ក្រុងបូកគោ

អ្នកឧកញ៉ា សុខ គង់ ចាយលុយខ្ទង់ ៥០០លានដុល្លារអភិវឌ្ឍទីក្រុងបូកគោ

ឧកញ៉ាកោះក្របី — Sun, 04 Sep 2022 10:58:53 +0000

តាមរយៈក្រុមហ៊ុន សុខាអូតែល អ្នកឧកញ៉ា សុខ គង់ បានចំណាយថវិកាអភិវឌ្ឍន៍អស់ចន្លោះពី ៤០០-៥០០ លានដុល្លារលើគម្រោងអភិវឌ្ឍន៍ទីក្រុងបូកគោថ្មី ដែលមានផ្ទៃដី ៣០ពាន់ហិកតានៅក្នុងឧទ្យានជាតិភ្នំបូកគោ ចាប់តាំងពីទទួលបានសិទ្ធិវិនិយោគពីរដ្ឋាភិបាល។

កាសែតភ្នំពេញប៉ុស្តិ៍ បានស្រង់សម្តីអ្នកឧកញ៉ា សុខ គង់ កាលពីពេលថ្មីៗកន្លងទៅយ៉ាងដូច្នេះថា៖ បើគិតពីការអភិវឌ្ឍតាំងពីដើមដំបូង រាប់ទាំងសណ្ឋាគារ កាស៊ីណូ ផ្លូវឡើងភ្នំ និងហេដ្ឋារចនាសម្ព័ន្ធជាច្រើនទៀត ក្រុមហ៊ុនរបស់អ្នកឧកញ៉ាបានវិនិយោគអស់ទឹកប្រាក់ចន្លោះពី ៤០០ ទៅ ៥០០ លានដុល្លារហើយមកដល់ពេលនេះ។

អ្នកឧកញ៉ាបន្តថា បន្ទាប់ពីទទួលបានការយល់ព្រមពីរដ្ឋាភិបាលក្នុងការជួលដីឱ្យក្រុមហ៊ុនសុខាអូតែល អភិវឌ្ឍរហូតដល់ថ្ងៃទី ៣១ ខែ សីហា ឆ្នាំ ២១០៩ រួចមក ក្រុមហ៊ុនបានខិតខំធ្វើកិច្ចការជាច្រើន ដើម្បីធ្វើយ៉ាងណាអភិវឌ្ឍទីក្រុងបូកគោឱ្យក្លាយជាកន្លែងដែលមានភាពទាក់ទាញខ្លាំងទាំងសម្រាប់ការកម្សាន្ត ស្នាក់នៅ និងវិនិយោគ។

អ្នកឧកញ៉ា សុខ គង់ បន្ថែមថា ដោយសារគម្រោងនេះមានទំហំធំ និងប្រើពេលអភិវឌ្ឍន៍យូរ ដូច្នេះក្រុមហ៊ុនលោកក៏ប្រកាសបើកទទួលការចូលរួមវិនិយោគពីសំណាក់វិនិយោគិនក្នុងស្រុក និងបរទេស ព្រមទាំងអាជ្ញាធរដើម្បីជួយឱ្យគម្រោងនេះអាចសម្រេចបានតាមផែនការមេកំណត់ផងដែរ៕

The post អ្នកឧកញ៉ា សុខ គង់ ចាយលុយខ្ទង់ ៥០០លានដុល្លារអភិវឌ្ឍទីក្រុងបូកគោ appeared first on .

ទម្លាយឯកសារ ដាក់ឲ្យប្រើប្រាស់ប្លង់គោលប្រើប្រាស់ដីគម្រោងអភិវឌ្ឍក្រុងបូកគោ

ឧកញ៉ាកោះក្របី — Thu, 24 Mar 2022 10:51:28 +0000

ការអភិវឌ្ឍតំបន់បូកគោ នៅប៉ុន្មានឆ្នាំនេះឃើញថារីកចម្រើនរីរាលដាលគួរឲ្យកត់សម្គាល់ ខណៈដែលរដ្ឋាភិបាលកម្ពុជា ក៏បានដាក់ឲ្យប្រើប្រាស់ប្លង់គោលប្រើប្រាស់ដីគម្រោងអភិវឌ្ឍក្រុងបូកគោ ដែលជាទីក្រុងឆ្លាតវៃ និងជាទីក្រុងទេសចរណ៍ប្រវត្តិសាស្ត្រ ដែលនឹងក្លាយជាទីតាំងផ្សារភ្ជាប់តំបន់ឆ្នេរនៃច្រករបៀងទេសចរណ៍ភាគខាងត្បូង។

បើតាមអនុក្រឹត្យដាក់ឨ្យប្រើប្រាស់ប្លង់គោលប្រើប្រាស់ដីគម្រោងអភិវឌ្ឍក្រុងបូកគោ ត្រូវបានចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្រ្តី កាលពីថ្ងៃទី ២៨ ខែ មិថុនា ឆ្នាំ ២០១៩ បានបង្ហាញថា ដីក្នុងប្លង់គោលគម្រោងអភិវឌ្ឍក្រុងបូកគោ ត្រូវបែងចែកជា ៩ តំបន់ រួមមាន តំបន់លំនៅឋាន តំបន់ពាណិជ្ជកម្ម តំបន់ចម្រុះ តំបន់ដឹកជញ្ជូន តំបន់ទេសចរណ៍ តំបន់រដ្ឋបាលសាធារណៈ តំបន់លំហសាធារណៈ និងផ្ទៃបៃតង តំបន់វប្បធម៌ និងសាសនា និងតំបន់ហេដ្ឋារចនាសម្ព័ន្ធបច្ចេកទេស។

រមណីយដ្ឋានឧទ្យានជាតិភ្នំបូកគោ មានផ្ទៃដីសរុប ១៥៤ ៤៥៤ ហិកតា ក្នុងនោះប្រភេទដីអាចសាងសង់បានមានទំហំ ២៧ ៩៤៣ ហិកតា និងប្រភេទដីកម្រិតការសាងសង់មានចំនួន ១២៦ ៥១៥ ហិកតា ខណៈទំហំ ១៨ ៩៨៧ ហិកតា ត្រូវបានគ្រប់គ្រងដោយក្រុមហ៊ុន សុខាអូតែល របស់អ្នកឧកញ៉ា សុខ គង់។ នេះបើតាមអនុក្រឹត្យ។

អនុក្រឹត្យដដែរបញ្ជាក់ថា ប្លង់គោលប្រើប្រាស់ដីគម្រោងអភិវឌ្ឍក្រុងបូកគោ អាចធ្វើការកែសម្រួលក្នុងរយៈពេល ៥ ឆ្នាំម្តង ក្នុងករណីចាំបាច់នៃអភិវឌ្ឍសេដ្ឋកិច្ច និងសង្គម។

គួររម្លឹកថា ក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី១៧ ខែមិថុនា ឆ្នាំ២០២១កន្លងទៅ បានចេញអនុក្រឹត្យស្ដីពីការដាក់ឱ្យប្រើប្រាស់ប្លង់គោលប្រើប្រាស់ដីគម្រោងអភិវឌ្ឍក្រុងបូកគោ។

តាមរយៈប្លង់គោលប្រើប្រាស់ដីគម្រោងអភិវឌ្ឍក្រុងបូកគោចក្ខុវិស័យឆ្នាំ២០៣៥ ផ្ទៃដីជិត៣ម៉ឺនហិកតា ដែលមានទីតាំងស្ថិតក្នុងឧទ្យានជាតិព្រះមុនីវង្សបូកគោ នៃភូមិសាស្រ្តខេត្តកំពត ខេត្តព្រះសីហនុ និងខេត្តកំពង់ស្ពឺ នឹងត្រូវយកមកអភិវឌ្ឍន៍ ក្នុងគោលដៅធានាការគ្រប់គ្រង និងអភិវឌ្ឍន៍ក្រុងបូកគោប្រកបដោយចីរភាព។ ផ្ទៃដីនេះស្មើនឹង១៨%នៃផ្ទៃឧទ្យានជាតិព្រះមុនីវង្សបូកគោទំហំជាង១៥ម៉ឺនហិកតា៕

The post ទម្លាយឯកសារ ដាក់ឲ្យប្រើប្រាស់ប្លង់គោលប្រើប្រាស់ដីគម្រោងអភិវឌ្ឍក្រុងបូកគោ appeared first on .

រដ្ឋបំបែកទីតាំងអាគាររដ្ឋបាលក្រុងបូកគោថ្មីជា២កន្លែង ខណៈសម្តេច ស ខេង ថា ភូមិសាស្ត្រក្រុងបច្ចុប្បន្នមានធំទូលាយ

ឧកញ៉ាកោះក្របី — Tue, 08 Feb 2022 03:42:47 +0000

សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានគូសបញ្ជាក់ថា ភូមិសាស្ត្រក្រុងបូកគោបច្ចុប្បន្នមានធំទូលាយ ប៉ុន្តែនៅថ្ងៃអនាគត ក្រុងថ្មីនេះអាចនឹងមានប្រជាជនមករស់នៅកាន់តែច្រើន ពិសេសនៅលើភ្នំបូកគោដែលកំពុងមានការអភិវឌ្ឍ។ សម្តេចក្រឡាហោម មានប្រសាសន៍បែបនេះក្នុងពេលចុះពិនិត្យទីតាំងសាងសង់អគាររដ្ឋសាលាក្រុងបូកគោថ្មី នៅខេត្តកំពត នាថ្ងៃចន្ទ ទី០៧ កុម្ភៈម្សិលមិញ។

បើតាមសម្តេចក្រឡាហោម ដើម្បីបង្កើនភាពងាយស្រួល និងឆាប់រហ័សក្នុងការបម្រើសេវាផ្សេងៗជូនប្រជាពលរដ្ឋ រដ្ឋបានសម្រេចរៀបចំទីតាំងអគាររដ្ឋបាលក្រុងបូកគោជា២កន្លែង គឺនៅសាលាក្រុងចាស់ក្បែរច្រកចូលឧទ្យានជាតិព្រះមុនីវង្សបូកគោ និងនៅក្បែរកាស៊ីណូចាស់លើភ្នំបូកគោ។

ជាមួយគ្នានេះដែរ សម្តេចបានណែនាំឲ្យអាជ្ញាធរខេត្ត និងក្រសួងមហាផ្ទៃពិភាក្សាគ្នា ថាតើការិយាល័យជំនាញណាខ្លះត្រូវនៅរដ្ឋបាលក្រុងទីតាំងខាងក្រោម និងការិយាល័យណាខ្លះត្រូវនៅរដ្ឋបាលក្រុងទីតាំងខាងលើ ឬក៏ចាំបាច់ត្រូវមានទាំងពីរទីតាំង។ លើសពីនេះសម្តេចបានជំរុញឲ្យក្រុមការងារពាក់ព័ន្ធនឹងពន្លឿការគូរប្លង់ទីតាំងសាលាក្រុងបូកគោ ផ្នែកខាងក្រោមដើម្បីរៀបចំកសាងកន្លែងធ្វើការងារឲ្យបានត្រឹមត្រូវ និងសមរម្យដូចបណ្តាក្រុងផ្សេងៗដែរ។

គួររម្លឹកជូនថា រដ្ឋាភិបាលកម្ពុជា បានសម្រេចបង្កើតក្រុងបូកគោថ្មី ស្ថិតក្នុងខេត្តកំពត ដើម្បីបង្កើតទីប្រជុំជនថ្មី និងទាក់ទេញភ្ញៀវទេសចរ។ ក្នុងអនុក្រឹត្យចុះថ្ងៃទី៣០ ខែមីនា ឆ្នាំ២០២១ រដ្ឋាភិបាលសម្រេចបង្កើត«ក្រុងបូកគោ»នៃខេត្តកំពត ដោយបានកាត់យកឃុំចំនួន៣ ពីស្រុកទឹកឈូ រួមមាន ឃុំបឹងទូក ឃុំកោះតូច និងឃុំព្រែកត្នោត ឱ្យស្ថិតក្រោមការគ្រប់គ្រងរបស់ក្រុងបូកគោវិញ។

ការបង្កើតក្រុងថ្មីនេះ នឹងធ្វើឱ្យក្រុងនៅខេត្តកំពតកើនដល់២ ដែលក្នុងនោះរួមមាន «ក្រុងកំពត» និង «ក្រុងបូកគោ» ដែលទើបបង្កើតថ្មីនេះ ខណៈស្រុកក្នុងខេត្តនេះមានចំនួន៧ គឺស្រុកទឹកឈូ ស្រុកកំពង់ត្រាច ស្រុកឈូក ស្រុកបន្ទាយមាស ស្រុកអង្គរជ័យ ស្រុកដងទង់ និងស្រុកជុំគិរី៕

The post រដ្ឋបំបែកទីតាំងអាគាររដ្ឋបាលក្រុងបូកគោថ្មីជា២កន្លែង ខណៈសម្តេច ស ខេង ថា ភូមិសាស្ត្រក្រុងបច្ចុប្បន្នមានធំទូលាយ appeared first on .

រដ្ឋបាលខេត្តនិងអ្នកជំនាញដីធ្លីសង្ឃឹមថា ក្រោយបើកដំណើរការក្រុងបូកគោនឹងមានគម្រោងវិនិយោគចូលមកបោះទុននៅជុំវិញទីក្រុងថ្មីនេះ

ឧកញ៉ាកោះក្របី — Sat, 07 Aug 2021 09:39:58 +0000

នៅដើមខែមីនា ឆ្នាំ២០២១ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានចេញអនុក្រឹត្យបង្កើតក្រុងបូកគោថ្មីសន្លាងមួយនៃខេត្តកំពត ដែលកាត់ចេញពីឃុំចំនួន ០៣ ពីស្រុកទឹកឈូក គឺឃុំបឹងទូក ឃុំកោះតូច និងឃុំព្រែកត្នោត ដើម្បីឱ្យមានភាពងាយស្រួលក្នុងការគ្រប់គ្រង និងការអភិវឌ្ឍឱ្យកាន់តែមានការរីកចម្រើនបន្ថែមទៀត។

ជាមួយគ្នានេះដែរ លោកស្រី ងិន ផលរ័ត្ន ត្រូវបានរាជរដ្ឋាភិបាលចេញអនុក្រឹត្យតែងតាំងជាអភិបាលនៃគណៈអភិបាលក្រុងបូកគោ កាលពីខែកក្កដាកន្លងទៅ។

សូមចុច Subscribe Telegram oknha_news នឹងទទួលបានព័ត៌មានពីសកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

លោក ជាវ តាយ អភិបាលខេត្ត ថ្លែងក្នុងកិច្ចប្រជុំណែនាំជំរុញដល់មន្ត្រីពាក់ព័ន្ធ ដើម្បីត្រៀមលក្ខណៈប្រកាសដាក់ឲ្យដំណើរការរដ្ឋបាលក្រុងបូកគោជាផ្លូវការ កាលពីថ្ងៃទី ០៦ សីហា បានឲ្យដឹងថា នៅថ្ងៃទី ១២ សីហា ខាងមុខនេះ នឹងឈានដល់ការរៀបចំពិធីប្រកាស ដាក់ឲ្យដំណើរការរដ្ឋបាលក្រុងបូកគោជាផ្លូវការ ដើម្បីបម្រើសេវារដ្ឋបាល សេវាសាធារណៈ និង កិច្ចអភិវឌ្ឍន៍មូលដ្ឋាន ជូនតម្រូវការរបស់ប្រជាពលរដ្ឋឲ្យបានកាន់តែល្អប្រសើរថែមទៀត។

លោកអភិបាល បញ្ជាក់ថា ដោយផ្អែកលើសភាពជាក់ស្ដែង ដែលរដ្ឋបាលក្រុងបូកគោ ជាក្រុងមួយទើបបានបង្កើតថ្មី ក្រោមចក្ខុវិស័យវែងឆ្ងាយរបស់ប្រមុខរាជរដ្ឋាភិបាល សម្ដេចតេជោ ហ៊ុន សែន សំដៅធ្វើឲ្យសេដ្ឋកិច្ចសង្គម និង ការលើកកម្ពស់ជីវភាពប្រជាពលរដ្ឋ និង ក្រោមការណែនាំយ៉ាងយកចិត្តទុកដាក់របស់ថ្នាក់ដឹកនាំ នៃក្រសួងមហាផ្ទៃ ក៏ដូចជា សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តែងតែផ្ដល់អនុសាសន៍ជូនដល់រដ្ឋបាលខេត្តឲ្យមានការយកចិត្តទុកដាក់ពីបញ្ហាប្រឈមក្នុងចំណុចចាប់ផ្ដើម ដើម្បីជំរុញដំណើរការដល់រដ្ឋបាលក្រុងបូកគោ ដែលពុំទាន់មានអគាររដ្ឋបាលនៅឡើយ ដោយធ្វើយ៉ាងណាឲ្យរដ្ឋបាលក្រុងបូកគោ ប្រព្រឹត្តទៅក្នុងជំហានដំបូងនេះ បានបម្រើទាំងប្រយោជន៍សេវារដ្ឋបាល សេវាសាធារណៈផ្សេងៗ ជូនប្រជាពលរដ្ឋឲ្យបានល្អ។

ទាក់ទងនឹងការបង្កើតក្រុងថ្មីនេះ នាយករដ្ឋបាលខេត្តកំពត លោក វិត វឌ្ឍនា មានប្រសាសន៍ថា៖ ការបង្កើតទីក្រុងបូកគោនៅក្នុងខេត្តកំពតនឹងជួយឱ្យការអភិវឌ្ឍនៅទីនោះមានភាពល្អប្រសើរខ្លាំងជាងតំបន់ផ្សេងៗទៀត ជាពិសេសផ្នែកហេដ្ឋារចនាសម្ព័ន្ធដូចជាផ្លូវ ទឹក និងភ្លើ្លងជាដើម។ លើសពីនេះ តម្លៃដីនៅទីនោះក៏នឹងមានសន្ទុះខ្លាំងផងដែរ ដោយសារតែគេសង្ឃឹមថានឹងមានគម្រោងវិនិយោគមួយចំនួនចូលមកបោះទុននៅក្នុង និងនៅបរិវេណជុំវិញទីក្រុងបូកគោនេះ។

ឯកឧត្តមឧកញ៉ា ផន វណ្ណិត អនុប្រធានសមាគមអ្នកអភិវឌ្ឍន៍ដីឡូតិ៍នៅកម្ពុជា បានថ្លែងថា៖ ជារឿងល្អបំផុតដែលរាជរដ្ឋាភិបាល បានបង្កើតក្រុងបូកគោថ្មី នៅក្នុងខេត្តកំពតដែលនឹងជួយលើកមុខមាត់ខេត្តមួយនេះ។ មិនតែប៉ុណ្ណោះ នឹងធ្វើឲ្យមានការរីកចម្រើនលើវិស័យសង្គមកិច្ច និងសេដ្ឋកិច្ចដល់ប្រជាពលរដ្ឋនៅតំបន់បូកគោ។

ឯកឧត្តមបានបញ្ជាក់ថា នៅពេលដែលបង្កើតក្រុងថ្មី សេដ្ឋកិច្ចនៅតំបន់នោះកាន់តែរីកចម្រើន ហើយការអភិវឌ្ឍន៍ផ្សេងៗ ទាំងហេដ្ឋារចនាសម្ព័ន្ធ ផ្លូវថ្នល់ និងការរក្សាសន្តិសុខនៅតំបន់បូកគោរឹតតែមានភាពល្អប្រសើរឡើងថែមទៀត។

ទន្ទឹមនឹងនេះដែរ លោកអភិបាលខេត្ត ជាវ តាយ បានណែនាំដល់មន្ត្រីពាក់ព័ន្ធ ពិសេសមន្ត្រីរដ្ឋបាលក្រុងបូកគោ ដែលទើបបង្កើតថ្មីនេះ ត្រូវតែយកចិត្តទុកដាក់សហការគ្នាប្រើធនធានដែលមានស្រាប់ឲ្យអស់លទ្ធភាព ជម្នះនូវបញ្ហាប្រឈមខ្វះខាតចំពោះមុខ នៃចំណុចចាប់ផ្ដើមរដ្ឋបាលក្រុងដំបូងនេះឲ្យបានល្អ និង ត្រូវឈានដល់ជំហានបន្តបន្ទាប់ទៀត រដ្ឋបាលក្រុង នឹងកសាង អភិវឌ្ឍន៍ហេដ្ឋារចនាសម្ព័ន្ធរដ្ឋបាលរបស់ខ្លួន ឲ្យមានលក្ខណៈល្អប្រសើរ ដើម្បីបម្រើប្រយោជន៍សេវារដ្ឋបាល និងសេវាសាធារណៈ ព្រមទាំងកិច្ចអភិវឌ្ឍន៍ក្នុងមូលដ្ឋានឲ្យបានកាន់តែរីកចម្រើនបន្ថែមទៀត។

គួរបញ្ជាក់ថា រដ្ឋបាលខេត្តបានយកសណ្ឋាគារមួយកន្លែង ដែលផ្ដល់ដោយឯកជន ជាប់ផ្លូវជាតិលេខ ៣ ទល់ចំណុចប្រសព្វផ្លូវឡើងឧទ្យានព្រះមុនីវង្សបូកគោ ស្ថិតក្នុងសង្កាត់បឹងទូក ធ្វើជាទីតាំងអគាររដ្ឋបាលក្រុងបូកគោ សម្រាប់បម្រើការងារជូនប្រជាពលរដ្ឋ៕

The post រដ្ឋបាលខេត្តនិងអ្នកជំនាញដីធ្លីសង្ឃឹមថា ក្រោយបើកដំណើរការក្រុងបូកគោនឹងមានគម្រោងវិនិយោគចូលមកបោះទុននៅជុំវិញទីក្រុងថ្មីនេះ appeared first on .

ក្រុងថ្មីទើបបង្កើត ត្រូវបានរដ្ឋាភិបាលតែងតាំងលោកស្រី ងិន ផលរ័ត្ន ជាអភិបាលក្រុង

ឧកញ៉ាកោះក្របី — Thu, 29 Jul 2021 04:55:51 +0000

រដ្ឋាភិបាលកម្ពុជា បានសម្រេចចេញអនុក្រឹត្យតែងតាំង លោកស្រី ងិន ផលរ័ត្ន ជាអភិបាលក្រុងបូកគោ នៃខេត្តកំពត ដែលទើបនឹងបង្កើតថ្មីៗ។

ពិស្តារខាងក្រោម៖

The post ក្រុងថ្មីទើបបង្កើត ត្រូវបានរដ្ឋាភិបាលតែងតាំងលោកស្រី ងិន ផលរ័ត្ន ជាអភិបាលក្រុង appeared first on .

រដ្ឋាភិបាលត្រៀមផ្ទៃដីជិត៣ម៉ឺនហិកតានៅក្រុងបូកគោដើម្បីរៀបចំអភិវឌ្ឍន៍ជាទីក្រុងឆ្លាតវៃ

ឧកញ៉ាកោះក្របី — Thu, 17 Jun 2021 01:47:42 +0000

រដ្ឋត្រៀមផ្ទៃដីជិត ៣ម៉ឺនហិកតា នៅក្រុងបូកគោដើម្បីរៀបចំអភិវឌ្ឍន៍ជាទីក្រុងឆ្លាតវៃ នេះបើតាមក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី១៧ ខែមិថុនា នេះ បានចេញអនុក្រឹត្យស្ដីពីការដាក់ឱ្យប្រើប្រាស់ប្លង់គោលប្រើប្រាស់ដីគម្រោងអភិវឌ្ឍក្រុងបូកគោ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

យោងតាមប្លង់គោលប្រើប្រាស់ដីគម្រោងអភិវឌ្ឍក្រុងបូកគោចក្ខុវិស័យឆ្នាំ២០៣៥ ផ្ទៃដីជិត៣ម៉ឺនហិកតា ដែលមានទីតាំងស្ថិតក្នុងឧទ្យានជាតិព្រះមុនីវង្សបូកគោ នៃភូមិសាស្រ្តខេត្តកំពត ខេត្តព្រះសីហនុ និងខេត្តកំពង់ស្ពឺ នឹងត្រូវយកមកអភិវឌ្ឍន៍ ក្នុងគោលដៅធានាការគ្រប់គ្រង និងអភិវឌ្ឍន៍ក្រុងបូកគោប្រកបដោយចីរភាព។ ផ្ទៃដីនេះស្មើនឹង១៨%នៃផ្ទៃឧទ្យានជាតិព្រះមុនីវង្សបូកគោទំហំជាង១៥ម៉ឺនហិកតា។

គម្រោងអភិវឌ្ឍក្រុងបូកត្រូវបានបែងចែកជា៨ទីតាំងធំៗ ដែលនឹងត្រូវរៀបចំអភិវឌ្ឍន៍ជាទីក្រុងឆ្លាតវៃ និងទេសចរណ៍ប្រវត្តសាស្រ្ត និងធម្មជាតិ។

គួររម្លឹកថា កាលពីខែមីនា ឆ្នាំ២០២១ រាជរដ្ឋាភិបាលកម្ពុជា បានសម្រេចបង្កើតតំបន់បូកគោនៃខេត្តកំពតជាក្រុងបូកគោថ្មីដោយត្រូវកាត់យកឃុំចំនួន ៣ ចេញពីស្រុកទឹកឈូ ខេត្តកំពត គឺឃុំបឹងទូក ឃុំកោះតូច និងឃុំព្រែកត្នោត ដើម្បីឱ្យមានភាពងាយស្រួលក្នុងការគ្រប់គ្រង និងការអភិវឌ្ឍឱ្យកាន់តែមានការរីកចម្រើនបន្ថែមទៀត។

ក្រុងថ្មីនេះនឹងកាន់កាប់ដីប្រហែល៥ភាគរយនៅក្នុងឧទ្យានជាតិបូកគោ ឬប្រហែល ៩.០០០ ហិកតា៕

The post រដ្ឋាភិបាលត្រៀមផ្ទៃដីជិត៣ម៉ឺនហិកតានៅក្រុងបូកគោដើម្បីរៀបចំអភិវឌ្ឍន៍ជាទីក្រុងឆ្លាតវៃ appeared first on .

អគាររដ្ឋបាលក្រុងបូកគោគ្រោងសាងសង់នៅជិតប៉ុស្តិ៍ត្រួតពិនិត្យផ្លូវឡើងរមណីយដ្ឋានឋានសួគ៌បូកគោ

ឧកញ៉ាសម្រែ — Mon, 07 Jun 2021 08:47:26 +0000

នៅព្រឹកមិញនេះលោក ជាវ តាយ អភិបាលខេត្តកំពត និងអ្នកឧកញ៉ា សុខ គង់ អគ្គនាយកក្រុមហ៊ុនសុខា hotel group បានចុះពិនិត្យកំណត់ជ្រើសរើសទីតាំងសម្រាប់សាងសង់អគាររដ្ឋបាលក្រុងបូកគោថ្មី ស្ថិតនៅជិតប៉ុស្តិ៍ត្រួតពិនិត្យផ្លូវឡើងរមណីយដ្ឋានឋានសួគ៌បូកគោ ក្នុងឃុំបឹងទូក ស្រុកទឹកឈូ ខេត្តកំពត។

ការជ្រើសរើសអគាររដ្ឋបាលរបស់ក្រុងបូកគោ ធ្វើយ៉ាងណាឱ្យមានលក្ខណៈសមរម្យងាយស្រួល បំរើសេវាជូនប្រជាពលរដ្ឋបានល្អ ក៏ដូចជាការងារដឹកនាំក្នុងកិច្ចអភិវឌ្ឍ ក្នុងតំបន់ដែលមានសក្ដានុពលនេះផងដែរ។

ចំពោះទីតាំងសាងសង់អាគាររដ្ឋបាលគួរអនុវត្តលើប្លង់គោលមេ មានការប្រមូលផ្ដុំការិយាល័យចំណុះក្នុងអាគាររដ្ឋបាលតែមួយ និងមានការគិតគូរទីតាំងទុកដីសម្រាប់ អភិវឌ្ឍន៍ហេដ្ឋារចនាសម្ព័ន្ធរដ្ឋបាល នៅពេលការអភិវឌ្ឍន៍ រីកចម្រើនខាងមុខបន្តទៀត។ ដោយឡែក ទីតាំងសម្រាប់អធិការដ្ឋាននគរបាលក្រុង ក៏គួរយកទីតាំងឱ្យបានសមរម្យដាច់ដោយឡែកពីសាលាក្រុងសម្រាប់បម្រើការងារសន្តិសុខ សណ្ដាប់ធ្នាប់សាធារណៈឲ្យបានល្អ៕

The post អគាររដ្ឋបាលក្រុងបូកគោគ្រោងសាងសង់នៅជិតប៉ុស្តិ៍ត្រួតពិនិត្យផ្លូវឡើងរមណីយដ្ឋានឋានសួគ៌បូកគោ appeared first on .

ការបង្កើតទីក្រុងបូកគោថ្មី នឹងជួយឱ្យការអភិវឌ្ឍនៅទីនោះមានភាពល្អប្រសើរខ្លាំងជាងតំបន់ផ្សេងៗ

ឧកញ៉ាកោះក្របី — Tue, 06 Apr 2021 09:44:53 +0000

ពេលថ្មីៗនេះ រាជរដ្ឋាភិបាលកម្ពុជា បានសម្រេចបង្កើតតំបន់បូកគោនៃខេត្តកំពតជាក្រុងបូកគោថ្មីដោយត្រូវកាត់យកឃុំចំនួន ៣ ចេញពីស្រុកទឹកឈូ ខេត្តកំពត គឺឃុំបឹងទូក ឃុំកោះតូច និងឃុំព្រែកត្នោត ដើម្បីឱ្យមានភាពងាយស្រួលក្នុងការគ្រប់គ្រង និងការអភិវឌ្ឍឱ្យកាន់តែមានការរីកចម្រើនបន្ថែមទៀត។

លោកឧកញ៉ា ផន វណ្ណិត អនុប្រធានសមាគមអ្នកអភិវឌ្ឍន៍ដីឡូតិ៍នៅកម្ពុជា បានថ្លែងថា៖ ជារឿងល្អបំផុតដែលរាជរដ្ឋាភិបាល បានបង្កើតក្រុងបូកគោថ្មី នៅក្នុងខេត្តកំពតដែលនឹងជួយលើកមុខមាត់ខេត្តមួយនេះ។ មិនតែប៉ុណ្ណោះ នឹងធ្វើឲ្យមានការរីកចម្រើនលើវិស័យសង្គមកិច្ច និងសេដ្ឋកិច្ចដល់ប្រជាពលរដ្ឋនៅតំបន់បូកគោ។

លោកបានបញ្ជាក់ថា នៅពេលដែលបង្កើតក្រុងថ្មី សេដ្ឋកិច្ចនៅតំបន់នោះកាន់តែរីកចម្រើន ហើយការអភិវឌ្ឍន៍ផ្សេងៗ ទាំងហេដ្ឋារចនាសម្ព័ន្ធ ផ្លូវថ្នល់ និងការរក្សាសន្តិសុខនៅតំបន់បូកគោរឹតតែមានភាពល្អប្រសើរឡើងថែមទៀត។

គួរបញ្ជាក់ថា ទីក្រុងថ្មីនេះនឹងកាន់កាប់ដីប្រហែល៥ភាគរយនៅក្នុងឧទ្យានជាតិបូកគោ ឬប្រហែល ៩.០០០ ហិកតា៕

The post ការបង្កើតទីក្រុងបូកគោថ្មី នឹងជួយឱ្យការអភិវឌ្ឍនៅទីនោះមានភាពល្អប្រសើរខ្លាំងជាងតំបន់ផ្សេងៗ appeared first on .

រាជរដ្ឋាភិបាលសម្រេចបង្កើត ក្រុងបូកគោ នៃខេត្តកំពត

ឧកញ៉ាកោះក្របី — Tue, 30 Mar 2021 08:10:18 +0000

ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានសម្រេចចេញអនុក្រឹត្យបង្កើតក្រុងបូកគោថ្មីសន្លាងមួយនៃខេត្តកំពត ដែលកាត់ចេញពីឃុំចំនួន ០៣ ពីស្រុកទឹកឈូក។

ពិតស្តារ!

The post រាជរដ្ឋាភិបាលសម្រេចបង្កើត ក្រុងបូកគោ នៃខេត្តកំពត appeared first on .