ការប្រគំតន្រ្តី EXPREZ CHARITY CONCERT តែងតែរិះរកអ្វីដែលថ្មីៗដើម្បីចែកជូនបងប្អូនទស្សនិកជនទស្សនា និងរាំលេងកម្សាន្តជុំគ្នា ដើម្បីបង្កើនការស្និទ្ធស្នាល ស្រួលមិនស្រួលអ្នកអត់គូអាចជួបគូនៅក្នុងថ្ងៃនោះក៏ថាបាន ជាក់ស្តែងនៅថ្ងៃទី ២៨ ខែ កុម្ភៈ ឆ្នាំ ២០២៦ ជួបជាមួយកំពូលតារាចម្រៀង ឧកញ៉ា ខេមរៈ សិរីមន្ត , លោក ខេម , លោក Tempo និងតារាចម្រៀងវ័យក្មេងជាច្រើនរូប ។ ដោយឡែកសម្រាប់ថ្ងៃទី ០១ ខែ មីនា ឆ្នាំ ២០២៦ ជួបជាមួយ កំពូលតារាចម្រៀង លោក ព្រាប សុវត្ថិ , លោក ខាន់ ជេមស៌ , លោក សុវត្ថិ មុនីវណ្ណ , វង្ស ថាណាន់ រួមជាមួយតារាចម្រៀងវ័យក្មេងសម្លេងពិរោះជាច្រើនរូបទៀត ដែលត្រៀមនឹងអង្រួនឆាតន្រ្តី EXPREZ CHARITY CONCERTឱ្យកក្រើកអ្នកភូមិហួចកើត ឃុំក្រែក ស្រុកពញ៉ាក្រែក ខេត្តត្បូងឃ្មុំ ។

ព្រឹត្តិការណ៍ប្រគំតន្រ្តី EXPREZ CHARITY CONCERT នឹងរៀបចំឡើងរយៈពេល២ថ្ងៃជាប់គ្នា ទស្សនិកជនអាចចូលរួមទស្សនាដោយសេរី មិនមានការលក់សំបុត្រឡើយ គ្រាន់តែតែងខ្លួនឱ្យស្អាត ណាត់ជួបគ្នា ដើម្បីជួបជាមួយកំពូលតារាចម្រៀងនៅក្នុងដួងចិត្ត ថែមទាំងបានថតរូបជុំគ្នា និងរាំលេងកម្សាន្តយ៉ាងសប្បាយរីករាយ ។ កំពូលតារាចម្រៀងល្បីៗទាំងអស់ បានត្រៀមខ្លួនរួចរាល់ហើយដើម្បីជួបបងប្អូនទស្សនិកជនទាំងអស់គ្នា ។

 រីករាយជាមួយព្រឹត្តិការណ៍ប្រគំតន្រ្តី EXPREZ CHARITY CONCERT ទាំងអស់គ្នា ។ ១ពាន់រៀលដើម្បីសប្បុរសធម៌ ដើម្បីប្រមូលថវិការទៅជួយជួសជុល និងកសាងសាលារៀនដែលរងការខូចខាតតាមតំបន់ព្រំដែន ៕

The post បើមិនបានចូលរួមប្រយ័ត្នស្តាយក្រោយ ! ព្រឹត្តិការណ៍ប្រគំតន្រ្តី EXPREZ CHARITY CONCERT លើទឹកដីត្បូងឃ្មុំប្រជុំដោយតារាល្បីៗ appeared first on .

លោក ឆាយ ឫទ្ធិសែន បានថ្លែងថាពិធីបើកការដ្ឋានសាងសង់ផ្លូវទាំង ១ខ្សែ ប្រវែង ៦,៣០គ.ម និងសំណង់សិល្បការ្យចំនួន ១១កន្លែង និងការបំពាក់អំពូលសូឡាបំភ្លឺលម្អតាមដងផ្លូវ ចំនួន ១៦៧ដើម ដែលនឹងផ្តល់ផលប្រយោជន៍ដល់ប្រជាជនចំនួន ២ ០២០គ្រួសារ ស្មើនឹងប្រជាជនសរុបជិត ១ម៉ឺននាក់ ក្នុងភូមិចំនួន១០ នៃឃុំគងជ័យ ស្រុកអូររាំងឪ ខេត្តត្បូងឃ្មុំ។

លោកបន្តថាជាមួយនឹងកម្មវិធីបើកការដ្ឋាននាពេលនេះ ក៏សម្ពោធដាក់ឱ្យប្រើប្រាស់ជាផ្លូវការនូវខ្សែផ្លូវជនបទចំនួន ៩ខ្សែ ដែលមានប្រវែងសរុប ៧០,៤គ.ម ផងដែរ ដែលផ្តល់ផលយោជន៍ដោយផ្ទាល់ដល់ប្រជាពលរដ្ឋចំនួន ១២ឃុំ សរុបចំនួន ១៧៤,៦១០នាក់ ស្មើរនឹងជាង ១៥០០០គ្រួសារ, មណ្ឌលសុខភាពចំនួន ៧កន្លែង, សាលារៀនចំនួន២៦កន្លែង, ផ្សារ៧កន្លែង និងវត្តអារាមចំនួន១២កន្លែង តាមរយៈការជួយគាំទ្រ និងសម្រួលដល់ការប្រកបការងារប្រចាំថ្ងៃ ចំណេញពេលវេលា និងថវិកា ជាពិសេសធានាបានូវការប្រើប្រាស់ផ្លូវបានគ្រប់រដូវកាល។

លោករដ្ឋមន្រ្តីបានគូសបញ្ជាក់ថា សមិទ្ធផលដែលសម្រេចបាន និងអង្គពិធីដ៏អធិកអធមនាពេលនេះ អាចប្រព្រឹត្តទៅបានគឺដោយសារគុណបំណាច់នៃ “សុខសន្តិភាព” ដែលកើតចេញពីការលះបង់ដ៏ធំធេងនិងការខិតខំប្រឹងប្រែងឥតឈប់ឈរដើម្បីជាតិ និងប្រជាជន ដោយយកជីវិតធ្វើជាដើមទុនរបស់ សម្តេចតេជោ ហ៊ុន សែន ជាបិតាសន្តិភាព ស្ថាបនិកមគ្គុទេសក៍ឯក និងប្រតិបត្តិករនយោបាយឈ្នះឈ្នះ ដែលនាំមកនូវឯកភាពជាតិ និងសន្ដិភាពពេញលេញទូទាំងប្រទេស និងក្រោមការដឹកនាំបន្តវេនប្រកបដោយថាមវន្តរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបច្ចុប្បន្ន បាននិងកំពុងកសាងសមិទ្ធផលថ្មីបន្ថែមទៀត ជូនប្រទេសជាតិនិងប្រជាជន ដើម្បីសម្រេចឱ្យបានជោគជ័យនូវចក្ខុវិស័យ“កម្ពុជាជាប្រទេស មានប្រាក់ចំណូលខ្ពស់ឆ្នាំ ២០៥០”៕

The post រាជរដ្ឋាភិបាល បានសម្ពោធដាក់ឱ្យប្រើប្រាស់ផ្លូវជនបទ៩ខ្សែ និងសាងសង់បន្ថែមទៀតក្នុងខេត្តត្បូងឃ្មុំ ផ្តល់ផលប្រយោជន៍ដល់ប្រជាពលរដ្ឋជាង១ ៧០០០គ្រួសារ appeared first on .

ក្រុមប្រឹក្សាអភិវឌ្ឍន៍កម្ពុជា បានប្រកាសចូលរួមអបអរសាទរដល់ប្រជាពលរដ្ឋស្រុកត្បូងឃ្មុំ ខេត្តត្បូងឃ្មុំ ដែលទទួលបានគម្រោងវិនិយោគបង្កើតរោងចក្រកែច្នៃជ័រកៅស៊ូ ក្នុងទំហំទុនវិនិយោគប្រមាណ ៩លានដុល្លារអាម៉េរិក និងអាចបង្កើតការងារបានចំនួន ៤៧៥កន្លែង។

យោងតាមច្បាប់ស្តីពីវិនិយោគនៃព្រះរាជាណាចក្រកម្ពុជា ក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគបង្កើត រោងចក្រកែច្នៃជ័រកៅស៊ូ ដែលមានទីតាំងស្ថិតនៅភូមិជាំម្ជូរ ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ ជាគម្រោងវិនិយោគមានលក្ខណៈសម្បត្តិគ្រប់គ្រាន់ “គ.ល.គ.” ចាប់ពីថ្ងៃ ចុះហត្ថលេខានេះតទៅ។គម្រោងនេះដែរ គឺវិនិយោគដោយក្រុមហ៊ុនKIMS RUBBER (CAMBODIA) CO., LTD.។

សូមរម្លឹកថា កាលពីឆ្នាំ២០២៤ កម្ពុជាសម្រេចទទួលបានគម្រោងចំនួន៤១៤គម្រោង ដែលមានទុនប្រមាណ ៦,៩ពាន់លានដុល្លារ កើនឡើង៤០% បើធៀបនឹងឆ្នាំ២០២៣។ ដោយឡែក ក្នុងរយៈពេល ៨ខែដំបូងនៃឆ្នាំ២០២៥ កម្ពុជាបានអនុម័តគម្រោងវិនិយោគចំនួន ៤៩១គម្រោង មានទុន ៧,២ពាន់លានដុល្លារ ដោយរំពឹងថាចំនួនគម្រោងវិនិយោគនៅឆ្នាំ២០២៥នេះនឹងកើនឡើងជាបន្តបន្ទាប់បន្ថែមទៀតដែលអាចបង្កើតការងារបានជាង ៤០ម៉ឺនកន្លែងជូនប្រជាពលរដ្ឋ៕ អត្ថបទ៖ហ្សាលីន

The post រោងចក្រកែច្នៃជ័រកៅស៊ូ ក្រោមទុនវិនិយោគប្រមាណ ៩លានដុល្លារ នឹងលេចរូបរាងនៅខេត្តត្បូងឃ្មុំ appeared first on .

លោក ហ៊ួត ណាលីន ម្ចាស់ចម្ការទុរេននៅស្រុកមេមត់ ខេត្តត្បូងឃ្មុំ បានប្រាប់ឧកញ៉ាញូស៍ថា ការប្រមូលផលទុរេនក្នុងចម្ការរបស់លោកនាឆ្នាំនេះហាក់មានការកើនឡើង ដោយឡែកតម្លៃហាក់មានការធ្លាក់ចុះបន្តិចបើធៀបនឹងឆ្នាំមុន ពោលឆ្នាំមុនផ្លែទុរេនអាចលក់បានទាបបំផុតតម្លៃ ១ ៨០០០រៀល ក្នុងមួយគីឡូក្រាម ប៉ុន្តែឆ្នាំនេះធ្លាក់ត្រឹម ១ ៦០០០រៀល ឬ ១ ៥០០០រៀលប៉ុណ្ណោះ ក្នុងមួយគីឡូក្រាមទៅតាមប្រភេទទុរេន។

លោកបន្តថា ទីផ្សារទុរេនឆ្នាំនេះហាក់មានការពិបាកបន្តិច ដោយសារមានការប្រកួតប្រជែងច្រើន ដូចជាការកើនឡើងនៃអ្នកដាំទុរេន ឬទុរេននាំចូលពីក្រៅប្រទេសជាដើម។

យ៉ាងណា លោកក៏មានការព្រួយបារម្ភមុនពេលទីផ្សារទុរេនកម្ពុជាគ្រោងនាំចេញទៅកាន់ប្រទេសចិននាថ្ងៃខាងមុខផងដែរ ដោយលោកគូសបញ្ជាក់ថា ដោយសារបច្ចុប្បន្នមានម្ចាស់ចម្ការមួយចំនួនប្រើប្រាស់គីមីលើដំណាំទុរេនរបស់ខ្លួន ដែលកត្តានេះជាបញ្ហាពេលនាំចេញទៅចិនឬក្រៅប្រទេសនានា។

ក្នុងន័យនេះ លោក ហ៊ួត ណាលីន អំពាវនាវឱ្យប្រជាពលរដ្ឋទាំងអស់ដែលមានដំណាំហូបផ្លៃមិនតែទុរេនចង់ឱ្យធ្វើជាលក្ខណៈធម្មជាតិឱ្យបានច្រើន ជាពិសេសនៅពេលដែលយើងនាំចេញទៅចិនឬក្រៅប្រទេសគេឱ្យធ្វើតាមលក្ខខណ្ឌរបស់គេ ដូច្នេះយើងត្រូវធ្វើតាមអ្វីដែលគេចង់បានទើបគេទទួលរបស់យើងបាន។

លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានគូសបញ្ជាក់ផងដែរថា ការនាំចេញទុរេនក្នុងខេត្តត្បូងឃ្មុំបច្ចុប្បន្នមិនទាន់មានជាផ្លូវការនៅឡើយនោះទេ ប៉ុន្តែមានក្រុមហ៊ុនមួយចំនួននកំពុងរៀបចំបន្ទប់ត្រជាក់ រៀបចំឃ្លាំង អាចឆ្នាំក្រោយមានទុរេននាំចេញទៅក្រៅប្រទេស ជាពិសេសប្រទេសចិន។

លោកបន្តថា បច្ចុប្បន្នតម្លៃទុរេននៅក្នុងខេត្តត្បូងឃ្មុំ ដែលកសិករលក់នៅតាមចម្ការផ្ទាល់គឺអាស្រ័យទៅលើតាមចម្ការនីមួយៗ ដោយលោកពិនិត្យឃើញតម្លៃមានការប្រែប្រួលពីមួយគីឡូ ១ ៤០០០រៀល ទៅ១ ៨០០០រៀល (នៅចម្ការ)។

ពាក់ព័ន្ធនឹងការរៀបចំខ្លួនដើម្បីនាំទុរេនទៅកាន់ទីផ្សារចិន លោក ហេង ពិសិដ្ឋ បានគូសបញ្ជាក់ថា មន្ទីរកសិកម្មខេត្តត្បូងឃ្មុំបានធ្វើការអញ្ជើញកសិករដាំទុរេននៅក្នុងខេត្តត្បូងឃ្មុំមកជួបជជែកគ្នា ផ្សព្វផ្សាយពីសេចក្តីជូនដំណឹងរបស់អគ្គនាយកដ្ឋានកសិកម្ម ដើម្បីពួកគាត់អាចពិចារណាបើសិនពួកគាត់មានបំណងចង់នាំទុរេនទៅកាន់ទីផ្សារចិន គឺគាត់ត្រូវបំពេញលក្ខខណ្ឌមួយចំនួន ជាពិសេសការចុះបញ្ជីចម្ការដើម្បីឱ្យខាងអគ្គនាយកដ្ឋានមានមូលដ្ឋានជូនព័ត៌មានទៅភាគីចិនអំពីបរិមាណទុរេនក្នុងខេត្តត្បូងឃ្មុំ។

ទន្ទឹមនឹងនោះ មន្ទីរក៏បានណែនាំអ្នកដាំទុរេនទាំងអស់ចូលរួមអនុវត្តន៍នូវចម្ការទុរេនមានសុវត្ថិភាពដោយគាត់ត្រូវចូលរួមអនុវត្តន៍នូវស្តង់ដារមួយគឺការអនុវត្តន៍កសិកម្មល្អ GAP ដើម្បីឱ្យទុរេនដែលផលិតបានមានស្តង់ដាររួមមួយ។ ហើយទន្ទឹមនឹងនោះមន្ទីរក៏បានណែនាំឱ្យអ្នកដាំទុរេនទាំងអស់ចេះសាមគ្គីគ្នាចងក្រងជាសហគមន៍កសិកម្មមួយ ដើម្បីរួមគ្នាគិតរួមគ្នាធ្វើ រួមគ្នារកទីផ្សារ ខណៈបើមិនចងក្រងជាសហគមន៍ទេ នោះព័ត៌មានដែលទទួលបានមិនជុំ ក៏បង្ករការលំបាកទៅដល់អ្នកវិនិយោគផងដែរ។

លោកបន្តទៀតថា អំឡុងខែកក្កដាខាងមុខ នេះ មន្ទីរកសិកម្មនឹងជួបជុំកសិករម្តងទៀតដើម្បីពិភាក្សាត្រៀមសម្រាប់ឆ្នាំក្រោយ ដោយធ្វើយ៉ាងណាកុំឱ្យលក់តែក្នុងស្រុក គឺយើងអាចនាំចេញទៅក្រៅប្រទេសបានជាពិសេសទៅកាន់ប្រទេសចិនតែម្តង។

យ៉ាងណាមិញ ប្រធានមន្ទីរកសិកម្មខេត្តត្បូងឃ្មុំរូបនេះបានមើលឃើញថា ប្រសិនបើអ្នកដាំទុរេនមិនបានចាប់ដៃគ្នាទេ ហើយមិនតម្រង់ទិសនាំចេញទៅកាន់ប្រទេសចិន កសិករអាចជួបបញ្ហាកកស្ទះទុរេននៅពេលណាមួយ ព្រោះបើប្រើប្រាស់តែក្នុងស្រុកគឺប្រើមិនអស់នោះឡើយ ហើយមិនទាន់ផងដែរ ដូច្នេះជាការដោះស្រាយបញ្ហានេះ គឺត្រូវតែប្រឹងប្រែងរកច្រកចេញទៅកាន់ប្រទេសចិនដែលយើងមាន MOUរួចហើយស្រេច៕

The post កសិករដាំទុរេននៅខេត្តត្បូងឃ្មុំកំពុងរៀបចំខ្លួន ត្រៀមនាំទុរេនទៅកាន់ទីផ្សារចិននៅឆ្នាំក្រោយ appeared first on .

ការប្រគំតន្រ្តីនឹងចាប់ផ្ដើមនៅថ្ងៃទី ៣០ និង ៣១ ខែមីនា ឆ្នាំ២០២៤ នេះ ដែលមានទីតាំង នៅភូមិនិគមលើ ឃុំស្រឡប ស្រុកត្បូងឃ្មុំ ខេត្ត ត្បូងឃ្មុំ ចាប់ពីម៉ោង ០៨:០០ យប់ ដល់ម៉ោង១១:៣០យប់ ។

កំពូល តារាចម្រៀងដែល នឹងចូលរួមច្រៀង មានដូចជា កំពូលតារាចម្រៀងប្រចាំប្រទេស លោក ព្រាប សុវត្ថិ, លោក ឧកញ៉ា ខេមរៈ សិរីមន្ត, លោក ខេម, កញ្ញា តន់ ចន្ទសីម៉ា និងតារាចម្រៀងជាច្រើនរូបទៀត រួមមាន លោក គូម៉ា, លោក Tempo Tris, លោក ជុំ លីណូ, លោក នេន ទុំ, លោក វង្ស ថា ណាន់, កញ្ញា អ៊ុក សុវណ្ណារី, លោក ធឿន បូរី និង កញ្ញា ឡុង លក្ខិណា។

ក្រៅពីការប្រគុំតន្ត្រីរបស់តារាចម្រៀងដែលបានរៀបរាប់ខាងលើ ក៏ មានអមមកជាមួយការសម្ដែងshowពិសេសៗ ដើម្បីបង្កើនភាពសប្បាយរីករាយ នៅលើឆាកតន្រ្តីដ៏ធំសម្បើម បច្ចេកទេសSoundទំនើបចុងក្រោយ និងភ្លើងចម្រុះពណ៏ ដ៏អស្ចារ្យ ដែលមិនធ្លាប់មានពីមុន ។ ព្រឹត្តការណ៍ដ៏អស្ចារ្យនេះ បងប្អូនអាចចូលរួមដោយសេរី ៕

The post សំណាងជាងគេ អ្នកខេត្តត្បូងឃ្មុំ សប្បាយ២សប្ដាហ៍ជាប់គ្នាតែម្ដង មហាព្រឹត្តការណ៍ប្រគំតន្រ្តីប្រចាំប្រទេស Exprez Tour Concert ធ្វើនៅចុងសប្តាហ៍នេះម្ដងទៀតហើយ appeared first on .

ការប្រគំតន្រ្តីនឹងចាប់ផ្ដើមនៅថ្ងៃទី ២៣ និង ២៤ ខែមីនា ឆ្នាំ២០២៤ នេះ ដែលមានទីតាំង នៅភូមិសង្គមមានជ័យ ឃុំមេមត់ ស្រុកមេមត់ ខេត្ត ត្បូងឃ្មុំ ចាប់ពីម៉ោង ០៨:០០ យប់ ដល់ម៉ោង១១:៣០យប់ ។

កំពូល តារាចម្រៀងដែល នឹងចូលរួមច្រៀង មានដូចជា កំពូលតារាចម្រៀងប្រចាំប្រទេស លោក ព្រាប សុវត្ថិ, លោក ឧកញ៉ា ខេមរៈ សិរីមន្ត, លោក ខេម, កញ្ញា តន់ ចន្ទសីម៉ា និងតារាចម្រៀងជាច្រើនរូបទៀត រួមមាន លោក ខាន់ ជេមស៌, លោក សុវត្ថិ មុនីវណ្ណ, កញ្ញា ខាត់ សួស្តី, លោក Nak Fake, លោក រាជ ប្រាថ្នា, Team BGB, លោក ពូ និង កញ្ញា អេមមី។

ក្រៅពីការប្រគុំតន្ត្រី របស់តារាចម្រៀង ដែលបានរៀបរាប់ខាងលើ ក៏មានអមមកជាមួយការសម្ដែងshowពិសេសៗ ដើម្បីបង្កើនភាពសប្បាយរីករាយ នៅលើឆាកតន្រ្តីដ៏ធំសម្បើម បច្ចេកទេសSoundទំនើបចុងក្រោយ និងភ្លើងចម្រុះពណ៌ដ៏អស្ចារ្យ ដែលមិនធ្លាប់មានពីមុន។ ព្រឹត្តការណ៍ដ៏អស្ចារ្យនេះ បងប្អូនអាចចូលរួមដោយសេរី ៕

The post អ្នកខេត្តត្បូងឃ្មុំចុងសប្តាហ៍នេះដឹងតែសប្បាយហើយ! មហាព្រឹត្តការណ៍ប្រគំតន្រ្តីប្រចាំប្រទេស Exprez Tour Concert នាំយកកំពូលតារាចម្រៀងល្បីៗលំដាប់ប្រទេស ទៅច្រៀងនៅទីនោះ appeared first on .

ក្នុងវគ្គសិក្ខាសាលានេះ ក៏មានការចូលរួមពីអភិបាលរងខេត្ត  ព្រមទាំងដៃគូសហការឧបត្ថម្ភនានា និងមានSME ចូលរួមប្រមាណ ១០០នាក់ ផងដែរ។

បើតាម FASMEC គោលបំណងនៃកម្មវិធីសិក្ខាសាលានេះ គឺដើម្បីចែករំលែកអំពីខ្សែសង្វាក់ទីផ្សារក្នុងស្រុក និងការនាំចេញ ព្រមទាំងជួយបំពេញបន្ថែមនូវចំណេះដឹងដែលម្ចាស់សហគ្រាសធុនតូច និងមធ្យមក្នុងខេត្ត នៅមានចំណុចខ្វះខាត។

សមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា និងសម្ព័ន្ធសមាគមសហគ្រាសធុនតូច និងមធ្យមកម្ពុជា(FASMEC) កន្លងមក តែងតែរៀបចំកម្មវិធីសិក្ខាសាលាស្តីពី «ការអភិវឌ្ឍន៍អាជីវកម្មក្រោយបរិបទកូវីដ-១៩» នៅបណ្តាខេត្តមួយចំនួន ដើម្បីជាការចែករំលែកខ្សែសង្វាក់ទីផ្សារក្នុងការនាំចេញ និងចែករំលែកចំណេះដឹងដល់ម្ចាស់សហគ្រាសធុនតូច និងមធ្យម។

FASMEC គឺជាសម្ព័ន្ធដែលចងក្រងឡើង ដោយបណ្តុំសមាគម និង សហគ្រាសធុនតូច មធ្យមនៅកម្ពុជា។ទស្សនវិស័យរបស់ FASMEC គឺផ្សារភ្ជាប់ទំនាក់ទំនងរវាងសហគ្រាសធុនតូចនិងមធ្យមនៅកម្ពុជាទៅទីផ្សារក្នុងស្រុកនិងអន្តរជាតិ៕

The post ឧកញ៉ា តែ តាំងប៉ បន្តដឹកនាំរៀបចំសិក្ខាសាលាដល់ម្ចាស់សហគ្រាសធុនតូច និងមធ្យម នៅខេត្តត្បូងឃ្មុំ appeared first on .

បើតាមលោក ហេង ពិសិដ្ឋ បានឱ្យដឹងថា នៅក្នុងឆ្នាំ២០១៨ ចំណូលពីវិស័យកសិកម្ម មានត្រឹមតែ ៤៤០លានដុល្លារ ប៉ុណ្ណោះ ប៉ុន្តែក្នុងឆ្នាំ២០២២ ចំណូលនេះកើនដល់ ប្រមាណ៥៤០លានដុល្លារអាម៉េរិក មានន័យថា ក្នុងរយៈពេល៥ឆ្នាំ ចំណូលមានការកើនឡើង ១០០លានដុល្លារអាម៉េរិក។

ជាមួយគ្នានោះ ប្រធានមន្ទីរកសិកម្ម ខេត្តត្បូងឃ្មុំ បានបន្តថា ចំណូលទាំងអស់នេះ ជាការរួមចំណែកមួយក្នុងការជួយទ្រទ្រង់សេដ្ឋកិច្ចក្នុងខេត្តផ្ទាល់ ហើយចំណូលដែលទទួលបាននេះ គឺកើតចេញពីផ្នែកមួយចំនួនរួមមាន ផ្នែកកសិកម្មដំណាំកៅស៊ូ ផលិតកម្មសត្វ និងជលផលជាដើម។ក្នុងនោះ ចំពោះផ្នែកដំណាំមានការកើនឡើងពី ២៦២ លានដុល្លារ (២០១៨)ដល់ ៣១០លានដុល្លារអាម៉េរិក នៅឆ្នាំ(២០២២)។

យោងតាមរបាយការណ៍របស់រដ្ឋបាលខេត្តត្បូងឃ្មុំ បានបង្ហាញថា ដំណាំដែលជាអាទិភាព នៅក្នុងខេត្តរួមមាន ដំណាំកៅស៊ូ មានផ្ទៃដីដាំដុះជាង ៨ម៉ឺនហិកតាដំឡូងមីមាន ជាង ៥ម៉ឺនហិកតា ស្វាយចន្ទីមានជាង ៨ពាន់ហិកតា ពោតក្រហមមានជាង ១ម៉ឺនហិកតា ម្រេច ជាង៣ពាន់ហិកតា ស្វាយកែវរមៀត មានជាង ២ពាន់ហិកតា ស្រូវមានជាង៨ម៉ឺនហិកតា និងដំណាំរួមផ្សំមាន ជាង៧ម៉ឺនហិកតា ផងដែរ៕

The post រយៈពេល៥ឆ្នាំមកនេះ វិស័យកសិកម្ម ជួយខេត្តត្បូងឃ្មុំ ឲ្យរកចំណូលបានជាង ៥០០លានដុល្លារ appeared first on .

លោកអភិបាលខេត្ត បានបន្តថា រយៈពេល៥ឆ្នាំ ខេត្តត្បូងឃ្មុំ មានផ្ទៃដីដាំដុះ កៅស៊ូជាង៨ពាន់ហិកតា និងផលិតបានកៅស៊ូជាង៨ម៉ឺនតោន។ ដោយឡែក ក្រុមហ៊ុនចំការកៅស៊ូ មាន៥កន្លែង និងផ្តល់ការងារដល់កម្មករ ៨ពាន់នាក់ ។

គួរបញ្ជាក់ថា គិតចាប់ពីឆ្នាំ២០១៨ដល់ឆ្នាំ២០២១ ខេត្តត្បូងឃ្មុំ ទំហំពាណិជ្ជកម្មមានចំនួន ១,៦៩៤លានដុល្លារ កើន១,៤១៨លានដុល្លារ។ ក្នុងនោះឆ្នាំ២០១៨ ស្មើនឹង ២៧៦លានដុល្លារ , ឆ្នាំ២០១៩ ស្មើនឹង ៣៧៣លានដុល្លារ , ឆ្នាំ២០២០ ស្មើនឹង ៤៥៥លានដុល្លារ , ឆ្នាំ២០២១ ស្មើនឹង ៥៩០លានដុល្លារ ចំណូលមនុស្សម្នាក់ៗ មានប្រមាណ ១,៤៥២ដុល្លារ ៕

The post រយៈពេល៥ឆ្នាំ ខេត្តត្បូងឃ្មុំ អាចរកចំណូលបានជាង១២០លានដុល្លារ ពីដំណាំកៅស៊ូ appeared first on .

បើតាមសេចក្តីប្រកាសព័ត៌មាន របស់រដ្ឋបាលស្រុកមេមត់ បានឲ្យដឹងថា ឧបករណ៍ចាប់ត្រីមានដូចជា អង្រុត ឈ្នាង ត្រក ក្អុះជាដើម ហើយកម្មវិធីចាប់ត្រីបែបបុរាណនៅបឹងត្រពាំង សម្រាប់ឆ្នាំនេះ នឹងប្រព្រឹត្តទៅដោយមានរបៀបវារៈដូចជា៖ ម៉ោង៨៖០០នាទី ជួបជុំភ្ញៀវកិត្តិយស និងប្រជាប្រិយមិត្ត នៅក្នុងបរិវេណបឹងត្រពាំងក្រម ម៉ោង ៩៖៣០នាទី គណៈអធិបតី និងសហការីអញ្ជើញដល់ ម៉ោង ៨៖៤៥នាទី ប្រសាសន៍សំណេះសំណាលរបស់ គណៈអធិបតី និងម៉ោង ១០៖១៥នាទី ចាប់ផ្តើមចុះក្នុងបឹងត្រពាំងក្រម ដំណើរការចាប់ត្រីតាមបែបបុរាណ ។

គួររម្លឹកថា ប្រជាពលរដ្ឋនៅភូមិសាទុំ តែងតែរៀបចំពិធីចាប់ត្រីនៅបឹងក្រមនេះជាង២០០ឆ្នាំមកហើយ ។ពិធីចាប់ត្រីនេះត្រូវបានអាក់ខានក្នុងរបបប៉ុលពត ប៉ុន្តែចាប់ពីថ្ងៃជ័យជំនះ ៧មករា ១៩៧៩ មកបានរៀបចំធ្វើពិធីនេះឡើងវិញមានអ្នកចូលរួមយ៉ាងច្រើនកុះករសម្រាប់ឆ្នាំនេះមានអ្នកចូលរួមកាន់តែច្រើនជាងឆ្នាំមុន មានប្រមាណ២០,០០០នាក់ដែលមកពីទីជិតឆ្ងាយ។

គួរបញ្ជាក់ថា មុនពិធីចាប់ត្រីមកដល់អាជ្ញាធរមិនអនុញ្ញាតឲ្យពលរដ្ឋនេសាទត្រីក្នុងបឹងក្រមនេះឡើយ ដើម្បីរក្សាវត្តមានត្រីទុកសម្រាប់ពិធីចាប់ត្រីជារៀងរាល់ឆ្នាំ ។ ចំពោះការចាប់ត្រីពលរដ្ឋអាចប្រើប្រាស់បានតែឧបករណ៍បុរាណប៉ុណ្ណោះ ដូចជា៖ អង្រុត ឈ្នាង និងត្រកជាដើម ដើម្បីចាប់ត្រីក្នុងពិធីនេះ ដោយតំបន់បឹងក្រមមានផ្ទៃដីប្រមាណ ៣០ហិកតា និងផ្ទៃបឹងទំហំ១ហិកតា ៕

The post ពិធីចាប់ត្រីបែបបុរាណក្នុងបឹងត្រពាំងក្រមនៅខេត្តត្បូងឃ្មុំ នឹងប្រារព្ធឡើងនៅថ្ងៃទី១៨ កុម្ភៈ ខាងមុខនេះ appeared first on .