ថ្ងៃប្រឡងបាក់ឌុបចំនួន២ថ្ងៃនេះ អង្គភាពប្រឆាំងអំពើពុករលួយ(ACU) បានដាក់ពង្រាយមន្រ្តី និងយុវជនស្ម័គ្រចិត្តជាង៤ពាន់នាក់ ដើម្បីសង្កេតដំណើរការប្រឡងបាក់ឌុបនាឆ្នាំនេះ។

គួរឱ្យដឹងថា ក្នុងដំណើរការសំណេរនាព្រឹកថ្ងៃទី១ នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២៨ សីហា ២០២៥ បានប្រព្រឹត្តទៅដោយរលូនល្អ មិនមានបាតុភាពមិនប្រក្រតីណាមួយកើតឡើងគួរឲ្យកត់សម្គាល់ឡើយ។ នៅព្រឹកថ្ងៃទី១នេះ មានបេក្ខជនអវត្តមានចំនួន១ ៧៨៨នាក់ (ស្រី៧០៦នាក់) ស្មើនឹង១,២២ភាគរយ បេក្ខជនស្វ័យរិនចំនួន១ ៤៦៣នាក់ (ស្រី៥៥៧នាក់) បេក្ខជនចំណេះទូទៅចំនួន៣២៥នាក់ (ស្រី១៤៩នាក់)។ ក្រសួងអប់រំ យុវជន និងកីឡា ជំរុញលើកចិត្តឱ្យបេក្ខជនប្រឡងទាំងអស់ត្រូវថែរក្សាសុខភាពឱ្យបានល្អ សម្រាក និងបរិភោគអាហារឱ្យបានគ្រប់គ្រាន់ប្រកបដោយអនាម័យ ដើម្បីទទួលបានលទ្ធផលល្អក្នុងការប្រឡង។

ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២៨ សីហា ២០២៥ មានបេក្ខជនចុះឈ្មោះប្រឡងសរុបចំនួន ១៤៦ ៧២០ នាក់ (ស្រី ៨១ ៤៤២ នាក់) ក្នុងនោះបេក្ខជនថ្នាក់វិទ្យាសាស្ត្រ មានចំនួន ៤០ ៦៧៨ នាក់ (ស្រី ២៤ ៥១៩ នាក់) បេក្ខជនថ្នាក់វិទ្យាសាស្ត្រសង្គមមានចំនួន ១០៦ ០៤២ នាក់ (ស្រី ៥៦ ៩២៣ នាក់)។

លោក ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា បង្ហាញការជឿជាក់ផងដែរថា ចំនួនសិស្សនិទ្ទេស A ឆ្នាំនេះ នឹងមិនទាបជាងឆ្នាំមុននោះទេ ខណៈឆ្នាំមុនមានចំនួន ២ ២២៥រូប៕

The post ACU៖ ថ្ងៃទី១ ប្រឡងបាក់ឌុប បេក្ខជនអវត្តមានជាង១ពាន់នាក់ appeared first on .

ជាមួយគ្នានេះ សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នាព្រឹកថ្ងៃទី២៨ ខែសីហា ឆ្នាំ២០២៥នេះ ក៏សូមជូនពរឱ្យក្មួយបេក្ខជនទាំងអស់ ទទួលបានលទ្ធផលវិជ្ជមាន ជាមួយនឹងសមត្ថភាពពិត “អ្នកចេះគឺជាប់” និងការត្រៀមលក្ខណ:យ៉ាងសកម្មនៃការសិក្សាពេញមួយឆ្នាំកន្លងមក បូករួមនឹងការចាប់ផ្តើមពីកម្រិតថ្នាក់មូលដ្ឋាន រហូតដល់ថ្នាក់ទី១២ ដែលនឹងត្រូវប្រឡងនាពេលនេះ។

ទន្ទឹមគ្នានេះដែរ សម្តេចធិបតី ក៏បានជូនពរដល់ថ្នាក់ដឹកនាំក្រសួងអប់រំ យុវជន និងកីឡា, ក្រុមការងារនៃគណ:កម្មាធិការរៀបចំការប្រឡង,​ អាជ្ញាធររាជធានី-ខេត្ត​ និងគ្រប់លំដាប់ថ្នាក់, អ្នកសង្កេតការណ៍ប្រឡង និងអ្នកស្ម័គ្រចិត្តទាំងអស់ សូមប្រកបដោយភាពជោគជ័យ និងសម្រេចភារកិច្ចជូនជាតិរបស់យើង ក្នុងការរៀបចំការប្រឡងនេះ ដើម្បីទទួលបានធនធានបន្តវេនយ៉ាងមុតស្រួចសម្រាប់ចូលរួមចំណែកក្នុងការអភិវឌ្ឍប្រទេសជាតិ និងកសាងផលប្រយោជន៍ថ្មីៗបន្ថែមទៀត។

សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) ឆ្នាំ២០២៥ នឹងប្រព្រឹត្តទៅក្នុងរយៈពេល២ថ្ងៃ គឺចាប់ពីថ្ងៃទី២៨-២៩ ខែសីហា ឆ្នាំ២០២៥។ មណ្ឌលប្រឡងនៅគ្រប់រាជធានី ខេត្ត ដោយមានការត្រួតពិនិត្យ និងផ្ទៀងផ្ទាត់យ៉ាងយកចិត្តទុកដាក់ពីសំណាក់គណៈមេប្រយោគ អាជ្ញាធរមានសមត្ថកិច្ច និងអង្គភាពប្រឆាំងអំពើពុករលួយ៕

The post សម្តេចធិបតី ជូនពរសិស្សប្រឡងបាក់ឌុបទទួលបានលទ្ធផលវិជ្ជមាន ជាមួយនឹងសមត្ថភាពពិត “អ្នកចេះគឺជាប់” appeared first on .

ដើម្បីជាការលើកទឹកចិត្តដល់បេក្ខជនដែលខិតខំរៀនសូត្រ ទទួលបាននិន្ទេសA ពិន្ទុខ្ពស់ជាងគេ នាថ្ងៃទី២៥ ខែសីហា ឆ្នាំ២០២៥នេះ ក្រសួងអប់រំ យុវជន និងកីឡា ក៏បានប្រកាសស្វែងរកបេក្ខជនម្នាក់គត់ក្នុងចំណោមបេក្ខជនទូទាំងប្រទេស ឱ្យក្លាយជាម្ចាស់រថយន្ត Leapmotor TO3 តម្លៃ ១៥ ៩៩០ដុល្លារអាមេរិកផងដែរ។

សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) ឆ្នាំ២០២៥ នឹងប្រព្រឹត្តទៅក្នុងរយៈពេល២ថ្ងៃ គឺចាប់ពីថ្ងៃទី២៨-២៩ ខែសីហា ឆ្នាំ២០២៥។ដោយដំណើរការកំណែ ប្រព្រឹត្តទៅចាប់ពីថ្ងៃទី៣១ ខែសីហា ដល់ថ្ងៃទី៦ ខែកញ្ញា ឆ្នាំ២០២៥, ដំណើរការស្រង់ បូកពិន្ទុដោយកុំព្យូទ័រ និងផ្ទៀងផ្ទាត់ពិន្ទុ ចាប់ពីថ្ងៃទី៧ ដល់ថ្ងៃទី១៨ ខែកញ្ញា ឆ្នាំ២០២៥, ដំណើការបោះពុម្ពលទ្ធផលប្រឡង ប្រព្រឹត្តទៅនាថ្ងៃទី១៩ ខែកញ្ញា ឆ្នាំ២០២៥។ ជាមួយគ្នានេះ ក្រសួងកំណត់យកថ្ងៃទី២០ ខែកញ្ញា ឆ្នាំ២០២៥ សម្រាប់ប្រកាសលទ្ធផលប្រឡងតាមមណ្ឌលសំណេរនៃរាជធានី ខេត្តទាំង ២៥ នៅទូទាំងប្រទេស។

ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២៨ សីហា ២០២៥ មានបេក្ខជនសរុប ១៤៦ ៧២០ នាក់ ក្នុងនោះ ថ្នាក់វិទ្យាសាស្ត្រ មានចំនួន ៤០ ៦៧៨ នាក់ ,ថ្នាក់វិទ្យាសាស្ត្រសង្គម មានចំនួន ១០៦ ០៤២ នាក់៕

The post ក្រសួងអប់រំ ប្រកាសស្វែងរកម្ចាស់រថយន្តLeapmotor TO3 ចំពោះបេក្ខជនប្រឡងបាក់ឌុបជាប់និទ្ទេស A ពិន្ទុលំដាប់ខ្ពស់ជាងគេ appeared first on .

លោក ង៉ែត ជូ បានលើកឡើងដូច្នេះថា យុវជនប្រឡងជាប់បាក់ឌុបក្តី ឬធ្លាក់បាកឌុបក្តីគួរមានជំនាញគោល​​ច្បាស់លាស់​​មួយ​​ដែលជាជំនាញសំរាប់វិជ្ជាជីវៈប្រចាំជីវិត និងជំនាញអមចំនួន៤ទៀតសំរាប់ឱ្យជីវិតរស់នៅមានភាពល្អប្រសើរ។ ជំនាញ​​គោលរួមមានដូចជា ជំនាញវិស្វកម្មសំណង់ស៊ីវិល ជំនាញជួសជុលគ្រឿងយន្តកសិកម្ម ជំនាញគណនេយ្យ ជំនាញគ្រប់គ្រង ជំនាញវិជ្ជសាស្ត្រ ជំនាញគីមីចំណីអាហារ។ល។

លោកថា ជំនាញអម៤ទៀតរួមមានដូចជា៖

១) ជំនាញសហគ្រិនភាព៖ ជាជំនាញដែលមានគំនិតច្នៃប្រឌិត និងបង្កើតនូវគំនិតអាជីវកម្មដើម្បីដោះស្រាយ​បញ្ហានានា​ក្នុង​​សង្គម​។ ដំបូងយុវជនអាចប្រើជំនាញគោលសំរាប់ធ្វើការងារយកប្រាក់ខែចិញ្ចឹមជីវិត និងក្រុមគ្រួសារ និងប្រើជំនាញ​សហគ្រិន​​ភាពដើម្បីជួយអោយក្រុមហ៊ុនដែលខ្លួនធ្វើការកាន់តែមានភាពរីកចំរើនខ្លាំង។ បន្ទាប់មក​​អាចនឹងបង្កើត​​អាជីវ​កម្មផ្ទាល់​​ខ្លួន​​ប្រសិនបើមានចំណង់ និងសមត្ថភាពច្បាស់លាស់។

២) ជំនាញគ្រប់គ្រងហិរញ្ញវត្ថុផ្ទាល់ខ្លួន និងវិនិយោគ៖ ចាប់ពីពេលនេះតទៅការចេះធ្វើការ ឬប្រកបរបរអាជីវកម្មដើម្បី​​រក​ចំណូលចិញ្ចឹមគ្រួសារតែមួយមុខមិនគ្រប់គ្រាន់ទេ គឺទាមទារអោយចេះគ្រប់គ្រងលុយកាក់ និងទ្រព្យសម្បត្តិដែល​រកបាន​​ដោយលំបាកអោយមានប្រសិទ្ធិភាព។ ជាពិសេសចេះយកប្រាក់ដែលរកបានទៅបង្កើតប្រាក់បន្ថែមតាមរយៈ​ការវិនិយោគ​ដើម្បីសំរួលបន្ទុកដល់ការទ្រទ្រង់ជីវភាពគ្រួសារ និងការអប់រំកូនៗអោយបានល្អ។

៣) ជំនាញប្រាស្រ័យទាក់ទង និងធ្វើការងារជាក្រុម៖ ទោះជាបំពេញការងារជាអ្វីក៏ដោយ ជាសហគ្រិនក៏ដោយ ឬជាអ្នក​​វិនិយោគ​ក៏​ដោយ បុគ្គលគ្រប់រូបគប្បីមានជំនាញប្រាស្រ័យទាក់ទងល្អ និងសមត្ថភាពក្នុងការធ្វើការងារជាក្រុមអោយ​មានប្រសិទ្ធិភាពខ្ពស់។ បើមិនដូច្នោះទេគឺពុំមានឱកាសទទួលបានជោគជ័យក្នុងការបំពេញការងារឡើយ។

៤) ជំនាញភាសាបរទេស៖ សំរាប់បំរើអោយការសិក្សាស្រាវជ្រាវ និងការប្រាស្រ័យទាក់ទងក្នុងការងារ៕

The post អ្នកជំនាញ៖ ជាប់ឬធ្លាក់បាក់ឌុប យុវជនគ្រប់រូប គួរមាន​​ជំនាញ​​គោលមួយ និងជំនាញអម៤ទៀត appeared first on .

បើតាមលោក រស់ សុវាចា បេក្ខជនប្រលងបាក់ឌុបទាំង០២រូបនេះ ជាកីឡាករការ៉ាត់តេដូ ដែលរដ្ឋាភិបាលបានបញ្ចូនទៅប្រកួតនៅប្រទេសកាហ្សាក់ស្តង់ ហើយទើបត្រឡប់មកដល់ប្រទេសកម្ពុជាកាលពីពេលថ្មីៗនេះត្រូវបានរកឃើញវិជ្ជមានកូវីដ-១៩។

អ្នកនាំពាក្យរូបនេះ បានបញ្ជាក់ថា យោងតាមអនុសាសន៍ដ៏ខ្ពង់ខ្ពស់របស់សម្ដេចនាយករដ្ឋមន្ត្រី ក្រសួងអប់រំ យុវជន និងកីឡា អនុញ្ញាតឱ្យកីឡាករ០២រូបនេះ ប្រឡងបាក់ឌុបថ្ងៃ ២៧-២៨ ធ្នូ ២០២១ នៅមណ្ឌលព្យាបាលកូវីដ-១៩មួយកន្លែងក្រោមការរៀបចំដោយក្រសួងអប់រំ យុវជន និងកីឡា ក្រសួងសុខាភិបាល និងគ្រប់ភាគីពាក់ព័ន្ធ។

 ឆ្នាំ​នេះ  បេក្ខជនចុះឈ្មោះប្រឡងសរុប ចំនួនជាង១១ម៉ឺន៤ពាន់នាក់។​ ក្នុងនោះ ថ្នាក់វិទ្យាសាស្រ្ត ប្រមាណ​៤ម៉ឺននាក់  ក្រៅពីនោះ ថ្នាក់សង្គម។ ពួក​គេ​ត្រូវ​ប្រឡង​ទាំង​ក្នុង​ដំណាក់​កាល​កូវីដនិង​កូវីដបំប្លែង​ខ្លួន​ច្រើន​ប្រភេទ​ កំពុង​បន្ត​រាតត្បាត។

នៅថ្ងៃ ២៦ ធ្នូ ២០២១ បេក្ខជនប្រឡងបាក់ឌុបបានទៅពិនិត្យឈ្មោះ លេខបន្ទប់ លេខតុ ស្ទង់កំដៅ និងបិទស្ទីកឃ័របញ្ជាក់សុខភាពធម្មតា ប្រកបដោយភាពរលូនតាមការគ្រោងទុក បើទោះស្ថិតក្នុងវិបត្តិមេរោគរាតត្បាតអូមីក្រុងក៏ដោយ។

បើ​ទោះ​បី​ជា​ការ​ប្រឡង​នេះ រៀបចំ​ធ្វើ​នៅ​ក្នុង​បរិបទ​កូវីដ​១៩​ក៏​ដោយ តែ​រដ្ឋ​មន្ដ្រី​ក្រសួង​អប់រំ យុវជន និង​កីឡា ​បាន​សង្កត់​ធ្ងន់​ថា «ដំណើរការ​រៀបចំ​ការ​ប្រឡង នៅ​តែ​ឈរ​លើ​គោលការណ៍​ច្បាប់ យុត្តិធម៌ តម្លាភាព និង​លទ្ធផល​ដែល​អាច​ទទួល​យក​បាន»​។

ចំពោះ​ការ​ប្រឡង​បញ្ចប់ថ្នាក់​​វិទ្យាល័យ​ នៅថ្ងៃចន្ទ-អង្គារ៍ សប្តាហ៍ខាងមុខនេះ ក្រសួង​អប់រំ យុវជន និង​កីឡា បាន​​បញ្ជូន​វិញ្ញាសា​ប្រឡង​​ ទៅ​កាន់​បណ្ដា​ខេត្ត​ឆ្ងាយ​ៗ​ រួច​ហើយ​។ អង្គភាព​ប្រឆាំង​អំពើពុក​រលួយ ដែល​បាន​អង្គេត​ពី​ដំណើរការ​បញ្ចូនប្រធាន​​វិញ្ញាសា​ប្រឡង ពី​រាជធានី​ទៅខេត្ត​ បាន​វាយតម្លៃ​យ៉ាងវិជ្ជមាន​។ ​អង្គភាព​ប្រឆាំង​អំពើពុក​រលួយ អះអាងថា​វិញ្ញាសាទាំង​៨៧៣ហឹប​ បាន​បិត​ជិត​យ៉ាងគត់មុខ​។ មាន​ការ​រក្សា​ធានា​សុវត្ថិភាព​ត្រឹមក្នុងការ​ដឹកជញ្ជូន ហើយ​ពេល​ទៅដល់​គោលដៅនៅមណ្ឌល​ប្រឡង​ គឺ​មាន​ក្រុម​យាមកាម​២៤ម៉ោង​/២៤ម៉ោង​៕​

The post ក្រសួងអប់រំ អនុញ្ញាតិឲ្យកីឡាករពីររូប មកពីប្រកួតនៅបរទេស វិជ្ជមានកូវីដ-១៩ ប្រឡងនៅមណ្ឌលព្យាបាល appeared first on .