លោក ហ្សង់ ហ្វ្រង់ស័រ តាន់ រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកកិច្ចការការបរទេស និងសហប្រតិបត្តិការអន្តរជាតិ បានលើកឡើងថា តាមរយៈការសំណេះសំណាលកាលពីម្សិលមិញនិងព្រឹកមិញ ជាមួយអគ្គលេខាធិការអាស៊ាន, ជាមួយប្រធានាធិបតីឥណ្ឌូណេសុី, ជាមួយសមភាគីឡាវនិងវៀតណាម…) និងតាមរយៈសុន្ទរកថា ជាអាទិ៍នៅក្នុងកិច្ចប្រជុំកំពូលធុរកិច្ចនិងវិនិយោគអាស៊ានកាលពីម្សិលមិញ, សម្តេច ហ៊ុន ម៉ាណែត ផ្តើមបញ្ជូនសារសំខាន់ៗ ទៅកាន់បរទេសក្នុងន័យបញ្ជាក់ឡើងវិញនិងក្នុងន័យពង្រឹងជំហររបស់កម្ពុជានៅលើឆាកអន្តរជាតិ។

បើតាមលោក ហ្សង់ ហ្វ្រង់ស័រ តាន់ នៅក្នុងកាលៈទេសៈអន្តរជាតិមួយតានតឹង(សង្គ្រាមនៅអ៊ុយក្រែន) និង នៅក្នុងបរិបទតំបន់មួយប្រកបដោយគ្រោះថ្នាក់(ការប្រកួតប្រជែងគ្នារវាងបណ្តាមហាអំណាចនៅអាសុី-ប៉ាសុីហ្វិក) សម្តេច ហ៊ុន ម៉ាណែត អះអាងយ៉ាងទទូចថា កម្ពុជាស្នេហាសន្តិភាព។ ក្នុងន័យនេះ សម្តេចគូសបញ្ជាក់ថា «សង្រ្គាមមិនអាចបញ្ចប់ដោយសង្រ្គាមបានឡើយ» និងថា «សន្តិភាពអាចកើតឡើងបាន លុះត្រាតែមានការស្រុះស្រួលគ្នាដោយសន្តិវិធី និងកិច្ចសន្ទនា ក្រោមស្មារតី នៃនយោបាយឈ្នះ-ឈ្នះ»។ សារទាំងនេះដែលដកស្រង់ចេញពីបទពិសោធន៍នៃវិនាសកម្មយូរអង្វែងរបស់កម្ពុជា សំដៅជាពិសេស ទៅលើវិបត្តិនៅអ៊ុយក្រែន និងនៅភូមា។

ដោយឡែក, ចំពោះសម្តេច ហ៊ុន ម៉ាណែត សន្តិភាពនិងការអភិវឌ្ឍ ចិញ្ចឹមគ្នាទៅវិញទៅមក។ គ្មានសោះឡើយការអភិវឌ្ឍសេដ្ឋកិច្ច បើគ្មានសន្តិភាព។ គ្មានដូចគ្នា សន្តិភាពយូរលង់ បើគ្មានការអភិវឌ្ឍជានិរន្តរ។ ម្ល៉ោះហើយ តាំងពីម្សិលមិញមក នៅ ហ្សាការតាប្រទេសឥណ្ឌូណេសុី, ប្រមុខរាជរដ្ឋាភិបាលកម្ពុជាប្រាថ្នាចង់បាន, ទីមួយ, ពិភពលោកមួយពហុភាគីនិយម ព្រមទាំងសណ្តាប់ធ្នាប់ពិភពលោកមួយឈរលើមូលដ្ឋានច្បាប់អន្តរជាតិនិងលើគោលការណ៍ មិនជ្រៀតជ្រែក។ ទីពីរ សម្តេច ហ៊ុន ម៉ាណែត ប្រាថ្នាចង់បានការអភិវឌ្ឍរបស់អាស៊ាន (អាស៊ានជាមហាអំណាចសេដ្ឋកិច្ចពិភពលោកទី៥)ដែលត្រូវតែពង្រឹង តាមរយៈការបន្តសមាហារណកម្មតំបន់ និងតាមរយៈការពង្រីកសមាហារណកម្មទៅក្រៅតំបន់ នៅលើវិស័យសេដ្ឋកិច្ច-ពាណិជ្ជកម្ម៕

The post សម្តេច ហ៊ុន ម៉ាណែត ផ្តើមបញ្ជូនសារសំខាន់ៗទៅកាន់បរទេសក្នុងន័យបញ្ជាក់ឡើងវិញនិងក្នុងន័យពង្រឹងជំហររបស់កម្ពុជានៅលើឆាកអន្តរជាតិ appeared first on .

បើតាមឯកឧត្តមបណ្ឌិតនាយករដ្ឋមន្រ្តី គោលនយោបាយរបស់រាជរដ្ឋាភិបាលគឺធំបំផុតធ្វើយ៉ាងណាជួយពង្រឹងសេដ្ឋកិច្ចជាតិតាមរយៈការជម្រុញកំណើនសេដ្ឋកិច្ចជាតិ ការជួយជីវភាពប្រជាជនយើងតាមរយៈការបង្កើតការងារឱ្យបានច្រើន ការជម្រុញការរៀបចំប្រព័ន្ធដឹកនាំឱ្យបានកាន់តែមានប្រសិទ្ធិភាពលើគ្រប់វិស័យ ការធានានូវសមធម៌សង្គម ដោយចែកផលលាភដល់ដៃប្រជាជនប្រកបដោយចីរភាព និងនិរន្តរភាព។

ឯកឧត្តមបណ្ឌិតមានប្រសាសន៍ថា «ការគិតគូរធំបំផុតរឿងប្រទេសជាតិ គឺគិតគូរប្រជាពលរដ្ឋ ហើយប្រជាពលរដ្ឋម្នាក់ៗកសាងអនាគតខ្លួនឯង ខិតខំប្រឹងប្រែងធ្វើការងារដោយសុចរិត បង្កើតសមត្ថភាព និងចូលរួមចំណែកក្នុងការជួយអភិវឌ្ឍន៍សេដ្ឋកិច្ចជាតិ កសាងសង្គមជាតិរបស់យើង ហ្នឹងហើយជាការជួយប្រទេសជាតិ។ការដឹកនាំប្រទេសជាតិ គឺពង្រឹងប្រជាជន ដោយមានការចូលរួមក្នុងការលើកកម្ពស់នូវស្មារតីស្នេហាជាតិបែបវិជ្ជមាន ជាកិច្ចការសំខាន់។រឿងដែលធ្វើឱ្យប្រទេសជាតិខ្លាំង គឺការធ្វើឱ្យប្រជាជនខ្លាំង»។

បន្ថែមទៀតនោះ ឯកឧត្តម ហ៊ុន ម៉ាណែត គូសបញ្ជាក់ថា ក្នុងនាមជាមន្ត្រីរាជការ និងថ្នាក់ដឹកនាំរាជរដ្ឋាភិបាលត្រូវយកប្រជាជនជាធំ ដើម្បីបំពេញភារៈកិច្ចរបស់ខ្លួន ដែលធានាដល់ការបម្រើផលប្រយោជន៍ជូនប្រពលរដ្ឋឱ្យកាន់តែមានប្រសិទ្ធភាព៕

The post នាយករដ្ឋមន្រ្តី៖ គោលនយោបាយរបស់រាជរដ្ឋាភិបាលគឺធំបំផុតជួយពង្រឹងសេដ្ឋកិច្ចជាតិ និងប្រជាជន appeared first on .

នៅក្នុងលិខិតអបអរសាទរ ទៅកាន់នាយករដ្ឋមន្ត្រីថ្មីនៃព្រះរាជាណាចក្រកម្ពុជា ដែលចេញ​ផ្សាយ​ដោយ​ក្រសួងការបរទេសនាថ្ងៃទី ០៧ ខែសីហានេះ លោក Lee បានសង្កត់ធ្ងន់ថា ទំនាក់ទំនងដ៏យូរអង្វែង និងមិត្តភាពរវាងសិង្ហបុរី និងកម្ពុជា ជាមួយនឹងទំនាក់ទំនងទ្វេភាគីបានរីកចម្រើន ចាប់តាំងពីកិច្ចប្រជុំចុងក្រោយនៅក្នុងឆ្នាំ ២០១៨ នៅពេលដែលឯកឧត្ដមបណ្ឌិត ហ៊ុន ម៉ាណែត បានធ្វើទស្សនកិច្ចនៅប្រទេសសិង្ហបុរី សម្រាប់កិច្ចប្រជុំ Lee Kuan Yew Exchange Fellow លើកទី ៦៤។

បន្ថែមពីនោះ នាយករដ្ឋមន្ត្រីនៃប្រទេសសិង្ហបុរីក៏បានលើកឡើងទៀតថា សិង្ហបុរី និងកម្ពុជា បានបង្កើនកិច្ចសហប្រតិបត្តិការលើវិស័យពាណិជ្ជកម្ម និងការវិនិយោគ ជំនួយបច្ចេកទេស ក៏ដូចជាការផ្លាស់ប្តូរយោធា ក្រោមការដឹកនាំរបស់ឯកឧត្ដមបណ្ឌិត ហ៊ុន ម៉ាណែត ក្នុងឋានៈជាអគ្គមេបញ្ជាការរងនៃកងយោធពលខេមរភូមិន្ទ និងជាអគ្គមេបញ្ជាការនៃកងយោធពលខេមរភូមិន្ទកងទ័ពកម្ពុជា។

ជម្រាបបន្ថែមថា លោក Lee ក៏បានបញ្ជាក់ទៀតថា លោកសង្ឃឹមយ៉ាង​មោះមុត​ ក្នុងការជួបជាមួយ ឯកឧត្ដមបណ្ឌិត ហ៊ុន ម៉ាណែត ដោយផ្ទាល់ សម្រាប់កិច្ចប្រជុំកំពូលអាស៊ាន​លើកទី ៤៣ ដែលនឹងធ្វើឡើងនៅទីក្រុងហ្សាកាតា ប្រទេសឥណ្ឌូណេស៊ីនាខែក្រោយនេះ៕

The post នាយករដ្ឋមន្ត្រីសិង្ហបុរី អបអរសាទរឯកឧត្ដមបណ្ឌិត ហ៊ុន ម៉ាណែត ក្លាយជានាយករដ្ឋមន្ត្រីកម្ពុជា appeared first on .

ប្រសាសន៍សម្តេចតេជោ ហ៊ុន សែន នាយករដ្ឋមន្ត្រី កាលពីពេលថ្មីៗនេះបានបង្ហាញសមាសភាពរាជរដ្ឋាភិបាល និងនាយករដ្ឋមន្ត្រីអាណត្តិទី៧ ដោយឯកឧត្តម ហ៊ុន ម៉ាណែត ជានាយករដ្ឋមន្ត្រីអាណត្តិថ្មីនេះ។ បើទោះបីជាសម្តេចតេជោ ហ៊ុន សែន មិនទាន់បង្ហើបឲ្យដឹងពីសមាសភាពរាជរដ្ឋាភិបាលអាណត្តិថ្មីនេះក៏ដោយចុះ ប៉ុន្តែលិខិតមិនផ្លូវការមួយបានបង្ហាញពីការរៀបចំសមាសភាពដឹកនាំរាជរដ្ឋាភិបាលនីតិកាលទី៧នេះ សុទ្ធសឹងតែជាអ្នកបន្តវេនរបស់គណបក្សប្រជាជនកម្ពុជា វ័យក្រោម៦០ឆ្នាំ។

លិខិតចំនួន២ទំព័របង្ហាញពីការរៀបចំសមាសភាពរាជរដ្ឋាភិបាលបម្រុងទុក កាលពីខែមីនាឆ្នាំ២០២៣នេះ តែមិនទាន់ច្បាស់ការនៅឡើយបានឲ្យដឹងថា ឯកឧត្តម ហ៊ុន ម៉ាណែត កាន់តំណែងនាយករដ្ឋមន្ត្រី, លោក ស សុខា កាន់តំណែងនាយរដ្ឋមន្ត្រីក្រសួងមហាផ្ទៃ ជាកូនប្រុសច្បងសម្តេចក្រឡាហោម ស ខេង, លោក ទៀ សីហា ជារដ្ឋមន្ត្រីក្រសួងការពារជាតិ កូនប្រុសសម្តេចពិជ័យសេនា ទៀ បាញ់, លោក សាយ សំអាល់ ជារដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ ជាកូនប្រុសសម្តេចវិបុលភក្តី សាយ ឈុំ ប្រធានព្រឹទ្ធសភា និងមានកូនឥស្សរជនជាច្រើនរូបទៀត។

យោងតាមប្រសាសន៍សម្តេចតេជោ ហ៊ុន សែន បង្ហើបពីការរៀបចំអ្នកបន្តវេនអាណត្តិទី៧ ដែលមានឯកឧត្តម ហ៊ុន ម៉ាណែត ជានាយករដ្ឋមន្ត្រីនោះគឺមានការប្រកាសគាំទ្រយ៉ាងពេញទំហឹង។​ ទន្ទឹមនឹងនេះ មជ្ឈដ្ឋាននានាក៏បាននាំគ្នាជជែកពីរឿងសមាសភាពរដ្ឋមន្ត្រីក្រសួងមហាផ្ទៃ និងរដ្ឋមន្រ្តីក្រសួងការពារជាតិ ថាតើអាចនឹងមានការដាក់កូនរបស់ឥស្សរជនជាដឹកនាំក្រសួងនេះឫយ៉ាងណា គឺលោក ស សុខា និងលោក ទៀ សីហា។ ការដែលអ្នកបន្តវេនទាំង២នេះ ទទួលការចាប់អារម្មណ៍ក៏ព្រោះថា នៅក្នុងជួរគណបក្សប្រជាជនកម្ពុជា សម្តេចក្រឡាហោម ស ខេង និងសម្តេចពិជ័យសេនា ទៀ បាញ់ ជាអនុប្រធានគណបក្ស និងជាឥស្សរជនដែលមានអំណាចដឹកនាំកងកម្លាំងនៅប្រទេសកម្ពុជា។

កូនប្រុសច្បងរបស់សម្តេចក្រឡាហោម ស ខេង គឺលោក ស សុខា បញ្ចប់ បញ្ចប់ការសិក្សាថ្នាក់ឧត្តមសិក្សាពីប្រទេសបារាំង បច្ចុប្បន្នជាអ្នកតំណាងរាស្ត្រមណ្ឌលខេត្តព្រៃវែង លំដាប់លេខរៀងទី២ ហើយមានតួនាទីជារដ្ឋលេខាធិការក្រសួងអប់រំ យុវជន និងកីឡា ដែលមានក្របខ័ណ្ឌដើមជានាយនគរបាលជាតិថ្នាក់ឧត្តមសេនីយ៍ក្រសួងមហាផ្ទៃ។ លោក ស សុខា ទទួលបានការដំឡើងឋានន្តរស័ក្តិថ្នាក់ឧត្តមសេនីយ៍ឯក (ផ្កាយ៣) ដោយព្រះរាជក្រឹត្យលេខ នស/រកត/០៩១៨/៩៩៣ ចុះថ្ងៃទី២២ ខែកញ្ញា ឆ្នាំ២០១៨។

រាជរដ្ឋាភិបាលកាលពីថ្ងៃទី៣ ខែមេសា ឆ្នាំ២០២៣ សម្រេចតែងតាំងលោក ស សុខ ជាអនុប្រធានក្រុម ការងាររាជរដ្ឋាភិបាល ចុះមូលដ្ឋានខេត្តព្រៃវែង។ តួនាទីថ្មីនេះលោកមានភារកិច្ចត្រួតពិនិត្យ និងគាំទ្រ ការអនុវត្តកម្មវិធីនយោបាយ និងយុទ្ធសាស្ត្រចតុកោណ ដំណាក់កាលទី៤ របស់រាជរដ្ឋាភិបាល និងជាតំណាងសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ប្រធានក្រុមការងាររាជរដ្ឋាភិបាល ចុះមូលដ្ឋានខេត្តព្រៃវែង។

ក្រៅពីកិច្ចការនយោបាយ បច្ចុប្បន្នលោក ស សុខា ជាអនុប្រធានសហភាពសហព័ន្ធ យុវជនកម្ពុជាទទួលបន្ទុកខេត្តព្រៃវែង និងខេត្តបាត់ដំបង។

ចំណែកលោក ទៀ សីហា ជាកូនប្រុសទី២ សម្តេចពិជ័យសេនា ទៀ បាញ់ ឧបនាយកនាយករដ្ឋមន្ត្រី រដ្ឋមន្ត្រីក្រសួងការពារជាតិ បច្ចុប្បន្នលោកកាន់តំណែងជាអភិបាលខេត្តសៀមរាប។ លោកបានបញ្ចប់ការសិក្សាផ្នែកពាណិជ្ជកម្មពីមហាវិទ្យាល័យ Passy Saint-Honoré នាទីក្រុងប៉ារីស ក្នុងឆ្នាំ២០០១ នៅទីក្រុង បារីសនិងសាលាបណ្ឌិត្យសភាយោធាបារាំង។

លោក ទៀ សីហា អតីតមន្ត្រីកងរាជអាវុធរាជធានីភ្នំពេញ ជាអតីតប្រធានក្រុមនិស្សិតស្ម័គ្រចិត្តវាស់វែងដីធ្លីទូទាំងប្រទេស ប្រចាំខេត្តសៀមរាប។ ហើយកាលណោះលោកត្រូវបានលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា តែងតាំងធ្វើប្រធាន ស.ស.យ.ក ខេតសៀមរាបផងដែរ។

លោក ទៀ សីហា ជានាយទាហានជាន់ខ្ពស់នៃកងយោធពលខេមភូមិន្ទក្រសួងការពារជាតិ ទទួលការតែងតាំងជាឧត្តមសេនីយ៍ត្រី កាលឆ្នាំ២០១១ ជាឧត្តមសេនីយ៍ទោ ក្នុងឆ្នាំ២០១៤ និងតែងតាំងជាឧត្តមសេនីយ៍ឯកផ្កាយ ៣ កាលពីថ្ងៃទី ៧ ខែមករាឆ្នាំ ២០២២។ បច្ចុប្បន្ន លោក ទៀ សីហា ជាសមាជិកគណៈកម្មាធិការកណ្តាល គណបក្សប្រជាជនកម្ពុជា និងជាប្រធានគណបក្សប្រជាជនកម្ពុជាខេត្តសៀមរាប ប្រធានយុវជនគណបក្សប្រជាជនកម្ពុជាខេត្តសៀមរាប៕

The post កូនឧបនាយករដ្ឋមន្ត្រី ២រូប ស្ថិតក្នុងក្រសែភ្នែកមជ្ឈដ្ឋានជាតិ ក្រោយរៀបចំអ្នកបន្តវេន appeared first on .

ក្នុងដំណើរបំពេញទស្សនកិច្ចផ្លូវការនៅប្រទេសឡាវ រយៈពេលពីរថ្ងៃពីថ្ងៃទី១៣ ដល់ ១៤ ខែកុម្ភៈ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងលោក សនសៃ ស៊ីផាន់ដន នាយករដ្ឋមន្រ្តីឡាវ បាន ជួបពិភាក្សាគ្នាយ៉ាងស៊ីជម្រៅអំពី ស្ថានភាពនៃទំនាក់ទំនងទ្វេភាគី និងទិសដៅអនាគតដើម្បីបន្ត ពង្រឹងចំណងមិត្តភាពជាប្រពៃណី ទំនាក់ទំនងដ៏ជិតស្និទ្ធ និងកិច្ចសហប្រតិបត្តិការរវាងប្រទេសទាំងពីរលើ វិស័យជាច្រើន រួមមាន៖ នយោបាយ-សន្តិសុខ ការពារជាតិ កិច្ចការព្រំដែន ពាណិជ្ជកម្ម និងវិនិយោគ ការតភ្ជាប់ផ្លូវអាកាស ទេសចរណ៍ ថាមពល និងការអប់រំ។
នាយករដ្ឋមន្រ្តីទាំង២ប្រទេស ក៏បានសង្កត់ធ្ងន់លើសារៈសំខាន់នៃវិស័យទេសចរណ៍ ដែលកំពុងដើរតួនាទីយ៉ាងសំខាន់ក្នុងការអភិវឌ្ឍសេដ្ឋកិច្ចសង្គម លើសពីនោះ ក៏បានស្វាគមន៍នៃការបើកឡើងវិញនូវជើងហោះហើរត្រង់ពីហ្លួងប្រាប្រាង-ប៉ាកសេ-សៀមរាប ដោយក្រុមហ៊ុនអាកាសទេសចរណ៍ឡាវផងដែរ។
ក្នុងការពិភាក្សានោះ ភាគីទាំងពីរបានធ្វើការកត់សម្គាល់ដោយពេញនូវកំណើនពាណិជ្ជកម្មទ្វេភាគីរវាងកម្ពុជា និងឡាវ ដែលមានសន្ទុះជាវិជ្ជមានកើនឡើងពី ១៦០ លានដុល្លារអាមេរិក ក្នុងឆ្នាំ២០២១ ទៅ២១០លានដុល្លារ នៅឆ្នាំ២០២២។

ឆ្លៀតក្នុងឱកាសនោះ នាយករដ្ឋមន្រ្តីកម្ពុជា ក៏បានលើកទឹកចិត្តឱ្យមានការពន្លឿនកិច្ចចរចារលើកិច្ចព្រមព្រៀងស្តីពីការចៀសវាងការយកពន្ធត្រួតគ្នា និងការរៀបចំព្រឹតិ្តការណ៍ផ្គូរផ្គងដៃគូពាណិជ្ជកម្ម ការតាំងពិព័រណ៍ និងសិក្ខាសាលា ដើម្បីផ្តល់ឱកាសកាន់តែច្រើនសម្រាប់ការផ្លាស់ប្តូរពាណិជ្ជកម្មវិនិយោគ និងដើម្បីជំរុញនូវពាណិជ្ជកម្មទ្វេភាគី និងសកម្មភាពសេដ្ឋកិច្ចនានារវាងប្រទេសទាំងពីរផងដែរ៕

The post នាយករដ្ឋមន្ត្រីកម្ពុជា លើកទឹកចិត្តឲ្យបើកការហោះហើរត្រង់ទៅមក ភ្នំពេញ-វៀងច័ន្ទន៍ ឡើងវិញ appeared first on .

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ាននាឆ្នាំ២០២២នេះ បាន​លើក​ឡើង​បន្តថា៖ «ខណៈយើងធ្វើដំណើរទៅមុខ យើងក៏មិនត្រូវភ្លេចនូវអតីតកាល និងគុណតម្លៃ ដែល​យើង​បានកសាង និងថែរក្សានោះទេ ព្រោះថាទំនាក់ទំនងរបស់យើងទាំងអស់គ្នា មិន​កើត​ឡើង​ដោយ​ចៃដន្យ​នោះ​ទេ ប៉ុន្តែតាមរយៈការប្រឹងប្រែង ការប្តេជ្ញាចិត្ត និងការព្យាយាមជាច្រើនឆ្នាំ។ ហេតុនេះ យើងត្រូវថែរក្សា និងដឹងគុណដល់អ្វីៗដែលយើងបានកសាងកន្លងមក ហើយខ្ញុំជឿជាក់ថា បាវចនា «អាស៊ាន ចក្ខុ​វិស័យ​តែមួយ អត្តសញ្ញាណតែមួយ និងសហគមន៍តែមួយ» នៅតែមានគុណតម្លៃពិតប្រាកដ នាពេលនេះ»។ 

សម្តេចតេជោបន្តថា ជាមួយនឹងការព្យាយាម និង​កិច្ចខិតខំប្រឹងប្រែងប្រកបដោយស្មារតីលះបង់របស់យើង​ តាមរយៈសមាជិកអាស៊ាននីមួយៗ និងអាស៊ានជារួម ​យើងអាចប្រកាសដោយមោទនភាពថា យើង​បាន​យកឈ្នះលើការគម្រាមគំហែង​របស់ជំងឺកូវីដ-១៩ ​ហើយបានចាប់ផ្ដើមដំណើការស្ដារឡើងវិញ ​នូវ​សកម្មភាព​សង្គម-សេដ្ឋកិច្ច។

យ៉ាងណាមិញ នាឱកាសនោះដែរ សម្តេចតេជោ ក៏​បាន​អំពាវ​នាវ​ឱ្យ​អាស៊ាន​ចូល​រួម​ថែ​រក្សា​ចំនុច​អាទិភាព​ធំ​ចំនួន៣ គឺ ឯកភាព សាមគ្គីភាព និងមជ្ឈភាព ដែលជាអាទិភាពចម្បងបំផុត ដើម្បី​ធានា​ឱ្យ​តំបន់​អាស៊ាន​ មានចីរភាព និងភាពធន់ សម្រាប់ព្រឹត្តិការណ៍ដែលអាចកើតមាននាពេលអនាគត បើ​ទោះ​ជា​សេដ្ឋកិច្ច​នៅក្នុងតំបន់អាស៊ាន ងើបឡើងវិញបានបន្តិច និងឆ្ពោះទៅរកកំណើនខ្ពស់បណ្ដើរៗ ទាំងឆ្នាំនេះ និងឆ្នាំក្រោយក្តី៕

The post សម្តេចតេជោ ឱ្យអាស៊ានថែរក្សាចំនុចអាទិភាពចំនួន៣ ដើម្បីធានាឱ្យតំបន់អាស៊ានមានចីរភាព appeared first on .

នៅក្នុងពិធីសម្ពោធដាក់ឲ្យប្រើប្រាស់ជាផ្លូវការនូវអគាររដ្ឋបាល និងសាលប្រជុំទីស្តីការក្រសួងការពាជាតិ នៅព្រឹកថ្ងៃទី២៩ ខែធ្នូនេះ សម្តេច ហ៊ុន សែន បានថ្លែងថា៖ «នៅពេលដែលខ្ញុំចាកចេញពីតំណែងនាយករដ្ឋមន្រ្តី ខ្ញុំនឹងសម្រេចបំណងអ្នកដែលស្នើសុំឱ្យរៀបចំច្បាប់កំណត់អាយុនាយករដ្ឋមន្រ្តី»។ សម្តេចថា «តើអ្នកឯងចង់បានអាយុប៉ុន្មាន ប្រាប់មកមួយសារទៀត»។

ជុំវិញករណីនេះ ប្រមុខរដ្ឋាភិបាលកម្ពុជា បានពន្យល់ថា៖« អាណត្តិនាយករដ្ឋមន្រ្តី អត់មានកំណត់បានទេ ព្រោះគេបោះឆ្នោតរើសសមាជិកសភា គេមិនមែនបោះឆ្នោតផ្ទាល់រើសប្រធានាធិបតីឯណា ហើយសភាទេដែលបោះឆ្នោតរើសនាយករដ្ឋមន្រ្តី គេមិនមែនបោះឆ្នោត Direct ដើម្បីឱ្យមនុស្សហ្នឹងក្លាយទៅជានាយករដ្ឋមន្រ្តីឯណា? ហើយរឿងនរណាធ្វើនាយករដ្ឋមន្រ្តីនៅពេលណាគឺជារឿងបក្សរបស់គេ»។

ជាថ្មីម្តងទៀត សម្តេច ហ៊ុន សែន បានអះអាងបន្តថា សម្តេចអាចចូលនិវត្តមុន១ឆ្នាំទៅទៀត នៃអាយុចូលនិវត្តន៍របស់នាយករដ្ឋមន្រ្តី។

ដូចគ្នានេះដែរ រដ្ឋសភាកម្ពុជា ក៏បានអនុម័តច្បាប់កំណត់សញ្ជាតិខ្មែរតែមួយរួចមកហើយ សម្រាប់ដំណែងនាយករដ្ឋមន្រ្តី ប្រធានរដ្ឋសភា ប្រធានព្រឹទ្ធសភា និងប្រធានក្រុមប្រឹក្សាធម្មនុញ្ញ ដែលចូលជាធរមានកាលពីថ្ងៃទី០៨ ខែតុលា ឆ្នាំ២០២១៕

The post រដ្ឋាភិបាល គ្រោងនឹងរៀបចំច្បាប់កំណត់អាយុចូលនិវត្តន៍របស់នាយករដ្ឋមន្រ្កីកម្ពុជា ប៉ុន្តែមិនកំណត់អាណត្តិឡើយ appeared first on .

ការបំពាក់មេដាយមាស World Summit Peace សម្ដេចនាយករដ្ឋមន្ត្រី គឺជាមហាកិត្តិយស ដល់ប្រមុខថ្នាក់ដឹកនាំកម្ពុជាផ្ទាល់ និងប្រជាជនកម្ពុជាទូទាំងប្រទេស ពីសំណាក់ស្ថាប័នស្រាវជ្រាវឆ្នាំ២០២២ នៃមហាសន្និបាតនៃក្តីសង្ឃឹមពិភពលោកលើកទី៧ ក្រោមប្រធានបទ «សន្តិភាពនៅតំបន់អាស៊ីប៉ាស៊ីហ្វិក»។

កម្មវិធីមហាសន្និបាត នៃក្តីសង្ឃឹមលើកទី៧ ត្រូវបានធ្វើឡើងតាមរយៈប្រព័ន្ធអនឡាញ ហើយរៀបចំដោយអង្គការសហព័ន្ធសន្តិភាពសកល (UPF)។ ក្នុងកម្មវិធីមហាសន្និបាតនេះ ក៏មានការអញ្ជើញចូលរួមពីសំណាក់ប្រមុខរដ្ឋ ប្រមុខរដ្ឋាភិបាល អតីតប្រ​មុខ​រដ្ឋ ប្រមុខរដ្ឋាភិបាល ជាច្រើនរូបទៀតផងដែរ៕

The post មោទនភាពជាតិ! សម្ដេចតេជោ ហ៊ុន សែន ទទួលបានមេដាយមាសសន្តិភាពពិភពលោក​ World Summit Peace appeared first on .

សូមចុច Subscribe Telegram oknha_news នឹងទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ការប្រកាសដាក់បទបញ្ជាធ្វើឡើងបន្ទាប់ប្រមុខរាជរដ្ឋាភិបាលកម្ពុជា កាលពីពេលថ្មីៗនេះបានសម្រេចឲ្យក្រុមការងារប្រមូលទិញផ្លែមៀនប៉ៃលិន (តាង៉ែត) ពីបងប្អូនប្រជាកសិករកំពុងជួបបញ្ហាកង្វះទីផ្សារ ខណៈផែ្លតាង៉ែតជាច្រើនតោននាំចេញទៅប្រទេសថៃត្រូវបានអាជ្ញាធរប្រទេសនេះបិទច្រកព្រំដែនមិនឲ្យនាំចូល។

នាយករដ្ឋមន្រ្តីសម្តេចតេជោ ហ៊ុន សែន នៅថ្ងៃទី១៨ សីហា ម្សិលមិញដាក់ចេញនូវបទបញ្ជាបន្ថែមឱ្យលោកនាយឧត្តមសេនីយ​ ហុីង ប៊ុនហៀង​ ដឹកនាំ
កម្លាំងទៅប្រមូលទិញផ្លែមៀនពីកសិករដែលមិនអាចរកទីផ្សារដើម្បីលក់មៀនបាន។ ការសម្រេចប្រមូលទិញផ្លែមៀនប៉ៃលិនពីបងប្អូនកសិករ ត្រូវបានសម្តេចនឹងយកទៅចែកជូនកងទ័ព នគរបាល អាវុធហត្ថ គ្រូពេទ្យ អ្នកជំងឺបងប្អូនដែលកំពុងធ្វើចត្តាឡីស័កទទួលទានដោយមិនគិតថ្លៃ។

សម្តេចតេជោ ហ៊ុន សែន ថ្លែងថា៖ “នេះជាវិធីដោះទាល់ក្នុងកាលទេសៈដ៏លំបាកកុំឱ្យកសិករក្រីក្រយើងខាតបង់ធ្ងន់ធ្ងរពេកហើយខ្ញុំក៏មិនប្រើថវិកាជាតិដើម្បីទិញនោះដែរ។ ជាដំណោះសម្រាប់រយៈពេលខាងមុខគឺក្រសួងកសិកម្ម ក្រសួងពាណិជ្ជកម្ម អភិបាលខេត្តបាត់ដំបងនិងប៉ៃលិនត្រូវខិតខំដោះស្រាយរកទីផ្សារជូនកសិករយើង”។

សម្តេចតេជោ ដាក់បទបញ្ជាយ៉ាងម៉ឹងម៉ាត់ចំពោះបេសកម្មប្រមូលទិញមៀនប៉ៃលិន ដោយណែនាំឲ្យលោក​ ហុីង ប៊ុនហៀង លោក ងួន រតនៈ
អភិបាលខេត្តបាត់ដំបង លោកស្រី បាន ស្រីមុំ អភិបាលខេត្តប៉ៃលិន ត្រូវចងចាំពាក្យ(ទិញពីកសិករ)សំដៅដល់កសិករក្រីក្រដែលដាំមៀនដោយផ្ទាល់៕

The post នាយករដ្ឋមន្រ្តីហាមដាច់ខាតមិនឲ្យប្រមូលទិញមៀនប៉ៃលិនរបស់មន្ត្រីសុីវិល កម្លាំងប្រដាប់អាវុធ ឧកញ៉ា ឬអ្នកជំនួញត្រូវរកទីផ្សារដោយខ្លួនឯង appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

សម្តេចតេជោបន្តថា ខ្ញុំសូមអភ័យទោសដែលតម្រូវអោយខ្ញុំលុបចោលកម្មវិធីជួបជុំទាំងអស់ដែលបានគ្រោងទុកទាំងការជួបផ្ទាល់ទាំងការជួបតាមវីដេអូ ជាពិសេសសុំការយោគយល់ពីសំណាក់ឯកឧត្តមរដ្ឋមន្ត្រីការបរទេសអង់គ្លេសដែលគ្រោងជួបគ្នានៅម៉ោង៩:០០ព្រឹក ថ្ងៃទី ២៣ ខែ មិថុនា ឆ្នាំ ២០២១ ខាងមុខនេះនៅវិមានសន្តិភាព។

នាយករដ្ឋមន្រ្តីកម្ពុុជាបានបញ្ជាក់ថា ទោះត្រូវលុបចោលការជួបទាំងខ្មែរទាំងបរទេស តែខ្ញុំនៅតែធ្វើការដូចពេលមុនជាមួយគ្រប់ស្ថាប័នទាំងស៊ីវិលទាំងកងកម្លាំងប្រដាប់អាវុធ រាប់ទាំងការប្រជុំតាម ZOOM ផង ដោយសារបច្ចេកទេសនេះមិនតម្រូវអោយមានមនុស្សចូលមកជិតខ្ញុំទេ៕

The post សម្តេចតេជោ ហ៊ុន សែន បានពាក់ព័ន្ធដោយប្រយោលជាមួយអ្នកកើតជម្ងឺកូវីត-១៩ ហើយប្រកាសលុបចោលកម្មវិធីមួយចំនួន appeared first on .