ការនាំចូលមាសមកកាន់ទីផ្សារប្រទេសចិន តាមរយៈហុងកុងមានការធ្លាក់ចុះជាខ្លាំង កាលពីខែមុន ពោលគឺធ្លាក់រហូតដល់ ៤៧% ឯណោះ។ នេះបើតាមរបាយការណ៍ចេញផ្សាយដោយនាយកដ្ឋានជំរឿន និងស្ថិតិហុងកុង។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ដោយឡែក CNA ក៏បានរាយការណ៍បន្ថែមថា អត្រាជួញដូរមាសនៅប្រទេសចិនកាលពីខែមករា មានប្រមាណ ២២,២៤ តោន តិចជាងស្ទើរពាក់កណ្ដាលបើធៀបនឹងខែធ្នូ ដែលមានរហូតដល់ ៤២,១៦ តោន។
បន្ថែមពីនោះ ការនាំចូលមាសសរុបក្នុងខែមករាពីហុងកុងក៏ធ្លាក់រហូតដល់ ៤៧,៣% មកនៅត្រឹម ២២,៩៩២ តោនផងដែរ។
គួររំលឹកដែរថា ចិនគឺជាប្រទេសដែលចាយលុយច្រើនបំផុតលើគ្រឿងអលង្ការ ជាពិសេសគឺមាស ពោលក្នុងមួយឆ្នាំៗ ពួកគេចាយប្រហែល ១១០ ពាន់លានដុល្លារ ខណៈចិនគ្រប់គ្រងទីផ្សារគ្រឿងអលង្ការរហូតដល់ ៤០% នៃទីផ្សារគ្រឿងអលង្ការទូទាំងសកលលោក៕
