តែទោះជាយ៉ាងណាក៏ដោយ បន្ទាប់ពីការប្រកាសរបស់ប្រធានាធិបតីអាមេរិក លោក ដូណាល់ ត្រាំ ក្នុងការបង្កើនពន្ធនាំចូលលើត្បូង និងគ្រឿងអលង្ការពីគ្រប់ប្រទេសចំនួន ១០% ដែលត្រូវបានចូលជាធរមានចាប់ពីថ្ងៃទី៩ ខែមេសា ដល់ថ្ងៃទី៩ ខែកក្កដា ឆ្នាំ២០២៥ បានធ្វើឲ្យប្រទេសដែលជាអ្នកនាំចេញធំៗកំពុងតាមដានលើស្ថានការនេះយ៉ាងដិតដល់បំផុត។

ទន្ទឹមនឹងនេះ យោងតាមមជ្ឈមណ្ឌលព័ត៌មានត្បូង និងគ្រឿងអលង្ការ ដោយផ្នែកតាមទិន្នន័យទទួលបានពី Global Trade Atlas នៅក្នុងឆ្នាំ២០២៤ សហរដ្ឋអាមេរិកបាននាំចូលត្បូង និងគ្រឿងអលង្ការ (មិនរាប់បញ្ចូលមាស) សរុប មានតម្លៃ ៧៣,១ពាន់លានដុល្លារ។

ក្នុងចំណោមនោះ អ្នកផ្គត់ផ្គង់ធំបំផុត គឺប្រទេសស្វីស (១៧,៧២%) ឥណ្ឌា (១៥,៨២%) អាហ្វ្រិកខាងត្បូង (១០,៧៥%) កាណាដា (៧,៥៧%) និងអ៊ីស្រាអែល (៥,៨៩%) ។ យ៉ាងណាមិញ សម្រាប់ប្រទេសថៃ ជាប់ចំណាត់ថ្នាក់ទី១២ ជាមួយនឹងចំណែកទីផ្សារសរុប ២,៤៩% និងតាមពីក្រោយដោយប្រទេសចិន នៅចំណាត់ថ្នាក់ទី១៣ ដែលមាន ២,៣៧% ។

យ៉ាងណាមិញ ប្រទេសថៃ និងដៃគូប្រកួតប្រជែងរបស់ខ្លួនមួយចំនួន កំពុងប្រឈមមុខនឹងផលប៉ះពាល់ពីការដំឡើងពន្ធគយ ១០% ខណៈពេលដែលប្រទេសចិន និងហុងកុង ប្រឈមមុខនឹងការដំឡើងពន្ធដល់ទៅ ៣០% ​ឯណោះ ជុំវិញការនាំចេញត្បូង និងគ្រឿងអលង្ការទៅកាន់ទឹកដីសហរដ្ឋអាមេរិក ដែលផ្តល់ឲ្យប្រទេសថៃ នូវអត្ថប្រយោជន៍ច្រើនជាង ដៃគូប្រជែងរបស់ខ្លួន។

ប៉ុន្តែទោះជាយ៉ាងណាក៏ដោយ ហុងកុង​បានដើរ​តួនាទី​ជា​អ្នក​ចែក​ចាយ​ត្បូង និងគ្រឿងអលង្ការដ៏ធំបំផុតរបស់​ថៃ​ ទៅសហរដ្ឋ​អាមេរិក​ដោយ​ប្រយោល។ ដូច្នេះមានន័យថា ពន្ធគយដ៏​ខ្ពស់​លើ​ទីក្រុង​ហុងកុង ​អាច​កាត់​បន្ថយ​ការ​នាំ​ចេញ​របស់​ថៃ​ ដែល​ឆ្លងកាត់តំបន់នេះ ​ដោយសារ​តម្លៃ​កើនឡើង។

ជម្រាបជូនថា ការនាំចេញរបស់ថៃដោយផ្ទាល់ទៅកាន់សហរដ្ឋអាមេរិក នឹងមើលឃើញពីផលប៉ះពាល់នៅកម្រិតដំបូងនៅឡើយ ប៉ុន្តែនៅពេលមានការបង្កើនពន្ធគយ ១០% និងធ្វើឲ្យតម្លៃត្បូង និងគ្រឿងអលង្ការហក់ឡើងខ្ពស់ ដែលអាចកាត់បន្ថយការប្រើប្រាស់ក្នុងចំណោមអតិថិជនអាមេរិកមួយចំនួន និងធ្វើឲ្យទំនិញរបស់ថៃ មានការថយចុះ ដោយសារដៃគូប្រជែងផ្សេងទៀត៕

The post ការនាំចេញត្បូងរបស់ថៃ កំពុងប្រឈមនឹងភាពមិនច្បាស់លាស់ ចំពេលអាមេរិកដំឡើងពន្ធ appeared first on .

លោក Sumeth Prasongphongchai នាយកវិទ្យាស្ថានត្បូង និងគ្រឿងអលង្ការថៃ (GIT) បាននិយាយថា ការនាំចេញត្បូង និងគ្រឿងអលង្ការ នៅឆ្នាំនេះត្រូវបានគេរំពឹងថានឹងកើនឡើងពី ៥% ទៅ ១០% ពោលគឺបន្ទាប់ពីមានការធ្លាក់ចុះ ២,៨៣% មកនៅត្រឹម ១៤,៦ពាន់លានដុល្លារ កាលពីក្នុងឆ្នាំ២០២៣ និងធ្លាក់ចុះ ០,២៨% មកត្រឹម ៤,១២ពាន់លានដុល្លារ គិតនៅត្រឹមត្រីមាសទីមួយនៃឆ្នាំ២០២៤។

គួរឲ្យដឹងផងដែរថា ត្បូង និងគ្រឿងអលង្ការជាប្រភេទទំនិញនាំចេញសំខាន់បំផុតទី៣ របស់ប្រទេសថៃ បន្ទាប់ពីរថយន្ត និងកុំព្យូទ័រ ដែលស្មើនឹង ៥,៨% នៃការនាំចេញសរុប។

ទន្ទឹមនេះ ថៃ ក៏ជាប្រទេសផលិត និងនាំចេញត្បូង គ្រឿងអលង្ការធំជាងគេទី១៤ របស់ពិភពលោកផងដែរ និងជាប្រទេសនាំចេញត្បូងមានពណ៌ លំដាប់លេខ៣ បន្ទាប់ពីសហរដ្ឋអាមេរិក និងហុងកុង។

ជម្រាបជូនផងដែរថា ចំពោះផលិតផលសំខាន់ៗដែលបានកត់ត្រាពីកំណើននៃការនាំចេញដ៏រឹងមាំ របស់ប្រទេសថៃ រួមមាន មាស គ្រឿងអលង្ការធ្វើពីមាស គ្រឿងអលង្ការធ្វើពីប្រាក់ ពេជ្រ និងពេជ្រកាត់៕

The post ការនាំចេញត្បូង និងគ្រឿងអលង្ការថៃ ត្រូវបានរំពឹងថានឹងកើនឡើងខ្លាំង នៅឆ្នាំនេះ appeared first on .

តើកាដូ ជាអាំងប៉ាវអ្វីខ្លះ ដែលលោកឧកញ៉ា ថៅកែហាងពេជ្រដ៏ល្បីល្បាញប្រចាំប្រទេសកម្ពុជា ប្រកាសផ្ដល់ជូនអតិថជនរបស់ខ្លួន ចាប់ពីថ្ងៃនេះ រហូតដល់ថ្ងៃចូលឆ្នាំចិន?

ទី១. អតិថិជនចំណាយកុម្ម៉ង់ ឬទិញគ្រឿងអលង្ការពេជ្រនៅហាងពេជ្រ CSNJ ចាប់ពី ៥ ០០០ដុល្លារ ឡើង នឹងទទួលបានអាំងប៉ាវហេងៗ ចំនួន ១៦៨ដុល្លារ ភ្លាមៗ

ទី២. អ្វីដែលពិសេសលើសពីនេះ និងមិនធ្លាប់មាន គឺលោកឧកញ៉ា ចិន សំណាង ក៏នឹង Free ថ្លៃឈ្នួលជាង ១០០% ជូនអតិថិជនដែលកុម្ម៉ង់គ្រឿងអលង្ការពេជ្រ នៅហាង CSNJ ចាប់ពីថ្ងៃនេះ រហូតដល់ថ្ងៃចូលឆ្នាំចិន ថែមទៀតផង។

រួសរាន់ឡើង ការផ្ដល់ជូនមួយនេះមានកំណត់ចាប់តាំងពីផ្សាយដំណឹង រហូតដល់ថ្ងៃបុណ្យចូលឆ្នាំចិន តែប៉ុណ្ណោះ! 

ហាងគ្រឿងអលង្ការពេជ្រ CSNJ របស់ លោកឧកញ៉ា ចិន សំណាង គឺជាហាងលក់គ្រឿងអលង្ការពេជ្រ ដ៏ល្បីល្បាញ និងជាទីពេញនិយមពីសំណាក់អតិថិជនគ្រប់លំដាប់ថ្នាក់។ ទំនុកចិត្ត ទាំងលើគុណភាព និងតម្លៃ រួមទាំងមានក្រុមជាងជំនាញៗ ខ្មែរ និងបរទេស ដែលមានបទពិសោធន៍យូរឆ្នាំ ច្បាស់លាស់លើការកែច្នៃគ្រឿងអលង្ការគ្រប់ម៉ូដបានតាម ចំណង់ចំណូលចិត្តរបស់ភ្ញៀវ បានធ្វើឱ្យហាងលក់គ្រឿងអលង្ការពេជ្រ CSNJ ទទួលការគាំទ្រកាន់តែខ្លាំងឡើងៗ។

នៅហាងពេជ្រ CSNJ លោកឧកញ៉ា ចិន សំណាង ជាហាងពេជ្រលំដាប់លេខ១ នៅប្រទេសកម្ពុជា ដោយប្រមូលផ្ដុំទៅដោយ ក្រុមជាងជំនាញៗយ៉ាងច្បាស់លាស់ និងបទពិសោធន៍យូរឆ្នាំ មកពីទីក្រុងនៃប្រទេសឥណ្ឌា ដើម្បីធានាបាននូវសេវាកម្ម និងគុណភាពពិតប្រាកដ ជូនអតិថិជន។

The post ហាងពេជ្រ CSNJ ឧកញ៉ា ចិន សំណាង ជូនអាំងប៉ាវពិសេស២ យ៉ាងដល់អតិថិជនទិញគ្រឿងអលង្ការពេជ្រមុនចូលឆ្នាំចិន appeared first on .

យោងតាមការចុះផ្សាយពីសារព័ត៌មាន RT ក៏បានរាយការណ៍បន្ថែមថា ការហាមឃាត់នេះអនុវត្តចំពោះពេជ្រដែលមានដើមកំណើតនៅក្នុងប្រទេសរុស្ស៊ី ពេជ្រដែលនាំចេញពីប្រទេសរុស្ស៊ី ពេជ្រឆ្លងកាត់ប្រទេសរុស្ស៊ី និងពេជ្ររុស្ស៊ីនៅពេលកែច្នៃនៅក្នុងប្រទេសទីបី។

គូសបញ្ជាក់បន្តិចថា ការហាមឃាត់ការនាំចេញពេជ្រពីប្រទេសរុស្ស៊ី និងឆ្លងកាត់ប្រទេសរុស្ស៊ី នឹងត្រូវអនុវត្តចាប់ពីថ្ងៃទី០១ ខែមករាឆ្នាំក្រោយតទៅ ខណៈពេជ្រដែលមានដើមកំណើតនៅរុស្ស៊ី និងពេជ្ររុស្ស៊ី កែច្នៃនៅប្រទេសទីបី នឹងត្រូវអនុវត្តចាប់ពីថ្ងៃទី០១ ខែមីនាជាបណ្ដើរៗ រហូតដល់ថ្ងៃទី០១ ខែកញ្ញា ឆ្នាំ២០២៤។

សូមជម្រាបដែរថា ការហាមឃាត់ការនាំចេញពេជ្ររបស់រុស្ស៊ីនេះ គឺជាផ្នែកមួយនៃការប្រឹងប្រែង​របស់ក្រុមប្រទេស G7 ជុំវិញការកាត់ផ្ដាច់ប្រភពចំណូលរបស់រុស្ស៊ី ដែលកន្លងមកពួកគេក៏​ធ្លាប់ដាក់ទណ្ឌកម្មលើការនាំចេញប្រេង និងឧស្ម័នរបស់រុស្ស៊ីផងដែរ ប៉ុន្តែ​វាមិនទទួលបានលទ្ធផលជាដុំកំភួនប៉ុន្មានឡើយ៕

The post EU កំណត់កាលបរិច្ឆេទ អនុវត្តច្បាប់ហាមឃាត់ការនាំចេញត្បូងពេជ្ររបស់រុស្ស៊ី appeared first on .

លោក Michael Zinck Jensen ប្រធានគម្រោងនៃក្រុមហ៊ុន Pandora Production Holding ប្រចាំនៅទីក្រុង Binh Duong បានប្រាប់ទៅកាន់អនុរដ្ឋមន្ត្រីក្រសួងសំណង់វៀតណាម លោក Bui Xuan Dung កាលពីថ្ងៃចន្ទថា រោងចក្រថ្មីនេះ នឹងត្រូវសង់ឡើងនៅមជ្ឈមណ្ឌលឧស្សាហកម្ម ស្ថិតនៅភាគខាងត្បូងទីក្រុង Binh Duong ហើយគ្រោងនឹងបើកដំណើរការ នៅឆ្នាំ ២០២៦។

លោក Jensen បាននិយាយទៀតថា បច្ចុប្បន្នវានៅតែមានការលំបាក ក្នុងការទទួលបានលិខិតអនុញ្ញាតសាងសង់ ហើយលោករំពឹងថា ក្រសួងសំណង់វៀតណាម នឹងពន្លឿនដំណើរការនេះ។

ជម្រាបជូនផងដែរថា ក្រុមហ៊ុន Pandora បានលក់គ្រឿងអលង្ការរបស់ខ្លួន នៅក្នុងប្រទេសជាង ១០០ រួចមកហើយ និងបានរាយការណ៍ពីប្រាក់ចំណូលចំនួន ៣,៧៦ពាន់លានដុល្លារ កាលពីឆ្នាំមុន។ ខណ:នៅវៀតណាម ក្រុមហ៊ុននេះ មានហាងចំនួន ១៥ ដែលភាគច្រើន ស្ថិតនៅក្នុងផ្សារទំនើប ក្នុងទីក្រុងហាណូយ និងទីក្រុងហូជីមិញ៕

The post ក្រុមហ៊ុនគ្រឿងអលង្ការលំដាប់កំពូលមួយ គ្រោងបោះទុន ១៦៣លានដុល្លារ សង់រោងចក្រនៅវៀតណាម appeared first on .

យោងតាមលោក Sumed Prasongpongchai នាយកវិទ្យាស្ថានត្បូង និងគ្រឿងអលង្ការថៃ បានបង្ហាញថា ការនាំចេញត្បូង និងគ្រឿងអលង្ការរបស់ថៃ ដោយមិនរាប់បញ្ចូលមាស រំពឹងថាអាចនឹងកើនឡើងប្រហែល ១០% នៅក្នុងចំនួនទឹកប្រាក់ ៨,៨៤ពាន់លានដុល្លារ នៅឆ្នាំនេះ។

យ៉ាងណាមិញ សម្រាប់ប្រភេទត្បូងពណ៌ បានកត់ត្រាអំពីកំណើនតម្រូវការគួរឱ្យកត់សម្គាល់ ហើយត្រូវបានគេរំពឹងថានឹងកើនឡើងលើសពី ១០០% នៅឆ្នាំនេះ ដោយសារតែប្រទេសថៃ ដើរតួជាមជ្ឈមណ្ឌលពាណិជ្ជកម្មធំបំផុត សម្រាប់ទំនិញផ្នែកនេះ។

គួរឱ្យដឹងផងដែរថា ការនាំចេញត្បូង និងគ្រឿងអលង្ការ រួមទាំងមាស ថៃ បានជាប់នៅចំណាត់ថ្នាក់លេខ ៣ កាលពីឆ្នាំមុន ទាក់ទងជាមួយនឹងតម្លៃនៃការដឹកជញ្ជូនសរុប ស្របពេលតាមពីក្រោយដោយ រថយន្ត គ្រឿងបន្លាស់រថយន្ត កុំព្យូទ័រ និងគ្រឿងបន្លាស់កុំព្យូទ័រ។

ជម្រាបជូនថា នៅក្នុងឆ្នាំ ២០២២ កន្លងទៅ ផលិផលត្បូង និងគ្រឿងអលង្ការ (មិនរាប់បញ្ចូលមាស) រកចំណូលបាន ៨,០៣ពាន់លានដុល្លារ កើនឡើង ៣០,៣% បើធៀបទៅនឹងឆ្នាំ ២០២១ ពោលគឺស្មើទៅនឹង ២,៨% នៃការនាំចេញសរុបរបស់ប្រទេសថៃ។ ស្របពេលទីផ្សារសំខាន់ៗ រួមមាន សហរដ្ឋអាមេរិក ឥណ្ឌា ហុងកុង អាល្លឺម៉ង់ និងចក្រភពអង់គ្លេស៕

The post ថៃ រំពឹងថាការនាំចេញគ្រឿងអលង្ការ និងត្បូង អាចកើនជិត ៩ពាន់លានដុល្លារ នៅឆ្នាំនេះ appeared first on .

ប្រភពដដែលបន្ថែមថា ឧស្សាហកម្មត្បូងពេជ្ររុស្ស៊ី ធ្លាប់មានតម្លៃរហូតដល់ ៤ពាន់លានដុល្លារ សម្រាប់ការនាំចេញកាលពីឆ្នាំ ២០២១។

ដោយឡែក អាមេរិក និងអឺរ៉ុប​ធ្លាប់បាន​ប្រកាសដែរថា នឹងរួមចំណែក​ហាមឃាត់ការនាំចេញ​ត្បូងពេជ្រ គ្រឿងសមុទ្រ និងស្រាវូដកា​របស់រុស្ស៊ីកាលពីឆ្នាំទៅ ខណៈអង់គ្លេស​សន្យាថា នឹង​កាត់បន្ថយ​ការនាំទំនិញពីរុស្ស៊ី។

ក្រៅពីត្បូងពេជ្រ ការនាំចូលទង់ដែង អាលុយមីញ៉ូម និងនីកែលពីរុស្ស៊ី ក៏នឹងត្រូវបានរារាំងផងដែរ ក្រោមច្បាប់ដែលនឹងត្រូវដាក់ឱ្យប្រើប្រាស់នៅចុងឆ្នាំនេះ៕

The post ក្រុម G7 សម្រេចហាមឃាត់ការនាំចេញត្បូងពេជ្ររុស្ស៊ី appeared first on .

ដោយឡែក CNA ក៏បាន​រាយការណ៍បន្ថែមថា អត្រាជួញដូរមាសនៅប្រទេសចិនកាលពីខែមករា មាន​ប្រមាណ ២២,២៤ តោន តិចជាងស្ទើរពាក់កណ្ដាលបើធៀបនឹងខែធ្នូ ដែលមានរហូតដល់ ៤២,១៦ តោន។

បន្ថែមពីនោះ ការនាំចូលមាសសរុបក្នុងខែមករាពីហុងកុងក៏ធ្លាក់​រហូតដល់ ៤៧,៣% មកនៅត្រឹម ២២,៩៩២ តោនផងដែរ។

គួររំលឹកដែរថា ចិនគឺជាប្រទេសដែលចាយលុយច្រើនបំផុតលើគ្រឿងអលង្ការ ជាពិសេសគឺមាស ពោលក្នុងមួយឆ្នាំៗ ពួកគេចាយប្រហែល ១១០ ពាន់លានដុល្លារ ខណៈចិនគ្រប់គ្រងទីផ្សារគ្រឿងអលង្ការ​រហូតដល់ ៤០% នៃ​ទីផ្សារគ្រឿងអលង្ការ​ទូទាំងសកលលោក៕

The post ការនាំចូលមាសពីហុងកុងមកកាន់ចិន មានការធ្លាក់ចុះជិត ៥០% appeared first on .

យ៉ាងណា យោងតាម​របាយការណ៍​ដែល​ចុះផ្សាយ​ដោយ Classywomencollection បាន​បង្ហាញថា ប្រទេស​ដែល​ចំណាយ​ទឹកប្រាក់​ច្រើន​បំផុត​លើ​គ្រឿងអលង្ការ គឺជាប្រទេសចិន​ដែល​ចាយ​ដល់​ខ្ទង់រយពាន់លានដុល្លារ ខណៈ​អាមេរិក​នៅ​លំដាប់លេខរៀងទី ២ និងឥណ្ឌានៅលេខ ៣។

ខាងក្រោមនេះ គឺជាបញ្ជីឈ្មោះ​ប្រទេសទាំង ១០ ដែល​ចាយ​លុយ​ច្រើន​បំផុត​លើ​គ្រឿង​អលង្ការ៖

1/ប្រទេសចិន ចំណាយប្រហែល ១១១,៥ ពាន់​លានដុល្លារ

2/សហរដ្ឋអាមេរិក ចំណាយប្រហែល ៦១,៧៦ ពាន់​លានដុល្លារ

3/ប្រទេសឥណ្ឌា ចំណាយប្រហែល ៤០,៤៤ ពាន់​លានដុល្លារ

4/កោះហុងកុង ចំណាយប្រហែល ៩,៦៤ ពាន់​លានដុល្លារ

5/ប្រទេសជប៉ុន ចំណាយប្រហែល ៩,៤៣ ពាន់​លានដុល្លារ

6/សហព័ន្ធរុស្ស៊ី ចំណាយប្រហែល ៨,៦៧ ពាន់​លានដុល្លារ

7/ប្រទេសតួកគី ចំណាយប្រហែល ៧,៦៣ ពាន់​លានដុល្លារ

8/ប្រទេសកាណាដា ចំណាយប្រហែល ៦,៥៩ ពាន់​លានដុល្លារ

9/ប្រទេសអាល្លឺម៉ង់ ចំណាយប្រហែល ៥,៤៤ ពាន់​លានដុល្លារ

10/ចក្រភពអង់គ្លេស ចំណាយប្រហែល ៥,៣១ ពាន់​លានដុល្លារ

គួររំលឹកដែរថា បច្ចុប្បន្ន​ទីផ្សារ​គ្រឿងអលង្ការ​លើ​សកលលោក ត្រូវបាន​គេ​ប៉ាន់ប្រមាណថា មានតម្លៃប្រមាណ ២៦៩ ពាន់​លានដុល្លារ ខណៈប្រទេសចិន​គ្រប់គ្រង​រហូតជាង ៤០% នៃ​ទីផ្សារគ្រឿងអលង្ការ៕

The post ចិនជាប់ជាប្រទេសចាយលុយច្រើនបំផុតលើគ្រឿងអលង្ការ appeared first on .

លោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៍កម្ពុជា នៅថ្ងៃទី២ ខែមករា ឆ្នាំ២០២៣ បានជួបប្រតិភូតំណាងក្រុមហ៊ុនផលិតគ្រឿងអលង្ការសម្រាប់ម៉ាកដ៏ល្បីមួយ ដែលបានសម្រេចជ្រើសរើសយកកម្ពុជា ជាគោលដៅវិនិយោគ សម្រាប់បង្កើតរោងចក្រផលិតនូវគ្រឿងអលង្ការលម្អ ដែលនឹងត្រូវផ្គត់ផ្គង់ដល់ក្រុមហ៊ុនដែលមានម៉ាកល្បីៗ នៅលើពិភពលោក។

បើតាមក្រុមប្រឹក្សាអភិវឌ្ឍន៍កម្ពុជា ហៅកាត់ CDC នៅលើទំព័រហ្វេសប៊ុក បានបញ្ជាក់ថា ការសម្រេចចិត្តរបស់ក្រុមហ៊ុននេះ គឺដោយបានសំឡឹងឃើញថា កម្ពុជាមានវប្បធម៌ និងអរិយធម៌យូរអង្វែង ដែលជាចំណុចសំខាន់សម្រាប់បន្ស៊ីគ្នាជាមួយផលិតផលរបស់ខ្លួន ដែលគ្រោងនឹងផលិតនៅក្នុងប្រទេសកម្ពុជា។

ទន្ទឹមនឹងនេះ CDC បន្ថែមទៀតថា ក្រុមហ៊ុន បានសិក្សាអំពីសក្តានុពលវិនិយោគនៅកម្ពុជា តាំងពីដើមឆ្នាំ២០១៩ មកម៉្លេះ មុននឹងសម្រេចបោះទុនបង្កើតរោងចក្រផលិតគ្រឿងអលង្ការនៅប្រទេសកម្ពុជា ដែលគ្រោងនឹងចាប់ផ្តើមប្រតិបត្តិការវិនិយោគនៅខែមករា ឆ្នាំ២០២៤ ខាងមុខ ដោយក្រុមហ៊ុនសូមរក្សាសិទ្ធិមិនបញ្ចេញឈ្មោះនាពេលនេះ។

គួររំលឹកថា រយៈពេល៥ឆ្នាំកន្លងមកនេះ ប្រទេសកម្ពុជាបាន និងកំពុងអភិវឌ្ឍន៍វិស័យគ្រឿងអលង្ការ និងត្បូងមានតម្លៃរបស់ខ្លួន និងទទួលបានឱកាសកាន់តែច្រើនជាងមុន។

បន្ទាប់ពីកម្ពុជាចូលទៅក្នុងប្រព័ន្ធពិភពលោក Kimberley process នៅចុងឆ្នាំ២០១២បូករួមនឹងការអនុគ្រោះពន្ធលើការនាំចេញគ្រឿងអលង្ការ និងត្បូងមានតម្លៃពីកម្ពុជា ទៅកាន់ទីផ្សារសហរដ្ឋអាម៉េរិកកំពុងតែទាក់ទាញវិនិយោគិនពីខាងក្រៅច្រើនឡើងឲ្យមកវិនិយោគលើការកែច្នៃត្បូងមានតម្លៃនៅប្រទេសកម្ពុជា។

សូមជម្រាបថា នៅក្នុងរយៈពេល៣ខែ នៃត្រីមាសដំបូង ឆ្នាំ២០២២កន្លងទៅនេះ កម្ពុជាបានធ្វើការនាំចូលត្បូងគ្រប់ប្រភេទ និងគ្រឿងអលង្ការមកពីទីផ្សារអន្តរជាតិមានតម្លៃសរុបប្រមាណ ១ ៣១៧លានដុល្លារអាមេរិក ខណៈដែលការនាំចេញវិញមានទំហំត្រឹមប្រមាណ ៩១លានដុល្លារប៉ុណ្ណោះ។ នេះបើតាមទិន្នន័យអគ្គនាយកដ្ឋានគយ និងរដ្ឋាករកម្ពុជា។

សូមបញ្ជាក់ថា យោងតាមតួលេខក្រសួងពាណិជ្ជកម្មកម្ពុជាបានបង្ហាញថា ការធ្វើពាណិជ្ជកម្មត្បូងមានតម្លៃរបស់កម្ពុជា ក្នុង១ឆ្នាំៗមានទឹកប្រាក់ដល់ ទៅជាង១០០លានដុល្លារ៕

The post ក្រុមហ៊ុនផលិតគ្រឿងអលង្ការម៉ាកល្បីលើពិភពលោក នឹងបង្កើតរោងចក្រនៅកម្ពុជា appeared first on .