលើទីផ្សារ កសិករដែលមានដីចំការច្រើនកន្លែងពួកគាត់តែងតែមានការរអ៊ូរទំា ព្រោះការធ្វើកសិកម្មនេះមិនសូវទទួលបានប្រាក់ចំណេញនោះទេ បានត្រឹមតែទ្រទ្រង់ជីវភាពគ្រួសារប៉ុណ្ណោះ។ តែបើសិនជាតម្លៃជីនិងថ្នាំកសិកម្មចុះថោកមួយកម្រិតទៀត ពួកគាត់អាចនៅសល់ប្រាក់កម្រៃបានច្រើន បើទោះបីកសិផលរបស់ពួកគាត់មិនហក់ឡើងខ្លំាងក៏ដោយ»។

បើតាមកសិករ ស៊ាន សម្បត្តិ តាមរយៈការតាមដានព័ត៌មានតម្លៃជីនៅលើទីផ្សារបរទេស នៅពេលខាងមុខនេះអាចហក់ឡើងវិញខ្លះៗ។

ពាក់ព័ន្ធនិងវិស័យកសិកម្មនេះ បើតាមក្រសួងសង្កត់ធ្ងន់ថា «លទ្ធផលនេះកើតចេញពីការចូលរួមចំណែក និងកិច្ចខិតខំប្រឹងប្រែងរបស់ក្រសួងកសិកម្ម រុក្ខាប្រមាញ់និងនេសាទ ព្រមទាំងស្ថាប័នពាក់ព័ន្ធ ដោយមានការគាំទ្រពីរាជរដ្ឋាភិបាលកម្ពុជា តាមរយៈការទម្លាក់ថវិកាទាន់ពេលវេលា សម្រាប់អន្តរាគមន៍ទប់ទល់នឹងការធ្លាក់ចុះតម្លៃស្រូវក្នុងរដូវប្រមូលផល ការសម្រួលការនាំចេញស្រូវ-អង្ករ និងការបើកឱកាសប្រកួតប្រជែងលើទីផ្សារសម្រាប់ជីនិងថ្នាំកសិកម្មដែលមានគុណភាព»៕ អត្ថបទ៖សារេត

The post ក្រសួងកសិកម្ម៖ តម្លៃជីនិងថ្នាំកសិកម្មមានការធ្លាក់ចុះជាបន្តបន្ទាប់ក្នុងឆ្នំា២០២៣នេះ appeared first on .

ក្រុមមន្ត្រីជំនាញខាងបច្ចេកទេសរបស់ចិនចាប់ផ្តើមចុះសិក្សាស្វែងយល់អំពីការគ្រប់គ្រងជលផលនិងវារីវប្បកម្មហើយកាលពីថ្ងៃទី១ខែឧសភានៅតាមបណ្តាខេត្តគោលដៅ ដើម្បីសរសេរផែនការឆ្លើយតបទៅនិងទិដ្ឋភាពជាក់ស្តែងរបស់កម្ពុជា ដើម្បីធ្វើការអភិវឌ្ឍនៅពេលបន្ទាប់ ខណៈបេសកម្មសិក្សាមានរយៈពេលមួយខែ។

បើយោងតាមមន្ត្រីជំនាញខាងជលផលនិងវារីវប្បកម្មរបស់កម្ពុជា ដែលដឹកនាំដោយ លោក ហាវ វិសិដ្ឋ អនុប្រធានរដ្ឋបាលជលផល និងលោក ថាយ សុមុនី ប្រធាននាយកដ្ឋានវារីវប្បកម្មនៃរដ្ឋបាលជលផល នៃក្រសួងកសិកម្មរុក្ខាប្រមាញ់ និងនេសាទ សម្រាប់ទឹកដីខេត្តតាកែវ បានឱ្យឧកញ៉ាញ៉ូស៍ដឹងថា ក្រុមមន្ត្រីបច្ចេកទេសចិននេះមកនៅពេលនេះ ដើម្បីសិក្សាស្វែងយល់អំពីការគ្រប់គ្រង ការអនុវត្តជលផលនិងវារីវប្បកម្មនៅកម្ពុជា ដើម្បីរៀបចំសរសេរផែនឱ្យឆ្លើយតបទៅនិងទិដ្ឋភាពរបស់កម្ពុជា។

លោក ថាយ សុមុនី ប្រធាននាយកដ្ឋានវារីវប្បកម្មនៃរដ្ឋបាលជលផល មានប្រសាសន៍ថា ក្រុមការងារជលផលនៃក្រសួងកសិកម្ម រុក្ខាប្រមាញ់និងនេសាទ សហការជាមួយមន្ទីរកសិកម្ម ខណ្ឌរដ្ឋបាលជលផលខេត្តតាកែវ កំពត កំពង់សោម សៀមរាប កំពង់ធំ កំពង់ឆ្នំា បាត់ដំបង បន្ទាយមានជ័យ ធ្វើកិច្ចសហការជាមួយគាត់(មន្ត្រីបច្ចេកទេសចិន)ចុះទៅមើលទាក់ទងគ្រប់គ្រងជលផល ការងារសហគមន៍នេសាទ សហគមន៍រក្សាជម្រកត្រី ការងារអនុវត្តវារីវប្បកម្ម ការងារស្រាវជ្រាវវារីវប្បកម្មនៅកម្ពុជា។

លោកបញ្ជាក់ថា «ក្រុមការងារជំនាញបច្ចេកទេសរបស់ចិន មានគ្រប់ផ្នែកដូចជាកសិកម្ម សត្វនិងផលិតកម្មសត្វ ពេទ្យសត្វ កៅស៊ូ ជលផលនិងវារីវប្បកម្ម អ៊ីចឹងក្រុមការងារនេះមានបេសកម្មរយៈពេលមួយខែ ដោយធ្វើការបែងចែកជាក្រុមជំនាញមួយៗ ចុះធ្វើការនៅតាមខេត្តគោលដៅដែលគាត់ត្រូវការស្វែងយល់»។

បើយោងតាមប្រធាននាយកដ្ឋានវារីវប្បកម្មនៃរដ្ឋបាលជលផល បេសកម្មរបស់មន្ត្រីបច្ចេកទេសចិន ចុះធ្វើកម្មសិក្សានេះមានរយៈពេលតែពេល១០ថ្ងៃ ហើយក្រុមបច្ចេកទេសរបស់ចិនចំណាយពេលសរសេរផែនការនៅក្រុងភ្នំពេញជាមួយក្រុមជំនាញរបស់អគ្គនាយកដ្ឋាននីមួយៗនៃក្រសួងកសិកម្ម រុក្ខាប្រមាញ់និងនេសាទ ។

លោកលើកឡើងថា សម្រាប់ខេត្តតាកែវឃើញថាមានសក្តានុពល ពិសេសស្រុកនៅជាប់ដីសណ្តរទន្លេមេគង្គ ដូចជាស្រុកទ្រំាង ស្រុកជលសារ ស្រុកកោះអណ្តែតនិងស្រុកអង្គរបូរីនេះវាមានសក្តានុពលធ្វើកសិកម្មចម្រុះមានស្រូវ បង្កងនិងត្រី ដែលជាផ្នែកមួយបង្ហាញទៅខាងភាគីជំនាញបច្ចេកទេសរបស់ចិន ឱ្យបានយល់អំពីសក្តានុពលនៃខេត្តតាកែវ ពិសេសស្រុកទំាង៤ ដែលមានរបបទឹកល្អទំាងនៅរដូវប្រំាងនិង រដូវវស្សា។

លោក ថាយ សុមុនី មានប្រសាសន៍ថា «ឥលូវនេះយើងកំពុងពិភាក្សាជាមួយក្រុមជំនាញរបស់ភាគីចិន ហើយអ្វីដែលគាត់បានស្តាប់យើង ហើយគាត់យកទៅសរសេរជាផែនការឡើងនេះឃើញថាវាល្អ ព្រោះការគ្រប់គ្រងវារីវប្បកម្មនៅប្រទេសចិននេះមានការរីកចម្រើនខ្លំាងណាស់ហើយជាប់លេខមួយនៅលើពិភពលោក។ អ៊ីចឹងគាត់មកជួយយើង ដោយគាត់ចុះមកសរសេរពីបទពិសោធន៍ជាក់ស្តែង និងធ្វើបានជោគជ័យនៅប្រទេសចិន។ដូចនេះយើងសង្ឃឹមថាផែនការដែលគាត់សរសេរនេះនឹងឆ្លើយតបទៅនិងទិដ្ឋភាពជាក់ស្តែងរបស់ប្រទេសកម្ពុជា ហើយទាមទារឱ្យយើងស្វែងរកប្រភពថវិកាដើម្បីយកមកអនុវត្តនៅលើផែនការដែលយើងត្រូវធ្វើថ្ងៃខាងមុខ»៕ អត្ថបទ៖សារេត

The post ចិនចុះសិក្សាស្វែងយល់អំពីការគ្រប់គ្រងជលផលនិងវារីវប្បកម្មសម្រាប់កម្ពុជាធ្វើការអភិវឌ្ឍន៍នាពេលខាងមុខ appeared first on .

ការតែងតាំងមុខដំណែងលោក ឌិត ទីណា ជារដ្ឋមន្ត្រី ធ្វើឡើងបន្ទាប់ពីនៅព្រឹកថ្ងៃសុក្រ ទី១៤ ខែតុលា រដ្ឋសភាបានបោះឆ្នោតជ្រើសតាំងលោក ឌិត ទីណា ជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដោយសំឡេង១១១ លើ១១១។ ការបោះឆ្នោតផ្តល់សេចក្តីទុកចិត្តនេះ បានធ្វើឡើងនៅក្នុងកិច្ចប្រជុំពេញអង្គរដ្ឋសភា ដែលធ្វើឡើងក្រោមអធិបតីភាព សម្តេចអគ្គមហាពញាចក្រី ហេង សំរិន ប្រធានរដ្ឋសភា។

ក្នុងមុខដំណែងជារដ្ឋមន្រ្តីក្រសួងកសិកម្ម នៅចុងអាណត្តិដែលជិតនឹងបញ្ចប់នីតិកាលទី៦ពេលខាងមុខនេះ លោក ​ឌិត ទីណា ត្រូវបានគេដឹងថា ជារដ្ឋមន្រ្តីដែលមានវ័យក្មេងជាងគេបង្អស់ក្នុងក្រសួងកសិកម្មចំនួន៧រូបធ្លាប់ជារដ្ឋមន្រ្តី ហើយបើនិយាយដល់ក្រសួងនានាក្នុងអាណត្តិរបស់រាជរដ្ឋាភិបាល លោកក៏ជារដ្ឋមន្រ្តីវ័យក្មេងក្នុងចំណោមរដ្ឋមន្រ្តីវ័យក្រោម ៤៥ឆ្នាំ ក្នុងនោះរួមមាន៖ លោក សាយ សំអាល់ រដ្ឋមន្ត្រីក្រសួងបរិស្ថាន (វ័យ៤២ឆ្នាំ) លោក ឌិត ទីណា (វ័យ៤៣ឆ្នាំ) និងលោក កើត រិទ្ធ ​រដ្ឋមន្ត្រីក្រសួងយុត្តិធម៌ (វ័យ៤៣ឆ្នាំ)។

លោក ទីណា ធ្លាប់បានទទួលការសិក្សាពីសាលាជាតិជាន់ខ្ពស់ផ្នែករ៉ែ នៅទីក្រុងប៉ារីសប្រទេសបារាំ។ លោកធ្លាប់បានបំពេញការងារ​ជារដ្ឋលេខាធិការក្រសួងរ៉ែ និងថាមពល ពីឆ្នាំ២០១៤ ដល់ឆ្នាំ២០២២, ជារដ្ឋលេខាធិការ ក្រសួងពាណិជ្ជកម្មពីឆ្នាំ២០១៣ ដល់ឆ្នាំ២០១៤ និងជាអនុរដ្ឋលេខាធិការ ក្រសួង​ពាណិជ្ជកម្ម​ពីឆ្នាំ២០០៩ ដល់ឆ្នាំ២០១៣។ តាមរយៈតួនាទី និងការងារខាងលើនេះ លោក ឌិត ទីណា ធ្លាប់​បានចូលរួមដឹកនាំលុបបំបាត់អាជីវកម្មបូមខ្សាច់អនាធិបតេយ្យតាមដងទន្លេ, ដឹកនាំក្រុម​ការងារ​រៀបចំ​តាក់តែង​គោលនយោបាយជាតិ ស្តីពីធនធានរ៉ែឆ្នាំ២០១៨-២០២៨, ដឹកនាំក្រុមការងាររៀបចំតាក់តែងច្បាប់ ស្តីពីការគ្រប់គ្រងប្រេងកាត និងផលិតផលប្រេងកាត និងដឹកនាំតាក់តែងច្បាប់ ស្តីពីទំនិញសម្គាល់​ភូមិសាស្ត្រ​ជាដើម។

ត្រូវបាន​គេ​ស្គាល់ថាជាកូនរបស់លោក ឌិត មុន្ទី ប្រធានតុលាការ​កំពូល និងជាបញ្ញវ័នបន្តវេនរបស់គណបក្សប្រជាជនកម្ពុជា។ លោក ទីណា ជាបងថ្លៃរដ្ឋមន្រ្តីក្រសួងបរិស្ថាន លោក សាយ សំអាល់ កូនច្បងរបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ភរិយាគឺ លោកស្រី ឌិត និតា អគ្គនាយិកាគ្រឹះស្ថានមីក្រូហិរញ្ញវត្ថុ ខេមា និងកំពុងដឹកនាំស្ថាប័នព័ត៌មានអនឡាញ AMS ផងដែរ៕

The post លោក ឌិត ទីណា ជារដ្ឋមន្រ្តីវ័យក្មេងជាងគេចូលកាន់ដំណែងក្រសួងកសិកម្ម appeared first on .

លោក ជួ មករា ប្រធានសហភាពសហគមន៍បន្លែសុវត្ថិភាពកម្ពុជា​ បានលើកឡើងថា ការចុះអនុស្សរណៈរវាងកម្ពុជា និងចិននាពេលនេះ បានចូលរួមចំណែកយ៉ាងសំខាន់លើកស្ទួយវិស័យកសិកម្ម និងជីវភាពប្រជាកសិករ។ លោកថា ការចុះកិច្ចសន្យាជាមួយក្រុមហ៊ុនចិននេះ គឺជាលទ្ធផលផ្លែផ្កាមួយក្នុងការចរចា ដើម្បីអភិវឌ្ឍន៍ការនាំចេញផលិតផលកម្ពុជាទៅក្រៅប្រទេស ហើយក៏ជាប្រយោជន៍រួមរបស់ប្រជាកសិករកម្ពុជាផងដែរ។

បើតាមលោក ជួ មករា តាមរយៈទំនាក់ទំនង និងកិច្ចចរចាជាមួយក្រុមហ៊ុនកន្លងមក ភាគីចិន និងកម្ពុជា មានឆន្ទៈរួមគ្នាដើម្បីពង្រឹងនូវចំណុចដែលខ្វះខាត និងធ្វើយ៉ាងណាសម្រេចបាននូវការនាំចេញកសិផលពីប្រទេសកម្ពុជាត្រង់ទៅប្រទេស ចិនតែម្តង ព្រមទាំងធ្វើឱ្យមានស្ថេរភាព រក្សាបានផលចំណេញចំពោះភាគីទាំងសងខាង និងជាពិសេស ធានាបានស្ថេរភាពទីផ្សារកសិផលសម្រាប់កសិករ។

សូមជម្រាបជូនថា ប្រទេសចិន គឺជាគោលដៅនាំចេញដ៏សំខាន់កាន់តែខ្លាំងឡើងសម្រាប់ទំនិញកសិកម្មរបស់កម្ពុជា ដោយសារតែមានកិច្ចព្រមព្រៀងពាណិជ្ជកម្មសេរីកម្ពុជា-ចិន (CCFTA) ដែលបានចូលជាធរមាននៅថ្ងៃទី១ ខែមករា ឆ្នាំ២០២២ ខណៈដែលទីផ្សារចិនមានទំហំទឹកប្រាក់ ៨០៥ លានដុល្លារអាមេរិក ឬ ៦.០% នៃការនាំចេញទំនិញសរុប កម្ពុជាសម្រេចបាន ៤០% (២៨១ លានដុល្លារ) នៃការនាំចេញផលិតផលកសិកម្មសរុបរបស់ខ្លួន (៧១៥ លានដុល្លារ) ក្នុងអំឡុងពេល៨ ខែដំបូងនៃឆ្នាំ២០២២។

សម្រាប់ទីផ្សារប្រទេសចិន ចេក អង្ករ និងដំឡូងមី គឺជាមុខទំនិញនាំចេញកសិផលធំជាងគេចំនួនបី ដែលមានចំនួន៩៩% (១៤០លានដុល្លារ) ៣៧.៨% (៩៤ លានដុល្លារ) និង៧៥% (២១ លានដុល្លារ) រៀងគ្នា។ ដោយឡែកការ​នាំ​ចេញ​កៅស៊ូ​ទៅ​ប្រទេស​ចិន​នៅ​មាន​ចំនួន​តិច​តួច​ប្រមាណ ១៣ លាន​ដុល្លារ ឬ ៦,២% ​នៃ​ការ​នាំ​ចេញ​កៅស៊ូ​សរុប៕

The post ក្រុមហ៊ុន Global Ecological Rice យល់ព្រមឲ្យកម្ពុជានាំចេញដំឡូងមីទៅកាន់ទីផ្សារចិន appeared first on .

កិច្ចប្រជុំប្រមូលធាតុចូលនៅថ្ងៃទី១០មីនាឆ្នំា២០២៣នេះ ដើម្បីប៉ូលសេដ្ឋកិច្ចថ្មីប្រសូត្រឡើងតាមការគ្រោងទុក និងអាចជួយសម្រួលដល់ដល់ទីផ្សារ ក្នុងការការនាំចេញនិងនាំចូលផលិតផលរវាងកម្ពុជានិងចិន សំដៅជំរុញកំណើនសេដ្ឋកិច្ចជាគោល ដោយគោរពទៅតាមអនាម័យនិងភូតគាមអនាម័យ ព្រមទាំងនិរន្តរភាពសេដ្ឋកិច្ចនិងបរិស្ថាន។

ក្នុងកិច្ចប្រជុំនេះ លោក ឌិត ទីណា បានណែនាំដល់អនុវិស័យនីមួយៗ ត្រូវពិនិត្យលើសក្តានុពល ប្រភពអត្តសញ្ញាណផលិតផល (GI) ព្រមទាំងបែបបទពាណិជ្ជកម្មនៃប្រទេសសមាជិក WTO ដោយសហការវិនិយោគជាមួយក្រុមហ៊ុន ដើម្បីទទួលបានប្រាក់ចំណូលបន្ថែម។

តាមរយៈកិច្ចប្រជុំនេះ ក្រុមការងារនៅតាមអនុវិស័យនីមួយៗ ត្រូវរៀបចំគម្រោងសំណើនៃប៉ូលសេដ្ឋកិច្ចទី៤ ទាំងរយៈពេលខ្លី មធ្យម និងវែង ដោយភ្ជាប់ជាមួយច្រករបៀង «មច្ឆា និងអង្ករ» សម្រាប់ដាក់ជូនរដ្ឋាភិបាលពិនិត្យសម្រេច ដោយត្រូវគិតពីប្រសិទ្ធភាពសេដ្ឋកិច្ចយ៉ាងហោចណាស់ឱ្យបានរយៈពេល១ទសវត្សរ៍។

ពាក់ព័ន្ធនិងការនាំចេញនិងនាំចូលឬការធ្វើពាណិជ្ជកម្មជាមួយប្រទេសចិន បើយោងតាមអគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ នៅថ្ងៃទី ១០ ខែ មីនា ឆ្នាំ ២០២៣ បានបង្ហាញរបាយកាណ៍រយៈពេល២ខែនៃការធ្វើពាណិជ្ជកម្មអន្តរជាតិជាមួយនិងបណ្តាប្រទេសជាដៃនៅលើពិភពលោកក្នុងនោះគេសង្កេតឃើញថា ការនាំចេញនិងចូលទំនិញរវាងកម្ពុជានិងចិនមានទំហំទឹកប្រាក់ប្រមាណ១.៧០៥លានដុល្លារអាមេរិក ពោលគឺមានការធ្លាក់ចុះប្រមាណ១៥%បើប្រៀបធៀបទៅនិងរយៈពេលដូចគ្នានិងឆ្នំា២០២២កន្លងទៅ។

បើតាមរបាយការណ៍ដដែលគូសបញ្ជាក់ថា​ «ក្នុងរយៈពេល២ខែដំបូងនៃឆ្នំា២០២៣នេះកម្ពុជានាំចេញទំនិញទៅប្រទេសចិនមានទឹកប្រាក់ជាង១៩៨លានដុល្លារអាមេរិកធ្លាក់ចុះ៥% ខណៈការនាំចូលមានទឹកប្រាក់ជាង១.៥០៧លានដុល្លារអាមេរិក ពោលធ្លាក់ចុះ១៦%បើប្រៀបធៀបនិងពេលដូចគ្នាឆ្នំា២០២២»៕
អត្ថបទ៖សារេត

The post ក្រសួងកសិកម្មពិភាក្សាលើប៉ូលសេដ្ឋកិច្ចថ្មីភាគពាយ័ព្យដើម្បីជំរុញការនាំចេញ-ចូលជាមួយចិន appeared first on .

ក្នុងពិធីសំណេះសំណាលជាមួយបងប្អូនប្រជាពលរដ្ឋខ្មែររស់នៅក្នុងប្រទេសបារាំង លោក ឌិត ទីណា បានលើកឡើងពីសក្តានុពលនៃផលិតផលកសិកម្មកម្ពុជា ដែលរួមមាន អង្ករផ្ការំដួលកម្ពុជា បានជាប់ជាអង្ករល្អដាច់គេ នៅលើពិភពលោកចំនួន៥លើក ស្ករត្នោត រួមទាំងកសិកផលផ្សេងៗទៀតដូចជា ផ្លែចេក និងផ្លែស្វាយជាដើម។

ក្នុងជំនួបនោះដែរ លោករដ្ឋមន្ត្រីក៏បានអំពាវនាវឲ្យប្រជាពលរដ្ឋខ្មែរ ដែលកំពុងរស់នៅក្នុងប្រទេសបារាំង រួបរួម និងទុកចិត្តគ្នា ដើម្បីជួយឲ្យកសិផលខ្មែរ អាចឈានចូលទីផ្សារប្រទេសបារាំង និងអឺរ៉ុប ឲ្យបានកាន់តែច្រើន តាមរយៈការវិនិយោគដាក់ទុនរួមគ្នាក្តី។

ជាមួយគ្នានេះ ក្នុងឱកាសចូលរួមក្នុងពិព័រណ៍កសិកម្មនៅទីក្រុងប៉ារីស លោក ឌិត ទីណា បានសម្លឹងឃើញពីលទ្ធភាព ក្នុងធ្វើពាណិជ្ជកម្មកសិផលជាមួយបារាំង ដោយកម្ពុជាអាចនឹងនាំចូលផ្លែប៉ោមពីបារាំង ហើយបារាំងអាចនាំចេញផ្លែស្វាយ និងផ្លែចេកពីកម្ពុជា នៅពេលខាងមុខ។

សូមជម្រាបថា លោក ឌិត ទីណា បានដឹកនាំគណៈប្រតិភូកម្ពុជា ចូលរួមពិព័រណ៌កសិកម្មនៅទីក្រុងប៉ារីស ប្រទេសបារាំង ចាប់ពីថ្ងៃទី២៨ ខែកុម្ភៈ រហូតដល់ថ្ងៃទី២ ខែមីនា ឆ្នាំ២០២៣៕

The post លោក ឌិត ទីណា ថា បារាំងនឹងនាំចេញផ្លែស្វាយនិងផ្លែចេកពីកម្ពុជានៅពេលខាងមុខ appeared first on .