មជ្ឈមណ្ឌលដដែលនេះ​ បានបញ្ជាក់កាលពីរសៀលថ្ងៃទី២៤ ខែមិថុនាថា ច្រកព្រំដែនទាំងអស់នៅតែបន្តបើកដំណើរការជាធម្មតា ហើយគ្មានការកាត់ផ្តាច់អគ្គិសនី ឬប្រព័ន្ធអ៊ីនធើណិតទៅកាន់កម្ពុជានោះឡើយ ព្រោះមិនចង់ឲ្យប្រជាជនថៃ និងកម្ពុជា ទទួលរងផលប៉ះពាល់ ដោយសារតែបញ្ហារវាងរដ្ឋទាំងពីរ។

យ៉ាងណាមិញ ដោយថ្លែងនៅក្នុងវិមានរដ្ឋាភិបាល អ្នកនាំពាក្យមជ្ឈមណ្ឌលគ្រប់គ្រងព្រំដែនថៃ-កម្ពុជា បានឲ្យដឹងថា រាល់ចំណុចឆ្លងកាត់ព្រំដែនទាំងអស់ នៅតែបន្តបើកដំណើរការដដែល មិនថាប៉ុស្តិ៍ត្រួតពិនិត្យអចិន្ត្រៃយ៍ ប៉ុស្តិ៍ត្រួតពិនិត្យបណ្តោះអាសន្ន ឬចំណុចសម្របសម្រួលពាណិជ្ជកម្មនោះទេ ប៉ុន្តែជាមួយនឹងការរឹតត្បិតលើការឆ្លងកាត់ព្រំដែនតឹងរ៉ឹងជាងមុន។

ភាគីថៃនៅតែបន្តអនុញ្ញាតឲ្យមានការឆ្លងកាត់ព្រំដែនសម្រាប់បុគ្គលដែលមានតម្រូវការចាំបាច់ និងសម្រាប់ហេតុផលមនុស្សធម៌ ដូចជាអ្នកដែលស្វែងរកការព្យាបាល និងសិស្សានុសិស្ស ក៏ដូចជាសកម្មភាពប្រចាំថ្ងៃចាំបាច់សម្រាប់សាធារណៈជន ដូចជាការទិញផ្លែឈើ បន្លែ និងសម្ភារៈប្រើប្រាស់ ក្នុងផ្ទះជាដើម។

ជុំវិញការប្រកាសនេះ ហាក់ដូចជាផ្ទុយស្រលះពីការប្រកាស កាលពីម្សិលមិញរបស់រដ្ឋាភិបាលថៃ ជុំវិញការប្រកាសបិទច្រកព្រំដែនទាំងស្រុង បន្ទាប់ពីមានការលើកឡើងនូវវិធានការទប់ស្កាត់ឧក្រិដ្ឋកម្មឆ្លងដែន ដែលរួមមានការផ្អាកការនាំចេញអគ្គិសនី ប្រេង និងទំនិញដែលអាចប្រើប្រាស់ ក្នុងសកម្មភាពខុសច្បាប់ផ្សេងៗ នៅក្នុងប្រទេសកម្ពុជា។ តែទោះជាយ៉ាងណានេះគ្រាន់តែការចុះផ្សាយពីសារព័ត៌មាន Khaosod ប៉ុណ្ណោះ ខណ:រហូតមកដល់ពេលនេះ នៅមិនទាន់មានការបញ្ជាក់ជាផ្លូវការណាមួយ ជុំវិញការបើកច្រកព្រំដែនរវាងថៃ-កម្ពុជាឡើងវិញ នៅឡើយនោះទេ៕

The post មជ្ឈមណ្ឌលគ្រប់គ្រងព្រំដែនថៃ-កម្ពុជា បញ្ជាក់ថាគ្មានការបិទច្រកព្រំដែន ឬកាត់ផ្តាច់អគ្គិសនីមកកម្ពុជាឡើយ appeared first on .

ជុំវិញការប្រកាសនេះ ត្រូវបានធ្វើឡើង បន្ទាប់ពីភាគីកម្ពុជា បានសម្រេចកាត់ផ្តាច់ការផ្គត់ផ្គង់អគ្គិសនី និងអ៊ីនធើណិតពីប្រទេសថៃ រួមជាមួយនឹងការផ្អាកចាក់ផ្សាយភាពយន្តថៃ និងការនាំចូលទំនិញពីប្រទេសថៃ ផងដែរ។

ជុំវិញបញ្ហានេះ លោក Trairat Viriyasirikul អគ្គលេខាធិការស្តីទី NBTC បានមានប្រសាសន៍ថា ការផ្តល់សេវាកម្ម​អ៊ីនធើណិត​របស់ក្រុមហ៊ុនធំៗជាច្រើនរបស់ថៃ ត្រូវបានកាត់បន្ថយយ៉ាងខ្លាំង នៅតាម​បណ្តោយ​ព្រំដែន​កម្ពុជា-ថៃ។ បច្ចុប្បន្ន ក្រុមហ៊ុនទូរគមនាគមន៍របស់ថៃចំនួន ១៤ កំពុងមានអាជ្ញាប័ណ្ណសម្រាប់ការតភ្ជាប់បណ្តាញ នៅក្នុងតំបន់ព្រំដែននេះ ដោយក្នុងនោះរួមមានៈ

-National Telecom (NT)

-Advanced Wireless Network

-True Move H Universal Communication

-True Internet Corporation

-United Information Highway

-ALT Telecom

-International Gateway

-Jastel Network

-Symphony Communication

-TCC Technology

-Interlink Telecom

-Electricity Generating Authority of Thailand

-Kurz

តែទោះជាយ៉ាងណាក៏ដោយ លោក Trairat បាននិយាយថា NBTC កំពុងរង់ចាំការណែនាំអំពីគោលនយោបាយបន្ថែមពីរដ្ឋាភិបាលថៃ លើបញ្ហានេះ។ លោក​បន្ថែម​ថា បច្ចុប្បន្ននេះ ធនាគារ​ពាណិជ្ជ និង​ក្រុមធុរកិច្ច​ថៃ​ដែល​កំពុងធ្វើ​ប្រតិបត្តិការ​ នៅ​កម្ពុជា​ នៅតែអាច​នៅ​តែ​ស្វែង​រក​ការផ្តល់សេវា ពីក្រុមហ៊ុនផ្តល់សេវាអ៊ីនធើណិតរបស់កម្ពុជា បាន៕

The post ក្រុមហ៊ុនធំៗរបស់ថៃចំនួន ១៤ កំពុងរងផលប៉ះពាល់ ក្រោយកម្ពុជាសម្រេចកាត់ផ្តាច់អ៊ីនធើណិត appeared first on .

សម្តេចធិបតី លើកឡើងឡើងបែបនេះ ក្នុងឱកាសសម្តេចធិបតី និងភរិយាមានឱកាសទទួលទានអាហារពេលល្ងាចនៅភោជនីយដ្ឋានម្ហូបខ្មែរ របស់បងប្អូនខ្មែរយើងនៅទីក្រុងនីស ប្រទេសបារាំង។បន្ទាប់មក ក៏បានជួបសាកសួរសុខទុក្ខបងប្អូនប្រជាពលរដ្ឋខ្មែរមួយចំនួន ដែលកំពុងរស់នៅនិងប្រកបមុខរបរនៅទីក្រុងនីស។

សម្តចធិបតី ហ៊ុន ម៉ាណែត បានបញ្ជាក់នៅលើហ្វេសប៊ុកកាលព្រឹកថ្ងៃទី១២ ខែមិថុនា ឆ្នាំ២០២៥ថា៖ «ទោះជាមិនបានជួបជាមួយបងប្អូនខ្មែរទាំងអស់ដែលរស់នៅទីក្រុងនីសដោយសារពេលវេលាមានកំណត់ ក៏ខ្ញុំមានការសប្បាយរីករាយដែលបានជួបជាមួយបងប្អូនប្រជាពលរដ្ឋខ្មែរយើងជាច្រើននៅទីនេះ។ ហើយខ្ញុំក៏សូមអរគុណចំពោះការស្វាគមន៍យ៉ាងកក់ក្តៅរបស់ លោកអ៊ំ មីង បងប្អូន ក្មួយៗ ចំពោះរូបខ្ញុំ ភរិយា និងក្រុមការងារ»។

ជាងនេះទៀត សម្តេចថា៖« ទោះបីជាបងប្អូនរស់នៅឆ្ងាយពីស្រុកកំណើតយ៉ាងណាក៏ដោយ ក៏ការគិតគូរពីស្រុកកំណើតរបស់ខ្លួនមានជាប់ជាប្រចាំ។ ពួកគាត់ប្រាប់ខ្ញុំថា សម្តេចធ្វើយ៉ាងណាអភិវឌ្ឍន៍ប្រទេសយើងឱ្យកាន់តែរីកចម្រើន ហើយកុំឱ្យមានសង្គ្រាមទៀតអី ជាពិសេសពួកគាត់តាមដានដោយក្តីបារម្ភពីបញ្ហាព្រំដែនដែលកំពុងក្តៅ»។

ឆ្លៀតក្នុងឱកាសនោះ សម្តេចធិបតី ក៏បានប្រាប់ពលរដ្ឋខ្មែរដែលរស់នៅទីនោះថា រាជរដ្ឋាភិបាលប្តេជ្ញាការពារបូរណភាពទឹកដីរបស់យើងឱ្យបានជាដាច់ខាត ហើយខិតខំស្វែងរកដំណោះស្រាយឱ្យអស់លទ្ធភាព តាមសន្តិវិធីដើម្បីជៀសវាងសង្គ្រាម និងការពារផលប្រយោជន៍ជាតិនិងប្រជាជនយើង។

សូមរម្លឹកដែរថា សម្តេចធិបតី ហ៊ុន ម៉ាណែត បានដឹកនាំគណៈប្រតិភូរាជរដ្ឋាភិបាលកម្ពុជាធ្វើមាតុភូមិនិវត្តន៍ដើម្បីចូលរួមសន្និសីទអង្គការសហប្រជាជាតិ ស្តីពីមហាសមុទ្រ លើកទី៣ (UNOC3) រយៈពេល៣ថ្ងៃ នៅទីក្រុងនីស ប្រទេសបារាំង ។

នៅក្នុងអំឡុងចូលរួមសន្និសីទនោះ សម្តេចធិបតី ហ៊ុន ម៉ាណែត ក៏មានជំនួបទ្វេភាគីជាមួយ ប្រធានាធិបតីបារាំង លោក ម៉ាណូ អែល ម៉ាក្រុង ដើម្បីប្រាប់ពីជំហរកម្ពុជាលើបញ្ហាព្រំដែនជាមួយថៃផងដែរ។ក្នុងជំនួបនោះ លោកប្រធានាធិបតីបារាំង ក៏បានសន្យាចំពោះមុខសម្តេចធិបតីថា «បារាំងនឹងផ្តល់ឯកសារនានា ដល់ភាគីកម្ពុជា និងថៃ ទាក់ទងនឹងបញ្ហានេះ»។ ជាពិសេសពេលដែលកម្ពុជា ប្តឹងទៅតុលាការឡាអេ លើសំណុំរឿងតំបន់មុំ៣ ប្រាសាទតាមាន់តូច តាមាន់ធំ និងតាក្របីជាដើម៕ អត្ថបទ៖ ហ្សាលីន

The post ចំពោះមុខពលរដ្ឋខ្មែរនៅបារាំង៖សម្តេចធិបតី ប្តេជ្ញាការពារបូរណភាពទឹកដីកម្ពុជាឱ្យបានជាដាច់ខាត appeared first on .

ប្រភពសុំមិនបញ្ចេញឈ្មោះបាននិយាយថា គណៈកម្មាធិការរដ្ឋាភិបាលកាលពីដើមខែ បានអនុម័តលើការចំណាយធ្វើរបងហ៊ុមព័ទ្ធតាមព្រំដែនរួចរាល់ហើយ ដោយក្នុងនោះក៏មានទាំងការសាងសង់ផ្លូវភ្លោះ និងផ្លូវលំប្រវែង ១ ៧០០គីឡូម៉ែត្រដែលតភ្ជាប់ពីមូលដ្ឋានយោធាទៅកាន់ព្រំដែនផងដែរ។ តែយ៉ាងណា ការអនុម័តនេះក៏ត្រូវរង់ចាំការយល់ព្រម ពីខុទ្ទកាល័យនាយករដ្ឋមន្ត្រី Narendra Modi មួយដំណាក់កាលទៀតសិន។

មួយវិញទៀតសោត ដោយសារតែត្រូវសាងសង់នៅលើសណ្ឋានដីភ្នំ ព្រមទាំងបំពាក់នូវបច្ចេកវិទ្យាការពារភាពច្រែះ និងតំឡើងឧបករណ៍ឆក់នោះ  របង និងផ្លូវតាមព្រំដែនជាមួយមីយ៉ាន់ម៉ាប្រវែងមួយគីឡូមែត្រ នឹងត្រូវចំណាយប្រាក់អស់ដល់ទៅជិត ១២៥លានរូពី ដែលច្រើនជាងទ្វេដងនៃការចំណាយត្រឹមតែ ៥៥លានរូពីក្នុងមួយគីឡូម៉ែត្រប៉ុណ្ណោះ ចំពោះការធ្វើរបងព្រំដែនជាមួយបង់ក្លាដែសកាលពីក្នុងឆ្នាំ២០២០ ។

គួររម្លឹកកាលពីដើមឆ្នាំ២០២៤ រដ្ឋាភិបាលក្រុងញូវដែលីក៏ធ្លាប់បានលើកឡើងថា ខ្លួននឹងធ្វើរបងបិទព្រំដែន ព្រមទាំងបញ្ចប់គោលនយោបាយលើកលែងទិដ្ឋាការ ដែលមានអាយុកាលរាប់ទសវត្សមកហើយជាមួយរបបយោធាមីយ៉ាន់ម៉ា  ដើម្បីធានាបាននូវសន្តិសុខផ្ទៃក្នុងរបស់ប្រទេស និងដើម្បីរក្សារចនាសម្ព័ន្ធប្រជាសាស្រ្ត នៃរដ្ឋដែលស្ថិតនៅភាគឦសានរបស់ប្រទេសឥណ្ឌា។

សូមជម្រាបបន្ថែមថា ចាប់តាំងពីកើតមានរដ្ឋប្រហារយោធានៅមីយ៉ាន់ម៉ាកាលពីក្នុងឆ្នាំ២០២១  ជនស៊ីវិល និងទាហានមីយ៉ាន់ម៉ារាប់ពាន់នាក់ បានភៀសខ្លួនចូលមកកាន់រដ្ឋឥណ្ឌាជាហូរហែរ ដែលនេះបានធ្វើឲ្យទីក្រុងញូវដែលីកាន់តែព្រួយបារម្ភ អំពីហានិភ័យនៃការហូរចូលមកដល់កាន់តែច្រើនរបស់ជនចំណាកស្រុកមីយ៉ាន់ម៉ា៕

The post ឥណ្ឌាចំណាយប្រាក់ ៣,៧ពាន់លានដុល្លារ ដើម្បីធ្វើរបងតាមព្រំដែនជាមួយមីយ៉ាន់ម៉ា appeared first on .

ឆ្លងតាមរបាយការណ៍បូកសរុបលទ្ធផលកិច្ចសហប្រតិបត្តិការឆ្នាំ២០២១ កន្លងទៅ កងទ័ព​ជើងគោកកម្ពុជា និង បញ្ជា​ការដ្ឋានយោធភូមិភាគទី៩ នៃកងទ័ពប្រជាជនវៀតណាម យោធ​ភូមិភាគទី៩វៀតណាម បានធ្វើការវាយតម្លៃខ្ពស់ចំពោះសមិទ្ធផលការងារដែលសម្រេចបាន និងបានដាក់ចេញនូវកំណត់ទិសដៅអនុវត្តបន្តសម្រាប់ឆ្នាំ២០២២ ដោយផ្តោតសំខាន់​លើការ​ពង្រឹង និងពង្រីកកិច្ចសហប្រតិបត្តិការឱ្យកាន់តែជិតសិ្នទ្ធ សំដៅថែរក្សាសន្តិភាព សន្តិសុខ និងសណ្តាប់ធ្នាប់របៀបរៀបរយឱ្យបានល្អ នៅតាមតំបន់ព្រំដែន ជាពិសេសការរួមគ្នាទប់ស្កាត់ និងប្រយុទ្ធប្រឆាំងបទល្មើសឆ្លងដែនគ្រប់ប្រភេទ។

ជាមួយគ្នានេះ ភាគីទាំងពីរក៏បានឯកភាពគ្នាបន្តសហការ​បង្កលក្ខណៈអំណោយផល​ដល់​ប្រជាជន​នៃប្រទេស​ទាំងពីរ អាចធ្វើការផ្លាស់ប្តូរសេដ្ឋកិច្ច និងប្រកបរបររកស៊ីទៅវិញទៅមក ដើម្បីរួមចំណែកកាត់បន្ថយភាពក្រីក្រជូនប្រជាជននៃប្រទេសទាំងពីរ កម្ពុជា-វៀតណាម។

ភាគីទាំងពីរ ក៏បានសម្តែងនូវមោទនភាពចំពោះភាពរីកចម្រើន​នៃ​ទំនាក់​ទំនងមិត្តភាព និងកិច្ច​សហប្រតិបត្តិការគ្រប់ជ្រុងជ្រោយរវាងប្រទេសទាំងពីរ កម្ពុជា-វៀតណាម និងបានគាំទ្រ​លើ​ទិសដៅ​កិ​ច្ចសហប្រតិបត្តិការសំខាន់ៗ ដែលរដ្ឋាភិបាល និងក្រសួង​ការពារ​ជាតិ​នៃ​ប្រទេស​ទាំងពីរបានកំណត់យក នៅក្នុងស្មារតីគោរពឯករាជ្យ អធិប​តេយ្យ បូរណភាព​ទឹកដី ច្បាប់ជាតិ ច្បាប់អន្តរជាតិ អត្តសញ្ញាណជាតិនៃប្រទេសទាំងពីរ និងដោយឈរលើគោល​ការណ៍​ស្មើភាព រក្សាផលប្រយោជន៍គ្នាទៅវិញទៅមក និងការមិនជ្រៀតជ្រែកកិច្ចការ​ផ្ទៃក្នុង​រវាងគ្នា ជាពិសេសការបន្តពង្រឹង និងលើក​កម្ពស់​ទំនាក់ទំនងទ្វេភាគី ស្របទៅតាមពាក្យស្លោក “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរ​ភាពយូរអង្វែង”។

នៅក្នុងកិច្ចប្រជុំនោះដែរ ឯកឧត្តម ឧត្តមសេនីយ៍ឯក ខឹមជា សាឃឿន បានថ្លែងអំណរគុណ ឯកឧត្តម ឧត្តមសេនីយ៍ត្រី ង្វៀន មិញជៀវ មេបញ្ជាការរងយោធភូមិភាគទី៩ នៃកងទ័ព​ប្រជា​ជនវៀតណាម ដែលបាន​ទទួល​រៀបចំធ្វើជាម្ចាស់ផ្ទះសម្រាប់កិច្ចប្រជុំឆ្នាំនេះ និងបាន​ទទួល​ស្វាគមន៍យ៉ាងកក់ក្តៅ ព្រម​ទាំងបង្កលក្ខណៈដល់គណៈប្រតិភូកងទ័ពជើងគោក​នៃកង​យោធពលខេមរភូមិន្ទ បានមកចូលរួមកិច្ចប្រជុំដ៏សំខាន់នេះ។

ដោយឡែក ឯកឧត្តម ឧត្តមសេនីយ៍ត្រី ង្វៀន មិញជៀវ មេបញ្ជាការរងយោធភូមិភាគទី៩ នៃកងទ័ព​ប្រជា​ជន​វៀតណាម បានថ្លែងអបអរសាទរចំពោះជោគជ័យរបស់កម្ពុជា ក្នុងការ​ប្រយុទ្ធ​ប្រឆាំង​នឹង​ជំងឺកូវីដ-១៩ ក៏ដូចជាប្រតិបត្តិការទប់ស្កាត់ និងគ្រប់គ្រងការរីករាលដាល​នៃជំងឺនេះ ជា​ពិសេស​ជោគជ័យលើយុទ្ធនាការជាតិចាក់វ៉ាក់សាំង ដោយតាមរបាយការណ៍​វាយតម្លៃ កម្ពុជាគឺជា​ប្រទេស​មួយក្នុងចំណោមប្រទេសដែលបានចាក់វ៉ាក់សាំង​ជូន​ប្រជាជន​របស់​ខ្លួន​បានច្រើន​ជាងគេ​ក្នុងពិភពលោក ដោយក្នុងនោះកងទ័ពជើងគោកនៃកងយោធពល​ខេមរភូមិន្ទ​​ក៏ជា​ប្រតិបត្តិករ​ដ៏សំខាន់មួយផងដែរ៕

The post កង​ទ័ព​​ជើង​​គោក​​កម្ពុជា និង​​យោធ​ភូមិ​ភាគ​ទី៩​ វៀត​ណា​ម កំណត់ទិស​ដៅ​រួមគ្នា​​​ទប់ស្កា​ត់​​​បទល្មើស​​​ឆ្លងដែន​គ្រប់​​​ប្រភេទ​​ appeared first on .

+ខាងកម្ពុជា តំណាងដោយ (លោកជំទាវ កុយ ពិសី អនុប្រធានលេ ខាធិការដ្ឋានអចិន្រ្តៃយ៍នៃអាជ្ញាធរជាតិទទួលបន្ទុកកិច្ចការព្រំដែន) និងវៀតណាមតំណាងដោយលោក ហ៊្វូង ថេឡុង អនុប្រធានគណៈកម្មការព្រំដែនរដ្ឋនៃក្រសួងការបរទេស បានធ្វើការត្រួតពិនិត្យផ្ទៀងផ្ទាត់ និងឯកភាពទទួលយក សៀវភៅផែនទីឋានលេខាព្រំដែន ដែលបានចងក្រងរួច ចំនួន ៥០០ច្បាប់ដើម ក្នុងនោះភាសាខ្មែរ-វៀតណាមចំនួន២៥០ច្បាប់ និងភាសាវៀតណាម-ខ្មែរចំនួន ២៥០ច្បាប់ ដែលបានចងជាអាល់ប៊ុម (album) បានល្អ ត្រូវតាមបទ ដ្ឋានបច្ចេកទេស ដើម្បីទុកប្រើប្រាស់ក្នុងប្រទេសរៀងៗខ្លួនតទៅ។

+ផែនទីឋានលេខាព្រំដែនកម្ពុជា-វៀតណាម មាត្រដ្ឋាន ១/២៥ ០០០ នេះ បានបង្ហាញពេញលេញលទ្ធផល ខណ្ឌសីមា និងបោះបង្គោលព្រំដែន ប្រមាណជា៨៤% ដែល ប្រទេសទាំងពីសម្រេចបាន។ ផែនទីនេះ ជាផែនទីទំនើបសម័យឌីជីថល ៤.0 ដែលបង្ហាញយ៉ាងច្បាស់លាស់ខ្សែព្រំដែន បង្គោលព្រំដែន រួមនិងស្ថានភាពភូមមិសាស្រ្តនៅ លើដីជាក់ស្តែងបានយ៉ាងជាក់លាក់ ងាយស្រួលក្នុងការ ប្រើប្រាស់ មិនដូចផែនទីបោនខ្នាត ១/១00 ០០០ នោះទេ៕

ប្រភព លោកជំទាវ កុយ ពិសី

The post ផែនទី​ព្រំដែន​​កម្ពុជា-​វៀត​ណាម​ សម័យ​ទំនើប​​បាន​មក​ដល់​កម្ពុជា​ហើយ appeared first on .