នេះគឺជាព្រឹត្តការណ៍ដ៏កម្រ មិនធ្លាប់មានពីមុនមកដែលមានការបង្ហាញក្បាច់គុនបុរាណខ្មែរ និងការរៀបចំកម្មវិធី​ប្រដាល់គុនខ្មែរ នៅលើទឹកដីដ៏ពិសិដ្ឋនេះ ដែលសម្បត្តិវប្បធម៌ពីដូនតាមួយនេះ បានឆ្លាក់ជាសាវតានៅលើប្រាង្គ​ប្រាសាទអង្គរ និង ប្រាសាទផ្សេងៗមួយចំនួនទៀត ហើយពេលនេះបានដាក់បង្ហាញនូវសកម្មភាព​ពិតៗនៅ​លើ​ទឹកដីអង្គរផ្ទាល់តែម្តង។ កម្មវិធីនេះធ្វើឡើងចំនួន ២ថ្ងៃ គឺថ្ងៃទី១៦ និង១៧ ធ្នូ ឆ្នាំ២០២៣ នៅមុខព្រះលាន​ជល់​ដំរី ចាប់ពីម៉ោង៦ល្ងាចតទៅ ជាមួយនឹងវត្តមានចូលរួមទស្សនា និងគាំទ្រពីភ្ញៀវជាតិ និងអន្តរជាតិជាច្រើនកុះករ​ចាប់ពី​រាត្រីទី១កន្លងទៅ។ ភ្ញៀវជាតិ និងអន្តរជាតិបានលើកឡើង និងស្ងើចសរសើរពីការរៀបចំ ជាពិសេស​ទិដ្ឋភាព​ដ៏ស្រស់ត្រកាលនៃប្រាង្គប្រាសាទយើងនាពេលរាត្រីដែលបំភ្លឺដោយភ្លើងពណ៍ដ៏ល្អប្រណិត និងឥតខ្ចោះ​ដែលគ្រប់គ្នាកម្របានឃើញ។

គួររំលឹកផងដែរថាពិធី «រំលឹកគុណអង្គរ» នៅក្នុងតំបន់រមណីយដ្ឋានអង្គរ ធ្វើឡើងរយៈពេល ១០ថ្ងៃ ដោយចាប់​ពី​ថ្ងៃទី០៧ ដល់ថ្ងៃទី១៦ ខែធ្នូ ឆ្នាំ២០២៣ ដោយមានការរៀបចំកម្មវិធីបែបសាសនា និងការសម្តែងទស្សនីយ​ភាព​សិល្បៈជាច្រើនទម្រង់ ដើម្បីសម្តែងនូវការដឹងគុណចំពោះបុព្វការីជន និងដើម្បីធ្វើឱ្យអង្គរកាន់តែក្លាយជា​ទីគោរពសក្ការៈសម្រាប់កូនខ្មែរ។ ក្រុមហ៊ុន វឌ្ឍនៈ ប៊្រូវើរី ជាក្រុមហ៊ុនធំមួយដែលតែងតែចូលរួម​លើកស្ទួយ​វប្បធម៌​ខ្មែរយ៉ាងខ្លាំងក្លាតាមរយៈការគាំទ្រនូវការបង្កើតសកម្មភាពសិល្បៈ ផ្សព្វផ្សាយពីវប្បធម៌ និងលើកស្ទួយ​កិត្យានុភាព​នៃប្រទេសជាតិរបស់យើងអោយកាន់តែល្បីល្បាញលើពិភពលោក៕

The post សង្វៀនគ្រុឌគុនខ្មែរ នាំយកទស្សនីយភាពដ៏កម្រដំបូងគេទៅកាន់ទឹកដីអង្គរ អបអរសាទរពិធី រំលឹកគុណអង្គរ ២០២៣ appeared first on .

អ្នកលេងគុនមកពីគ្រប់ទិសទី នឹងធ្វើដំណើរមកកាន់ទឹកដីមហានគរ ដើម្បីរំឭក​មក​វិញ​នូវ​ក្បាច់​ប្រយុទ្ធ​ដ៏​អស្ចារ្យ​ របស់​អ្នក​ចម្បាំង​អង្គរ​ គ្រប់ក្បាច់​គ្រប់​ស្នៀត​ដែល​បុព្វ​បុរស​ខ្មែរ​ចារ្យ​​ឆ្លាក់​លើ​ជញ្ជាំង​ប្រាសាទ​​រាប់​ពាន់​ឆ្នាំ​ នឹង​ត្រូវ​បង្ហាញ​​នៅ​លើ​ទីលាន​ប្រយុទ្ធ​ «អ្នកលេងគុន» នៅ​ថ្ងៃសុក្រ ទី១៥ ខែធ្នូ ឆ្នាំ២០២៣ វេលា​ម៉ោង ០៦:៣០​នាទី​ល្ងាច នៅ​ពហុកីឡដ្ឋាន​ជាតិ​អូឡាំពិក។

អ្នកលេងគុន​ល្បុក្កតោ​ខ្មែរ​​ជើង​រន្ទះ​ព្យុះសមុទ្រ​​ ពេជ្រ ពន្លឺ ​ប៉ះ​ជាមួយ​អ្នក​លេង​គុន​ល្បុក្កតោ​ឡាវ Hongvixay Sivilay, អ្នកលេង​គុន​ល្បុក្កតោ​ខ្មែរ​កណ្តាប់ដៃ​ដែក ពេជ្រ ខាំតៃ ជួប​ជាមួយ​​នឹង​អ្នកលេង​គុន​ល្បុក្កតោ​វៀតណាម Hoang Phuc Thuan, អ្នកលេង​គុន​ល្បុក្កតោ​ខ្មែរ​ជង្គង់ទិព្វ​ ស៊ូ កក្កដា តតាំង​ជាមួយ​អ្នកលេងគុន​ល្បុក្កតោ​ឥណ្ឌូនេស៊ី Muhammad Yunus Dhae Atu, អ្នកលេង​គុន​ល្បុក្កតោ​ខ្មែរ​កែងរន្ទះ​ដៃ​ភ្លឺលោហិត ណាង សុវណ្ណ ជួប​ជាមួយ​នឹង​អ្នកលេង​គុន​ល្បុក្កតោ​វៀតណាម Pham Van Giang, អ្នកលេង​គុន​ល្បុក្កតោ​ខ្មែរ​​ខ្លាខ្មៅ​កំណាច​មុខ​តាន់ មាស រជ្ជៈ ប៉ះ​ជាមួយអ្នកលេងគុន​ល្បុក្កតោ​ឥណ្ឌូនេស៊ី Sanjaya Hutagaol, អ្នកលេង​គុន​ល្បុក្កតោ​ខ្មែរ​ឥន្ទ្រី​ពិឃាដ រិន សារ័ត្ន ​នឹង​សាកក្បាច់គុន​ជាមួយ​នឹង​អ្នកលេង​គុន​ល្បុក្កតោ​​ហ្វីលីពីន Jiar Orlando Castillo, អ្នកលេង​គុន​ល្បុក្កតោ​ខ្មែរ​ស្តេចតោ​ចង្កូម​ពិឃាដ ចាន់ រតនា នឹង​ជួប​ជាមួយ​អ្នកលេង​គុន​ល្បុក្កតោ​​ហ្វីលីពីន John Mcleary Ornido។

សម្រាប់​សំបុត្រ​ចូលរួម​ទស្សនា​នឹង​មាន​ដាក់​លក់​នៅ​ខាងមុខ​​ច្រកចូល​ពហុកីឡដ្ឋាន​ជាតិ​អូឡាំពិក ចាប់ពី​ថ្ងៃទី០៧ ខែធ្នូ ឆ្នាំ២០២៣ រហូត​ដល់​ថ្ងៃ​ប្រកួត។​​

ទទួលយកថាមពលជាមួយគ្រុឌ!

The post ព្រឹត្តិការណ៍ដ៏ធំប្រចាំឆ្នាំ២០២៣! អ្នកលេងគុនល្បុក្កតោខ្មែរ ៧រូប ត្រូវតតាំងជាមួយអ្នកលេងគុនល្បុក្កតោវៀតណាម ឡាវ ឥណ្ឌូនេស៊ី និងហ្វីលីពីន appeared first on .

គ្រុឌបានរកឃើញអតិថិជនជាច្រើននាក់ បានឈ្នះរង្វាន់ដ៏អស្ចារ្យពីស្រាបៀរគ្រុឌជារៀងរាល់ថ្ងៃ។ ពួកគាត់ពិតជា​រំភើបដែលទទួលបានរង្វាន់ពិតៗ ចែកដល់ដៃផ្ទាល់ ហើយបន្តចែករំលែកពេលវេលាល្អជាមួយគ្នា។ ភ្ជុំឆ្នាំនេះកាន់​តែ​ពិសេស ពេលវេលាល្អក៏មានកាន់តែច្រើន ព្រោះស្រាបៀរគ្រុឌ នឹងផ្តល់ជូនមហារង្វាន់រឹតតែច្រើន ដើម្បីឲ្យ​អតិថិជននៅគ្រប់ខេត្តក្រុង មានពេលវេលាសប្បាយរីករាយជួបជុំក្រុមគ្រួសារ មិត្តភក្តិ និងមនុស្សជាទីស្រឡាញ់។

លើសពីការផ្តល់រង្វាន់ជាច្រើនសន្ធឹកសន្ធាប់! លើសពីរសជាតិ និងគុណភាពទទួលស្គាល់លំដាប់ពិភពលោក ស្រាបៀរគ្រុឌជាស្រាបៀរក្នុងស្រុកដ៏ពេញនិយមនៅលើទីផ្សារកម្ពុជាផលិតឡើងដោយក្រុមហ៊ុន វឌ្ឍនៈ ប៊្រូវើរី ដែលបង្កើតភាពភ្ញាក់ផ្អើលនៅលើឆាកអន្តរជាតិ ជាមួយការទទួលបានពានរង្វាន់​បញ្ជាក់ពីគុណភាព​ប្រណិត​ជាបន្តបន្ទាប់ពីស្ថាប័នអន្តរជាតិកំពូលៗ ដូចជាទទួលបានមេដាយមាសពីរឆ្នាំជាប់ៗគ្នាពីស្ថាប័ន Monde Selection សម្រាប់ឆ្នាំ ២០២២ និងឆ្នាំ២០២៣ ព្រមទាំងបានឈ្នះពានរង្វាន់ពីរផ្ទួនគ្នាពីស្ថាប័ន World Beer Awards សម្រាប់ឆ្នាំ ២០២៣។

អតិថិជនជាវស្រាបៀរ គ្រុឌ កាន់តែច្រើន ឱកាសឈ្នះរង្វាន់រឹតតែច្រើន។ អ្នកឈ្នះរង្វាន់បន្ទាប់អាចជារូបអ្នក។
ពេល​វេលាល្អ ពេលវេលាជួបជុំរីករាយ ហើយឈ្នះមហារង្វាន់ដ៏អស្ចារ្យពីស្រាបៀរគ្រុឌ!

The post តោះ! ភ្ជុំដឹកគ្រុឌទៅស្រុក ហើយត្រៀមខ្លួនឈ្នះមហារង្វាន់ទាំងអស់គ្នា! appeared first on .

ពិធីចុះកិច្ចសន្យានេះ ក៏មានការចូលរួមពីអ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប៊្រូវើរី សិល្បករ សិល្បការិនី បវរកញ្ញាកម្ពុជា រួមទាំងហ្វេនៗជាច្រើន ដែលមានវត្តមានធ្វើជាសក្ខីភាព​នៃការចុះហត្ថលេខា ព្រម​ទាំងមានការចាក់បង្ហាញនូវវីដេអូស្ពតពាណិជ្ជកម្មថ្មីរបស់ភេសជ្ជៈប៉ូវកម្លាំងគ្រុឌ ដែលចូលរួមសម្តែង​លើកដំបូង​ពីសំណាក់សិល្បការិនីចម្រៀងរ៉េប ទេព បូព្រឹក្ស យ៉ាងរស់រវើក និងពោរពេញដោយថាមពល។

ក្នុងឱកាសនោះផងដែរ ទេព បូព្រឹក្ស ក៏បានបង្ហាញនូវអារម្មណ៍ដ៏រំភើបរីករាយ ជាពិសេស ដែលបានសហការ​ជាមួយក្រុមហ៊ុន វឌ្ឍនៈ ប៊្រូវើរី ដើម្បីបង្កើត និងនាំយកនូវភាពសប្បាយរីករាយអស្ចារ្យនៅក្នុងកម្មវិធីប្រគំតន្រ្តី “NEW ERA” ដែលរៀបចំឡើងជាកិច្ចស្វាគមន៍រូបគាត់ សម្រាប់ការត្រឡប់មកវិញ ក្រោយពេលសម្រាក​ពីសិល្បៈ​មួយរយៈ ព្រមទាំងបង្ហាញពីការត្រៀមខ្លួនរួចជាស្រេចសម្រាប់កម្មវិធីដ៏អស្ចារ្យជាច្រើនទៀតជាមួយ វឌ្ឍនៈ ប៊្រូវើរី បន្តបន្ទាប់ ​ក្នុងពេលឆាប់ៗខាងមុខនេះ។

ដើម្បីស្វាគមន៍វត្តមានរបស់សិល្បការិនីចម្រៀងរ៉េប ទេព បូព្រឹក្ស ចូលមកកាន់គ្រួសារ វឌ្ឍនៈ ប្រ៊ូវើរី អ្នកឧកញ៉ា សំអាង វឌ្ឍនៈ មានប្រសាសន៍ថា “ទេព បូព្រឹក្ស គឺជាសិល្បការិនី មួយរូបដែលមានទេពកោសល្យ មានឆន្ទៈ​មោះមុត មានភាពឆ្លាតវៃ និងចេះអភិវឌ្ឍសមត្ថភាពខ្លួនបានយ៉ាងល្អក្នុងវិថីសិល្បៈ ដែលតែងតែនាំមកនូវភាព​អស្ចារ្យ ភាពភ្ញាក់ផ្អើល ភាពច្នៃប្រឌិតថ្មី ប្លែកក្នុងការផលិតបទចម្រៀងទាំងបទបែបមនោសញ្ចេតនា និងបទបែប​ហ៊ីបហបមកអន្រួនបេះដូងយុវវ័យសម័យថ្មី”។

អ្នកឧកញ៉ា បានបន្តទៀតថា “ទេព បូព្រឹក្ស តែងផ្តោតសំខាន់លើការផលិតបទចម្រៀងដែលមានគុណភាព ដែល​ឆន្ទៈបែបហ្នឹង គឺស្របតាមឆន្ទៈរបស់ វឌ្ឍនៈ ប្រ៊ូវើរី ដែលតែងតែផលិតនូវផលិតផលដែលមានរសជាតិ និង​គុណភាពទទួលស្គាល់លំដាប់ពិភពលោក សម្រាប់អតិថិជនយើងនៅគ្រប់ទិសទី ដូច្នេះហើយការសហការរវាង វឌ្ឍនៈ ប្រ៊ូវើរី និង ទេព បូព្រឹក្ស នឹងនាំអ្វីអស្ចារ្យសម្រាប់រូបគាត់ផ្ទាល់ ក៏ដូចជាភេសជ្ជៈប៉ូវកម្លាំងគ្រុឌ និងភេសជ្ជៈ វី-អាកទីវ របស់យើង”។

គួរបញ្ជាក់ថា ថវិកាទាំងអស់ដែលទទួលបានពីការលក់សំបុត្រចូលរួមក្នុងកម្មវិធីប្រគំតន្រ្តី “NEW ERA” ដែល​រៀបចំជាពិសេសដោយក្រុមហ៊ុន វឌ្ឍនៈ ប៊្រូវើរី សហការជាមួយសិល្បការិនីចម្រៀងរ៉េប ទេព បូព្រឹក្ស នឹងយក​បរិច្ចាគជួយទៅដល់មន្ទីរពេទ្យកុមារអង្គរ ដែលនេះបង្ហាញពីទឹកចិត្តដ៏សប្បុរស និងការចូលរួមដ៏សំខាន់ក្នុងការ​ជួយដល់សង្គមជាតិ ដែលនៅក្រុមហ៊ុន វឌ្ឍនៈ ប៊្រូវើរី តែងតែធ្វើនាពេលកន្លងមក។

The post អបអរ ទេព បូព្រឹក្ស ត្រឡប់មកចូលសិល្បៈវិញ និងក្លាយជាទូតសុច្ឆន្ទៈផ្លូវការរបស់ភេសជ្ជៈប៉ូវកម្លាំងគ្រុឌ និងភេសជ្ជៈវី-អាកទីវ appeared first on .

លោកអ្នកនឹងបានឃើញសង្គ្រាមប្តូរកណ្តាប់ដៃ ជាមួយស្នៀតផ្តួលគូប្រកួត ដោយប្រើក្បាច់មរតកគុនខ្មែរ កែងឆេះ កាប់ចាន ជង្គង់ហោះ នាគវាត់កន្ទុយ ដែលកាន់តែផ្តល់នូវភាពសប្បាយរីករាយ អង្រួនអារម្មណ៍អ្នកស្នេហាវិស័យ​គុនខ្មែរ​ឲ្យពុះកញ្ជ្រោល ស្រែកហ៊ោកញ្ជ្រៀវ ជាមួយការប្រកួតដ៏ញាក់សាច់។

កំពូលមហាព្រឹត្តិការណ៍ប្រដាល់គុនខ្មែរ មិនធ្លាប់មានលើលោក នឹងមានការប្រកួតដណ្តើមខ្សែក្រវាត់រហូតដល់ ៦ ខ្សែផងដែរ ដោយចម្រាញ់សុទ្ធសឹងគូខ្លាំងៗដូចជា៖

១. អេអាំម៉ារិន ភូថង Vs ម៉ូតូគី សាមីមួយថៃ
២. អ៊ុង វីរៈ Vs អេវីមេបូឌី
៣. មឿន សុខហ៊ុច Vs រ៉ូដ ភួង
៤. ឃឹម ឌីម៉ា Vs ផេកចំប៉ា

កាន់តែកក្រើក កាន់តែជក់ចិត្ត ដិតអារម្មណ៍ ជាមួយគូដណ្តើមខ្សែក្រវាត់ និងការពារខ្សែក្រវាត់ដូចជា៖

៥. ឡុង បេងលឿន Vs ម៉ឺន មេឃា
៦. លន បញ្ញា Vs អេនសេដូ ហ្គូមបា
៧. ធន់ រិទ្ធី Vs សាមី បានចាមេក
៨. ព្រំ សំណាង Vs ដាបម៉ូន
៩. ឃឹម បូរ៉ា Vs ពេជ្រ សម្បត្តិ

តើកំពូលអ្នកប្រយុទ្ធគុនខ្មែររូបណាខ្លះ នឹងក្លាយជា Hero គុនខ្មែរ ដែលមានសមត្ថភាពរក្សា និងដណ្តើមខ្សែ​ក្រវាត់ដ៏អស្ចារ្យ?

មហាព្រឹត្តិការណ៍ប្រដាល់ Krud គុនខ្មែរ នាំមកជូនលោកអ្នកជាពិសេស និងផ្តាច់មុខដោយភេសជ្ជៈប៉ូវកម្លាំងគ្រុឌ ភេសជ្ជៈប៉ូវកម្លាំងគ្រុឌអាយស៍ និងភេសជ្ជៈ វី-អាកទីវ ទាំងបីរសជាតិ ។

ត្រៀមខ្លួនចូលរួមឲ្យបានច្រើនកុះករ នៅថ្ងៃទី ៣ ខែកញ្ញា ឆ្នាំ២០២៣ ខាងមុខនេះ នៅទីតាំងផ្សាររុងរឿង ៦ A ក្នុងតំបន់ OCIC ជ្រោយចង្វា ដើម្បីគាំទ្រវិស័យកីឡាប្រដាល់គុនខ្មែរ ឲ្យកាន់តែអស្ចារ្យ និងល្បីល្បាញនៅ​លើឆាក​អន្តរជាតិ។

លោកអ្នកអាចទិញសំបុត្រ Online បានតាមរយៈ៖
១. App: https://wonderpass.asia/event/krud_kun_khmer
២. Website: https://live.wonderpass.asia
៣. Telegram: https://t.me/krudkunkhmertickets

ឬលោកអ្នកអាចទិញសំបុត្រនៅតាមទីតាំងខាងក្រោម៖
១. Vattanac Brewery Hub នៅផ្សារទំនើប វឌ្ឍនៈ កាពីតាល ជាន់ទី១
២. ទីតាំងសួន Vattanac Capital Lifestyle Park ជាន់ក្រោមដី B1 (Reception Desk) ទល់មុខហាងកាហ្វេ Arabica
៣. ហាងលក់ភេសជ្ជៈ ម៉ូនីន៖ ផ្ទះលេខ៦០ បរិវេណសួនឩស្សាហកម្មវឌ្ឍនៈ១ តាមបណ្តោយផ្លូវវេងស្រេង ភូមិត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ ផែនទី: https://maps.app.goo.gl/r31atMLXhgaq2Xdy7
៤. ស្ថានីយទូរទស្សន៍ជាតិកម្ពុជា (ទទក) នៅបណ្តោយផ្លូវព្រះមុនីវង្ស
៥. TG DISTRIBUTION CO., LTD. ដីឡូតិ៍លេខ១២៣ ផ្លូវជាតិលេខ៦A ភូមិ គៀនឃ្លាំង សង្កាត់ ជ្រោយចង្វារ ខណ្ឌ ជ្រោយចង្វា រាជធានីភ្នំពេញ។ លេខទូរស័ព្ទ៖ 012 338 533 / 098 887 580
៧. ហាងលក់ភេសជ្ជៈ វណ្ណី ផ្ទះលេខ១០៨ ផ្លូវ១៣ សង្កាត់ផ្សារកណ្តាល ១ ដូនពេញ លេខទូរស័ព្ទ៖ 016 558 505។

The post កំពូលអ្នកប្រដាល់ជើងខ្លាំងជាតិ និងអន្តរជាតិជាច្រើនគូ នឹងមកអង្រួនសង្វៀនប្រដាល់ Krud គុនខ្មែរ ក្នុងពេលឆាប់ៗនេះ appeared first on .

នេះគឺជាកំណត់ត្រាថ្មី នៃចំនួនចូលទស្សនាបាល់ទាត់ក្នុងលីគដ៏ច្រើនបំផុតមិនធ្លាប់មាននៅកម្ពុជា ដែលនេះបង្ហាញ ពីភាពរីកចម្រើននៃវិស័យកីឡាក្នុងស្រុក និងការចូលរួមរៀបចំពីក្រុមហ៊ុន វឌ្ឍនៈ ប៊្រូវើរី ដែលមានលក្ខណៈសម្បូរបែប ទាក់ទាញឲ្យអ្នកចូលរួម ដែលក្នុង នោះមានដូចជាឈុតឆាកសម្តែងពិសេសពីកញ្ញារ៉ាប៊ី និងកីឡាករបាល់ទាត់ Nick Taylor ក្នុងវគ្គពាក់កណ្តាលការប្រកួត និងពូឃ្លាំង លោកណាន វីសារ និងលោកប៉ប់ (BOB) នៅវគ្គបញ្ចប់ការប្រកួត ក៏ដូចជា ការរៀបចំទីតាំង Fan Zone ដែលមានការប្រគំតន្រ្តីពីម៉ាកសញ្ញាគ្រុឌ ស្តង់ម្ហូបអាហារចម្រុះ ស្តង់ហ្គេមកម្សាន្ត និងស្តង់តាំងបង្ហាញឯកសណ្ឋានរបស់ក្លិបនីមួយៗផងដែរ។

អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប៊្រូវើរី បានមានប្រសាសន៍ថា « ក្នុងនាម ជាម្ចាស់ឧបត្ថម្ភធំ នៃកម្មវិធី និងជំនួសមុខឲ្យខេមបូឌានព្រីមៀរលីគ យើងសូមអរគុណអ្នកគាំទ្រទាំងអស់គ្នាដែលបានចូលរួមទស្សនា និងចូលរួមលើកទឹកចិត្តកីឡាករ និងកីឡាបាល់ទាត់កម្ពុជាយើង។ នេះជាភាពប្រសើរ និងជឿជាក់លើវិស័យកីឡា ស្របតាមចក្ខុវិស័យរបស់ក្រុមហ៊ុន វឌ្ឍនៈ ប៊្រូវើរី ជាក្រុមហ៊ុនរបស់ខ្មែរ មានឆន្ទៈលើកមុខមាត់ប្រទេសកម្ពុជា ដែលចក្ខុវិស័យនេះផងដែរ ស្របទៅនឹងគោលដៅរបស់ខេមបូឌានព្រីមៀរលីគ ក៏ដូចជាសហព័ន្ធកីឡាបាល់ទាត់កម្ពុជា ក្នុងការអភិវឌ្ឍ និងលើកកម្ពស់គុណភាពវិស័យកីឡាបាល់ទាត់នៅកម្ពុជាឲ្យកាន់តែរីកចម្រើនទៅមុខលើឆាកអន្តរជាតិ និងជំរុញឲ្យប្រជាជនកម្ពុជាចូលរួមគាំទ្រ និងលេងកីឡាឲ្យកាន់តែច្រើន។ ដើម្បីឲ្យក្រុមជម្រើសជាតិរបស់យើងកាន់តែរឹងមាំ និងធ្វើបានកាន់តែល្អ ពិតណាស់យើងត្រូវតែមានលីគបាល់ទាត់ដ៏រឹងមាំសម្រាប់ហ្វឹកហ្វឺន និងអភិវឌ្ឍកីឡាករបាល់ទាត់ប្រកបដោយគុណភាព ហើយយើងនឹងធ្វើដំណើររួមគ្នា ដើម្បីគាំទ្រកីឡាបាល់ទាត់នៅកម្ពុជា។ ចូលរួមអបអរសាទរដល់ក្លិបភ្នំពេញក្រោន ដែលក្លាយជាម្ចាស់ជើកឯកពានរង្វាន់ “គ្រុឌ ខេមបូឌាន ស៊ូបភើខាប់ ឆ្នាំ ២០២៣”។

លើសពីការចូលរួមចំណែកសហការឧបត្ថម្ភជាមួយខេមបូឌានព្រីមៀរលីគ ក្នុងការប្រកួតដណ្តើមពានរង្វាន់ក្នុងលីគ ក្រុមហ៊ុន វឌ្ឍនៈ ប៊្រូវើរី ក៏បានធ្វើការឧបត្ថម្ភទៅតាមក្លិបបាល់ទាត់ផ្សេងៗដូចជាក្លិបបាល់ទាត់ព្រៃវែង ក្លិបបាល់ទាត់គិរីវង្សសុខសែនជ័យ ហើយកាន់តែពិសេសនោះ គឺវឌ្ឍនៈ ប៊្រូវើរី ក៏ជាដៃគូឧបត្ថម្ភធំផ្លូវការដល់សហព័ន្ធកីឡាបាល់ទាត់កម្ពុជាផងដែរ។ ការចូលរួមឧបត្ថម្ភទាំងផលិតផល និងថវិកា ទាំងក្នុងក្លិប ទាំងនៅក្នុងលីគ ទាំងក្នុងសហព័ន្ធកីឡាបាល់ទាត់កម្ពុជា គឺពិតជាធំធេងណាស់សម្រាប់ក្រុមហ៊ុន វឌ្ឍនៈ ប៊្រូវើរី ដោយយើងជឿជាក់ថា ការចូលរួមចំណែកនេះ នឹងអាចជួយលើកស្ទួយគុណភាពវិស័យកីឡានៅកម្ពុជា ឲ្យកាន់តែរីកចម្រើននៅលើឆាកអន្តរជាតិ៕

The post ការប្រកួតពានរង្វាន់ “គ្រុឌ ខេមបូឌាន ស៊ូបភើខាប់ ឆ្នាំ២០២៣” បំបែកកំណត់ត្រាការប្រកួតបាល់ទាត់ក្នុងលីគ មានអ្នកទស្សនាច្រើនជាងគេមិនធ្លាប់មាន appeared first on .

ភេសជ្ជៈប៉ូវកម្លាំងគ្រុឌ សូមចូលរួមអបអរសាទរដល់បងប្រុស អ៊ុយ ម៉េងហួរ មានទីលំនៅភូមិធំ ស្រុកកៀនស្វាយ ខេត្តកណ្ដាល ដែលមានសំណាងក្លាយជាអ្នកឈ្នះមហារង្វាន់ រថយន្ដភីកអាប់ដំបូងគេបង្អស់ ពីភេសជ្ជៈប៉ូវកម្លាំង​គ្រុឌ។

បងប្រុស អ៊ុយ ម៉េងហួរ បានរៀបរាប់ទាំងអារម្មណ៍រំភើបថា៖ «បន្ទាប់ពីចេញពីផ្សារ ខ្ញុំមានអារម្មណ៍ថាអស់កម្លាំង រួចក៏សម្រេចចិត្តឈប់ទិញភេសជ្ជៈប៉ូវកម្លាំងគ្រុឌតាមរទេះលក់ភេសជ្ជៈតាមផ្លូវ ៣កំប៉ុង។ គាស់កំប៉ុងទី២ ខ្ញុំក៏​ឃើញរង្វាន់ធំរថយន្ដភីកអាប់នៅក្រវិលកំប៉ុង ប៉ុន្តែខ្ញុំនៅស្ទាក់ស្ទើរមិនដឹងថា​ខ្លួនឯងពិតជាត្រូវរង្វាន់ធំ​មែននោះ​ទេ។ ខ្ញុំក៏សម្រេចចិត្តទៅផ្ទះដើម្បីពិគ្រោះជាមួយបងប្រុស ទើបដឹងថាខ្ញុំពិតជាបានឈ្នះមហារង្វាន់រថយន្ដ​ពី​ភេសជ្ជៈប៉ូវកម្លាំងគ្រុឌពិតប្រាកដមែន»។

បងប្រុសក៏បានមានប្រសាសន៍ទៀតថា «ខ្ញុំជាអ្នករស់នៅជិតរោងចក្រ វឌ្ឍនៈ ប្រ៊ូវើរី ហើយខ្ញុំសង្កេតឃើញថា ក្រុមហ៊ុន វឌ្ឍនៈ ប្រ៊ូវើរី គឺជាក្រុមហ៊ុនដ៏ធំរបស់ជនជាតិខ្មែរយើង ដែលកំពុងតែលេចធ្លោនៅក្នុងឧស្សាហកម្ម​ផលិតភេសជ្ជៈប្រទេសកម្ពុជា និងទទួលបានលិខិតសរសើរពីសម្ដេចនាយកតេជោ ហ៊ុន សែន ដោយបានដាក់​ដំណើរការឧបករណ៍វាស់ចំណុះផលិតផលដែលបានផលិត ដើម្បីតម្លាភាពនៃការបង់ពន្ធជូនរដ្ឋ ដូច្នេះធ្វើឲ្យខ្ញុំ​កាន់តែមានមោទនភាពក្នុងការគាំទ្រផលិតផលរបស់ក្រុមហ៊ុន វឌ្ឍនៈ ប៊្រូវើរី»។

លោកស្រី គង់ កុសល នាយកផ្នែកពាណិជ្ជកម្មក្រុមហ៊ុន វឌ្ឍនៈ ប្រ៊ូវើរី មានប្រសាសន៍ឲ្យដឹងថា «យើងខ្ញុំពិតជា​មាកភាពរីករាយ និងសូមចូលរួមអបអរសាទរ ដល់អ្នកឈ្នះមហារង្វាន់រថយន្ដភីកអាប់​ដ៏ថ្មីស្រឡាងដំបូងគេ​របស់​ភេសជ្ជៈប៉ូវកម្លាំងគ្រុឌ។ ភេសជ្ជៈប៉ូវកម្លាំងគ្រុឌ គឺជាផលិតផលក្នុងស្រុកដែលទទួលស្គាល់ដោយស្ថាប័នអន្តរជាតិ និងទទួលបានមេដាយមាសបញ្ជាក់ពីគុណភាពពីកម្មវិធី MONDE SELECTION AWARDS ប្រចាំឆ្នាំ២០២៣ នៅទីក្រុងព្រុចសែល ប្រទេសប៊ែលហ្ស៊ិក។ មិនត្រឹមតែប៉ុណ្ណោះ ភេសជ្ជៈប៉ូវកម្លាំងគ្រុឌ ក៏បានផ្ដល់រង្វាន់ដ៏ច្រើន​សន្ធឹកសន្ធាប់ដល់អតិថិជននៅទូទាំងប្រទេសកម្ពុជា»។

ភេសជ្ជៈប៉ូវកម្លាំងគ្រុឌ បានរកឃើញអតិថិជនជាច្រើននាក់ទទួលបានរង្វាន់ជាហូហែរជារៀងរាល់ថ្ងៃ ហើយនា​ពេលថ្មីៗនេះក៏បានរកឃើញអតិថិជនដែលមានសំណាងឈ្នះមហារង្វាន់រថយន្ដភីកអាប់ដំបូងគេ។

ភេសជ្ជៈប៉ូវកម្លាំងគ្រុឌ នឹងបន្តផ្ដល់រង្វាន់អស្ចារ្យដ៏ច្រើនសន្ធឹកសន្ធាប់ ដូចជារថយន្ដភីកអាប់ ម៉ូតូហុងដាឌ្រីមស៊េរី​ថ្មី រង្វាន់ប្រាក់សុទ្ធរាប់រយលានរៀល និងរង្វាន់ជាច្រើនទៀតដល់អតិថិជននៅទូទាំងប្រទេសកម្ពុជា។ ចាំអីទៀត! ទិញផលិតផលក្នុងស្រុកទទួលស្គាល់លើឆាកអន្តរជាតិ គាំទ្រការអភិវឌ្ឍសេដ្ឋកិច្ចជាតិ និងមានឱកាសឈ្នះ​រង្វាន់​កាន់តែច្រើន។ អ្នកឈ្នះមហារង្វាន់បន្ទាប់ អាចជារូបអ្នក!

ទទួលយកថាមពលជាមួយគ្រុឌ!

The post ទិញភេសជ្ជៈប៉ូវកម្លាំងគ្រុឌតាមផ្លូវ ៣កំប៉ុង ឈ្នះរង្វាន់រថយន្ដភីកអាប់ Isuzu D-Max V-Cross ដ៏ថ្មីស្រឡាងមួយគ្រឿង appeared first on .