ទន្ទឹមគ្នានេះ លោកបណ្ឌិត ក៏បានលើកឡើង២ចំណុចសំខាន់ៗប្រាប់អង្គភាព Oknha News តាមប្រព័ន្ធតេឡេក្រាមនៅថ្ងៃទី៩ ខែមីនានេះ មូលហេតុដែលនាំឱ្យខ្វះប្រេងលក់នៅលើទីផ្សារ ទី១/ដោយសារតែតម្រូវការមានការកើនឡើង ដែលប្រជាពលរដ្ឋរំពឹងថាប្រេងនឹងឡើងថ្លៃខ្ពស់ក្នុងពេលអនាគត។ ការរំពឹងទុកនេះធ្វើឲ្យពួកគាត់ព្រួយបារម្ភថានឹងចំណាយថ្លៃដើមខ្ពស់សម្រាប់ទិញប្រេង។ កត្តាទី២ អ្នកលក់ក៏មានការរំពឹងទុកនៃការឡើងថ្លៃប្រេងដែរ ដូច្នេះពួកគាត់ត្រូវផ្អាកការផ្គត់ផ្គង់ដើម្បីទុកលក់នៅពេលដែលប្រេងឡើងខ្ពស់ ដើម្បីទទួលបានផលចំណេញច្រើន។

លោកបណ្ឌិតសេដ្ឋកិច្ចរូបនេះ ក៏បានស្នើរសុំឱ្យក្រុមហ៊ុនដែលនាំចូលប្រេងធំៗជួយបកស្រាយបង្ហាញទៅកាន់ប្រជាពលរដ្ឋថាកុំមានការព្រួយបារម្ភនៅក្នុងការទិញប្រេង ដោយក្រុមហ៊ុននៅតែមានប្រេងផ្គត់ផ្គង់គ្រប់គ្រាន់ ខណៈថ្លៃប្រេងនឹងមានការកើនឡើងបន្តិចបន្តួច។

យ៉ាងណាម៉ិញ កាលពីថ្ងៃទី៨មីនា ក្រសួងពាណិជ្ជកម្មបានប្រកាសហើយថា តម្លៃសាំងធម្មតាកើនឡើង ៤,៤០០រៀល និងម៉ាស៊ូត កើន ៥,១៥០រៀល តម្លៃនេះបានអនុវត្តចាប់ពីថ្ងៃទី៨ ដល់ទី១០ ខែមីនា ឆ្នាំ២០២៦។

ទន្ទឹមគ្នានេះ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល ក៏បានបញ្ជាក់នៅថ្ងៃទី៨មីនាដដែលថា កម្ពុជាមានប្រេងឥន្ធនៈបម្រុងគ្រប់គ្រាន់ ទោះបីជាមានភាពតានតឹងនៅមជ្ឈិមបូព៌ាក៏ដោយ។ ឯកឧត្តម បានបន្ថែមថា កម្ពុជាអាចបន្តផ្គត់ផ្គង់ប្រេងឥន្ធនៈក្នុងស្រុករហូតដល់ ២១ថ្ងៃ ទោះបីជាការនាំចូលប្រេងឥន្ធនៈត្រូវបានរំខានជាបណ្តោះអាសន្នក៏ដោយ។

គូសបញ្ជាក់ថា បន្ទាប់ពីអ៊ីរ៉ង់ប្រកាសបិទផ្លូវសមុទ្រហ័រមូសទាំងស្រុង ដើម្បីឆ្លើយតបទៅនឹងការវាយប្រហារដោយសហរដ្ឋអាម៉រិក និងអ៊ីស្រាអែល ធ្វើឱ្យក្រុមហ៊ុនដឹកជញ្ជូនប្រេងធំៗ និងពាណិជ្ជករបានផ្អាកការដឹកជញ្ជូនប្រេងឆៅ ប្រេងឥន្ធនៈ និងឧស្ម័នធម្មជាតិរាវ (LNG) ជាបណ្តោះអាសន្នតាមរយៈច្រកសមុទ្រមួយនេះ៕

The post បណ្ឌិត គី សេរីវឌ្ឍន៍ អះអាងថា ប្រេងឡើងថ្លៃដោយសារតែឈ្មួញកណ្ដាលបិទការលក់ ដើម្បីបំភ័យអ្នកប្រើប្រាស់ appeared first on .

តាមរយៈអនុក្រឹត្យលេខ ៣៨ អនក្រ.តត ស្តីពីការតែងតាំងសមាជិកបម្រុង នៃរាជបណ្ឌិត្យសភាកម្ពុជា ចំនួន ៥រូប ចុះថ្ងៃទី៩ ខែមករា ឆ្នាំ២០២៦ រួមមាន៖ ១.បណ្ឌិត គិន ភា ជំនាញវិទ្យាសាស្ត្រនយោបាយ, ២.បណ្ឌិត ឈិត វណ្ណឫទ្ធិ ជំនាញគណិតវិទ្យាអនុវត្ត និងព័ត៌មានវិទ្យា, ៣.បណ្ឌិត ហង្ស រិទ្ធីរ៉ាវុធ ជំនាញនិរុត្តិសាស្ត្រ, ៤.បណ្ឌិត គី សេរីវឌ្ឍន៍ ជំនាញសេដ្ឋកិច្ច និង ៥.បណ្ឌិត អ៊ុំ ប៉ុម ជំនាញគ្រប់គ្រងសាធារណៈ។

ជាមួយគ្នានេះ តាមរយៈអនុក្រឹត្យលេខ ៣៩ អនក្រ.តត ស្តីពីការតែងតាំងសមាជិកបម្រុង នៃរាជបណ្ឌិត្យសភា​កម្ពុជា ចំនួន ៣រូប ចុះថ្ងៃទី៩ ខែមករា ឆ្នាំ២០២៦ ដដែល រួមមាន៖ ១.បណ្ឌិត យង់ ពៅ ជំនាញវិទ្យាសាស្ត្រ​នយោបាយ, ២.បណ្ឌិត នុត សម្បត្តិ ជំនាញវិទ្យាសាស្ត្រសុខាភិបាល និង ៣.បណ្ឌិត ឈត ប៊ុនថង ជំនាញ​ទស្សន​វិជ្ជា។

សូមជម្រាបថា រាជបណ្ឌិត្យសភាកម្ពុជា បានចាប់បដិសន្ធិឡើង តាមព្រះរាជក្រមលេខ ២៦១ ប.រ និងព្រះរាជក្រឹត្យ លេខ ៤៩៩ ប.រ. ចុះ ថ្ងៃ​ទី​២៥ ខែសីហា ឆ្នាំ១៩៦៥ ប៉ុន្ដែមិនទាន់ប្រព្រឹត្តទៅនៅឡើយដោយសារសង្គ្រាមស៊ីវិល ចាប់ពីឆ្នាំ១៩៧០ ក៏បានកាត់ផ្ដាច់ការខិតខំទាំងនោះ។ នៅថ្ងៃ​ទី​១១ ខែមិថុនា ឆ្នាំ១៩៩៩ រាជបណ្ឌិត្យសភាកម្ពុជា បានបង្កើតឡើងវិញដោយ​ព្រះរាជក្រឹត្យ​លេខ នស/រកត/០៥៩៩/៩៧ គឺ​នៅដើម​អាណត្ដិ​ទី២នៃរាជរដ្ឋាភិបាល។ រាជបណ្ឌិត្យសភាកម្ពុជា មានចក្ខុវិស័យក្លាយជាស្ថាប័នឈានមុខគេរបស់ប្រទេស​កម្ពុជា​​សម្រាប់​អភិវឌ្ឍកម្លាំងបញ្ញា​ញាណនៃប្រជាជាតិ ពង្រឹងនិងពង្រីកការសិក្សា​​ស្រាវជ្រាវគ្រប់មុខជំនាញនៅក្នុងប្រទេស រៀបចំវេ​ទិកាវិទ្យាសាស្ត្រ និង​បោះ​ពុម្ពផ្សាយស្នាដៃស្រាវជ្រាវ ដើម្បីឱ្យមានការទទួលស្គាល់ជាអន្តរជាតិ៕

The post សម្តេចធិបតី ហ៊ុន ម៉ាណែត ចេញអនុក្រឹត្យតែងតាំងបណ្ឌិត ៨រូប ជាសមាជិកបម្រុង នៃរាជបណ្ឌិត្យសភាកម្ពុជា appeared first on .

ថ្លែងប្រាប់សារព័ត៌មាន ឧកញ៉ាញូស៍ នាថ្ងៃទី១ ខែសីហា ឆ្នាំ២០២៥នេះ លោកបណ្ឌិត គី សេរីវឌ្ឍន៍ មានប្រសាសន៍ថា ចំពោះការដាក់អត្រាពន្ធ១៩% របស់សហរដ្ឋអាមេរិកមកលើកម្ពុជា យើងឃើញថាកម្រិតអត្រាពន្ធ១៩% គឺជាអត្រាពន្ធមួយដែលអាចធ្វើឱ្យកម្ពុជារក្សាបាននូវឧស្សាហកម្មរបស់ខ្លួន និងការនាំចេញរបស់ខ្លួនទៅកាន់សហរដ្ឋអាមេរិកបានដដែល។ មិនតែប៉ុណ្ណោះថែមទាំងអាចនឹងទាក់ទាញវិនិយោគពីបណ្តាប្រទេសនានាជាច្រើនទៀតមកកាន់ប្រទេសកម្ពុជា។

លោកបណ្ឌិត បានមើលឃើញថា អត្រាពន្ធនេះបើធៀបជាមួយនឹងប្រទេសវៀតណាម២០% ប្រទេសកម្ពុជា១៩% កម្ពុជាមានភាពល្អជាង, កម្ពុជាមានប្រាក់ឈ្នួលពលកម្មនៅទាបនៅឡើយ ,រដ្ឋាភិបាលកំពុងធ្វើគោលនយោបាយកែទម្រង់និងសម្របសម្រួលឱ្យបរិយាកាសវិនិយោគកាន់តែប្រសើរដើម្បីកាត់បន្ថយថ្លៃដើមលុបបំបាត់អំពើពុករលួយដែលរួមចំណែកធ្វើឱ្យឧស្សាហកម្មកម្ពុជាមានការលូតលាស់ខ្លាំង។ លោកបណ្ឌិតគូសបញ្ជាក់ថា ចំណុចនេះគឺជាមូលដ្ឋានសំខាន់សម្រាប់ឱ្យប្រទេសកម្ពុជាយើងឈានទៅរកចំណូលមធ្យមកម្រិតខ្ពស់ឆ្នាំ២០៣០​ និងអាចនឹងសម្រេចគោលដៅប្រទេសចំណូលខ្ពស់ឆ្នាំ២០៥០បន្តទៅមុខទៀត។

សូមជម្រាបជូនថា លោក ដូណាល់ ត្រាំ ប្រធានាធិបតីអាមេរិក បានសម្រេចបន្ថយអត្រាពន្ធគយសម្រាប់កម្ពុជា ពី ៣៦% មកនៅត្រឹម ១៩%។ អត្រាពន្ធបដិកាថ្មីនេះ ជាកម្រិតល្អមួយជួយឱ្យកម្ពុជា កាន់តែទាក់ទាញវិនិយោគិនមកបណ្តាក់ទុននៅកម្ពុជា និងជំរុញឱ្យការធ្វើពាណិជ្ជកម្មកាន់តែល្អជាងមុន។ អត្រាពន្ធគយថ្មីនេះ នឹងត្រូវអនុវត្តចាប់ពីថ្ងៃទី០១ ខែសីហា ឆ្នាំ២០២៥នេះតទៅ។

ជាមួយគ្នានេះ អត្រាពន្ធគយថ្មីសម្រាប់ថៃ បានថយចុះពី ៣៦% មកនៅត្រឹម ១៩% ផងដែរ។ រីឯប្រទេសអាស៊ានផ្សេងៗទៀត ទទួលបានអត្រាដូចជា៖ សិង្ហបុរី ១០%, ហ្វីលីពីន ១៩%, ឥណ្ឌូនេស៊ី ១៩%, ម៉ាឡេស៊ី ១៩%, វៀតណាម ២០%, ប្រ៊ុយណេ ២៥%, ឡាវ ៤០%, មីយ៉ាន់ម៉ា ៤០%៕

The post លោកបណ្ឌិត គី សេរីវឌ្ឍន៍៖ ការទម្លាក់ពន្ធរបស់អាមេរិក ដល់កម្ពុជា នឹងជំរុញការទាក់ទាញវិនិយោគិនមកកម្ពុជាកាន់តែច្រើន appeared first on .

ថ្លៃងប្រាប់សារព័ត៌មានឌីជីថល ឧកញ៉ាញូស៍ នៅក្នុងឱកាសនោះផងដែរ លោកបណ្ឌិត គី សេរីវឌ្ឍន៍ ស្ថាបនិក ប្រធានមូលនិធិអប់រំកុមារ បានលើកឡើងថា៖ “បាទ! ថ្ងៃនេះមូលនិធិអប់រំកុមារ(មអក) នាំយកអំណោយរួមមាន កាតាបមួយ ប៊ិច ខ្ចៅដៃ និងជ័រលុប និងសៀវភៅ របស់សប្បុរសជនដែលបានចូលរួម តាមរយៈមូលនិធិកន្លងមក យកមកចែកជូនផ្ទាល់ជូនក្មួយៗសិស្សានុសិស្សសរុបប្រមាណចំនួន ៦៦៥ នាក់ និងកង់ចំនួន ១០ ។”

លោកបណ្ឌិត គី សេរីវឌ្ឍន៍ បានបន្តថា៖ “នៅភូមិស្វាយមាស ជាពិសេសនៅក្បែរៗសាលាបឋមនេះ លោកសង្កេតឃើញបងប្អូនប្រជាជនមួយចំនួន មានកម្រិតជីវភាពលំបាកខ្វះខាត តែពួកគាត់ខិតខំអស់លទ្ធភាពដើម្បីអាចបញ្ចូនកូនៗឲ្យមករៀនបានគ្រប់គ្នា ដូច្នេះហើយ អត្រាសិស្សបានចូលរៀន កើនដល់ទៅ ១០០% ឯណោះ។”

លោកបណ្ឌិត គី សេរីវឌ្ឍន៍ ក៏សូមថ្លែងអំណរគុណយ៉ាងជ្រាលជ្រៅបំផុត ចំពោះសប្បុរសជន ឯកឧត្ដម លោកជំទាវ អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញា ទាំងអស់ ដែលមានទឹកចិត្តសប្បុរស ចូលរួមធនធានថវិកា និងសម្ភារៈសិក្សា ដល់ក្រុមការងារមូលនិធិអប់រំកុមារ។ បើគ្មាន ការចូលរួមពីសំណាក់សប្បុរសជននាពេលកន្លងមកទេ សកម្មភាពសប្បុរសធម៌ដ៏ធំនេះ នឹងមិនអាចកើតឡើងបានឡើយ។

លោកបានបន្តទៀតថា គោលដៅរបស់មូលនិធិអប់រំកុមារ គឺជំរុញលើកទឹកចិត្តមិនឲ្យក្មេងៗបោះបង់ ការសិក្សាតាំងពីថ្នាក់តូចទៅ (ថ្នាក់បឋមសិក្សា) និងជួយដោយផ្ទាល់ចំពោះសិស្សទីទាល់ក្រខ្វះលទ្ធភាពចូលរៀន ។

ជាតំណាងសិស្ស និងជានាយកសាលាបឋមសិក្សា ស្វាយមាស លោក ហោង ហាក់ បានថ្លែងអំណរគុណដល់ «មូលនិធិអប់រំកុមារ» ដែលបានមកចុះជួយឧបត្តម្ភ កុមារខ្វះខាតសម្ភារៈសិក្សាដើម្បីមានអនាគតល្អប្រសើរ។ មិនត្រឹមតែជាកិច្ចការសប្បុរសធម៌ប៉ុណ្ណោះ សកម្មភាពនេះពិតជាបានរួមចំណែកយ៉ាង ច្រើនសម្បើមជួយសម្រួលជីវភាពអាណាព្យាបាលរបស់ក្មេងៗ បានថែមមួយកម្រិតផងដែរ។

គួរបញ្ជាក់ផងដែរថា មូលនិធិអប់រំកុមារ (មអក) បានបង្កើតឡើង កាលពីថ្ងៃទី០៧ ខែមករា ឆ្នាំ២០២៤ ក្រោមគំនិតផ្ដួចផ្ដើមរបស់ លោកបណ្ឌិត គី សេរីវឌ្ឍន៍ ដែលជាប្រធានវិទ្យាស្ថានសិក្សាចិននៃរាជបណ្ឌិត្យសភាកម្ពុជា ដើម្បីជួយគាំទ្រដល់កុមារខ្វះលទ្ធភាពសិក្សា កុំឱ្យពួកគាត់បោះបង់ការ សិក្សា ក៏ដូចជាការផ្ដល់អាហារូបករណ៍ជាសម្ភារៈសិក្សានិងគ្រឿងឧបភោគបរិភោគដល់កុមារដែលមានជីវភាពខ្វះខាត។ បេសកកម្មរបស់មូលនិធិ អប់រំកុមារ គឺកៀរគរថវិកា សម្ភារសិក្សាពីសប្បុរសជន ប្រើប្រាស់ប្រកបដោយតម្លាភាព ត្រឹមត្រូវ និងចំគោលដៅសម្រាប់ជួយដល់កុមារខ្វះ លទ្ធភាពសិក្សាពិតប្រាកដនៅកម្ពុជា៕

The post លោកបណ្ឌិត គី សេរីវឌ្ឍន៍ និងសប្បុរសជន «មូលនិធិអប់រំកុមារ» នាំយកសម្ភារៈសិក្សាចែកជូនសិស្សានុសិស្សចំនួន ៦៥៧នាក់ នៅសាលាបឋមសិក្សាស្វាយមាស ឃុំវិហារសួគ៌ appeared first on .

លោកបណ្ឌិត ស្ថាបនិក មូលនិធិអប់រំកុមារ មានប្រសាសន៍ថា៖ “ខ្ញុំបាទ បណ្ឌិត គី សេរីវឌ្ឍន៍ តំណាងមូលនិធិអប់រំកុមារ(មអក) រួមដំណើរដោយឯកឧត្តម លោក លោកស្រី អ្នកនាងកញ្ញាជាសប្បុរសជន បាននាំយកនៅអំណោយ ជាសម្លៀកបំពាក់ និងសម្ភារៈសិក្សាសរុប ចំនួន 50 ឈុត គ្រឿងឧបភោគ បរិភោគ ជូនដល់កុមារកំព្រា និងលោកគ្រូ អ្នកគ្រូ នៅមណ្ឌលកុមារកំព្រាព្រៃជុំ នៃសមាគមក្តីសង្ឃឹមរបស់ជនក្រីក្រ ស្ថិតនៅភូមិព្រៃជុំ ឃុំយុទ្ធសាមគ្គី ស្រុកសាមគ្គីមុនីជ័យ ខេត្តកំពង់ស្ពឺ សរុបចំនួន ៨៥ នាក់ ក្នុងនោះរួមមានះ។”

ជំនួយឧបត្ថម្ភពីសប្បុរសជនតាមរយៈ មូលនិធិអប់រំកុមារ ជូនមណ្ឌលកុមារកំព្រាព្រៃជុំ នាពេលនោះ រួមមាន៖ កង់ ចំនួន ៩ គ្រឿង អង្ករ ចំនួន ១០ បាវ (៥០គក/បាវ) កាតាប ៥០ សៀវភៅសរសេរ ៣៥០ សៀវភៅអានភាសាអង់គ្លេស ប៊ិច ១០០ ខ្មៅដៃ ១០០ ជ័រលុប ១០០ ខោ អាវ សាប៊ូ ថ្នាំងដុសធ្មេញ ទឹកដោះគោ មី ទឹកត្រី ទឹកស៊ីអុីវ អំបិល ស្ករស ក្ងានពូជ ១គូ និងជូនថវិកាដល់លោកគ្រូវ អ្នកគ្រូ និងអ្នកថែទាំក្មេងៗ ចំនួន ១៦ នាក់ (១០$/នាក់) សរុបជាថវិការួម មានចំនួន ១០០០ ដុល្លារអាមេរិក ដែលជាថវិកាទទួលបានពីសប្បុរសជននានា។

ក្នុងឱកាសនោះដែរ លោកបណ្ឌិត គី សេរីវឌ្ឍន៍ និងសប្បុជន ក៏បានចុះពិនិត្យស្វែងយល់បន្ថែមពី ទិដ្ឋភាពអគារសិក្សា បន្ទប់រៀន បណ្ណាល័យ អគារស្នាក់នៅ ផ្ទះបាយ និងប្រព័ន្ធចម្រោះទឹកស្អាត ក្នុងបរិវេន មណ្ឌលកុមារកំព្រាព្រៃជុំ ផងដែរ។

សូមបញ្ជាក់ថា មណ្ឌលកុមារកំព្រាព្រៃជុំ នៃសមាគមក្តីសង្ឃឹមជនរបស់ក្រីក្រ បានបង្កើតឡើងតាំងពីឆ្នាំ ២០០៤ ដោយទទួលស្គាល់ពីក្រសួងមហាផ្ទៃនាឆ្នាំ២០០៧ ក្នុងបេសកកម្មជួយសង្គ្រោះកុមារ កុមារកំព្រា កុមាររងគ្រោះ និងកុមារមានជីវភាពខ្វះខាត ដោយផ្តល់នូវលក្ខខណ្ឌរស់នៅសមរម្យ ការអប់រំ និងជំនាញចាំបាច់ប្រកបដោយសន្តិភាពតាមរយះគាំទ្រដ៏សប្បុរស ។ សព្វថ្ងៃ មានក្មេងរស់នៅមណ្ឌល ចំនួនសរុប ៦៥ នាក់ (ស្រី ២៣នាក់) ។ មណ្ឌលនេះមានសកម្មភាពជួយគាំពារដល់កុមារកំព្រា និងជនក្រីក្រ ព្រមទាំងបានបង្រៀនភាសាខ្មែរ អង់គ្លេស ចិន សិល្បះ កីឡា និងកុំព្យូទ័រដល់កូនៗក្នុងមណ្ឌល និងកូនប្រជាពលរដ្ឋរស់នៅជុំវិញមណ្ឌល បានជាង ១៧៤ នាក់ ជារៀងរាល់ថ្ងៃ។

មូលនិធិអប់រំកុមារ (មអក) បានបង្កើតឡើង កាលពីថ្ងៃទី០៧ ខែមករា ឆ្នាំ២០២៤ ក្រោមគំនិតផ្ដួចផ្ដើមរបស់ លោកបណ្ឌិត គី សេរីវឌ្ឍន៍ និងជាប្រធានវិទ្យាស្ថានសិក្សាចិន នៃរាជបណ្ឌិត្យសភាកម្ពុជា ដើម្បីជួយគាំទ្រដល់កុមារខ្វះលទ្ធភាពសិក្សា កុំឱ្យពួកគាត់បោះបង់ការសិក្សា។ បេសកកម្មរបស់មូលនិធិអប់រំកុមារ គឺកៀរគរថវិកា សម្ភារសិក្សាពីសប្បុរសជន ប្រើប្រាស់ប្រកបដោយតម្លាភាព ត្រឹមត្រូវ និងចំគោលដៅសម្រាប់ជួយដល់កុមារខ្វះលទ្ធភាពសិក្សាពិតប្រាកដ ៕

The post លោកបណ្ឌិត គី សេរីវឌ្ឍន៍ និងសប្បុរសជន នាំយកជំនួយឧបត្ថម្ភ កុមារ និងលោកគ្រូ អ្នកគ្រូ សរុប ៨៥ នាក់ នៅមណ្ឌលកុមារកំព្រាព្រៃជុំ ខេត្តកំពង់ស្ពឺ appeared first on .

អនុប្រធានសភាពាណិជ្ជកម្មកម្ពុជាលោកឧកញ៉ា លឹម ហេង យល់ឃើញថា កន្លងមកផលិតផលកសិកម្មកម្ពុជាយើងនាំចេញភាគច្រើនទៅប្រទេសវៀតណាមមានទំហំទឹកប្រាក់ខ្ទង់ពាន់លានដុល្លារអាមេរិកកន្លងមក ហើយបើសិនគ្មានទីផ្សារប្រទេសជិតខាងយើងដូចជាវៀតណាម និងថៃទេនោះ កសិផលដែលជាវត្ថុធាតុដើមរបស់យើងកែច្នៃមិនទាន់គឺរកទីផ្សារមិនបានទេ។ដូចនេះការចុះហត្ថលេខាលើកិច្ចសម្របសម្រួលការដឹកជញ្ជូនទំនិញឆ្លងដែននេះគឺជារឿងមួយល្អហើយសំខាន់ណាស់មិនមែនតែជាមួយវៀតណាមទេ ជាមួយថៃទៀតផង។

លោកឧកញ៉ា លើកឡើងថា«ថ្មីៗនេះយើងឃើញថាសភាជាតិជាតិក៏បានអនុម័តនៅកិច្ចព្រមព្រៀងពាណិជ្ជកម្មឆ្លងដែនរវៀតណាមរួចទៅហើយ អ៊ីចឹងយើងចង់បានបន្តទៀតគឺជាមួយប្រទេសថៃថែមទៀតចៀសវាងការបិទច្រកព្រំដែនដោយឯកត្តោភាគីដែលធ្វើឱ្យប៉ះពាល់ដល់ការឆ្លងកាត់ទំនិញនិងសម្រួលពាណិជ្ជកម្មឆ្លងដែន ហើយចំពោះវៀតណាមវិញខ្ញុំជឿថានៅឆ្នំាបន្តបន្ទាប់ទៀតនៅតែរីកចម្រើននិងមានការកើនឡើងពីព្រោះយើងមានកិច្ចព្រមព្រៀងទំាងអស់នេះយើងអាចបង្កើតតំបន់សេដ្ឋកិច្ចរួមនៅតាមព្រំដែនកម្ពុជា វៀតណាមដែលថ្នាក់ដឹកនាំប្រទេសទំាងពីរបានឯកភាពគ្នាហើយ។ ដូច្នេះកំណើនពាណិជ្ជកម្មឆ្លងដែនកម្ពុជាទៅវៀតណាមនៅតែមានកំណើនជាលំដាប់»។

លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជាមានប្រសាសន៍ថា«ពាក់ព័ន្ធនិងការចុះហត្ថលេខាលើឯកសារស្តីពីកិច្ចសម្របសម្រួលជំរុញពាណិជ្ជកម្មរវាងកម្ពុជានិងវៀតណាមថ្មីៗនេះយើងឃើញថាជាឯកសារមួយមានសារសំខាន់ជំរុញការនាំចេញ ការនំាចូលឱ្យមានភាពកាន់តែប្រសើរជាងមុនៗ។យើងអាចសម្រួលការនាំចេញពីកម្ពុជាទៅកាន់វៀតណាម ហើយការនាំចូលពីវៀតណាមមកកាន់កម្ពុជា បើទោះជាយើងបាននាំចូលមកពីវៀតណាមមានចំនួនច្រើនក៏ដោយ យើងក៏អាចសម្រួលឱ្យថ្លៃដើមទាបជាងមុនហើយធ្វើឱ្យអ្នកប្រើប្រាស់មានលទ្ធភាពប្រើជាងមុន»។

ទាក់ទងនិង«កិច្ចសម្របសម្រួលជំរុញពាណិជ្ជកម្មទ្វេភាគីរវាងកម្ពុជានិងវៀតណាមនេះ» ត្រូវបានលោកង្វៀន ហុងហ្សៀន រដ្ឋមន្ត្រីក្រសួងឧស្សាហកម្ម និងពាណិជ្ជកម្មវៀតណាមបានចាត់ទុកថា គឺជាឯកសារដ៏សំខាន់សម្រាប់ធុរជន និងអ្នកនាំចេញនាំចូល ហើយថែមទាំងនឹងជួយជំរុញការនាំចេញនាំចូលទំនិញរវាងប្រទេសទាំងពីរ បន្ថែមលើការព្រៀមព្រៀងគ្នាក្នុងក្របខ័ណ្ឌកិច្ចព្រមព្រៀងពាណិជ្ជកម្មទំនិញអាស៊ាន។លើសពីនេះការចុះហត្ថលេខានិងការអនុវត្តនៃកិច្ចសម្របសម្រួលនេះក្នុងការបន្តជំរុញទំហំពាណិជ្ជកម្មឱ្យកាន់តែកើនទ្បើងបន្ថែមទៀត ជាពិសេស ទំនិញកសិកម្មនិងទំនិញឧស្សាហកម្ម។

យោងតាមស្ថិតិជញ្ជីងពាណិជ្ជកម្មរបស់អគ្គនាយកដ្ឋានគយនិងរដ្ឋាករកម្ពុជាបានបង្ហាញថា ក្នុងរយៈពេល៤ខែដើមឆ្នំា២០២៣នេះទំហំពាណិជ្ជកម្មសរុបរវាងកម្ពុជានិងវៀតណាមមានជាង១.០៨៤លានដុល្លារអាមេរិក កើនឡើងជាង១៤% បើប្រៀបទៅនិងរយៈពេលដូចគ្នានិងឆ្នំា២០២២មានជាងតែ៩៥០ពាន់លានដុល្លារអាមេរិក៕

អត្ថបទ៖សារេត

The post អ្នកជំនាញពាណិជ្ជកម្មនិងសេដ្ឋកិច្ច មើលឃើញការធ្វើពាណិជ្ជកម្មឆ្លងដែនកម្ពុជាទៅវៀតណាម នៅតែមានកំណើនជាលំដាប់ appeared first on .