រូបថតនេះបានធ្វើឱ្យអ្នកលេងបណ្តាញសង្គមផ្ទុះចាប់អារម្មណ៍ និងលាន់មាត់ថាពិតជាស្រស់ស្អាត និងបានអរគុណដែលបានមកលេងប្រាសាទអង្គរវត្តនៅកម្ពុជា ព្រមទាំងបានយកសម្លៀកបំពាក់បុរាណខ្មែរមកបង្ហាញដល់បណ្តាអ្នកមើលទាំងជាតិនិងអន្តរជាតិ ដែលជាការចូលរួមផ្សព្វផ្សាយទេសចរណ៍ វប្បធម៌របស់កម្ពុជាទៅកាន់អន្តរជាតិ។

អ្នកនាង Grace Chan គឺជាតារាសម្តែង និងជាពិធីការិនីទូរទស្សន៍ដ៏ល្បីល្បាញ ដែលមានដើមកំណើតនៅហុងកុង និងធំធាត់នៅប្រទេសកាណាដា។  ថ្មីៗនេះក្នុងខែកុម្ភៈ ឆ្នាំ ២០២៦ អ្នកនាងនិងស្វាមីបានធ្វើឱ្យអ្នកគាំទ្រកម្ពុជាមានការភ្ញាក់ផ្អើលយ៉ាងខ្លាំង ដោយបានមកកម្សាន្តនៅ ប្រាសាទអង្គរវត្ត ខេត្តសៀមរាប ជាមួយឈុតសម្លៀកបំពាក់បុរាណខ្មែរ យ៉ាងស្រស់ស្អាត ប្រកបដោយស្នាមញញឹម៕

The post ផ្ទុះការចាប់អារម្មណ៍! តារាហុងកុងដ៏ល្បីអ្នកនាង Grace Chan មកថតរូបនៅប្រាសាទអង្គរវត្ត ជាមួយសំលៀកបំពាក់បុរាណខ្មែរ appeared first on .

លោក ឡេក គឹមលីន ប្រធានគ្រប់គ្រងភ្នាក់ងារទេសចរណ៍ប្រាសាទអង្គរវត្ត ឱ្យដឹងថា ជារៀងរាល់ឆ្នាំ ក្រោយថ្ងៃចេញវស្សា នៅប្រាសាទអង្គរ ក្នុងមួយថ្ងៃមានកូនកម្លោះក្រមុំ យ៉ាងហោចណាស់ពី៥០ទៅ៦០គូ មកថតរូបមុនរៀបអាពាហ៍ពិពាហ៍ទុកជាអនុស្សាវរីយ៍។ ការថតរូបអាពាហ៍ពិពាហ៍ដោយភ្ជាប់ជាមួយប្រាសាទអង្គរវត្ត មានតាំងតែពីម៉ោង៧ព្រឹក រហូតដល់ម៉ោង៥ល្ងាច។ អ្នកថតរូបទៀតសោត បានជ្រើសរើសទីតាំងពិសេសៗ និងកាលវេលាតាមការច្នៃប្រឌិតបានធ្វើឱ្យរូបភាពមានកាន់តែមានសោភ័ណភាព និងស្រស់ស្អាតប្រៀបបានឋានសួគ៌លើដី។

លោក ឡេក គឹមលីន បញ្ជាក់ថា ប្រាសាទអង្គរវត្ត មានទីតាំងជាច្រើនដែលកូនកម្លោះក្រមុំនិយមថតរូប មានចាប់ពីច្រាំងកសិន្ធុច្រកចូលពីទិសខាងលិច  រោងទងទី១ បណ្ណាល័យខាងត្បូងខាងជើង ស្រះទឹក ក្តាបែន តាមជ្រុងនីមួយៗនៃរួតទី១ និងច្រកទ្វារចុះទៅខ្លោងទ្វារខាងជើង ឬហៅថា គុហ៍តាឡឹក រួមនិងទីតាំងជាច្រើនទៀត តាមការច្នៃប្រឌិតរបស់អ្នកថតរូបនីមួយៗ។ ក្រៅពីប្រាសាទអង្គរវត្ត នៅក្រុងអង្គរធំ និងប្រាសាទផ្សេងៗទៀត ក៏ជាទីពេញនិយមនៃថតរូបអាពាហ៍ពិពាហ៍ដែរ មានដូចជា នៅខ្លោងទ្វារទន្លេអុំ ខ្លោងទ្វារតាកាវ ខ្លោងទ្វារដីឆ្នាំង ព្រះលានជល់ដំរី ប្រាសាទព្រះខ័ន ប្រាសាទនាគព័ន្ធ ប្រាសាទបន្ទាយក្តី និងប្រាសាទប្រែរូបជាដើម។

ក្រុមការងារភ្នាក់ងារទេសចរណ៍យល់ឃើញថា ការណ៍ដែលប្រាសាទអង្គរវត្ត និងប្រាសាទនានាបានក្លាយជាទីពេញនិយមសម្រាប់ថតរូបអាពាហ៍ពិពាហ៍ ដោយសារតែអង្គរ គឺជាសម្បត្តិបេតិកភណ្ឌដ៏ល្បីល្បាញរបស់ពិភពលោក និងជាដួងព្រលឹងនៃអត្តសញ្ញាណជាតិរបស់ខ្មែរ។ ការមកថតរូបអាពាហ៍ពិពាហ៍ដោយភ្ជាប់ជាមួយអង្គរនេះ ពលរដ្ឋខ្មែរយល់ថា ក្នុងមួយជីវិតរៀបការតែម្ដង គឺចង់ភ្ជាប់អនុស្សាវរីយ៍ជាមួយនិងកន្លែងដ៏ល្បីល្បាញ។ ម្យ៉ាងទៀត ការស្លៀកពាក់បែបប្រពៃណីខ្មែរស័ក្តិសមទៅនឹងសំណង់ប្រាសាទបុរាណដ៏អស្ចា្យ ដែលបុព្វបុរសខ្មែរបានបន្សល់ទុក ហើយរួមជាមួយនិងទេសភាពប្រាសាទជាមួយព្រៃឈើ និងស្មៅពណ៌បៃតងផងនោះ កាន់តែធ្វើឱ្យរូបភាពអនុស្សាវរីយ៍មានតម្លៃ និងស្រស់ស្អាត។

ខណៈពេលដែលពលរដ្ឋពេញនិយម មកថតរូបអាពាហ៍ពិពាហ៍នៅអង្គរកាន់តែច្រើនឡើងៗនេះ អាជ្ញាធរជាតិអប្សរា ក៏សូមអំពាវនាវដល់អ្នកថត ត្រូវចេះយោគយល់គ្នានៅពេលដែលមានអ្នកថតច្រើនចំពោះទីតាំងដែលមានការមមាញឹកថត និងទីតាំងចង្អៀត ហើយត្រូវទុកដាក់សម្ភារ ឬដបកែវភេសជ្ជៈឱ្យបានត្រឹមត្រូវចៀសវាងជ្រុះ ឬភ្លេចនាំឱ្យបាត់បង់អនាម័យ និងសណ្តាប់ធ្នាប់ល្អ។ សូមរួមគ្នាលើកតម្លៃនៃរមណីយដ្ឋានអង្គរ ព្រមទាំងបរិស្ថានស្អាត ដើម្បីលើកស្ទួយវប្បធម៌ និងទេសចរណ៍នៅកម្ពុជាកាន់តែរីកចម្រើន៕

ប្រភព៖ ក្រសួងវប្បធម៌ និងវិចិត្រសិល្បៈ, អត្ថបទ៖ ឆាយ ផាន់នី, រូបភាព៖ ស៊ិន ប្រណី,យី សុថា,

The post ក្នុងមួយថ្ងៃកូនកម្លោះក្រមុំ យ៉ាងហោចណាស់ពី៥០ទៅ៦០គូ មកថតរូប Pre Wedding នៅប្រាសាទអង្គរវត្ត appeared first on .

យោងតាម Tripadvisor បានឱ្យដឹងថា ប្រាសាទអង្គរវត្ត កម្ពុជាដែលបានជាប់ចំណាត់ថ្នាក់កំពូលលេខ១ ជាគោលដៅទេសចរណ៍ទាក់ទាញបំផុតនៅអាស៊ី សម្រាប់ឆ្នាំ២០២៥នេះ។

សូមជម្រាបជូនថា ប្រាសាទអង្គរវត្ត គឺជាកំពូលស្ថាបត្យកម្មរបស់ខ្មែរនៅសម័យមហានគរ ដែលរំលេចឲ្យឃើញនូវភាពរុងរឿងថ្កុំថ្កើងសម្បូរសប្បាយ ក្រោមការដឹកនាំរបស់ព្រះមហាក្សត្រខ្មែរនៅរាជសម័យកាលនោះ។ ប្រាសាទអង្គរវត្ត ត្រូវបានសាងសង់ឡើង នៅដើមសតវត្សរ៍ទី១២ ដោយមហាក្សត្រខ្មែរ ព្រះបាទសូរ្យវរ្ម័នទី២ និងមានព្រះមហាក្សត្រខ្មែរជាច្រើនអង្គទៀត បានជួយស្ថាបនារហូចសម្រេចជាស្ថាពរ រួមមានព្រះបាទជ័យវរ្ម័នទី៧ ជាដើម។

ប្រាសាទអង្គរវត្តបានក្លាយជានិមិត្តរូប និងជារូបភាពតំណាងប្រទេសកម្ពុជា ហើយក៏ជាប្រាសាទមួយ បាន​រួមចំណែកក្នុងការទាក់ទាញភ្ញៀវទេសចរជាតិ និងអន្តរជាតិជាច្រើននៅលើពិភពលោកឱ្យមកទស្សនាប្រទេសកម្ពុជាផងដែរ។ ប្រាសាទអង្គរវត្ត ត្រូវបានចុះនៅក្នុងបញ្ជីបេតិកភណ្ឌពិភពលោករបស់អង្គការយូណេស្កូ នៅឆ្នាំ ១៩៩២។

របាយការណ៍គ្រឹះស្ថានអង្គរ បានឱ្យដឹងដែរថា ក្នុងរយៈពេល៧ខែ ឆ្នាំ២០២៥នេះ ​ការលក់សំបុត្រចូលទស្សនា រមណីយដ្ឋានអង្គរ ទទួលបានចំណូលប្រមាណ ២៨ ៦៤៣ ៤០៧ ដុល្លារ ​​ពីមានភ្ញៀវទេសចរបរទេសជាង ៦១ម៉ឺននាក់ មានការកើនឡើង៥.៣៩%៕

The post សម្តេចធិបតី អបអរសាទរប្រាសាទអង្គរវត្ត ជាប់ចំណាត់ថ្នាក់កំពូល ជាគោលដៅទេសចរណ៍ទាក់ទាញបំផុតនៅអាស៊ី appeared first on .

ប្រាសាទសីហនគរដែលមានទីតាំងក្នុងវត្តភូម៉ានហ្វា ខេត្តបុរីរម្យ ប្រទេសថៃ ត្រូវបានសាងសង់ឡើងកាលពីអំឡុងឆ្នាំ២០២១ ដោយបានចម្លងប្លង់ និងរចនាបទប្រាសាទអង្គរវត្តរបស់ខ្មែរទាំងស្រុង។ ភ្លាមៗនោះក្រោយលេចឮនូវដំណឹងនេះ កាលពីថ្ងៃទី ៧ ខែកក្កដា ឆ្នាំ២០២១ ក្រសួងវប្បធម៌កម្ពុជា បានចេញសេចក្តីប្រកាសព័ត៌មានមួយដោយផ្អែកតាមការបំភ្លឺរបស់ចៅអធិការវត្តភូម៉ានហ្វា ថាការសាងសង់ប្រាសាទសីហនគរពុំបានលួចចម្លងប្លង់ ឬសាងសង់តាមរចនាបទស្ថាបត្យកម្មដូចគ្នាទៅនឹងប្រាសាទអង្គរវត្តនោះទេ ពោលគឺសាងសង់តាមគំនូសប្លង់ដោយខ្លួនឯង។

ក្រោយមកនៅថ្ងៃទី២៦​​​ ខែកញ្ញា ឆ្នាំ២០២៤ ក្រសួងវប្បធម៌កម្ពុជា ក៏បានចេញសេចក្តីជូនដំណឹងជុំវិញការសាងសង់សំណង់នៅវត្តភូម៉ានហ្វា និងដោយបញ្ជាក់ថា ក្រុមការងារក្រសួងបានតាមដានជាប់ជាប្រចាំដោយផ្តោតលើសកម្មភាពទំនាក់ទំនងការទូត ដោយបានបញ្ចូនអ្នកសិក្សាស្រាវជ្រាវ ដើម្បីចុះទៅពិនិត្យទីតាំងសាងសង់ផ្ទាល់ ប៉ុន្តែស្ថានភាពពេលនោះ អ្នកជំនាញចុះទៅពិនិត្យឃើញថា សំណង់នោះមិនទាន់មានការសងសង់បន្ថែមនៅឡើយ។

ថ្មីៗនេះ នៅថ្ងៃទី១០ ខែកក្កដា ឆ្នាំ២០២៥ ក្នុងសម័យប្រជុំលើកទី៤៧ របស់គណៈកម្មាធិការបេតិកភណ្ឌេពិភពលោក នាទីក្រុងប៉ារីស ប្រទេសបារាំង លោកស្រី ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ ក៏បានចេញបទអន្តរាគមន៍ជាផ្លូវការ ជុំវិញការព្រួយបារម្ភចំពោះសំណង់ចម្លងតាមគំរូប្រាសាទអង្គរវត្តនេះ។

នៅចំពោះមុខសមាជិកគណៈកម្មាធិការបេតិកភណ្ឌពិភពលោក លោកស្រីរដ្ឋមន្រ្តីវប្បធម៌ បានលើកឡើងច្បាស់ៗថា ការសាងសង់សំណង់ចម្លងដ៏ធំតាមគំរូប្រាសាទអង្គរវត្ត នៅក្នុងខេត្តបុរីរម្យ ប្រទេសថៃ មិនបានពិភាក្សាជាមួយកម្ពុជា ហើយក៏មិនបានគោរពទៅដល់ក្រមសីលធម៌នៃតម្លៃវប្បធម៌របស់កម្ពុជានោះដែរ។

លោកស្រីបានបន្ថែមថា សំណង់នេះបានបង្កជាការកង្វល់សម្រាប់កម្ពុជា មិនតែប៉ុណ្ណោះក៏បានប៉ះពាល់ផងដែរដល់ Integrity និង Authenticity និងតម្លៃលេចធ្លោជាសកល (OUV-Outstanding Universal Value) របស់រមណីយដ្ឋានអង្គរទាំងមូល។ ជាពិសេស ការសាងសង់នេះ បង្កជាសំណង់គំរូដ៏គ្រោះថ្នាក់បំផុតសម្រាប់គ្រប់បេតិកភណ្ឌពិភពលោកទាំងអស់។

លោកស្រី ភឿង សកុណា បានអះអាងបន្ថែមថា ទោះបីជាកម្ពុជាខិតខំព្យាយាមជាច្រើនលើកច្រើនសារក្នុងការជជែកជាមួយភាគីថៃ ក៏ការសាងសង់នេះនៅតែបន្តមិនបញ្ឈប់នោះទេ។

ក្នុងន័យនេះ លោកស្រីរដ្ឋមន្រ្តីវប្បធម៌ និងវិចិត្រសិល្បៈ បានស្នើសុំអង្គការយូណេស្កូ ក៏ដូចជាស្ថាប័នពិគ្រោះយោបល់ទាំងអស់របស់អង្គការណូណេស្កូ សូមពិនិត្យជាទូទៅលើបញ្ហានេះ ជាមួយការយកចិត្តទុកដាក់ខ្ពស់។

សូមជម្រាបថា ប្រាសាទអង្គរវត្ត របស់កម្ពុជា ត្រូវ​បាន​សាងសង់​ឡើង នៅ​ដើម​សតវត្ស​ទី​១២ ជា​ប្រាសាទបុរាណ​ដែល​កសាង​ឡើង ដើម្បី​បុព្វហេតុ​នៃ​ជំនឿ និង​សាសនា​ដ៏​ធំ​បំផុត នៅ​ក្នុង​ប្រទេស​កម្ពុជា និង​ពិភពលោក។ ប្រាង្គដែលជារចនាសម្ពន្ធសំខាន់នៃប្រាសាទអង្គរវត្ត គឺមានកំពូលទាំងអស់រហូតដល់១២ពោលគឺកំពូលខាងក្នុងមានចំនួន៩ និងនៅខាងក្រោមមានចំនួន៣ ជាអ័ក្សចែកគ្នានៃដំណើរគោចររបស់ព្រះអាទិត្យក្នុងរយៈពេល១២ខែ ស្មើ១ឆ្នាំ។

ប្រាសាទអង្គរវត្ត បានទាក់ទាញភ្ញៀវទេសចរទាំងជាតិ និងអន្តរជាតិរាប់ម៉ឺននាក់មួយឆ្នាំៗ ដោយសារជារមណីយដ្ឋានទាក់ទាញទេសចរណ៍ដ៏ពេញនិយមបំផុតនៅកម្ពុជា និងពិភពលោក។ ប្រាសាទអង្គរវត្តបានចុះក្នុងបញ្ជីបេតិកភណ្ឌពិភពលោក តាំងពីឆ្នាំ១៩៩២ ហើយក៏ជានិមិត្តរូបជាតិកម្ពុជាផងដែរ៕ SN

The post កម្ពុជា បានស្នើដល់អង្គការយូណេស្កូ ពិនិត្យជុំវិញបញ្ហាសំណង់ចម្លងដ៏ធំតាមគំរូប្រាសាទអង្គរវត្តកម្ពុជា ក្នុងទឹកដីថៃ appeared first on .

ថ្លែងនៅក្នុងបទអន្ដរាគមន៍ផ្លូវការ ក្នុងសម័យប្រជុំលើកទី៤៧ របស់គណៈកម្មាធិការបេតិកភណ្ឌពិភពលោក ទីស្នាក់ការអង្គការយូណេស្កូ ទីក្រុងប៉ារីស ប្រទេសបារាំង នៅថ្ងៃទី១០ ខែកក្កដា ឆ្នាំ២០២៥ លោកជំទាវបណ្ឌិតសភាចារ្យ ភឿង សកុណា បានលើកឡើងថា «ព្រះរាជាណាចក្រកម្ពុជាសូមសម្តែងនូវអំណរគុណយ៉ាងជ្រាលជ្រៅ ចំពោះការយកចិត្តទុកដាក់ជាប់មិនដាច់របស់ គណៈកម្មាធិការបេតិកភណ្ឌពិភពលោក ចំពោះកិច្ចការការពារបេតិកភណ្ឌពិភពលោក ជាពិសេសប្រាសាទអង្គរវត្ត ដែលបានចុះក្នុងបញ្ជីបេតិកភណ្ឌពិភពលោក តាំងពីឆ្នាំ១៩៩២ ហើយក៏ជានិមិត្តរូបជាតិកម្ពុជាផងដែរ»។

លោកជំទាវបន្ដថា «ថ្ងៃនេះ យើងខ្ញុំសូមជម្រាបជូនគ្រប់សមាជិកគណៈកម្មាធិការទាំងអស់អំពីកង្វល់របស់កម្ពុជា ពាក់ព័ន្ធនឹងសំណង់ចម្លងដ៏ធំតាមគំរូប្រាសាទអង្គរ នៅក្នុងខេត្តបុរីរម្យ ព្រះរាជាណាចក្រថៃ ដោយមិនបានពិភាក្សាជាមួយកម្ពុជា ហើយក៏មិនបានគោរពទៅដល់ក្រមសីលធម៌នៃតម្លៃវប្បធម៌របស់កម្ពុជានោះដែរ។ ការសាងសង់ នេះក៏បានប៉ះពាល់ផងដែរដល់ Integrity និង Authenticity និងតម្លៃលេចធ្លោជាសកល (OUV- Outstanding Universal Value) របស់រមណីយដ្ឋានអង្គរទាំងមូល»។

លោកជំទាវបណ្ឌិតសភាចារ្យ បានបញ្ជាក់ថា « ទោះបីយើងខ្ញុំបានខិតខំព្យាយាមជាច្រើនលើកច្រើនសាក្នុងការជជែកជាមួយភាគីថៃ ក៏ការសាងសង់នេះនៅត បន្តមិនបញ្ឈប់នោះទេ។ ករណីសាងសង់ចម្លងនេះ កំពុងបង្កជាសំណល់គំរូដ៏គ្រោះថ្នាក់បំផុតសម្រាប់គ្រប់ បេតិកភណ្ឌពិភពលោកទាំងអស់។

ជាមួយគ្នានោះ លោកជំទាវបណ្ឌិតសភាចារ្យ ភឿង សកុណា ក៏បានស្នើសុំអង្គការយូណេស្កូ ក៏ដូចជាស្ថាប័នពិគ្រោះយោបល់ទាំងអស់របស់អង្គការយូណេស្កូ ពិនិត្យជាទូទៅលើបញ្ហានេះ ជាមួយការយកចិត្តទុកដាក់ខ្ពស់ផងដែរ៕

The post បណ្ឌិតសភាចារ្យ ភឿង សកុណា ៖ ការចម្លងតាមគំរូប្រាសាទអង្គរវត្ត ដោយប្រទេសថៃ កំពុងបង្ករជាសំណល់គំរូដ៏គ្រោះថ្នាក់បំផុតសម្រាប់គ្រប់បេតិកភណ្ឌពិភពលោកទាំងអស់ appeared first on .

ស្របពេលជាមួយគ្នានេះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក៏បានចូលរួមអបអរសាទរ ដែលប្រាសាទអង្គរវត្តរបស់កម្ពុជាបានជាប់ឈ្មោះជាទីកន្លែងទស្សនាដ៏​ល្បី​បំផុត​នៅក្នុង​ពិភពលោកនេះផងដែរ។

គួរបញ្ជាក់ថា នៅពីក្រោយប្រាសាទអង្គរវត្តរបស់កម្ពុជា រួមមាន Opera House ប្រទេសអូស្រ្តាលី   ជាប់លេខ២ Eiffle Tower របស់ប្រទេសបារាំង ជាប់លេខ៣ ខណៈលេខ៤. Taj Mahal ប្រទេសឥណ្ឌា និងលេខ៥. Machu Picchu ប្រទេសប៉េរូ ដែលនេះជាកន្លែងល្បីៗទាំង៥ ក្នុងចំណោមកន្លែងទាំង៣២ លើពិភពលោក។

សូមជម្រាបជូនថា ប្រាសាទអង្គរវត្ត គឺជាកំពូលស្ថាបត្យកម្មរបស់ខ្មែរនៅសម័យមហានគរ ដែលរំលេចឲ្យឃើញនូវភាពរុងរឿងថ្កុំថ្កើងសម្បូរសប្បាយ ក្រោមការដឹកនាំរបស់ព្រះមហាក្សត្រខ្មែរនៅរាជសម័យកាលនោះ។ ប្រាសាទអង្គរវត្ត ត្រូវបានសាងសង់ឡើង នៅដើមសតវត្សរ៍ទី១២ ដោយមហាក្សត្រខ្មែរ ព្រះបាទសូរ្យវរ្ម័នទី២ និងមានព្រះមហាក្សត្រខ្មែរជាច្រើនអង្គទៀត បានជួយស្ថាបនារហូចសម្រេចជាស្ថាពរ រួមមានព្រះបាទជ័យវរ្ម័នទី៧ ជាដើម។

ប្រាសាទអង្គរវត្តបានក្លាយជានិមិត្តរូប និងជារូបភាពតំណាងប្រទេសកម្ពុជា ហើយក៏ជាប្រាសាទមួយ បាន​រួមចំណែកក្នុងការទាក់ទាញភ្ញៀវទេសចរជាតិ និងអន្តរជាតិជាច្រើននៅលើពិភពលោកឱ្យមកទស្សនាប្រទេសកម្ពុជាផងដែរ។ ប្រាសាទអង្គរវត្ត ត្រូវបានចុះនៅក្នុងបញ្ជីបេតិកភណ្ឌពិភពលោករបស់អង្គការយូណេស្កូ នៅឆ្នាំ ១៩៩២៕

The post ប្រាសាទអង្គរវត្តជាប់ឈ្មោះជាកន្លែងទស្សនាដ៏​ល្បី​បំផុត​ក្នុង​ពិភពលោក ក្នុងចំណោមកន្លែងល្បីបំផុតទាំង៣២ appeared first on .

យោងតាម TimesTravel  បានបង្ហាញឱ្យដឹងថា ប្រាសាទអង្គរវត្ត ឈរនៅលំដាប់កំពូល ដោយសារតែសម្រស់ដ៏អស្ចារ្យ ជាពិសេសនៅពេលព្រឹកព្រលឹម។ ចម្លាក់ដ៏ស្មុគស្មាញ ប្រឡាយទឹកដ៏ធំ និងភាពស្មុគ្រស្មាញនៃស្ថាបត្យកម្ម ដ៏អស្ចារ្យរបស់ប្រាសាទនេះ ផ្តល់នូវឱកាសថតរូបគ្មានទីបញ្ចប់ ជាពិសេសក្នុងអំឡុងពេលព្រះអាទិត្យរះ និងពេលថ្ងៃលិច។

សូមជម្រាបជូនថា ប្រាសាទអង្គរវត្ត គឺជាកំពូលស្ថាបត្យកម្មរបស់ខ្មែរនៅសម័យមហានគរ ដែលរំលេចឲ្យឃើញនូវភាពរុងរឿងថ្កុំថ្កើងសម្បូរសប្បាយ ក្រោមការដឹកនាំរបស់ព្រះមហាក្សត្រខ្មែរនៅរាជសម័យកាលនោះ។ ប្រាសាទអង្គរវត្ត ត្រូវបានសាងសង់ឡើង នៅដើមសតវត្សរ៍ទី១២ ដោយមហាក្សត្រខ្មែរ ព្រះបាទសូរ្យវរ្ម័នទី២ និងមានព្រះមហាក្សត្រខ្មែរជាច្រើនអង្គទៀត បានជួយស្ថាបនារហូចសម្រេចជាស្ថាពរ រួមមានព្រះបាទជ័យវរ្ម័នទី៧ ជាដើម។

ប្រាសាទអង្គរវត្តបានក្លាយជានិមិត្តរូប និងជារូបភាពតំណាងប្រទេសកម្ពុជា ហើយក៏ជាប្រាសាទមួយ បាន​រួមចំណែកក្នុងការទាក់ទាញភ្ញៀវទេសចរជាតិ និងអន្តរជាតិជាច្រើននៅលើពិភពលោកឱ្យមកទស្សនាប្រទេសកម្ពុជាផងដែរ។ ប្រាសាទអង្គរវត្ត ត្រូវបានចុះនៅក្នុងបញ្ជីបេតិកភណ្ឌពិភពលោករបស់អង្គការយូណេស្កូ នៅឆ្នាំ ១៩៩២៕

The post ប្រាសាទអង្គរវត្ដរបស់កម្ពុជា បានជាប់ឈ្មោះជាតំបន់បេតិកភណ្ឌពិភពលោក ដែលមានភាពទាក់ទាញបំផុតសម្រាប់ការថតរូបនៅអាស៊ី appeared first on .