ក្នុងជំនួជាមួយគណៈប្រតិភូទីក្រុងគីតាឃ៊្យូស៊ូ ប្រទេសជប៉ុន ដឹកនាំដោយលោក Keisuke Tachi អភិបាលរងក្រុង កាលពីថ្ងៃទី៧ ខែតុលា លោក ហែម វណ្ណឌី បានបញ្ជាក់ថា៖ “យើងស្វាគមន៍ការវិនិយោគ និងការផ្ទេរបច្ចេកវិទ្យាពីក្រុមហ៊ុនជប៉ុន។ យើងត្រូវការដំណោះស្រាយជាក់ស្តែង ដែលអាចធានាបានទាំងនិរន្តរភាពអាជីវកម្ម និងតម្រូវការរបស់សហគមន៍ ដើម្បីពង្រីកលទ្ធភាពទទួលបានទឹកស្អាតប្រកបដោយសុវត្ថិភាព និងថ្លៃសមរម្យ។”
 
លោកក៏បានលើកឡើងពីតម្រូវការហេដ្ឋារចនាសម្ព័ន្ធប្រព្រឹត្តកម្មទឹកស្អាតខ្នាតធំ និងបានផ្តល់បច្ចុប្បន្នភាពអំពីដំណើរការបង្កើតនិយ័តករទឹកស្អាត ដើម្បីពង្រឹងអភិបាលកិច្ច និងគាំទ្រការអភិវឌ្ឍវិស័យនេះ។

ជាការឆ្លើយតប លោក Keisuke TACHI បានគូសបញ្ជាក់ថា កិច្ចសហប្រតិបត្តិការរវាងទីក្រុងគីតាឃ៊្យូស៊ូ និងកម្ពុជា បានឈានដល់ឆ្នាំទី២៥ឆ្នាំ ហើយទីក្រុងគីតាឃ៊្យូស៊ូ នឹងបន្តជំរុញក្រុមហ៊ុនជប៉ុនឱ្យស្វែងរកឱកាសវិនិយោគបន្ថែមនៅកម្ពុជា។
លោកបានបន្តថា៖ “យើងនឹងនាំយកអាទិភាពរបស់ក្រសួងក្នុងវិស័យទឹកស្អាត ទៅពិភាក្សាជាមួយក្រុមហ៊ុននៅទីក្រុងគីតាឃ៊្យូស៊ូ និងស្វែងរកឱកាសបន្ថែមសម្រាប់កិច្ចសហប្រតិបត្តិការ និងការវិនិយោគ ទាំងក្នុងវិស័យទឹកស្អាត និងទឹកកខ្វក់។”

The post ក្រសួងឧស្សាហកម្ម ជំរុញការវិនិយោគ និងការផ្ទេរបច្ចេកវិទ្យាជប៉ុនក្នុងវិស័យទឹកស្អាតរបស់កម្ពុជា appeared first on .

លោក ហែម វណ្ណឌី បានលើកឡើងថា៖ “មូលនិធិស្រាវជ្រាវជាតិត្រូវអភិវឌ្ឍខ្លួនទៅជាស្ថាប័នដែលទទួលការជឿទុកចិត្ត ផ្តោតលើលទ្ធផល និងអាចភ្ជាប់ការស្រាវជ្រាវអនុវត្ត (applied research) ទៅនឹងអាទិភាពអភិវឌ្ឍន៍របស់រាជរដ្ឋាភិបាល ព្រមទាំងតម្រូវការជាក់ស្តែងរបស់វិស័យឧស្សាហកម្ម និងសង្គមជាតិ។”

គួរឱ្យដឹងថា មូលនិធិស្រាវជ្រាវជាតិ ត្រូវបានបង្កើតឡើងជាបរធនបាលកិច្ចសាធារណៈ ដើម្បីគាំទ្រការស្រាវជ្រាវ ការអភិវឌ្ឍ និងនវានុវត្តន៍ និងដើម្បីកសាងប្រព័ន្ធផ្តល់មូលនិធិស្រាវជ្រាវថ្នាក់ជាតិដែលមានប្រសិទ្ធភាព តម្លាភាព និងគណនេយ្យភាព។ ប្រភពហិរញ្ញប្បទានរបស់មូលនិធិ អាចបានមកពីថវិកាជាតិ ដៃគូអភិវឌ្ឍន៍ វិស័យឯកជន និងប្រភពស្របច្បាប់ផ្សេងៗ។ ក្រោមក្របខណ្ឌដែលបានស្នើ មូលនិធិនេះនឹងគាំទ្រការស្រាវជ្រាវបឋមនិងគម្រោងសាកល្បង ការស្រាវជ្រាវអនុវត្ត និងការកសាងសមត្ថភាព ដោយផ្តោតលើការផ្សារភ្ជាប់សាកលវិទ្យាល័យ និងស្ថាប័ន​ស្រាវជ្រាវ ជាមួយវិស័យឧស្សាហកម្ម៕

The post ក្រសួងឧស្សាហកម្ម ប្រកាសបើកការស្រាវជ្រាវថ្នាក់ជាតិជាលើកដំបូងនៅដើមឆ្នាំ២០២៧ appeared first on .

គម្រោងទទួលបានហិរញ្ញប្បទានចំនួន ៣០ម៉ឺនដុល្លារអាម៉េរិក ពីរដ្ឋាភិបាលចិន តាមរយៈមូលនិធិពិសេសកិច្ចសហប្រតិបត្តិការមេគង្គ-ឡានឆាង សម្រាប់ការអនុវត្តរយៈពេល ១៥ ខែ ដោយមានការចូលរួមពីប្រទេសកម្ពុជា ឡាវ និងវៀតណាម។

លោក ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍បានរំលេចពីសារសំខាន់នៃការវេចខ្ចប់ ថាមានទំនាក់ទំនងផ្ទាល់ទៅនឹងគុណភាព សុវត្ថិភាព អាយុកាលផលិតផល ការដឹកជញ្ជូន ស្តង់ដា និងទំនុកចិត្តរបស់អ្នកប្រើប្រាស់។ សម្រាប់សហគ្រាសធុនមីក្រូ តូច និងមធ្យម កង្វះសម្ភារវេចខ្ចប់សមស្រប អ្នករចនា និងអ្នកផ្គត់ផ្គង់ អាចរារាំងការពង្រីកផលិតកម្ម និងទីផ្សារ។

លោកបានលើកឡើងថា៖ “គោលដៅគម្រោងមិនមែនត្រឹមតែការបណ្តុះបណ្តាលសហគ្រាសនោះទេ ប៉ុន្តែជាការបង្កើតសមត្ថភាព បណ្តាញ និងឧបករណ៍ ដែលអាចជួយឱ្យសហគ្រាសទទួលបានចំណេះដឹង បច្ចេកទេស ដំណោះស្រាយវេចខ្ចប់ និងការត្រៀមខ្លួនចូលទីផ្សារកាន់តែប្រសើរ។”

នាឱកាសនោះ លោក Guo Dongbo លេខាទី១ ទទួលបន្ទុកកិច្ចសហប្រតិបត្តិការវិទ្យាសាស្ត្រ បច្ចេកវិទ្យា និងនវានុវត្តន៍ នៃស្ថានទូតចិនប្រចាំកម្ពុជា ក៏បានលើកឡើងដែរថា៖ “ការវេចខ្ចប់ជាសសរស្តម្ភឧស្សាហកម្មដ៏សំខាន់ ដែលទ្រទ្រង់តម្លៃផលិតផល សន្តិសុខខ្សែច្រវាក់ផ្គត់ផ្គង់ និងការពង្រីកទីផ្សារឆ្លងដែន។ ទោះជាយ៉ាងណា អស់រយៈពេលជាយូរមកហើយ ប្រព័ន្ធវេចខ្ចប់ដែលមិនទាន់អភិវឌ្ឍបានល្អ នៅតែជាឧបសគ្គចម្បងដល់ការលើកកម្ពស់ពាណិជ្ជកម្មនៅទូទាំងតំបន់។”

គួរឱ្យដឹងថា គម្រោង CAM-PACK+ នឹងផ្តោតលើការបណ្តុះបណ្តាល និងការផ្លាស់ប្តូរចំណេះដឹងក្នុងតំបន់ ការរៀបចំគោលការណ៍ណែនាំអំពីសុវត្ថិភាពសម្ភារវេចខ្ចប់ ការដាក់ស្លាកលើសំបកវេចខ្ចប់ មុខងារ និងចីរភាពនៃការវេចខ្ចប់ ព្រមទាំងការអភិវឌ្ឍឧបករណ៍ជួយឱ្យសហគ្រាសត្រៀមខ្លួនសម្រាប់ការនាំចេញ។

គម្រោងក៏នឹងរៀបចំកម្មវិធីប្រកួតប្រជែងការរចនាសំបកវេចខ្ចប់ Khmer Star និង Mekong Star Packaging Design Awards និងការតាំងបង្ហាញផលិតផលវេចខ្ចប់ Made in Mekong ដើម្បីភ្ជាប់យុវជន និងអ្នករចនាជាមួយតម្រូវការជាក់ស្តែងរបស់ឧស្សាហកម្ម។

The post ក្រសួងឧស្សាហកម្ម ប្រកាសដាក់ឱ្យអនុវត្តគម្រោង CAM-PACK+ ដើម្បីពង្រីកទីផ្សារតាមរយៈនវានុវត្តន៍សំបកវេចខ្ចប់នៅកម្ពុជា appeared first on .

ក្នុងជំនួបពិភាក្សាការងារ កាលថ្ងៃទី១៧ ខែកញ្ញា ឆ្នាំ២០២៦ លោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ តំណាងក្រុមហ៊ុនបានលើកឡើងថា រោងចក្រនេះនឹងផលិតខ្សែភ្លើងគុណភាពខ្ពស់ ដោយប្រើប្រាស់ប្រព័ន្ធគ្រប់គ្រងគុណភាព និងសុវត្ថិភាពរបស់ជប៉ុន ព្រមទាំងផ្ទេរចំណេះដឹងផ្នែកត្រួតពិនិត្យគុណភាព សុវត្ថិភាពអគ្គិសនី និងបណ្តុះបណ្តាលអ្នកបច្ចេកទេសកម្ពុជា។

ក្រុមហ៊ុនក៏បានស្នើកិច្ចសហការជាមួយក្រសួងលើការងារស្តង់ដា ការធ្វើតេស្តផលិតផល និងការស្រាវជ្រាវ និងអភិវឌ្ឍន៍។

ជាការឆ្លើយតប លោក ហែម វណ្ណឌី បានស្វាគមន៍គម្រោងវិនិយោគនេះ និងបានលើកឡើងថា៖ “កម្ពុជាមិនត្រឹមតែចង់ផលិតជំនួសទំនិញនាំចូលមួយចំនួនប៉ុណ្ណោះទេ យើងចង់ក្លាយជាប្រទេសដែលអាចផលិត នាំចេញ និងមានការទទួលស្គាល់ជាអន្តរជាតិ។”លោកបានបន្តថា ក្រសួងអាចគាំទ្រដល់គម្រោងវិនិយោគនេះ រួមទាំងដំណើរការបង្កើតរោងចក្រ ការអភិវឌ្ឍស្តង់ដា ការធ្វើតេស្តផលិតផល ការផ្ទេរបច្ចេកវិទ្យា និងការភ្ជាប់ក្រុមហ៊ុនជាមួយអ្នកទិញសក្តានុពល ដូចជារោងចក្រដំឡើងយានយន្ត និងក្រុមហ៊ុនផលិតផលិតផលអគ្គិសនី និងអេឡិចត្រូនិកជាដើម។

លោករដ្ឋមន្ត្រីបានបន្ថែមថា ខ្សែភ្លើងដែលផលិតក្នុងស្រុក និងស្របតាមស្តង់ដាអន្តរជាតិ អាចផ្គត់ផ្គង់ដល់វិស័យយានយន្ត និងឧស្សាហកម្មដែលកំពុងរីកចម្រើននៅកម្ពុជា ព្រមទាំងមានសក្តានុពលនាំចេញទៅកាន់ទីផ្សារក្នុងតំបន់។

សូមជម្រាបដែរថា រួមដំណើរជាមួយគណៈប្រតិភូនេះ ក្រុមហ៊ុនដៃគូមួយទៀត គឺ JCI Lab ក៏បានស្នើនាំក្រុមហ៊ុនពីប្រទេសចិន និងជប៉ុនមកចូលរួមពិព័រណ៍ឧស្សាហកម្មនៅកម្ពុជា។ JCI Lab បានស្នើនាំយកបច្ចេកវិទ្យារថយន្តបើកបរស្វ័យប្រវត្តិរបស់ក្រុមហ៊ុន Zelos មកកម្ពុជានៅតាមទីតាំងដែលមានការគ្រប់គ្រង ដូចជា រោងចក្រ កំពង់ផែ ឬតំបន់សេដ្ឋកិច្ចពិសេស។

ក្រុមហ៊ុន AMON បានបើកការិយាល័យនៅកម្ពុជាកាលពីខែសីហា និងគ្រោងបង្កើតរោងចក្ររបស់ខ្លួននៅកម្ពុជា ក្នុងឆ្នាំ២០២៧។ ម្ចាស់ភាគហ៊ុនធំរបស់ក្រុមហ៊ុននេះ គឺក្រុមហ៊ុនជប៉ុន Nichigoh Communication Electric Wire Co., Ltd. ដែលផលិតខ្សែភ្លើង និងខ្សែកាបផ្គត់ផ្គង់ដល់ទីផ្សារអន្តរជាតិមួយចំនួន៕ អត្ថបទ៖ហ្សាលីន

The post ក្រុមហ៊ុនធំមួយ គ្រោងបង្កើតរោងចក្រផលិតខ្សែភ្លើងដោយប្រើបច្ចេកវិទ្យាជប៉ុននៅកម្ពុជា appeared first on .

នាឱកាសនោះ លោក ហែម វណ្ណឌី បានចូលរួមជាវាគ្មិនក្នុងកិច្ចពិភាក្សាថ្នាក់រដ្ឋមន្ត្រី ជាមួយលោក បណ្ឌិត Tan See Leng រដ្ឋមន្ត្រីពាណិជ្ជកម្ម និងឧស្សាហកម្មសិង្ហបុរី ទទួលបន្ទុកថាមពល និងឧស្សាហកម្ម ដើម្បីពិភាក្សាអំពីយុទ្ធសាស្ត្រកំណើន ក្នុងស្ថានភាពនៃការប្រែប្រួលខ្សែច្រវាក់ផ្គត់ផ្គង់សកល ការវិវត្តជឿនលឿនយ៉ាងឆាប់រហ័សនៃបច្ចេកវិទ្យា និងបញ្ញាសិប្បនិម្មិត ព្រមទាំងបរិវត្តកម្មបៃតងរបស់ពិភពលោក។

ជាមួយគ្នានេះ លោក ហែម វណ្ណឌី បានលើកឡើងថា៖ “កម្ពុជាចាត់ទុកការប្រែប្រួល និងនិន្នាការសកលទាំងនេះ ជាកត្តាជំរុញឱ្យយើងបម្លែងគំរូសេដ្ឋកិច្ចជាតិ ពីសកម្មភាពដែលពឹងផ្អែកលើកម្លាំងពលកម្ម ទៅជាសេដ្ឋកិច្ចដែលជំរុញដោយបច្ចេកវិទ្យា និងជំនាញ។”

លោករដ្ឋមន្ត្រី ក៏បានរំលេចអំពីកិច្ចខិតខំប្រឹងប្រែងរបស់កម្ពុជា ក្នុងការពង្រឹងការស្រាវជ្រាវនិងអភិវឌ្ឍន៍ ការចាប់យកបច្ចេកវិទ្យា ទំនើបកម្មឧស្សាហកម្ម និងការការពារកម្មសិទ្ធិបញ្ញា ដោយចាត់ទុកបញ្ញាសិប្បនិម្មិតថាជា “កាតាលីករគន្លឹះសម្រាប់សេដ្ឋកិច្ចឌីជីថល និងបរិវត្តកម្មឧស្សាហកម្មរបស់កម្ពុជា” ។

សូមជម្រាបថា ប្រតិភូកម្ពុជា ក៏បានជួបពិភាក្សាទ្វេភាគីជាមួយដៃគូសំខាន់ៗផ្នែកកម្មសិទ្ធិបញ្ញាមកពីសាធារណរដ្ឋកូរ៉េ សិង្ហបុរី និងជប៉ុន ដោយផ្តោតលើកិច្ចសហប្រតិបត្តិការផ្នែកប្រកាសនីយបត្រតក្កកម្ម និងគំនូរឧស្សាហកម្ម ការកសាងសមត្ថភាព ការអប់រំផ្នែកការបង្កើតថ្មី និងជំនួយបច្ចេកទេស ដើម្បីពង្រឹងប្រព័ន្ធកម្មសិទ្ធិបញ្ញារបស់កម្ពុជា។កិច្ចប្រជុំ និងជំនួបទ្វេភាគីទាំងនេះឆ្លុះបញ្ចាំងពីកិច្ចខិតខំរបស់កម្ពុជា ក្នុងការប្រើប្រាស់ប្រព័ន្ធកម្មសិទ្ធិបញ្ញាដ៏រឹងមាំ និងកិច្ចសហប្រតិបត្តិការអន្តរជាតិ ដើម្បីជំរុញនវានុវត្តន៍ ឧស្សាហកម្មដែលមានតម្លៃបន្ថែមខ្ពស់ និងបរិវត្តកម្មសេដ្ឋកិច្ចជំរុញដោយបច្ចេកវិទ្យា និងចំណេះដឹង៕អត្ថបទ៖ហ្សាលីន

The post កម្ពុជា កំពុងជំរុញកិច្ចសហប្រតិបត្តិការអន្តរជាតិ ដើម្បីជំរុញនវានុវត្តន៍ និងឧស្សាហកម្ម appeared first on .

កំណត់ហេតុ នៃកិច្ចពិភាក្សានេះ ត្រូវបានចុះហត្ថលេខាដោយ លោករដ្ឋលេខាធិការ ស៊ឹម ស៊ីថា លោក អ៊ិន សាកាន ប្រតិភូរាជរដ្ឋាភិបាល និងជាអគ្គនាយករដ្ឋាករទឹកស្វយ័តក្រុងភ្នំពេញ និងលោក SANUI Kazumasa ប្រធានតំណាងការិយាល័យ JICA ប្រចាំកម្ពុជា។

នេះជាគម្រោងកិច្ចសហប្រតិបត្តិការបច្ចេកទេសទី៦ របស់ JICA ក្នុងវិស័យទឹកស្អាតនៅកម្ពុជា ចាប់តាំងពីឆ្នាំ២០០៣។ គម្រោងមានគោលដៅពង្រឹងក្របខណ្ឌរដ្ឋបាល សមត្ថភាពស្ថាប័ន និងធនធានមនុស្សរបស់ក្រសួង មន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍រាជធានី-ខេត្ត និងប្រតិបត្តិករ ផ្តល់សេវាផ្គត់ផ្គង់ទឹកស្អាត ដើម្បីគាំទ្រការអនុវត្តគោលបំណងគោល នយោបាយដែលបានកំណត់ក្នុងគោលការណ៍ ណែនាំស្តីពីការអភិវឌ្ឍការផ្គត់ផ្គង់ទឹកស្អាតនៅទីប្រជុំជន។

គម្រោងក៏នឹងជំរុញការធ្វើបរិវត្តកម្មឌីជីថលក្នុងវិស័យទឹកស្អាត និងការអភិវឌ្ឍសមត្ថភាពជាបន្តបន្ទាប់ទាំងនៅថ្នាក់ជាតិ និងថ្នាក់រាជធានី-ខេត្ត ដើម្បីរួមចំណែកពង្រីកលទ្ធភាពទទួលបានទឹកស្អាតដែលមានគុណភាព សុវត្ថិភាព និរន្តរភាព និងថ្លៃសមរម្យសម្រាប់ប្រជាពលរដ្ឋ។

សម្រាប់រដ្ឋាករទឹកស្វយ័តក្រុងភ្នំពេញ គម្រោងនឹងគាំទ្រការរៀបចំផែនការមេរហូតដល់ឆ្នាំ២០៥០ ការសិក្សាសមិទ្ធិលទ្ធភាពសម្រាប់គម្រោងអាទិភាពនានា និងពង្រឹងសមត្ថភាពស្ថាប័នរបស់រដ្ឋាករទឹកស្វយ័តក្រុងភ្នំពេញ ក្នុងការអនុវត្តគម្រោងអភិវឌ្ឍប្រព័ន្ធគ្រប់គ្រងឌីជីថលសម្រាប់ហេដ្ឋារចនាសម្ព័ន្ធផ្គត់ផ្គង់ទឹកស្អាត៕អត្ថបទ៖ហ្សាលីន

The post កម្ពុជា-ជប៉ុន រួមគ្នាពង្រឹងសមត្ថភាពគ្រប់គ្រងទឹកស្អាត ប្រតិបត្តិករ និងធនធានមនុស្សនៅកម្ពុជា appeared first on .

គណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ និងក្រុមហ៊ុន ប៊ីល ២៤ បានចុះអនុស្សរណៈយោគយល់ស្តីពីកិច្ចសហប្រតិបត្តិការ ដើម្បីជួយអ្នកសេដ្ឋកិច្ចក្រៅប្រព័ន្ធចាប់យកឧបករណ៍ឌីជីថល ពង្រឹងការគ្រប់គ្រងអាជីវកម្ម និងកសាងកំណត់ត្រាប្រតិបត្តិការដែលអាចទុកចិត្តបាន ដើម្បីបង្កើនលទ្ធភាពទទួលបានសេវាហិរញ្ញវត្ថុផ្លូវការ។

ពិធីចុះហត្ថលេខាលើអនុស្សរណៈនេះត្រូវបានធ្វើឡើងក្រោមអធិបតីភាព លោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធានគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ។

សូមជម្រាបដែរថា ការចុះហត្ថលេខាលើអនុស្សរណៈនេះ គឺគោលដៅសំខាន់មួយនៃកិច្ចសហប្រតិបត្តិការនេះ គឺជួយឱ្យអាជីវកម្មក្រៅប្រព័ន្ធមានកំណត់ត្រាត្រឹមត្រូវអំពីការលក់ ការទូទាត់ និងលំហូរសាច់ប្រាក់៕អត្ថបទ៖ហ្សាលីន  

The post រដ្ឋាភិបាល និងវិស័យឯកជន ចុះMoU រួមគ្នាជួយអ្នកសេដ្ឋកិច្ចក្រៅប្រព័ន្ធចាប់យកឧបករណ៍ឌីជីថល appeared first on .

ក្រសួងឧស្សាហកម្ម និងស្ថានទូតសិង្ហបុរីប្រចាំកម្ពុជា បានសហការរៀបចំវគ្គបណ្តុះបណ្តាលរយៈពេល៥ថ្ងៃ ដើម្បីពង្រឹងប្រព័ន្ធសុវត្ថិភាពម្ហូបអាហារ ជំរុញការកែច្នៃកសិផល និងគាំទ្រសហគ្រាសកម្ពុជាក្នុងការផលិតអាហារដែលមានគុណភាព និងត្រៀមសម្រាប់ការនាំចេញ ព្រមទាំងផ្តោតលើការពង្រឹងចំណេះដឹងស្តីពីការគ្រប់គ្រងសុវត្ថិភាពម្ហូបអាហារ ការរក្សាទុកផលិតផលអាហារ ការបង្កើនតម្លៃបន្ថែម និងផលិតកម្មអាហារប្រកបដោយចីរភាព។

ថ្លែងក្នុងពិធីបើកវគ្គបណ្តុះបណ្តាល លោក ហែម វណ្ណឌី រដ្ឋមន្ត្រីក្រសួងឧស្សាហ បានសង្កត់ធ្ងន់លើសារសំខាន់នៃការកសាងប្រព័ន្ធសុវត្ថិភាពម្ហូបអាហារដ៏រឹងមាំមួយ សម្រាប់ការពារសុខភាពសាធារណៈ កសាងទំនុកចិត្តអ្នកប្រើប្រាស់ និងលើកកម្ពស់ភាពប្រកួតប្រជែងនៃវិស័យឧស្សាហកម្ម និងសហគ្រាសធុនតូចនិងមធ្យម។លោកបន្តងថា៖ “ការវិនិយោគលើសុវត្ថិភាពម្ហូបអាហារមិនត្រឹមតែជាការវិនិយោគលើសុខុមាលភាពរបស់អ្នកប្រើប្រាស់នាពេលបច្ចុប្បន្នប៉ុណ្ណោះទេ ប៉ុន្តែក៏ជាការវិនិយោគលើកេរ្តិ៍ឈ្មោះរយៈពេលវែង និងអនាគតសេដ្ឋកិច្ចរបស់យើងផងដែរ។”

បន្ថែមពីនេះ លោករដ្ឋមន្ត្រីបានគូសបញ្ជាក់ពីភាពចាំបាច់ក្នុងការកាត់បន្ថយការបាត់បង់ក្រោយពេលប្រមូលផល ការចាប់យកបច្ចេកវិទ្យាកែច្នៃ និងវេចខ្ចប់ទំនើប ភាពអនុលោមតាមស្តង់ដាអន្តរជាតិ និងការលើកកម្ពស់ផលិតកម្មដែលប្រើប្រាស់ធនធានប្រកបដោយប្រសិទ្ធភាព។ អាទិភាពទាំងនេះនឹងគាំទ្រដល់បរិវត្តកម្មរបស់កម្ពុជា ពីផលិតកម្មមូលដ្ឋានបែបប្រពៃណី ឆ្ពោះទៅរកការផលិតដែលមានតម្លៃបន្ថែមខ្ពស់។

ជាមួយគ្នានេះ ឯកអគ្គរដ្ឋទូតសិង្ហបុរី បានបញ្ជាក់ថា កម្មវិធីនេះត្រូវបានរៀបចំឡើងជាពិសេស ដើម្បីឆ្លើយតបទៅនឹងអាទិភាពរបស់ក្រសួង និងបង្ហាញពីដំណាក់កាលថ្មីនៃកិច្ចសហប្រតិបត្តិការទ្វេភាគី ក្នុងការកសាងសមត្ថភាពផលិតអាហារ។

លោកបន្តឡើងថា ផលិតផលកសិកម្មដ៏សម្បូរបែបរបស់កម្ពុជាផ្តល់នូវឱកាសដ៏ធំធេងសម្រាប់ការបង្កើតតម្លៃបន្ថែម តាមរយៈការកែច្នៃ ការរក្សាទុក និងការអនុវត្តសុវត្ថិភាពម្ហូបអាហារឱ្យកាន់​តែ​ប្រសើរ។

សូមជម្រាប់ដែរថា វគ្គបណ្តុះបណ្តាលនេះក៏គាំទ្រដល់កិច្ចខិតខំប្រឹងប្រែងរបស់ក្រសួងឧស្សាហកម្ម ក្នុងការពង្រឹងហេដ្ឋារចនាសម្ព័ន្ធគុណភាពជាតិ ដែលរួមមានស្តង់ដារូបនីយកម្ម មាត្រាសាស្ត្រ ការវាយតម្លៃទទួលស្គាល់ និងការធ្វើតេស្តវិភាគរបស់មន្ទីរពិសោធន៍ ព្រមទាំងជួយគាំទ្រសហគ្រាសធុនមីក្រូ តូច និងមធ្យម ក្នុងការលើកកម្ពស់គុណភាពផលិតផល និងឈានទៅកាន់ទីផ្សារក្នុងតំបន់ និងអន្តរជាតិ។

មជ្ឈមណ្ឌលសហប្រតិបត្តិការកម្ពុជា-សិង្ហបុរី ត្រូវបានបង្កើតឡើងក្នុងឆ្នាំ២០០២ និងត្រូវបានលើកកម្រិតនៅឆ្នាំ២០១៨ ដែលឆ្លុះបញ្ចាំងពីភាពជាដៃគូដ៏យូរអង្វែងរវាងកម្ពុជា និងសិង្ហបុរី។ រហូតមកដល់បច្ចុប្បន្ន មន្ត្រីរាជការកម្ពុជាជាង ១៩.០០០នាក់ បានទទួលអត្ថប្រយោជន៍ពីកម្មវិធីកសាងសមត្ថភាពរបស់មជ្ឈមណ្ឌលនេះ៕ អត្ថបទ៖ហ្សាលីន

The post កម្ពុជា-សិង្ហបុរី រួមគ្នាពង្រឹងប្រព័ន្ធសុវត្ថិភាពម្ហូបអាហារ និងគាំទ្រសហគ្រាសកម្ពុជា appeared first on .

សមិទ្ធផលសំខាន់ៗនៃគម្រោង រួមមាន៖ ការរៀបចំគោលការណ៍ណែនាំអភិវឌ្ឍន៍, គោលដៅគោលនយោបាយចំនួន ២១, ផែនការអភិវឌ្ឍន៍ទឹកស្អាតថ្នាក់ខេត្តគំរូ (កំពត និងព្រៃវែង), ផែនការមេរដ្ឋាករទឹកកំពត ព្រមទាំងការបណ្តុះបណ្តាលបង្កើនសមត្ថភាពមន្ត្រីជំនាញនៅកម្ពុជា និងប្រទេសជប៉ុន។

លោក ហែម វណ្ណឌី រដ្ឋមន្ត្រីក្រសួងឧស្សាហកម្ម មានប្រសាសន៍ថា ឯកសារទាំងនេះជាឧបករណ៍គ្រប់គ្រងជាក់ស្តែងដែលនឹងរួមចំណែកដល់ការអភិវឌ្ឍវិស័យទឹកស្អាតកម្ពុជារហូតដល់ឆ្នាំ២០៤០។ ទន្ទឹមនឹងនេះ លោក Sanui Kazumasa ប្រធានតំណាង JICA ប្រចាំកម្ពុជា បានបញ្ជាក់សារជាថ្មីពីការប្តេជ្ញាចិត្តរបស់ JICA ក្នុងការបន្តគាំទ្រកម្ពុជា ដើម្បីពង្រីកការផ្គត់ផ្គង់ទឹកស្អាតប្រកបដោយសុវត្ថិភាព និងនិរន្តរភាព៕

The post ក្រសួងឧស្សាហកម្ម និង JICA ផ្សព្វផ្សាយលទ្ធផលគម្រោងអភិវឌ្ឍន៍វិស័យទឹកស្អាតទីប្រជុំជន ដើម្បីពង្រឹងការគ្រប់គ្រងរហូតដល់ឆ្នាំ២០៤០ appeared first on .

ផែនការនេះផ្តល់នូវក្របខ័ណ្ឌសម្រាប់ពង្រឹងសមត្ថភាពស្ថាប័ន ពង្រីកសេវាកម្មសម្រាប់វិស័យឯកជន និងស្ថាប័នសាធារណៈ ព្រមទាំងពង្រឹងតួនាទីរបស់មជ្ឈមណ្ឌល ក្នុងការជំរុញផលិតភាព គុណភាព និងនវានុវត្តន៍ក្នុងសេដ្ឋកិច្ចកម្ពុជា។

នាឱកាសនោះ លោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានសង្កត់ធ្ងន់ លើសារសំខាន់នៃការលើកកម្ពស់ផលិតភាព សម្រាប់បរិវត្តកម្មសេដ្ឋកិច្ចរយៈពេលវែងរបស់កម្ពុជា។ លោកលើកឡើងថា៖ “ ដើម្បីចាកចេញពីឋានៈជាប្រទេសដែលមានការអភិវឌ្ឍតិចតួចដោយជោគជ័យ កម្ពុជាត្រូវរៀបចំខ្លួនចាប់ពីពេលនេះ តាមរយៈការពង្រឹងសមត្ថភាព ផលិតភាព និងគុណភាពផលិតផល និងសេវាកម្ម។ ផលិតភាពគឺជាកត្តាសំខាន់ដែលស្ថាប័នរដ្ឋ ក្រុមហ៊ុន និងសហគ្រាសឯកជន ត្រូវយកចិត្តទុកដាក់ ដើម្បីជួយកាត់បន្ថយចំណាយ បង្កើនទិន្នផល និងលើកកម្ពស់ប្រសិទ្ធភាពការងារ។”

ក្នុងរយៈពេលជាងពីរទសវត្សរ៍កន្លងមក មជ្ឈមណ្ឌលផលិតភាពជាតិនៃកម្ពុជា បានសហការយ៉ាងជិតស្និទ្ធជាមួយអង្គការ APO ក្នុងការជំរុញលើកកម្ពស់ផលិតភាពដល់រោងចក្រ សហគ្រាស និងសិប្បកម្ម តាមរយៈ​ការផ្សព្វផ្សាយ និងអនុវត្តឧបករណ៍ផលិតភាព និងប្រព័ន្ធគ្រប់គ្រងដែលទទួលស្គាល់ជាអន្តរជាតិ រួមមាន ស៥, Kaizen, ផលិតកម្ម Lean, ផលិតកម្មស្អាត, ការគ្រប់គ្រងពុទ្ធិ និងស្តង់ដារ ISO ជាដើម។

លោក Indra Pradana Singawinata អគ្គលេខាធិការនៃអង្គការផលិតភាពអាស៊ី ក៏បានលើកឡើងថា៖ “អង្គការផលិតភាពអាស៊ីសង្ឃឹមថា ផែនការអភិវឌ្ឍសមត្ថភាពស្ថាប័ននេះ នឹងជួយមជ្ឈមណ្ឌលផលិតភាពជាតិនៃកម្ពុជាឱ្យអភិវឌ្ឍខ្លួន ក្លាយជាស្ថាប័នមួយដែលមានឥទ្ធិពល ក្នុងការជំរុញផលិតភាព និងនវានុវត្តន៍ នៅទូទាំងប្រទេសកម្ពុជា។ យើងនឹងបន្តធ្វើការយ៉ាងជិតស្និទ្ធជាមួយកម្ពុជា ដើម្បីជំរុញកំណើនសេដ្ឋកិច្ចដែលផ្អែកលើផលិតភាព។”

The post មជ្ឈមណ្ឌលផលិតភាពជាតិនៃកម្ពុជា ចាប់ផ្តើមអនុវត្តផែនការអភិវឌ្ឍសមត្ថភាពស្ថាប័នថ្មី ដើម្បីពង្រីក សេវាលើកកម្ពស់ផលិតភាព appeared first on .