នេះបើយោងតាមជំនួបពិភាក្សាការងារ លើការពង្រឹង និងពង្រីកកិច្ចសហប្រតិបត្តិការក្នុងវិស័យទេសចរណ៍រវាងប្រទេសទាំងពីរ ឱ្យកាន់តែស៊ីជម្រៅបន្ថែមទៀត រវាងលោក ហួត ហាក់ រដ្ឋមន្ត្រីក្រសួងទេសចរណ៍ ជាមួយ លោកFaiyaz Murshid Kazi តំណាងឯកអគ្គរដ្ឋទូតសាធារណរដ្ឋបង់ក្លាដែសប្រចាំកម្ពុជា កាលថ្ងៃទី១ ខែមេសា ឆ្នាំ២០២៦។

ក្នុងជំនួបដ៏មានសារៈសំខាន់នេះ ភាគីទាំងពីរ បានផ្លាស់ប្តូរយោបល់យ៉ាងសកម្មលើទិសដៅសហប្រតិបត្តិការសំខាន់ៗ រួមមាន ការផ្សព្វផ្សាយគោលដៅទេសចរណ៍រវាងប្រទេសទាំងពីរ ការសំរួលការស្នើសុំទិដ្ឋាការតាមប្រព័ន្ធអនឡាញឱ្យបានប្រសើរបន្ថែមទៀត ការរៀបចំកម្មវិធីផ្លាស់ប្តូរទស្សនកិច្ច និងFAM Trip សម្រាប់ប្រតិបត្តិករទេសចរណ៍ ការរៀបចំព្រឹត្តិការណ៍ Roadshow និងការបង្កើតកញ្ចប់ទស្សនកិច្ចរួម ការលើកកម្ពស់ទេសចរណ៍វប្បធម៌ និងធម្មជាតិ និងការជំរុញខ្សែទស្សនកិច្ចព្រះពុទ្ធសាសនា និងធម្មយាត្រា ដែលពាក់ព័ន្ធនឹងប្រវត្តិសាស្ត្រ វប្បធម៌ និងធម្មជាតិរបស់ប្រទេសទាំងពីរ។

ភាគីទាំងពីរ ក៏បានលើកឡើងពីការបេ្តជ្ញាចិត្តជំរុញឱ្យមានការហោះហើរត្រង់ ជាពិសេសទៅកាន់តំបន់សក្តានុពលទេសចរណ៍ ដែលជាកត្តាសំខាន់ក្នុងការកើនឡើងនៃលំហូរទេសចរ។

តាមរយៈជំនួបខាងលើ ក៏បានបញ្ជាក់បន្ថែមទៀតថា កម្ពុជា និងបង់ក្លាដែស បានបង្កើតទំនាក់ទំនងការទូតជាផ្លូវការ ចាប់តាំងពីឆ្នាំ១៩៩៣ មក ដោយគិតមកដល់ឆ្នាំ២០២៦ នេះ មានរយៈពេលប្រមាណ ៣៣ ឆ្នាំ ដែលបានអភិវឌ្ឍទៅជាកិច្ចសហប្រតិបត្តិការយ៉ាងជិតស្និទ្ធលើវិស័យជាច្រើន រួមទាំងវិស័យទេសចរណ៍ផងដែរ។ទន្ទឹមនឺងនេះ ក្នុងរយៈពេល២ខែនៃដើមឆ្នាំ២០២៦ នេះ កម្ពុជា ទទួលបានភ្ញៀវទេសចរអន្តរជាតិប្រមាណជាង ៧០០,០០០ នាក់ ក្នុងនោះមានភ្ញៀវទេសចរបង់ក្លាដែសមានចំនួនជាង ៣.០០០នាក់ កើនឡើងប្រមាណជាង ៦០% ប្រៀបធៀបនឹងរយៈពេលនៃឆ្នាំមុន ដែលជាសញ្ញាវិជ្ជមានសម្រាប់ការពង្រីកទីផ្សារទេសចរណ៍រវាងប្រទេសទាំងពីរ៕ អត្ថបទ៖ហ្សាលីន

The post ២ខែ ដើមឆ្នាំ២០២៦នេះ កម្ពុជា ទទួលបានភ្ញៀវទេសចរអន្តរជាតិប្រមាណជាង ៧០ម៉ឺននាក់ appeared first on .

ប្រភពដដែលបានឱ្យថា ក្នុងរយៈពេល៣ខែ ដោយគិតចាប់​ពី​ខែ​មករា-ដល់​ដំណាច់​ខែ​មីនា ឆ្នាំ២០២៦ មាន​ភ្ញៀវ​ទេសចរអន្តរជាតិ​ ២៧០ ៩១១ នាក់​បាន​ទិញ​សំបុត្រ​ចូល​ទស្សនា​រមណីយដ្ឋាន​អង្គរ ដោយ​បានធ្លាក់​ចុះ​៣២,០២%​ ​បើ​ធៀប​នឹងត្រីមាស​ទី​១ ឆ្នាំ​២០២៥។ ចំណែក​ទឹក​ប្រាក់​ដែលបាន​ពី​ការ​លក់​សំបុត្រ​មាន​ចំនួន​ ១៣,១ លាន​ដុល្លារ ថយចុះ ៣០%។

សេចក្តី​ប្រកាស​ព័ត៌មាន​ឱ្យ​ដឹង​ទៀត​ថា ​ក្រៅ​ពី​ការ​លក់​សំបុត្រ​ចូល​​ទស្សនា​រមណីយដ្ឋាន​អង្គរ គ្រឹះស្ថាន​អង្គរ ​ក៏​រក​បាន​ចំណូលបន្ថែម​ចំនួន​​ ៤៤៨ ២៣៦ ​ដុល្លារ​ផងដែរ ​ពី​ការ​លក់​សំបុត្រ​ឱ្យ​ភ្ញៀវ​អន្តរជាតិ​​ចូល​ទស្សនា​តំបន់​ប្រាសាទ​កោះកែរ បឹងមាលា ភ្នំក្បាលស្ពាន និង​សំបុត្រ​ទូក​នៅ​កំពង់ផែ​ចុងឃ្នៀស​(ខេត្ត​សៀមរាប)​។

សូមជម្រាបថា គ្រឹះស្ថាន​អង្គរ គឺ​ជា​គ្រឹះស្ថាន​សាធារណៈ​រដ្ឋបាល​ដែល​ត្រូវ​បង្កើត​ឡើង​កាល​ពី​ឆ្នាំ​២០១៦ ដោយ​ស្ថិត​ក្រោម​អាណា​ព្យាបាល​បច្ចេក​ទេស​នៃ​ក្រសួង​ទេសចរណ៍ និង​ស្ថិត​ក្រោម​អាណា​ព្យាបាល​ហិរញ្ញ​វត្ថុ​ នៃ​ក្រសួង​សេដ្ឋកិច្ច និង​ហិរញ្ញវត្ថុ។ ការ​ប្រមូល​ចំណូល​របស់​គ្រឹះស្ថាន​អង្គរ គឺ​រួម​មាន រមណីយ​ដ្ឋាន​អង្គរ, ប្រាសាទ​កោះកែរ, និង​សំបុត្រ​ទូក​នៅ​កំពង់ផែ​ចុង​ឃ្នៀស។

ចំពោះ សម្រាប់​តម្លៃ​តម្លៃ​សំបុត្រ​ចូល​ទស្សនា​រមណីយដ្ឋាន​អង្គរ ត្រូវ​បាន​ចែក​ចេញ​ជា ៣​ប្រភេទ គឺ​សំបុត្រ​ចូល​ទស្សនា ១​ថ្ងៃ​មាន​តម្លៃ ៣៧​ដុល្លារ, រយៈ​ពេល ៣​ថ្ងៃ​តម្លៃ ៦២​ដុល្លារ និង​ ៧​ថ្ងៃ​ មាន​តម្លៃ៧២​ដុល្លារ​៕អត្ថបទ៖ហ្សាលីន

The post ៣ខែ ឆ្នាំនេះ កម្ពុជាទទួលចំណូលជាង ១៣ លានដុល្លារ ពីការលក់សំបុត្រចូលទស្សនានអង្គរ ថយចុះ ៣០% appeared first on .

របាយការណ៍គ្រឹះស្ថានអង្គរបានឱ្យដឹងថា រយៈពេល១១ខែ ឆ្នាំ២០២៥នេះ ចំនួនភ្ញៀវទេសចរទិញសំបុត្រចូលទស្សនារមណីយដ្ឋានអង្គរមានចំនួន ៨៦៧ ១៩៥នាក់ ធ្លាក់ចុះ ៣,៤៧% បើធៀបរយៈពេលដូចគ្នាកាលពីឆ្នាំ២០២៤ ។ ចំណែកឯចំណូលវិញមាន ៤០ ៤៨០ ៩៤៥ដុល្លារ ធ្លាក់ចុះ ៣,៤១% បើធៀបនឹងឆ្នាំ២០២៤។

ដោយឡែក បើគិតក្នុងខែវិច្ឆិកាវិញ ទេសចរទិញសំបុត្រមានចំនួន ១០១ ៦៧៧នាក់ ថយចុះ ១៨,០៩% និងចំណូលទទួលបាន ៤ ៩០៥ ១៦៤ដុល្លារ ថយចុះ ១៧,១៥% បើធៀបរយៈពេលដូចគ្នាកាលពីឆ្នាំ២០២៤។

គួរបញ្ជាក់ថា សម្រាប់ការលក់សំបុត្រចូលទស្សនា ប្រាសាទកោះកែ គិតចាប់ពីខែមករា រហូតដល់ខែវិច្ឆិកា ឆ្នាំ២០២៥ ទទួលបានចំណូលប្រមាណជាង២៧ម៉ឺនដុល្លារ។ ចំណែកចំណូលពីការលក់សំបុត្រទូកវិញ មានជាង១លាន ១៦ម៉ឺនដុល្លារ។

សូមបញ្ជាក់ដែរថា ក្នុងរយៈពេល១១ខែដើមឆ្នាំនេះ រាជរដ្ឋាភិបាលបានឧបត្ថម្ភថវិកាដែលប្រមូលបានពីវិស័យទេសចរណ៍នេះចូលទៅក្នុងមូលនិធិនៃមន្ទីរពេទ្យគន្ធបុប្ផាកម្ពុជាជាង១,៧លានដុល្លារ ដើម្បីជួយទ្រទ្រង់ក្នុងមូលនិធិសម្រាប់សង្គ្រោះជីវិតកុមារកម្ពុជា៕

The post កម្ពុជា ប្រមូលចំណូលបានជាង ៤០លានដុល្លារ ពីការលក់សំបុត្រចូលទស្សនារមណីដ្ឋានអង្គរ ក្នុងរយៈពេល១១ខែឆ្នាំនេះ appeared first on .

របាយការណ៍គ្រឹះស្ថានអង្គរបានឱ្យដឹងថា រយៈពេល១០ខែ ឆ្នាំ២០២៥នេះ ចំនួនភ្ញៀវទេសចរទិញសំបុត្រចូលទស្សនារមណីយដ្ឋានអង្គរមានចំនួន ៧៦៥ ៥១៨នាក់ ធ្លាក់ចុះ ១,១២% បើធៀបរយៈពេលដូចគ្នាកាលពីឆ្នាំ២០២៤។ ចំណែកឯចំណូលវិញមាន ៣៥ ៥៧៥ ៧៨១ដុល្លារ ធ្លាក់ចុះ ១,១៥% បើធៀបនឹងឆ្នាំ២០២៤។

ដោយឡែក សម្រាប់ខែតុលាវិញ ទេសចរទិញសំបុត្រមានចំនួន ៦០ ២៤៩នាក់ ថយចុះ ១៨,៩៧% និងចំណូលទទួលបាន ២ ៨៦៦ ៨៧៣ដុល្លារ ថយចុះ ១៧,២៧% បើធៀបរយៈពេលដូចគ្នាកាលពីឆ្នាំ២០២៤។

គួរបញ្ជាក់ថា សម្រាប់ការលក់សំបុត្រចូលទស្សនា ប្រាសាទកោះកែ គិតចាប់ពីខែមករា រហូតដល់ខែតុលា ឆ្នាំ២០២៥ ទទួលបានចំណូលប្រមាណជាង២៣ម៉ឺនដុល្លារ។ ចំណែកចំណូលពីការលក់សំបុត្រទូកវិញ មានជាង១លានដុល្លារ។

សូមបញ្ជាក់ដែរថា ក្នុងរយៈពេល១០ខែដើមឆ្នាំនេះ រាជរដ្ឋាភិបាលបានឧបត្ថម្ភថវិកាដែលប្រមូលបានពីវិស័យទេសចរណ៍នេះចូលទៅក្នុងមូលនិធិនៃមន្ទីរពេទ្យគន្ធបុប្ផាកម្ពុជាជាង១,៥លានដុល្លារ ដើម្បីជួយទ្រទ្រង់ក្នុងមូលនិធិសម្រាប់សង្គ្រោះជីវិតកុមារកម្ពុជា៕

The post កម្ពុជាប្រមូលចំណូលបានជាង៣៥លានដុល្លារ ពីការលក់បណ្ណចូលទស្សនារមណីយដ្ឋានអង្គរ ក្នុងរយៈពេល១០ខែមកនេះ appeared first on .

លោក ទួន រស្មី មគ្គទេសក៍ ទេសចរណ៍ប្រចាំនៅខេត្តសៀមរាបបានឱ្យដឹងថា ភ្ញៀវបរទេសបរទេសចូលមកកម្សាន្តនៅកម្ពុជាច្រើនជាទូទៅចាប់ពីចុងខែតុលា ឆ្នាំ២០២៤ រហូតដល់ខែមីនា នៅឆ្នាំ២០២៥ ពិសេសពីខែធ្នូឆ្នាំ២០២៤ រហូតដល់ខែមករា ឆ្នាំ២០២៥ សំបូរភ្ញៀវបរទេសច្រើនបំផុតមកលេងកម្ពុជាក៏ដូចជានៅតាមបណ្តាប្រទេសផ្សេងទៀតនៅតំបន់អាស៊ី ដោយសារនៅតាមប្រទេសពួកគាត់មានការធ្លាក់ទឹកកក។

បើតាមមគ្គុទេសក៍ ទេសចរណ៍ខាងលើ, ចាប់ពីខែតុលា រហូតមកដល់ចុងខែធ្នូ ឆ្នាំ២០២៤នេះ អាជ្ញាធរជាតិអប្សារាបានបង្ហាញថា ភ្ញៀវបរទេសដែលបានមកទិញសំបុត្រចូលទស្សនាអង្គរច្រើន មានមកពីសហរដ្ឋអាមេរិក, អង់គ្លេស,បារាំង និងភ្ញៀវមកពីប្រទេសកូរ៉េខាងត្បូង។

លោក ទួន រស្មី បានឱ្យដឹងថា ការកើនឡើងនៃចំនួនភ្ញៀវទេសចររបស់អាមេរិកកើនឡើងនាំមុខគេក្នុងចំណោមភ្ញៀវទេសផ្សេងទៀត អាចមកពីទំនោរបស់ភ្ញៀវទេសចរ ឬអាចមកពីភ្ញៀវមកពីសហរដ្ឋអាមេរិក បានទទួលនូវព័ត៌មានច្រើនអំពីប្រាសាទអង្គរវត្ត ពួកគាត់ចង់ឃើញទំនៀបទម្លាប់ប្រពៃណីខ្មែរ, ចង់ទស្សនាទេសចរណ៍វប្បធម៌ ជាពិសេសចង់ឃើញសកម្មភាពព្រះអាទិត្យរះចំកំពូលប្រាសាទអង្គរវត្ត។

លោក ទួន រស្មី គូសបញ្ជាក់ថា “ព្រឹត្តិការណ៍ព្រះអាទិត្យរះចំកំពូលប្រាសាទអង្គរវត្តកើតមានថ្ងៃទី២១ខែមិនា និងថ្ងៃទី២១ខែកញ្ញា ជារៀងរាល់ឆ្នាំ ហើយភ្ញៀវទេសចរបរទេសដែលបានចូលមកទស្សនាកម្ពុជា ពួកគាត់ចង់ឃើញព្រឹត្តិការណ៍នេះច្រើនជាងគេ ព្រោះវាជាអភូតហេតុអស្ចារ្យមួយ។ ជាក់ស្តែងនៅក្នុងខែវិច្ចិកានិងខែធ្នូឆ្នាំ២០២៤នេះ ទោះបីមិនមានព្រឹត្តិការណ៍ ព្រះអាទិត្យរះចំកំពូលប្រាសាទអង្គរវត្តក៏ដោយ ក៏ភ្ញៀវបរទេសចង់ទៅមើលដែរ ខ្ញុំបាននាំភ្ញៀវបរទេសទៅមើលថ្ងៃរះចំកំពូលប្រាសាទអង្គរវត្តបានជាង២០ថ្ងៃក្នុងមួយខែ ពោលច្រើនជាងខែមុនៗ” ៕ SL

The post ភ្ញៀវទេសចរបរទេសចង់មើលព្រះអាទិត្យរះចំកណ្តាលកំពូលប្រាសាទអង្គរវត្តច្រើនគេនៅខែវិច្ឆិកា-ធ្នូ ឆ្នាំ២០២៤ appeared first on .

របាយការណ៍គ្រឹះស្ថានអង្គរ បានឱ្យដឹងកាលពីពេលថ្មីៗនេះថា ក្នុងខែកក្កដា ឆ្នាំ២០២៤ ចំនួនភ្ញៀវទេសចរបរទេសដែលបានទិញបណ្ណចូលទស្សនារមណីយដ្ឋានអង្គរ ប្រាសាទកោះកែរ និងកំពង់ផែចុងឃ្នៀស មានប្រមាណ៦២ ៤២៥នាក់ គិតជាចំណូលប្រមាណ ២ ៨១៩ ៧៣៥ដុល្លារអាមេរិក កើនឡើងប្រមាណ១៥,៥៧% បើធៀបនៅឆ្នាំ២០២៣។

របាយការណ៍ខាងលើបានបន្ថែមថា បើគិតក្នុងរយៈពេល៧ខែ នៃឆ្នាំ២០២៤នេះ ភ្ញៀវទេសចរបរទេសដែលបានទិញបណ្ណចូលទស្សនារមណីយដ្ឋានអង្គរ ប្រាសាទកោះកែរ កំពង់ផែចុងឃ្នៀស មានប្រមាណ ៥៨៤ ៣៧៥នាក់ និងទទួលបានចំណូលសរុប ២៧ ១៧៧ ៤៣០ដុល្លារ។

បើតាមគ្រឹះស្ថានអង្គរបានបញ្ជាក់ថា ចំនួនភ្ញៀវទេសចរនៅរយៈពេល៧ខែ ឆ្នាំ២០២៤នេះ មានការកើនឡើងប្រមាណ៣៣.០០% ខណៈចំណូលកើនឡើងប្រមាណ ៣៣.៧៦% បើធៀបនឹងរយៈពេលដូចគ្នា នៅឆ្នាំ២០២៣។

សូមជម្រាបជូនថា កាលពីឆ្នាំ២០២៣ ភ្ញៀវទេសចរបរទេសប្រមាជាង៧៩ម៉ឺននាក់ បានទិញបណ្ណចូលទស្សនារមណីយដ្ឋានអង្គរ ទទួលបានចំណូល៣៧ ១៩៨ ៩៨៨ ដុល្លារ កើនឡើងចំនួន២២២.៦៨%៕

The post ទេសចរបរទេសជាង៥៨ម៉ឺននាក់ បានទិញបណ្ណទស្សនារមណីយដ្ឋានអង្គរក្នុងរយៈពេល៧ខែមកនេះ appeared first on .

គ្រឹះស្ថានអង្គរបានឱ្យដឹងថា ក្នុងរយៈពល៦ខែ ចាប់ពីខែមករា ដល់ខែខែមិថុនា ឆ្នាំ២០២៤ ភ្ញៀវទេសចរទិញសំបុត្រចូលទស្សនាអង្គរមាន៥២១ ៩៥០នាក់ កើនឡើងជាង៣៥ភាគរយ បើធៀបរយៈពេលដូចគ្នាឆ្នាំ២០២៣ និងទទួលបានប្រាក់ចំណូល ២៤ ៣៥៧,៦៩៥ ម៉ឺនដុល្លារ កើនឡើងជិត៣៦ភាគរយ បើធៀបនឹងឆ្នាំ២០២៣។

គ្រឹះស្ថានអង្គរបានបន្តថា សម្រាប់ខែមិថុនាឆ្នាំ២០២៤ ភ្ញៀវទេសចរអន្ដរជាតិមានចំនួន៤៩,៦៩២ នាក់ បានទិញបណ្ណចូលទស្សនាអង្គរ បើធៀបនឹងឆ្នាំ២០២៣កន្លងទៅ មានការកើនឡើងជាង២០រយភាគរយ ដែលគិតជាទឹកប្រាក់២ ១៥០,៨០៤ដុល្លា កើនឡើងជាង១៨ភាគរយ។

គួរបញ្ជាក់ដែរថា ចំណូល ​និងចំនួនភ្ញៀវទេសចរខាងលើគឺជាចំនួន ចំណូលភ្ញៀវទេសចរបរទេសដែលបានពីការលក់បណ្ណចូលទស្សនារមណីយដ្ឋានអង្គរ ប្រាសាទកោះកែរ និងកំពង់់ផែចុងឃ្លៀស។

សូមជម្រាបផងដែរថា ឆ្នាំ២០២៣ ភ្ញៀវទេសចរបរទេស ទិញបណ្ណចូលទស្សនារមណីយដ្ឋានអង្គរ មានចំនួនជាង៧៩ម៉ឺននាក់ ទទួលបានចំណូល៣៧ ១៩៨ ៩៨៨ ដុល្លារអាមេរិក កើនឡើងចំនួន២២២.៦៨ភាគរយ៕

The post ចំនួនភ្ញៀវទេសចរបរទេសទិញបណ្ណចូលទស្សនាអង្គរ រយៈពេល៦ខែនេះ មានការកើនឡើងជាង៣៥ភាគរយ appeared first on .

ក្នុងនោះ ប្រទេសចិនគឺជាប្រភពភ្ញៀវទេសចរដ៏ច្រើនបំផុតរបស់ប្រទេសថៃ ជាមួយនឹងការមកដល់ចំនួន ១ ៧៥៦ ៣៣៧នាក់ តាមពីក្រោយដោយម៉ាឡេស៊ីដែលមានចំនួន ១ ១៦៨ ៥៧៤នាក់ ចំណែកឯរុស្ស៊ីឈរនៅលេខរៀងទីបីដែលមាន ៦២២ ៨១៣នាក់ ខណៈដែលកូរ៉េខាងត្បូងមានត្រឹម ៥៥៨ ៨៧៣នាក់, ឥណ្ឌាក៏មាន ៤៧២ ៩៥២នាក់, ឡាវមានចំនួន ៣០៨ ០៩៧នាក់, ចក្រភពអង់គ្លេសមាន ២៩០ ៤៨៦នាក់, សហរដ្ឋអាមេរិកមានចំនួន ២៨០ ២៤៨នាក់ ខណៈដែលភ្ញៀវទេសចរជប៉ុនក៏មានចំនួន ២៧១ ៤២៧នាក់ផងដែរ។

គួរជម្រាបបន្ថែមថា កត្តាចម្បងដែលជំរុញឲ្យមានការកើនឡើងនៃភ្ញៀវទេសចរបរទេសបែបនេះ បើតាមក្រសួងបានលើកឡើងថា គឺដោយសារតែមានកិច្ចព្រមព្រៀងលើកលែងទិដ្ឋាការចំពោះពលរដ្ឋថៃ​ និងពលរដ្ឋចិន ហើយក៏អាចដោយសារតែមានការបង្កើនជើងហោះហើរមកកាន់ប្រទេសថៃច្រើនជាងមុន របស់ក្រុមហ៊ុនអាកាសចរណ៍មួយចំនួនជាដើម៕

The post បីខែដំបូងឆ្នាំថ្មី ថៃទាញចំណូលពីភ្ញៀវទេចរបរទេសជាង ១២ពាន់លានដុល្លារ appeared first on .

ឧកញ៉ា ឆាយ ស៊ីវលីន ប្រធានសមាគមទេសចរណ៍កម្ពុជាមើលឃើញថា សម្រាប់វិស័យទេសចរណ៍កម្ពុជានៅឆ្នាំ២០២៤គឺយើងរំពឹងថានឹងទទួលបានអត្ថប្រយោជន៍តាមរយៈវត្តមាននាវាទេសចរ Westerdam ដែលបានចូលមកកម្ពុជាកន្លងទៅថ្មីៗនេះ  ហើយមានសារព័ត៌មានជាតិនិងអន្តរជាតិជាច្រើនបានផ្សព្វផ្សាយពីនាវាWesterdam ។

បើតាមប្រធានសមាគមទេសចរណ៍កម្ពុជារំពឹងថា តាមរយៈការផ្សព្វផ្សាយទំាងនៅលើបណ្តាញទំនាក់ទំនិងសង្គម និងស្ថាប័នជាតិអន្តរជាតិពីវត្តមាននាវា Westerdam ក៏ដូចជាផ្សព្វផ្សាយពីប្រទេសកម្ពុជានៅពេលកន្លងមកនេះ និងធ្វើឱ្យប្រទេសកម្ពុជាទទួលបានការទាក់ទាញភ្ញៀវបន្ថែមទៀត ហើយភ្ញៀវទេសចរបរទេស និងជ្រើសរើសកម្ពុជា ជាគោលដៅទេសចរណ៍របស់ពួកគេ ដោយគិតថាកម្ពុជាជាប្រទេសដែលស្អាត ហើយមានការទទួលរាក់ទាក់ទៅដល់ភ្ញៀវទេសចរគ្រប់ជាតិសាស្ត្រ។

លោក ធឿន វុឌ្ឍី មគ្គុទេសក៍ទេសចរណ៍ប្រចំាខេត្តសៀមរាប បានឱ្យដឹងថា«ផ្អែកទៅលើនាវា Westerdam ខ្ញុំមានសេក្តីរំពឹងថា ពួកគាត់នឹងនំាផ្សព្វផ្សាយពីកម្ពុជាពីមនុស្សម្នាក់ទៅមនុស្សម្នាក់ ដែលផ្តល់នូវផលចំណេញសម្រាប់កម្ពុជា ហើយគាត់និងព្យាយាមមកលេងនៅកម្ពុជាបានកាន់តែច្រើនជាឆ្នាំ២០២៣។ដូចនេះ សកម្មភាពរបស់នាវា Westerdam និងជំរុញភ្ញៀវទេសចរបរទេសមកកម្ពុជាកាន់តែច្រើន»។

អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា មើលឃើញនាវាWesterdam ចូលមកកម្ពុជាកាលពីចុងឆ្នាំ២០២៣កន្លងមកនេះគឺ ជាការនាំសារមួយដ៏ល្អសម្រាប់ទេសចរណ៍កម្ពុជា បន្ទាប់ពីនាវា Westerdam ទទួលបានការអនុញ្ញាតពីរាជរដ្ឋាភិបាលចូលចតនៅកម្ពុជា ស្របពេលពិភពលោកប្រឈមនិងជំងឺកូវីដ១៩។លើសពីនេះព្រឹត្តិការណ៍របស់នាវា Westerdam ចូលមកកាន់កម្ពុជាថ្មីៗនេះវាជាសញ្ញាមួយក្នុងការទាក់ទាញភ្ញៀវទេសចរបរទេសផងដែរឱ្យចូលមកទស្សនាកម្ពុជា ស្របពេលដែលព្រលានយន្តហោះអន្តរជាតិសៀមរាប អង្គរបានដាក់ឱ្យដំណើរការ។

អ្នកឧកញ៉ា លឹម ហេង មានប្រសាសន៍ថា «សម្រាប់វិស័យទេសចរណ៍កម្ពុជា អាចទាក់ទាញភ្ញៀវទេសចរបានពីប្រទេសជាមិត្ត ពិសេសភ្ញៀវទេសចរជនជាតិចិន តាមរយៈសម្តេចធិបតី ហ៊ុន ម៉ាណែត ទៅទស្សនៈកិច្ចនទៅទីក្រុងប៉េកំាង  ដោយថ្នាក់ដឹកនាំនៃប្រទេសទំាងពីរបានតម្លើងទំនាក់ទំនងពីមិត្តដែកថែប ទៅជាមិត្តត្បូងពេជ្រ។លើសពីនេះនៅមានកិច្ចព្រមព្រៀងមួយផ្សេងទៀត ទាក់ទងនិងការផ្លាស់ប្តូររវាងប្រជាជននិងប្រជាជន។ដូច្នេះខ្ញុំជឿថានៅឆ្នាំ២០២៤នេះនិងចាប់ផ្តើមអនុវត្ត បន្ទាប់ពីក្រោយចូលឆ្នំាចិនខាងមុខនេះនឹងមានភ្ញៀវទេសចរជនជាតិចិន និងអ្នកវិនិយោគចូលមកកម្ពុជាច្រើន»៕ តាកែវ

The post ឆ្នាំ២០២៤កម្ពុជារំពឹងថាទទួលបានការចាប់អារម្មណ៍ពីភ្ញៀវទេសចរបរទេសកើនឡើងច្រើន តាមរយៈWesterdam appeared first on .

ក្រសួងទេសចរណ៍គូសបញ្ជាក់ថា គោលដៅទេសចរណ៍សំខាន់ៗរយៈពេល៣ថ្ងៃនេះមាន៖១)ត្បូងឃ្មុំ មាន៤៤០.៣០០ នាក់,២)បាត់ដំបងចំនួន២១១.៣២៩ នាក់,៣)កំពង់ឆ្នាំងចំនួន ១៦៨.០៦១ នាក់,៤) ព្រះសីហនុមាន១៥៧.០៤៦ នាក់និង៥)ខេត្តសៀមរាបមានចំនួន១២៥.៤៤៩ នាក់។

ក្រសួងទេសចរណ៍ធ្វើការកត់សម្គាល់និងវាយតម្លៃថា (១)ស្ថិតិទេសចរផ្ទៃក្នុងសរុបប្រមាណ ១,៩២ លាននាក់នេះ គឺរដ្ឋបាលរាជធានីខេត្តបានរាប់បញ្ចូលចំនួន ទេសចរជាតិ និងចំនួនបងប្អូនប្រជាពលរដ្ឋដែលបានធ្វើដំណើរកម្សាន្តនៅតាមរមណីយដ្ឋាន និងគោលដៅទេសចរណ៍ទូទាំងប្រទេស ព្រមជាមួយបងប្អូនប្រជាពលរដ្ឋដែលលេងកម្សាន្តនៅតាមភូមិស្រុក និងតាមទីតាំងរៀបចំកម្មវិធីនានា។ (២)ជាមួយគ្នានេះ តាមគោលដៅទេសចរណ៍ខេត្តមួយចំនួនបានរៀបចំព្រឹត្តិការណ៍ផ្សេងៗ ដើម្បីទាក់ទាញទេសចរណ៍ឲ្យមកកម្សាន្តខេត្តរបស់ខ្លួន ក្នុងនោះខេត្តត្បូងឃ្មុំបានរៀបចំព្រឹត្តិការណ៍បុណ្យអុំទូកបណ្តែតប្រទីប ភូមិមួយផលិតផលមួយ ការប្រគុំតន្ដ្រីខ្នាតយក្ស និងការបាញ់កាំជ្រួច និងខេត្តកំពង់ឆ្នាំង មានរៀបចំព្រឹត្តិការណ៍ទេសចរណ៍ជំនឿព្រះពុទ្ធសាសនាដែលមានការចូលរួមពីទេសចរបរទេសផងដែរ និងការរៀបចំកម្មវិធីដ៏ទៃទៀតនៅគ្រប់រាជធានីខេត្ត ពិសេសនៅតាមទីប្រជុំជនទីរួមខេត្ត ទីរួមស្រុក តំបន់គោលដៅទេសចរណ៍សំខាន់ៗ វត្តអារាម និងនៅតាមភូមិស្រុកនានា គឺជាកត្តាដែលបានទាក់ទាញទេសចរ និងបងប្អូនប្រជាពលរដ្ឋដើរកម្សាន្តយ៉ាងច្រើនកុះករ និង(៣)សភាពការណ៍សន្តិសុខ សណ្តាប់ធា្នប់ សុវត្ថិភាព ការគ្រប់គ្រងចរន្តភ្ញៀវ និងការគ្រប់គ្រងគុណភាព និងតម្លៃសេវាទេសចរណ៍នានា មានភាពល្អប្រសើរ កម្លាំងមានសមត្ថកិច្ចទាំងនៅថ្នាក់ជាតិ និងគណៈបញ្ជាការឯកភាពរាជធានីខេត្ត បានអនុវត្តការងារប្រកបដោយការទទួលខុសត្រូវខ្ពស់៕ អត្ថបទ៖ សារេត

The post ៣ថ្ងៃចុងក្រោយក្នុងរដូវភ្ជុំបិណ្ឌ ទេសចរក្នុងស្រុកចេញដើរកម្សាន្តមានជិត២លាននាក់ និងទេសចរបរទេសជិត៣ម៉ឺននាក់ appeared first on .