នៅថ្ងៃទី១ ខែតុលា ធនាគារ Shinhan Bank បានប្រកាសថា ព័ត៌មានផ្ទាល់ខ្លួនរបស់អតិថិជនប្រមាណ ២៥ ០០០ នាក់ រួមមានឈ្មោះ លេខទូរស័ព្ទ និងប្រាក់ចំណូលប្រចាំឆ្នាំ ត្រូវបានលេចធ្លាយ។

យោងតាមការបញ្ជាក់ពីធនាគារ ភ្នាក់ងារទាក់ទងកម្ចី (Loan brokers) អាចពិនិត្យមើលដំណើរការនៃការដាក់ពាក្យស្នើសុំរបស់ពួកគេតាមរយៈគេហទំព័រលើទូរស័ព្ទដៃផ្ទាល់បាន។ តែទោះជាយ៉ាងណាក៏ដោយ ភាគីខាងក្រៅបានចូលប្រើប្រាស់តំណភ្ជាប់នេះដោយមិនបានឆ្លងកាត់ដំណើរការផ្ទៀងផ្ទាត់អត្តសញ្ញាណត្រឹមត្រូវនោះឡើយ។ ប្រភពព័ត៌មានបានចង្អុលបង្ហាញថា ធនាគារ Shinhan Bank ត្រូវរងការវាយប្រហារដោយក្រុមហេគឃ័រ (Hackers) ដែលគេសង្ស័យថាបានប្រើប្រាស់ឧបករណ៍បញ្ញាសិប្បនិម្មិត (AI)។

ហើយនៅមួយថ្ងៃក្រោយមក ធនាគារ Hana Bank ក៏បានប្រកាសថាប្រព័ន្ធគាំទ្រប្រតិបត្តិការ (ODS) របស់ខ្លួនត្រូវបានគេលួចចូលប្រើប្រាស់ដោយមិនត្រឹមត្រូវ ដែលបណ្តាលឱ្យលេចធ្លាយព័ត៌មានផ្ទាល់ខ្លួនរបស់អតិថិជនខ្លួនចំនួន ៨៩ នាក់ រួមមានលេខអត្តសញ្ញាណប័ណ្ណ/សៀវភៅស្នាក់នៅ ឈ្មោះពេញ អាសយដ្ឋាន អ៊ីមែល លេខទូរស័ព្ទ និងកន្លែងធ្វើការ។ តែទោះជាយ៉ាងណាក៏ដោយ ប្រព័ន្ធ ODS នេះដាច់ដោយឡែកពីប្រព័ន្ធ Internet Banking និង Mobile Banking ដូច្នេះព័ត៌មានប្រតិបត្តិការហិរញ្ញវត្ថុរបស់អតិថិជនមិនត្រូវបានប៉ះពាល់នោះទេ។

ធនាគារ KB Kookmin Bank ក៏បានប្រកាសផងដែរថា ទិន្នន័យផ្ទាល់ខ្លួនរបស់អតិថិជនចំនួន ១១៩ នាក់ត្រូវបានលេចធ្លាយ បន្ទាប់ពីមានការទម្លុះចូលពីខាងក្រៅ។ ព័ត៌មានដែលបានលេចធ្លាយ រួមមានឈ្មោះពេញ លេខទូរស័ព្ទ អាសយដ្ឋាន និងលេខអត្តសញ្ញាណប័ណ្ណ/សៀវភៅស្នាក់នៅ ខណៈធនាគារ Woori Bank និងធនាគារ Nonghyup Bank ក៏ជាគោលដៅនៃការវាយប្រហារស្រដៀងគ្នានេះដែរ ប៉ុន្តែមិនមានសេចក្តីរាយការណ៍អំពីការលេចធ្លាយទិន្នន័យផ្ទាល់ខ្លួននោះទេ ដោយសារតែប្រព័ន្ធបានរារាំងការចូលប្រើប្រាស់ដោយគ្មានការអនុញ្ញាតបានដោយជោគជ័យ។

ជម្រាបជូនថា ជុំវិញបញ្ហានេះ កាលពីថ្ងៃទី៤ ខែតុលា ប្រធានាធិបតី លោក Lee បានបញ្ជាឱ្យមានការស៊ើបអង្កេតទូលំទូលាយលើករណីវាយប្រហារជាបន្តបន្ទាប់ដែលបណ្តាលឱ្យលេចធ្លាយព័ត៌មានផ្ទាល់ខ្លួននៅតាមធនាគារ និងគ្រឹះស្ថានហិរញ្ញវត្ថុទាំងនោះ។ ប្រធានាធិបតីរូបនេះក៏បានណែនាំដល់ភ្នាក់ងារពាក់ព័ន្ធឱ្យយកចិត្តទុកដាក់លើបញ្ហានេះឱ្យបានម៉ឺងម៉ាត់ ធ្វើការស៊ើបអង្កេតឱ្យបានហ្មត់ចត់ និងខិតខំប្រឹងប្រែងឱ្យអស់ពីសមត្ថភាពដើម្បីអនុវត្តវិធានការឆ្លើយតបឱ្យបានសមស្របផងដែរ៕​

The post ធនាគារធំៗរបស់កូរ៉េខាងត្បូងជាច្រើន រងការវាយប្រហារតាមប្រព័ន្ធអ៊ីនធើណិត appeared first on .

សេដ្ឋកិច្ចកម្ពុជានាឆមាសទី១ ឆ្នាំ២០២៦ ត្រូវបានប៉ាន់ស្មានថាមានការថយល្បឿនកំណើន ដោយសារភាពមិនប្រាកដប្រជានៃស្ថានភាពពិភពលោកនិងក្នុងស្រុក។ ក្នុងនោះ វិស័យទេសចរណ៍ សំណង់ និងអចលនទ្រព្យបានបន្តជួបភាពទន់ខ្សោយ ប៉ុន្តែកំណើនសេដ្ឋកិច្ចជារួមនៅតែត្រូវបានគាំទ្រដោយការនាំចេញ ការវិនិយោគផ្ទាល់ពីបរទេស និងផលិតកម្មក្នុងស្រុក។ដោយសារការឡើងថ្លៃប្រេងឥន្ធនៈ អត្រាអតិផរណារួមបានស្ទុះឡើងដល់ ៧,២% ក្នុងខែឧសភា និង ៦,៨% ក្នុងខែមិថុនា។ ទោះជាយ៉ាងណា សមតុល្យជញ្ជីងទូទាត់បន្តមានអតិរេកដោយសារលំហូរចូលនៃមូលធន ហើយទុនបម្រុងអន្តរជាតិជារួមនៅតែរក្សាបានកម្រិតខ្ពស់ ដែលអាចធានាការនាំចូលទំនិញនិងសេវាបានរហូតដល់ប្រមាណ ៨ខែ។

យោងតាមរបាយការណ៍ធនាគារជាតិ ស្របតាមការប្រែប្រួលសេដ្ឋកិច្ច ប្រាក់រៀលបន្តរក្សាបានស្ថិរភាពល្អប្រសើរ ដោយប្រែប្រួលជាមធ្យម ត្រឹម ០,៩% ប៉ុណ្ណោះ។ អត្រាប្តូរប្រាក់មានកម្រិតជាមធ្យម ៤.០១៧ រៀលក្នុងមួយដុល្លារអាមេរិក ដែលរួមចំណែករក្សាអំណាចទិញនៃប្រាក់រៀល។ អត្រាប្រាក់បម្រុងកាតព្វកិច្ចជារៀលនិងជារូបិយប័ណ្ណ ត្រូវបានរក្សាក្នុងកម្រិត ៧% ស្របពេលដែលការស្រូបនិងការផ្តល់សន្ទនីយភាពជាប្រាក់រៀលមានកម្រិត សមស្រប ដោយមូលបត្រអាចជួញដូរបាន (NCD) ជារៀល ត្រូវបានបោះផ្សាយជាមធ្យម ៣,៧ ទ្រីលាន រៀលក្នុងមួយខែ ខណៈប្រតិបត្តិការផ្តល់សន្ទនីយភាពដោយមានការធានា (LPCO) មានកម្រិតជាមធ្យម ៤៧៦ ប៊ីលានរៀលក្នុងមួយខែ។ ដើម្បីរួមចំណែកកាត់បន្ថយថ្លៃដើមប្រភពទុនជារៀល អត្រាការប្រាក់យោងត្រូវបានកាត់បន្ថយមក ២,៥% ខណៈអត្រាការប្រាក់អន្តរធនាគារជាប្រាក់រៀលជាមធ្យមមាន ស្ថិរភាពនៅកម្រិត ៣,៣៦%។

របាយការណ៍បានបញ្ជាក់ថា ប្រព័ន្ធធនាគារបន្តរក្សាបានភាពរឹងមាំទាំងដើមទុននិងសន្ទនីយភាព ទោះបីទទួលរងផលប៉ះពាល់ពីកត្តាខាងក្រៅនិងក្នុងស្រុក។ ភាពមិនប្រាកដប្រជានៃស្ថានភាពសេដ្ឋកិច្ចនិងហិរញ្ញវត្ថុសកល គួបផ្សំនឹងភាពទន់ខ្សោយនៃវិស័យសេដ្ឋកិច្ចមួយចំនួន បានដាក់សម្ពាធដល់ការបញ្ចេញឥណទាននិងគុណភាពឥណទាន។ ឥណទានមានកំណើន ៤,៦% ហើយអនុបាតឥណទានមិនដំណើរការដុលមានកម្រិត ៩,៦%។ ទោះយ៉ាងណា អនុបាតឥណទានមិនដំណើរការសុទ្ធមានកម្រិតត្រឹម ៣,៣% ដែលបង្ហាញពីលទ្ធភាពខ្ពស់របស់គ្រឹះស្ថានធនាគារនិងហិរញ្ញវត្ថុក្នុងការស្រូបយកការខាតបង់។ ម៉្យាងទៀត ដើមទុននិងសន្ទនីយភាពរបស់គ្រឹះស្ថានធនាគារនិងហិរញ្ញវត្ថុ បន្តមានកម្រិតខ្ពស់ ដោយអនុបាតដើមទុនសរុបរបស់ គ្រឹះស្ថានធនាគារនិងហិរញ្ញវត្ថុទទួលប្រាក់បញ្ញើមានកម្រិត ២៣,៣% (ធៀបនឹងកម្រិតអប្បបរមា តាមបទប្បញ្ញត្តិ ១៥%) ហើយអនុបាតក្របខណ្ឌសន្ទនីយភាពមានកម្រិត ១៧២,៨% (ធៀបនឹងកម្រិត អប្បបរមាតាមបទប្បញ្ញត្តិ ១០០%)។

លើសពីនេះ ការជំរុញបរិយាបន្នហិរញ្ញវត្ថុនិងហិរញ្ញវត្ថុប្រកបដោយចីរភាព បន្តមានវឌ្ឍនភាពល្អប្រសើរ ខណៈដែលការពង្រឹងកិច្ចការពារអតិថិជននិងការអភិវឌ្ឍកិច្ចការពារប្រាក់បញ្ញើ បានរួមចំណែក លើកកម្ពស់ជំនឿទុកចិត្ត។ ចំនួនគណនីប្រាក់បញ្ញើអតិថិជនបានកើនឡើង ៣៨,៣% ដល់ ៣៩,៦ លាន គណនី ស្របពេលដែលចំនួនគណនីឥណទានបានកើនឡើង ៩,៧% ដល់ ៤,៧ លានគណនី៕

The post ប្រព័ន្ធធនាគារកម្ពុជានៅតែមានភាពធន់ និងរឹងមាំ ទោះបីស្ថិតក្នុងភាពមិនប្រាកដប្រជានៃពិភពលោក appeared first on .

ជុំវិញបណ្តឹងចុងក្រោយនេះ ត្រូវបានដាក់ដោយលោក ត្រាំ ផ្ទាល់ ទៅកាន់តុលាការរដ្ឋ Florida កាលពីថ្ងៃទី២២ ខែមករា។ នៅក្នុងនោះ លោក ត្រាំ បានចោទប្រកាន់ធនាគារ JPMorgan ដែលជាធនាគារធំជាងគេបំផុតនៅសហរដ្ឋអាមេរិក ពីបទរំលោភលើគោលការណ៍ផ្ទាល់ខ្លួន ដោយបានបិទគណនីរបស់លោក ត្រាំ សម្រាប់គោលបំណងនយោបាយ។ ពាក់ព័ន្ធទៅនឹងការបិទគណនីនេះ បានកើតឡើងក្នុងអំឡុងពេលមានកុបកម្មនៅមុខវិមាន US Capitol ក្នុងខែមករា ឆ្នាំ២០២១។

នៅក្នុងបណ្តឹងដដែលនោះ លោក ត្រាំ បាននិយាយទៀតថា JPMorgan បានរំលោភលើគោលការណ៍ផ្ទាល់ខ្លួនដោយឯកតោភាគី ជាមួយនឹងការបិទគណនីដែលជាកម្មសិទ្ធិរបស់លោក និងអាជីវកម្មរបស់លោក។

មិនតែប៉ុណ្ណោះ ប្រធានាធិបតីអាមេរិក ក៏បានចោទប្រកាន់នាយកប្រតិបត្តិលោក Jamie Dimom ផងដែរ ពីបទដឹកនាំបង្កើតបញ្ជីខ្មៅ ដើម្បីព្រមានធនាគារផ្សេងទៀតកុំឲ្យធ្វើអាជីវកម្មជាមួយអង្គការ Trump សមាជិកគ្រួសាររបស់លោក ត្រាំ និងរួមទាំងលោក ត្រាំ ខ្លួនគាត់ផ្ទាល់ផងដែរ។

ប៉ុន្តែទោះជាយ៉ាងណាក៏ដោយ JPMorgan បានចេញមុខបដិសេធការចោទប្រកាន់នេះ។ ហើយបានចេញសេចក្តីថ្លែងការណ៍មួយថា ៖”យើងសោកស្តាយដែលប្រធានាធិបតី ត្រាំ បានដាក់ពាក្យបណ្តឹង។ ប៉ុន្តែយើងជឿថាបណ្តឹងនេះគ្មានមូលដ្ឋានច្បាស់លាស់នោះឡើយ។ យើងគោរពសិទ្ធិរបស់ប្រធានាធិបតីក្នុងការប្តឹង និងសិទ្ធិរបស់លោកក្នុងការការពារខ្លួន” ៕​

The post លោក ត្រាំ ប្តឹងធនាគារធំជាងគេបំផុតរបស់អាមេរិក ទាមទារសំណងជំងឺចិត្ត ៥ពាន់លានដុល្លារ appeared first on .

ធនាគារកណ្តាលអាមេរិក បានកាត់បន្ថយអត្រាការប្រាក់ ២៥​ ពិន្ទុ ឬ ០,២៥% ដែលនេះមានន័យថាអត្រាការប្រាក់គោលរបស់ Fed បច្ចុប្បន្ន ត្រូវបានទម្លាក់មកនៅត្រឹម ៤-៤,២៥%​។

យ៉ាងណាមិញប្រធាន Fed លោក Jerome Powell បានសង្កត់ធ្ងន់ថា ធនាគារកណ្តាល នៅតែប្តេជ្ញាចិត្តយ៉ាងមុតមាំ ក្នុងការរក្សាឯករាជ្យភាពរបស់ខ្លួនពីនយោបាយ បើទោះបីជាទទួលរងសម្ពាធយ៉ាងខ្លាំង ពីសំណាក់ប្រធានាធិបតីអាមេរិក ក៏ដោយ។

គួរឲ្យដឹងថា កន្លងមក លោក ត្រាំ​ បានទទូចម្តងហើយម្តងទៀត ឲ្យធនាគារកណ្តាលអាមេរិក ធ្វើការទម្លាក់អត្រាការប្រាក់របស់ខ្លួន ខណៈពេលដែលសេតវិមាន បន្តរិះគន់ទៅលើលោក Powell ថាមានភាពយឺតយ៉ាវ ក្នុងការសម្រេចចិត្តកាត់បន្ថយអត្រាការប្រាក់បន្ថែម។

ប៉ុន្តែទោះជាយ៉ាងណាក៏ដោយ លោក Powell បានបញ្ជាក់បន្ថែមថា Fed មានសិទ្ធិក្នុងការរង់ចាំមើលពីរបៀបដែលពន្ធគយ និងអតិផរណា ក៏ដូចជាទីផ្សារការងារវិឌ្ឍទៅមុខ មុនពេលនឹងសម្រេចចិត្តទម្លាក់អត្រាការប្រាក់បន្ថែមទៀត៕​

The post ធនាគារកណ្តាលអាមេរិក កាត់បន្ថយអត្រាការប្រាក់ជាលើកដំបូង ក្រោមសម្ពាធរបស់លោក ត្រាំ appeared first on .

ជុំវិញវិធានការណ៍នេះ ត្រូវបានប្រកាសឡើងចំពេលមានកើនឡើងយ៉ាងខ្លាំងនៃការបោកប្រាស់តាមប្រព័ន្ធអ៊ីនធើណិត ដែលបានមើលឃើញទឹកប្រាក់សរុបចំនួនប្រមាណ ៦ពាន់លានបាត ត្រូវបានដកចេញពីគណនីជនរងគ្រោះ ក្នុងឆ្នាំកន្លងទៅ។

យ៉ាងណាមិញ បើតាមមន្ត្រីធនាគារកណ្តាល បានលើកឡើងពីការកើនឡើងយ៉ាងខ្លាំង នៅក្នុងការផ្ទេរសាច់ប្រាក់ចេញពីគណនីចម្បង ដែលជាទម្រង់មិនប្រក្រតី ឬទើបបើកថ្មី ដែលត្រូវបានគេងប្រវ័ញ្ចដោយអ្នកបោកប្រាស់ ដើម្បីលាងលុយកខ្វក់ ជាដើម។

ការបង្រ្កាបនេះបានធ្វើឲ្យមានការភ្ញាក់ផ្អើលពេញមួយវិស័យហិរញ្ញវត្ថុរបស់ប្រទេសថៃ ដែលប៉ះពាល់ដល់មិនត្រឹមតែអ្នកលួចបន្លំប៉ុណ្ណោះទេ ថែមទាំងមានម្ចាស់គណនីស្របច្បាប់ដែលត្រូវបានជាប់ពាក់ព័ន្ធផងដែរ។ អាជីវកម្ម និងបុគ្គលជាច្រើន បានរាយការណ៍ពីការបង្កកគណនីភ្លាមៗ ដែលធ្វើឲ្យរំខានដល់ប្រតិបត្តិការប្រចាំថ្ងៃ និងជំរុញឲ្យមានការប្រញាប់ប្រញាល់ទៅរកវិធីទូទាត់ផ្សេងជំនួស។

ទន្ទឹមនឹងនេះ​ យោងតាមរបាយការណ៍ពី Thai Enquirer បានរាយការណ៍ឲ្យដឹងទៀតថា យុទ្ធសាស្រ្តរបស់ធនាគារកណ្តាលថៃ ក្នុងការបង្ក្រាបនេះ រួមមានការដាក់ដែនកំណត់សម្រាប់ការផ្ទេរប្រាក់ លើក្រុមដែលងាយរងគ្រោះដូចជាមនុស្សចាស់ និងអនីតិជន ដែលអាចផ្ទេរបានត្រឹម ៥០ ០០០បាតក្នុងមួយថ្ងៃ ខណៈពេលដែលអ្នកប្រើប្រាស់ស្តង់ដារត្រូវបានកំណត់ត្រឹម ២០០ ០០០បាត ក្នុងមួយថ្ងៃ៕​

The post ថៃ បង្កកគណនីធនាគារ ៣ លានគណនី ក្នុងការបង្ក្រាបការឆបោកទ្រង់ទ្រាយធំ appeared first on .

ខណៈដែលភាគច្រើនកំពុងរំពឹងថានឹងមានការកាត់បន្ថយអត្រាការប្រាក់បន្ថែមទៀតនៅឆ្នាំនេះ ធនាគារកណ្តាលអាមេរិកថ្មីៗនេះបានអោយដឹងថាកុំមានសុទិដ្ឋិនិយមខ្លាំងពេក (សម្រាប់ការកាត់បន្ថយអត្រាការប្រាក់បន្ថែម) ហើយធនាគារកណ្តាលអាមេរិកនឹងមិនប្រញាប់ប្រញ៉ាលកាត់បន្ថយអត្រាការប្រាក់នោះទេ។ “ការជំរុញដោយទិន្នន័យ” បន្តត្រូវបានបញ្ជាក់សារជាថ្មីម្តងទៀត។ ដូចនេះ «កុំប្រឆាំងជាមួយធនាគារកណ្តាលអាមេរិក» ។

បើតាមការលើកឡើងពីលោក Raymond Sia នាយកប្រតិបត្តិធនាគារកាណាឌីយ៉ាដែលបានសរសេរអត្ថបទមួយទាក់ទិននឹងអត្រាការប្រាក់កាលពីមួយខែមុននៅលើ LinkedIn ផ្ទាល់ខ្លួនរបស់លោក បានឲ្យដឹងថា៖ នេះគឺធ្វើតាមនិន្នាការធ្លាក់ចុះនៃប្រាក់ដុល្លារសម្រាប់រយៈពេលបីខែកន្លងមក (ពីខែមិថុនាដល់ថ្ងៃទី២៤ ខែកញ្ញា) ដោយធនាគារកណ្តាលអាមេរិកបានកាត់បន្ថយអត្រាការប្រាក់ដល់ 50bps នៅចុងខែកញ្ញា ឆ្នាំ២០២៤។ បន្ទាប់មក ប្រាក់ដុល្លារបានចាប់ផ្តើមគន្លងកើនឡើងរបស់ខ្លួន បើទោះបីជាតម្លៃទីផ្សារមានការកាត់បន្ថយអត្រាការប្រាក់យ៉ាងតិចពីរបន្ថែមទៀតក៏ដោយ (ប្រហែលជាមានការកាត់បន្ថយតែមួយភាគប៉ុណ្ណោះដោយផ្អែកលើទិន្នន័យថ្មីៗ ) មុនឆ្នាំ២០២៤ត្រូវបានបញ្ចប់។ ដូច្នេះយើងមានសំណួរមួយចំនួនដែលគួរគិតពិចារណា។

តើនឹងមានអ្វីកើតឡើង ប្រសិនបើយើងយល់ខុសអំពីអតិផរណា?

ចុះប្រសិនបើធនាគារកណ្តាលសហរដ្ឋអាមេរិកគិតខុសអំពីគន្លងអតិផរណា ហើយអតិផរណានឹងត្រលប់មករំខានទីផ្សារ ខណៈដែលបុណ្យណូអែល/ឆ្នាំថ្មីឆ្នាំ២០២៥ ខិតជិតមកដល់?

នៅទូទាំងពិភពលោក សេដ្ឋកិច្ចនៃបណ្តាប្រទេសភាគច្រើនកំពុងបង្ហាញលទ្ធផលវិជ្ជមាននៅក្នុងការប្រយុទ្ធប្រឆាំងនឹងអតិផរណា។ នៅសហរដ្ឋអាមេរិក និងចក្រភពអង់គ្លេស អតិផរណានៅតែបន្តធ្លាក់ចុះបើប្រៀបធៀបទៅនឹងឆ្នាំមុន ប៉ុន្តែទិន្នន័យថ្មីៗនេះបានធ្វើឱ្យមានការភ្ញាក់ផ្អើល និងបង្កឱ្យមានការបារម្ភមួយចំនួន។ នៅក្នុងតំបន់អាស៊ាន ធនាគារកណ្តាលជាច្រើនបានរក្សាអត្រាការប្រាក់ ហើយប្រទេសមួយចំនួនថែមទាំងកាត់បន្ថយអត្រាគោលនយោបាយរូបិយវត្ថុក្នុងប្រទេសរបស់ពួកគេ ដូចជាធនាគារកណ្តាលថៃកាលពីសប្តាហ៍មុន។

យ៉ាងណាក៏ដោយ យើងត្រូវចាំថា រាល់ភាពតានតឹងភូមិសាស្ត្រនយោបាយដែលកើនឡើងបែបនេះនឹងជះឥទ្ធិពលដល់អតិផរណា ស្របនឹងការប្រញាប់ប្រញាល់រកកន្លែងសុវត្ថិភាព (ម្តងទៀត) និងផ្តល់នូវសន្ទុះបន្ថែមទៀតសម្រាប់ប្រាក់ដុល្លារ។ «អតិផរណាធ្វើឱ្យយើងធ្លាក់តម្លៃទាំងអស់គ្នា។»

សូមបញ្ជាក់ផងដែរថា លោក Raymond Sia បច្ចុប្បន្ន មានតួនាទីជានាយកប្រតិបត្តិនៃធនាគារកាណាឌីយ៉ា និងជាវាគ្មិនដែលមានបទពិសោធន៍ និងជាអ្នកសរសេរអត្ថបទអំពីធនាគារ ការប្តូរប្រាក់ និងភាពជាអ្នកដឹកនាំ។ ខាងលើគឺជាទស្សនៈផ្ទាល់ខ្លួនរបស់លោក ហើយមិនឆ្លុះបញ្ចាំងពីស្ថាប័នដែលលោកកំពុងបំពេញការងារឱ្យនោះទេ៕

ដកស្រង់និងប្រែសម្រួលពី៖ Link

The post តើធនាគារកណ្ដាលអាម៉េរិក នឹងបន្ថយអត្រា​ការ​ប្រាក់​ចុះបាន​ទៀត​ដល់កម្រិតណា? appeared first on .

ពិធីចុះ MoU រវាងក្រសួងការងារ និងបណ្តុះបណ្តាលវិជ្ជាជីវៈ និងធនាគារទាំង០៨ បានធ្វើឡើង ក្រោមការអញ្ជើញចូលរួមជាអធិបតីភាព ដោយ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា កាលព្រឹកថ្ងៃទី ៩ ខែសីហា ឆ្នាំ២០២៤។

នាឱកាសនោះ សម្តេចធិបតី ហ៊ុន ម៉ាណែត បានថ្លែងអរគុណធនាគារទាំងអស់ ដែលបានសហការជាមួយក្រសួងការងារ និងបណ្តុះបណ្តាលវិជ្ជាជីវៈនៅក្នុងការចាប់ផ្តើម និងការអនុវត្តគម្រោងថ្នាក់ជាតិដ៏មានសារៈសំខាន់នេះ រហូតយើងអាចផ្លាស់ប្តូរអនុស្សារណៈយោគយល់គ្នា នាថ្ងៃនេះ។

គោលបំណងនៃអនុស្សារណ:យោគយល់គ្នា​នេះ​ គឺកិច្ចសហការជាយុទ្ធសាស្ត្រ និងការយោគយល់គ្នារវាងក្រសួងការងារ និងបណ្តុះបណ្តាលវិជ្ជាជីវៈ និងធនាគារគំរូទាំង ៨ នេះ គឺដើម្បីផ្តល់ឥណទានគាំទ្រដល់ពលករ និងសិក្ខាកាម ដែលត្រូវទៅធ្វើការនៅបរទេសឱ្យទទួលបានទំហំឥណទានដ៏សមស្របជាមួយអត្រាការប្រាក់សមរម្យ និងមានលក្ខខណ្ឌឥណទានល្អប្រសើរ សម្រាប់ចំណាយលលើការបំពេញឯកសារ និងសេវាកម្មផ្សេងៗ មុននឹងចេញដំណើរទៅធ្វើការនៅបរទេស។

គួរបញ្ជាក់ដែរថា ធនាគារចំនួន ៨ នោះរួមមាន៖ ១, ធនាគារ ខេប៊ីប្រាសាក់ ម.ក (KB PRASAC Bank Plc), ២- ធនាគារ អ៊ូរី (ខេមបូឌា) ម.ក (Woori Bank Cambodia រឺ WBC, ៣- ធនាគារប្រៃណីយ៍កម្ពុជាម.ក, ៤- ធនាគារកាណាឌីយ៉ា (Canadia Bank) ៥- ធនាគារ អេស៊ីលីដា (ACLEDA Bank) ៦- ធនាគារ វឌ្ឍនៈអាស៊ី ចំកាត់ (ABA) ៧- ធនាគារ វឹង (ខេមបូឌា) ម.ក (Wing Bank) និង៨- ធនាគារ អេស ប៊ី អាយ លី ហួរ ម.ក (SBI LY HOUR PLC)៕ អត្ថបទ៖រង្សី

The post ក្រសួងការងារ និងធនាគារចំនួន៨  ចុះMoU ដើម្បីផ្តល់ឥណទានគាំទ្រដល់ពលករដែលធ្វើការនៅបរទេស appeared first on .

ការលើកឡើងរបស់លោក Peskov គឺសំអាងថា បច្ចុប្បន្នក្រុមហ៊ុនលោកខាងលិចមួយចំនួន គឺនៅតែបន្តប្រតិបត្តិការនៅក្នុងប្រទេសរុស្ស៊ី ដោយប្រើប្រាស់សេវាកម្មធនាគាអឺរ៉ុបនៅទីនោះ ដូច្នេះការដកខ្លួនចេញរបស់ធនាគារអឺរ៉ុប នឹងបង្កឲ្យកកស្ទះដល់ប្រតិបត្តិការរបស់ក្រុមហ៊ុនទាំងនោះ។

គួររំលឹកបន្តិចថា ចាប់តាំងពីរុស្ស៊ីបើកការវាយប្រហារលើប្រទេសអ៊ុយក្រែន ក្រុមហ៊ុនបរទេសប្រហែល ១ ០០០ក្រុមហ៊ុនបានចាកចេញពីទីផ្សាររុស្ស៊ី ហើយបានខាតបង់ប្រាក់ច្រើនជាង ១០៧ពាន់លានដុល្លារថែមទៀត។

ជម្រាបបន្ថែមថា បច្ចុប្បន្នធនាគារអឺរ៉ុបចំនួន ២ គឺធនាគារ Raiffeisen Bank International របស់ប្រទេសអូទ្រីស និងធនាគារ UniCredit របស់ប្រទេសអ៊ីតាលី គឺបានដើរតួយ៉ាងសំខាន់ ជាស្ពានសម្រាប់ការធ្វើជំនួញរវាងក្រុមហ៊ុនលោកខាងលិច និងក្រុមហ៊ុនរុស្ស៊ី៕

The post វិមានក្រឹមឡាំង៖ ការចាកចេញរបស់ធនាគារអឺរ៉ុប នឹងជះឥទ្ធិពលដល់ក្រុមហ៊ុនលោកខាងលិច និងរុស្ស៊ី appeared first on .

ជុំវិញចំណាត់ការនេះ ត្រូវបានធ្វើឡើងស្របតាមពាក្យបណ្តឹងរបស់ក្រុមហ៊ុនរុស្ស៊ី RusKhimAlians ដើម្បីទាមទារឲ្យធនាគារទាំងពីរបង់ថ្លៃធានា ក្រោមកិច្ចសន្យាជាមួយក្រុមហ៊ុនអាល្លឺម៉ង់ Linde សម្រាប់គម្រោងសាងសង់រោងចក្រកែច្នៃឧស្ម័នដ៏ធំមួយ នៅក្នុងប្រទេសរុស្ស៊ី ក៏ព្រោះតែក្រុមហ៊ុន Linde បានដកខ្លួនចេញពីគម្រោងនេះវិញ ក្រោយការប្រកាសសង្គ្រាមរបស់រុស្ស៊ី។

បើតាមឯកសារដែលបានចុះកាលពីថ្ងៃទី១៦ ឧសភា បានបង្ហាញថា តុលាការនៅទីក្រុង St. Petersburg បានសម្រេចយល់ព្រមរឹបអូសយកទ្រព្យសម្បត្តិដែលមានតម្លៃប្រមាណ ២៣៩លានអឺរ៉ូ (២៦០លានដុល្លារ) ពីធនាគារ Deutsche Bank ។

ទន្ទឹមនឹងនេះ នៅថ្ងៃដដែលតុលាការរុស្ស៊ី ក៏បានបញ្ជាឱ្យរឹបអូសទ្រព្យសម្បត្តិតម្លៃប្រហែល ៤៦៣លានអឺរ៉ូ (៥០៤លានដុល្លារ) ដែលជាកម្មសិទ្ធិរបស់ធនាគារអ៊ីតាលី UniCredit ផងដែរ ដែលស្មើទៅនឹងប្រមាណ ៤% នៃទ្រព្យសម្បត្តិសរុបទាំងអស់ធនាគារនេះ នៅក្នុងប្រទេសរុស្ស៊ី រួមទាំងតម្លៃភាគហ៊ុន និងមូលនិធិផ្សេងទៀតផងដែរ៕

The post តុលាការរុស្ស៊ី ប្រកាសរឹបអូសទ្រព្យសម្បត្តិធនាគាររបស់ប្រទេសលោកខាងលិចជិត ៨០០លានដុល្លារ appeared first on .

កិច្ចប្រជុំនេះ រៀបចំឡើងក្រោមអធិបតីភាព ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងគ្រោងមានអ្នកចូលរួមប្រមាណជា ៥០០នាក់ ដែលជាថ្នាក់ដឹកនាំគ្រឹះស្ថានហិរញ្ញវត្ថុអភិវឌ្ឍន៍ក្នុងតំបន់អាស៊ីប៉ាស៊ីហ្វិក, តំណាងទូតនៅប្រទេសកម្ពុជា, ថ្នាក់ដឹកនាំក្រសួង-ស្ថាប័នរាជរដ្ឋាភិបាល, ដៃគូអភិវឌ្ឍន៍, គ្រឹះស្ថានធនាគារ និងមីក្រូហិរញ្ញវត្ថុក្នុងប្រទេសកម្ពុជា, គ្រឹះស្ថានវិស័យឯកជន, និងភាគីពាក់ព័ន្ធមួយចំនួនផ្សេងទៀត។ 

កិច្ចប្រជុំប្រចាំឆ្នាំនេះ ជាកិច្ចប្រជុំថ្នាក់តំបន់មួយ ត្រូវរៀបចំឡើងក្រោមប្រធានបទ «តួនាទីរបស់គ្រឹះស្ថានហិរញ្ញវត្ថុ សម្រាប់ការអភិវឌ្ឍ ក្នុងប្រព័ន្ធអេកូឡូស៊ីហិរញ្ញវត្ថុ ប្រកបដោយចីរភាព» គ្រោងនឹងមានស្ថាប័នចូលរួមប្រមាណជា ៩៣ ស្ថានប័ន មកពី ៤១ប្រទេស ដែលជាសមាជិក ADFIAP និងភាគីពាក់ព័ន្ធ។ 

ធនាគារអភិវឌ្ឍន៍ជនបទ និងកសិកម្ម (ARDB) នៃព្រះរាជាណាចក្រកម្ពុជា ទទួលបានការសម្រេចពីក្រុមប្រឹក្សាភិបាល ADFIAP  ក្នុងការធ្វើជាម្ចាស់ផ្ទះរៀបចំកិច្ចប្រជុំប្រចាំឆ្នាំ លើកទី ៤៧ នៅកម្ពុជា។ 

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុក ជាអគ្គនាយកធនាគារ ARDB និងជាអនុប្រធានក្រុមប្រឹក្សាភិបាលនៃ ADFIAP បានបញ្ជាក់ឱ្យដឹងថា ការទទួលធ្វើជាម្ចាស់ផ្ទះនៃកិច្ចប្រជុំប្រចាំឆ្នាំរបស់ ADFIAP នឹងផ្តល់ផលប្រយោជន៍សម្រាប់ជាតិ ដូចជាការលើកតម្កើងកិត្តិយសរបស់កម្ពុជា លើឆាកអន្តរជាតិ ឱ្យគេបានស្គាល់កាន់តែច្រើន តាមរយៈការអញ្ជើញមកដល់នៃប្រតិភូគ្រឹះស្ថានហិរញ្ញវត្ថុអភិវឌ្ឍន៍ ជាសមាជិកចំនួន ៩៣គ្រឹះស្ថាន មកពី៤១ប្រទេស ពួកគេនឹងបានឃើញសុខសន្តិភាព និងការអភិវឌ្ឍរបស់កម្ពុជា។

ឯកឧត្តមបណ្ឌិតបន្តថា​ ការធ្វើជាម្ចាស់ផ្ទះនេះក៏អាចនឹងទាក់ទាញបាននូវលំហូរទុនវិនិយោគ ពីបណ្តាគ្រឹះស្ថានហិរញ្ញវត្ថុអភិវឌ្ឍន៍នានា មកកាន់កម្ពុជាផងដែរ ទាំងលំហូរទុនលើវិស័យកសិកម្ម រួមទាំងលំហូរឥណទានបៃតង អភិវឌ្ឍន៍ប្រកបដោយចិរភាព ដែលជាការផ្តល់ឥណទាន ផ្សាភ្ជាប់នឹងលក្ខខណ្ឌនៃការប្រែប្រួលអាកាសធាតុ មិនត្រឹមតែជារបត់សម្រាប់ធនាគារអភិវឌ្ឍន៍ប៉ុណ្ណោះទេ ធនាគារពាណិជ្ជក៏ដូចគ្នា។

ឯកឧត្តមបណ្ឌិតបន្តថា កិច្ចប្រជុំនោះក៏អាចលើកកម្ពស់កិច្ចសហប្រតិបត្តិការ និងពង្រឹងភាពជាដៃគូ រវាងស្ថាប័នផ្តល់ហិរញ្ញប្បទាន សម្រាប់ការអភិវឌ្ឍន៍ ក្នុងតំបន់អាស៊ី និងប៉ាស៊ីហ្វិក, ផ្តល់ឱកាសសម្រាប់ប្រទេសកម្ពុជា ក្នុងការចែករំលែកបទពិសោធន៍ និងទស្សនទាន លើការអនុវត្តកម្មវិធីហិរញ្ញប្បទាន ពិសេសរបស់រាជរដ្ឋាភិបាល ដល់ស្ថាប័នផ្តល់ហិរញ្ញប្បទាន សម្រាប់ការអភិវឌ្ឍន៍ក្នុងតំបន់អាស៊ី និងប៉ាស៊ីហ្វិក និងជាវេទិកាសម្រាប់ប្រទេសកម្ពុជា ទទួលបានចំណេះដឹងថ្មីៗ ពីស្ថាប័នផ្តល់ហិរញ្ញប្បទានសម្រាប់ការអភិវឌ្ឍន៍ ក្នុងតំបន់អាស៊ី និងប៉ាស៊ីហ្វិក។

ឯកឧត្តមបណ្ឌិតបានបញ្ជាក់ទៀតថា កិច្ចប្រជុំថ្នាក់តំបន់ដ៏សំខាន់នេះ ក៏នឹងចែករំលែកព័ត៌មានផ្តោតសំខាន់លើការប្រែប្រួលអាសកាសធាតុ ដែលពាក់ព័ន្ធសន្តិសុខស្បៀង និងសុខភាពរបស់ប្រជាពលរដ្ឋ, ការអនុវត្តគ្រោងទាក់ទងនឹងហិរញ្ញប្បទានបៃតង ក៏ដូចជាការអភិវឌ្ឍប្រកបដោយចីរភាពផងដែរ។  

សូមជម្រាបថា សមាគមគ្រឹះស្ថានហិរញ្ញវត្ថុអភិវឌ្ឍន៍តំបន់អាស៊ី-ប៉ាស៊ីហ្វិក (Association of Development Financing Institutions in Asia and the Pacific-ADFIAP) ត្រូវបានបង្កើតឡើងក្នុងឆ្នាំ១៩៧៦ ជាទម្រង់ជាអង្គការក្រៅរដ្ឋាភិបាល មានមុខងារផ្តល់ប្រឹក្សាជូនក្រុមប្រឹក្សាសេដ្ឋកិច្ច និងសង្គមនៃអង្គការសហប្រជាជាតិ (the United Nations’ Economic and Social Council) ដែលមានលេខាធិការដ្ឋានអចិន្ត្រៃយ៍ ស្ថិតនៅក្រុងម៉ាកាទី រដ្ឋធានីម៉ានីល ប្រទេសហ្វីលីពីន។

ធនាគារអភិវឌ្ឍន៍ជនបទ និងកសិកម្ម (ARDB)  បានចូលជាសមាជិក ADFIAP ចាប់តាំងពីឆ្នាំ ២០០៥ ។ ADFIAP មានកិច្ចប្រជុំប្រចាំឆ្នាំជាទៀងទាត់ ដោយមានការចូលរួមពីថ្នាក់ដឹកនាំ និងអគ្គនាយកនៃបណ្តាគ្រឹះស្ថានហិរញ្ញវត្ថុអភិវឌ្ឍន៍ ក្នុងតំបន់ដែលជាសមាជិក៕

The post កម្ពុជាធ្វើជាម្ចាស់ផ្ទះកិច្ចប្រជុំប្រចាំឆ្នាំ លើកទី៤៧ របស់សមាគមគ្រឹះស្ថានហិរញ្ញវត្ថុ សម្រាប់ការអភិវឌ្ឍក្នុងតំបន់អាស៊ី និងប៉ាស៊ីហ្វិក នៅសប្តាហ៍ក្រោយ  appeared first on .