លោក លី ឡាវិល ប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជាបានឱ្យដឹងថា ផ្អែកលើតម្លៃជ្រូករស់ក្នុងពេលសព្វថ្ងៃនេះមានស្ថិរភាពល្អមានរយៈពេលជាង៣ខែមកនេះ យើងឃើញថាពលរដ្ឋភាគច្រើនងាកមកចាប់ផ្តើមចិញ្ចឹមជ្រូកឡើងវិញហើយ ព្រោះតម្លៃជ្រូកសព្វថ្ងៃនេះអាចឱ្យអ្នកចិញ្ចឹមរកប្រាក់ចំណេញបាន និងហ៊ានប្រឈរមុខជាមួយហានិភ័យដោយខ្លួនឯង។ ប៉ុន្តែបើតម្លៃជ្រូករស់នៅក្រោម៩៥០០រៀល ប្រហែលកសិករមិនហ៊ានចិញ្ចឹមឡើងវិញនោះទេ ខ្លាចមានហានិភ័យកើតឡើង ប៉ុន្តែបើតម្លៃ នៅចន្លោះពី១ម៉ឺនទៅ១ម៉ឺន១ពាន់រៀលក្នុងមួយគីឡូដូចបច្ចុប្បន្ននេះ ទោះបីមានបញ្ហាកើតឡើង កសិករក៏មិនមានការខាតបង់ប្រាក់ធ្ងន់ធ្ងរពេកនោះដែរ។

បើតាមប្រធានក្រុមប្រឹក្សាភិបាលខាងលើ កាលណាកសិករធ្វើការចិញ្ចឹមជ្រូកផ្គត់ផ្គង់លើទីផ្សារលើសពីតម្រូវការ វានិងធ្វើឱ្យតម្លៃធ្លាក់ចុះមកវិញ ប៉ុន្តែនៅពេលណាមួយវាឡើងថ្លៃវិញនៅពេលតម្រូវការច្រើនជាងការផ្គត់ផ្គង់។ តែទោះជាតម្លៃជ្រូកមានការប្រែប្រួលបែបនេះក្តី សម្រាប់កសិករមួយចំនួននៅតែមិនបោះបង់ការចិញ្ចឹមជ្រូករបស់ខ្លួនចោលទេ ព្រោះរបរនៅផ្ទះដោយពុំចាំបាច់ចំណាកស្រុកធ្វើការនៅឆ្ងាយ។

ស្របពេលតម្លៃជ្រូកសាច់បន្តរក្សាបានថ្លៃល្អនៅលើទីផ្សារ លោក លី ឡាវិល បានសង្កេតឃើញថា តម្លៃកូនជ្រូកនៅតាមក្រុមហ៊ុន ឬកសិដ្ឋានក្នុងមួយក្បាលថ្លៃចន្លោះ២០ទៅ២៥ម៉ឺនរៀល តែសម្រាប់កសិករដែលមានកូនជ្រូក អាចលក់បានថ្លៃ២០ម៉ឺនរៀលតិចតួចក្នុងមួយក្បាល ខណៈពេលមុនៗមានតម្លៃទាបជាងសព្វថ្ងៃនេះ៕

The post អ្នកជំនាញ៖ កសិករភាគច្រើនចាប់ផ្តើមចិញ្ចឹមជ្រូកឡើងវិញ ក្រោយឃើញជ្រូកសាច់រក្សាបានថ្លៃល្អលើទីផ្សារ appeared first on .

យោងតាមបណ្តាញទំនាក់ទំនងផ្លូវការ របស់អ្នកឧកញ៉ា ម៉ុងឬទ្ធី នៅក្នុងដំណើរចុះពិនិត្យមើលដំណើរការសកម្មភាពរោងចក្រផលិតចំណីសត្វ នៅភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ កាលថ្ងៃទី២១ ខែឧសភាឆ្នាំ២០២៥ អ្នកឧកញ៉ា ម៉ុង ឬទ្ធី បានលើកឡើងថា សម្រាប់អ្នកប្រកបអាជីវកម្មចិញ្ចឹមសត្វត្រូវតែជ្រើសរើស៖ (ទី១)-ពូជឱ្យបានល្អ (ទី២)-វត្ថុធាតុដើមចំណីឱ្យត្រឹមត្រូវតាមស្តង់ដារ (ទី៣)-ឱ្យមានទឹកស្អាតគ្រប់គ្រាន់ (ទី៤)-ការថែទាំនិងអនាម័យ និង(ទី៥)-រៀបចំប្រព័ន្ធជីវសុវត្ថិភាពស្តង់ដារ។

អ្នកឧកញ៉ា ម៉ុង ឬទ្ធី បានសង្កត់ធ្ងន់ថា “បើយើងជ្រើសរើសពូជជ្រូកបានល្អត្រឹមត្រូវវិញនោះ ដូចបច្ចុប្បន្ននេះយើងមានពូជមកពីប្រទេសដាណឺម៉ាក អាចបង្កើតកូនពីរដងកន្លះក្នុងមួយឆ្នាំ និងមានសមត្ថភាពអាចបង្កើតកូនបានលើសពី៣០ក្បាលឯណោះ។ បើយើងផ្តល់ចំណី ទឹកស្អាត ធ្វើអនាម័យ ថែទាំនៅក្នុងទ្រុងអ៊ីវ៉េប ឬទ្រុងបិទ (ម៉ាស៊ីនត្រជាក់)ឱ្យបានត្រឹមត្រូវតាមបច្ចេកទេសនោះ វានឹងអាចធំធាត់លឿនបានយ៉ាងឆាប់រហ័សបំផុត ក្នុងរយៈពេលត្រឹម២១សប្ដាហ៍ វានឹងអាចធំលូតលាស់បានលើសពី១០០គីឡូក្រាម”។

អ្នកឧកញ៉ា លើកឡើងថា ករណីដូចខាងលើនេះហើយបានជាក្រោយសង្គ្រាមឆ្នាំ៧៩ យើងតែងតែទិញមេបាពូជជ្រូកមកពីប្រទេសជិតខាង យកមកចិញ្ចឹមបង្កាត់ពូជបង្កើតកូនជ្រូកសាច់មិនទទួលបានជោគជ័យ ចំណាយពេលចិញ្ចឹមយូរ កើតកូន បានតិច ទើបនៅក្នុងឆ្នាំ២០០៨ខ្ញុំបានសម្រេចចិត្តទិញមេបាដូនតាទួតជ្រូកពូជយ៉កសៀ មកពីចក្រភពអង់គ្លេសចំនួន៦៥០ក្បាល ដឹកតាមយន្តហោះ៣ជើង យកមកបង្កាត់បន្តពូជលក់ចែកចាយជូនប្រជាកសិករទូទាំងប្រទេស ព្រមទាំងបានលក់ចែកចាយទៅអោយប្រទេសជិតខាងយើងបានមួយចំនួនផងដែរ។

ទាក់ទងនិងការចិញ្ចឹមជ្រូកនាពេលបច្ចុប្បន្ននេះផងដែរ បើយោងតាម លោក លី ឡាវិល ប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជាបានឱ្យដឹងថា តម្រូវការនិងការផ្គត់ផ្គង់ជ្រូករស់នៅលើទីផ្សារនៅបន្តមានស្ថិរភាពល្អដោយក្នុងមួយថ្ងៃមានពី៩ពាន់ក្បាល ទៅ១ម៉ឹនក្បាល នៅទូទាំងប្រទេស ហើយផ្អែកលើស្ថិរភាពនៃការផ្គត់ផ្គង់នេះ ឃើញថាតម្លៃជ្រូករស់នៅលើទីផ្សារសម្រាប់កសិករដែលជាអ្នកចិញ្ចឹមជ្រូកលក់បានថ្លៃចន្លោះពី១ម៉ឺនរៀល ទៅ១ម៉ឺន ១ពាន់រៀល ក្នុងមួយគីឡូក្រាម៕SL

The post អ្នកឧកញ៉ា ម៉ុង ឬទ្ធី៖ បើយើងជ្រើសរើសជ្រូកមេបាពូជបានល្អត្រឹមត្រូវនឹងទទួលបានកូនច្រើនហើយចិញ្ចឹមឆាប់ធំធាត់លឿនរហ័ស appeared first on .

អ្នកឯកទេសចិញ្ចឹមសត្វកម្ពុជា លោក រស់ ឆាំងគី បានឱ្យដឹងថា មួយរយៈចុងក្រោយនេះ ជ្រូករស់មានតម្លៃល្អរហូតទៅដល់១ម៉ឺន ទៅ១ម៉ឺន ១ពាន់រៀល ក្នុងមួយគីឡូក្រាមនេះ ដោយសារតម្រូវការជ្រូកមានការកើនឡើង ជាពិសេសរដូវឆេងម៉េង និងរដូវជិតចូលឆ្នាំខ្មែរខាងមុខ ខណៈបើធៀបនឹងតម្លៃពីមុន ចន្លោះពី៨ពាន់ ទៅ៩ពាន់រៀលប៉ុណ្ណោះ ក្នុងមួយគីឡូក្រាម។

លោកបន្តថា ទន្ទឹមនឹងតម្រូវការសាច់មានការកើនឡើង ក្នុងនោះសម្រាប់កូនជ្រូកបែរមានការឡើងថ្លៃ រហូតដល់២៥ទៅ៣០ម៉ឺន ក្នុងមួយក្បាល។ លោក រស់ ឆាំងគី អះអាងថា ដោយសារមិនមានកូនជ្រូកផ្គត់ផ្គង់នៅតាមកសិដ្ឋាន ឬអ្នកចិញ្ចឹមនោះទេ ដូច្នេះ អាចធ្វើឱ្យអ្នកចិញ្ចឹមមានការប្រឈមខ្វះកូនជ្រូកចិញ្ចឹម។

លោក រស់ ឆាំងគី បានបញ្ជាក់ថា តម្លៃជ្រូកល្អប្រសើរចន្លោះ១ម៉ឺន ទៅ១ម៉ឺន ១ពាន់នេះ គឺជាតម្លៃមួយស្ថិតនៅតាមតំបន់ និងប្រភេទជ្រូក ឬគុណភាពផែនសាច់ជ្រូក។

បើតាមអ្នកស្រី ស៊ី លីណា ម្ចាស់កសិដ្ឋានចិញ្ចឹមជ្រូកមួយកន្លែងនៅខេត្តពោធិ៍សាត់ បានឱ្យដឹងផងដែរថា តម្លៃជ្រូកមួយខែចុងក្រោយនេះពិតជាល្អ ដោយកសិកដ្ឋានអ្នកស្រីលក់បានតម្លៃ១ម៉ឺនរៀល ក្នុងមួយគីឡូក្រាម ដែលតម្លៃអាចបូកដកចំណាយ និងអាចចំណេញមកវិញ។

អ្នកស្រីបន្តថា តម្លៃនេះមានការឡើងថ្លៃអាចមកពីមានតម្រូវការជាងមុន ស្របពេលរដូវឆេងម៉េង រដូវកម្មវិធីច្រើន និងជិតដល់ចូលឆ្នាំខ្មែរផងដែរ។ ជាមួយគ្នានេះ អ្នកស្រីក៏បានបង្ហាញក្តីសង្ឈឹមថា តម្លៃជ្រូករស់នឹងនៅតែរក្សាតម្លៃល្អ នៅក្រោយពិធីចូលឆ្នាំខ្មែរ ដែលធ្វើឱ្យកសិករចិញ្ចឹមមានផលចំណេញ៕

The post តម្លៃជ្រូករស់នៅតែល្អ ស្របពេលចូលឆ្នាំខ្មែរខិតជិតមកដល់ appeared first on .

លោកបន្តថា ថ្លៃជ្រូករស់ក្នុងរង្វង់១ម៉ឺនរៀលគឺជាថ្លៃសមរម្យ ហើយអ្នកផ្គត់ផ្គង់សាច់ជ្រូកក៏ធ្លាប់បានទទួលប្រាក់ចំណេញច្រើន ក្នុងអំឡុងពេលដែលថ្លៃជ្រូករស់ថយចុះដោយសារមានការចិញ្ចឹមច្រើន។ ក្នុងករណីថ្លៃជ្រូករស់កើនខ្ពស់លើសពីធម្មតា ក្រសួងនឹងចាត់វិធានការឆ្លើយតបជាក់លាក់ ដូចដែលធ្លាប់បានអនុវត្តលើករណីថ្លៃជ្រូករស់ធ្លាក់ចុះផងដែរ។

លោក ឃឹម ហ្វីណង់ បានគូសបញ្ជាក់ថា កន្លងមក យើងបានធ្វើកិច្ចការជាច្រើនពាក់ព័ន្ធនឹងការពង្រឹងខ្សែច្រវាក់តម្លៃ និងជួយសម្របសម្រួលផែនការផលិតកម្មឱ្យសមស្របទៅនឹងតម្រូវការទីផ្សារ។ ខណៈដែលអ្នកផលិតចង់បានថ្លៃខ្ពស់ ហើយអ្នកបរិភោគចង់បានថ្លៃទាប មានតែការរក្សាស្ថេរភាពថ្លៃកសិផលប៉ុណ្ណោះ ដែលអាចការពារផលប្រយោជន៍របស់គ្រប់ភាគីពាក់ព័ន្ធទាំងអស់ និងធានាបាននូវនិរន្តរភាពនៃប្រព័ន្ធស្បៀងអាហាររបស់កម្ពុជា៕

The post តម្លៃជ្រូករស់កើនឡើងជាងមុនសម្រាប់កសិករអ្នកចិញ្ចឹម ខណៈមិនប៉ះពាល់ដល់ប្រាក់ចំណេញអ្នកផ្គត់ផ្គង់សាច់ជ្រូក ឬអ្នកបរិភោគនៅឡើយទេ appeared first on .

យោងតាមប្រធានក្រុមប្រឹក្សាភិបាលនៃសមាគមអ្នកចិញ្ចឹមសត្វកម្ពុជាបានឱ្យដឹងថា បន្ទាប់ពីជួបពិភាក្សាជាមួយគ្នានៅថ្ងៃទី៩ ខែមករា ដល់ថ្ងៃទី២៩នេះ ខាងក្រុមហ៊ុននាំចូលសាច់បង្កកទិញជ្រូកក្នុងស្រុកសម្រាប់កែច្នៃលក់បន្តមិនទាន់មានការកើនឡើងនោះទេ ដោយសារខាងក្រុមហ៊ុនធ្លាប់តែរកស៊ីលក់សាច់បង្កក។ ដូចនេះក្រុមហ៊ុនត្រូវការពេលវេលាដើម្បីស្គាល់ពីទីផ្សារ។

លោក លី ឡាវីល ប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជា បញ្ជាក់ថា ក្នុងរយៈពេល២០ថ្ងៃកន្លងមកនេះ ក្រុមហ៊ុននាំចូលសាច់បង្កកពីខាងក្រៅ ទិញជ្រូកក្នុងស្រុកតាមរយៈការសម្របសម្រួលពីសមាគមនេះមិនទាន់បាន១០ក្បាលទេនៅក្នុងមួយថ្ងៃ ហើយតម្លៃជ្រូកឃើញថាបានងើបឡើងវិញបានខ្លះក្រោយពីមិនមានចំណាត់ការនាំចូលសាច់បង្កកពីខាងក្រៅបន្ថែម។

លោកបន្តថា «តម្លៃជ្រូករស់បានឡើងថ្លៃពី៦ពាន់រៀលដល់ប្រមាណ៨ពាន់រៀលក្នុងមួយគីឡូក្រាម ហើយបើក្រុមហ៊ុនលក់សាច់បង្កករបស់ខ្លួនអស់ តម្លៃវានឹងឡើងថ្លៃបន្ថែមទៀត ដោយសារពួកគាត់អត់បាននាំចូលបន្ថែម ព្រោះរាជរដ្ឋាភិបាលសម្រេចផ្អាកមិនឱ្យនាំចូលរយៈពេល៦ខែ»។

បើតាមប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជា ថាតម្លៃជ្រូកទោះបីបានឡើងដល់៨ពាន់រៀលក្នុងមួយគីឡូក្រាមមែន ប៉ុន្តែតម្លៃនេះវាមិនទាន់ជួយឱ្យអ្នកចិញ្ចឹមជ្រូកក្នុងស្រុករួចខ្លួនទេ បានត្រឹមតែធ្វើឱ្យកសិករខាតបង់ប្រាក់ច្រើនដូចពេលមុនៗ។

លោកលើកឡើងថា« នៅក្នុងរយៈពេល២ខែទៀត យើងក៏អត់ទាន់ហ៊ានធ្វើការប៉ាន់ស្មានថាតម្លៃជ្រូករស់អាចឡើងថ្លៃបានប៉ុន្មានដែរ ប៉ុន្តែតម្លៃយើងសង្កេតឃើញថាចាប់ផ្តើមល្អប្រសើរមកវិញ មិនធ្វើឱ្យកសិករខាងបង់ប្រាក់ច្រើនដូចពេលមុនពេកទេ ដោយសារស្តុកសាច់ចាស់របស់គាត់នៅមានចំនួនច្រើន។ តែយើងសង្ឃឹមថាចំណាត់ការរបស់រាជរដ្ឋាភិបាលនឹងជួយ ឱ្យកសិករអាចលក់ជ្រូករបស់ខ្លួនបានដល់ថ្លៃដើមផលិត មិនឱ្យខាតបង់ទៀតទេ»៕ តាកែវ

The post ក្រុមហ៊ុននាំចូលសាច់បង្កក ទទួលទិញសាច់ជ្រូកក្នុងស្រុកនៅមានចំនួនតិចតួចក្នុងមួយថ្ងៃ appeared first on .

ជាមួយគ្នានោះ រដ្ឋភិបាលបាននិយាយនៅក្នុងសេចក្តីថ្លែងការណ៍មួយថា ក្រុមហ៊ុន AVAC Vietnam JSC បានដឹកជញ្ជូនវ៉ាក់សាំងប្រមាណ ៣០០,០០០ដូសទៅកាន់ហ្វីលីពីនរួចមកហើយ ចាប់តាំងពីការអនុម័តរបស់ខ្លួនកាលពីពេលកន្លងទៅមកម្លេះ។

រម្លឹកផងថា​ កាលពីចុងខែកក្កដាកន្លងទៅ ប្រទេសវៀតណាមបានអនុម័តការប្រើប្រាស់ក្នុងស្រុកនូវវ៉ាក់សាំងជំងឺប៉េស្តជ្រូកអាហ្វ្រិកចំនួនពីរគឺ NAVET-ASFVAC និង AVAC ASF LIVE ដែលវ៉ាក់សាំងនេះសហការបង្កើតឡើងដោយក្រុមហ៊ុនវៀតណាម និងអ្នកស្រាវជ្រាវមកពីសហរដ្ឋអាមេរិក។

គួរបញ្ជាក់ផងដែរថា បើយោងតាមរដ្ឋាភិបាលបានលើកឡើងថា វ៉ាក់សាំងប្រមាណជាង ៦៥០,០០០ដូសត្រូវបានធ្វើតេស្តលើហ្វូងជ្រូកក្នុងខេត្តចំនួន ៤០នៅទូទាំងប្រទេស ជាមួយនឹងអត្រាប្រសិទ្ធភាពរហូតដល់ ៩៥%ឯណោះ៕

The post វៀតណាមត្រៀមការនាំចេញវ៉ាក់សំាងជំងឺប៉េស្តជ្រូកអាហ្វ្រិក ២លានដូសទៅកាន់ហ្វីលីពីន appeared first on .

លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជាបានឱ្យដឹងថា អស់រយៈពេលជិត១ឆ្នំា២០២៣មកនេះ អ្នកចិញ្ចឹមជ្រូកខាតបង់រហូត។ កាលមុនបោះឆ្នោតម្លៃជ្រូករស់នៅលើទីផ្សារថ្លៃឡើងជិត១ម៉ឺនរៀលជិតរួចខ្លួនទៅហើយ តែឥលូវនេះតម្លៃជ្រូកបានធ្លាក់ចុះមកវិញនៅក្រោម៩ពាន់រៀលក្នុង១គីឡូក្រាម ខណៈថ្លៃដើមផលិតជ្រូកអ្នកចិញ្ចឹមចំណាយប្រាក់១ម៉ឺនរៀល។

តាមលោក ស្រ៊ុន ពៅ តម្លៃជ្រូករស់បានធ្វើឱ្យអ្នកចិញ្ចឹមជ្រូកបានរងខាតបង់មានរយៈពេលជិត១ឆ្នំាហើយ ប៉ុន្តែតម្លៃចំណីមិនចុះថ្លៃសោះនៅតែថ្លៃដដែលលក់នៅលើទីផ្សារ។

លោកលើកឡើងថា តម្លៃជ្រូករស់នៅលើទីផ្សារបានធ្លាក់ចុះមកវិញ ដោយសារតម្លៃជ្រូកនៅពេលឡើងថ្លៃជិតដល់១ម៉ឺនរៀលក្នុង១គីឡូក្រាម អ្នកចិញ្ចឹមម្នាក់ៗមិនសូវបង្ខំលក់ជ្រូកចេញ តែមកដល់ឥលូវជ្រូកវាធំជ្រុលហើយបង្ខំលក់ ម្លោះហើយធ្វើឱ្យតម្លៃធ្លាក់ចុះ។បញ្ហាប្រឈមមួយផ្សេងទៀតដោយសារបញ្ហាសាច់បង្កកធ្វើឱ្យប៉ះពាល់ទីផ្សារជ្រូកក្នុងស្រុក។

លោកស្រ៊ុន ពៅ មានប្រសាសន៍ថា «ក្នុងនាមខ្ញុំជាប្រធានសមាគមអ្នកចិញ្ចឹមសត្វកម្ពុជា ខ្ញុំមានសង្ឃឹមហើយជឿជាក់ថារាជរដ្ឋាភិបាលថ្មី នឹងប្រមើមើលឬគិតគូរមកដល់វិស័យកសិកម្ម ហើយនឹងធ្វើឱ្យយើងមានសង្ឃឹមនៅពេលខាងមុខ ព្រោះវិស័យនេះមានសារសំខាន់ វាជួយដល់ប្រជាពលរដ្ឋកុំឱ្យធ្វើការសំណាកស្រុក ជួយឱ្យពលរដ្ឋធ្វើការដំាដុះដំឡូង ពោតជាដើម ហើយនៅពេលតម្លៃសត្វនៅលើទីផ្សារកសិករអាចលក់បានថ្លៃសមរម្យ នោះនិងធ្វើឱ្យកសិករចិញ្ចឹមនៅតាមគ្រួសារមានការងារធ្វើ។ដូចនេះខ្ញុំជឿជាក់ថារាជរដ្ឋាភិបាលថ្មី នឹងគិតគូរទៅលើវិស័យកសិកម្មនេះ»។

នៅពេលកន្លងមកកម្ពុជាតែងតែលើកឡើងពីមហិច្ឆិតាចង់នំាចេញផលិតផលធ្វើសាច់សត្វទៅក្រៅប្រទេស ប៉ុន្តែនៅពេលខាងមុខតើកម្ពុជាសមត្ថភាពឬលទ្ធភាពអាចធ្វើការនាំចេញទៅទីផ្សារខាងក្រៅបានដែឬទេ ខណៈវិស័យចិញ្ចឹមសត្វក្នុងពេលសព្វថ្ងៃកំពុងរងផលប៉ះពាល់ទៅលើតម្លៃ?

លោក ស៊្រុន ពៅ ថា «ខ្ញុំជឿជាក់ទៅលើក្រសួងពាក់ព័ន្ធក៏ដូចជារាជរដ្ឋាភិបាល បើក្រសួងឬរាជរដ្ឋាភិបាលយកចិត្តទុកដាក់ គឺយើងអាចផលិតនិងនាំចេញផលិតផលធ្វើពីដើមកំណើតសាច់សត្វទៅទីផ្សារខាងក្រៅបាន។ បានន័យថាយើងអត់ខ្វះនៅធនធាននោះទេ យើងមានទីតំាងទំាងកន្លែងផលិតនិងការដំាដុះ ប៉ុន្តែកត្តាសំខាន់គឺក្រសួងពាក់ព័ន្ធឬរាជរដ្ឋាភិបាលជួយឬមិនជួយ»៕

អត្ថបទ៖សារេត

The post វិស័យឯកជនមានក្តីសង្ឃឹមលើរាជរដ្ឋាភិបាលថ្មី ថានឹងគិតគូរទៅលើវិស័យចិញ្ចឹមសត្វនាពេលខាងមុខនេះ appeared first on .

បើតាមលោក ប៊ុន ចាន់វីរៈ ការចិញ្ចឹមជ្រូកបែបធម្មជាតិ ព្រលែងលើវាលស្មៅ មានការប្រកួតប្រជែងតិចមែនទែន បើប្រៀបធៀបទៅនឹងការចិញ្ចឹមជ្រូកធម្មតា និងជ្រូកនាំចូល មិនអាចប្រកួតប្រជែងបាននោះទេ។លោកបន្ថែមទៀតថា ការចិញ្ចឹមបែបធម្មជាតិត្រូវគិតលើកន្លែងរស់នៅ និងចំណី ដោយកន្លែងរស់នៅលើវាលស្មៅ ត្រូវផ្លាស់ប្តូរពីមួយកន្លែងទៅមួយកន្លែងទៀត។ការធ្វើបែបនេះ មិនធ្វើឱ្យសត្វជ្រូកស្រ្តេស មានសេរីភាពក្នុងការរត់លេង ហាត់ប្រាណលើវាលស្មៅ ធ្វើឱ្យសាច់របស់វាមិនមានជាតិខ្លាញ់ បន្ទាប់ពីការរស់នៅ ត្រូវគិតលើចំណីជ្រូក ដែលចំណីមានបន្លែ៥០ភាគរយនៃអាហារប្រចាំថ្ងៃ និង៥០ភាគរយទៀតមានម្សៅ ពោត កន្ទក់ សណ្តែកសៀងជាដើម។

លោកបន្តថា ទោះបីជាតម្លៃជ្រូកធម្មជាតិខ្ពស់ជាងតម្លៃសាច់ជ្រូកធម្មតាបន្តិច ប៉ុន្តែជ្រូកនៅក្នុងកសិដ្ឋានធម្មជាតិរបស់លោកផ្ទាល់មិនប្រើប្រាស់ថ្នាំគីមី,អុងទីប្យូទិកឬអកម៉ន ដើម្បីបំប៉ននិងការពារទេ តែបើក្រឡេកមើលគុណភាពសាច់ជ្រូកវិញមានគុណភាពល្អ មានរសជាតិឆ្ងាញ់ ដែលនាំឱ្យតម្លៃខ្ពស់ជាងសាច់ជ្រូកធម្មតាតិចតួច តែអាចទទួលយកបាន។

ម្ចាស់កសិដ្ឋានជ្រូកធម្មជាតិរូបនេះ បានបន្ថែមទៀតថា ការចិញ្ចឹមជ្រូកបែបធម្មជាតិមានទីផ្សារជាងការចិញ្ចឹមជ្រូកធម្មតា ដោយលោកអាចលក់សាច់ពីកសិដ្ឋានផ្ទាល់ទៅអតិថិជន មិនលក់ទៅឱ្យឈ្មួញកណ្តាលឡើយ ដែលនាំឱ្យមានទីផ្សារតម្លៃខ្ពស់ជាង៣ទៅ៤ដង បើធៀបទៅនឹងតម្លៃចិញ្ចឹមតាមបែបធម្មតា។លោកបន្តថា ការចិញ្ចឹមជ្រូកធម្មតាអាចនឹងមិនមានទីផ្សារ ដោយសារតែមានការប្រកួតប្រជែងជាមួយនឹងកសិដ្ឋានចិញ្ចឹមជ្រូកជាច្រើនផង ហើយប្រកួតប្រជែងជាមួយនឹងជ្រូកនាំចូលពីក្រៅប្រទេសផងដែរ ប៉ុន្តែសម្រាប់កសិដ្ឋានជ្រូកធម្មជាតិរបស់លោក គឺប្រកួតប្រជែងតែតម្លៃសាច់ប៉ុណ្ណោះ៕

The post លោក ប៊ុន ចាន់វីរៈ៖ ការចិញ្ចឹមជ្រូកបែបធម្មជាតិមានទីផ្សារល្អ ងាយស្រួលក្នុងការលក់ appeared first on .

លោក អាន ឬទ្ធី បានឱ្យដឹងថា «មកដល់សព្វថ្ងៃនេះ យើងបានផ្លាស់ប្តូរយុទ្ធសាស្ត្រខ្លះៗដែរ។ កាលពីមុនការចិញ្ចឹមជ្រូកយើងលក់ជ្រូករស់ទៅលើទីផ្សារទំាងឌុល ប៉ុន្តែឥលូវនេះ យើងធ្វើជ្រូកអំាងលក់ដោយខ្លួនឯងដើម្បីយកប្រាក់ទៅចំណាយលើថ្លៃទិញចំណីបានប្រមាណ៣០ទៅ៤០%។លើសពីនេះយើងកំពុងរកមើលទីផ្សាររហូតដល់ឈានទៅកាប់ជ្រូកលក់នៅដោយខ្លួនឯងនៅក្នុងសហគមន៍ថែមទៀត»។

ក្រៅពីប្រើយុទ្ធសាស្ត្រធ្វើជ្រូកអំាងលក់ដោយខ្លួនឯង អស់មួយក្បាលទៅពីរក្បាលជារៀងរាល់ថ្ងៃ លោកអាន ឬទ្ធី ទទួលបានចំណូលមួយផ្នែកទៀតពីការដំាដំណាំបន្លែផ្លែឈើប្រមាណ៣០% យកទៅទ្រទ្រង់នៅក្នុងមុខរបរចិញ្ចឹមជ្រូករបស់ខ្លួននាពេលលសព្វថ្ងៃ។

លោកបញ្ជាក់ថា «មុខរបរចិញ្ចឹមជ្រូកសព្វថ្ងៃនេះ បើមិនមានច្នៃប្រឌិតមុខរបរបន្ថែមជួយទេ អាជីវកម្មចិញ្ចឹមជ្រូកមួយនេះបានបិទទ្វារយូរហើយ ខណៈកសិករចិញ្ចឹមជ្រូកលក្ខណៈខ្នាតតូចនៅក្នុងតំបន់ប្រហែល៦០%ពួកគាត់បានបិទទ្វារឈប់ចិញ្ចឹមជ្រូក»។ស្របពេលតម្លៃជ្រូករស់មិនទាន់ឆ្លើយតបទៅការចង់បានរបស់ប្រជាកសិករដែលអ្នកចិញ្ចឹមជ្រូក សម្រាប់លោក អាន ឬទ្ធី គ្រាន់តែចំណាយប្រាក់តែទៅលើចំណីក្នុងមួយខែអស់ជាង៣ម៉ឺនដុល្លារអាមេរិក។

លោក បន្តថា កសិករចិញ្ចឹមជ្រូកនៅក្នុងប្រទេស ទិញចំណីសម្រេចពីខាងក្រុមហ៊ុន នៅពេលដែលតម្លៃជ្រូករស់នៅតំបន់ខ្លះកសិករអាចលក់បានក្នុងរង្វង់៩០០០រៀ់លក្នុងមួយគីឡូក្រាម នេះគឺកសិករមិនអាចរកផលចំណេញពីមុខរបរបានទេ ទាល់តែតម្លៃជ្រូកចាប់ពីថ្លៃ១០.០០០រៀលឡើងទៅ ទើបបានផលចំណេញខ្លះ។

លោកលើកឡើងថា «នៅពេលខាងមុខយើងមានគម្រោងកាត់បន្ថយជ្រូកបន្តទៀត(លក់ចេញ) ប៉ុន្តែយើងរង់ចំាមើលនៅថ្ងៃមុនបុណ្យភ្ជុំបិណ្ឌឬក្រោយបុណ្យភ្ជុំបិណ្ឌខែ១០ឬខែ១១បើជ្រូកមិនឡើង ឬតម្លៃវានៅទ្រឹងដដែល យើងនឹងកាត់បន្ថយទៀត។នៅវគ្គក្រោយនេះ អាចកាត់មេជ្រូពូជ៧០ក្បាល ក្នុងចំណោម១៥០ក្បាល និងជ្រូកសាច់មួយចំនួន ដើម្បីយកទុនមកបង្វិលសម្រាប់ពេលខាងមុខ»៕

អត្ថបទ៖សារេត

The post កសិករចិញ្ចឹមជ្រូកនៅខាងសៀមរាប ធ្វើជ្រូកអំាងលក់ដើម្បីទប់ខ្លួនកុំឱ្យអាជីវកម្មឈានដល់ការបិទទ្វារ appeared first on .

បើតាមសេចក្តីប្រកាសរបស់ក្រសួង បានអះអាងឱ្យដឹងទៀតថា ប្រទេសឡាវ នឹងធ្វើការផ្អាកការនាំចូលសាច់ជ្រូក រួមទាំងជ្រូករស់ និងផលិតផលជ្រូកកែច្នៃ ពីប្រទេសវៀតណាមផងដែរ ។

យ៉ាងណាមិញ ចំពោះចំណាត់ការនេះ អង្គភាពពាក់ព័ន្ធនានា នឹងត្រូវតែធ្វើការត្រួតពិនិត្យតឹងតែង ចំពោះការនាំចូលខុសច្បាប់ តាមរយ:ច្រកទ្វារអន្តរជាតិ ក្នុងស្រុក ព្រមទាំងនៅព្រលានយន្តហោះអន្តរជាតិ។ ហើយបើសិនមានករណីរកឃើញថា សាច់ជ្រូក ដែលបានរត់ពន្ធ ឬនាំចូលខុសច្បាប់ មកកាន់ប្រទេសឡាវ នោះវានឹងត្រូវតែបំផ្លាញចោលភ្លាមៗ ។

ជម្រាបជូនឱ្យដឹងផងដែរថា នៅក្នុងឆ្នាំ ២០២០ ប្រទេសឡាវ បានធ្វើការផ្អាកការនាំចូលសាច់ជ្រូកពីប្រទេសចិន និងថៃ បន្ទាប់ពីបានរកឃើញថាមានការផ្ទុះឡើងនៃជំងឺប៉េស្តជ្រូកអាហ្វ្រិកចំនួន ៧ ករណី ដោយបណ្តាលឱ្យជ្រូកងាប់ចំនួន ៩៧៣ ក្បាល នៅក្នុងខេត្តមួយរបស់ខ្លួន។ ហើយមិនតែប៉ុណ្ណោះ កាលពីខែមករា ថ្មីៗកន្លងទៅនេះ ឡាវ ក៏បានធ្វើការផ្អាករួចមកហើយ នូវការនាំចូលសាច់ជ្រូកពីប្រទេសថៃ ផងដែរ ៕

The post ឡាវ ប្រកាសផ្អាកការនាំចូលជ្រូករស់ និងផលិតផលសាច់ជ្រូក ពីប្រទេសវៀតណាម appeared first on .