ព្រឹត្តិបត្រព័ត៌មាន បានឱ្យដឹងបន្តថា យោងតាមសេចក្តីជូនដំណឹងលេខ ០០១ សហវ.សជណ.អពដ ចុះថ្ងៃទី១៦ ខែមករា ឆ្នាំ២០២៦ របស់ក្រសួងសេដ្ឋកិច្ចនិងហិរញ្ញវត្ថុ ក្នុងគោលដៅបន្តជួយសម្រួលដល់ប្រជាពលរដ្ឋដែលបានទិញលំនៅឋានពីក្រុមហ៊ុនអភិវឌ្ឍន៍លំនៅឋានដែលមានលក្ខណៈជាបុរី ឬអគារសហកម្មសិទ្ធិ (ខុនដូ) និងបន្តជួយដល់វិស័យអចលនទ្រព្យ រាជរដ្ឋាភិបាលកម្ពុជាបានសម្រេចបន្តពន្យារពេល លើកលែងនិងអនុគ្រោះពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ (លំនៅឋាន ឬអគារសហកម្មសិទ្ធិ) ដែលមានតម្លៃ ក្រោម ឬស្មើ ឬលើស ៧ ម៉ឺនដុល្លារ និង ២១ ម៉ឺនដុល្លារ រហូតដល់ថ្ងៃទី៣១ ខែធ្នូ ឆ្នាំ២០២៦ ដូចខាងក្រោម៖

១. បន្តពន្យារពេលអនុវត្តសេចក្តីជូនដំណឹងលេខ ០២០ សហវ.ស.ជ.ណ ចុះថ្ងៃទី៣១ ខែធ្នូ ឆ្នាំ២០២៤ ស្តីពីការលើកលែងនិងអនុគ្រោះ ពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ សម្រាប់អ្នកទិញលំនៅឋាន និង/ឬផ្ទេរកម្មសិទ្ធិជាលើកដំបូង (First-Time Home Buyer) របស់ក្រសួងសេដ្ឋកិច្ចនិងហិរញ្ញវត្ថុ។ ជាមួយគ្នានេះ ចំពោះបុគ្គលទាំងឡាយណាដែលទិញលំនៅឋានមានលក្ខណៈជាបុរី ឬខុនដូ ក្នុងឆ្នាំ២០២៦ ក៏ទទួលបានការលើកលែងនិងអនុគ្រោះ ដូចមានកំណត់ក្នុងចំណុច ខ នៃសេចក្តីជូនដំណឹងលេខ ០២០ សហវ.ស.ជ.ណ ចុះថ្ងៃទី៣១ ខែធ្នូ ឆ្នាំ២០២៤ នេះដែរ។

២. បន្តពន្យារពេលអនុវត្តការលើកលែងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ដូចមានកំណត់ក្នុងចំណុច ១ នៃ សេចក្តីជូនដំណឹងលេខ ០១៤ សហវ.ស.ជ.ណ ចុះថ្ងៃទី៩ ខែតុលា ឆ្នាំ២០២៤ ស្តីពីការបន្ត និងបន្ថែមការលើកទឹកចិត្តពន្ធដារ ចំពោះ វិស័យអចលនទ្រព្យ របស់ក្រសួងសេដ្ឋកិច្ចនិងហិរញ្ញវត្ថុ។

ការលើកលែងនិងការអនុគ្រោះពន្ធប្រថាប់ត្រាខាងលើ ពុំមានអនុភាពប្រតិសកម្មចំពោះប្រាក់ពន្ធ រួមទាំងទណ្ឌកម្មរដ្ឋបាល (ពន្ធបន្ថែម និង ការប្រាក់) ដែលបានបង់រួចហើយនោះទេ៕ អត្ថបទ៖ហ្សាលីន

The post រដ្ឋ ពន្យារពេល និងអនុគ្រោះពន្ធប្រថាប់ត្រា លើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ដល់ចុងឆ្នាំ២០២៦ appeared first on .

យោងតាមសេចក្តីជូនដំណឹងដល់ម្ចាស់អចលនទ្រព្យ និងសាធារណជនរបស់ក្រសួងសេដ្ឋកិច្ច ចុះថ្ងៃទី ៣១ ខែធ្នូ ឆ្នាំ ២០២៤ បានបញ្ជាក់ថា ចំពោះបុគ្គលទាំងឡាយណាដែលទិញលំនៅឋានមានលក្ខណៈជាបុរី ឬ ខុនដូ មុនឆ្នាំ២០២៥ ហើយធ្វើការ ផ្ទេរកម្មសិទ្ធិ ឬសិទ្ធិកាន់កាប់លំនៅឋានជាលើកដំបូងនៅរដ្ឋបាលសារពើពន្ធក្នុងឆ្នាំ២០២៥ ត្រូវទទួលបាន ការលើកលែងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ សម្រាប់លំនៅឋានដែលមាន តម្លៃក្រោម ឬស្មើ ២១ ម៉ឺនដុល្លារអាមេរិក, និងអនុគ្រោះចំពោះលំនៅឋានដែលមានតម្លៃលើស ២១ ម៉ឺនដុល្លារ អាមេរិក ដោយអនុញ្ញាតឱ្យដកចេញពីមូលដ្ឋានគិតពន្ធប្រថាប់ត្រា ចំនួន ២១ ម៉ឺនដុល្លារអាមេរិក។

បើតាមក្រសួង ការលើកលែង និងអនុគ្រោះពន្ធនេះ សម្រាប់លំនៅឋានតែមួយប៉ុណ្ណោះ។ ដោយឡែក លំនៅឋានទី២ ឬបន្តបន្ទាប់ត្រូវទទួល បានការអនុញ្ញាតឱ្យដកចេញពីមូលដ្ឋានគិតពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ចំនួន ៧ ម៉ឺនដុល្លារអាមេរិក។ ការលើកលែងនិងអនុគ្រោះពន្ធនេះ ត្រូវអនុវត្តរហូតដល់ដំណាច់ឆ្នាំ២០២៥។

ជាមួយគ្នានេះ ក្រសួងបន្ថែមថា ចំពោះបុគ្គលទាំងឡាយណាដែលទិញលំនៅឋានមានលក្ខណៈជាបុរី ឬ ខុនដូ ក្នុងឆ្នាំ២០២៥ ដែលមិនទាន់ ទទួលបានការលើកលែងនិងអនុគ្រោះពន្ធដូចក្នុងចំណុច (ក) ត្រូវទទួលបានការលើកលែងពន្ធប្រថាប់ត្រាលើ ការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ សម្រាប់លំនៅឋានដែលមានតម្លៃក្រោម ឬស្មើ ២១ ម៉ឺនដុល្លារ អាមេរិក, និងអនុគ្រោះចំពោះលំនៅឋានដែលមានតម្លៃលើស ២១ ម៉ឺនដុល្លារអាមេរិក ដោយអនុញ្ញាតឱ្យដក ចេញពីមូលដ្ឋានគិតពន្ធប្រថាប់ត្រា ចំនួន ២១ ម៉ឺនដុល្លារអាមេរិក។ ការលើកលែងនិងអនុគ្រោះពន្ធនេះ សម្រាប់ លំនៅឋានតែមួយប៉ុណ្ណោះ។

ដោយឡែក លំនៅឋានទី២ ឬបន្តបន្ទាប់ត្រូវទទួលបានការអនុញ្ញាតឱ្យដកចេញ ពីមូលដ្ឋានគិតពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យចំនួន ៧ ម៉ឺនដុល្លារអាមេរិក។ ការលើកលែងនិងអនុគ្រោះពន្ធនេះ ត្រូវអនុវត្តនៅពេលធ្វើការផ្ទេរកម្មសិទ្ធិ ឬសិទ្ធិកាន់កាប់លំនៅឋាននោះ។

The post រដ្ឋាភិបាល ប្រកាសលើកលែងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់លំនៅឋានជាលើកដំបូង appeared first on .

នេះបើយោងតាមប្រសាសន៍របស់សម្តេចធិបតិ ហ៊ុន ម៉ាណែត ក្នុងអញ្ជើញបិទសន្និបាតបូកសរុបលទ្ធផលការងារឆ្នាំ២០២៣ និងឆ្នាំ២០២៤ និងទិសដៅការងារឆ្នាំ២០២៥ របស់ក្រសួងរៀបចំដែនដី នគរូបនីយកម្ម និងសំណង់។

នាឱកាសនោះ សម្តេចធិបតី ដើម្បីជួយជំរុញដល់ការងើបឡើងវិញនៃវិស័យអចលទ្រព្យកម្ពុជា រាជរដ្ឋាភិបាលបានសម្រេចបន្តអនុគ្រោះឱ្យរួចពន្ធប្រថាប់ត្រា សម្រាប់អ្នកទិញផ្ទះតម្លៃក្រោម ៧ម៉ឺនដុល្លារ រហូតដល់ដាច់ឆ្នាំ២០២៥ បើទោះបីផ្ទះនោះមានកិច្ចសន្យាទិញ-លក់ មុនឆ្នាំ២០២០ក៏ដោយ។

បន្ថែមលើសពីនេះ សម្តេចធិបតីក៏កំពុងរៀបចំឱ្យមានការលើកទឹកបន្ថែមទៀត ដោយអនុញ្ញាតឱ្យអ្នកទិញផ្ទះលើកទី១ តម្លៃ២១ម៉ឺនដុល្លារចុះក្រោម ក៏ទទួលបានការលើកលែងពន្ធប្រថាប់ត្រាផ្ទេរកម្មសិទ្ធិផងដែរ។

សម្តេចនាយករដ្ឋមន្ត្រីបានថ្លែងដូច្នេះថា៖​ «ឥឡូវខ្ញុំកំពុងឱ្យរៀបចំគោលការណ៍មួយទៀត គឺសម្រាប់អ្នកទិញផ្ទះលើកទី១ ក្នុងបុរី ឬខុនដូ ដើម្បីជួយឱ្យគេទិញ អ្នកដែលមានតម្លៃលើសពី ៧ម៉ឺនដុល្លារ តែក្រោម២១ម៉ឺនដុល្លារ គឺឱ្យរួចពន្ធប្រថាប់ត្រាដែរអនុវត្តរហូតដល់ឆ្នាំ ២០២៥»។

សម្តេចនាយករដ្ឋមន្ត្រី បានណែនាំឱ្យអគ្គនាយករដ្ឋានពន្ធដារ ត្រូវផ្តល់គោលការណ៍នេះ ទៅដល់បណ្តាញសាខាពន្ធដារគ្រប់រាជធានី-ខេត្តទូទាំងប្រទេស ដើម្បីអនុវត្តន៍ឱ្យត្រឹមត្រូវ។

គួរបញ្ជាក់ថា ការអនុគ្រោះពន្ធប្រថាប់ត្រាផ្ទេរកម្មសិទ្ធិ ត្រូវបានរដ្ឋាភិបាលអះអាងថា គឺវិធានការសង្គ្រោះវិស័យចលនទ្រព្យ ដើម្បីចាក់បញ្ចូលសាច់ប្រាក់ (បង្កើតចរន្តទិញ-លក់) ក្នុងវិស័យអចលនទ្រព្យ ជំរុញចរន្តសេដ្ឋកិច្ចជាតិ៕ អត្ថបទ៖ ហ្សាលីន

The post រដ្ឋ សម្រេចលើកលែងពន្ធប្រថាប់ត្រាដល់អ្នកដែលទិញលំនៅឋាន ដែលមានតម្លៃក្រោម ៧ ម៉ឺនដុល្លារ appeared first on .

បើតាមព្រឹត្តិបត្រព័ត៌មាន​ប្រចាំសប្តាហ៍​ ដែលបានចុះផ្សាយ ថ្ងៃទី២៩ខែមិថុនា ឆ្នាំ២០២៣ អគ្គនាយកដ្ឋានពន្ធដារ បានបង្ហាញបាន​ឱ្យដឹងថា គិតចាប់ពី​ការសម្រេចផ្តល់គោលការណ៍លើកលែងពន្ធប្រថាប់ត្រា ​ចំពោះអចលនទ្រព្យដែលមាន ​តម្លៃក្រោម ឬស្មើ ៧ ម៉ឺនដុល្លារ។

អគ្គនាយកដ្ឋានពន្ធដារ បានបញ្ជាក់ថា៖« ដោយរាជរដ្ឋាភិបាលកម្ពុជា ​គិតពីថ្ងៃទី ២៥ ខែកុម្ភៈ ឆ្នាំ២០២០ មកដល់ខែ ឧសភា ឆ្នាំ ២០២៣នេះ អគ្គនាយកដ្ឋានពន្ធដារ បានផ្ដល់ការលើកលែងពន្ធប្រថាប់ត្រា​លើការផ្ទេរកម្មសិទ្ធិ ​ឬសិទ្ធិកាន់កាប់អចលនទ្រព្យ ​មានចំនួនជា ១ ០២២ ឯកសារ ដែលមាន​ប្រាក់ពន្ធសរុបចំនួន ៧,៩៩ ប៊ីលានរៀល​ គិតជាប្រាក់ដុល្លារត្រូវប្រមាណជិត ​២ លានដុល្លារ»។

គួរបញ្ជាក់ដែរថា ដើម្បីលើកទឹកចិត្តដល់ប្រជាពលរដ្ឋឱ្យមានលំនៅឋានរស់នៅសមរម្យ។នេះបើតាមការបញ្ជាក់បន្ថែមពីអគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ រាជរដ្ឋាភិបាល ​បានសម្រេចបន្តលើកលែងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់​អចលនទ្រព្យ សម្រាប់លំនៅឋានគ្រប់ប្រភេទ​ ដែលមានតម្លៃក្រោម ​ឬស្មើ ៧ ម៉ឺនដុល្លារ រហូត​ដល់ដំណាច់ឆ្នាំ ២០២៤ ខាងមុខ៕ ​

The post រដ្ឋ បានលើកលែងពន្ធប្រថាប់ត្រាអចលនទ្រព្យ ក្នុងទំហំទឹកប្រាក់ជិត២លានដុល្លារ គិតត្រឹមខែឧសភា appeared first on .

ថ្លែងក្នុងពិធីបើកវគ្គសិក្ខាសាលា លោក គុណ ញឹម រដ្ឋមន្រ្តីប្រតិភូអមនាយករដ្ឋមន្រ្តី បានបញ្ជាក់ពីគោលបំណង ក្នុងការរៀបចំសិក្ខាសាលានេះឡើង គឺដើម្បីលើកកម្ពស់ការយល់ដឹងដល់គ្រប់ភាគីពាក់ព័ន្ធពីការសម្រេចថ្មីៗរបស់រាជរដ្ឋាភិបាល ក្នុងការកែសម្រួលអត្រាពន្ធគយនិងអាករលើមុខទំនិញមួយចំនួន ដែលនឹងចូលជាធរមានចាប់ពីថ្ងៃទី១ ខែកក្កដា នេះតទៅ។ កន្លងមក អត្រាពន្ធនិងអាករលើមុខទំនិញនាំចេញ-នាំចូល តែងត្រូវបានកែសម្រួលជាបន្តបន្ទាប់ ដើម្បីឆ្លើយតបនឹងការប្រែប្រួល ស្ថានភាពសេដ្ឋកិច្ច ព្រមទាំងដើម្បីរក្សាបាននូវតុល្យភាពនៃការជំរុញសកម្មភាពពាណិជ្ជកម្ម ទាក់ទាញវិនិយោគ និងការប្រមូលចំណូលចូលថវិកាជាតិ។

លោកមានប្រសាសន៍ថា «រាជរដ្ឋាភិបាលកម្ពុជា តែងតែយកចិត្តទុកដាក់តាមរយៈការលើកទឹកចិត្តផ្នែកពន្ធនិងអាករបន្ថែមទៀត សំដៅជំរុញសន្ទុះអភិវឌ្ឍន៍វិស័យអាទិភាពនានារួមមាន វិស័យកសិកម្ម, វិស័យអប់រំ, វិស័យសុខាភិបាល, វិស័យឧស្សាហកម្ម និងផលិតកម្ម, វិស័យដឹកជញ្ជូន, ការរួមចំណែកក្នុងការការពារបរិស្ថាន និងការសម្រួលដល់ជីវភាពប្រចាំថ្ងៃរបស់ប្រជាជន ជាពិសេស ក្នុងបរិបទដែលកម្ពុជាបាននិងកំពុងរងនូវផលប៉ះពាល់ខ្លាំងបណ្តាលមកពីវិបត្តិនៃជំងឺកូវីដ-១៩, អតិផរណា និងការថមថយកំណើនសេដ្ឋកិច្ចសកល»។

ឧកញ៉ា កែវ មុំ នាយិកាក្រុមហ៊ុនផលិតនំស្រួយលីលី មានប្រសាសន៍ថា «បើសិនជារាជរដ្ឋាភិបាលមានការលើកទឹកចិត្តឱ្យរួចពន្ធអាករសម្រាប់ឧស្សាហកម្មនៅក្នុងស្រុកគឺពិតជាជួយខ្លំាងមែនទែនទៅដល់សហគ្រាសធុនតូចនិងមធ្យមនៅកម្ពុជា(SME)ឱ្យពង្រឹងនិងពង្រីកខ្លួនបានយ៉ាងលឿនបានធ្វើឱ្យកំណើនសេដ្ឋកិច្ចជាតិកើនឡើងរហ័ស ដោយយើងមិនចំាបាច់ពឹងផ្អែកនាំចូលផលិតផលពីប្រទេសផ្សេងៗចូលមកកម្ពុជា»៕
អត្ថបទ៖សារេត

The post កម្ពុជាត្រៀមកែសម្រួលពន្ធអាករលក្ខណៈទ្រុងទ្រាយធំទៅលើមុខទំនិញជាង១៤០០បន្ទាត់ពន្ធ appeared first on .

យ៉ាងណាក៏​មាន​ករណី​មួយ​ចំនួន​ត្រូវ​បាន​លើក​លែង​សម្រាប់​ការ​យកពន្ធ​ប្រថាប់ត្រាមាន​ដូចជា៖

១. ការទទួលកម្មសិទ្ធិ ឬសិទ្ធិកាន់កាប់ដីក្នុងលក្ខណៈសម្បទានពីរាជរដ្ឋាភិបាល សម្រាប់ជាប្រយោជន៍សេដ្ឋកិច្ច ឬសង្គម កិច្ចពីដីឯកជនរបស់រដ្ឋដល់ជនក្រីក្រដែលខ្វះខាតដីសម្រាប់សង់លំនៅដ្ឋាន ឬ និងធ្វើកសិឧស្សាហកម្ម ឬកសិកម្មជា លក្ខណៈគ្រួសារ។

២. ការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យក្នុង “ រង្វង់ញាតិ ”៖
>ការធ្វើសន្តតិកម្ម
-រវាងឪពុក-ម្តាយបង្កើតនិងកូនបង្កើត
-រវាងប្តីនិងប្រពន្ធ
– រវាងយាយ-តាបង្កើតនិងចៅបង្កើត
-ពីឪពុក-ម្តាយបង្កើតទៅឱ្យកូនបង្កើតនិងកូនប្រសារដែលជាសហព័ទ្ធ (ទ្រពរួមប្ដីប្រពន្ធក្នុងអំឡុងពេល អាពាហ៍ពិពាហ៍)
>ការធ្វើប្រទានកម្ម “លើកទី១
– រវាងឪពុក-ម្តាយបង្កើតនិងកូនបង្កើត
– រវាងប្តីនិងប្រពន្ធ
-រវាងយាយ-តាបង្កើតនិងចៅបង្កើត
– ពីឪពុក-ម្តាយបង្កើតទៅឱ្យកូនបង្កើតនិងកូនប្រសារដែលជាសហព័ទ្ធ (ទ្រព្យរួមប្តីប្រពន្ធក្នុងអំឡុងពេល អាពាហ៍ពិពាហ៍)
– ពីយាយ-តាទៅចៅបង្កើតនិងចៅប្រសារដែលជាសហព័ទ្ធ (ទេពរូបប្តីប្រពន្ធក្នុងអំឡុងពេលអាពាហ៍ពិពាហ៍)

កត់សម្គាល់​ផង​ដែរ៖ ចំពោះការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យដែលត្រូវបានលើកលែងពន្ធ ឬការអនុគ្រោះពន្ធប្រថាប់ត្រា ទោះបីជាមានប្រាក់ពន្ធស្មើ ០ (សូន្យ) រៀល ក៏ត្រូវបំពេញបែបបទនិងនីតិវិធីនៅរដ្ឋបាលសារពើពន្ធជាធរមាន ដើម្បីចុះបញ្ជីនិងកត់ត្រាទិន្នន័យនូវរាល់ការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យទាំងនោះដែរ៕

The post ស្វែង​យល់​ឲ្យ​ច្បាស់ ការលើកលែងពន្ធប្រថាប់ត្រាលើអចលនទ្រព្យ​ មាន​ពីរករណីនេះ appeared first on .

ពន្ធប្រថាប់ត្រាលើអចលនទ្រព្យ ត្រូវប្រមូលលើរាល់ការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ (ដូចជា៖ ការទិញលក់ ឬការដោះដូរ ឬ ការធ្វើអំណោយ ឬការដាក់ភាគហ៊ុនជាអចលនទ្រព្យក្នុងក្រុមហ៊ុន) ដែលស្ថិតនៅក្នុងព្រះរាជាណាចក្រកម្ពុជា ទោះបីជា អចលនទ្រព្យនោះបានចុះបញ្ជីនៅរដ្ឋបាលសុរិយោដីរួចរាល់ក្ដី (មានប័ណ្ណកម្មសិទ្ធិ ឬប្លង់រឹង) ឬពុំបានចុះបញ្ជីក្ដី (គ្មានប័ណ្ណកម្មសិទ្ធិ ឬប្លង់ទន់) ។ ពន្ធនេះ ត្រូវបានប្រមូលជាគុណប្រយោជន៍ដល់ថវិការដ្ឋបាលថ្នាក់ក្រោមជាតិសម្រាប់ការ អភិវឌ្ឍមូលដ្ឋាន។

ពាក្យ​គន្លឹះ​សំខាន់ៗដែងតែងតែប្រើប្រាស់​ការ​ការ​បង់ពន្ធ​​អចលនទ្រព្យ៖

“អចលនទ្រព្យ” សំដៅដល់ដី ផ្ទះ អគារ និងសំណង់ផ្សេងៗ ទោះបីបានចុះបញ្ជី (មានប័ណ្ណកម្មសិទ្ធិ ឬប្លង់រឹង) ឬពុំបានចុះបញ្ជី (គ្មានប័ណ្ណកម្មសិទ្ធិ ឬប្លង់ទន់)។

“រង្វង់ញាតិ” សំដៅដល់ការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ៖
– រវាងឪពុក-ម្តាយបង្កើតនិងកូនបង្កើត
– រវាងប្តីនិងប្រពន្ធ
– រវាងយាយ-តាបង្កើតនិងចៅបង្កើត
– រវាងបងប្អូនបង្កើតនិងបងប្អូនបង្កើត
– រវាងឪពុក-ម្តាយក្មេកនិងកូនប្រសារ
-រវាងយាយ-តាក្មេកនិងចៅប្រសារ។

“ប្រទានកម្ម” សំដៅដល់ការផ្ទេរអចលនទ្រព្យពីមនុស្សរស់ទៅឱ្យញាតិដោយមិនយកថ្លៃ។

“សន្តតិកម្ម” សំដៅដល់ការផ្ទេរអចលនទ្រព្យពីមនុស្សស្លាប់ទៅឱ្យញាតិ តាមរយៈ៖
– បណ្តាំជាលាយលក្ខណ៍អក្សរ ករណីបានទំនាស់ ឬ
– បញ្ជាក់លើលិខិតយថាភូត ករណីគ្មានទំនាស់ ឬ
– សាលក្រម ឬសាលដីកាតុលាការ ករណីមានទំនាស់។

អត្ថបទក្រោយឧកញ៉ាញូស៍នឹងលើកពី​ការលើកលែងពន្ធអចលនទ្រព្យ​ ដើម្បី​សិក្សាស្វែងយល់បន្ថែម​ទៀត៕

The post ស្គាល់​និយមន័យ​ឲ្យ​ច្បាស់​ពន្ធប្រថាប់ត្រា​ អ្នកទិញ​លក់ដីធ្លី appeared first on .

The post របៀបបង់ពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ appeared first on .

កម្ពុជា ​ទទួល​បាន​ភាព​អនុគ្រោះ​ពន្ធ​សូន្យ​ភាគ​រយ​ ចំពោះ​មុខ​ទំនិញ​ចំនួន ៣១ នៃ​បន្ទាត់​ពន្ធ​គយ​ដែល​មាន​ដើម​កំណើត​នៅ​ ​​កម្ពុជា​នាំ​ចេញ​ទៅ​កាន់​ប្រទេស​វៀតណាម។ ក្នុង​ចំណោម​មុខ​ទំនិញ​ទាំង ៣១ នៃ​បន្ទាត់​ពន្ធ​គយ​នេះ​ភាគ​ច្រើន​ជា​ផលិតផល​កសិកម្ម។​

ការ​បញ្ចប់​នីតិវិធី​ផ្ទៃក្នុង​នេះ​ត្រូវ​បាន​ធ្វើ​ឡើង​បន្ទាប់​ពី​ភាគី​ទាំង ២ បាន​ជួប​ពិភាក្សា​គ្នា​ក្នុង​កិច្ច​ប្រជុំ​គណៈកម្មាការ​ចម្រុះ (JC) កម្ពុជា-វៀតណាម លើក​ទី១៨ ស្តីពី​ «កិច្ច​សម្រប​សម្រួល​ជំរុញ​ពាណិជ្ជកម្ម​ទ្វេ​ភាគី» កាល​ពី​ថ្ងៃ​ទី ២២ ខែ​ ធ្នូ ឆ្នាំ ២០២០។

ទន្ទឹម​នឹងនេះផងដែរ​ ក្រសួង​ពាណិជ្ជកម្ម​បាន​អំពាវនាវ​ដល់​ផលិតករ​និង​អ្នក​នាំ​ចេញ​មក​ស្នើ​សុំ​វិញ្ញាបនបត្រ​បញ្ជាក់ ដើម​កំណើត​ទំនិញ​ទម្រង់​អេស (Co Form S) តាម​រយៈ​គេហទំព័រ https://co.moc.gov.kh ចំពោះ​មុខ​ទំនិញ​ទាំង ៣១ បន្ទាត់​ពន្ធគយ។

ដោយឡែក​ សម្រាប់​បរិមាណ​មុខ​ទំនិញ​អង្ករ និង​សន្លឹក​ថ្នាំជក់​ស្ងួត​សម្រាប់​អនុវត្ត​ឆ្នាំ ២០២១ សូម​ផលិតករ និង​អ្នក​នាំ​ចេញ​អាច​ដាក់​ពាក្យ​ស្នើ​សុំ​មក​ក្រសួង​ពាណិជ្ជកម្ម​ (នាយក​ដ្ឋាន​នាំ​ចេញ-នាំចូល​នៃ​អគ្គនាយកដ្ឋាន​សេវា​ពាណិជ្ជកម្ម) រៀងរាល់​ម៉ោង​ធ្វើ​ការ​ចាប់​ពីថ្ងៃ​ជូន​ដំណឹង​នេះ​រហូត​ដល់​ថ្ងៃទី​ ២៦ ខែ​ឧសភា ឆ្នាំនេះ៕

The post កម្ពុជា ទទួល​បាន​ភាព​អនុគ្រោះ​ពន្ធ​សូន្យ​ភាគ​រយ ចំពោះមុខទំនិញចំនួន ៣១ ទៅ​កាន់​ប្រទេស​វៀតណាម appeared first on .

ការលើកលែងនេះ គឺសម្រាប់តែផ្ទះទិញពីក្រុមហ៊ុន ដែលបានចុះបញ្ជីនៅក្រសួងសេដ្ឋកិច្ច និងហិរញ្ញវត្ថុប៉ុណ្ណោះ។

កន្លងមក សម្ដេចតេជោ ហ៊ុន សែន ក៏ធ្លាប់អំពាវនាវដល់ក្រុមហ៊ុនអភិវឌ្ឍលំនៅឋានទាំងអស់ ឱ្យបញ្ចុះថ្លៃផ្ទះ ទៅតាមលិទ្ធភាពដែលអាចធ្វើទៅបានផងដែរ៕

The post ទិញផ្ទះមានតម្លៃមិនលើស ៧ម៉ឺនដុល្លារ រាជរដ្ឋាភិបាលសម្រេចបន្តលើកលែងពន្ធប្រថាប់ត្រា appeared first on .