លើសពីជោគជ័យ និងអនុស្សាវរីយ៍ដ៏អស្ចារ្យជាច្រើន កម្ពុជាយើងដណ្តើមបានមេដាយសរុបចំនួន ២៨២ ក្នុងនោះមានមេដាយមាស ៨១ មេដាយប្រាក់ ៧៤ និងមេដាយសំរិទ្ធិ ១២៧ ដែលឈរលើចំណាត់ថ្នាក់លេខ ៤ ក្នុងចំណោមប្រទេសទាំង ១១ ដែលចូលរួមប្រកួត ហើយលទ្ធផលនេះ បង្ហាញថាកម្ពុជាបានបំបែកកំណត់ត្រាថ្មី ដែលទទួលបានមេដាយច្រើនបំផុតមិនធ្លាប់មានក្នុងប្រវត្តិចូលរួមប្រកួតស៊ីហ្គេមកន្លងមក។  

ការរៀបចំព្រឹត្តិការណ៍កីឡានេះ បានធ្វើឲ្យកិត្យានុភាពកម្ពុជាកាន់តែរះត្រដែតនៅលើឆាកអន្តរជាតិ  ជាពិសេសពិធីបើក និងបិទព្រឹត្តិការណ៍ស៊ីហ្គេមដ៏ទាក់ទាញ បង្កប់នូវអត្ថន័យជ្រាលជ្រៅ រំលេចពីភាពរុងរឿងអស្ចារ្យរបស់កម្ពុជា ជាមួយផ្ទាំងទស្សនីយភាពសិល្បៈដ៏សម្បូរបែប។

លើសពីការរួមចំណែកឧបត្ថម្ភ​ គាំទ្រទាំងថរិកា​ សម្ភារៈ និងផលិតផល ក្រុមហ៊ុន វឌ្ឍនៈ ប៊្រូវើរី ក៏បានចូលរួមក្នុងការផលិតនូវបទចម្រៀង “ផ្ទះតូច បេះដូងធំ” សម្រាប់អបអរប្រទេសកម្ពុជាធ្វើជាម្ចាស់ផ្ទះសម្រាប់ព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ដែលទទួយបានការចាប់អារម្មណ៍យ៉ាងខ្លាំងពីសំណាក់មហាជនទាំងក្នុង និងក្រៅប្រទេស ដោយទទួលបានការចូលទស្សនារាប់លាននាក់ ​និងចូលខំមេន(Comment) ព្រោងព្រាតកោតសរសើរទៅលើខ្លឹមសារបទចម្រៀង និងវីដេអូដ៏រស់រវើក បន្ទាប់ពីវីដេអូចម្រៀងមួយនេះត្រូវបានផ្សព្វផ្សាយនៅលើបណ្តាញសង្គមត្រឹមរយៈពេលដ៏ខ្លី។

បទចម្រៀងដ៏មានអត្ថន័យមួយនេះ​ ត្រូវបានបកស្រាយដោយតារាចម្រៀងល្បីៗ​ប្រចាំព្រះរាជាណាចក្រកម្ពុជាគឺ អ្នកនាង មាស សុខសោភា និងពូឃ្លាំង ដែលបង្ហាញពីសិល្បៈខ្មែរស្ទើរគ្រប់ទម្រង់ ហើយក៏ជាផ្នែកមួយនៃការផ្សព្វផ្សាយ វប្បធម៌អរិយធម៌របស់យើងឲ្យថ្កុំថ្កើងទៅកាន់ឆាកអន្តរជាតិ​ ក៏ដូចជាជំរុញបន្ថែមទៅលើស្មារតីអ្នកគាំទ្រគ្រប់រូប​ឲ្យចូលរួមលើកស្ទួយវិស័យកីឡា ក្រោមពាក្យស្លោកអាស៊ានតែមួយគឺ “កីឡារស់ក្នុងសន្តិភាព”។​​ ជាងនេះទៅទៀត​​វីដេអូចម្រៀងដ៏មានអត្ថន័យនេះបានបង្កប់នូវភាពថ្លៃថ្នូរ ទន់ភ្លន់នៃប្រជាជនខ្មែរ ប្រកបដោយមោទនភាពជាតិ ជាមួយស្នាមញញឹមរាក់ទាក់​ និងស្វាគមន៍យ៉ាងកក់ក្តៅទៅកាន់ភ្ញៀវទេសចរណ៍គ្រប់ជាតិសាសន៍ ដែលបានមកកម្សាន្តទស្សនាប្រទេសកម្ពុជានាឱកាសព្រឹត្តិការណ៍កីឡាដ៏វិសេសវិសាលនេះ​​។​

ក្រុមហ៊ុន វឌ្ឍនៈ ប៊្រូវើរី សូមអរគុណអ្នកទាំងអស់គ្នា ដែលបានចូលរួមគាំទ្រព្រឹត្តិការណ៍ស៊ីហ្គេម ហើយសូមឲ្យប្រជាជនយើងបន្តគាំទ្រព្រឹត្តិការណ៍អាស៊ានប៉ារ៉ាហ្គេមដែលនឹងប្រព្រឹត្តទៅនៅថ្ងៃទី៣ ខែមិថុនា ឆ្នាំ​២០២៣ ខាងមុខនេះ ហើយចូលរួមលើកទឹកចិត្តអត្តពលិកពិការរបស់យើង ជាពិសេសគាំទ្រ និងចែករំលែកបទចម្រៀង “ផ្ទះតូច បេះដូងធំ” ដើម្បីឲ្យពិភពលោកស្គាល់ពីភាពអស្ចារ្យនៃព្រឹត្តិការណ៍កីឡានៅកម្ពុជា។

ទាំងអស់គ្នា ដើម្បីកម្ពុជា! 

The post អបអរព្រឹត្តិការណ៍ស៊ីហ្គេមលើកទី៣២នៅកម្ពុជា បានបញ្ចប់ទៅយ៉ាងជោគជ័យដ៏ត្រចះត្រចង់ និងអនុស្សាវរីយ៍ដ៏អស្ចារ្យជាច្រើន appeared first on .

សម្តេចតេជោ ហ៊ុន សែន មានប្រសាសន៍ក្នុងឱកាសអញ្ជើញផ្តល់សញ្ញាបត្រជូននិស្សិតកសិកម្មជាង ៣ពាន់នាក់ នាព្រឹកថ្ងៃទី១៥ ខែឧសភា ឆ្នាំ២០២៣ នៅមជ្ឈមណ្ឌលសន្និបាត និងពិព័រណ៍កោះពេជ្រថា ការធ្វើជាម្ចាស់ផ្ទះស៊ីហ្គេមលើកទី៣២នេះ គឺជាកាតព្វកិច្ចរបស់ប្រទេសជាសមាជិកអាស៊ាន ហើយកម្ពុជាបានសុំការយោគយល់ពីសមាជិកអាស៊ានអស់ជាច្រើនឆ្នាំមកហើយ ទើបតែពេលនេះ កម្ពុជាមានលទ្ធភាពក្នុងការធ្វើជាម្ចាស់ផ្ទះ។

សម្តេចតេជោ ហ៊ុន សែន មានប្រសាសន៍ថា «ខ្ញុំសុំជម្រាបថា ស៊ីហ្គេមជាកាតព្វកិច្ចដែលជៀសវាងមិនបាន អ្នកឯងជាសមាជិកអាស៊ាន អ្នកឯងមានកាតព្វកិច្ចត្រូវធ្វើ អ្នកឯងអត់ត្រូវមកនិយាយថាខ្ជះខ្ជាយ យើងបានសុំពន្យារពេលគេម្តងហើយម្តងទៀត ខ្ញុំបានប្រាប់ដល់ថ្នាក់ដឹកនាំនៃប្រទេសអាស៊ាន សូមឱ្យយោគយល់។ ប៉ុន្តែពេលដែលយើងមានលទ្ធភាព យើងធ្វើ ហើយខ្ញុំសុំបញ្ជាក់ មូលដ្ឋានដែលយើងមានក្លាយជាមរកត សម្រាប់តកូនតចៅ តជំនាន់ មិនមែនស្តាតមរកតតេជោ ដែលចិនជួយកសាង ១៥០លានដុល្លារ រួចពីស៉ីហ្គេមទៅវាយចោលទេ ក្លាយទៅជាកន្លែងនៃការប្រកួតកីឡា ក្នុងចំណោមជាតិរបស់យើង យុវជនរបស់យើង និងតំបន់ដែលមានការប្រកួតដទៃទៀត»។

បើយោងតាមប្រសាសន៍របស់ សម្តេចតេជោ លើកឡើថា អ្នកទើស មើលឃើញទើសរហូត ប៉ុន្តែអ្នកទើសម្នាក់ឯងទៅ។

សម្តេចតេជោ ហ៊ុន សែន មានប្រសាសន៍ថា «ខ្ញុំគិតថា មនុស្សប្រហែលជា៨០ភាគរយ ក្តុកក្តួលនៅពេលឃើញព្រឹត្តិការណ៍ដ៏អស្ចារ្យ ក្នុងការបើកស៊ីហ្គេម អ្នកខ្លះស្រក់ទឹកភ្នែក ប៉ុន្តែមិនស្រក់ទឹកភ្នែកដោយសារគេធ្វើបាបទេ ស្រក់ទឹកភ្នែកដោយសារមោទនភាពជាតិ នេះមិនមែនរបស់ ហ៊ុន សែន ហើយក៏មិនមែនរបស់រាជរដ្ឋាភិបាល ឬគណបក្សប្រជាជនកម្ពុជា តែជារបស់មនុស្សទាំងអស់ជាជនជាតិកម្ពុជា»។

ពិធីបើកព្រឹត្តិការណ៍ប្រកួតកីឡាស៊ីហ្គេម ដែលរៀបចំឡើងកាលពីថ្ងៃទី៥ ខែឧសភា ឆ្នាំ២០២៣ បានការចូលរួមទស្សនាដោយផ្ទាល់ពីប្រជាពលរដ្ឋ និងភ្ញៀវជាតិ អន្តរជាតិរាប់ម៉ឺននាក់ នៅឯពហុកីឡដ្ឋានជាតិមរកតតេជោ និងមានប្រជាពលរដ្ឋរាប់លាននាក់ទាំងជាតិ និងអន្តរជាតិ ទស្សនាការផ្សាយផ្ទាល់ ជាមួយនឹងទស្សនីយ៍ភាពសិល្បៈដ៏អស្ចារ្យ មិនដែលធ្លាប់ឃើញពីមុនមក៕

The post ប្រជាពលរដ្ឋប្រហែល៨០% មានភាពក្តុកក្តួល និងស្រក់ទឹកភ្នែក ពេលទស្សនាពិធីបើកព្រឹត្តិការណ៍ស៊ីហ្គេមលើកទី៣២ appeared first on .

កីឡា មិនបានសំដៅទៅលើតែសេចក្តី ឈ្នះ ឬចាញ់ ចំពោះគូរប្រកួតនោះទេ ខ្លឹមសារដ៏សំខាន់បំផុតរបស់អត្តពលិក គឺបង្ហាញឱ្យឃើញនូវសេចក្តីអំណត់តស៊ូ ការខិតខំប្រឹងប្រែងយកឈ្នះលើខ្លួនឯងចំពោះបញ្ហាដែលកំពុងប្រឈម ដែលទាំងអស់នេះ នឹងស្តែងឱ្យឃើញនូវចំណុចពិសេសរបស់យើងទៅកាន់ពិភពខាងក្រៅ។ 

តួយ៉ាងដូចជា ក្រុមហ៊ុន ខ្មែរ ប៊ែវើរីជីស ដែលជាក្រុមហ៊ុនវិនិយោគផលិតភេសជ្ជៈក្នុងស្រុកដ៏លេចធ្លោ កម្រិតស្តង់ដារអន្តរជាតិ ISO និងឱ្យពិភពលោកបានស្គាល់កម្ពុជាកាន់តែច្បាស់ ស្របតាមពាក្យស្លោក Òខ្មែរអាចធ្វើបានÓ។   

មិនឈ្នះមេដាយមាស តែឈ្នះទឹកចិត្តប្រជាជនកម្ពុជា! អ្វីដែលជាសក្ខីភាព បង្ហាញពីបេះដូងខ្មែរស្រឡាញ់ខ្មែរ បន្ថែមពីលើទឹកប្រាក់ឧបត្ថម្ភសរុប $១៤,០០០ ក្រុមហ៊ុន ខ្មែរ ប៊ែវើរីជីស នឹងបន្តបង្កើត អនុស្សាវរីយ៍ដ៏អស្ចារ្យមិនអាចបំភ្លេចបាន ជូនអត្តពលិកបាល់ទះទាំងកម្ពុជា ១៤រូប ដោយនឹងនាំពួកគាត់ ជិះរថយន្តសេរីទំនើប Rolls-Royce ទៅស្នាក់នៅ សម្រាកលម្ហែកាយ និងទទួលទានអាហារនៅសណ្ឋាគារផ្កាយប្រាំ Hyatt Regency Phnom Penh ថែមទៀតផង។

ក្រុមហ៊ុន ខ្មែរ ប៊ែវើរីជីស ជាពាណិជ្ជកម្មមួយរបស់ក្រុមហ៊ុន ជីប ម៉ុង ដែលមានផលិតផលក្នុងស្រុកជាច្រើន ដូចជា CAMBODIA BEER ភេសជ្ជៈប៉ូវកម្លាំងវើក ភេសជ្ជៈ ICY COOL រសជាតិម៉ុងតុល ទឹកក្រូចអាយស៍ IZE ភេសជ្ជៈ EXPREZ រសជាតិស្រ្តប៊ែរី និងទឹកពិសាកម្ពុជា។ 

គួររំឮកថា ក្នុងការប្រកួតផ្ដាច់ព្រ័ត្រ នាយប់ថ្ងៃទី៨ ឧសភា ឥណ្ឌូណេស៊ី បានឈ្នះកម្ពុជា ៣សិត ទល់០ ។ យ៉ាងណាមិញ សម្រាប់កម្ពុជាអត្តពលិកបាល់ទះកម្ពុជាយើង ទោះបីទទួលបានមេដាយប្រាក់ក៏ដោយ តែលទ្ធផលនេះ គឺជាកំណត់ត្រាថ្មី មួយទៀត ដែលក្រុមបាល់ទះកម្ពុជា ផ្នែកបុរសក្នុងសាល សម្រេចបានក្នុងព្រឹត្តិការណ៍កីឡា ប្រចាំតំបន់ ព្រោះកាលពីស៊ីហ្គេម លើកទី៣១ នៅវៀតណាម កម្ពុជាទទួលបាន ត្រឹមមេដាយសំរឹទ្ធ ប៉ុណ្ណោះ។ អ្វីដែលអត្តពលិកកីឡាបាល់ទះកម្ពុជា បង្កើតប្រវត្តិសាស្ត្រថ្មីនោះ គឺព្រឹត្តិការណ៍ស៊ីហ្គេម ២លើកជាប់គ្នាហើយ ដែលក្រុមបាល់ទះកម្ពុជា ដណ្ដើមបានមេដាយ បន្ទាប់ពីឆ្លងកាត់អស់រយៈពេលជាង ៤០ ឆ្នាំ កន្លងមកនេះ៕  

កម្ពុជាដើម្បីកម្ពុជា! ស្រែកលើកទឹកចិត្តកម្ពុជា ជាមួយស្រាបៀរកម្ពុជា!

The post «កីឡា គឺលើសពីភាពឈ្នះ និងចាញ់» ក្រុមហ៊ុន ខ្មែរ ប៊ែវើរីជីស លើកទឹកចិត្តអត្តពលិកកីឡាបាល់ទះម្នាក់ ១,០០០ដុល្លារ និងសន្យាបង្កើតអនុស្សារវីយ៍ដ៏អស្ចារ្យឆាប់ៗនេះ appeared first on .

បន្ថែមពីលើទឹកប្រាក់ខាងលើ ក្រុមហ៊ុន ខ្មែរ ប៊ែវើរីជីស ដែលជាពាណិជ្ជកម្មក្នុងស្រុកដ៏ធំមួយរបស់ក្រុមហ៊ុន ជីប ម៉ុង ក៏នឹងផ្តល់នូវបទពិសោធន៍លំដាប់អន្តរជាតិដោយផ្តល់ការស្នាក់នៅ និងទទួលទានអាហារនៅសណ្ឋាគារផ្កាយប្រាំ Hyatt Regency Phnom Penh និងជិះរថយន្តទំនើប Rolls-Royce។

តោះ ចាំមើលថាវគ្គដណ្តើមមេដាយមាសយប់នេះនឹងក្លាយជាយ៉ាងណា?

*ក្រុមហ៊ុន ខ្មែរ ប៊ែវើរីជីស មានផលិតផលដូចជា CAMBODIA BEER ភេសជ្ជៈប៉ូវកម្លាំងវើក ភេសជ្ជៈ ICY COOL រសជាតិម៉ុងតុល ទឹកក្រូចអាយស៍ IZE ភេសជ្ជៈ EXPREZ រសជាតិស្រ្តប៊ែរី និងទឹកពិសាកម្ពុជា ៕

The post ក្រុមហ៊ុន ខ្មែរ ប៊ែវើរីជីស ចូលរួមលើកទឹកចិត្តអត្តពលកកីឡាបាល់ទះម្នាក់ ២០២៣ដុល្លារ ក្នុងលក្ខខណ្ឌឈ្នះមេដាយមាស appeared first on .

ពិធីដង្ហែព្រះអគ្គិជ័យកីឡាប្រព្រឹត្តទៅប្រកបដោយភាពអធិកអធម មានអត្ថន័យជ្រាលជ្រៅ កត់ត្រាជាប្រវត្តិ​សាស្រ្តថ្មីសម្រាប់កម្ពុជា ដោយមានការអញ្ជើញចូលរួមដោយអ្នកឧកញ៉ា សំ អាង និង អ្នកឧកញ៉ា ឈុន លាង សហស្ថាបនិក្រុមហ៊ុន វឌ្ឍនៈ ប្រ៊ូវើរី  និងអ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី  រួមទាំងឯកឧត្តម លោកជំទាវ គណៈគ្រប់គ្រង មន្ត្រីពាក់ព័ន្ធ សិល្បៈករ សិល្បៈកានី សិស្ស និស្សិត ក្រុមកីឡាករ និងអត្តពលិកជាច្រើនរូប។

ទិដ្ឋភាពដ៏ក្លៀវក្លានៃក្បួនដង្ហែអគ្គិជ័យកីឡា ឆ្លុះបញ្ចាំងពីការត្រៀមខ្លួនរួចជាស្រេចរបស់កម្ពុជា ក្នុងការធ្វើជាម្ចាស់ផ្ទះលើកដំបូងក្នុងការរៀបចំការប្រកួតកីឡាស៊ីហ្គេមលើកទី៣២និងអាស៊ានប៉ារ៉ាហ្គេមលើកទី១២ បន្ទាប់ពី​ខកខាន​​អស់រយៈពេល ៦៤ ឆ្នាំ។

ពិធីដង្ហែព្រះអគ្គិជ័យកីឡាប្រកបដោយអច្ឆរិយភាព មិនត្រឹមតែបង្ហាញពីនិមិត្តរូបតំណាងឲ្យការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ នោះទេ ប៉ុន្តែក៏បង្ហាញពីភាពរុងរឿងនៃកីឡា ការរីកចម្រើនឥតឈប់ឈរ និងការអភិវឌ្ឍគ្រប់វិស័យនៅកម្ពុជាក្រោមដំបូលសន្តិភាព។ លើសពីនេះ ព្រះអគ្គិកីឡាដែលបានដង្ហែគ្រប់ប្រទេសក្នុងតំបន់អាស៊ាន គឺជាការពង្រឹងសាមគ្គីភាព ចំណងមិត្តភាព ទំនាក់ទំនង និងសុខដុមរមនា តាមរយៈការប្រកួតកីឡាដែលជាភាសាអាស៊ានតែមួយ បេះដូងលោតក្នុងចង្វាក់តែមួយ មានទស្សនៈតែមួយ     អត្តសញ្ញាណតែមួយ សហគមន៍តែមួយ ដែលរស់នៅក្នុងសង្គមសន្តិភាពជានិរន្តរ។

គួររំឮកដែរថា ពិធីដង្ហែព្រះអគ្គិជ័យកីឡានេះ មានទិសដៅចង្ហែ និងគោចរនៅជុំវិញបឹងទន្លេសាប ដោយចេញពីរាជធានីភ្នំពេញ ឆ្លងកាត់ខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប កំពង់ធំ កំពង់ចាម ហើយបន្ដដង្ហែតាមផ្លូវជាតិលេខ៦ រហូតដល់ពហុកីឡដ្ឋានជាតិមរតកតេជោ ដើម្បីបើកការប្រកួតកីឡាស៊ីហ្គេមលើកទី៣២ នៅថ្ងៃទី ៥ ខែឧសភា ឆ្នាំ២០២៣។

ក្រុមហ៊ុន វឌ្ឍនៈ ប៊្រូវើរី ចូលរួមចែករំលែកភាពរីករាយ និងអំណរសាទរទៅកាន់ប្រជាជនកម្ពុជា និងភ្ញៀវ    អន្តរជាតិដែលមកកម្សាន្តនៅកម្ពុជានាឱកាសព្រឹត្តិការណ៍កីឡាដ៏វិសេសវិសាល។ នេះក៏ជាមោទនភាពរបស់ វឌ្ឍនៈ ប៊្រូវើរី ដែលបានក្លាយជាដៃគូសហការឧបត្ថម្ភធំផ្លូវការសម្រាប់ព្រឹត្តិការណ៍កីឡាធំទាំងពីរ ទៅលើផលិតផលស្រាបៀរ ភេសជ្ជៈ រួមទាំងថវិកាឧបត្ថម្ភជាច្រើន។

ទាំងអស់គ្នា ដើម្បីកម្ពុជា!

Cambodia x វ All In

The post អ្នកឧកញ៉ា ថ្នាក់ដឹកនាំក្រុមហ៊ុន វឌ្ឍនៈ ប៊្រូវើរី ៣រូប ដង្ហែព្រះអគ្គិជ័យកីឡា អបអរការបើកព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម appeared first on .

តើមានកត្តាអ្វី ដែលជំរុញឱ្យក្រុមហ៊ុនភេសជ្ជៈ វឌ្ឍនៈ ប៊្រូវើរី គាំទ្រយ៉ាងពេញទំហឹងក្នុងវិស័យកីឡានៅកម្ពុជាដូច្នេះ?

មានប្រសាសន៍ ក្នុងកម្មវិធី អ្នកឧកញ៉ា សំអាង វឌ្ឍនៈ ពន្យល់ថា ក្នុងនាមជាក្រុមហ៊ុនរបស់ខ្មែរ និងមានម្ចាស់ភាគហ៊ុនជាជនជាតិខ្មែរ អ្នកឧកញ៉ា ពិតជាមានកិត្តិយស និងមោទនភាព ដែលបានក្លាយជាដៃគូឧបត្ថម្ភផ្លូវការ ដល់សហព័ន្ធកីឡាបាល់ទាត់កម្ពុជា ក្នុងរយៈពេលវែង។ ការចូលរួមចំណែកនេះ គឺដើម្បីជំរុញការអភិវឌ្ឍ និងលើកកម្ពស់គុណភាពវិស័យកីឡាបាល់ទាត់នៅកម្ពុជា ឲ្យកាន់តែរីកចម្រើនទៅមុខឥតឈប់ឈរ។ 

ជាពិសេស អ្នកឧកញ៉ា សង្កត់ធ្ងន់ថា៖ “ គឺការចុះហត្ថលេខាជាមួយ នាយឧត្តមសេនីយ៍ សៅ សុខា  ថ្ងៃនេះ ក៏បានបង្ហាញពីបេសកកម្មថ្មីរបស់យើង ដើម្បីគាំទ្រវិស័យកីឡាបាល់ទាត់ឲ្យកាន់តែខ្លាំងក្លា ចូលរួមលើកទឹកចិត្តដល់គ្រូបង្វឹក គណៈគ្រប់គ្រង ជាពិសេសក្រុមកីឡាករជម្រើសជាតិទាំងអស់ ឲ្យខិតខំប្រឹងប្រែងហ្វឹកហាត់ បង្កើនសមត្ថភាព ដើម្បីត្រៀមខ្លួនរួចជាស្រេចជាមួយនឹងការប្រកួតសំខាន់ៗ នាពេលឆាប់ៗនេះ ដូចជា ព្រឹត្តការណ៍កីឡាស៊ីហ្គេម និង អាស៊ានប៉ារ៉ាហ្គេម ក្នុងឆ្នាំ២០២៣ ដែលកម្ពុជាធ្វើជាម្ចាស់ផ្ទះ, ការប្រកួតជម្រុះ FIFA World Cup និងការប្រកួតជាច្រើនទៀត ក្នុងតំបន់អាស៊ាន និងទ្វីបអាស៊ី។”

នាយឧត្តមសេនីយ៍ សៅ សុខា  ប្រធានសហព័ន្ធកីឡាបាល់ទាត់កម្ពុជា ថ្លែងថា៖ “ថ្ងៃនេះ សហព័ន្ធកីឡាបាល់ទាត់កម្ពុជា ក្នុងនាមរូបខ្ញុំផ្ទាល់ ពិតជាមានកិត្តិយសខ្លាំងណាស់ ដោយបានទទួលការសហការឧបត្ថម្ភផ្ទាល់ពីក្រុមហ៊ុនភេសជ្ជៈ វឌ្ឍនៈ ប៊្រូវើរី។ ការចូលរួមឧបត្ថម្ភ និងទឹកចិត្តដ៏ប្រពៃរបស់អ្នកឧកញ៉ា និងក្រុមហ៊ុន ពិតជាមានសារៈសំខាន់ខ្លាំងណាស់ ក្នុងការជំរុញលើកទឹកចិត្តកីឡាករ ក៏ដូចជាលើកស្ទួយវិស័យបាល់ទាត់នៅក្នុងប្រទេសកម្ពុជា ទាំងពេលបច្ចុប្បន្ន និងពេលអនាគត។”

នាយឧត្ដមសេនីយ៍ បន្ថែមទៀតថា ព្រឹត្តិការណ៍សុីហ្គេមជាប្រវត្តិសាស្ត្រ លើកទី៣២ ក្នុងឆ្នាំ២០២៣ ដែលប្រទេសកម្ពុជា កំពុងត្រៀមខ្លួនធ្វើជាម្ចាស់ផ្ទះនេះ នៅសល់ពេលវេលាតែ ២៨ថ្ងៃ ទៀត បានឆ្លុះបញ្ចាំងយ៉ាងច្បាស់ថា ពីវឌ្ឍនៈភាពនៃវិស័យកីឡា។ ជាពិសេសព្រឹត្តិការណ៍ប្រកួតកីឡាសុីហ្គេមជាប្រវត្តិសាស្ត្រលើទឹកដីកម្ពុជាលើកនេះ មិនមែនសំដៅតែការលទ្ធផលលើការប្រកួត ឈ្នះចាញ់ ប៉ុណ្ណោះទេ តែបានបង្កប់នូវការចូលរួមការរក្សា សន្តិសុខ សន្តិភាព ភាពសុខដុម មិត្តភាព សាមគ្គីភាព សេដ្ឋកិច្ច វប្បធម៌ និងទេសចរណ៍ នៅក្នុងប្រទេសកម្ពុជាផងដែរ។ 

ជានិច្ចជាកាល ក្រុមហ៊ុន វឌ្ឍនៈ ប៊្រូវើរី របស់អ្នកឧកញ៉ា សំអាង វឌ្ឍនៈ តែងតែឈរលើទស្សនៈវិស័យ ក្នុងការចែករំលែកការជួបជុំ ភាពសប្បាយរីករាយ ជូនដល់ប្រជាពលរដ្ឋកម្ពុជា ។ ហើយក្រុមហ៊ុនមានជំនឿយ៉ាងមុតមាំថា កីឡានាំមកនូវសុខភាព មិត្តភាព សន្តិភាព ការជួបជុំ ភាពសប្បាយរីករាយ និងសាមគ្គីភាព ដែលទាំងអស់នេះ គឺដើរស្របនឹងឆន្ទៈរបស់ក្រុមហ៊ុនយើង ហើយភាពជាដៃគូនេះ នឹងអាចនាំយកនូវភាពជោគជ័យមួយកម្រិតទៀតសម្រាប់វិស័យកីឡានៅម្ពុជា ៕

The post អ្នកឧកញ៉ា សំអាង វឌ្ឍនៈ ពន្យល់ពីមូលហេតុឧបត្ថម្ភសហព័ន្ធកីឡាបាល់ទាត់កម្ពុជា ដល់ឆ្នាំ២០២៦ appeared first on .

លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា មានប្រសាសន៍ថា ព្រឹត្តិការណ៍ ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ដែលកម្ពុជាធ្វើជាម្ចាស់ផ្ទះនៅឆ្នាំ២០២៣ យើងឃើញថា ថ្នាក់ដឹកនាំរាជរដ្ឋាភិបាលពិសេសប្រទេសកម្ពុជា រងចាំអស់រយៈពេលជាង ៦០ឆ្នាំ ហើយនេះ គឺជាឱកាសដ៏ល្អបំផុតសម្រាប់ប្រទេសកម្ពុជាយើង ក្រោយពីកិច្ចប្រជុំកំពូលអាស៊ានប្រកយដោយជោគជ័យ និងជាប្រវត្តិសាស្ត្រនាពេលកន្លងទៅថ្មីៗនោះ។

លោកឧកញ៉ា បន្តថា៖ «ខ្ញុំគិតថាព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមនេះ គឺជាការកំណត់នៅប្រវត្តិសាស្ត្រថ្មីមួយទៀតក្នុងការចូលរួម មិនត្រឹមតែកីឡាទេ វាពាក់ព័ន្ធជាមួយនិងសេដ្ឋកិច្ច។ ដូច្នេះវា នឹងធ្វើឱ្យមានការចរចាទំនិញ, ការដឹកជញ្ជូន, ការស្នាក់នៅ និងការចំណាយផ្សេងៗ រួមទាំងធ្វើឱ្យកំណើនសេដ្ឋកិច្ចកាន់តែល្អ មិនត្រឹមតែប៉ុណ្ណឹង វាជាការផ្សព្វផ្សាយមួយទៅអន្តរជាតិឱ្យឃើញថាស្ថានភាពសេដ្ឋកិច្ចរបស់ប្រទេសកម្ពុជា យើងមានភាពល្អប្រសើរ ខណៈប្រទេសកម្ពុជាស្ថិតនៅក្នុងសុខសន្តិភាព»។

លោកឧកញ៉ា អនុប្រធានសភាពាណិជ្ជកម្មកម្ពុជា ដដែលរូបនេះគូសបញ្ជាក់បន្ថែមថា៖ «កិច្ចកំពូលអាស៊ាន និងព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ដែលកម្ពុជាត្រៀមរៀបចំនៅពេលខាងមុខនេះ គឺជាការទាក់ទាញបន្ថែមទៀត សម្រាប់វិនិយោគមកកាន់ប្រទេសកម្ពុជាយើង ហើយនេះសបញ្ជាក់ឱ្យឃើញថា ប្រទេសកម្ពុជាមានលទ្ធភាពដឹកនាំកិច្ចប្រជុំធំៗ និងព្រឹត្តិការណ៍ជាលក្ខណៈអន្តរជាតិនេះ»។

គួររំឮកថា គិតត្រឹមថ្ងៃទី២៣ មីនា ឆ្នាំ២០២៣ នេះ គឺនៅសល់តែ៤៣ថ្ងៃទៀតប៉ុន្នោះ នឹងឈានដល់ព្រឹត្តិការណ៍ស៊ីហ្គេមលើកទី៣២(32nd SEA Games) និងអាស៊ានប៉ារ៉ាហ្គេមលើកទី១២ (12th ASEAN Para Games) ដែលកម្ពុជាធ្វើជាម្ចាស់ផ្ទះក្នុងឆ្នាំ២០២៣នេះ។ អត្ថបទ៖សារេត

The post ព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ជាការបើកទំព័រប្រវត្តិសាស្ត្រថ្មីសម្រាប់កម្ពុជា និងទាក់ទាញអ្នកវិនិយោគបរទេស appeared first on .