លោក ធឿន វុឌ្ឍី មគ្គុទេ បានឱ្យដឹងថា វិធានការបន្ថែម សម្រាប់បន្តគ្រប់គ្រងផលប៉ះពាល់ និងគាំទ្រការងើបឡើងវិញនៃវិស័យទេសចរណ៍នៅព្រះរាជាណាចក្រកម្ពុជានេះ ជាការលើកទឹកចិត្តបន្ថែមដោយសារតែអ្នកប្រកបអាជីវកម្មនៅក្នុងវិស័យទេសចរណ៍ ពេលខ្លះពួកគាត់បានរៀបចំដំណើរការឡើងវិញ អ្នកខ្លះមិនទាន់បានរៀបចំខ្លួន ហើយអ្នកខ្លះទៀតនៅរងចំាមើលភ្ញៀវចូលមកកម្ពុជា។ រាជរដ្ឋាភិបាលបានលើកលែង៣ខែបន្ថែមនេះជាការផ្តល់ឱកាសមួយដ៏ល្អសម្រាប់អ្នកដែលមិនទាន់បានរៀបចំអាជីវកម្មរបស់ខ្លួនឡើងវិញឱ្យពួកគាត់បានរៀបចំដើម្បីទទួលភ្ញៀវទេសចរដែលនឹងចូលមកទស្សនាកម្ពុជានៅពេលខាងមុខជាបន្តបន្ទាប់។

លោក ធឿ នវុឌ្ឍី មានប្រសាសន៍ថា«ជារួមខ្ញុំគិតថាវាជាឱកាសមួយដ៏ល្អ។ ជាក់ស្តែងរូបខ្ញុំនិងមិត្តភក្រ្ត័មគ្គុទេសទេសចរដទៃទៀតកាលពីជំងឺកូវីដ១៩រីករាលដាល យើងបានដាច់ឬផុតកំណត់អាជ្ញាប័ណ្ណអស់ហើយ ដែលទាមទារត្រូវបន្តតែបើមិនបន្តអាជ្ញាប័ណឡើងវិញ អាចត្រូវរងការពិន័យប្រាក់២លានរៀល។ ប៉ុន្តែក្រោយកូវីដ១៩ក្រសួងទេសចរណ៍ក៏ដូចជារាជរដ្ឋាភិបាលក៏បានលើកលែងឱ្យបន្តអាជ្ញាប័ណធ្វើអាជីវកម្មឡើងវិញ។ដូចនេះការលើកលែងរបស់រាជរដ្ឋាភិបាល៣ខែបន្តនេះខ្ញុំយល់ថាវាស្រដៀងគ្នាដែរ វាជាការលើកទឹកចិត្តដល់ផ្ទះសំណាក់ សណ្ឋាគារនិងភ្នាក់ងារទេសចរផ្សេងៗ គាត់មានពេលវេលាវែងគួរសមក្នុងការរៀបចំអ្វីៗដែលត្រៀមដំណើរការឡើងវិញ»។

លោកសង្កត់ធ្ងន់ថា«ការលើកលែង៣ខែបន្ថែមនេះ ខ្ញុំគិតថាវាមិនទាន់គ្រាប់គ្រាន់ទេ។ ប៉ុន្តែវាជាឱកាសមួយសមស្របសម្រាប់អ្នកដែលបានគិតគូរច្បាស់លាស់។តែសម្រាប់អ្នកដែលនៅរងចំាមើលហើយមើលទៀតសម្រាប់ពេលវេលា៣ខែនេះវាមិនទាន់គ្រប់ទេសម្រាប់ពួកគាត់។សម្រាប់ខ្ញុំផ្ទាល់ ដែលជាអ្នករស់នៅទីនេះយល់ថាយ៉ាងហោចណាស់ត្រូវការពេលវេលាកន្លះឆ្នាំឬ៦ខែទៀតទើបសមសម្រប»។

សេចក្ដីប្រកាសព័ត៌មានរបស់រាជរដ្ឋាភិបាលកម្ពុជា អំពីវិធានការបន្ថែម សម្រាប់បន្តគ្រប់គ្រងផលប៉ះពាល់ និងគាំទ្រការងើបឡើងវិញនៃវិស័យទេសចរណ៍នៅកម្ពុជា នាពេលថ្មីៗនេះ បានឱ្យដឹងថា កំណើននៃភ្ញៀវទេសចរអន្តរជាតិអាចនឹងនៅបន្តមានភាពយឺតយ៉ាវក្នុងរយៈពេលខ្លីទៅមធ្យមខាងមុខ ដោយសារភាពមិនប្រាកដប្រជានៃស្ថានភាពសេដ្ឋកិច្ចសកល ដែលបន្តចោទជាសម្ពាធដល់វិស័យទេសចរណ៍ក្នុងគោលដៅមួយចំនួន ដែលតែងតែអាស្រ័យលើភ្ញៀវទេសចរអន្តរជាតិ ។

បើតាមសេចក្តីណែនាំរបស់រាជរដ្ឋាភិបាលកម្ពុជាដដែលបានគូសបញ្ជាក់ថា ដោយពិនិត្យលើស្ថានភាពសង្គម-សេដ្ឋកិច្ច និងពាណិជ្ជកម្មទាំងក្នុងក្របខណ្ឌសកលលោក, តំបន់ និងក្នុងប្រទេស, រាជរដ្ឋាភិបាលសម្រេចដាក់ចេញនូវវិធានការបន្ថែមសម្រាប់បន្តគ្រប់គ្រងផលប៉ះពាល់ និងគាំទ្រការងើបឡើងវិញនៃវិស័យទេសចរណ៍ក្នុងកាលៈទេសៈប្រកបដោយភាពមិនប្រាកដប្រជានេះ ។ ក្នុងន័យនេះ ក្រោមកិច្ចសហការយ៉ាងទូលំទូលាយជាមួយវិស័យឯកជន និងក្រសួង ស្ថាប័នពាក់ព័ន្ធ រាជរដ្ឋាភិបាលសម្រេចដាក់ចេញនូវវិធានការបន្ថែមជូនវិស័យទេសចរណ៍ ៖១)-បន្តលើកលែងការបង់ពន្ធប្រចាំខែគ្រប់ប្រភេទ លើកលែងតែអាករលើតម្លៃបន្ថែម ចំពោះសណ្ឋាគារ, ផ្ទះសំណាក់, និងក្រុមហ៊ុនភ្នាក់ងារទេសចរណ៍ ដែលបានចុះបញ្ជីជាមួយអគ្គ-នាយកដ្ឋានពន្ធដារ និងមានសកម្មភាពអាជីវកម្ម នៅខេត្តសៀមរាប សម្រាប់រយៈពេល ៣ ខែ គឺពីខែ មករា ដល់ខែ មីនា ឆ្នាំ ២០២៣ ។ អាជីវកម្មទាំងអស់នេះនៅតែមានកាតព្វកិច្ចដាក់លិខិតប្រកាសពន្ធអាករ និងប្រើប្រាស់ប្រព័ន្ធអនឡាញសម្រាប់ការគ្រប់គ្រងអាករលើតម្លៃបន្ថែម (E-VAT) ជារៀងរាល់ខែ ក្នុងអំឡុងពេលនេះ ។ ២)-បន្តផ្ដល់ការសម្របសម្រួលតាមរយៈការបង្កកតួលេខបំណុលត្រឹមចុងឆ្នាំ២០១៩ និងមិនគិតការពិន័យសម្រាប់ឆ្នាំ២០២៣ សម្រាប់វិស័យទេសចរណ៍ និង៣)- បន្តជំរុញអាជីវកម្មក្នុងវិស័យទេសចរណ៍ រៀបចំកម្មវិធីអភិវឌ្ឍន៍ជំនាញជូនដល់បុគ្គលិករបស់ខ្លួន ដោយខ្លួនឯង និងមានលទ្ធភាពស្នើសុំការគាំទ្រហិរញ្ញប្បទាន ពីសំណាក់គម្រោងមូលនិធិអភិវឌ្ឍន៍ជំនាញ (SDF) តាមការចាំបាច់ ។

ក្រសួង ស្ថាប័នពាក់ព័ន្ធទាំងអស់ ត្រូវអនុវត្តនូវសេចក្ដីណែនាំនេះ ទៅតាមសមត្ថកិច្ចរបស់ខ្លួន ឱ្យមានប្រសិទ្ធភាពខ្ពស់បំផុត ។រាជរដ្ឋាភិបាលនឹងបន្តតាមដានយ៉ាងខ្ជាប់ខ្ជួននូវស្ថានភាពនៃវិបត្តិនៃជំងឺកូវីដ-១៩ ជាពិសេសការប្រែប្រួលនិន្នាការតំបន់ និង សកលលើសង្គម-សេដ្ឋកិច្ច និងត្រៀមដាក់ចេញនូវវិធានការបន្ថែមទៀត សំដៅស្តារ និង ជំរុញកំណើនសេដ្ឋកិច្ចជាតិឡើងវិញ ប្រកបដោយភាពធន់, ចីរភាព និងបរិយាបន្ន ក្រោមក្របខណ្ឌយុទ្ធសាស្រ្ត និងកម្មវិធីស្តារ និងជំរុញកំណើនសេដ្ឋកិច្ចក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មី សម្រាប់ឆ្នាំ ២០២១-២០២៣ ៕ អត្ថបទ៖សារេត

The post មគ្គុទេសទេសចរក្នុងខេត្តសៀមរាប ចង់បានការលើកទឹកចិត្តពីរាជរដ្ឋាភិបាលច្រើនជាង៣ខែដើម្បីរៀបចំខ្លួនទទួលភ្ញៀវទេសចរឡើងវិញ appeared first on .

នាឱកាសនោះ សម្តេចនាយករដ្ឋមន្ត្រីកម្ពុជា និងជាប្រធានអាស៊ាន ឆ្នាំ២០២២ បានលើកឡើងថា ក្នុង​នាមកម្ពុជាជាជនរងគ្រោះនៃសង្គ្រាមស៊ីវិលជាង ៣ទស្សវត្សរ៍ សម្ដេច​យល់ថា​បទពិសោធន៍​ទាំង​នេះ​នឹង​អាចចែករំលែកដល់ប្រទេសដទៃទៀតក្នុងការធ្វើឱ្យមានសន្ដិភាព កសាងសន្ដិភាព រក្សាសន្តិភាព និង​កសាង​ប្រទេសជាតិនៅក្រោយសង្គ្រាម។

សម្តេចបានបញ្ជាក់បន្ថែមដូច្នេះថា៖«ដោយបានរៀនសូត្រអំពីដំណើរការសន្តិភាពនៅកម្ពុជា ជា​ពិសេស​ក្រោមគោលនយោបាយ ឈ្នះ–ឈ្នះ នៅទសវត្សរ៍ឆ្នាំ ១៩៩០ ខ្ញុំចង់ធ្វើការសង្ខេបជា បីចំណុច នៅពេលនេះ ។ ទីមួយ, យើងត្រូវតែរក្សាទ្វារឱ្យបើកចំហជានិច្ច សម្រាប់កិច្ចពិភាក្សានយោបាយ និង ការចរចាប្រកប ដោយបរិយាបន្ន ។ ទីពីរ, យើងត្រូវធានានូវសុវត្ថិភាព, យុត្តិធម៌ និង សុខុមាលភាពរបស់គ្រប់ ភាគីទាំងអស់ ។ ទីបី, យើងត្រូវមានភាពម្ចាស់ការ ខណៈដែលកំពុងទទួលខុសត្រូវលើដំណើរការ សន្តិភាព ។ ភាពជាម្ចាស់នៃប្រទេសជាតិ គឺពិតជាសំខាន់ណាស់ចំពោះការចរចាសន្តិភាព»។

គួរបញ្ជាក់ដែរថា ក្រៅពីបានផ្តល់គំនិតថ្មីៗសំខាន់ទាំង៥ចំណុចខាងលើនេះហើយនោះ សម្តេចតេជោ ក៏​បានសង្កត់ធ្ងន់ដែរថា ទំនាក់ទំនង និងកិច្ចពិភាក្សាគា្នដោយបើកចំហ, ស្មោះត្រង់ និង​ប្រកប​ដោយ​បរិយាបន្ន គឺជាមាគ៌ាឆ្ពោះទៅរកការបំបាត់ភាពតានតឹងនាពេលបច្ចុប្បន្ន និងអនាគតអាស៊ានផងដែរ៕

The post សម្ដេចតេជោ ផ្តល់បទពិសោធន៍៣ចំនុច ដល់រដ្ឋមន្ត្រីការពារជាតិអាស៊ានបូកដើម្បីកសាងសន្ដិភាពក្នុងតំបន់ appeared first on .

បើ​តាម​លោកស្រី ទាង អេង ​ភរិយា​របស់​លោក​ ទៀ សីហា អភិបាល​ខេត្ត​សៀមរាប ​​​បាន​បញ្ជាក់​ឱ្យ​ដឹង​​តាម​រយៈ​បណ្តាញ​សង្គម​​​ថា គម្រោង​​សួន​សត្វ​ Angkor Wildlife & Aquarium ​​នេះ​ ​​នឹង​ក្លាយ​ជា​គោលដៅ​ទេសចរណ៍​​​​បន្ថែម​មួយ​ទៀត​របស់​ខេត្ត​សៀមរាប​ បន្ទាប់ពី​​​​​ប្រាសាទ​អង្គរវត្ត។ លោក​ស្រី បាន​​បន្ថែម​ថា ចំណុច​ពិសេសនៅក្នុងទីតាំងនេះមាន​ដូចជា​ ត្រីទឹកសាប ​រស់នៅក្នុងទន្លេមេគង្គ មានរូបរាងប្លែកធំ គឺត្រីរាជ ទម្ងន់ដល់ទៅ ១០០គីឡូជាង និងកម្របានឃើញ ព្រមទាំងមានអ្នកជំនាញមើលថែត្រី និងអភិរក្សត្រីប្លែកៗ យ៉ាងយកចិត្តទុកដាក់​ផង​ដែរ។

​សូមបញ្ជាក់ថា ឧទ្យាន Angkor Wildlife & Aquarium ​​ស្ថិត​នៅក្នុង​ឃុំ​ខ្ចាស់ ស្រុក​សូត្រនិគម ខេត្ត​សៀមរាប ដោយ​មាន​ចម្ងាយ​ប្រមាណ ៣០ ​គីឡូម៉ែត្រ​ពី​ក្រុង​សៀមរាប។ អភិបាលស្រុក​សូត្រនិគម លោក ម៉ក់ ប្រុស បាន​​ថ្លែង​ឱ្យ​ដឹង​​ កាល​ពី​​ថ្ងៃទី​ ១៩ ខែកញ្ញា​ថា Angkor Wildlife & Aquarium ត្រូវបាន​វិនិយោគ​ដោយ​វិនិយោគិន​ក្នុងស្រុក និង​បរទេស​ (​អាមេរិក និង​ជប៉ុន​) ក្នុង​គោលបំណង​ ដើម្បី​រួមចំណែក​ជំរុញ​កំណើន​សេដ្ឋកិច្ច​ជាតិ ពិសេស​ក្នុង​ស្រុក​សូត្រនិគម តាមរយៈ​ការបង្កើត​ឱ្យ​មាន​កន្លែង​កម្សាន្ត​លំដាប់​ពិភពលោក​ សម្រាប់​ទទួល​ភ្ញៀវទេសចរ​ពី​គ្រប់​ទិសទី ព្រម​ទាំង​បង្កើត​ឱកាស​ការងារ​ជាច្រើន​ សម្រាប់​ប្រជាជន​ក្នុង​តំបន់៕

The post ឧទ្យានលំដាប់ពិភពលោក តម្លៃ៧០លានដុល្លារ នៅសៀមរាប នឹងបើកដំណើរការនៅចុងខែតុលា appeared first on .

បើយោងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ បង្ហាញថា ប្រតិបត្តិការក្នុងការរក្សាតំបន់រមណីយដ្ឋានអង្គរជាសម្បត្តិបេតិកភណ្ឌពិភពលោក គិតចាប់ពីថ្ងៃទី១៨ ខែសីហា ដល់ថ្ងៃទី១០ ខែកញ្ញា បានបញ្ចប់ការវាស់វែងក្បាលដី និងស្រង់ព័ត៌មានអ្នកកាន់កាប់ដីនៅភូមិគោលដៅទាំង ១១៤ភូមិ ក្នុងឃុំចំនួន១៧ សង្កាត់ចំនួន៧ ក្រុងចំនួន១ និងស្រុកចំនួន៤ ដោយវាស់វែងក្បាលដីបានសរុប ៩៣,៣៥១ក្បាលដី ទំហំ ១០,៩៤៥ហិកតា។ ក្នុងនោះក្បាលដីមានសំណង់ចំនួន ៣៩,០៤០ក្បាលដី, ក្បាលដីគ្មានសំណង់ចំនួន ៤៧,៣៤០ក្បាលដី និងក្បាលដីជាំដីស្រែចម្ការចំនួន ៦,៩៩១ក្បាលដី។

ជាមួយគ្នានេះ សម្តេចតេជោ ហ៊ុន សែន ក៏បានអរគុណចំពោះប្រជាពលរដ្ឋ ដែលព្រមរុះរើសំណង់ចេញពីតំបន់រមណីយដ្ឋានអង្គរ ទៅរស់នៅក្នុងភូមិរុនតាឯក ស្រុកបន្ទាយស្រី ខេត្តសៀមរាប ជាទីតាំងដែលរាជរដ្ឋាភិបាល ផ្តល់ដីជូន ក្រោយប្រជាពលរដ្ឋស្ម័គ្រចិត្តរុះរើសំណង់ចេញពីតំបន់រមណីយដ្ឋានអង្គរ និងតំបន់ស្ថិតក្រោមការគ្រប់គ្រងរបស់អាជ្ញាធរជាតិអប្សរា៕

The post សម្តេចតេជោ ហ៊ុន សែន៖ ការងាររៀបចំសណ្តាប់ធ្នាប់នៅអង្គរ យើងមិនអាចអង្គុយបក់ផ្សែងទៀតទេ ដែលអាចនាំឱ្យបាត់បង់ប្រយោជន៍ធំសម្រាប់ជាតិ និងប្រជាជន appeared first on .

វិស័យ​សំណង់​ក្នុង​ខេត្ដ​ព្រះសីហនុ គិត​ចាប់តាំងពី​ឆ្នាំ​ ២០១៧ ររហូតដល់ចុងឆ្នាំ​ ២០២១ ​​មាន​សំណង់​សរុប ១ ៦៦១ គម្រោង ជាមួយទុនវិនិយោគ មាន​ប្រមាណ​ជាង​ ៨ ៤០០ ​លាន​ដុល្លារ​អាមេរិក​។ ក្នុងនោះ​សំណង់​អគារ​ខ្ពស់​ចាប់ពី ៥ ជាន់ រហូតដល់ ៥៣ ជាន់ គឺមាន​ចំនួន ៦២០ គម្រោង​។

តើទៅថ្ងៃអនាគត សំណង់អគារចិននៅក្រុងព្រះសីហនុនឹងទៅជាយ៉ាងណា?

នេះជាសំនួរអ្នកសារព័ត៌មានជើងចាស់ លោក ពុយ គា ដែលជាអ្នកឆ្លើយឆ្លងឱ្យទីភ្នាក់ងារសារព័ត៌មានជប៉ុនតូក្យូ ទៅកាន់ឧកញ៉ា វណ្ណ សុខ ហេង ប្រធានសភាពាណិជ្ជកម្មខេត្តព្រះសីហនុ នៅថ្ងៃទី២ ខែកញ្ញា ឆ្នាំ២០២២។

នៅក្នុងជំនួបនេះ ឧកញ៉ា វណ្ណ សុខហេង ប្រាប់លោក ពុយ គា ថា៖ “និយាយទៅដូចជាអាក្រក់ស្តាប់បន្តិច ប៉ុន្តែខ្ញុំសូមនិយាយថា ក្រោយចប់កុងត្រាក្នុងរយៈពេល១០ទៅ២០ឆ្នាំទៀត អគារទាំងនោះនឹងទៅជារបស់ខ្មែរហើយ ព្រោះចិនមិនអាចលើក ឬរើអគារទាំងនោះទៅស្រុកចិនវិញបានទេ”។

ទោះបីជាបែបនេះក្តី ខេត្តព្រះសីហនុ មានអគារចំនួន​១១៥០ទីតាំង​កំពុងជាប់គាំង ប៉ុន្តែក៏មានអគារមួយចំនួនដំណើរ​ការសាង​សង់​ឡើង​វិញ ក្រោយ​សកម្មភាព​សាងសង់​ត្រូវ​បាន​ផ្អឹប​ទុក​ចោលដោយ​សារ​កូវីដ១៩ និង​ការ​ចាកចេញ​របស់​ក្រុម​អ្នក​វិនិយោគ​ចចិន។

នៅក្នុងសំណុំរឿងអគារជាប់គាំងនេះ កន្លងទៅ រដ្ឋបាលខេត្តព្រះសីហនុ កំពុងសហការជាមួយក្រសួងសេដ្ឋកិច្ចនិងហិរញ្ញវត្ថុ,​ អ្នកជំនាញផ្នែកអចលនទ្រព្យ, វិស័យធនាគារ, វិស័យឯកជន រួមទាំងភាគីពាក់ព័ន្ធផ្សេងៗទៀត ដើម្បីដោះស្រាយបញ្ហាជាប់គាំងនៃសំណង់អគារនៅក្រុងព្រះសីហនុ​ដែលមានរហូតដល់ ១ ១៥០កន្លែង ឱ្យបានឆាប់រហ័ស។

ជាមួយគ្នានេះដែរ កាលពីចុងខែកក្កដា សភាពាណិជ្ជកម្មខេត្តព្រះសីហនុ បើកកិច្ចប្រជុំជាមួយក្រុមការងារ Continent Asset Management និងតំណាងស្ថាប័នមេធាវី ETC ដើម្បីស្វែងរកដំណោះស្រាយបញ្ហាជាប់គាំក្នុងវិស័យអចលនទ្រព្យនៅខេត្តព្រះសីហនុ ដែលដឹកនាំដោយ ឧកញ៉ា វណ្ណ សុខហេង។ ក្នុងជំនួបនេះ បានពិភាក្សាករណីសំខាន់ៗទាក់ទងនឹងវិស័យអចលនទ្រព្យ និងទុនវិនិយោគលើសំណង់អគារដីធ្លីជួលដែលគាំងស្ទះនៅទីក្រុងព្រះសីហនុផងដែរ។

គួររំលឹកថា ខេត្តព្រះសីហនុ ត្រូវបានរដ្ឋាភិបាលដាក់ផែនការអភិវឌ្ឍតំបន់សមុទ្រមួយនេះ ឱ្យទៅជាតំបន់សេដ្ឋកិច្ចពិសេសគំរូពហុបំណង ដើម្បីឈានឱ្យក្លាយជាក្បាលម៉ាស៊ីនថ្មីមួយ សម្រាប់ជំរុញកំណើនសេដ្ឋកិច្ចជាតិ។ បន្ថែមទៀតនោះ ការអភិវឌ្ឍខេត្តនេះ គឺជាចំណែកមួយយ៉ាងធំ ដើម្បីសម្រេចឱ្យបាននូវចក្ខុវិស័យក្នុងការប្រែក្លាយកម្ពុជា ឱ្យទៅជាប្រទេសចំណូលមធ្យមកម្រិតខ្ពស់ នៅឆ្នាំ២០៣០ និងចំណូលខ្ពស់នៅឆ្នាំ២០៥០៕

The post ឧកញ៉ា វណ្ណ សុខហេង៖ ចិនមិនអាចលើក ឬរើអគារទាំងនោះទៅស្រុកចិនវិញបានទេ appeared first on .

ព្រឹត្តិការណ៍តាំងពិព័រណ៍នេះ ធ្វើ​ឡើងនៅក្នុងបរិវេណសាកលវិទ្យាល័យសៅស៍អ៊ីសថ៍អេយសៀ កាលពីថ្ងៃទី ០៣ ខែ កក្កដា ឆ្នាំ២០២២ កន្លងទៅ ដែលផ្ដួចផ្ដើមឡើងដោយអង្កការ និងស្ថាប័នចំនួន ៤ ក្នុងខេត្តសៀមរាបរួមបញ្ចូលគ្នាមានដូចជា អង្កការលើកកម្ពស់យុវជនហៅកាត់ផេពពី អង្កការគាំទ្រសហគ្រិនស្ត្រី សហគ្រាសសហ និងសហគ្រាសអេនធើប្រាយ វីសិន។

លោក ឃុត សុខាន សហស្ថាបនិកនៃសហគ្រាស សហ បានប្រាប់មកកាន់ឧកញ៉ាញូស៍ឲ្យដឹងថា ពិព័រណ៍សហគ្រិនអ្នកច្នៃប្រតិដ្ឋសៀមរាបនេះ មានទិសដៅរួមមួយគឺគាំទ្រ និងលើកទឹកចិត្តសហគ្រិនទាំងអស់ក្នុងខេត្តសៀមរាប។

ក្នុងព្រឹត្តិការណ៍នេះមានម្ចាស់សហគ្រាសរហូតដល់ ៣៨រូបមកធ្វើការដាក់តាំងពីព័រណ៍ផលិតផលរបស់ខ្លួន មានខ្លះជាធុរកិច្ចទើបតែបង្កើតថ្មី (ផ្ដើមអាជីវកម្មដំបូង) ខ្លះទៀតជាសហគ្រិនដែលបានចាប់ផ្ដើមអាជីវកម្មរបស់ខ្លួនបានមួយរយៈ និងមួយចំនួនទៀតជាសហគ្រិនដែលចាប់ផ្ដើមអាជីវកម្មជាយូរមកហើយ ដោយពួកគាត់មានគោលដៅរួមមួយគឺចង់ស្វែងយល់អំពីតម្រូវការរបស់អតិថិជន ជាពិសេសគឺដើម្បីឲ្យផលិតផលក៏ដូចជាស្លាកយីហោររបស់ពួកគាត់កាន់តែរីកចម្រើន និងមានឱកាសទទួលបានការឆ្លើយតបពីតម្រូវការអតិថិជនដែលទៅចូលរួមទស្សនាពិព័រណ៍នេះផងដែរ។

លោកបានបញ្ជាក់បន្ថែមថា ពិព័រណ៍នេះក៍បានផ្ដល់ឱកាសឲ្យអ្នកដែលមកចូលរួមទស្សនាជាពិសេសគឺយុវជនក្មេងៗ ដែលមានចិត្តស្រលាញ់ខាងវិស័យអាជីវកម្ម មានឱកាសបានសួរនាំអំពីរឿងរ៉ាវ ក៏ដូចជាដំណើរការនៃភាពជា​សហគ្រិន ដើម្បីទទួលបានចំណេះដឹងថ្មីៗបន្ថែមទុកជាគ្រឹះ ដល់អ្នកដែលចង់ក្លាយជាសហគ្រិនឬម្ចាស់អាជីវកម្មដោយខ្លួនឯង។ លោកគិតថា ទាំងអស់នេះជាការរួមចំណែកមួយក្នុងការជួយអភិវឌ្ឍន៍សហគមន៍ក៏ដូចជាជួយជំរុញសេដ្ឋកិច្ចក្នុងស្រុកទាំងមូល។

លោក ឃុត សុខាន បានបង្ហើបប្រាប់មកកាន់ឧកញ៉ាញូស៍បន្ថែមថា ព្រឹត្តិការណ៍នេះអាចនឹងបង្កើតឡើងម្ដងទៀតនៅពេលក្រោយ ព្រោះពិពរណ៍ដែលកន្លងទៅកាលពីថ្មីៗនេះ ទទួលបានឱកាសច្រើន ទាំងសហគ្រិន និងអ្នកចូលរួមទស្សនា តែខាងអ្នករៀបចំពិព័រណ៍មិនទាន់បានកំណត់ពេលវេលាជាក់លាក់ណាមួយនៅឡើយទេ៕

The post ស្ថាប័ន​ ៤ រួមគ្នា​រៀបចំពិព័រណ៌​​នៅ​ខេត្ត​សៀមរាប ដើម្បី​គាំទ្រផលិតផលកែច្នៃក្នុងស្រុក appeared first on .

អ្នកស្រី ម៉ា រី  ជាម្ចាស់សិប្បកម្មក្នុងស្រុកបានឲ្យ​ដឹងថា អ្នកស្រីប្រកបមុខរបរនេះជាង ៤ ឆ្នាំមកហើយដោយធ្វើខ្លួន​ឯង​ខ្លះ និងទិញពីអ្នកភូមិមួយចំនួនខ្លះ ព្រោះការធ្វើខ្លួនឯងមិនទាន់ភ្ញៀវកម្មង់ឡើយ។ ការដែលទិញពីអ្នកភូមិ និងការធ្វើខ្លួនឯងជាង៤០មុខនេះ រួមមាន៖ វត្ថុអនុស្សាវរីយ៍ ឈ្នាង អង្រុតតូចៗ កន្ត្រក កន្ទេល ល្អី កញ្ច្រែង ត្រក តុបាយឈុត ស្គរដៃ អង្រុត មួក ហិបស្លា ទ្រូ កែវ បំពង់ទឹកត្នោត កន្តាំងជាដើម។ សម្ភារៈទាំងអស់នេះ គឺធ្វើចេញពីវត្ថុធាតុដើម ដូចជា ផ្តៅ ឬស្សី  ត្នោត កំប្លោក ត្រាង ផ្អាវ ល្ពាក់ ជាដើម។

ម្ចាស់សិប្បកម្មវ័យក្មេងរូបនេះបានបន្តថា  មុខរបរមួយនេះអាចរកប្រាប់ចំណូលបានគួរសមក្នុងជីវភាព ដែលលក់បានក្នុងតម្លៃទៅតាមសម្ភារៈនីមួយៗ ភាគច្រើនភ្ញៀវខ្មែរកម្មង់ច្រើនជាងបរទេស។ ការដែលទទួលទិញយកនូវផលិតផលក្នុងស្រុកគឺដូចជា ការផ្តល់ការងារដល់ប្រជាជនចាស់ៗ ដែលនៅផ្ទះនិងជាការសម្រួលជីវភាពផងដែរ។

ជាមួយគ្នានេះ អ្នកស្រី ម៉ា រី បានអំពាវនាវដល់ប្រជាជនខ្មែរ ភ្ញៀវទេសចរណ៍ជាតិនិងអន្តរជាតិ ដែលមកកម្សាននៅខេត្តសៀមរាប ជួយគាំទ្រផលិតផលខ្មែរដែលជាសិប្បកម្មក្នុងស្រុក កែច្នៃដោយដៃនេះបន្ថែមទៀត៕

The post ផលិតផលខ្មែរជាង ៤០ មុខក្លាយជាសិប្បកម្មក្នុងស្រុករបស់អ្នកខេត្តសៀមរាប appeared first on .

ឧកញ៉ាញូស៍​មិនរៀបរាប់​ប្រាសាទ​ដែលជា​គោលដៅទេសចរណ៍​បរទេស​ពេល​មក​​ខេត្ត​សៀមរាប​នោះ​ទេ គឺ​បង្ហាញ​​ទីកម្សាន្ត​ប្លែក​ដែល​ភ្ញៀវ​ក្នុ​ងស្រុក​ខ្លះ​ក៏​មិន​ដែល​ដឹង​ថា​ទឹកដី​​អច្ឆរិយៈនេះ។

1 សារៈមន្ទីរមីន
2 សារៈមន្ទីរសង្គ្រាម
3 ហ្វារ (កន្លែងសម្តែងសៀក)
4 ស្នាមញញឹមនៃអង្គរ (Smile of Angkor) កន្លែងសម្តែងរឿងប្រវត្តិសាស្រ្ត
5 ភូមិវប្បធម៌កម្ពុជា (ការសម្តែងនៃរបាំផ្សេងៗរបស់ជនជាតិនីមួយៗដែលរស់នៅក្នុងប្រទេសកម្ពុជា) បច្ចុប្បន្ន​នេះ​ផ្អាក​លែង​ដំណើរការ​ហើយ
6 សារៈមន្ទីរជាតិអង្គរ
7 ឧទ្យានជាតិភ្នំគូលេន
8 រមណីយដ្ឋានទឹកធ្លាក់ក្បាលស្ពាន
9 ផប់ស្ត្រីត
10 រមណីយដ្ឋានត្រាវកុដ
11 ពើងតានាន់
12 បារាយទឹកថ្លា
13 ពិភពទឹកអង្គរ
14 អង្គរបាឡុង (ជិះបាឡុងមើលទេសភាពជុំវិញទីក្រុងអង្គរ)
15 ភ្នំក្រោម និង សួនផ្កានៅភ្នំក្រោម
16 ភូមិលិចទឹកកំពង់ផ្លុក
17 ភូមិលិចទឹកកំពង់ឃ្លាំង
18 ភូមិលិចទឹកចុងឃ្នាស
19 ភូមិលិចទឹកមេជ្រៃ
20 Artisan D’angkor (កន្លែងឆ្លាក់រូបពីថ្ម ការគូរូបលើក្រណាត់សូត្រ ផ្សេងៗ)
21 Silk Farm (កន្លែងចិញ្ចឹមដង្កូវនាង តម្បាញសូត្រ)
22 ផ្លូវ៦០ម៉ែត្រ
23 King Road
24 ផ្សាររាត្រីអង្គរ
25 ស្រះដូនរីក
26 លតខ្សែរ៉តពីដើមឈើមួយ ទៅដើមឈើមួយ កំពស់ពី៤៥ ទៅ៥០ម៉ែត្រ ក្នុងព្រៃតំបន់អង្គរ
27 ភ្នំអំពិល
28 T-Gallery (ផ្សារទំនើបលក់របស់ប្រេនសុទ្ធតែតម្រូវអោយមានPassport+សំបុត្រយន្តហោះទៅក្រៅប្រទេសសម្រាប់ការទិញទំនិញ)
29 ទីលានវាយកូនហ្គូល
30 កសិដ្ឋានចិញ្ចឹមសេះ
31 Quad Bike adventure
32 រូបគំនូរ3D
33 Micro flight
34 ជិះយន្តហោះកន្ទុំរុយមើលទេសភាពជុំវិញតំបន់អង្គរ ក្រុងសៀមរាប និង ទន្លេសាប
35 កសិដ្ឋានចិញ្ចឹមក្រពើ
36 សួនមេអំបៅ

The post ក្រៅពី​ប្រាសាទ​បុរាណ ខេត្តសៀមរាប​​មាន​កន្លែង​កម្សាន្តប្លែកៗ​ ៣៦ កន្លែង​ទៀត ភ្ញៀវ​ខ្មែរ​យើង​​ខ្លះ​ទៅលេង​មិនដែល​ដឹង​ទេ appeared first on .

លោកអភិបាលខេត្ត លើកឡើងបែបនេះក្នុងពិធីសម្ពោធក្រុមហ៊ុន ប្រ៊ីលាន ស៊ីធីវើលដ៏ ឯ.ក និងដាក់ឲ្យប្រើប្រាស់ការិយាល័យលក់ និង សាលប្រជុំ នៅថ្ងៃទី២៨ ខែមីនា ឆ្នាំ២០២២។

បើតាមលោក ទៀ សីហា ខេត្តសៀមរាប ជាខេត្តមួយដែលមានភាពទាក់ទាញ ក្នុងការវិនិយោគ សម្រាប់វិស័យឧស្សាហកម្ម ហើយក៏ជាខេត្តមួយ ដែលផ្ដល់ឱកាសល្អជាច្រើនផងដែរ សម្រាប់ធ្វើពាណិជ្ជកម្ម មានលក្ខណៈកាន់តែប្រសើរឡើង ជាគោលដៅដ៏ទាក់ទាញជាទីបំផុតនៅក្នុងតំបន់ និងពិភពលោក និងមានភាពងាយស្រួលក្នុងការស្វែងរកកម្លាំងពលកម្ម ដែលមានតម្លៃថោក ជាមួយនឹងការផ្លាស់ប្ដូរទៅកាន់ការរៀបចំក្រុងឲ្យក្លាយទៅជាទីក្រុងវៃឆ្លាតអាស៊ាន។

លោកគូសបញ្ជាក់ថា តាមរយៈ ការរីករាលដាលនៃជំងឺនេះ បានធ្វើឲ្យប៉ះពាល់យ៉ាងធ្ងន់ធ្ងរ ដល់សេដ្ឋកិច្ច ជាសកល នៅកម្ពុជា ពិសេសខេត្តសៀមរាប ដែលមានវិស័យទេសចរណ៍ជាវិស័យចម្បងរបស់ខេត្ត។

តែយ៉ាងណា សក្ខីភាពហេដ្ឋារចនាសម្ព័ន្ធផ្លូវថ្នល់ ៣៨ខ្សែ ប្រព័ន្ធលូ ភ្លើងបំភ្លឺសាធារណៈ និង កែលម្អស្ទឹងសៀមរាប ក្នុងក្រុងសៀមរាបគឺជាសមិទ្ធផលប្រវត្តិសាស្រ្តថ្មីមួយមិនអាចកាត់ថ្លៃបានរបស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា សម្រាប់ខេត្តសៀមរាប ដែលមកដល់ពេលនេះយើងបានសម្រេច នៃការសាងសង់ផ្លូវបាន១០០% ហើយគ្រោងនឹងធ្វើពិធីសម្ពោធដាក់ឲ្យប្រើប្រាស់ជាផ្លូវការ នាថ្ងៃទី០៤ ខែមេសា ឆ្នាំ២០២២ខាងមុខនេះ៕

The post លោក ទៀ សីហា ប្រកាសស្វាគមន៍អ្នកវិនិយោគិនទាំងអស់ដែលមកបណ្ដាក់ទុនរកសុីនៅខេត្តសៀមរាប appeared first on .

តាមរយៈការចុះផ្សាយទស្សនាវដ្តី construction-property គម្រោងនេះ មានឈ្មោះថា Sakura Angkor ខណៈបច្ចុប្បន្នស្ថិតក្នុងដំណាក់កាលសិក្សានៅឡើយ ដែលជាកិច្ចសហប្រតិបត្តិការរវាងជប៉ុន និងកម្ពុជា។ តាមផែនការ លំនៅឋានក្នុងគម្រោងនឹងលក់ក្នុងតម្លៃពី ៦ ទៅ ៧ ម៉ឺនដុល្លារក្នុង១ ខ្នង ដើម្បីបើកឱកាសឱ្យប្រជាជនចំណូលមធ្យមអាចទិញបាន។

តំណាងក្រុមហ៊ុន UR Linkage Co Ltd លោក Yoshimura Hiroyuki បញ្ជាក់ថា គម្រោងនេះ បែងចែកជា ៣ ដំណាក់កាល ក្រោមផែនការរយៈពេល ៥ឆ្នាំ។ ដំណាក់កាលទី១ មានលំនៅដ្ឋានចំនួន ៧០០យូនីត ដំណាក់កាលទី ២ ៨០០យូនីត និងដំណាក់កាលទី៣ ៥០០យូនីត។

លោកថា គ្រប់ដំណាក់កាលនឹងប្រើប្រាស់បច្ចេកវិទ្យាវៃឆ្លាតទំនើបចុងក្រោយរបស់ប្រទេសជប៉ុន ទិសដៅដើម្បីផ្ដល់នូវសហគមគ្រប់ជ្រុងជ្រោយ និងស្រួលរស់នៅដល់ប្រជាពលរដ្ឋខ្មែរ៕

The post អ្នកវិនិយោគិនជប៉ុនគ្រោងបោះទុនបង្កើតលំនៅឋានតម្លៃសមរម្យ ២ពាន់ខ្នង នៅក្នុងទឹកដីខេត្តសៀមរាប appeared first on .