ក្នុងជំនួបនោះ លោក ម៉ាសាអូ ស៊ីអេម៉ាស៊ី បានឱ្យដឹងថា ចាប់តាំងពីបើករោងចក្រនៅក្នុងតំបន់សេដ្ឋកិច្ចពិសេស រ៉ូយ៉ាល់គ្រុបភ្នំពេញ នៅឆ្នាំ២០១៣ មកដល់បច្ចុប្បន្ន មានកម្មករប្រមាណ៦០០នាក់ បានកំពុងបម្រើការងារ​នៅ​រោងចក្រ DENSO​ ហើយក្រុមហ៊ុននឹងមានគម្រោងបង្កើតឱកាសការងារបន្ថែមទៀត ក្នុងពេលអនាគតដ៏ខ្លីខាង​មុខ​ផងដែរ ដែលអាចរំពឹងទុកថានឹងកើនដល់ ១០០០នាក់ ជាមួយផលិតផលរបស់ខ្លួនកំពុងមានដូចជា ម៉ាញ៉េតូ (Maneto), ឧបករណ៍សម្រាប់បន្ថយកម្តៅក្នុងម៉ាស៊ីនឡាន, ឧបករណ៍វាស់កម្រិតទីក​នៅក្នុងម៉ាស៊ីន​ឡាន​ម៉ាស៊ូត, ឧបករណ៍បញ្ចុះកម្តៅប្រេងក្នុងម៉ាស៊ីន, កញ្ច្រែងទឹកក្តៅ (ចាប់ពីឆ្នាំ២០២២)។

លើសពីនេះ លោកថា ក្រោមកម្មវិធីអភិវឌ្ឍន៍ធនធានមនុស្ស​ដែលមានឈ្មោះថា DENSO in Industrial Talent Development ចាប់ពីឆ្នាំ២០១៦ ដល់២០២២ ក្រុមហ៊ុនបានបណ្តុះបណ្តាលធនធានមនុស្សប្រមាណ ២២០​នាក់ ហើយក្រុមហ៊ុននឹងមានគម្រោងធ្វើការបណ្តុះបណ្តាលប្រមាណ ៦០នាក់បន្ថែមទៀត ក្នុងឆ្នាំ២០២៣ និង​ ៧០នាក់ នៅក្នុងឆ្នាំ២០២៤។

គួរឱ្យដឹងផងដែរថា DENSO Cambodia ជាក្រុមហ៊ុនបុត្រសម្ព័ន្ធរបស់ក្រុមហ៊ុន DENSO Corporation មាន​មូលដ្ឋាននៅជប៉ុន ដែលជាក្រុមហ៊ុនផ្គត់ផ្គង់ប្រព័ន្ធបច្ចេកវិទ្យាទំនើប និងគ្រឿងរថយន្តសកល មានក្រុមហ៊ុនបុត្រ​សម្ព័ន្ធជាង ២០០ នៅលើពិភពលោក និងមានក្រុមហ៊ុនដៃគូ ៣៥ ប្រទេស។ ក្រុមហ៊ុននេះ បានចុះបញ្ជីវិនិយោគ​មានតម្លៃ ១០ លានដុល្លារនៅក្នុងប្រទេសកម្ពុជា កាលពីឆ្នាំ២០១៣ មកម្ល៉េះ នៅក្នុងតំបន់សេដ្ឋកិច្ចពិសេស​ភ្នំពេញ។

សូមជម្រាបជូនថា នៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ មានគម្រោងវិនិយោគសរុបចំនួន ១៣៩​គម្រោង ដែលមានមុខសញ្ញាវិនិយោគសំខាន់ៗដូចជា៖ ការផលិតសម្ភារៈបរិក្ខារអេឡិចត្រូនិក គ្រឿងបង្គុំរថយន្ត ខ្សែអគ្គិសនី បន្ទះសូឡា បរិក្ខារពេទ្យ កែច្នៃពេជ្រ បរិក្ខារសាងសង់ គ្រឿងសំអាង ចំណីអាហារនិងភេសជ្ជៈ ចំណី​សត្វ ផលិតផលស្បែក សម្លៀកបំពាក់ និងស្បែកជើងជាដើម។ បច្ចុប្បន្ន តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ បានផ្តល់ការងារជូនដល់កម្មករនិយោជិតចំនួនប្រមាណ ៣៨.៥០០កន្លែង៕

The post ក្រុមហ៊ុន DENSO គ្រោងពង្រីកអាជីវកម្មរបស់ខ្លួនបន្ថែម នៅក្នុងតំបន់សេដ្ឋកិច្ចពិសេសរបស់អ្នកឧកញ៉ា គិត ម៉េង appeared first on .

បើតាមទំព័រហ្វេសប៊ុកផេកផ្ទាល់ខ្លួន លោក ស៊ុន ចាន់ថុល បានគូសបញ្ជាក់ថា ដំណើរទស្សនកិច្ចនេះឆ្លុះបញ្ចាំងពីការយកចិត្តទុកដាក់របស់ក្រុមប្រឹក្សាអភិវឌ្ឍន៍កម្ពុជាក្នុងការតាមដាន ពិនិត្យមើលវឌ្ឍនភាពនៃការអភិវឌ្ឍថ្មីៗ ការស្វែងយល់អំពីឱកាសព្រមទាំងបទពិសោធន៍ការងាររបស់ក្រុមហ៊ុនមួយចំនួនដែលវិនិយោគក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ ក៏ដូចជាដើម្បីបង្កើនការយកចិត្តទុកដាក់ និងពង្រឹងផ្សារភ្ជាប់ទំនាក់ទំនងល្អរវាងរាជរដ្ឋាភិបាលកម្ពុជាជាមួយវិនិយោគិន។ 

លោកបន្ថែមថា ក្រុមប្រឹក្សាអភិវឌ្ឍន៍កម្ពុជាដើរតួរនាទីជាអ្នកសម្របសម្រួលរវាងអ្នកវិនិយោគ និងស្ថាប័ននានារបស់រាជរដ្ឋាភិបាល ដើម្បីធានានូវប្រសិទ្ធភាពការងាររបស់វិស័យឯកជន ហើយការចុះទស្សនកិច្ចនេះគឺជាសកម្មភាពយកចិត្តទុកដាក់របស់រាជរដ្ឋាភិបាលកម្ពុជាក្នុងការស្វែងយល់បន្ថែមទៀតអំពីតម្រូវការនានា និងបញ្ហាប្រឈមផ្សេងៗរបស់ក្រុមហ៊ុនដែលបានផ្ដល់ទំនុកចិត្តក្នុងការវិនិយោគនៅកម្ពុជា។  

គួរជម្រាបជូនថា តាមរយៈដំណើរទស្សនកិច្ចនេះ ក្រុមហ៊ុនមួយចំនួនបានបង្ហាញពីបទពិសោធន៍វិនិយោគនៅកម្ពុជាកន្លងមក ព្រមទាំងបានបង្ហាញពីការជឿទុកចិត្តនូវសក្ដានុពលសេដ្ឋកិច្ចនៅកម្ពុជា ដោយបានបន្តផ្តល់ទំនុកចិត្ត ពង្រីកការបណ្ដាក់ទុនវិនិយោគរបស់ខ្លួននៅកម្ពុជាកាន់តែច្រើនឡើង ដែលទាំងនេះបានឆ្លុះបញ្ចាំងឱ្យឃើញតាមរយៈការពង្រីកឱកាសការងារ និងបង្កើនផលិតកម្មបន្ថែមទៀត។ 

រាជរដ្ឋាភិបាលកម្ពុជាក៏បានផ្ដោតការយកចិត្តទុកដាក់លើការសាងសង់ និងផ្ដួចផ្ដើមសិក្សាគម្រោងហេដ្ឋារចនាសម្ព័ន្ធជាច្រើនដើម្បីចូលរួមកាត់បន្ថយតម្លៃឡូជីស្ទិក និងភាពប្រទាក់ក្រឡានៃប្រព័ន្ធដឹកជញ្ជូនក្នុងប្រទេស ដើម្បីបង្កភាពងាយស្រួល និងភាពសម្បូរបែបក្នុងការដឹកជញ្ជូន សំដៅទាក់ទាញវិនិយោគិនចូលក្នុងប្រទេសកម្ពុជាបន្ថែមទៀត។

សូមជម្រាបជូនបន្ថែមថា តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ ទទួលបានគោលការណ៍វិនិយោគពីរាជរដ្ឋាភិបាល នៅថ្ងៃទី១៩ ខែមេសា ឆ្នាំ២០០៦ ដែលមានទីតាំងស្ថិតក្នុងសង្កាត់កន្ទោក សង្កាត់ភ្លើងឆេះរទេះ សង្កាត់បឹងធំ ខណ្ឌកំបូល រាជធានីភ្នំពេញ អភិវឌ្ឍលើផ្ទៃដីទំហំ ៣៦០ហិកតា។ នៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ មានគម្រោងវិនិយោគសរុបចំនួន ១៣៩គម្រោង ដែលមានមុខសញ្ញាវិនិយោគសំខាន់ៗដូចជា៖ ការផលិតសម្ភារៈបរិក្ខារអេឡិចត្រូនិក គ្រឿងបង្គុំរថយន្ត ខ្សែអគ្គិសនី បន្ទះសូឡា បរិក្ខារពេទ្យ កែច្នៃពេជ្រ បរិក្ខារសាងសង់ គ្រឿងសំអាង ចំណីអាហារនិងភេសជ្ជៈ ចំណីសត្វ ផលិតផលស្បែក សម្លៀកបំពាក់ និងស្បែកជើងជាដើម។ បច្ចុប្បន្ន តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ បានផ្តល់ការងារជូនដល់កម្មករនិយោជិតចំនួនប្រមាណ ៣៨.៥០០កន្លែង ដែលវិនិយោគពីក្រុមហ៊ុនរ៉ូយ៉ាល់ គ្រុប របស់អ្នកឧកញ៉ា គិត ម៉េង៕

The post ឧបនាយករដ្ឋមន្រ្តី ស៊ុន ចាន់ថុល ទស្សនកិច្ចតំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ របស់អ្នកឧកញ៉ា គិត ម៉េង appeared first on .

ថ្មីៗនេះនេះ រាជរដ្ឋាភិបាលកម្ពុជា បានផ្តល់សិទ្ធិឲ្យក្រុមហ៊ុន KHOU TOWER CO., LTD ធ្វើការសាងសង់ និងអាជីវកម្មសណ្ឋាគារថ្នាក់ផ្កាយ ៥ ចំនួន ២៣៧បន្ទប់ ក្នុងទុនវិនិយោគប្រមាណ ៨៤,៥ លានដុល្លារអាម៉េរិក និងអាចបង្កើតការងារបានចំនួន ៨៥៥កន្លែង។

បើតាមក្រុមប្រឹក្សាអភិវឌ្ឍន៍កម្ពុជា ហៅកាត់ CDC គម្រោងសាងសង់អគារពាណជ្ជកម្ម និងសណ្ឋាគារលំដាប់ផ្កាយ៥ ថ្មីមួយបន្ថែមទៀតនេះ គឺស្ថិតនៅកាច់ជ្រុងមហាវិថីព្រះមុនីវង្ស (៩៣) កែងផ្លូវលេខ ៨៨ និងលេខ ៧៥ ភូមិ៩ សង្កាត់ស្រះចក ខណ្ឌដូនពេញ រាជធានីភ្នំពេញ

របាយការណ៍របស់ក្រសួងរៀបចំដែនដី នគរូបនីយកម្ម និងសំណង់ បានឲ្យដឹងថា គិតត្រឹមឆ្នាំ២០២២កន្លងទៅនៅរាជធានីភ្នំពេញមានសំណង់បុរី និងបណ្ដុំផ្ទះល្វែងចំនួន ៣១០កន្លែង និង អគារខ្ពស់ៗចំនួន ១ ៦០៣អគារ ដោយក្នុងនោះអគារកម្ពស់ចាប់ពី២០ជាន់ឡើងទៅមានចំនួន ២២៥អគារ និងមានផ្សារទំនើបៗតូចធំជាច្រើនបានបន្តរីកព្រោងព្រាត៕

The post ភ្នំពេញ ទទួលបានគម្រោងសាងសង់អគារពាណិជ្ជកម្មមួយតម្លៃ ៨៤,៥លានដុល្លារ appeared first on .

គម្រោង​កែលម្អ​ផ្លាស់ប្តូរ​ឈ្មោះ​ថ្មី​នេះ ​គឺ​ត្រូវ​បាន​រៀបចំ​ឡើង​បន្ទាប់ពី​ទទួល​បាន​គោលការណ៍​ឯកភាព​ពី​ក្រុមប្រឹក្សា​អភិវឌ្ឍន៍​កម្ពុជា ​កាលពី​ថ្ងៃទី១៦ ខែមីនា ឆ្នាំ២០២២។ ក្លោង​ទ្វារ​ធំ​ថ្មី​នេះ ​​​​បាន​បង្ហាញ​ឱ្យ​ឃើញ​ពី​និមិត្ត​សញ្ញា «ម្គុដ» ​​របស់​ក្រុមហ៊ុន​បុត្រសម្ព័ន្ធ​មេ រ៉ូយ៉ាល់ គ្រុប នៅ​​ចំណុច​កណ្តាល​​តែ​ម្តង។ ជាពិសេស​ ក្លោង​ទ្វារ​ធំ​​ថ្មី​នេះ ​​បាន​បង្កើន​ពី​ច្រក​ចំនួន​ពីរ ទៅ​ជា ៣​ច្រក​ ដែល​​​កាន់​តែ​ធំ​ទូលាយ​ជាង​មុន និង​​​ងាយស្រួល​ក្នុង​ការ​​​ធ្វើ​ដំណើរ​ឆ្លង​កាត់ ឬ​ដឹក​ទំនិញ​ចេញ-ចូល។

គួរ​បញ្ជាក់​ថា តំបន់សេដ្ឋកិច្ចពិសេសភ្នំពេញ ​ត្រូវបានបង្កើតទ្បើង ​បន្ទាប់​ពី​​​បាន​ទទួល​សិទ្ធិ​វិនិយោគ​​ពី​រាជរដ្ឋាភិបាល​កម្ពុជា ​កាល​ពី​ថ្ងៃទី​១៩ ខែ​មេសា ឆ្នាំ​២០០៦។ តំបន់​សេដ្ឋកិច្ចពិសេស​នេះ មាន​ផ្ទៃ​ដី​ប្រមាណ​ ៤៥០ហិកតា និង​មាន​ក្រុមហ៊ុន​អន្តរជាតិ​ជាង ៨០ មក​ពី​ ១៥​ប្រទេស​ផ្សេងៗ​គ្នា។

តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ បង្កើតទ្បើង​ដើម្បីផ្តល់នូវការលើកទឹកចិត្ត និងអត្ថប្រយោជន៍​ជាច្រើន​ ដល់អ្នកអភិវឌ្ឍន៍ ប្រតិបត្តិករ និងអ្នកវិនិយោគនៅក្នុងតំបន់សេដ្ឋកិច្ចពិសេសនេះ ដូចជា ការលើក​ទឹកចិត្ត​ផ្នែកពន្ធ ហើយជួយកាត់បន្ថយការចំណាយលើហេដ្ឋារចនាសម្ព័ន្ធ ទឹកភ្លើង វត្ថុធាតុដើម និងធនធាន​ផ្សេងទៀត ដែលបង្កើនការប្រកួតប្រជែងក្នុងការនាំចេញ និងផ្តល់អត្ថប្រយោជន៍ដល់​ពាណិជ្ជកម្ម​អន្តរជាតិ៕

The post ក្លោងទ្វារធំ «តំបន់សេដ្ឋកិច្ចពិសេសភ្នំពេញ» របស់អ្នកឧកញ៉ា គិត ម៉េង សម្រេចប្តូរឈ្មោះថ្មី ជាផ្លូវការ appeared first on .

គម្រោងវិនិយោគនៅក្នុងតំបន់សេដ្ឋកិច្ចពិសេសនោះរួមមានៈ
១/ “QUAN MING SHUN (CAMBODIA) NEW MATERIALS CO., LTD.” គម្រោងបង្កើតរោងចក្រផលិតក្តារប៉ាកេ និងក្តារបន្ទះ ក្នុងទុនវិនិយោគប្រមាណ ៦,៦លានដុល្លារអាម៉េរិក និងអាចបង្កើតការងារបានចំនួនប្រមាណ ៣០០នាក់ មានទីតាំងវិនិយោគស្ថិតក្នុងក្រុងព្រះសីហនុ ខេត្តព្រះសីហនុ។

២/ “CHUANGJU PLASTICS (CAMBODIA) CO., LTD.” គម្រោងបង្កើតរោងចក្រផលិតថង់ប្លាស្ទិក ក្នុងទុនវិនិយោគប្រមាណ ៦,១លានដុល្លារអាម៉េរិក និងអាចបង្កើតការងារបានចំនួនប្រមាណ ៣០០នាក់ មានទីតាំងវិនិយោគស្ថិតនៅក្នុងក្រុងព្រះសីហនុ ខេត្តព្រះសីហនុ។

៣/ “TB PACKAGING (CAMBODIA) CO., LTD.” គម្រោងបង្កើតរោងចក្រផលិតផលិតផលធ្វើពីក្រដាស ក្នុងទុនវិនិយោគចំនួន ២លានដុល្លារអាម៉េរិក និងអាចបង្កើតការងារបានចំនួនប្រមាណ ៨០នាក់ មានទីតាំងវិនិយោគស្ថិតនៅក្នុងក្រុងព្រះសីហនុ ខេត្តព្រះសីហនុ។

៤/ “VP PRINTING AND PACKAGING CO., LTD.” គម្រោងបង្កើតរោងចក្របោះពុម្ព និងផលិតផលិតផលវិចខ្ចប់ ក្នុងទុនវិនិយោគប្រមាណ ១,៦លានដុល្លារអាម៉េរិក និងអាចបង្កើតការងារបានចំនួនប្រមាណ ៦០នាក់ មានទីតាំងវិនិយោគស្ថិតនៅក្នុងរ៉ូលយ៉ាល់ គ្រុប ភ្នំពេញ រាជធានីភ្នំពេញ។

គួររម្លឹកបន្តិចថា គម្រោងបង្កើតរោងចក្រទាំងបួននេះ អាចបង្កើតកន្លែង និងជួយសម្រួលការងារដល់កម្មករសរុបប្រមាណ ៧៤០កន្លែងផងដែរ៕

The post ក្រុមហ៊ុន ៤ ស្នើសុំវិនិយោគក្នុងទុនជាង ១៦លានដុល្លារអាមេរិក appeared first on .

នាឱកាសនោះ សម្តេចតេជោ បានឱ្យដឹងថា លោកនាយករដ្ឋមន្រ្តីជប៉ុន ធ្លាប់​បាន​ស្នើសុំ​ឱ្យ​កម្ពុជា​គាំទ្រ​នៅគម្រោងទាក់ទិននឹងការបង្កើតក្រុមហ៊ុនតូយ៉ូតានេះ។

សូមរម្លឹកថា កាលពីថ្ងៃទី០៨ ខែកញ្ញា ឆ្នាំ២០២២កន្លងទៅ ក្រុមប្រឹក្សាអភិវឌ្ឍន៍កម្ពុជា CDC បាន​សម្រេច​អនុម័តលើគម្រោងវិនិយោគរបស់ក្រុមហ៊ុនផលិតរថយន្តដ៏ល្បីរបស់ជប៉ុន គឺក្រុមហ៊ុន Toyota Tsusho Manufacturing (Cambodia) Co., Ltd. លើគម្រោងបង្កើតរោងចក្រផ្គុំ និងដំឡើងរថយន្តតូយ៉ូតា នៅ​ក្នុងប្រទេសកម្ពុជាក្រោមទុនវិនិយោគចំនួន ៣៦,៧លានដុល្លារអាមេរិក និង​អាច​បង្កើតការងារ​បានចំនួន​ប្រមាណ ១៥០នាក់។

បើតាមសម្តេចតេជោ ហ៊ុន សែន បានអះអាងដែរថា សមិទ្ធិផលទាំងអស់នេះ បានកើតឡើងជាបន្តបន្ទាប់ ដោយសារកត្តាសន្តិភាព និងស្ថេភាពនយោបាយ ទើប​ជំរុញ​ឱ្យ​កម្ពុជា​បានទាក់ទាញ​ការវិនិយោគ​ពី​ក្រុម​ហ៊ុន​ផលិតរថយន្តម៉ាកល្បីៗរបស់ពិភពលោក៕

អត្ថបទ៖ រង្សី

The post សម្តេចតេជោ៖ កម្ពុជានឹងមានរោងចក្រដំឡើងរថយន្តTOYOTA នៅតំបន់សេដ្ឋកិច្ចពិសេសភ្នំពេញ appeared first on .

ដំណើរទស្សនកិច្ច ​របស់​គណៈប្រតិភូ​ជាន់​ខ្ពស់​​នៃ​​ប្រទេស​គុយបា​​ខាង​លើ​នេះ ​គឺ​ដើម្បី​សិក្សាស្វែងយល់ពី​កាលានុវត្តភាពធុរកិច្ច និងស្វែងរកដៃគូសហការ ខណៈ​ដែល​លោក សុខ ចិន្តាសោភា រដ្ឋមន្ត្រីប្រតិភូអម​នាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៍កម្ពុជា (CDC)​ ​​ក៏​បាន​ចូល​រួម​ផងដែរ។

តំបន់សេដ្ឋកិច្ចពិសេសភ្នំពេញត្រូវបានបង្កើតទ្បើង ដើម្បីផ្តល់នូវការលើកទឹកចិត្ត និងអត្ថប្រយោជន៍ជាច្រើន ពីរដ្ឋាភិបាលដល់អ្នកអភិវឌ្ឍន៍ ប្រតិបត្តិករ និងអ្នកវិនិយោគនៅក្នុងតំបន់សេដ្ឋកិច្ចពិសេសនេះ ដូចជា ការលើកទឹកចិត្តផ្នែកពន្ធ ហើយជួយកាត់បន្ថយការចំណាយលើហេដ្ឋារចនាសម្ព័ន្ធ ទឹកភ្លើង វត្ថុធាតុដើម និងធនធានផ្សេងទៀត ដែលបង្កើនការប្រកួតប្រជែងក្នុងការនាំចេញ និងផ្តល់អត្ថប្រយោជន៍ដល់​ពាណិជ្ជកម្ម​អន្តរជាតិ។

សូម​ជម្រាប​ជូន​ថា តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ ​(Royal Group Phnom Penh SEZ) មាន​ផ្ទៃ​ដី ៣៥៧​ហិកតា និង​មាន​ក្រុមហ៊ុន​អន្តរជាតិ​ជាង ៨០ មក​ពី​ ១៥​ប្រទេស​ផ្សេងៗ​គ្នា។ តំបន់សេដ្ឋកិច្ច​ពិសេស រ៉ូយ៉ាល់ គ្រុប ភ្នំពេញ ​​បាន​ទទួល​សិទ្ធិ​វិនិយោគ​​ពី​រាជរដ្ឋាភិបាលកម្ពុជា ​កាល​ពី​ថ្ងៃទី​១៩ ខែ​មេសា ឆ្នាំ​២០០៦។ កាលពីឆ្នាំ២០២១ កន្លងទៅ ការនាំចេញទំនិញពីរោងចក្រ នៅក្នុងតំបន់សេដ្ឋកិច្ចពិសេសភ្នំពេញ មានទំហំទឹកប្រាក់ ៦៧៣លានដុល្លារអាមេរិក។ តំបន់សេដ្ឋកិច្ចពិសេស​​នេះ​ មាន​ទីតាំង​​នៅ​ជាប់​ផ្លូវ​ជាតិ​លេខ​៤ សង្កាត់​កន្ទោក ​ខណ្ឌ​កំបូល​ រាជធានីភ្នំពេញ ដែល​មាន​ចម្ងាយ​ត្រឹម​តែ ៨​គីឡូម៉ែត្រ ពី​ព្រលានយន្តហោះ​អន្តរជាតិ​ភ្នំពេញ៕

The post អ្នកឧកញ៉ា គិត ម៉េង ស្វាគមន៍ដំណើរទស្សនកិច្ចនាយករដ្ឋមន្ត្រីគុយបា ទៅតំបន់សេដ្ឋកិច្ចពិសេសភ្នំពេញ appeared first on .

បើតាម CDC គម្រោងវិនិយោគនេះ មានទីតាំងក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ រាជធានីភ្នំពេញ មានទុនវិនិយោគចំនួន ៣៦,៧លានដុល្លារអាម៉េរិក និងបង្កើតការងារបានចំនួនប្រមាណ ១៥០នាក់។

តូយ៉ូតា គឺជាម៉ាករថយន្តដ៏ល្បីរបស់ជប៉ុននៅលើពិភពលោក។ សម្រាប់ទីផ្សារប្រទេសកម្ពុជា តម្រូវការប្រើប្រាស់រថយន្តម៉ាកតូយ៉ូតា មានការពេញនិយមជាខ្លាំងផងដែរ។

សូមជម្រាបថា ក្រៅពីក្រុមហ៊ុនរថយន្តតូយ៉ូតានេះ កម្ពុជា ក៏បានទាក់ទាញការវិនិយោគពីក្រុមហ៊ុនផលិតថយន្តម៉ាកល្បីៗរបស់ពិភពលោកមួយចំនួន ដូចជារថយន្ត Ford ជាម៉ាកដ៏ល្បីរបស់អាមេរិក ដែលមានទីតាំងនៅខេត្តពោធិ៍សាត់, ក្រុមហ៊ុនផលិតរថយន្តដ៏ល្បីរបស់កូរ៉េខាងត្បូងចំនួនពីរ គឺ Hyundai និង Daehan បានបង្កើតរោងចក្រដំឡើងរថយន្តនៅតំបន់សេដ្ឋកិច្ចពិសេសក្នុងទឹកដីខេត្តកោះកុង និងនៅក្រុងបាវិតខេត្តស្វាយរៀង។ ចំណែកក្រុមហ៊ុន International VCV Industry CO,.ltd ត្រូវបានក្រុមប្រឹក្សាអភិវឌ្ឍន៍កម្ពុជា បានសម្រេចអនុញ្ញាតឲ្យធ្វើការវិនិយោគបង្កើតរោងចក្របង្គុំ និងដំឡើងរថយន្ត នៅរាជធានីភ្នំពេញ កាលពីឆ្នាំ ២០១៨៕

The post រដ្ឋអនុញ្ញាតិឱ្យក្រុមហ៊ុនផលិតរថយន្ត Toyota បង្កើតរោងចក្រក្នុងតំបន់សេដ្ឋកិច្ចពិសេស អ្នកឧកញ៉ា គិត ម៉េង appeared first on .

លោក UEMATSU Hiroshi នាយកប្រតិបត្តិនៃក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក បានថ្លែងថា “មូលហេតុចម្បងនៃការកើនឡើងនៃតម្លៃនាំចេញ និងឱកាសការងារកាន់តែច្រើនសម្រាប់កម្មករនិយោជិក គឺកើតឡើងដោយសារតែការពង្រីកផលិតកម្មនៃរោងចក្រផលិតគ្រឿងបង្គុំរថយន្ត និងរោងចក្រផលិតគ្រឿងបង្គុំ​អេឡិកត្រូនិក លើសពីនេះទៀតគឺការវិនិយោគដ៏ធំសម្បើមរបស់ក្រុមហ៊ុន ម៉ាវ៉ល ហ្កាមិន ឯ.ក ដែលជាក្រុមហ៊ុនបុត្រសម្ព័ន្ធនៃក្រុមហ៊ុនផលិតសម្លៀកបំពាក់ដ៏ធំមួយនៅក្នុងប្រទេសចិន ដែលជាប់លំដាប់ថ្នាក់ជាក្រុមហ៊ុនផលិតសម្លៀកបំពាក់ធំបំផុតដែលបានពង្រីកសង្វាក់ផលិតកម្មតាមខ្សែឈរ (vertically integrated manufacturer) ពោលគឺមានការផ្គត់ផ្គង់វត្ថុធាតុដើម និងបំពេញគ្រប់ខ្សែសង្វាក់ផលិតកម្មដោយខ្លួនឯងរហូតដល់ផលិតផលសម្រេច។

ប្រទេសកម្ពុជាអាចគ្រប់គ្រងជំងឺរាតត្បាត កូវីដ១៩ បានល្អជាងប្រទេសដទៃទៀតជាច្រើន និងអាចកាត់បន្ថយ​ផល​ប៉ះពាល់អវិជ្ជមានដល់សកម្មភាពសេដ្ឋកិច្ចទៀតផង។

ជាមួយនឹងផ្ទៃដីសរុប ៣៥៧ ហិកតា តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ មានអ្នកវិយោគសរុបចំនួន ១០២ ក្រុមហ៊ុន ដែលផ្តល់ការងារដល់កម្មករនិយោជិកចំនួន ៣៩,១០០នាក់ គិតត្រឹមខែកក្កដា ឆ្នាំ២០២២ ដែលចំនួននេះកើនឡើង ៤២.៩% ធៀបនឹងចំនួនកម្មករនិយោជិក ដែលមានសរុបគិតត្រឹម ខែកក្កដា ឆ្នាំ២០២១។

អ្នកឧកញ៉ា គិត ម៉េង ប្រធានក្រុមប្រឹក្សាភិបាលនៃក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក ប្តេជ្ញាបន្តគាំទ្រវិនិយោគិន ដើម្បីចូលរួមចំណែកក្នុងវិស័យឧស្សាហូបនីយកម្មរបស់ប្រទេសកម្ពុជា ក៏ដូចជាបង្កើតបរិយាកាសវិនិយោគដែលមានភាពងាយស្រួល ស្របជាមួយនឹងបច្ចេកវិទ្យាទំនើបៗបែបច្នៃប្រឌិត។

ជាមួយនឹងស្ថានភាពនយោបាយ ស្ថានភាពសង្គមដ៏មានស្ថិរភាព និងច្បាប់វិនិយោគថ្មីដ៏ទាក់ទាញនៅប្រទេសកម្ពុជា យើងមានទំនុកចិត្តក្នុងការទាក់ទាញអ្នកវិនិយោគក្នុងវិស័យផលិតកម្មច្រើនទៀត និងជំរុញបរិមាណនៃការនាំចេញអោយបានកាន់តែច្រើនលើសពីនេះទៀត៕

The post តំបន់សេដ្ឋកិច្ចពិសេស​អ្នក​ឧកញ៉ា គិត ម៉េង ៧​ ខែ​​ដើម​ឆ្នាំ នាំ​ចេញ​គិត​ជា​ទឹកប្រាក់​ជាង ៤៩២ លានដុល្លារ appeared first on .

ក្នុងដំណើរទស្សនកិច្ចនៅពេលនេះ អ្នកឧកញ៉ា គិត ម៉េង ក៏បានចូលទស្សនកិច្ចនៅក្នុងក្រុមហ៊ុនធំៗ ដូចជា ក្រុមហ៊ុនជប៉ុន Minebea ដែលផលិតគ្រឿងអេឡិចត្រូនិច, ក្រុមហ៊ុនជប៉ុន Sumi Wiring Systems ដែលផលិតខ្សែភ្លើងសម្រាប់បំពាក់នៅក្នុងរថយន្ត, ក្រុមហ៊ុនអាមេរិក Laurelton Diamonds ដែលផលិតពេជ្រ និងច្នៃប៉ូលាពេជ្រចេញជាផលិតផលសម្រេច។

មកដល់បច្ចុប្បន្ននេះ នៅតំបន់សេដ្ឋកិច្ចពិសេសភ្នំពេញ មានរោងចក្រធំៗជាង ១០០រោងចក្រ និងបុគ្គលិកដែលកំពុងបម្រើការងារជាង ៣ម៉ឺន ៤ពាន់នាក់។ នេះបើតាមការបញ្ជាក់ក្នុងបទបង្ហាញនៅចំពោះមុខអ្នកឧកញ៉ា គិត ម៉េង។

តំបន់សេដ្ឋកិច្ចពិសេសភ្នំពេញ គឺជាក្រុមហ៊ុនសាធារណៈដែលបានចុះបញ្ជីពាណិជ្ជកម្មក្រោមផ្សារមូលបត្រកម្ពុជា ដែលមានផ្ទៃដីទំហំប្រមាណ ៣៥៧ហិកតា។

ជាមួយគ្នានេះ តំបន់សេដ្ឋកិច្ចពិសេសភ្នំពេញ ក៏បាននាំយកក្រុមហ៊ុនផលិត និងសេវាកម្មច្រើនជាង ៩៥ មកពី ១២ប្រទេស ព្រមទាំងមានក្រុមហ៊ុនអន្តរជាតិជាង ៨០ មកពី ១៥ប្រទេសផ្សេងៗគ្នា បានវិនិយោគនៅក្នុងតំបន់នេះ។ កាលពីឆ្នាំ២០២១ កន្លងទៅ ការនាំចេញទំនិញពីរោងចក្រនៅក្នុងតំបន់សេដ្ឋកិច្ចពិសេសភ្នំពេញ មានទំហំទឹកប្រាក់ ៦៧៣លានដុល្លារអាមេរិក។

គួររំលឹកថា កាលពីថ្ងៃទី១៧ ខែធ្នូ ឆ្នាំ២០២១ ក្រុមហ៊ុនបុត្រសម្ព័ន្ធរបស់ក្រុមហ៊ុន រ៉ូយ៉ាល់គ្រុប គឺ ក្រុមហ៊ុន អ៊ិនធើ ទ្បូជីស្ទីក (ខេមបូឌា) បានទិញភាគហ៊ុនចំនួន ៤៥,០៩% នៃភាគហ៊ុនសរុបរបស់ក្រុមហ៊ុនភ្នំពេញ អេសអ៊ីហ្សិត ភីអិលស៊ី (PPSP-តំបន់សេដ្ឋកិច្ចពិសេសភ្នំពេញ) និងបានក្លាយជាភាគហ៊ុននិក ដែលមានសិទ្ធិបោះឆ្នោតចំនួនច្រើនលើសលប់នៅក្នុងក្រុមហ៊ុន ដែលអភិវឌ្ឍន៍តំបន់ឧទ្យានឧស្សាហកម្មនេះ។

ជាមួយគ្នានេះដែរ កាលពីថ្ងៃទី២៦ ខែមករា ឆ្នាំ២០២២ អ្នកឧកញ៉ា គិត ម៉េង បានជាប់ឆ្នោតជាប្រធានថ្មីនៃតំបន់សេដ្ឋកិច្ចពិសេសភ្នំពេញ (PPSP)។ ការធ្វើជាប្រធានលើកដំបូងនៃតំបន់សេដ្ឋកិច្ចពិសេសដែលធំជាងគេនៅកម្ពុជា៕

The post ជាប់ជាប្រធានថ្មីអ្នកឧកញ៉ា គិត ម៉េង ចុះផ្ទាល់ដល់តំបន់សេដ្ឋកិច្ចពិសេសភ្នំពេញដែលមានបុគ្គលិកជាង ៣ម៉ឺន ៤ពាន់នាក់ appeared first on .