លោកស្រីអភិបាលខេត្ត បានលើកឡើងបែបនេះ ក្នុងកិច្ចប្រជុំផ្សព្វផ្សាយអនុក្រឹត្យរបស់រាជរដ្ឋាភិបាលស្តីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្តុំជូនដល់ម្ចាស់ទីតាំង សណ្ឋាគារ ផ្ទះសំណាក់ សហគ្រាសដែលជាទីតាំងរស់នៅប្រមូលផ្តុំ ឬអ្នកគ្រប់គ្រង ទីតាំងរស់នៅប្រមូលផ្តុំនៅក្នុងភូមិសាស្រ្តខេត្តប៉ៃលិន នាថ្ងៃទី១០ ខែមីនានេះ។

ក្នុងឱកាសនោះ លោកស្រីអភិបាលខេត្តប៉ៃលិន បានលើកឡើងពីបទបញ្ញាត្តិសំខាន់ៗ ជូនដល់ម្ចាស់ទីតាំងសណ្ឋាគារ ផ្ទះសំណាក់ សហគ្រាស ដែលជាទីតាំងរស់នៅប្រមូលផ្តុំ ឬអ្នកគ្រប់គ្រងទីតាំងរស់នៅប្រមូលផ្តុំ ឱ្យចូលរួមសហការ ជាមួយនឹងអាជ្ញាធរដែនដី ត្រូវរាយការណ៍អំពីវត្តមានស្នាក់នៅបណ្តោះអាសន្នរបស់ជនបរទេសក្នុង ទីតាំងស្ថិតក្រោមការ ទទួលខុសត្រូវរបស់ខ្លួន ក្នុងរយៈពេល២៤ម៉ោងយ៉ាងយូរ ដល់មន្ត្រីប៉ុស្តិ៍នគរបាលរដ្ឋបាលឃុំ សង្កាត់ ឬមន្ត្រីនគរបាលមានសមត្ថកិច្ច។

លោកស្រីបានក្រើនរំលឹកដល់ «ម្ចាស់ទីតាំងរស់នៅប្រមូលផ្តុំ ឬអ្នកគ្រប់គ្រងទីតាំងរស់នៅ ប្រមូល ផ្តុំ មុននឹងអនុញ្ញាតឱ្យជនបរទេសស្នាក់នៅ ក្នុងទីតាំងស្ថិតក្រោមការទទួលខុសត្រូវរបស់ខ្លួន ត្រូវឱ្យជនបរទេសផ្តល់ ឯកសារបញ្ជាក់អំពីសិទ្ធិស្នាក់នៅស្របច្បាប់ក្នុងព្រះរាជាណាចក្រកម្ពុជាហើយមិនត្រូវអនុញ្ញាតឱ្យជនបរទេសដែលចូលមកក្នុងព្រះរាជាណាចក្រកម្ពុជាដោយខុសច្បាប់ ស្នាក់នៅក្នុងទីតាំងរស់នៅប្រមូលផ្តុំដែលស្ថិតក្រោម ការទទួលខុសត្រូវ របស់ខ្លួនឡើយ» ក្នុងនោះបើមានម្ចាស់ទីតាំង មានចេតនាលាក់បាំងនិងអនុញ្ញាតឱ្យជនបរទេសដែលចូលមក ព្រះរាជាណាចក្រកម្ពុជាដោយខុសច្បាប់ ស្នាក់នៅក្នុងទីតាំងស្ថិតនៅក្រោមការទទួលខុសត្រូវរបស់ខ្លួន ត្រូវផាកពិន័យដោយមិនទាន់គិតដល់ទោសព្រហ្មទណ្ឌដែលបានកំណត់ក្នុងច្បាប់ជាធរមានឡើយ៕ រដ្ឋបាលខេត្តប៉ៃលិន

The post អភិបាលលខេត្តប៉ៃលិន ក្រើនដល់ម្ចាស់ទីតាំង ឬអ្នកគ្រប់គ្រងទីតាំងមុនអនុញ្ញាតឱ្យជនបរទេសស្នាក់នៅត្រូវឱ្យជនបរទេសផ្តល់ឯកសារបញ្ជាក់សិទ្ធិស្នាក់នៅស្របច្បាប់ជាមុនសិន appeared first on .

អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ លោក គី ច័ន្ទរំដួល ក៏បានអញ្ជើញដឹកនាំសម្របសម្រួលក្រុមហ៊ុនទិញលក់កសិផលនេះនៅក្នុងខេត្តប៉ៃលិន កាលពីថ្ងៃទី២៩ ខែសីហា ឆ្នាំ២០២៥ផងដែរ។

លោក គី ច័ន្ទរំដួល បានឱ្យដឹងថា ក្រុមហ៊ុន Agro King Trading Co.ltd in Cambodia ជាបុត្រសម្ព័ន្ធក្រុមហ៊ុន Hong Nga Saigon Co.Ltd. គ្រោងបញ្ជារទិញគ្រាប់ពោតក្រហម ចំនួន ៥០០,០០០តោន, ដំឡូងមី (បកសំបក និងកាប់ដោយដៃ) ចំនួន ៣០,០០០តោន, គ្រាប់ស្វាយចន្ទី ២,០០០តោន និងគ្រាប់សណ្ដែកសៀងចំនួន ២,០០០តោន ក្នុងមួយឆ្នាំ។

ជាមួយគ្នានោះ លោកអនុរដ្ឋលេខាធិការ ក៏បានណែនាំឱ្យមន្ទីរកសិកម្ម រុក្ខាប្រមាញ់ និងនេសាទ ខេត្តប៉ៃលិន ផ្សព្វផ្សាយ រៀបចំផែនការអាជីវកម្ម ដើម្បីផលិតតាមការបញ្ជារទិញរបស់ក្រុមហ៊ុន ដោយមានកិច្ចសន្យាច្បាស់លាស់ផងដែរ៕

The post កសិផល៤មុខ ប្រមាណ៥៣ម៉ឺន ៤ពាន់តោន ត្រូវបានក្រុមហ៊ុនមួយគ្រោងប្រមូលទិញក្នុងខេត្តប៉ៃលិន appeared first on .

ការឱ្យដឹងតាមរយៈក្រសួងមហាផ្ទៃ នាថ្ងៃទី៤ សីហានេះ ក្នុងឱកាសអញ្ជើញពិនិត្យមើលទីតាំង ឡសម្ងួត និងឃ្លាំងស្តុកដែលទទួលទិញកសិផលពី ប្រជាកសិករ នៅស្រុកសាលាក្រៅ នាថ្ងៃទី០៤ ខែសីហា ឆ្នាំ២០២៥ លោកស្រី បាន ស្រីមុំ អភិបាលខេត្តប៉ៃលិន បានលើកឡើងថា «ក្នុងនាម អាជ្ញាធរ ខេត្ត គឺធ្វើយ៉ាងណាចង់ឱ្យទីផ្សារ កសិផល របស់ប្រជាកសិករ កាន់តែមានភាពល្អប្រសើរឡើង ធ្វើឱ្យពលរដ្ឋមានជីវភាពធូរធារ ដូច្នេះមន្ត្រីជំនាញពាក់ព័ន្ធទាំងអស់ ត្រូវបន្តយកចិត្តទុកដាក់បន្ថែមទៀតក្នុងការរកទីផ្សារកសិផល ជូនប្រជាពលរដ្ឋ បើទោះបីជាទីផ្សារ ក្នុងខេត្តបច្ចុប្បន្នកំពុងមានភាពល្អប្រសើក៏ដោយ ជាពិសេសត្រូវខិតខំរក ដៃគូវិនិយោគ លើផ្នែកកសិកម្មព្រមទាំងលើកកម្ពស់ទីផ្សារ កសិផល ឱ្យកាន់តែសម្បូរបែប ដែលនេះជាឱកាសមួយអាចជួយឱ្យប្រជាកសិករ មានភាពងាយស្រួល ក្នុងការទិញ – លក់ ដោយមានទីផ្សារ ស្ថិតស្ថេរ និងច្បាស់លាស់ផងដែរ»។

លោកស្រី បានបញ្ជាក់ថា រាជរដ្ឋាភិបាល បានជំរុញឱ្យ ក្រសួងពាណិជ្ជកម្ម និងក្រសួង ពាក់ព័ន្ធ រួមទាំងរដ្ឋបាល ថ្នាក់ក្រោមជាតិត្រូវ បន្តផ្សព្វផ្សាយឱ្យបានទូលំទូលាយពីផលិតផលខ្មែរ និងផ្តល់ជំនាញនានា ដល់ផលិតករ លើដំណើរការខ្សែសង្វាក់ផលិតកម្ម, ការពង្រឹងគុណភាព, សុវត្ថិភាព ផលិតផល ការកែច្នៃ និងការវេចខ្ចប់ជាដើម ដែលឆ្លើយតបទៅនឹងទីផ្សារក្នុងប្រទេសនិង ក្រៅប្រទេស ជាពិសេស ត្រូវរៀបចំចងក្រង ផលិតផលក្នុងស្រុក ដែលមានសក្ដានុពលក្នុងមូលដ្ឋានរបស់ខ្លួន ដោយបញ្ចូលជាផលិតផលភូមិមួយ ផលិតផលមួយ ស្របតាមគោលនយោបាយជាតិ ស្ដីពីការជំរុញចលនាភូមិមួយ ផលិតផលមួយ សម្រាប់ ឆ្នាំ២០១៦ ដល់ ២០២៦ ដើម្បីជំរុញកំណើនសេដ្ឋកិច្ចគ្រួសាររបស់ប្រជាពលរដ្ឋកាន់តែប្រសើរឡើង ស្របពេលបងប្អូនពលករយើងនៅប្រទេសថៃ បានសម្រុកវិលត្រឡប់មកស្រុកកំណើតវិញដោយសារសង្គ្រាមឈ្លានពាន ដែលមានតម្រូវការការងារក្នុងស្រុកច្រើន។

ជាមួយគ្នានេះផងដែរ លោកស្រីអភិបាលខេត្តក៏បានផ្តាំផ្ញើ ដល់ស្ថាប័នជំនាញ ពាក់ព័ន្ធត្រូវបន្តខិតខំរកដំណោះស្រាយបញ្ហានានាជូនប្រជាពលរដ្ឋនៅមូលដ្ឋាន រួមទាំងបញ្ហា ផលប៉ះពាល់បរិស្ថាន តាមសៃឡូ និងទីលានហាលកសិផល ដូចជា ជះក្លិន មិនល្អ និង បង្ហូរទឹកកខ្វក់ចូលទៅក្នុងអូរ បឹងបួ បង្កជាផលប៉ះពាល់ ដល់ការរស់នៅ របស់បងប្អូនប្រជាពលរដ្ឋ ដែល រស់នៅក្បែរនោះ ជាពិសេសត្រូវ ពិនិត្យមើលជញ្ជីងថ្លឹងកសិផល តាមទីតាំងទិញ – លក់ កសិផល ឱ្យមានភាពសុក្រឹត ត្រឹមត្រូវ និងអនុវត្តតាមផ្លូវច្បាប់ជាធរមាន ជៀសវាងការកេងចំណេញ ដោយប្រការណាមួយដែលធ្វើឱ្យបាត់បង់ទំនុកចិត្ត និងប៉ះពាល់ដល់ជីវភាពរបស់កសិករ៕

រូបភាព៖ រដ្ឋបាលខេត្តប៉ៃលិន

The post អភិបាលខេត្តបៃលិន ជំរុញឱ្យមន្ត្រីជំនាញពាក់ព័ន្ធទាំងអស់ បន្តយកចិត្តទុកដាក់រកទីផ្សារកសិផល ជូនប្រជាពលរដ្ឋ ពិសេសរកដៃគូវិនិយោគលើផ្នែកកសិកម្ម appeared first on .

អភិបាលខេត្តប៉ៃលិន លោកស្រី បាន ស្រីមុំ បានគូសបញ្ជាក់ថា រដ្ឋបាលខេត្តប៉ៃលិន បានរៀបចំក្រុមការងាររង់ចាំជួយសម្របសម្រួលជួយបងប្អូនពលករ «ទោះបីមានឯកសារ ឬគ្មានឯកសារ» និងត្រៀមរថយន្តក្រុង សម្រាប់ជូនបងប្អូនវិលត្រលប់ទៅស្រុកកំណើត ដល់លំនៅដ្ឋានគ្រប់ខេត្ត/ក្រុង ទូទាំងព្រះរាជាណាចក្រកម្ពុជា ដោយឥតគិតថ្លៃ ។

ជាមួយគ្នានេះ ចំពោះករណីបងប្អូនពលករខ្មែរ កំពុងស្ថិតនៅក្នុងប្រទេសថៃ ជួបបញ្ហាផ្សេងៗ ឬ មិនទាន់បើកប្រាក់ខែ និងគ្មានមធ្យាបាយធ្វើដំណើរមកដល់ព្រំដែនកម្ពុជាយើង តែមានបំណងចង់វិលត្រឡប់ទៅស្រុកកំណើត សូមទំនាក់ទំនងតាមរយៈលេខទូរស័ព្ទ 0975 79 78 78 / 088 369 6666 នោះក្រុមការងារនឹងរង់ចាំជួយសម្របសម្រួលជួយដោយឆន្ទះខ្មែរតែមួយ។

សម្តេចធិបតីនាយករដ្ឋមន្រ្តីកម្ពុជា កាលពីថ្ងៃទី២៤ កក្កដា ក៏បានអំពាវនាវដល់ប្រជាពលរដ្ឋខ្មែរដែលកំពុងរស់នៅ ធ្វើការឬសិក្សានៅប្រទេសថៃ ដែលអាចរងសម្ពាធពីការរើសអើង ហើយត្រូវការត្រឡប់មកកម្ពុជាវិញ សូមត្រឡប់មកប្រទេសកម្ពុជាវិញផងដែរ៕

The post ទោះមានឬគ្មានឯកសារ! រដ្ឋបាលខេត្តប៉ៃលិន អំពាវនាវដល់ពលករខ្មែរ និងប្រជាពលរដ្ឋខ្មែរ ដែលកំពុងស្នាក់នៅ ធ្វើការក្នុងប្រទេសថៃ បើមិនមានការចាំបាច់ សូមប្រញាប់វិលត្រឡប់មកស្រុកកំណើតវិញ appeared first on .

លោក ឆាយ រិទ្ធីសែន រដ្ឋមន្ត្រីក្រសួងអភិវឌ្ឍន៍ ក្រៅពីបានថ្លែងអំណរគុណយ៉ាងជ្រាលជ្រៅចំពោះការគាំទ្ររបស់សាធារណរដ្ឋកូរ៉េ និងដៃគូអភិវឌ្ឍន៍ផ្សេងទៀត ដែលបានគាំទ្រក្នុងវិស័យនេះ។ លោក បានចាត់ទុកសមិទ្ធិផលនៃការបន្ទោបង់ពាសវាលពាសកាលនៅខេត្តប៉ៃលិន គឺជាសក្ខីភាពមួយចំពោះការចូលរួមរបស់សហគមន៍ និងកិច្ចសហប្រតិបត្តិការជាមួយដៃគូរអភិវឌ្ឍន៍ទាំងអស់។ វាតំណាងឱ្យជំហានដ៏សំខាន់មួយឆ្ពោះទៅរកការកែលម្អសុខភាពសាធារណៈ កាត់បន្ថយការឆ្លងជំងឺ និងបរិស្ថានស្អាត និងមានសុខភាពល្អសម្រាប់អ្នករស់នៅទាំងអស់។

គម្រោងភូមិសន្តិភាព ដែលទទួលបានមូលនិធិពីសាធារណរដ្ឋកូរ៉េ មានសារសំខាន់ក្នុងការលើកកម្ពស់ការអនុវត្តអនាម័យឱ្យកាន់តែប្រសើរឡើង និងផ្តល់លទ្ធភាពទទួលបានការប្រើប្រាស់បង្គន់អនាម័យសម្រាប់គ្រួសារទាំងអស់នៅក្នុងខេត្តប៉ៃលិន។ គម្រោងនេះមានសកម្មភាពជាច្រើនដូចជា ការកែលម្អមូលដ្ឋានអនាម័យ ដូចជាការសាងសង់បង្គន់សាធារណៈក្នុងសាលារៀន មណ្ឌលសុខភាព ការគាំទ្រការអប់រំ និងយុទ្ធនាការលើកកម្ពស់ការយល់ដឹងអនាម័យ និងការចូលរួមរបស់សហគមន៍៕

The post ខេត្តប៉ៃលិនប្រកាសជាផ្លូវការជាខេត្តបានបញ្ចប់ការបន្ទោបង់ពាសវាលពាសកាល appeared first on .

ក្រសួងបានឱ្យដឹងបន្តថា រយៈពេល៣ថ្ងៃនៃឱកាសពិធីបុណ្យចូលឆ្នាំចិន ចាប់ពីថ្ងៃទី៩-១១ ខែកុម្ភៈ ឆ្នាំ២០២៤ ភ្ញៀវទេសចរដែលបានចេញដើរទស្សនាកម្សាន្តនៅទូទាំងប្រទេសមានចំនួនសរុប ១,០៥១,៤៧២នាក់ ក្នុងនោះទេសចរជាតិ ៩៩៣,៩៩១នាក់ ទេសចរបរទេស ៥៧,៤៨១នាក់។

របាយការណ៍ដដែលក៏បានបញ្ជាក់ពីរាជធានី-ខេត្ត ដែលទាក់ទាញ់ទេសចរច្រើនជាងគេទាំង៥ រួមមាន៖ខេត្តព្រះសីហនុ មានទេសចរជាតិ៖ ២៨២,៣៩៦នាក់ និងទេសចរបរទេស៖ ១១,៩០៥នាក់,ខេត្តសៀមរាប មានទេសចរជាតិចំនួន ៩៩,៦០០នាក់ និងទេសចរបរទេសចំនួន ១៨,០៧៧នាក់,ខេត្តបាត់ដំបង មានទេសចរជាតិចំនួន ៨៨,៥៧២នាក់ និងទេសចរបរទេស៖ ៨៧៤នាក់, ខេត្តប៉ៃលិន មានទេសចរជាតិចំនួន ៧៩,៤២៥នាក់ និងទេសចរបរទេសចំនួន ២៦៨នាក់ និងខេត្តកែប មានទេសចរជាតិចំនួន ៧២.៤៩៤នាក់ និង ទេសចរបរទេសចំនួន ៦៥១នាក់។

ចំពោះបញ្ហាសន្តិសុខ សណ្ដាប់ធ្នាប់ សេវាកម្មក្នុងឱកាសពិធីបុណ្យចូលឆ្នាំចិនឆ្នាំ២០២៤នេះ គឺប្រព្រឹត្តទៅដោយល្អប្រសើរ ពោលមិនមានបញ្ហាកើតឡើងធំដុំនោះឡើយ។នេះបើតាមការបញ្ជាក់បន្ថែមពីក្រសួងទេសចរណ៍៕

The post ខេត្តចំនួន៥ ទាក់ទាញភ្ញៀវទេសចរបានច្រើនជាងគេ នាឱកាសបុណ្យចូលឆ្នាំចិន appeared first on .

ក្រៅពីមានវត្តមានឧកញ៉ា តែ តាំងប៉ ដែលជាអ្នកការដឹកនាំ និងរៀបកម្មវិធីសិក្ខាសាលានេះហើយ ក៏មានការចូលរួមពីលោក ងួន លីណា អភិបាលរងខេត្តប៉ៃលិន រួមទាំងដៃគូសហការឧបត្ថម្ភនានា មានដូចជា  សហគ្រិនខ្មែរ  និងដៃគូសហការផ្សេងៗទៀត  ដោយមានSMEចូលរួមប្រមាណ១៥០នាក់ផងដែរ។

បើតាម FASMEC គោលបំណងនៃកម្មវិធីសិក្ខាសាលាខាងលើនេះ គឺដើម្បីចែករំលែកអំពីខ្សែសង្វាក់ទីផ្សារក្នុងស្រុក និងការនាំចេញ ព្រមទាំងជួយបំពេញបន្ថែមនូវចំណេះដឹងដែលម្ចាស់សហគ្រាសធុនតូច និងមធ្យមក្នុងខេត្តនៅមានចំណុចខ្វះខាត។

សូមបញ្ជាក់ថា សមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា និងសម្ព័ន្ធសមាគមសហគ្រាសធុនតូច និងមធ្យមកម្ពុជា(FASMEC) កន្លងមកតែងតែរៀបចំកម្មវិធីសិក្ខាសាលាស្តីពី «ការអភិវឌ្ឍន៍អាជីវកម្មក្រោយបរិបទកូវីដ-១៩» នៅតាមបណ្តាខេត្តនានា ដោយមានឧកញ៉ា តែ តាំងប៉ ជាប្រធានដឹកនាំកម្មវិធីផ្ទាល់។

ការរៀបចំកម្មវិធីសិក្ខាសាលាកន្លងមកនេះ គឺដើម្បីឱ្យម្ចាស់សហគ្រាស ឬអាជីវកម្មធុនតូច និងមធ្យម អាចលើកពីផលវិបាកដែលទាក់ទងនឹងការលក់ផលិតផលក្នុងស្រុក និងការនាំចេញ។លើសពីនោះ ក៏ជាការចែករំលែកខ្សែសង្វាក់ទីផ្សារក្នុងការនាំចេញ និងចែករំលែកចំណេះដឹងផ្សេងៗដល់ម្ចាស់សហគ្រាសធុនតូច និងមធ្យមផងដែរ៕

The post ឧកញ៉ា តែ តាំងប៉ នៅតែបន្តរៀបចំសិក្ខាសាលាការអភិវឌ្ឍន៍អាជីវកម្មក្រោយកូវីដ១៩ ដល់ម្ចាស់សហគ្រាសធុនតូច និងមធ្យមនៅខេត្តប៉ៃលិន appeared first on .

ក្នុងឱកាសនោះ អភិបាលខេត្តប៉ៃលិន បានលើកឡើងថា ក្នុងរយៈពេល៥ឆ្នាំ បរិមាណនៃការនាំចេញកសិផលទៅក្រៅប្រទេសរបស់ខេត្តប៉ៃលិន មានចំនួនសរុប២.១១៤.៩៩០ តោន រួមមាន ដំឡូងមី ពោតក្រហម ស្វាយកែវរមៀត មៀនប៉ៃលិន ម្ទេស ជាដើម។

លើសពីនោះ លោកស្រី បានបន្តថា ក្នុងរយៈពេលថ្មីៗនេះពោតក្រហម ដំឡូងមី និងស្វាយកែវរមៀត មានតម្លៃខ្ពស់ជាងតម្លៃឆ្នាំកន្លងមក។ជាមួយគ្នានោះ រដ្ឋបាលខេត្តសហការជាមួយមន្ទីរជំនាញខិតខំរកទីផ្សារដើម្បីលើកកម្ពស់តម្លៃកសិផល ក៏ ដូចជាលើកកម្ពស់ជីវភាពរស់នៅប្រជាពលរដ្ឋផងដែរ តាមរយៈការជម្រុញដល់ការនាំចេញទៅក្រៅ ប្រទេស (ថៃ វៀតណាម និងចិន)។

គួរឱ្យដឹងផងដែរថា សក្តានុពលនៃទិន្នផលកសិកម្មក្នុងខេត្តប៉ៃលិនមានការកើនឡើង ធ្វើឱ្យកន្លែងទិញកសិផលចំនួន៥៤កន្លែង សម្រាប់ទិញកសិផលពីប្រជាពលរដ្ឋទូទាំងខេត្ត និងខេត្តជាប់ព្រំដែនសម្រាប់ស្តុក និងនាំចេញទៅក្រៅប្រទេស។ ទន្ទឹមនឹងនោះផងដែរ ខេត្តប៉ៃលិនមានច្រកទ្វារព្រំដែនអន្តរជាតិ ព្រំដែនដែលអាចសម្រួលដល់ការដោះដូរផលិតផលកសិកម្មរវាងប្រជាពលរដ្ឋនៃប្រទេសទាំងពីរគឺ កម្ពុជា-ថៃផងដែរ ៕

The post រយៈពេល៥ឆ្នាំ ខេត្តប៉ៃលិន នាំចេញកសិផលទៅក្រៅប្រទេសបានប្រមាណជាង២លានតោន appeared first on .