អគារទីស្តីការថ្មីរបស់ គ.ជ.ប​ គឺមានកម្ពស់៩ជាន់ លើដីលំនៅឋានទំហំជាង ៥ពាន់ម៉ែត្រការ៉េ ស្ថិតនៅដីឡូតិ៍លេខ៧១ វិថីសុធារស សង្កាត់ ទន្លេបាសាក់ ខណ្ឌចំការមន រាជធានីភ្នំពេញ។ ដីលំនៅដ្ឋាននេះត្រូវបានរាជរដ្ឋាភិបាលដកហូតពីលោក គង់ គាំ អតីតមន្រ្តីជាន់ខ្ពស់គណបក្សភ្លើងទៀន ប្រគល់ជាកម្មសិទ្ធិឱ្យ គ.ជ.ប។

លោក ហង្ស ពុទ្ធា សមាជិក និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត បានប្រាប់អ្នកសារព័ត៌មានឱ្យដឹងថា តម្លៃសាងសង់អគារនេះ ស្ថិតក្នុងគម្រោងចំណាយប្រមាណ ២១លានដុល្លារអាមេរិកដែលថវិកាបានមកពីការជួលអគារទីស្តីការ គ.ជ.ប បច្ចុប្បន្នឱ្យទៅក្រុមហ៊ុន ណាហ្គាវើល បន្ទាប់ពីការចុះកិច្ចសន្យាកាលពីថ្ងៃទី២៣ ខែតុលា ឆ្នាំ២០២៣។

បើលោក ហង្ស ពុទ្ធា គម្រោងសាងសង់អគារទីស្តីការថ្មីរបស់ គ.ជ.ប នឹងត្រូវរួចរាល់ជាស្ថាពរនៅក្នុងខែតុលា ឆ្នាំ២០២៥។

បច្ចុប្បន្នទីស្នាក់ការគ.ជ.ប មានកម្ពស់១៥ជាន់នៅជាប់នឹងជញ្ជាំងកាស៊ីណូណាហ្កាវើល ស្ថិតនៅទល់មុខពុទ្ធសាសនបណ្ឌិត្យ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ដែលជាការដោះដូរដីរដ្ឋ បានពីការជួលទៅឱ្យក្រុមហ៊ុនណាហ្កាវើលវិនិយោគនៅក្នុងរយៈពេល៩៩ឆ្នាំ។ អគារទីស្តីការនេះ ត្រូវបានចំណាយលើការសាងសង់ប្រមាណជាង១២លានដុល្លារ ដែលជាបន្ទុករបស់ក្រុមហ៊ុនណាហ្កាវើល ក្រោមកិច្ចព្រមព្រៀងសន្យាផ្តល់អគារជាប់ជាមួយអគារណាហ្កាវើល២ ជាមួយរាជរដ្ឋាភិបាលកម្ពុជា៕

The post លុយដែលបានពីការជួលអគារឲ្យកាស៊ីណូណាហ្គាវើល គ.ជ.ប យកមកបុកគ្រឹះសាងអគារទីស្តីការថ្មីតម្លៃ ២១លានដុល្លារ appeared first on .

អង្គប្រជុំ​រដ្ឋសភាបាន​បោះឆ្នោត​គាំទ្រឲ្យលោក ប្រាជ្ញ ចន្ទ ជាប់បន្ត​ធ្វើជា​ប្រធាន​គណៈកម្មាធិការ​ជាតិ​រៀបចំ​ការ​បោះឆ្នោត ចំណែកលោក ជឺ ចំណាន ជា​អនុប្រធាន​គណៈកម្មាធិការ​ជាតិ​រៀបចំ​ការ​បោះឆ្នោត និង​សមាជិក​គណៈកម្មាធិការ​ជាតិ​រៀបចំ​ការ​បោះឆ្នោត ចំនួន ៧ រូប​ទៀតគឺលោក មាន សទិ, លោក ឌឹម សុ​វណ្ណា​រុំ, លោក សោម សូ​រី​ដា, លោក ហេង ស៊ី​ឡេង, លោក យិ​ច សមិទ្ធិ, លោក ហ៊ែល សារ៉ាត់ និងលោក ហង្ស ពុទ្ធា។

បើតាមរដ្ឋសភាជាតិ សមាសភាពថ្នាក់ដឹកនាំគណៈកម្មាធិការជាតិរៀបចំការបោះឆ្នោតថ្មីនៃនីតិកាលទី៧រដ្ឋសភានេះ ត្រូវធ្វើសច្ចាប្រណិធាននៅព្រះបរមរាជវាំងជាមុនសិន មុនចូលកាន់តំណែង នាពេលខាងមុខ។

សូមជម្រាបថា គណៈកម្មាធិការ​ជាតិ​រៀបចំ​ការ​បោះឆ្នោត ហៅ​កាត់​ថា (​គ​.​ជ​.​ប​) មាន​សមត្ថកិច្ច​ក្នុង​ការ​ធ្វើ​ផែនការ​រៀបចំ និង​ចាត់ចែង​ការ​បោះឆ្នោត​ក្នុង​ទូទាំង​ប្រទេស ក្រោម​បាវចនា ឯករាជ្យ អព្យាក្រឹត សច្ចៈ យុត្តិធម៌ តម្លាភាព។

គួររំលឹកបន្តិចថា លោក ប្រាជ្ញ ចន្ទ ចូលកាន់តំណែងជាប្រធានគណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី៣០ ខែមិថុនា ឆ្នាំ២០២១  ជំនួសលោក ស៊ិក ប៊ុនហុក ដែលបានសុំលាលែងពីតំណែងក្រោមហេតុផលមានបញ្ហាសុខភាព និងវ័យកាន់តែចាស់។

មុនកាន់តំណែងប្រធាន គ.ជ.ប លោក ប្រាជ្ញ ចន្ទ គឺជាតំណាងរាស្រ្ត និងជាប្រធានគណៈកម្មការទី១ នៃរដ្ឋសភា ទទួលបន្ទុកសិទ្ធិមនុស្ស ទទួលពាក្យបណ្តឹង អង្កេត និងទំនាក់ទំនងរដ្ឋសភា ព្រឹទ្ធសភា ចាប់តាំងពីឆ្នាំ២០១៧ មក។ ក្រៅពីនេះ លោកក៏ធ្លាប់ជាមន្ត្រីជាន់ខ្ពស់ក្រសួងមហាផ្ទៃ រយៈពេល១០ឆ្នាំ ពោលគឺពីឆ្នាំ១៩៩១ ដល់២០០១ មុនកាន់តំណែងអភិបាលខេត្តបាត់ដំបង ៣អាណត្តិជាប់គ្នា ពីឆ្នាំ២០០១ ដល់២០១៣ ហើយក្រោយមកលោកបានផ្លាស់ប្ដូរទៅកាន់តំណែងអភិបាលខេត្តត្បូងឃ្មុំ ១អាណត្តិ ពីឆ្នាំ២០១៤ ដល់២០១៧ នៅពេលខេត្តនេះបង្កើតថ្មីដែលបំបែកចេញពីខេត្តកំពង់ចាម៕

The post រដ្ឋសភា គាំទ្រឲ្យលោក ប្រាជ្ញ ចន្ទ បន្តធ្វើជាប្រធានគណៈកម្មាធិការជាតិរៀបចំការបោះឆ្នោត គ.ជ.ប appeared first on .

បណ្ឌិត គិន ភា ប្រធាវិទ្យាស្ថានទំនាក់ទំនងអន្តរជាតិននៃរាជបណ្ឌិត្យសភាកម្ពុជា បានមើលឃើញថា ផែនការបន្តវេននេះមិនមែនជារឿងអាថ៌កំបាំងទេ ដ្បិតគណបក្សប្រជាជនកម្ពុជាបានធ្វើរឿងនេះដោយបើកចំហតាំងពីចុងឆ្នាំ២០២១ មកម្ល៉េះ ទៅតាមបែបបទនិងនីតិវិធីផ្ទៃក្នុងរបស់គណបក្សកាន់អំណាចដ៏ធំមួយនេះ។

លោក គិន ភា បានរំលេចយកបទសម្ភាសន៍មួយជាមួយទូរទស្សន៍ហុងកុងប៉ុន្មានថ្ងៃមុនការបោះឆ្នោត ជាមួយសម្តេចតេជោ ហ៊ុន សែន ដោយសម្តេចតេជោបានលើកឡើងពីលទ្ធភាពនៃការផ្ទេរអំណាចបួនប្រាំសប្តាហ៍ក្រោយការបោះឆ្នោតតែម្តង។ ជាមួយគ្នានេះដែរ ជាងមួយសប្តាហ៍មុនការបោះឆ្នោត ក៏មានការបែកធ្លាយផងដែរនូវសេចក្តីព្រាងសមាសភាពរដ្ឋាភិបាលអាណត្តិថ្មីក្រោមការដឹកនាំរបស់ឯកឧត្តមបណ្ឌិត ហ៊ុន ម៉ាណែត ដែលជាបុត្រាច្បងរបស់សម្តេចតេជោ ហ៊ុន សែន អមដោយឧបនាយករដ្ឋមន្ត្រីនិងរដ្ឋមន្ត្រី ដែលភាគច្រើនលើសលប់ ជាយុវជនដែលជាកូនចៅរបស់វរជនកំពូលៗក្នុងរាជរដ្ឋាភិបាលនិងគណបក្ស។

បើតាមលោកបណ្ឌិត ការបែកធ្លាយសមាសភាពរដ្ឋាភិបាលអាណត្តិថ្មីនេះ អាចជាការសាកល្បងសមរភូមិសតិអារម្មណ៍មហាជនមួយដ៏សំខាន់ផងដែរ ហើយវាអាចត្រូវបានវិនិច្ឆ័យតាមរយៈ​សន្លឹកឆ្នោតរបស់ពលរដ្ឋ។ ឥឡូវនេះ អាប៉ោងបើកគ្របហើយ គឺមានន័យថា អ្នកបោះឆ្នោតទទួលយកផែនការផ្ទេរអំណាចរបស់គណបក្សប្រជាជនកម្ពុជាជាមួយនឹងអាសនៈដ៏ច្រើនលើសលប់ ថ្វីដ្បិតរបូតអាសនៈបន្តិចបន្តួចទៅគណបក្សរាជានិយមហ្វ៊ុនស៊ិនប៉ិច ដែលដឹកនាំដោយព្រះអង្គម្ចាស់ម្ចាស់វ័យក្មេងមួយព្រះអង្គ ដែលទើបលេចព្រះភក្តិក្នុងឆាកនយោបាយក្រោយការសោយព្រះទិវង្គតនៃព្រះបិតារបស់ព្រះអង្គ។ ដូច្នេះ ការផ្ទេរអំណាចជារឿងមុននិងក្រោយដែលត្រូវធ្វើឡើងដោយជៀសមិនរួច។ តែមុននឹងផ្ទេរអំណាច គណបក្សប្រជាជនកម្ពុជា ត្រូវតែឈ្នះការបោះឆ្នោតជាមុនសិន។ លទ្ធផលបឋមក្រៅផ្លូវការបានបង្ហាញថា គណបក្សប្រជាជនកម្ពុជាទទួលបានអាសនៈស្ទើរតែទាំងអស់នៅក្នុងរដ្ឋសភា គឺ១២០/១២៥ អាសនៈ។ តាមរយៈលទ្ធផលនេះ គណបក្សប្រជាជនកម្ពុជា មិនមានការរាំងស្ទះណាមួយក្នុងដំណើរការផ្ទេរអំណាចរបស់ខ្លួននោះទេ។

លោកបណ្ឌិត គិន ភា សង្កត់ធ្ងន់ថា បើមានការផ្ទេរអំណាចភ្លាមៗក្រោយការបោះឆ្នោតមែន ការផ្ទេរអំណាចនេះ នឹងក្លាយជារឿងដែលមិនធ្លាប់មានក្នុងប្រវត្តិសាស្ត្រកម្ពុជាជាង៥០០ឆ្នាំ ជាពិសេស រយៈពេលជិត១០០ឆ្នាំចុងក្រោយ, ហើយរិតតែមិនធ្លាប់មានទាល់តែសោះ ដែលការរៀបចំក្បាលម៉ាស៊ីនដឹកនាំរដ្ឋាភិបាល ដែលភាគច្រើនលើសលប់សុទ្ធតែជាយុវជន, មិនថាតែនៅកម្ពុជាទេ សូម្បីតែនៅអាស៊ីទាំងមូល ក៏មិនធ្លាប់មានបែបនេះដែរ។ ការផ្ទេរអំណាចនៅកម្ពុជានាពេលនេះ នឹងក្លាយជាបទពិសោធន៍មួយដ៏ធំសម្រាប់ប្រទេសនានាពាក់ព័ន្ធនឹង​ការរៀបចំផែនការយុវជនបន្តវេន៕

The post បណ្ឌិត គិន ភា៖ ការផ្ទេរអំណាចនៅកម្ពុជា នឹងក្លាយជាបទពិសោធន៍ដ៏ធំសម្រាប់ប្រទេសនានាពាក់ព័ន្ធនឹង​ការរៀបចំផែនការយុវជនបន្តវេន appeared first on .

ក្នុងជំនួបនេះសម្ដេចតេជោ ហ៊ុន សែន បានថ្លែងអំណរគុណចំពោះនាយករដ្ឋមន្ត្រីនៃប្រទេសហ្គីណេប៊ីសាវ ដែលបានទទួលយកនូវការអញ្ជើញរបស់សម្ដេចមកសង្កេតការបោះឆ្នោតនៅកម្ពុជានៅពេលនេះ។

នៅក្នុងជំនួបពិភាក្សានេះ សម្ដេចតេជោនាយករដ្ឋមន្ត្រី ក៏បានបង្ហើបពីការរៀបចំឱ្យមានការបន្តវេនក្រោយការបោះឆ្នោត ដែលនាយករដ្ឋមន្ត្រី ហ្គីណេប៊ីសាវ បានសន្យាថានឹងធ្វើការជាមួយនឹងរដ្ឋាភិបាលថ្មី ដែលនឹងដឹកនាំដោយបណ្ឌិត ហ៊ុន ម៉ាណែត។

ក្នុងបទសម្ភាសជាមួយទូរទស្សន៍ phoenix ដែលមានមូលដ្ឋាននៅទីក្រុងហុងកុង សម្តេចតេជោ ហ៊ុន សែន បានបង្ហើបថា ក្រោយការបោះឆ្នោតពី៣ ទៅ៤ សប្ដាហ៍ ហ៊ុន ម៉ាណែត អាចក្លាយជានាយករដ្ឋមន្រ្តី។ ក្នុងកិច្ចសម្ភាសដដែលនោះ សម្ដេចតេជោនាយករដ្ឋមន្រ្តី ក៏បានពន្លយសម្តីដែលគួរឱ្យចាប់អារម្មណ៍ថា សម្ដេចតេជោ នឹងអាចលែងមានអំណាច ក្រោយការបោះឆ្នោតដែលហាក់មានន័យថា លោកប​ណ្ឌិត ហ៊ុន ម៉ាណែត នឹងធ្វើជានាយករដ្ឋមន្រ្តី ដឹកនាំរដ្ឋាភិបាលជំនួសសម្ដេច។

សូមជម្រាបជូនថា ការបោះឆ្នោតបានបិទបញ្ចប់ហើយ ខណៈដែលមានប្រជាពលរដ្ឋទូទាំងប្រទេសប្រមាណជាង ៨៤.៥៨ភាគរយបានទៅបោះឆ្នោត ក្នុងចំណោម​ប្រជាពលរដ្ឋដែលមានឈ្មោះក្នុងបញ្ជីបោះឆ្នោត។ បើតាមលទ្ធផលក្រៅផ្លូវការ បានឲ្យដឹងថា គណបក្សប្រជាជនកម្ពុជាបាននាំមុខ ដោយអាចគ្រប់គ្រង ១២០អាសនៈ ខណៈគណបក្សហ៊្វុនស៉ិនប៉ិច ដែលដឹកនាំដោយអ្នកអង្គម្ចាស់​ នរោត្តម ចក្រាវុធ ទទួលបាន ៥អាសនៈ៕

The post សម្តេចតេជោ ហ៊ុន សែន បង្ហើបប្រាប់នាយករដ្ឋមន្រ្តីហ្គីណេប៊ីសាវ អំពីការរៀបចំបន្តវេនក្រោយការបោះឆ្នោត appeared first on .

បើតាម គ.ជ.ប សន្លឹកឆ្នោតដែលបោះពុម្ពសន្លឹកជាង ១៣លានសន្លឹក គឺចែកចេញជា២ប្រភេទ ដោយប្រភេទទី១ គឺជាប្រភេទសន្លឹកឆ្នោតដែលនឹងបញ្ជូនទៅការិយាល័យបោះឆ្នោតជាង២៣០០ការិយាល័យ និងប្រភេទទី២ សន្លឹកឆ្នោតជាង១លាន២សែនសន្លឹក គឺតម្កល់ទុកនៅគណៈកម្មការខេត្តរៀបចំការបោះឆ្នោត ត្រៀមបម្រុងដើម្បីដោះស្រាយបញ្ហាជាយថាហេតុណាមួយដែលអាចនឹងកើតឡើង។

របាយការណ៍ គ.ជ.ប សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ ចំនួនឈ្មោះប្រជាពលរដ្ឋដែលមាននៅក្នុងបញ្ជីបោះឆ្នោតដំបូងដែលត្រូវបិទផ្សាយមានចំនួន ៩.៧១០.៦៤៥នាក់ ក្នុងនោះស្រីចំនួន ៥,១៦១,៩០៦នាក់ និងការិយាល័យបោះឆ្នោតទូទាំងប្រទេស គឺមានចំនួន ២៣,៧៨៩ការិយាល័យ។

សម្រាប់ការបោះឆ្នោតជ្រើសតាំងតំណាងរាស្ត្រអាណត្តិទី៧ ខែកក្កដាខាងមុខនេះ លោក ហង្ស ពុទ្ធា គូសបញ្ជាក់ថា​ គ.ជ.ប បានយោងទាំងស្រុងទៅលើបញ្ជីឈ្មោះអ្នកបោះឆ្នោតឆ្នាំ២០២២ ដែលមានចំនួនសរុបប្រមាណជាង៩លាននាក់។

គួរបញ្ជាក់ថា នៅនីតិកាលទី៧ មានគណបក្សនយោបាយចំនួន១៨ ដែលត្រូវគណៈកម្មាធិការជាតិរៀបចំការបោះឆ្នោត ទទួលស្គាល់ជាផ្លូវការចំពោះការចុះបញ្ជីគណបក្សដើម្បីប្រកួតប្រជែងដណ្តើមកៅអីរដ្ឋសភា និងនាយករដ្ឋមន្រ្តី៕

The post គ.ជ.ប បានបោះពុម្ពសន្លឹកជាង ១៣លានសន្លឹក សម្រាប់ការបោះឆ្នោតជ្រើសតាំងតំណាងរាស្ត្រ ថ្ងៃស្អែក appeared first on .

ឥស្សរជនថ្នាក់ដឹកនាំថ្នាក់ជាតិទាំង ៩រូបនោះរួមមាន៖ លោក ប្រាជ្ញ ចន្ទ ប្រធានគ.ជ.ប លោក នុត សុខុម អនុប្រធានគ.ជ.ប ចំណែកឯលោក មាន សទិ លោក ឌឹម សុវណ្ណារុំ លោក ឌុច សុន លោក ហ៊ីង ធីឫទ្ធិ លោក ឯម សូផាត លោក ហ៊ែល សារ៉ាត់ លោក ហង្ស ពុទ្ធា ជាសមាជិកគ.ជ.ប។

សូមជម្រាបថា គណៈកម្មាធិការជាតិរៀបចំការបោះឆ្នោត (គ.ជ.ប) មានសមត្ថកិច្ចក្នុងការធ្វើផែនការរៀបចំ និងចាត់ចែងការបោះឆ្នោតក្នុងទូទាំងប្រទេស។

គ.ជ.ប មានសិទ្ធិពេញលេញ ក្នុងការអនុវត្តសមត្ថកិច្ចរបស់ខ្លួនស្របតាមច្បាប់ស្ដីពីការរៀបចំ និងការប្រព្រឹត្តទៅនៃ គ.ជ.ប ច្បាប់ស្តីពីការបោះឆ្នោតជាធរមាន បទបញ្ជា និងនីតិវិធីសម្រាប់ការបោះឆ្នោតដែលកំណត់ដោយគណៈកម្មាធិការជាតិរៀបចំការបោះឆ្នោត ស្របតាមរដ្ឋធម្មនុញ្ញនៃព្រះរាជាណាចក្រកម្ពុជា៕

The post ក្បាលម៉ាស៊ីន គ.ជ.ប ប៉ុន្នានរូបត្រូវព្យួរសិទ្ធិបោះឆ្នោតជាបណ្ដោះអាសន្ន ឆ្នាំ២០២៣ appeared first on .

ការ​បោះ​ឆ្នោត​ក្រុម​ប្រឹក្សា​ឃុំ​សង្កាត់​ អាណត្តិ​ទី​៥ នឹង​ឈាន​ចូល​មក​ដល់​នៅ​ថ្ងៃ​អាទិត្យ ទី​០៥ មិថុនា​ស្អែក​នេះ​។ សាលា​រៀន​រដ្ឋនិងទីតាំងសាធារណៈរបស់រដ្ឋ​មួយ​ចំនួន ​ត្រូវ​បាន​ប្រើ​ជាកន្លែង​សម្រាប់​ការ​បោះឆ្នោត។ ការទៅដល់នៃសន្លឹកឆ្នោតខ្លះរួមជាមួយនឹងទឹកខ្មៅជ្រលក់ដៃ ត្រូវបាន គ.ជ.ប បង្ខំចិត្តប្រើឧទ្ធម្ភាកចក្រដឹកជញ្ជូនសន្លឹកឆ្នោត ទឹកថ្នាំជ្រលក់ដៃ និងឯកសារបំរើឲ្យការបោះឆ្នោតមួយចំនួនទៅតំបន់ដាច់ស្រយ៉ានិងតំបន់ឆ្ងាយ។

បន្ទាប់ពីទឹកខ្មៅជ្រលក់ដៃជិត៥ម៉ឺនដប និងសន្លឹកឆ្នោតជិត១២លានសន្លឹកដឹកទៅដល់ការិយាល័យបោះឆ្នោតហើយនោះ ក្រុមការងារឬមន្ត្រីបំរើការបោះឆ្នោតប្រមាណជាង១៤ម៉ឺននាក់ក៏កំពុងមានវត្តមាននៅតាមទីតាំងការិយាល័យរៀងៗខ្លួន ដើម្បី​ត្រៀមចាក់សោរការិយាល័យទទួលអ្នកបោះឆ្នោតនៅថ្ងៃស្អែក។ 

សូមបញ្ជាក់ថា ប្រជាពលរដ្ឋខ្មែរ ដែលមានឈ្មោះនៅក្នុងបញ្ជីបោះឆ្នោតមានចំនួនសរុបជាង ៩,២លាននាក់ ហើយចំនួនអាសនៈមេឃុំ ចៅសង្កាត់នៅទូទាំងប្រទេសដែលគណបក្សទាំងអស់ត្រូវប្រជែងគ្នានោះគឺ១៦៥២ ឃុំ សង្កាត់។

ចំណែកឯការិយាល័យបោះឆ្នោតនៅទូទាំងប្រទេសវិញមានចំនួន ២៣ ៦០២ការិយាល័យ។ ក្នុងចំណោមឃុំ សង្កាត់ទាំង១៦៥២ គឺមានតែគណបក្ស២ទេដែលដាក់បេក្ខភាពច្រើនជាងគេ គឺគណបក្សប្រជាជនកម្ពុជាដាក់គ្រប់១០០% និងគណបក្សភ្លើងទៀន ដាក់បេក្ខភាពបានចំនួន ១៦២៣ឃុំ សង្កាត់៕

The post ទឹក​ខ្មៅ​ជ្រលក់​ដៃ និងសន្លឹកឆ្នោត ត្រូវបាន គ.ជ.ប ដឹកដល់ការិយាល័យរួចរាល់ហើយ ​ខណៈតំបន់ខ្លះប្រើឧទ្ធម្ភាកចក្រ appeared first on .

លោក ប្រាជ្ញ ចន្ទ​ ត្រូវបានជ្រើសរើស​ជាប្រធានថ្មី​គ.ជ.ប នេះ ​គឺជំនួសលោក ស៊ិក ប៊ុនហុក ​ដែលបានលាលែងកាលពី​ដើមខែមិថុនានេះ​ក្រោមហេតុផលសុខភាព​។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

តើលោក ប្រាជ្ញ ចន្ទ ជានរណា?

មានវ័យ៦៤ឆ្នាំ លោកប្រាជ្ញ ចន្ទ ត្រូវបានក្លាយជាប្រធានថ្មីនៃគណៈកម្មធិការជាតិរៀបចំការបោះឆ្នោត ហៅកាត់ (គ.ជ.ប)។ លោកកើតនៅ​ភូមិ​ត្រពាំង​ព្រីង ឃុំ​ទូក​មាស ស្រុក​បន្ទាយមាស ខេត្តកំពត។ លោកបញ្ចប់​មធ្យមសិក្សាកម្រិត​​១​នៅក្នុងខេត្តកំពត ហើយបានមកបន្តបញ្ចប់មធ្យមសិក្សាកម្រិត​​២នៅក្នុងរាជធានីភ្នំពេញក្នុងសម័យសាធារណរដ្ឋខ្មែរមុនការមកដល់នៃរបបខ្មែរក្រហម។ បន្ទាប់ពីបញ្ចប់មធ្យមសិក្សាទាំង២កម្រិតនេះ លោកប្រាជ្ញ ចន្ទ ក៏បានបញ្ចប់​ការ​សិក្សា​​ផ្នែក​វិទ្យាសាស្ត្រ​នយោបាយថ្នាក់បរិញ្ញាបត្រ។

លោក ប្រាជ្ញ ចន្ទ មានបទពិសោធន៍ជោគជាំនៅក្នុងក្រសួងមហាផ្ទៃ។ ពីឆ្នាំ១៩៩១ដល់ឆ្នាំ២០០១ លោកបានកាន់ដំណែងជា​ប្រធាន​នាយកដ្ឋាន​គ្រប់គ្រង​ខេត្តនៃក្រសួងមហាផ្ទៃ ហើយក្រោយមកជាប្រធាន​នាយកដ្ឋានរ​ដ្ឋបាល​ទូទៅ ប​ន្ទាប់មកទៀតជាអគ្គនាយករង​នៃ​អគ្គ​នាយក​ដ្ឋា​ន​រដ្ឋបាល និងចុងក្រោយជា​អគ្គនាយក​នៃ​អគ្គនាយកដ្ឋាន​រដ្ឋ​បាលនៃក្រសួងមហាផ្ទៃ។

ចេញពីក្រសួងមហាផ្ទៃ លោកប្រាជ្ញ ចន្ទ បានទៅធ្វើជាអភិបាលខេត្តបាត់ដំបងចន្លោះឆ្នាំ២០០១ដល់ឆ្នាំ២០១៣ ហើយផ្លាស់ទៅធ្វើជាអភិបាលខេត្តត្បូងឃ្មុំពីឆ្នាំ២០១៤ដល់ឆ្នាំ២០១៧ ខណៈដែលនៅពេលនោះរាជរដ្ឋាភិបាលសម្រេចបង្កើតខេត្តត្បូងឃ្មុំៗថ្មី។

ក្រោយមក លោកបានធ្វើជាតំណាងរាស្រ្តខេត្តត្បូងឃ្មុំ និង ត្រូវបានតែងតាំងជាប្រធានគណៈកម្មការទី១ នៃរដ្ឋសភា គឺគណៈកម្មការសិទ្ធិមនុស្ស ទទួលពាក្យបណ្តឹង អង្កេត និងទំនាក់ទំនងរដ្ឋសភា ព្រឹទ្ធសភា មុនត្រូវបានជ្រើសរើសជាប្រធានគ.ជ.បថ្មីនាពេលនេះ៕

The post តើប្រធាន គ.ជ.ប ថ្មី លោក ប្រាជ្ញ ចន្ទ ជានរណា? appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

សូមបញ្ជាក់ថា ពាក្យសុំលាលែងរបស់លោក ស៊ិក ប៊ុនហុក ត្រូវបានធ្វើឡើងកាលពីថ្ងៃទី០១ ខែមិថុនា ឆ្នាំ២០២១ ហើយត្រូវបានគណៈកម្មាធិការអចិន្រ្តៃយ៍ នៃរដ្ឋសភាអនុម័តយល់ព្រមតាមសំណើនៅព្រឹកថ្ងៃទី០៤ ខែមិថុនា ឆ្នាំ២០២១​នេះ​ដែលកិច្ចប្រជុំគណៈកម្មធិការអចិន្ត្រៃយ៍រដ្ឋសភានេះ ដឹកនាំដោយសម្តេចពញាចក្រី ហេង សំរិន ប្រធានរដ្ឋសភា។

ជាមួយនឹងការយល់ព្រមឲ្យលោក ស៊ិក ប៊ុនហុក លាឈប់នេះ គណៈកម្មាធិការអចិន្រ្តៃយ៍នៃរដ្ឋសភា ក៏បានអនុម័តយល់ព្រមនូវសេចក្តីព្រាងសេចក្តីសម្រេច ស្តីពីការកំណត់បែបបទ និងនីតិវិធីនៃការជ្រើសរើសបេក្ខជនប្រធានគណៈកម្មាធិ​ការ​ជាតិរៀបចំការបោះឆ្នោត និងប្រគល់ភារកិច្ចជូនអគ្គលេខាធិការដ្ឋានរដ្ឋសភា ធ្វើសេចក្តីជូនដំណឹងជ្រើសរើសបេក្ខជន ជាប្រធានគណៈកម្មាធិការជាតិរៀបចំការបោះឆ្នោត ជំនួសលោក ស៊ិក ប៊ុនហុក ផងដែរ៕

The post លោក ស៊ិក ប៊ុនហុក ប្រកាសលាលែងពីតំណែងជាប្រធានគណៈកម្មាធិការជាតិរៀបចំការបោះឆ្នោត​ (គ.ជ.ប) appeared first on .