ក្នុងកិច្ចប្រជុំបូកសរុបលទ្ធផលការងារអនុវិស័យជលផលឆ្នាំ២០២៥ និងលើកទិសដៅអនុវត្តឆ្នាំ២០២៦ កាលពីថ្ងៃទី២៧ ខែមករា ឆ្នាំ២០២៦ លោក ពុំ សុថា បានបញ្ជាក់ថា ការកើនឡើងនៃផលនេសាទទឹកសាបនេះ ដោយមានការខិតខំប្រឹងប្រែងទប់ស្កាត់និងបង្រ្កាបបទល្មើសនេសាទពីសមត្ថកិច្ចជំនាញជលផល រួមជាមួយកងកម្លាំងប្រដាប់អាវុធ រដ្ឋបាលថ្នាក់ក្រោមជាតិ សមត្ថកិច្ចពាក់ព័ន្ធ និងសហគមន៍នេសាទ ព្រមទាំងមានការចូលរួមផ្តល់ព័ត៌មានពីមហាជន។

លោកបន្តថា ការកើនឡើងនូវផលនេសាទនេះ នាំឱ្យមហាជនមានការអបអរសាទរនិងសប្បាយរីករាយ។ ទន្ទឹមនឹងការកើនឡើងផលនេសាទ សត្វផ្សោតទន្លេមេគង្គក៏មានការកើនឡើងចំនួន៧ក្បាល គឺពី១០៤ក្បាល ដល់ ១១១ក្បាល។

សម្រាប់ទិសដៅអនុវត្តបន្ត លោក ហាស់ សារ៉េត  រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ បានផ្តល់អនុសាសន៍ដល់ថ្នាក់ដឹកនាំ និងមន្ត្រីគ្រប់លំដាប់ថ្នាក់នៃ រដ្ឋបាលជលផល មន្ទីរកសិកម្ម រុក្ខាប្រមាញ់ និងនេសាទរាជធានី ខេត្ត និងខណ្ឌរដ្ឋបាលជលផល ត្រូវយកចិត្តទុកដាក់អនុវត្តការងារសំខាន់ៗដូចជា ត្រូវពង្រឹងការការពារ និងការអភិរក្សធនធានជលផល  ត្រូវចាត់វិធានការទប់ស្កាត់និងបង្ក្រាបបទល្មើសជលផលឱ្យបានម៉ឺងម៉ាត់និងស្រាវជ្រាវអត្តសញ្ញាណជនសង្ស័យប្រព្រឹត្តបទល្មើស  ត្រូវពង្រឹងការគ្រប់គ្រងវារិជាតិ និងការធ្វើអាជីវកម្មផល ផលិតផលជលផល ប្រកបដោយប្រសិទ្ធភាព ត្រូវជំរុញការអភិវឌ្ឍវារីវប្បកម្ម សិក្សាតម្រូវការទីផ្សារដើម្បីរៀបចំផែនការផលិតកម្មច្បាស់លាស់ និងលើកទឹកចិត្តវិស័យឯកជនក្នុងការវិនិយោគផ្នែកវារីវប្បកម្ម និងត្រូវពង្រឹងគុណភាព សុវត្ថិភាពផល ផលិតផលជលផល និងខ្សែច្រវាក់តម្លៃផលជលផល ដើម្បីលើកកម្ពស់ផលិតកម្មតាមស្តង់ដារ៕

The post ក្នុងឆ្នាំ២០២៥ កម្ពុជារក្សាបានកំណើនផលនេសាទ ពិសេសត្រីទឹកសាបមានការកើនឡើងប្រមាណ១០% appeared first on .

សេចក្តីជូនដំណឹងរបស់រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា ក្នុងរដូវនេសាទឆ្នាំ២០២៥-២០២៦ តាមការសង្កេត ត្រីចាប់ផ្តើមបន្លាស់ទីចេញពី បឹងទន្លេសាប បឹង ស្ទឹង និងព្រែកនានា ចូលទន្លេសាប ទន្លេមេគង្គ និងទន្លេបាសាក់ ដែលអំណោយផលដល់ការធ្វើ នេសាទបានត្រីច្រើន ជាពិសេសគន្លងដោយត្រីតាមដងទន្លេសាប នៅក្នុងភូមិសាស្ត្រខេត្តកណ្តាលនិងរាជធានីភ្នំពេញ ចាប់ពីថ្ងៃព្រហស្បតិ៍ ៦កើត ដល់ថ្ងៃពុធ ១២កើត ខែបុស្ស ត្រូវនឹងថ្ងៃទី២៥ ដល់ថ្ងៃទី៣១ ខែធ្នូ ឆ្នាំ២០២៥ ក្នុង ករណីមេឃស្រឡះល្អ គ្មានភ្លៀងកក់ខែ ឬមិនទទួលរងឥទ្ធិពលព្យុះភ្លៀង។

រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានអំពាវនាវដល់បងប្អូនប្រជាពលរដ្ឋដែលមានបំណងធ្វើប្រហុក ផ្អក ត្រីឆ្អើរ ឬទឹកត្រី សូមរួសរាន់អញ្ជើញមកទិញត្រី តាមពេលវេលានិងទីកន្លែងដូចមានក្នុងសេចក្តីជូនដំណឹងនេះ។

ទន្ទឹមនេះ រដ្ឋបាលជលផលសំណូមពរដល់អាជ្ញាធរមូលដ្ឋានឬសមត្ថកិច្ចពាក់ព័ន្ធ មេត្តាជួយសម្រួលជូន ដល់បងប្អូនប្រជាពលរដ្ឋបានធ្វើដំណើរ ស្នាក់នៅ និងដឹកជញ្ជូនផល ផលិតផលត្រី ដោយរលូនតាមការគួរ៕

The post រដូវធ្វើប្រហុក ផ្អក ចាប់ផ្តើមហើយរហូតដល់ដាច់ឆ្នាំនេះ appeared first on .

លោកបានឱ្យដឹងបែបនេះ ក្នុងដំណើរចុះទស្សនកិច្ចពិនិត្យការប្រមូលផលត្រីប្រហុកនៅដាយត្រីលេខ១៥ នៅស្រុកពញាឮ ខេត្តកណ្តាល នៅថ្ងៃទី៩ ខែមករា ឆ្នាំ២០២៥ ដោយមានការចូលរួមពីឯកអគ្គរដ្ឋទូត​ចិន ក្រុមសហភាពអឺរ៉ុប​ និងអង្គការស្បៀងនិងកសិកម្មនៃសហប្រជាជាតិ (FAO)ផងដែរ។

ក្នុងដំណើរចុះទស្សនកិច្ចនេះ លោក ឌិត ទីណា បានសម្តែងនូវការសាទរជាខ្លាំងចំពោះផលត្រីក្នុងឆ្នាំនេះ​ ដែលអនុញ្ញាតឲ្យប្រជាពលរដ្ឋអាចទិញត្រីធ្វើប្រហុកបានកាន់តែច្រើន​ ក្នុងតម្លៃធូរថ្លៃ។ លោកបានគូសបញ្ជាក់ថា ក្រសួងកំពុងបន្តតាមដានទិន្នផលត្រីក្នុងឆ្នាំនេះ ដែលការសន្និដ្ឋានបឋមបង្ហាញថា ផលត្រីមានការកើនឡើងជាងឆ្នាំមុនប្រមាណ​ ១០%​ ដោយសារការសហការចូលរួមគ្រប់ភាគីពាក់ព័ន្ធ​ ក្នុងការការបង្ក្រាបបទល្មើសនេសាទ ប្រកបដោយភាពម៉ឺងម៉ាត់ ច្បាស់លាស់ និងមានប្រសិទ្ធភាពខ្ពស់។

បើតាម​រដ្ឋមន្រ្តីកសិកម្ម សមិទ្ធផលនេះមិនមែនកើតឡើងដោយចៃដន្យទេ​ តែគឺជាកិច្ចខិតខំប្រឹងប្រែង​ក្នុងការគ្រប់គ្រង​ និងការដាក់ចេញនូវយុទ្ធសាស្រ្តការពារអភិរក្សធនធានជលផល​បានត្រឹមត្រូវ​ ព្រមទាំងមានការចូលរួមអនុវត្តពីមន្រ្តីជំនាញជលផល​ កងកម្លាំងចម្រុះ​ សហគមន៍នេសាទ​ និងបងប្អូនប្រជានេសាទផងដែរ។

នាឱកាសនោះ លោករដ្ឋមន្រ្តី ក៏អំពាវនាវដល់បងប្អូនប្រជានេសាទទាំងអស់ ត្រូវចូលរួមបន្តគោរពច្បាប់ជលផល​ ប្រើប្រាស់ឧបករណ៍ស្របច្បាប់​ និងនេសាទតាមច្បាប់កំណត់​ ដើម្បីធានានិរន្តរភាពធនធានជលផលក្នុងធម្មជាតិ។

សូមជម្រាបផងដែរថា នៅក្នុងឆ្នាំ២០២៤ កម្ពុជា ប្រមូលផលនេសាទនិងវារីវប្បកម្ម បានចំនួន ៩២៦ ៩៣៤តោន ក្នុងនោះផលនេសាទទឹកសាប មាន៤៦៧ ៣៤៤តោន ផលនេសាទសមុទ្រ ១៣៩ ៣១០ តោន និងផលវារីវប្បកម្ម ៣២០ ២៨០តោន។ ចំនួននេះមានការកើនឡើង៦០ ៦៨៤តោន ស្មើនឹង៧ភាគរយ បើប្រៀបធៀបឆ្នាំ២០២៣៕

The post លោក ឌិត ទីណា៖ ទិន្នផលត្រីក្នុងឆ្នាំនេះ មានការកើនឡើងជាងឆ្នាំមុនប្រមាណ​ ១០%​ appeared first on .

លោក ឡែមផូរ វរិទ្ធិ ប្រធានគណៈកម្មការប្រតិបត្តិសមាគមវារីវប្បករកម្ពុជា បានឱ្យដឹងថា នៅក្នុងក្របខណ្ឌសមាគម ដែលមានសមាជិកចំនួន ៦២៨គ្រួសារ ក្នុងនោះមានប្រមាណ ៧០% ជាអ្នកចិញ្ចឹមត្រីប្រា។ តែបើយោងតាមស្ថិតិ ដែលបានរៀបចំឡើងវិញជាថ្មីនៅរយៈក្នុងរយៈពេល ៣ខែ ក្នុង ឆ្នាំ ២០២៣នេះ រួចមក ឃើញថា បរិមាណនៃការចិញ្ចឹមត្រីប្រា គឺមានការធ្លាក់ចុះប្រហែល ៦០% ដោយសារមូលហេតុចំណីត្រីឡើងថ្លៃ ប៉ុន្តែតម្លៃត្រីប្រា នៅលើទីផ្សារអត់ឡើងថ្លៃ ជាហេតុធ្វើឱ្យកសិករដែលចិញ្ចឹមត្រីខ្នាតធំ កាត់បន្ថយការចិញ្ចឹម។

លោក លើកឡើងបន្ថែមថា៖ “ចាប់តាំងពីមានសង្គ្រាមរវាងអ៊ុយក្រែន និងរុស្ស៊ីផ្ទុះឡើងមក ធ្វើឱ្យចំណាយទៅលើការដឹកជញ្ជូនឡើងថ្លៃហើយវត្ថុធាតុដើមឡើងថ្លៃ ហើយចំណីត្រីឡើងថ្លៃពី ២០ ទៅ៣០% ប៉ុន្តែតម្លៃត្រីប្រានៅលើទីផ្សារ គឺថ្លៃនៅដដែល ហើយនៅក្នុងការចិញ្ចឹមត្រីប្រានេះ ត្រូវការចំណាយទៅលើចំណីអស់ប្រហែល ៨០% អុីចឹង ធ្វើឱ្យកសិករមិនអាចទ្រាំទ្របាន គាត់ក៏ផ្អាកចិញ្ចឹមសិនតែចំពោះកសិដ្ឋានមធ្យម និងខ្នាតតូច គឺឈប់ចិញ្ចឹមតែម្តង”។

បើតាមតំណាងសមាគមវារីវប្បករកម្ពុជា តម្រូវការត្រីប្រានៅពេលបច្ចុប្បន្ននេះ ភាគច្រើនគឺមានសម្រាប់អ្នកហូបធម្មតាទេ ដោយសារយើងមិនទាន់អាចយកទៅកែច្នៃបានច្រើននៅឡើយនោះទេ ។ដូចនេះបរិមាណតម្រូវការត្រីប្រានៅឆ្នាំនេះ មានការធ្លាក់ចុះ ជាងពេលមុនៗដោយសារឆ្នាំនេះ សំបូរទៅដោយត្រីស្រែ ឬត្រីបឹង ជាហេតុធ្វើឱ្យប្រជាពលរដ្ឋនៅតាមតំបន់ ប្តូរមកបរិភោគត្រីស្រែជំនួសត្រីប្រា។

ស្ថិតក្នុងកាលៈទេសៈការចិញ្ចឹមត្រីប្រាធ្វើអាជីវកម្មកំពុងជួបបញ្ហានាពេលសព្វថ្ងៃ ត្រីប្រារបស់កម្ពុជាកន្លងមកក៏ធ្លាប់សាកល្បងនាំចេញទៅទីផ្សារប្រទេសចិនដែរ តែមិនទទួលបានជោគជ័យ ហើយថែមទាំងស្ងប់ស្ងាត់ថែមទៀត។

ពាក់ព័ន្ធនឹងការនាំចេញត្រីប្រានេះ បើតាមលោក ឡែមផូរ វរិទ្ធិ ដដែលបានឱ្យដឹងទៀតថា៖ “ចំពោះដំណើការនាំត្រីប្រាទៅលក់នៅប្រទេសចិននេះ ខាងរដ្ឋបាលជលផល បានធ្វើការចរចា ឬធ្វើបែបបទជាមួយកសិដ្ឋានចិញ្ចឹមត្រីប្រាចំនួន ៣កសិដ្ឋាន ដែលជាសមាជិកសមាគម។ យើងសាកល្បងនាំកន្លងមក ឃើញថាយើងមានសមត្ថភាព ក្នុងការផលិតត្រីប្រាសម្រាប់នាំចេញ ប៉ុន្តែការសាកល្បងនាំចេញ ២តោនកាលពីឆ្នាំកន្លងទៅនេះ ខ្ញុំដឹងថាមិនទាន់មានឧបករណ៍គ្រប់គ្រាន់ ឬត្រូវទៅតាមស្តង់ដារ សម្រាប់នាំចូលទៅប្រទេសចិន អុីចឹង! ត្រីប្រា ដែលសាកល្បងនាំចេញ ២តោន កាលមុន អត់អាចចូលទីផ្សារចិនបាន អុីចឹង! មកដល់ពេលនេះ មិនទាន់មានលទ្ធផលអ្វីទេ។ តែសម្រាប់វ៉ារីវប្បករខ្មែរ មានសមត្ថភាពអាចផលិតត្រីប្រានាំចេញទៅចិនបាន”។

លោកគូសបញ្ជាក់ថា ការចិញ្ចឹមត្រីប្រាដែលមានបរិមាណច្រើន មាននៅខេត្តកំពង់ចាមស្រុកបាធាយ,ខេត្តបាត់ដំបងស្រុកឯកភ្នំ,ខេត្តកំពង់ឆ្នាំង នៅជុំវិញទន្លេសាប និងខេត្តកណ្តាល មាននៅកៀនស្វាយ និងស្អាង។ ដោយឡែក ខេត្តដែលចិញ្ចឹមត្រីប្រាមធ្យម មាននៅខេត្តពោធិ៍សាត់ ខេត្តកំពង់ធំ និងខេត្តសៀមរាប ហើយតម្លៃត្រីប្រា លក់នៅ នឹងស្រះថ្លៃចន្លោះពី ៤២០០ ទៅ៤៧០០រៀល ក្នុងមួយគីឡូក្រាម ដោយឡែកឈ្មួញលើកទៅលក់នៅលើទីផ្សារថ្លៃចន្លោះពី ៧០០០ ទៅ៩០០០ រៀល ផ្អែកទៅតាមប្រភេទត្រី។

លោកឡែមផូរ វរិទ្ធិ តំណាងឱ្យក្រុមកសិករចិញ្ចឹមត្រីប្រា ក៏បានសំណូមពរដល់រាជរដ្ឋាភិបាល ជាពិសេសស្ថាប័នជំនាញពាក់ព័ន្ធទៅលើ ២ ចំណុច​ ដែលជាក្ដីកង្វល់រួម គឺ៖

(ទី១) ជួយបង្កើតកម្មវិធីឧបត្ថម្ភធន ដល់ក្រុមវ៉ារីវប្បករ ឬបង្កើតកម្មវិធីផ្តល់ប្រាក់កម្ចី ដែលមានអត្រាការប្រាក់ទាប និងមានរយៈពេលវែង ដល់ក្រុមវ៉ារីវប្បករ ដើម្បីបន្តអាជីវកម្មទៅមុខទៀត

(ទី២) សំណូមពរដល់រាជរដ្ឋា និងស្ថាប័នជំនាញពាក់ព័ន្ធ ជួយគ្រប់គ្រងទីផ្សារត្រីឱ្យបានល្អិតល្អន់ កុំឱ្យតម្លៃលក់នៅលើទីផ្សារមានគម្លាតខុសគ្នា ពីកសិដ្ឋានច្រើនពេក និងធ្វើការគ្រប់គ្រង ការនាំចូលត្រីពីប្រទេសជិតខាងឱ្យបានដិតដល់ ដើម្បីឱ្យអ្នកនៅក្នុងស្រុកអាចរស់បានក្នុងវិស័យមួយនេះបន្តទៀត៕ អត្ថបទ៖សារេត

The post ការចិញ្ចឹមត្រីប្រាកំពុងជួបបញ្ហាទីផ្សារ និងធ្លាក់ចុះអ្នកចិញ្ចឹម ខាង”សមាគមវារីវប្បករកម្ពុជា” ទទូចសុំអន្តរាគមន៍ ២ចំណុច appeared first on .

បើតាមសេចក្តីប្រកាសព័ត៌មាន របស់រដ្ឋបាលស្រុកមេមត់ បានឲ្យដឹងថា ឧបករណ៍ចាប់ត្រីមានដូចជា អង្រុត ឈ្នាង ត្រក ក្អុះជាដើម ហើយកម្មវិធីចាប់ត្រីបែបបុរាណនៅបឹងត្រពាំង សម្រាប់ឆ្នាំនេះ នឹងប្រព្រឹត្តទៅដោយមានរបៀបវារៈដូចជា៖ ម៉ោង៨៖០០នាទី ជួបជុំភ្ញៀវកិត្តិយស និងប្រជាប្រិយមិត្ត នៅក្នុងបរិវេណបឹងត្រពាំងក្រម ម៉ោង ៩៖៣០នាទី គណៈអធិបតី និងសហការីអញ្ជើញដល់ ម៉ោង ៨៖៤៥នាទី ប្រសាសន៍សំណេះសំណាលរបស់ គណៈអធិបតី និងម៉ោង ១០៖១៥នាទី ចាប់ផ្តើមចុះក្នុងបឹងត្រពាំងក្រម ដំណើរការចាប់ត្រីតាមបែបបុរាណ ។

គួររម្លឹកថា ប្រជាពលរដ្ឋនៅភូមិសាទុំ តែងតែរៀបចំពិធីចាប់ត្រីនៅបឹងក្រមនេះជាង២០០ឆ្នាំមកហើយ ។ពិធីចាប់ត្រីនេះត្រូវបានអាក់ខានក្នុងរបបប៉ុលពត ប៉ុន្តែចាប់ពីថ្ងៃជ័យជំនះ ៧មករា ១៩៧៩ មកបានរៀបចំធ្វើពិធីនេះឡើងវិញមានអ្នកចូលរួមយ៉ាងច្រើនកុះករសម្រាប់ឆ្នាំនេះមានអ្នកចូលរួមកាន់តែច្រើនជាងឆ្នាំមុន មានប្រមាណ២០,០០០នាក់ដែលមកពីទីជិតឆ្ងាយ។

គួរបញ្ជាក់ថា មុនពិធីចាប់ត្រីមកដល់អាជ្ញាធរមិនអនុញ្ញាតឲ្យពលរដ្ឋនេសាទត្រីក្នុងបឹងក្រមនេះឡើយ ដើម្បីរក្សាវត្តមានត្រីទុកសម្រាប់ពិធីចាប់ត្រីជារៀងរាល់ឆ្នាំ ។ ចំពោះការចាប់ត្រីពលរដ្ឋអាចប្រើប្រាស់បានតែឧបករណ៍បុរាណប៉ុណ្ណោះ ដូចជា៖ អង្រុត ឈ្នាង និងត្រកជាដើម ដើម្បីចាប់ត្រីក្នុងពិធីនេះ ដោយតំបន់បឹងក្រមមានផ្ទៃដីប្រមាណ ៣០ហិកតា និងផ្ទៃបឹងទំហំ១ហិកតា ៕

The post ពិធីចាប់ត្រីបែបបុរាណក្នុងបឹងត្រពាំងក្រមនៅខេត្តត្បូងឃ្មុំ នឹងប្រារព្ធឡើងនៅថ្ងៃទី១៨ កុម្ភៈ ខាងមុខនេះ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ការស្នើសុំនេះបានធ្វើឡើង បន្ទាប់ពីអ្នកចិញ្ចឹមត្រីក្នុងស្រុកមានការសល់ត្រីជាង១ម៉ឺនតោនកកស្ទះលក់មិនចេញ ដោយសារបញ្ហាជំងឺកូវីដ១៩ និងការនាំចូលត្រីពីប្រទេសវៀតណាមខ្លះមិនបានបង់ពន្ធត្រឹមត្រូវ។

ក្នុងសេចក្តីប្រកាសព័ត៌មានរបស់សមាគខាងលើបានបញ្ជាក់ថា ដោយសារតែបញ្ហាទីផ្សារ អ្នកចិញ្ចឹមត្រីមួយចំនួនដែលចាប់ត្រីពីស្រះអស់មានការរារែកជាខ្លាំងក្នុងរៀបចំផែនការដាក់កូនត្រីចិញ្ចឹមបន្តទៀត ដោយសារតែកន្លងមកអ្នកចិញ្ចឹមបានលក់ត្រីចេញពីស្រះតម្លៃទាបជាងថ្លៃដើមផលិត។

បើតាមសមាគម គិតមកដល់ដើមខែឧសភានេះត្រីចំនួនប្រមាណជាង១ម៉ឺនតោនកំពុងកកស្ទះនៅក្នុងស្រះ មិនអាចចេញលក់បានដោយសារគ្មានទីផ្សារសម្រាប់លក់ចេញ បើទោះបីជាក្នុងអំឡុងពេលបិទខ្ចប់នៅរាជធានីភ្នំពេញនេះ គេសង្កេតឃើញមានតម្រូវការត្រីក៏ដោយ។

ត្រីដែលត្រូវសល់ពេលចាប់លក់រួមមាន ត្រីប្រាចំនួន ៧២៥៩តោន, ត្រីឆ្តោ ចំនួន ១៨៥៨តោន, ត្រីពោ ចំនួន ៨៩៣តោន, ត្រីអណ្តែង ចំនួន ១៥៥តោន, ត្រីប្រភេទដទៃទៀតដូចាំ ឆ្ពិន ទីឡាព្យ៉ា ក្រាញ់ ត្រីធម្មជាតិ១៩១តោន៕

The post ត្រីជាង១ម៉ឺនតោនកកស្ទះលក់មិនចេញ ដោយសារបញ្ហាជំងឺកូវីដនិងការនាំចូលត្រីពីប្រទេសវៀតណាមខ្លះមិនបានបង់ពន្ធត្រឹមត្រូវ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

សមាគមមួយនេះបានចាត់ទុកការលើកឡើងទាំងនោះថា មានចេតនា មិនល្អ បំពុលសង្គម និយាយខុសពីការពិតដោយពុំបានប្រមូលទិន្នន័យពាក់ព័ន្ធ។

សមាគមវារីកម្មកម្ពុជាបានបញ្ជាក់តម្លៃត្រីទាំង៤ប្រភេទដែលលក់ចេញពីស្រះនោះគឺ៖
-ត្រីប្រា មានតម្លៃចាប់ពី៤០០០រៀល ទៅ៤២០០រៀលក្នុង១គីឡូក្រាម
-ត្រីពោមានតម្លៃចាប់ពី ៥៨០០រៀលទៅ៦០០០រៀល
-ត្រីអណ្តែង មានតម្លៃចាប់ពី ៣៨០០រៀលដល់៤៥០០រៀល
-ត្រីឆ្តោ មានតម្លៃចាប់ពី៩២០០រៀលដល់១០២០០រៀល។

ព័ត៌មានពិស្តារខាងក្រោម៖

សូមចុចអានអត្ថបទខាងក្រោម៖

The post សមាគមវារីកម្ម អះអាងថាតម្លៃត្រីដែលលក់ចេញពីស្រះ គឺនៅរក្សាដដែល មិនមានការតម្លើងថ្លៃនោះឡើយ appeared first on .

ត្រីប៉ាវ៉ាមុខពីរ ពួកវាប្រហែលជាចុះទៅក្រោមទៅព្រំប្រទល់ ខេត្តក្រចេះ និង ខេត្តស្ទឹង​ត្រែង ឬ ក៏អាចហែលទៅលើដល់ប៉ែកខាងត្បូងនៃប្រទេសឡាវ និង ភាគ ឦសាន​នៃប្រទេសថៃ ដើម្បីរកចំណី (ស្លែនៅតាមដុំថ្ម)។ ត្រីប៉ាវ៉ាមុខពីរនេះ ពង-កូននៅ​ចំកណ្តាលទន្លេសេកុងក្នុង នាខែកក្កដា និង ខែសីហា ។ វាអាចមានទំហំធំបំផុតដល់ទៅ ៦០សង់ទីម៉ែត្រ ។

បុគ្គលិកគម្រោងរបស់អង្គការ Wonders of the Mekong បានជួបប្រទះត្រីសម្បុរ​ស្អាតនេះ នៅផ្សារត្រីខេត្តស្ទឹងត្រែង នៅក្នុងខេត្តអាតាពឺ និង ខេត្តសេកុង ប៉ែកខាង​ត្បូងនៃប្រទេសឡាវ អ្នកភូមិបានបង្កើតតំបន់ការពារ​ដើម្បីអភិរក្សត្រីប្រភេទនេះ​ក្នុងរដូវប្រាំង ហើយក៏មានគម្រោងនឹងបិទការនេសាទក្នុងរដូវត្រីពងផងដែរ ។

ត្រីប៉ាវ៉ាមុខពីរ បានចាត់ចូលក្នុងបញ្ជីក្រហមរបស់ IUCN កាលពីឆ្នាំ២០១១ថា ជាប្រភេទ​ត្រីរងគ្រោះ។ ការប្រឈមដ៏ចម្បងរបស់វាគឺការប្រើប្រាស់មងសម្រាប់​ចាប់ពួកវា ក្នុង​រដូវត្រីពង និង ពេលវាផ្លាស់ទីដើម្បីរកចំណី។ កំណើនក្នុងការប្រើប្រាស់ឧបករណ៍ឆក់ និង សំ​ណើ​ក្នុងការសាងសង់ទំនប់វារីអគ្គិសនីនៅតាមដងទន្លេមេគង្គ អាចជះ​ឥទ្ធិពលអវិជ្ជមាន​ដល់ត្រីប្រភេទនេះ នៅអំឡុងពេលវាធ្វើចរាចរ ។ គេត្រូវធ្វើផែន​ការក្នុងការ​ស្រាវជ្រាវ និង អភិរក្សគឺត្រូវការជាចាំបាច់ដើម្បីឈ្វេងយល់ និង ការពារប្រភេទត្រីដ៏អស្ចារ្យមួយប្រភេទនេះ នៅក្នុងទន្លេមេគង្គមួយនេះឱ្យនៅគងវង្ស ៕ ប្រភព៖ Wonders of the Mekong

The post ត្រីប៉ាវ៉ាមុខពីរ ជាប្រភេទ​ត្រី​ជិត​ផុត ពូជ​លើ​​លោក​ តែ​កម្ពុជា នៅ​​មាន​ច្រើន appeared first on .