លោក ខូយ រីដា អភិបាលខេត្តពោធិ៍សាត់ បានឱ្យដឹងថា គិតត្រឹមថ្ងៃទី៣០ ខែកញ្ញា ឆ្នាំ២០២៦នេះ វឌ្ឍនភាពស្តុកទឹកបានជាង៥០%ហើយ ដែលត្រៀមនឹងបញ្ចេញថាមពលឱ្យដំណើរការបណ្តោះអាសន្ន នៅចុងខែតុលា ឆ្នាំ២០២៦នេះ។ លោកឱ្យដឹងថា គុណប្រយោជន៍ដ៏មានតម្លៃ សម្រាប់ប្រជាពលរដ្ឋក្នុងខេត្តទាំងមូល គឺជួយបង្កើនប្រភពអគ្គិសនីស្អាត មានតម្លៃសមរម្យ សម្រាប់បម្រើបណ្តាញជាតិ, ជួយទប់ស្កាត់ជំនន់ទឹកភ្លៀងក្នុងក្រុងពោធិ៍សាត់ និងត្រៀមស្រោចស្រពផ្ទៃដីកសិកម្មជាង ២ម៉ឺនហិកតា, បង្កើតតំបន់ទេសចរណ៍ធម្មជាតិថ្មី, មានផ្លូវកៅស៊ូព័ទ្ធជុំវិញផ្ទៃអាងលិចទឹក, បង្កើតការងារ និងរោងចក្រផលិតគីមឈីសម្រាប់នាំចេញ។

លោកបានចាត់ទុកទុកថានេះគឺជាជំហានដ៏សំខាន់ឆ្ពោះទៅរកការផលិតថាមពលអគ្គិសនីស្អាត និងការអភិវឌ្ឍដោយចីរភាព។

សូមជម្រាបថា គម្រោងពហុបំណងដ៏មានសារៈសំខាន់នេះ ត្រូវបានអភិវឌ្ឍឡើងក្រោមទុនវិនិយោគសរុបប្រមាណ ២៣១ លានដុល្លារអាម៉េរិក ដោយក្រុមហ៊ុន SPHP (Cambodia) Co., Ltd. សហការ​ជាមួយ​ដៃគូ​បច្ចេកទេស​លំដាប់​អន្តរជាតិ POWERCHINA។ កិច្ចដំណើរការ​សាងសង់​បាន​ចាប់ផ្តើម​ឡើង​តាំង​ពីចុង​ឆ្នាំ​២០២២ ហើយតាមផែនការគ្រោងទុក វារីអគ្គិសនី​នេះនឹងបញ្ចប់​ការសាងសង់​​ទាំងស្រុង និង​ចាប់ផ្តើម​​ដាក់​ឱ្យ​​ដំណើរការ​ផលិតថាមពលអគ្គិសនី​បញ្ជូន​ទៅ​បណ្តាញជាតិ​ជាផ្លូវការ​នៅ ចុងឆ្នាំ២០២៦ ខាងមុខនេះ។

វារីអគ្គិសនីស្ទឹងពោធិ៍សាត់១ នឹង​មាន​សមត្ថភាព​ផលិតថាមពល​អគ្គិសនី​ស្អាត​បាន​ប្រមាណ ៣៦៩លាន​គីឡូ​វ៉ាត់​ម៉ោង (369 GWh) ក្នុងមួយឆ្នាំ ដែល​ជា​ការរួមចំណែក​យ៉ាង​ធំធេង​​ដល់​ការ​អភិវឌ្ឍ​​ប្រកប​​ដោយ​ចីរភាព​របស់​កម្ពុជា។

The post តើគម្រោងវារីអគ្គិសនីស្ទឹងពោធិ៍សាត់១ អនុភាព៨០ មេហ្គាវ៉ាត់ តម្លៃប្រមាណ ២៣១ លានដុល្លារ សម្រេចវឌ្ឍភាពដល់ណាហើយ? appeared first on .

ពិធីនេះប្រព្រឹត្តទៅក្រោមអធិបតីភាព លោក អ៊ុក សុខា អគ្គនាយកនៃអគ្គនាយកដ្ឋានបេតិកភណ្ឌ តំណាងដ៏ខ្ពង់ខ្ពស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ។ ការរៀបចំការតាំងពិព័រណ៍មិនអចិន្ត្រៃយ៍នេះ មានគោលបំណងផ្សព្វផ្សាយ និងបញ្ជ្រាបការយល់ដឹងជាសាធារណៈអំពីគុណតម្លៃនៃសម្បត្តិបេតិកភណ្ឌវប្បធម៌ខ្មែរ ព្រមទាំងលើកកម្ពស់ការចូលរួមរបស់ប្រជាពលរដ្ឋក្នុងការថែរក្សា ការពារ អភិរក្ស និងអភិវឌ្ឍវប្បធម៌ជាតិ ឆ្ពោះទៅសម្រេចបានតាមគោលដៅ «កម្ពុជា ព្រះរាជាណាចក្រនៃវប្បធម៌»។

ជាពិសេស ការតាំងពិព័រណ៍នេះមានគោលបំណងឱ្យសាធារណជនបានស្គាល់ និងយល់ដឹងកាន់តែច្បាស់អំពីសម្បត្តិបេតិកភណ្ឌ និងមរតកដូនតាខ្មែរ ដែលបានបាត់បង់ និងត្រូវបានរាជរដ្ឋាភិបាលខិតខំទាមទារត្រឡប់មកកម្ពុជាវិញ ព្រមទាំងបំផុសចលនាមហាជនឱ្យចូលរួមគាំទ្រ និងចូលរួមថែរក្សា ការពារ សម្បត្តិវប្បធម៌ជាតិ។

លើសពីនេះ ព្រឹត្តិការណ៍នេះក៏ជាសកម្មភាពដ៏មានសារៈសំខាន់ក្នុងការបំផុស និងដាស់ស្មារតីយុវជន ដែលជាទំពាំងស្នងឫស្សីរបស់ជាតិ ឱ្យបានស្គាល់ និងយល់កាន់តែច្បាស់អំពីលក្ខណៈពិសេស និងភាពសម្បូរបែបនៃសិល្បៈ និងវប្បធម៌ខ្មែរ ដែលបានបន្សល់ទុកដោយបុព្វបុរសជាច្រើនជំនាន់មកហើយ។

សូមបញ្ជាក់ថា តាមរយៈការតាំងពិព័រណ៍នេះ ក៏ជាការចូលរួមផ្សព្វផ្សាយចំណេះដឹង បង្កើនការយល់ដឹង និងបណ្តុះមនសិការ ស្មារតីស្រឡាញ់ និងអភិរក្សបេតិកភណ្ឌវប្បធម៌ជាតិ ដល់កូនខ្មែរគ្រប់រូប ឱ្យចូលរួមថែរក្សា ការពារ និងលើកតម្កើងមរតកវប្បធម៌ខ្មែរ ឱ្យស្ថិតស្ថេរ គង់វង្សជានិរន្តរ៍ ព្រោះបេតិកភណ្ឌវប្បធម៌ គឺជាអត្តសញ្ញាណ និងជាដួងព្រលឹងរបស់ជាតិ៕

The post កម្ពុជា តាំងពិព័រណ៍សាធារណៈមិនអចិន្ត្រៃយ៍ អំពីវត្ថុសិល្បៈខ្មែរ ដែលត្រូវបាននាំចេញដោយខុសច្បាប់ និងទាមទារត្រឡប់មកកម្ពុជាវិញ appeared first on .

លោក ខូយ រីដា បានបង្ហាញការជឿជាក់យ៉ាងមុតមាំថា ការវិនិយោគនេះនឹងជួយបង្កើតការងាររាប់ពាន់កន្លែង លើកកម្ពស់ជំនាញបច្ចេកវិទ្យាដល់ប្រជាពលរដ្ឋ និងពង្រឹងមូលដ្ឋានសេដ្ឋកិច្ចរបស់ខេត្តពោធិ៍សាត់ឱ្យកាន់តែរឹងមាំ។លោកបន្តថា ព្រឹត្តិការណ៍នេះ ត្រូវបានចាត់ទុកជា «ស្ពាន» ដ៏សំខាន់ក្នុងការតភ្ជាប់សក្តានុពលខេត្ត ទៅនឹងខ្សែសង្វាក់ផលិតកម្មឧស្សាហកម្ម និងថាមពលប្រកបដោយចីរភាព។

លោក ខូយ រីដា បានបញ្ជាក់ដែរថា ភាពជោគជ័យក្នុងការទាក់ទាញក្រុមហ៊ុន KPS Energy (Cambodia) Co., Ltd មកបណ្តាក់ទុននៅខេត្តពោធិ៍សាត់ គឺជាលទ្ធផលនៃការខិតខំប្រឹងប្រែងយ៉ាងសកម្ម និងការយកចិត្តទុកដាក់ខ្ពស់ពីសំណាក់ លោក កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តពោធិ៍សាត់ កំពុងផ្លាស់ប្តូរមុខមាត់ថ្មី ដោយមានរោងចក្រ និងសហគ្រាសធំៗជាច្រើន បានសម្រេចចិត្តមកវិនិយោគ ដែលកត្តានេះបានជួយពង្រឹងសេដ្ឋកិច្ចមូលដ្ឋានយ៉ាងខ្លាំងក្លា។

សូមជម្រាបដែរថា ការវិនិយោគនេះលើផ្ទៃដី ៥,០០០ហិកតានេះ មិនមែនជាការចុះហត្ថលេខាលើឯកសារធម្មតានោះទេ ប៉ុន្តែគឺជាការបោះជំហានដ៏ធំមួយ ក្នុងការជំរុញសេដ្ឋកិច្ចមូលដ្ឋាន តាមរយៈគម្រោងអភិវឌ្ឍន៍ជាប្រព័ន្ធ ដោយផ្តោតលើរឿងចំនួន៣ រួមមាន៖ទី១. វិស័យថាមពលស្អាត៖ ការសាងសង់រោងចក្រផលិតអគ្គិសនី ដើរដោយជីវម៉ាស (អនុភាព ៥០មេហ្គាវ៉ាត់) និងរោងចក្រផលិតអគ្គិសនី ដើរដោយថាមពលព្រះអាទិត្យ (អនុភាព ៤០មេហ្គាវ៉ាត់) ដែលឆ្លើយតបទៅនឹងនិន្នាការអភិវឌ្ឍន៍ថាមពលស្អាត និងការប្រើប្រាស់ធនធានប្រកបដោយប្រសិទ្ធភាព។ទី២. ឧស្សាហកម្មកសិកម្ម និងការកែច្នៃ៖ រួមមានរោងចក្រផលិតជី និងរោងចក្រផលិតគីមឈី ដើម្បីបង្កើនតម្លៃបន្ថែមដល់ផលិតផលកសិកម្មក្នុងស្រុក។និងទី៣. ការអភិវឌ្ឍបៃតង៖ គម្រោងដាំដើមឈើ និងការថែរក្សាធនធានធម្មជាតិ ដែលជាឆ្អឹងខ្នងសម្រាប់និរន្តរភាពបរិស្ថាន៕អត្ថបទ៖ហ្សាលីន

The post ក្រុមហ៊ុនមួយ មកបណ្តាក់ទុនវិនិយោគនៅខេត្តពោធិ៍សាត់ ផ្តោតលើគម្រោងសំខាន់ៗចំនួន ៣ appeared first on .

លោក ខូយ រីដា អភិបាលខេត្តពោធិ៍សាត់ បានមានប្រសាសន៍នៅថ្ងៃពុធ ទី៥ ខែសីហា ឆ្នាំ២០២៦ ថា ក្រុមហ៊ុន សូណាវិទ្យ (SONAVITH Co., Ltd.) របស់កម្ពុជា បានសហការវិនិយោគជាមួយក្រុមហ៊ុនផលិតទឹកដោះគោយក្សរបស់ម៉ាឡេស៊ី Farm Fresh Berhad (Farm Fresh Malaysia) និងក្រុមហ៊ុន Alpha Group ដើម្បីវិនិយោគដ៏ធំមួយនៅស្រុកវាលវែង ខេត្តពោធិ៍សាត់។

មានឈ្មោះថា FARM FRESH PURSAT នឹងធ្វើការបោះទុនវិនិយោគលើកសិដ្ឋានចិញ្ចឹមគោយកទឹកដោះ​ និងបង្កើតរោងចក្រ ដែលជាការបង្កើតឱកាសការងារជាច្រើនសម្រាប់ប្រជាពលរដ្ឋ និងជាប្រវត្តិសាស្រថ្មីរបស់ខេត្ត​ ក៏ដូចជាសម្រាប់ប្រទេសកម្ពុជា។

លោកស្រី សុខ ចាន់សូណា ប្រធានក្រុមប្រឹក្សាភិបាលក្រុមហ៊ុន SONAVITH Co., Ltd. បានថ្លែងថា ក្រុមហ៊ុន FARM FRESH (PURSAT) នឹងវិនិយោគទុនសរុបចំនួន ៦៨លានដុល្លារអាមេរិក ដើម្បីអភិវឌ្ឍកសិដ្ឋានចិញ្ចឹមគោយកទឹកដោះ និងសាងសង់រោងចក្រកែច្នៃ។

ក្រុមហ៊ុន FARM FRESH (PURSAT) ជាក្រុមហ៊ុនផលិតទឹកដោះគោឈានមុខមួយនៅតំបន់អាស៊ីអាគ្នេយ៍។ ការមកបណ្តាក់ទុននៅខេត្តពោធិ៍សាត់ នឹងជួយភ្ជាប់ឈ្មោះរបស់ខេត្តទៅកាន់តំបន់អាស៊ីអាគ្នេយហ៍ និងពិភពលោក។

សូមជម្រាបថា គិតត្រឹមចុងឆ្នាំ២០២៥ កម្ពុជមានកសិដ្ឋានចិញ្ចឹមគោយកទឹកដោះ ចំនួន៤ រួមមាន៖ កសិដ្ឋាន គិរីសួគ៌, កសិដ្ឋាន មូមូ ហ្វាម, កសិដ្ឋាន តេជោសែនឫស្សីត្រឹប, កសិដ្ឋាន អូម៉៕

The post ខេត្តមួយនៅភាគបស្ចឹមកម្ពុជា ត្រៀមខ្លួនទទួលគម្រោងកសិដ្ឋានទឹកដោះគោធំបំផុត ក្រោមទុន ៦៨លានដុល្លារ ពីវិនិយោគិនម៉ាឡេស៊ី appeared first on .

លោករដ្ឋមន្ត្រី ហួត ហាក់ បានគូសបញ្ជាក់ថា ការលេចឡើងនៃរមណីយដ្ឋានសម្រាកលំហែកាយបែបធម្មជាតិដ៏ប្រណីតនេះ មិនត្រឹមតែជាការផ្ដល់ជម្រើសថ្មីសម្រាប់ភ្ញៀវទេសចរប៉ុណ្ណោះទេ ប៉ុន្តែវាគឺជាម៉ាស៊ីនសេដ្ឋកិច្ចយ៉ាងសំខាន់ក្នុងការបង្កើតការងារជូនប្រជាពលរដ្ឋមូលដ្ឋាន និងបង្កើនភាពប្រកួតប្រជែងនៃវិស័យទេសចរណ៍កម្ពុជានៅលើឆាកអន្តរជាតិ។ ឯកឧត្តមបានបន្ថែមថា នេះគឺជាលទ្ធផលនៃកិច្ចសហការយ៉ាងជិតស្និទ្ធរវាងវិស័យសាធារណៈ និងវិស័យឯកជន ស្របតាមចក្ខុវិស័យរបស់រាជរដ្ឋាភិបាលក្នុងការប្រែក្លាយតំបន់ដែលមានសក្តានុពលធម្មជាតិ ឱ្យទៅជាគោលដៅទេសចរណ៍មានតម្លៃបន្ថែមខ្ពស់។

គួរបញ្ជាក់ថា រមណីយដ្ឋាន VELEA ESCAPE RESORT ត្រូវបានអភិវឌ្ឍឡើងក្រោមទស្សនទាន «ទេសចរណ៍បៃតង និងនិរន្តរភាព» ដោយផ្ដោតលើការរក្សាបរិស្ថានធម្មជាតិខៀវស្រងាត់ និងការផ្ដល់សេវាកម្មប្រកបដោយគុណភាពខ្ពស់។ វត្តមាននៃរមណីយដ្ឋាននេះ ត្រូវបានគេរំពឹងថា នឹងក្លាយជាមេដែកទាក់ទាញភ្ញៀវទេសចរជាតិ និងអន្តរជាតិឱ្យមកកម្សាន្តនៅខេត្តពោធិ៍សាត់កាន់តែច្រើន ជាពិសេសក្នុងរដូវកាលបៃតង ដែលតំបន់ភ្នំនៃស្រុកវាលវែងបង្ហាញនូវសម្រស់ធម្មជាតិស្រស់ត្រកាលបំផុត។

តាមរយៈបេសកកម្មនេះ ក្រសួងទេសចរណ៍ និងរដ្ឋបាលខេត្តពោធិ៍សាត់ បានបង្ហាញនូវការប្តេជ្ញាចិត្តយ៉ាងមុតមាំក្នុងការគាំទ្រដល់វិនិយោគិនឯកជន ដើម្បីបន្តអភិវឌ្ឍហេដ្ឋារចនាសម្ព័ន្ធទេសចរណ៍ឱ្យកាន់តែសម្បូរបែប សំដៅប្រែក្លាយខេត្តពោធិ៍សាត់ឱ្យក្លាយជាចំណុចកណ្តាលនៃទេសចរណ៍លំហែកាយកម្រិតខ្ពស់ ដែលរួមចំណែកយ៉ាងសកម្មដល់កំណើនសេដ្ឋកិច្ចជាតិ និងការលើកកម្ពស់ជីវភាពសហគមន៍មូលដ្ឋានឱ្យកាន់តែប្រសើរឡើង៕

The post ក្រសួងទេសចរណ៍ និងរដ្ឋបាលខេត្តពោធិ៍សាត់ ប្តេជ្ញាគាំទ្រដល់វិនិយោគិនឯកជន ដើម្បីបន្តអភិវឌ្ឍហេដ្ឋារចនាសម្ព័ន្ធទេសចរណ៍ឱ្យកាន់តែសម្បូរបែប appeared first on .

ក្រុមប្រឹក្សាអភិវឌ្ឍន៍កម្ពុជា បានប្រកាសចូលរួមអបអរសាទរដល់ប្រជាពលរដ្ឋស្រុកក្រគរ ខេត្តពោធិ៍សាត់ ដែលទទួលបានគម្រោងវិនិយោគបង្កើតរោងចក្រផ្គុំ និងដំឡើងរថយន្តអគ្គិសនី “EV” ស្ថិតក្នុងតំបន់សេដ្ឋកិច្ចពិសេស ពោធិ៍សាត់ ក្នុងទំហំទុនវិនិយោគ ៤៦លានដុល្លារអាម៉េរិក និងអាចបង្កើតការងារបានចំនួន ៤២៨កន្លែង។

គម្រោងវិនិយោគបង្កើតរោងចក្រផ្គុំ និងដំឡើងរថយន្តអគ្គិសនី “EV” នឹងបោះទីតាំងស្ថិតនៅក្នុងតំបន់សេដ្ឋកិច្ចពិសេស ពោធិ៍សាត់ (ភូមិសារវ័ន ឃុំស្នាអន្សា ស្រុកក្រគរ ខេត្តពោធិ៍សាត់) ដែលជាគម្រោងវិនិយោគដោយក្រុមហ៊ុន ហ្សូ ម៉ូធ័រ (ខេមបូឌា) ឯ.ក។

សូមរម្លឹកដែរថា​ ក្នុងខែមករា ឆ្នាំ២០២៦ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានចុះបញ្ជីគម្រោងវិនិយោគចំនួន៤៣ ក្នុងទំហំទុនវិនិយោគសរុបប្រមាណ ៧៥២លានដុល្លារអាម៉េរិក។ នេះបើតាមសេចក្ដីប្រកាសព័ត៌មាន របស់ក្រុមប្រឹក្សាអភិវឌ្ឍន៍កម្ពុជា កាលថ្ងៃទី១០ កុម្ភៈ ឆ្នាំ២០២៦៕ អត្ថបទ៖ហ្សាលីន

The post ខេត្តពោធិ៍សាត់ នឹងមានរោងចក្រផ្គុំ និងដំឡើងរថយន្តអគ្គិសនី “EV” តម្លៃ៤៦ លានដុល្លារអាមេរិក appeared first on .

តាមរយៈផេកផ្លូវការរបស់ ឯកឧត្តម កែវ រតនៈ រដ្ឋមន្រ្តីក្រសួងរ៉ែ និងថាមពល នារសៀលថ្ងៃទី១០ ខែកុម្ភៈ ឆ្នាំ២០២៦នេះ បានបញ្ជាក់ដូច្នេះថា «អ្នកឧកញ៉ាគិត ម៉េង ចុះពិនិត្យនិងចាប់អារម្មណ៍សក្តានុពលផ្នែកឧស្សាហកម្មនៅស្រុកក្រគរ ខេត្តពោធិ៍សាត់ និងមើលស្ថានភាពអាងអភិរក្សដំណាក់ក្រាញ់ ស្ថិតនៅក្នុងភូមិអន្សក្តាម ឃុំស្នាអន្សា»។

សូមបញ្ជាក់ថា ស្រុកក្រគរ ខេត្តពោធិ៍សាត់ បាននិងកំពុងអភិវឌ្ឍន៍ទៅមុខ ដោយមានតំបន់សេដ្ឋកិច្ចពិសេស ទាក់ទាញបានវិនិយោគិនថ្មីៗជាបន្តបន្ទាប់។ ជាក់ស្តែង ក្នុងតំបន់សេដ្ឋកិច្ចពិសេសក្រគរ បច្ចុប្បន្នត្រូវបានអភិវឌ្ឍន៍រួចរាល់ និងកំពុងដំណើរការរួមមាន៖ រោងចក្រកាត់ដេរ រោងចក្រតម្លើងត្រង់ស្វូរ រោងចក្រផ្គុំ និងតំឡើងរថយន្ត Ford របស់សហរដ្ឋអាមេរិក ពហុកីឡដ្ឋានសម្តេចតេជោ ហ៊ុន សែន ជាដើម។

ថ្មីៗនេះ ក៏ទើបតែបើកសម្ពោធតំបន់សេដ្ឋកិច្ចរបស់ជប៉ុន មួយដែលវិនិយោគដោយក្រុមហ៊ុន Minebea Cambodia ក្នុងទំហំទឹកប្រាក់ចំនួន ៦៥០លានដុល្លារ លើផ្ទៃដីចំនួន៥០ហិកតា ។ តំបន់សេដ្ឋកិច្ចពិសេសថ្មីនេះដែរ នឹងជំរុញការវិនិយោគបន្ថែមទៀតទៅកាន់ខេត្តពោធិ៍សាត់ ជាពិសេសការវិនិយោគនៅតាមបណ្ដោយផ្លូវជាតិលេខ៥ ដែលទើបតែសាងសង់រួច បង្កើនឱកាសការងារជាច្រើនបន្ថែមទៀតផងដែរ៕

The post អ្នកឧកញ៉ា គិត ម៉េង ចាប់អារម្មណ៍សក្តានុពលវិស័យឧស្សាហកម្ម នៅស្រុកក្រគរ ខេត្តពោធិ៍សាត់ appeared first on .

ពិធីបើកការដ្ឋានសាងសង់រោងចក្រកែច្នៃដបប្លាស្ទិក ដែលប្រើប្រាស់រួច ដើម្បីផលិតជាប្រភេទPET សម្រាប់បម្រើដល់ឧស្សាហកម្មម្ហូបអាហារ និងភេសជ្ជៈនេះ បានធ្វើឡើងក្រោមអធិបតីភាព លោក កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តពោធិ៍សាត់ នាព្រឹកថ្ងៃទី១៩ ខែមករា ឆ្នាំ២០២៦ នាតំបន់សេដ្ឋកិច្ចពិសេសពោធិ៍សាត់ ស្ថិតក្នុងឃុំស្នាអន្សា ស្រុកក្រគរ។

លោក កែវ រតនៈ បានលើកឡើងថា ខេត្តពោធិ៍សាត់ជាប៉ូលសេដ្ឋកិច្ចទី៤ ជាមូលដ្ឋានជំរុញសេដ្ឋកិច្ចកម្ពុជាឈានឡើង ឆ្ពោះទៅប្រទេសដែលមានចំណូលមធ្យមកម្រិតខ្ពស់ នៅឆ្នាំ២០៣០ និងជាប្រទេសដែលមានចំណូលខ្ពស់ នៅឆ្នាំ២០៥០ នាពេលខាងមុខ។ លោកសង្ឃឹមថា ក្រុមហ៊ុន A1-Plastics នឹងចូលរួមចំណែកយ៉ាងសំខាន់ ដើម្បីលើកកម្ពស់ជីវភាព និងសុខុមាលភាព ជូនប្រជាពលរដ្ឋក្នុងខេត្តពោធិ៍សាត់ បានមួយចំណែកថែមទៀត។

លោកបន្តថា ក្រោមសមិទ្ធិផលនេះជាការខិតខំទ្វេដងរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តី ក្នុងការបង្កើតការងារបៃតងជូនបងប្អូនប្រជាពលរដ្ឋខ្មែរ និងពង្រីកមូលដ្ឋានចំណូលរបស់ជាតិ។

គួរ​ឱ្យដឹងថា ក្រុមហ៊ុន A1-Plastics បានចំណាយទុនគ្រោង២៩លានដុល្លារ ដើម្បីជ្រើសរើសយកខេត្តពោធិ៍សាត់ជាខេត្តគំរូ ក្នុងការចាប់ផ្តើមវិនិយោគកែច្នៃដបប្លាស្ទិក ដែលប្រើប្រាស់រួច ដើម្បីផលិតជាប្រភេទPET មានគុណភាពខ្ពស់ ស្របតាមស្តង់ដាពិភពលោក សម្រាប់បម្រើដល់ឧស្សាហកម្មម្ហូបអាហារ និងភេសជ្ជៈ ឈានទៅប្រែក្លាយបញ្ហាប្រឈមផ្នែកបរិស្ថាន ទៅជាធនធានសេដ្ឋកិច្ច សម្រាប់ប្រទេសកម្ពុជា។

បើតាម អភិបាលខេត្តពោធិ៍សាត់ លោក ខូយ រីដា បានឱ្យដឹងថា គិតមកដល់ពេលនេះ ខេត្តពោធិ៍សាត់មានរោងចក្រ សហគ្រាស និងក្រុមហ៊ុនឯកជន ចំនួន៤១៤កន្លែង ព្រមទាំងបានផ្តល់ការងារ ជូនប្រជាពលរដ្ឋក្នុងខេត្ត និងក្រៅខេត្ត បានចំនួន១៥,៧៨១នាក់៕

The post រោងចក្រកែច្នៃប្លាស្ទិកPETប្រើហើយ របស់ក្រុមហ៊ុន A1 បានចាយទុនរង្វង់២៩លានដុល្លារ វិនិយោគនៅស្រុកក្រគរ ខេត្តពោធិ៍សាត់ appeared first on .

អ្នកនាំពាក្យក្រសួងកសិកម្ម លោក ឃឹម ហ្វីណង់ កាលថ្ងៃទី១៤ ខែមករា ឆ្នាំ២០២៦ បានបញ្ជាកបន្ថែមថា បទបង្ហាញតម្រង់ទិសដ៏មានសារៈសំខាន់មួយនេះ ជុំវិញលទ្ធផលខាងលើ ត្រូវបានធ្វើឡើងដោយក្រុមអ្នកស្រាវជ្រាវនៃCPS នៅក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០២៥របស់មន្ទីរកសិកម្មខេត្តពោធិ៍សាត់។

សូមជម្រាប់ មជ្ឈមណ្ឌលសិក្សាគោលនយោបាយ(CPS) បានបញ្ជាក់ថា ក្រៅពីស្រូវ ដែលជាដំណាំដាំដុះច្រើនជាងគេនៅតាមតំបន់ទំនាបនៃខេត្ត នៅមានដំណាំជាច្រើនប្រភេទនៅក្នុងតំបន់អូសោមនៃស្រុកវាលវែង និងផ្នែកខ្លះទៀតនៃស្រុកភ្នំក្រវ៉ាញ ដែលមានសក្តានុពលខ្ពស់នៅក្នុងការប្រកួតប្រជែង មានតម្លៃបន្ថែមច្រើន និងអាចមានលទ្ធភាពចាប់យកម៉ាកសញ្ញាភូមិសាស្ត្របាន។

CPS ក្នុងនោះដំណាំរយៈពេលខ្លីមានដូចជាស្ពៃក្តោប ខ្ញី រមៀត រំដេង ត្រាវ និងដំណាំរយៈពេលវែងមានដូចជាទុរេន ក្រូចពោធិ៍សាត់ ផ្លែប័រ ក្រូចថ្លុង ចេកពងមាន់ ផាសិន ជាដើម។ ដំណាំសក្តានុពលខ្លះទៀតក៏ស្ថិតក្នុងបញ្ជីនេះដែរ ទោះបីជាមានចំនួនដាំដុះតិចតួចនៅឡើយក៏ដោយ ដូចជាម្រេច កាហ្វេ មង្ឃុត ក្រវ៉ាញ គូលែន។

ក្រសួងកសិកម្ម សង្ឃឹមថា ជាមួយនឹងទិន្នផលបែបវិទ្យាសាស្ត្រដែលកើតចេញពីការស្រាវជ្រាវច្បាស់លាស់កាន់តែច្រើន យើងនឹងអាចឈានទៅដល់ការរៀបចំផែនការគោលសម្រាប់ការអភិវឌ្ឍវិស័យកសិកម្មនៅក្នុងខេត្តពោធិ៍សាត់នាពេលខាងមុខ៕ អត្ថបទ៖ ហ្សាលីន

The post CPS ស្រាវជ្រាវឃើញដំដំណាំ២០មុខ មានភាពប្រកួតប្រជែងខ្ពស់សម្រាប់ការដាំដុះនៅក្នុងខេត្តពោធិ៍សាត់ appeared first on .

លោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានថ្លែងថា នេះជាសមិទ្ធផលដ៏សំខាន់មួយរបស់មីនេបៀ ដែលបានចូលរួមដល់ការអភិវឌ្ឍសេដ្ឋកិច្ចកម្ពុជា ជាពិសេសគឺមានសង្គតិភាពទៅនឹងកិច្ចខិតខំប្រឹងប្រែងរបស់រាជរដ្ឋាភិបាល ក្នុងការធ្វើពិពិធកម្មផលិតកម្ម និងលើកកម្ពស់កំណើនសេដ្ឋកិច្ចក្នុងតំបន់។ រោងចក្រទី២របស់ក្រុមហ៊ុនមីនេបៀនេះ ត្រូវបានវិនិយោគក្នុងទំហំទឹកប្រាក់ចំនួន ៣៨,៥លានដុល្លារអាម៉េរិក នៅលើផ្ទៃដីទំហំ ៥០ហិកតា និងអាចបង្កើតការងារបានប្រមាណ ៨០០០កន្លែង នៅពេលប្រតិបត្តិការពេញសមត្ថភាព។

លោកជឿជាក់ថា វត្តមានរបស់មីនេបៀក្នុងខេត្តពោធិ៍សាត់នេះ នឹងទាក់ទាញវិនិយោគិនកាន់តែច្រើនបន្ថែមទៀត ដែលអាចជាក្រុមហ៊ុនផ្គត់ផ្គង់ ឬជាផ្នែកមួយនៃខ្សែច្រវាក់ផ្គត់ផ្គង់របស់មីនេបៀ ឬធ្វើប្រតិបត្តិការអាជីវកម្មក្នុងឱស្សាហកម្មពាក់ព័ន្ធ។ លោកបានបន្ថែមថា ជាមួយនឹងធនធានថាមពលកកើតឡើងវិញដ៏សម្បូរបែបរបស់ខេត្តពោធិ៍សាត់ ក៏ដូចជាគម្រោងរបស់មីនេបៀរក្នុងការបង្កើត Solar Farm ក្នុងខេត្តនេះ គឺជាការសម្រេចចិត្តយុទ្ធសាស្រ្តមួយ ដែលអនុញ្ញាតឱ្យក្រុមហ៊ុនសម្រេចបាននូវស្តង់ដារបរិស្ថានថ្មី ព្រមទាំងចូលរួមចំណែកក្នុងការលើកកម្ពស់ប្រវត្តិរូបអាជីវកម្ម ដែលមានការគិតគូរដល់បរិស្ថាន និងផ្តល់នូវតម្លៃបន្ថែមជូនអតិថិជនគោលដៅផងដែរ។

ក្នុងឱកាសនោះ លោកក៏បានរំលេចអំពីសមិទ្ធផលការងារលេចធ្លោមួយចំនួនដែលសម្រេចបានក្រោមការដឹកនាំតម្រង់ទិស និងចង្អុលបង្ហាញដោយចក្ខុវិស័យមុតស្រួចរបស់ ប្រមុខរាជរដ្ឋាភិបាលកម្ពុជា ដែលរួមមានជូចជា៖ (១)កិច្ចខិតខំប្រឹងប្រែងក្នុងការរក្សាសុខសន្តិភាព និងស្ថិរភាពជាតិ, (២)ការធ្វើឱ្យប្រសើរឡើងនូវបរិយាកាសធុរកិច្ច និងអំណោយផលក្នុងការវិនិយោគដោយមាន ក.អ.ក ជាសេនាធិការច្រកចេញចូលតែមួយ, (៣)ភាពប្រាកដប្រជា និងការបង្កើនទំនុកចិត្តវិនិយោគ តាមរយៈការចុះកិច្ចព្រមព្រៀងពាណិជ្ជកម្មបដិការជាផ្លូវការ ជាមួយសហរដ្ឋអាម៉េរិក ដែលកម្ពុជាគឺជាប្រទេសទី១ នៅក្នុងពិភពលោក, និង (៤)កំណើនចំនួនគម្រោងវិនិយោគដែលបានអនុម័តដោយ ក.អ.ក. នឹងឈានទៅបំបែកកំណត់ត្រាសារជាថ្មី ក្នុងបំណាច់ឆ្នាំ២០២៥ខាងមុខនេះ។

សូមជម្រាបជូនផងដែរថា ក្រុមហ៊ុន Minebea Mitsumi Inc. ជាក្រុមហ៊ុនដ៏ធំមួយរបស់ជប៉ុន ធ្វើអាជីវកម្មលើការផលិតគ្រឿងបង្គុំម៉ាស៊ីន និងគ្រឿងបង្គុំអេឡិចត្រូនិកចាប់តាំងឆ្នាំ១៩៥១ ។ បច្ចុប្បន្នក្រុមហ៊ុនក៏បានបង្កើតរោងចក្រចំនួនពីរកន្លែងនៅកម្ពុជា ដោយទីមួយនៅក្នុងតំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ និងទីពីរនៅក្នុងតំបន់សេដ្ឋកិច្ចពិសេសពោធិ៍សាត់ ដែលអាចបង្កើតការងារជិត១ម៉ឺនកន្លែង៕

The post ក្រោមស្នូរគ្រាប់ផ្លោងរបស់សត្រូវនៅសមរភូមិមុខ! រោងចក្រថ្មីរបស់ក្រុមហ៊ុនយក្សមីនេបៀ តម្លៃជាង៣៨លានដុល្លារ សម្ពោធដំណើរការនៅខេត្តពោធិ៍សាត់ appeared first on .