ពាក់ព័ន្ធនិងផ្លែមៀនស្រស់ឬមៀនប៉ៃលិននេះដែរ លោក តំ សុភ័ណ្ឌ តំណាងសហគមន៍មៀនប៉ៃលិនបានឱ្យដឹងថា មៀនប៉ៃលិននៅពេលមានទីផ្សារនាំចេញទៅប្រទេសចិនបានដោយផ្ទាល់ វាជារឿងល្អសម្រាប់កសិករមានទំនុកចិត្តក្នុងការផលិត វាមិនធ្វើឱ្យមានការកកស្ទះនៅពេលប្រមូលផលមៀនស្រស់ដូចកាលពីមុន។ ប៉ុន្តែបច្ចុប្បន្ននេះការផលិតរបស់កសិករ មានការធ្លាក់ចុះដោយសារការប្រែប្រួលនៃអាកាសធាតុ ជាហេតុធ្វើឱ្យកសិករចំណាយថ្លៃដើមផលិតខ្ពស់ តែចំណូលបានមកវិញមានចំនួនតិចតួច វាអត់ដូចពេលមុនៗ។

លោកបន្តថា បច្ចុប្បន្នសហគមន៍មៀនប៉ៃលិនមានសមាជិកសរុប២៥៥គ្រួសារ និងមានផ្ទៃដីដាំមៀនមានជាង២ ៤០០ហិកតា ដោយមួយហិកតាទទួលបានទិន្នផលពី១០តោន ទៅ១២តោន ឬមានចំនួនតិចជាងនេះបើអាកាសធាតុមានការប្រែប្រួល។ ជាក់ស្តែងកាលឆ្នាំ២០២៤កន្លងមកនេះ ការផលិតមៀនប៉ៃលិនប្រមូលបានទិន្នផលប្រមាណ៦០ភាគរយ នៅក្នុងផ្ទៃដីសរុប ហើយនៅឆ្នាំ២០២៥នេះ ខាងសហគមន៍មិនទាន់អាចវាយតម្លៃបាន ដោយសារកសិករចាប់ផ្តើមផលិតមៀនប៉ៃលិននៅមានចំនួនតិចតួច ព្រោះតែភាពមិនច្បាស់លាស់នៃទីផ្សារ និងការអូសបន្លាយរបស់កសិករកាលពីឆ្នាំ២០២៤រហូតមកដល់ពេលនេះមិនទាន់បានចាប់ផ្តើមផលិតមៀនក្នុងរដូវកាលថ្មី។

បើតាមតំណាងសហគមន៍មៀនប៉ៃលិនខាងលើ ជាទូទៅកសិករផលិតមៀនប៉ៃលិនធ្វើទៅតាមតម្រូវទីផ្សារ ហើយកន្លងមកកសិករចាប់ផ្តើមប្រមូលផលមៀនប៉ៃលិននៅខែកក្កដា រហូតដល់ខែឧសភានៃឆ្នាំបន្ទាប់ (ខែកក្កដាឆ្នាំ២០២៤ ដល់ខែឧសភា ឆ្នាំ២០២៥) ។

បច្ចុប្បន្នមាននៅក្នុងតំបន់មានក្រុមហ៊ុនជីនវ័រយាន ប្រមូលទិញផ្លែមៀនស្រស់ពីកសិករ ដើម្បីកែច្នៃវេចខ្ចប់សម្រាប់ធ្វើការនាំចេញទៅប្រទេសចិន។ តួយ៉ាងក្នុងឆ្នាំ២០២៤កន្លងទៅនេះ ក្រុមហ៊ុនប្រកាសទិញមៀនស្រស់ពីកសិករក្នុងតម្លៃ៣០០០ ទៅ៣៥០០រៀល ក្នុងមួយគីឡូក្រាម ហើយនៅឆ្នាំ២០២៥នេះ ចាប់ពីពាក់កណ្តាលខែកក្កដាដល់ខែធ្នូខាងមុខនេះ ទិញក្នុងតម្លៃ៣ ០០០រៀល៕

The post ការនាំចេញផ្លែមៀនស្រស់របស់កម្ពុជាកើនឡើងជាង៣១ភាគរយ ក្នុងរយៈពេល៦ខែនេះ appeared first on .

ក្នុងជំនួបសំណេះសំណាលរវាងលោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ជាមួយម្ចាស់ក្រុមហ៊ុនឯកជន សហគមន៍ ម្ចាស់ចំការ និងកសិករផលិតមៀនប៉ៃលិន នៅក្នុងខេត្តបាត់ដំបង និងខេត្តប៉ៃលិន កាលពីថ្ងៃទី២៩ ខែមករា ឆ្នាំ២០២៥  ម្ចាស់ក្រុមហ៊ុនពេជ្រចិន្តា ហ្វ្រ៊ូត ប្រូដាក់សិន ភីអេហ្វភី និងតំណាងសហគមន៍ ម្ចាស់ចំការ ប្រមាណ៥០នាក់ នៅស្រុកភ្នំព្រឹក ខេត្តបាត់ដំបង បានលើកនូវបញ្ហាប្រឈមជុំវិញការខ្វះខាតទុនវិនិយោគសម្រាប់បង្វិលលើការទិញផលិតផលមៀនស្រស់ ខ្វះខាតប្រព័ន្ធអគ្គិសនីប្រើប្រាស់នៅក្នុងក្រុមហ៊ុន និងសហគមន៍ជា ប្រមូលទិញ និងមានភាពយឺតយ៉ាវចំពោះការបេះមៀនប៉ៃលិនស្រស់ ពីស្រុកសំពៅលូន ស្រុកភ្នំព្រឹក ស្រុកកំរៀង និងនៅស្រុកម៉ាឡៃ ខេត្តបាត់ដំបង។

ចំណែកឯម្ចាស់ក្រុមហ៊ុន ឆាយណាជីនវ័រយាន អ៊ីមផត អិចផត និងតំណាងសហគមន៍ ម្ចាស់ចំការ ប្រមាណ២០នាក់ទៀត នៅក្រុងប៉ៃលិន ខេត្តប៉ៃលិន ក៏បានលើកឡើងពីបញ្ហាប្រឈមជុំវិញការប្រមូលទិញ និងបេះមៀនប៉ៃលិនស្រស់ ដោយសារបេះមិនទាន់ពេលវេលា និងធ្វើឱ្យមានការខូចខាតច្រើន។ និយាយជារួមពួកគាត់ ស្នើសុំស្ថាប័នពាក់ព័ន្ធ ជាពិសេសក្រសួងកសិកម្ម រុក្ខាប្រមាញ់ និងនេសាទ ជួយសម្របសម្រួលដោះស្រាយបញ្ហាប្រឈមជូនពួកគាត់ផងដែរ។

តបតាមសំណើរបស់ម្ចាស់ក្រុមហ៊ុន សហគមន៍ និងប្រជាកសិករ លោករដ្ឋមន្ត្រីកសិកម្ម បានទទួលនូវសំណើ ក្នុងការជួយរកដំណោះស្រាយជូនពួកគាត់ឱ្យបានទាន់ពេលវេលា។ ទន្ទឹមនឹងនេះ លោកមន្ត្រី ក៏បានណែនាំ និងលើកទឹកចិត្តដល់សហគមន៍ និងម្ចាស់ចំការ ត្រូវសហការឱ្យបានជិតស្និតជាមួយក្រុមហ៊ុន ហើយត្រូវធ្វើកិច្ចសន្យាថ្មីជាមួយគ្នាឱ្យមានតម្លាភាព គោរពតាមលក្ខខណ្ឌនៃកិច្ចសន្យារួមគ្នា និងស្របតាមស្តង់ដារដែលបានកំណត់ ប្រកបដោយប្រសិទ្ធភាពខ្ពស់។

លោកក៏បានគូសបញ្ជាក់ថា ករណីក្រុមហ៊ុន ឬម្ចាស់ចំការ ត្រូវការកម្លាំងពលកម្មជួយបេះមៀន ក្រសួងកសិកម្ម នឹងធ្វើកិច្ចសហការជាមួយឯកឧត្តមនាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ផ្តល់កងកម្លាំងទាហានដល់ក្រុមហ៊ុន សហគមន៍ និងម្ចាស់ចំការ ឱ្យជួយបង្រៀនកងកម្លាំងទាំងនោះ ឱ្យចេះប្រមូលផល ដើម្បីជួយដោះស្រាយបញ្ហាជូនពួកគាត់ឱ្យបានទាន់ពេលវេលា ដើម្បីងាយស្រួលចែកចាយមៀនស្រស់ និងដំណាប់មៀនសម្ងួត នៅលើទីផ្សារក្នុងស្រុក និងក្រៅស្រុក ឱ្យទទួលបានប្រសិទ្ធភាព និងប្រសិទ្ធផលខ្ពស់ផងដែរ។

សូមជម្រាបផងដែរថា ក្នុងឆ្នាំ២០២៤ កម្ពុជាប្រមូលចំណូលបានជាង៣២លានដុល្លារពីការនាំចេញផ្លែមៀនស្រស់ទៅកាន់ទីផ្សារអន្តរជាតិ មានការកើនឡើងជាង៤០% បើធៀបនឹងតម្លៃនាំចេញកាលពីឆ្នាំ២០២៣៕

The post សហគមន៍មៀនស្រស់ក្នុងខេត្តចំនួនពីរ នឹងទទួលបានការដោះស្រាយបញ្ហាមួយចំនួនពីក្រសួងកសិកម្ម appeared first on .

លោក ផត សុផាន់បុរី សមាជិកក្រុមប្រឹក្សាភិបាលមៀនកម្ពុជា និងជាប្រធានក្រុមហ៊ុន ពេជ្រចិន្តា ហ្វ្រូដ បានឱ្យដឹងថា ទីផ្សារផ្លែមៀនឃើញថាមានស្ថេរភាពល្អតាំងពីដើមឆ្នាំ២០២៣ ហើយចុងឆ្នាំ២០២៣ ក៏ឃើញថាមានកំណើនគួរឱ្យកត់សម្គាល់ផងដែរ ដោយទី១ ចម្ការធ្លាប់បង់ចោលគឺកសិករបានផលិតឡើងវិញ, ទី២ បើធៀបនិងការផលិតដូចគ្នាក្នុងចុងឆ្នាំ២០២២ ឃើញថាចុងឆ្នាំ២០២៣មានកំណើនផលិតលើស៥០%នៃចុងឆ្នាំមុន និងទី៣ សម្រាប់តម្លៃចុងឆ្នាំ២០២៣មានតម្លៃខ្ពស់ជាងឆ្នាំ២០២២។

ដោយឡែកសម្រាប់២០២៤នេះវិញ តម្លៃរឹតតែល្អសម្រាប់ចម្ការដែលមានស្ថង់ដារ ការអនុវត្តន៍កសិកម្មល្អដែលហៅកាត់ថា(Gap)។នៅដើមឆ្នាំ២០២៤នេះ សម្រាប់កសិករកុងត្រាតម្លៃផ្លែមៀនមានតម្លៃ៤ ០០០រៀល ទៅ ៤៥០០រៀល បើធៀបដើមឆ្នាំ២០២៣ មានតម្លៃតែ៣ ៣០០រៀល ទៅ៣ ៦០០រៀលប៉ុណ្ណោះ ក្នុងមួយគីឡូក្រាម។

លោកបន្តថា សម្រាប់ទីផ្សារក្នុងស្រុកមិនមានសន្ទុះការកើនឡើងទេ ក៏ប៉ុន្តែមានការគាំទ្រលើផលិតផលកែច្នៃច្រើនលើមៀនសម្ងួតផ្គត់ផ្គង់ទៅផ្សារ ដើម្បីចែកចាយតាមទីប្រជុំជន តាមផ្សារធំៗជាដើម។លើសពីនេះ ក៏មានភ្ញៀវជាជនបរទេសបានសម្រុកដើម្បីមកចរចារក្នុងការនាំចេញទៅប្រទេសរៀងៗខ្លួនបន្ថែមទៀត ដូចជានៅអារ៉ាប់ ឥណ្ឌា ឥណ្ឌូនេស៊ី ឬវៀតណាមជាដើម តែសម្រាប់ប្រទេសថៃគឺជាសម្បុកមៀនស្រាប់ហើយ មិនមានការបញ្ជាទិញនោះទេ។

បើតាមលោក ផត សុផាន់បុរី ចំពោះទីផ្សារ និងគោលដៅឥឡូវចំពោះចង្វាក់ផលិតកម្មមៀនប៉ៃលិនមានភាពល្បីល្បាញខ្លាំងមិនថានៅប្រទេសចិនទេគឹនៅប៉ែកអ៉ឺរ៉ុប ទ្វីបអាមេរិកក៏មានចំណាប់អារម្មណ៍ក្នុងការសិក្សាក្នុងការទិញផលិតផលពីយើងដែរ ក៏ប៉ុន្តែអ្វីដែលយើងមិនទាន់អាចធ្វើបានរួមមាន ការគ្រប់គ្រងហានិភ័យផ្សេងៗ បើសិនជាយើងអាចចាប់ដៃគូបានច្រើនកសិករយើងក៏មានចំណូលខ្ពស់ដែរ ហើយរាល់ថ្ងៃនេះក៏មានការលំបាកច្រើនដែរពាក់ព័ន្ធលើទុនបង្វិលរបស់ក្រុមហ៊ុនមួយៗដើម្បីបង្វិលស្តុកក្នុងការទិញ។លើសពីនោះ ក៏មានបញ្ហាមួយចំនួនតែតែកើតឡើងដូចជា កសិករមិនចូលរួមធ្វើផែនការផលិតអោយគ្រប់ជ្រុងជ្រោយ, កសិករខ្វះការអនុវត្តន៍កសិកម្មល្អ ជាកត្តាហានិភ័យដល់ស្ដង់ដារបញ្ជាទិញ និងដោយសារការធ្វើផែនការផលិតមិនទាន់ល្អធ្វើអោយខ្វះកំលុងពលកម្មជាដើម។

សូមជម្រាបថា ផលិតផលមៀនប៉ៃលិន (តាងែន) កម្ពុជា នៅឆ្នាំ២០២៣ មានប្រមាណ១៨០.៣៦១តោន មានការកើនឡើងជិត៦ម៉ឺនតោន បើធៀបនឹងឆ្នាំមុនមានតែ ១២២.៦២៨តោនប៉ុណ្ណោះ។ដោយខេត្តបាត់ដំបង ដណ្តើមបានជាខេត្តមានតាងែនច្រើនជាងគេ ពីខេត្តប៉ៃលិន។ខេត្តធំៗទាំង៥ រួមមាន បាត់ដំបង ប៉ៃលិន បន្ទាយមានជ័យ រតនគិរី និងពោធិ៍សាត់ ផលិតបានប្រមាណ ៩៦% នៃបរិមាណផលិតផលប្រចាំឆ្នាំ ក្នុងពេលដែលខេត្ត ១៣ ដទៃទៀត មានផលិតផលតាងែនតែ៤%។នេះបើតាមការបញ្ជាក់ពីលោក ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ៕

The post ផ្លែមៀនកម្ពុជាដើមឆ្នាំនេះមានតម្លៃខ្ពស់ជាងដើមឆ្នាំមុន appeared first on .

កញ្ញា អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឱ្យដឹងនៅលើទំព័រហ្វេសប៊ុកផ្ទាល់ខ្លួន កាលពីថ្ងៃទី២៧ តុលាថា មួយឆ្នាំកន្លងទៅនេះ អគ្គនាយកដ្ឋានកសិកម្ម បានចុះបញ្ជីចម្ការមៀន និងរោងចក្រវេចខ្ចប់សម្រាប់នាំចេញផ្លែមៀនស្រស់ពីកម្ពុជាទៅកាន់ប្រទេសចិន បានចំនួន ៩៧ក្រុមហ៊ុន/ម្ចាស់ចម្ការ និង ១២រោងចក្រវេចខ្ចប់ និងមានការអនុម័តទទួលស្គាល់ជាផ្លូវការពីអគ្គរដ្ឋបាលគយនៃសាធារណរដ្ឋប្រជាមានិតចិន (GACC)។

កញ្ញាបន្តថា បើគិតរយៈពេល១ឆ្នាំ ពោលចាប់ពីថ្ងៃទី២៧ ខែតុលា ឆ្នាំ២០២២ ដល់ថ្ងៃទី២៧ ខែតុលា ឆ្នាំ២០២៣ ការនាំចេញផ្លែមៀនស្រស់កម្ពុជាទៅប្រទេសចិន មានចំនួនសរុប ១៤ ៣៤៥,៧៤តោន។ប៉ុន្តែ បើគិតនៅក្នុងឆ្នាំ២០២២ (ចាប់ពីថ្ងៃទី២៧ ខែតុលា ដល់ដំណាច់ខែធ្នូ) កម្ពុជាបាននាំចេញផ្លែមៀនស្រស់ទៅប្រទេសចិន ចំនួន ២ ៩៤២,៥១តោន។ដោយឡែក សម្រាប់ឆ្នាំ២០២៣នេះ បើគិតចាប់ពីខែមករា ដល់ថ្ងៃទី២៧ ខែតុលា កម្ពុជាបាននាំចេញផ្លែមៀនស្រស់ទៅកាន់ប្រទេសចិនមានចំនួន ១១ ៤០៣,២៣តោន។

បើតាមកញ្ញា អ៊ឹម រចនា ក្រៅពីការនាំចេញទៅកាន់ទីផ្សារប្រទេសចិន សហគ្រាសនៅកម្ពុជាកំពុងកែច្នៃផ្លែមៀនស្រស់របស់ខ្មែរ ទៅជាដំណាប់មៀន ផ្លែមៀនកំប៉ុង ទឹកមៀនកៀប និងស្រាមៀន ដែលមានដាក់លក់នៅតាមផ្សារទំនើបនានានៅក្នុងប្រទេសផងដែរ។

ជាមួយគ្នានេះ ក្រសួងកសិកម្ម បន្តលើកទឹកចិត្ត និងគាំទ្រសហគ្រាសទាំងអស់ចំពោះកិច្ចខិតខំប្រឹងប្រែងនៅក្នុងការកែច្នៃផលិតផលកសិកម្មខ្មែរឲ្យមានតម្លៃបន្ថែមខ្ពស់ ហើយក្រសួងនឹងសហការជាមួយភាគីពាក់ព័ន្ធដើម្បីផ្សព្វផ្សាយ និងរុញផលិតផលដែលមានគុណភាពទាំងអស់នេះ ទៅកាន់ទីផ្សារពិភពលោក។

គួរឱ្យផងដែរថា ក្រសួងកសិកម្ម និងស្ថានទូតចិនប្រចាំនៅកម្ពុជា បានសម្ពោធជាផ្លូវការ ការនាំចេញផ្លែមៀនស្រស់ពីកម្ពុជា ទៅកាន់ទីផ្សារប្រទេសចិន កាលពីថ្ងៃទី២៣ ខែតុលា ឆ្នាំ២០២២៕

The post ជិត១០ខែមកនេះ កម្ពុជានាំចេញផ្លែមៀនស្រស់ទៅកាន់ប្រទេសចិន បានជាង ១ម៉ឺន ១ពាន់តោន appeared first on .

ដោយឡែក ប្រធានក្រុមហ៊ុន Hoang Phat Fruite Ltd Company លោក Nguyen Khac Huy បានបង្ហើបថា គិតត្រឹមដើមឆ្នាំនេះ វៀតណាមនាំចេញផ្លែមៀនទៅកាន់ជប៉ុនជើងទីមួយ មានទំហំដល់ទៅ ១០ តោន ហើយក៏នឹងរំពឹងថា ការនាំចេញតាមផ្លូវទឹក និងផ្លូវអាកាសអាចកើនរហូតដល់ចន្លោះពី ៧០-១០០ តោនទៅកាន់ទីផ្សារជារៀងរាល់ខែ។

សម្រាប់តម្លៃរបស់ផ្លែមៀនវៀតណាម​លើទីផ្សារជប៉ុនវិញគឺ ប្រហែល ៣២០ ០០០ ដុង ឬប្រមា ១៣,៥ ដុល្លារ/គីឡូ ហើយបើទោះជាមានតម្លៃថ្លៃដូចមាសបែបនេះ តែវាត្រូវបានលក់ដាច់អស់ត្រឹមរយៈពេលខ្លី។

គួររំលឹកដែរថា វៀតណាម​កំពុងដាំដុះផ្លែមៀនលើផ្ទៃដីទំហំ ៨០ ០០០ ហិចតា ហើយអាចទទួលបានទិន្នផលប្រមាណ ៦០០ ០០០ តោនជារៀងរាល់ឆ្នាំ៕

The post ទោះមានតម្លៃថ្លៃប៉ុណ្ណា ក៏ផ្លែមៀនវៀតណាមត្រូវប៉ាន់ខ្លាំងនៅជប៉ុន appeared first on .

លោក Brian Jiang នាយកផ្នែកបញ្ជាទិញសកល របស់ក្រុមហ៊ុន Shanghai Grandfruit Import & Export Co., Ltd.  បានឱ្យដឹងថា បន្ទាប់ពីបានសម្ពោធការនាំចេញជាផ្លូវការ កាលខែតុលា ឆ្នាំ២០២២ កន្លងទៅ ផ្លែមៀនស្រស់របស់កម្ពុជាជាច្រើនតោន បាននាំចេញទៅលក់ក្នុងក្រុងសៀងហៃ ប្រទេសចិន និងទទួលបានការគាំទ្រយ៉ាងខ្លាំង​ពី​ប្រជាជន​ចិន ជាក់ស្តែងកាលពីថ្ងៃទី១៥ ខែធ្នូ ឆ្នាំ២០២២ មានការបញ្ជាទិញរហូតដល់ជាង ១៨តោនឯណោះ។

លោកបានបញ្ជាក់បន្តដូច្នេះថា« ផ្លែមៀនស្រស់របស់កម្ពុជាបាននាំមកដល់ក្រុងសៀងហៃ ប្រទេសចិន សម្រាប់ដាក់លក់នៅថ្ងៃទី១២ ខែធ្នូ ឆ្នាំ២០២២ ក្នុងផ្សារផ្លែឈើ Jiaxing បានលក់អស់ជាង ១៨តោន ក្នុងថ្ងៃទី១៥ ខែធ្នូ ឆ្នាំ២០២២ ដែលនេះជា​សញ្ញាល្អមួយសម្រាប់ធុរជននៃប្រទេសទាំងពីរ ក្នុងការវិនិយោគ និងពង្រឹងអាជីវកម្មរបស់ខ្លួនលើការនាំផ្លែឈើស្រស់ពីកម្ពុជា»។

សូមរម្លឹកដែរថា បើតាមរបាយការណ៍ពីក្រសួងកសិកម្ម បានឱ្យដឹងថា បច្ចុប្បន្នចំការមៀនដែលទទួលបានការអនុម័តចុះបញ្ជីជាផ្លូវការឱ្យនាំចេញផ្លែមៀនទៅកាន់ទីផ្សារចិន​ មានចំនួន៧៤ ក្នុងនោះ នៅខេត្តប៉ៃលិនមានចំនួន ៤០ចំការ បាត់ដំបងចំនួន ២៨ចំការ និងបន្ទាយមានជ័យចំនួន ៦ចំការ។ ដោយឡែករោងចក្រវេចខ្ចប់ចំនួន៨ ដែលមានទីតាំងនៅក្នុងខេត្តកណ្តាលចំនួន១ ខេត្តបាត់ដំបងចំនួន៣ ខេត្តប៉ៃលិនចំនួន២ និងខេត្តព្រះសីហនុចំនួន២​​។ រីឯផ្ទៃដីដាំដុះមៀនទូទាំងប្រទេសរបស់កម្ពុជាវិញ មានចំនួន ១៣ ៦០៨ហិកតា ស្ថិតក្នុងខេត្តចំនួន៤៕

The post ក្រុមហ៊ុននាំចេញ៖ ប្រជាជន​ចិន គាំទ្រខ្លាំងលើផលិតផលផ្លែមៀនស្រស់របស់កម្ពុជា appeared first on .

សម្រាប់ការនាំចេញផ្លែមៀនស្រស់កម្ពុជា ជាផ្លូវការទៅកាន់ទីផ្សារប្រទេសចិននេះ គឺជាជោគជ័យថ្មីមួយទៀត ដែលប្រសូត្រចេញពីកិច្ចសហប្រតិបត្តិការភាពជាដៃគូ យុទ្ធសាស្រ្តគ្រប់ជ្រុងជ្រោយរវាងប្រទេសទាំងពីរ ដែលរួមចំណែកយ៉ាងសំខាន់ដល់ការអភិវឌ្ឍវិស័យ កសិក ម្ម តាមរយៈការជួយបង្កើនផលិតកម្ម ការទាក់ទាញវិនិយោគទុនចិនក្នុងវិស័យផលិតកម្មកសិកម្ម ការសាងសង់ហេដ្ឋារចនាសម្ព័ន្ធវេចខ្ចប់ និងកែច្នៃបម្រើឲ្យការនាំចេញ និងដល់ការបង្កើតការងារ និងបង្កើន ប្រាក់ចំណូលរបស់កសិករ ដើម្បីជំរុញការអភិវឌ្ឍសេដ្ឋកិច្ច និងសង្គមនៅកម្ពុជា។

លើសពីនេះ ក៏ដើម្បីទាញយកអត្ថប្រយោជន៍ឲ្យបានជាអតិបរមាពីកិច្ចព្រមព្រៀងពាណិជ្ជកម្មដែល មាន និងពង្រីកទីផ្សារប្រទេសចិនសម្រាប់កសិកផលផ្សេងទៀតរបស់កម្ពុជា ដូចជា ម្រេច ដូងក្រអូប ទុរេន ផលិតផលសម្បុកត្រចៀកកាំ ផ្លែម្នាស់ ផ្លែខ្នុរ គ្រាប់ឈូក និងផលិតផលផ្សេងៗទៀតផងដែរ។

បន្ថែមទៅទៀត ការសម្ភោធជាផ្លូវការនេះ ត្រូវបានភាគីកម្ពុជា-ចិន បានអះអាងពីការឆ្លុះបញ្ចាំងពីភាពរឹងមាំ និងផ្លែផ្កានៃចំណង មិត្តភាពរវាងប្រទេសទាំងពីរ ហើយ ឆ្នាំ២០២២នេះ គឺជាឆ្នាំទី១២ ហើយ ដែលទំនាក់ទំនងការទូតរវាង កម្ពុជា-ចិន ត្រូវបានឈានឡើងដល់កម្រិត កិច្ចសហប្រតិបត្តិការភាពជា ដៃគូយុទ្ធសាស្រ្តគ្រប់ជ្រុងជ្រោយ៕

The post ជាផ្លូវការកម្ពុជាសម្ពោធនាំចេញផ្លែមៀនស្រស់ទៅប្រទេសចិន appeared first on .